ᓯᑎᐱᕆ 2020                                                      
ᐃᓱᓕᕝᕕᒃᓴᐅᑖᑕ ᐃᖅᑲᐃᑎᑦᑎᔾᔪᑦ: ᐃᖅᑲᓇᐃᔭᖅᑎᖁᑎᓕᖕᓄᑦ ᖃᔨᐃᓴᕐᓂᕐᒧᑦ ᐊᑭᓕᐅᑎᑦ 
ᐱᔭᐅᔪᒃᓴᖏᑕ ᐅᓪᓗᖓ: ᐅᑐᐱᕆ 1, 2020

ᐃᖅᑲᐃᑎᑦᑎᔾᔪᑦ: ᐅᓇ ᐊᐃᑉᐸᖓ ᐊᒻᒪ ᑭᖑᓪᓕᖅᐹᖑᓪᓗᓂ ᐃᓱᖃᕐᕕᒃ ᐅᖓᕙᕆᐊᖅᑎᑕᐅᓯᒪᔪᓄᑦ ᐃᖅᑲᓇᐃᔭᖅᑎᑦᑎᔨᓄᑦ ᖃᐅᔨᓴᕈᑎᖏᓐᓄᑦ ᐊᑭᓕᕐᓯᔭᕆᐊᖃᕐᓂᖏᓐᓄᑦ ᖃᐅᒃᐸᐅᖕᒪᑦ, ᐅᑐᐱᕆ 1, 2020.

ᐅᓇ ᐅᖓᕙᕆᐊᖅᑎᑕᐅᓂᑯᕕᓂᖅ ᐃᖅᑲᓇᐃᔭᖅᑎᑦᑎᔨᓄᑦ ᐊᑭᓕᕐᓱᒋᐊᖃᓚᐅᕐᓂᖓ ᐱᕕᖃᕈᑎᐅᓚᐅᕐᑐᖅ ᒪᕐᕈᐃᕐᓗᑎᒃ ᐊᔾᔨᒌᓂᒃ ᐊᑭᓖᓂᐊᕐᓗᑎᒃ ᐋᒡᒌᓯᒥᑦ ᐊᒻᒪ ᐅᑐᐱᕆ 2020-ᒥᑦ ᕿᑐᕐᖏᐅᕈᑎᓂᒃ ᐊᑭᓖᒃᑲᓐᓂᕆᐊᖃᔾᔮᙱᒻᒪᑕ. ᐅᖃᖃᑎᖃᕐᓂᕐᒧᑦ ᑭᒡᒐᖅᑐᐃᔨᐅᔪᒧᑦ ᐃᖅᑲᓇᐃᔭᖅᑐᖁᑎᓕᖕᓄᑦ ᐱᔨᑦᑎᕋᕐᓂᕐᒧᑦ, ᖃᕋᓴᐅᔭᑎᒍᑦ ᑎᑎᕋᕐᓗᑎᑦ employer@wscc.nt.ca ᓄᓇᑦᓯᐊᕐᒧᑦ, employernu@wscc.nu.ca ᓄᓇᕗᒻᒧᑦ, ᐅᕝᕙᓘᓐᓃᑦ ᐅᖄᓚᓗᑎᑦ 1 (800) 661-0792−ᒧᑦ.


ᐃᓱᓕᒡᕕᒃᓴᐅᑖ: ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐊᑐᖅᑕᐅᓂᐊᕋᓱᒋᔭᐅᔪᓄᑦ ᐋᕿᒋᐊᖅᓯᓂᖅ
ᑐᓂᓯᒪᔭᕆᐊᖃᖅᑐᖅ ᐅᕙᓂ ᐅᓪᓗᕐᒥ ᑐᖔᓂᓪᓘᓐᓃᑦ ᓄᕕᐱᕆ 30, 2020

ᓇᖕᒥᓂᖅ ᐱᓕᕆᐊᕆᔭᕐᓄᑦ ᐃᖅᑲᓇᐃᔭᖅᑎᒋᔭᑎᑦ ᐊᓯᙳᕐᓯᒪᑲᑕᑉᐸᑕ 2020-ᒥ ᐱᔾᔪᑎᒋᓗᒍ ᓄᕙᒡᔪᐊᕐᓇᖅ-19 (COVID-19), ᑕᐃᒪᓕ ᐃᖅᑲᓇᐃᔭᖅᑎᖕᓄᑦ ᐊᑭᓕᕐᓱᐃᒍᑎᒋᕙᒃᑕᑎᑦ ᐋᖅᑭᒋᐊᕐᓵᓕᒍᕕᒋᑦ ᐊᔪᕐᓇᙱᑉᐸᑦ ᐱᐅᓂᕐᓴᐅᔪᖅ. ᐅᓇ ᐊᑐᖅᑕᐃᓕᒪᓂᐊᕐᓗᒍ ᑐᖓᐅᑦᑎᓯᒪᓗᐊᒧᑦ ᐊᑭᓕᒃᑲᓐᓂᕆᐊᓕᒃ, ᐅᓂᒃᑲᐅᓯᐅᕆᐊᖃᖅᐳᑎᑦ ᐊᓯᙳᕐᓯᒪᔪᓂᒃ (25% ᐅᖓᑖᓂᓪᓘᓐᓃᑦ) ᐃᖅᑲᓇᐃᔭᖅᑎᓄᑦ ᐊᑭᓕᕐᓱᐃᒍᑎᒋᕙᒃᑕᒃᑯᑦ ᐅᓇ ᐊᓂᒍᓚᐅᕐᑎᓐᓇᒍ ᓄᕕᐱᕆ 30, 2020. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᖃᓂᒃ ᐊᐅᓪᓚᖅᑎᑦᑎᓯᒪᓕᕐᒪᑕ ᑕᒪᐃᓐᓄᑦ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥᑦ ᐃᖅᑲᐃᔭᖅᑎᑦᑎᔨᐅᔪᓄᑦ ᐃᖅᑲᐃᑎᑦᑎᒍᑎᓂᒃ ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐋᕿᒋᐊᕐᓯᓂᕐᒨᒐᔪᓂᒃ.

ᐊᓯᙳᖅᑐᓂᒃ ᓇᓗᓇᐃᕐᓂᐊᕐᓗᓂ ᐅᓇ ᓇᓕᕐᓗᒍ  Report Payroll (ᐊᑭᓕᐅᑎᓄᑦ ᐅᓂᒃᑳᑦ) ᐅᕙᓂ WSCC Connect.

ᐃᑲᔫᑎᒃᓴᖃᑦᑎᐊᖅᑐᖅ ᐅᕙᓂ WSCC Connect. ᐊᐱᖅᑯᑎᒃᓴᖃᕐᓂᕈᕕᑦ ᐊᓯᔾᔩᓂᕐᒥᑦ ᐃᖅᑲᓇᐃᔭᖅᑎᖁᑎᒃᐱᑦ ᐊᑭᓕᖅᑕᐅᔾᔪᑎᖏᓐᓂ, ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑎᒃᑯᑦ ᐅᖄᓚᕕᒋᓗᒋᑦ ᓄᓇᑦᓯᐊᕐᒥᑦ ᐅᕙᓂ 1-800-661-0792 ᐊᒻᒪ ᓄᓇᕗᒻᒥ ᐅᕙᓂ 1-877-404-4407.


ᑲᒪᔨᐅᑲᐃᓐᓇᖅᑐᑦ 
ᑲᒪᒋᔭᒃᓴᖏᑦ, ᐊᔪᕈᓐᓃᕐᓴᕐᓂᖅ ᐊᒻᒪᓗ ᐱᓯᒪᔭᕆᐊᖃᖅᑕᖏᑦ

ᐱᒻᒪᕆᐅᕗᖅ ᑐᑭᓯᓯᒪᓗᓂ ᐃᖅᑲᓇᐃᖅᑎ ᑎᒃᑯᐊᖅᑕᐅᔭᕌᖓᑦ ᐅᕝᕙᓘᓐᓃᑦ ᐃᓇᖏᕐᓯᓯᒪᓚᐅᑲᒃᑳᖓᑦ ᑲᒪᔨᒥᒃ ᑕᐃᒪᓕ ᑲᒪᔨᐅᑉ ᑲᒪᒋᔭᒃᓴᓕᒫᖏᓐᓂᒃ ᑲᒪᒋᔭᖃᖃᑦᑕᖅᑐᖅ ᐊᒻᒪᓗ ᑭᐅᔨᐅᕙᒃᖢᓂ ᐃᖅᑲᓇᐃᔮᖃᓚᐅᖅᑐᑎᑐᑦ. ᑲᒪᔨᓚᐅᑲᖕᓂᐊᖅᑐᑦ ᖃᐅᔨᒪᔭᕆᐊᖃᖅᑐᑦ ᐱᔭᒃᓴᓂᒃ, ᑲᒪᒋᔭᒃᓴᓂᒃ ᐊᒻᒪᓗ ᑲᒪᔨᐅᔪᒧᑦ ᐊᑐᖅᑕᐅᔭᕆᐊᓕᖕᓂ ᑲᒪᔨᐅᓂᒃ ᑯᑦ ᐅᕘᓇ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ ᐱᕐᕈᓗᐊᕿᑦᑕᐃᓕᓂᕐᒧᑦ ᐱᖁᔭᓂᒃ. ᐃᖅᑲᓇᐃᔭᖅᑎᓄᑦ ᑲᒪᒋᔭᐅᔪᒃᓴᑦ ᐊᒻᒪ ᑲᒪᔨᓄᑦ ᓇᓗᓇᐃᖅᑕᐅᓯᒪᔪᑦ ᐃᓚᖏᓐᓂᒃ ᐅᕙᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᑦ ( ᓄᓇᑦᓯᐊᖅᒧᑦ ᐊᒻᒪ ᓄᓇᕗᒧᑦ), ᐊᕕᒃᓯᒪᓂᖓ 3 - ᐱᓕᕆᐊᕆᔭᐅᔭᕆᐊᓕᖕᓄᑦ ᐃᓚᖓ 16-18 (ᒪᒃᐱᒐᓂᒃ 16-18), ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᑦ ( ᓄᓇᑦᓯᐊᖅ ᐊᒻᒪ  ᓄᓇᕗᑦ) ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ, ᐃᓚᖓ 4-5 (ᒪᒃᐱᒐᓂᒃ 5-6).

ᐃᖅᑲᓇᐃᔭᖅᑎᖁᑎᓕᐅᑉ ᐱᔭᒃᓴᕆᔭᖏᑦ

ᐃᖅᑲᓇᐃᔭᖅᑎᑦᑎᔨᐅᔪᑦ ᑲᒪᒋᔭᖃᖅᑐᑦ ᒪᐅᓇ ᐅᓗᕆᐊᓇᙱᑦᑐᒥ ᐱᓕᕆᕝᕕᖃᖅᑎᑦᑎᓂᕐᒥᒃ ᐊᒻᒪᓗ ᐊᔪᕈᓐᓃᕐᓴᕈᑎᒃᓴᓂᒃ ᐊᒻᒪᓗ ᖃᓄᐃᑦᑕᐃᓕᓂᕐᒧᑦ ᖃᓄᐃᓕᐅᕈᑎᒃᓴᓂᒃ ᐃᖅᑲᓇᐃᔭᖅᑎᖏᓐᓄᑦ. ᑭᓯᐊᓂᓕ, ᑖᒃᑯᓄᖔᖓᓪᓚᕆᒃᑐᓂᒃ ᐱᓕᕆᐊᒃᓴᖃᖅᑐᑦ ᑲᒪᒋᔭᖃᕐᓂᕐᒥᒃ ᐃᖅᑲᓇᐃᔭᖅᑎᓂᒃ ᐊᒻᒪᓗ ᐃᖅᑲᓇᐃᔭᕐᕕᖕᓂᒃ, ᐊᒻᒪᓗ ᐃᓚᖃᖅᖢᓂ ᑲᒪᔭᐅᕙᖕᓂᕐᒥ ᑲᒪᔨᐅᑲᐃᓐᓇᖅᐸᒃᑐᑦ ᐊᔪᕈᓐᓃᕐᓴᕐᓯᒪᓗᑎᒃ ᐊᒻᒪ ᐃᑲᔫᑎᒃᓴᖃᕐᓗᑎ ᐱᓕᕆᐊᖏᓐᓂᒃ ᐱᓕᕆᐊᖃᑦᑎᐊᕈᓐᓇᕐᓂᐊᕐᒪᑕ ᐊᓂᒍᐃᑦᑎᐊᕐᓗᑎᒃ ᐊᒻᒪ ᐅᓗᕆᐊᓇᙱᑦᑐᒃᑯᑦ.
 
ᐃᖅᑲᓇᐃᔭᖅᑎᑦᑎᔨᐅᔪᑦ ᐃᒪᐃᑦᑕᕆᐊᖃᖅᑐᑦ:
  • ᑲᒪᔨᐅᔪᓂᒃ ᖃᐅᔨᒪᑎᑦᑎᓗᑎᒃ ᐱᕐᕈᓗᐊᕿᑦᑕᐃᓕᓂᕐᒧᑦ ᐱᖁᔭᓂᒃ.
  • ᐊᔪᕈᓐᓃᕐᓴᖅᑎᑦᑎᓯᒪᓗᑎᒃ ᑲᒪᔨᐅᖃᑕᐅᖃᑦᑕᖅᑐᓂᒃ ᐱᓕᕆᐊᒃᓴᖏᓐᓂᒃ ᐱᓕᕆᐊᖃᕌᖓᑕ ᓇᓗᓇᐃᖅᑕᐅᓯᒪᔪᓂᒃ ᐊᑖᒍᑦ.
  • ᐃᒪᐃᑎᑦᑎᓗᑎᒃ ᐋᖅᑭᒃᓯᒪᕙᒌᖅᑐᒥᓐ ᐱᕐᕈᓗᐊᕿᑦᑕᐃᓕᓂᕐᒧᑦ ᖃᓄᐃᓕᐅᒐᒃᓴᓂᒃ ᐊᒻᒪᓗ ᐊᑐᓕᖅᑎᑕᐅᕙᒡᓗᑎᒃ ᑲᒪᔨᐅᔪᓄᑦ ᐊᒻᒪᓗ ᑲᒪᔨᐅᑲᐃᓐᓇᖃᑦᑕᖅᑐᓄᑦ.
  • ᐃᒪᐃᑎᑦᑎᓗᑎᒃ ᐅᑯᑎᒎᓇᖅ ᓇᖕᒥᓂᖃᖅᑎᐅᔪᑎᒍᑦ/ᐃᖅᑲᓇᐃᔭᖅᑎᑦᑎᔨᒃᑯᑦ, ᑲᒪᔨᐅᔪᓂᒃ ᐊᒻᒪᓗ ᑭᓇᑐᐃᓐᓇᕐᒥᒃ ᑲᒪᔨᐅᑲᐃᓐᓇᖅᑐᒥᒃ ᒪᑯᑎᒎᓇᖅ ᐃᖅᑲᓇᐃᔭᖅᑎᐅᑉ ᐱᔪᓐᓇᐅᑎᖏᓐᓂᒃ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪ ᐅᓗᕆᐊᓇᙱᑦᑐᒥ ᐃᖅᑲᓇᐃᔭᕐᕕᖃᕆᐊᖃᕐᓂᖓ ᓴᐳᔾᔭᐅᓯᒪᓗᑎᒃ. 
ᑲᒪᔨᒧᑦ ᐊᒻᒪ ᑲᒪᔨᐅᑲᐃᓐᓇᖅᑐᒧᓐ ᐱᓕᕆᐊᒃᓴᑦ

ᑲᒪᔨᐅᔪᑦ ᐱᓕᕆᐊᒃᓴᖃᖅᑐᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᓂᕐᒥᒃ ᐊᒻᒪ ᐅᓗᕆᐊᓇᙱᑦᑐᒦᓐᓂᕐᒥᒃ. ᐱᓕᕆᐊᖃᖃᑕᐅᔭᕆᐊᖃᖅᑐᑦ ᐊᑐᓕᖅᑎᑦᑎᓂᒃᑯᑦ, ᖃᐅᔨᓴᖅᐸᓪᓕᐊᕙᖕᓂᒃᑯᑦ ᐊᒻᒪᓗ ᐅᓂᒃᑳᓕᐅᖃᑦᑕᕐᓂᕐᒥᒃ ᐅᓗᕆᐊᓇᙱᑦᑐᒦᓐᓂᖓᓂᒃ ᐃᖅᑲᓇᐃᔭᕐᕕᐅᔪᖅ. ᐅᑯᐊ ᑲᒪᒋᔭᒃᓴᐅᔪᑦ ᐊᑐᖅᑕᐅᖃᑦᑕᕆᐊᖃᖅᑐᑦ ᑭᓇᑐᐃᓐᓇᕐᒧᑦ ᑲᒪᔨᐅᓂᕐᒥᒃ ᐱᓕᕆᐊᖃᖅᑐᒥᓐ, ᐊᒻᒪᓗ ᐱᒻᒪᕆᐅᓪᓗᓂ ᖃᐅᔨᒪᒋᐊᖃᕐᓂᖏᓐᓂᒃ ᐊᒻᒪ ᑐᑭᓯᓯᒪᔭᕆᐊᖃᕐᓂᖏᓐᓂᒃ ᒪᓕᒐᖅᑎᒍᑦ ᐊᑐᕆᐊᖃᖅᑕᖏᓐᓂᒃ.

ᑲᒪᔨᐅᑉ ᐱᓕᕆᐊᒃᓴᖏᑦ ᐃᓚᖃᖅᑐᑦ, ᐊᒻᒪ ᑖᒃᑯᓂᖓᑐᐊᖑᓇᓂ ᐅᑯᓂᖓ:
  • ᐱᓕᕆᐊᖃᕐᐸᒡᓗᓂ ᐅᓗᕆᐊᓇᕋᔭᖅᑐᓂᒃ ᖃᐅᔨᓴᖃᑦᑕᕐᓂᕐᒥᒃ ᐃᖅᑲᓇᐃᔭᓕᓚᐅᕐᑎᓐᓇᒋᑦ, ᐊᒻᒪᓗ ᐅᓗᕆᐊᓇᑐᐃᓐᓇᕆᐊᓕᖕᓂ ᐊᓯᙳᖅᑎᑦᑎᕙᒡᓗᑎᒃ ᐃᖅᑲᓇᐃᔭᖅᑏᑦ ᐅᓗᕆᐊᓇᙱᑦᑐᒦᖁᓪᓗᒋᑦ. ᑐᓴᖅᑎᑦᑎᑲᐅᑎᖃᖃᑦᑕᕆᐊᖃᖅᑐᑦ ᐅᓗᕆᐊᓇᖅᑐᒥ ᐱᓕᕆᓂᖅᑕᖃᓕᕐᐸᓐ, ᖃᓄᐃᓕᐅᕐᓂᖅᑕᖃᓕᕐᐸᑦ ᐅᕝᕙᓘᓐᓃᑦ ᖃᓄᐃᑦᑐᖃᖅᐸᑦ ᐊᒻᒪ ᐋᖅᑭᒐᓱᒡᓗᒋᑦ ᐃᖅᑲᓇᐃᔭᖅᑎᑦᑎᔨ ᐱᖃᑎᒋᓗᒍ.
  • ᖃᐅᔨᓴᖃᑦᑕᕐᓂᖅ ᐊᒻᒪᓗ ᐅᓗᕆᐊᓇᙱᑦᑐᒦᒋᐊᖃᕐᓂᖅ ᒪᓕᒃᑕᐅᑎᑉᐸᒡᓗᓂᒋᑦ. ᐱᕕᒃᓴᖃᑐᐃᓐᓇᕆᐊᖃᕐᒥᖕᒪᓐ ᖃᐅᔨᓴᖅᑕᐅᓂᒃᑯᑦ ᐱᐅᓯᕚ[ᓕᖅᑎᑦᑎᓂᕐᒥᒃ ᐅᓗᕆᐊᓇᙱᑦᑐᒦᑎᑦᑎᓂᕐᒧᑦ.
  • ᐃᓚᐅᖃᑕᐅᕙᒡᓗᓂ ᖃᐅᔨᓴᖅᑐᓂᒃ ᐃᖅᑲᓇᐃᔭᕐᕕᖕᒥᓐ ᖃᓄᐃᓕᐅᒍᑎᓂᒃ ᐅᕝᕙᓘᓐᓃᑦ ᐋᓐᓂᕈᑎᓂᒃ. ᐃᖅᑲᓇᐃᔭᕐᕕᖕᒥᓐ ᖃᓄᐃᓕᔪᖃᕐᓂᕐᐸᑦ ᐅᓂᒃᑲᐅᓯᐅᑲᐅᑎᒋᔭᕆᐊᓕᒃ ᖃᓄᐃᓕᒍᑎᐅᔪᖅ.
  • ᑲᒪᔨᐅᔪᑦ ᐃᖅᑲᓇᐃᔭᖅᑎᓂᒃ ᑐᑭᓯᓯᒪᑎᑦᑎᔭᕆᐊᖃᖅᑐᑦ ᐱᔪᓐᓇᐅᑎᖏᓐᓂᒃ ᐃᖅᑲᓇᐃᔭᕐᕕᖃᕐᓂᕐᒧᑦ ᐅᓗᕆᐊᓇᙱᑦᑐᒥᒃ, ᐊᒻᒪᓗ ᖃᓄᖅ ᐱᓕᕆᐊᖃᕈᓐᓇᕐᒪᖔᑦ ᐅᓗᕆᐊᓇᙱᑦᑐᒃᑯᑦ.
  • ᐅᔾᔨᕈᓱᑦᑎᐊᕐᓗᓂ ᐊᒻᒪ ᑐᑭᓯᐅᒪᑦᑎᐊᕐᓗᓂ ᖁᐊᕐᓵᕐᓇᕈᑎᐅᔪᑦ ᐃᖅᑲᓇᐃᔭᕐᕕᖕᒥᓐ, ᐃᓚᖃᕐᓗᒍ ᒪᑯᓂᖓ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᒃ ᐱᖃᕆᐊᖃᖅᑐᑦ, ᐊᒻᒪᓗ ᖃᐅᔨᒪᓗᓂ ᐅᓗᕆᐊᓇᕈᑎᐅᕙᒃᑐᓂᒃ, ᖃᓄᐃᓕᐅᕈᓯᕐᓂᒃ ᐊᒻᒪᓗ ᐃᓚᐅᕐᓯᒪᐅᕐᑐᓂᒃ ᐃᒪᕐᓂᒃ ᐃᖅᑲᓇᐃᔭᕐᕕᖕᒦᑦᑐᓂᒃ.
  • ᐱᑖᕐᐸᒡᓗᓂ ᑐᓴᐅᒪᔭᐅᔭᕆᐊᓕᖕᓂᒃ ᐊᒻᒪᓗ ᖃᓄᐃᓕᐅᕈᑎᒃᓴᓂᒃ ᐃᖅᑲᓇᐃᔭᕐᕕᒃᒥ ᐅᓗᕆᐊᓇᙱᑦᑐᒥ ᓴᓇᕝᕕᖃᕈᓐᓇᕐᓂᕐᒥᓐ ᐊᒻᒪᓗ ᐃᖅᑲᓇᐃᔭᕈᓐᓇᕐᓗᑎ ᐅᓗᕆᐊᓇᙱᑦᑐᒥᓐ.
ᐃᖅᑲᓇᐃᔭᖅᑎᐅᑉ ᐱᔭᒃᓴᖏᑦ

ᐃᖅᑲᓇᐃᔭᖅᑎᐅᔪᑦ ᐱᔭᒃᓴᖃᖃᑦᑕᕐᒥᔪᑦ ᐃᖅᑲᓇᐃᔭᕐᕕᒃ ᐅᓗᕆᐊᓇᙱᑦᑐᒦᑎᓐᓂᕐᒥᒃ. ᐱᓕᕆᐊᒃᓴᖓ ᐊᔪᕈᓐᓃᕐᓴᕆᐊᖃᖅᑕᖏᓐᓂᒃ ᐱᓕᕆᐊᖃᖅᐸᒡᓗᑎᒃ ᐊᒻᒪ ᑐᓴᖅᐸᓪᓕᐊᔭᖏᓐᓂᒃ, ᐊᒻᒪᓗ ᒪᓕᒃᐸᒡᓗᑎᒃ ᐅᓗᕆᐊᓇᙱᑦᑐᒥᓐ ᐃᖅᑲᓇᐃᔭᕐᓂᕐᒥᓐ ᐃᖅᑲᓇᐃᔭᕐᕕᖏᓐᓂᒃ. ᓇᓗᓇᐃᓯᒃᐸᑕ ᐅᓗᕆᐊᓇᖅᑐᒥᓐ ᐃᖅᑲᓇᐃᔭᕐᕕᖕᒥᓐ, ᐱᑕᖃᕈᓐᓃᖅᑎᒋᐊᖃᖅᑕᖓ ᐅᓗᕆᐊᓇᙱᑉᐸᑦ ᐱᓕᕆᐊᕆᓗᒍ, ᐅᕝᕙᓘᓐᓃᑦ ᑲᒪᔨᒥᓄᑦ ᐅᖃᐅᓯᕆᑲᐅᑎᒋᓗᒍ.

ᖄᒃᑲᓐᓂᐊᒍᑦ ᐃᑲᔪᕈᑎᒃᓴᐃᑦ

ᑕᒪᕐᒥᒃ ᐃᖅᑲᓇᐃᔭᖅᑐᑦ ᐱᓕᕆᐊᕆᔭᕿᒃᓴᖃᕐᒪᑕ ᐃᖅᑲᓇᐃᔭᕐᕕᒃ ᐅᓗᕆᐊᓇᙱᑎᓪᓗᒍ. ᐱᒻᒪᕆᐊᓗᒃ ᑕᒪᕐᒥᓕᒫᖅ ᐃᓄᐃᑦ ᐃᖅᑲᓇᐃᔭᖅᑐᑦ ᑐᑭᓯᓯᒪᑦᑎᐊᕐᓗᑎᒃ ᖃᓄᐃᓕᐅᒐᒃᓴᖏᓐᓂᒃ, ᐊᒻᒪᓗ ᓄᑖᓂᒃ ᐱᓕᕆᐊᕆᓂᐊᖅᑕᖏᓐᓂᒃ. ᖁᓛᓂᑦ ᐊᑖᓄᑦ, ᑕᒪᕐᒥᒃ ᐃᖅᑲᓇᐃᔭᖅᑎᐅᔪᑦ ᑐᑭᓯᓯᒪᔭᕆᐊᖃᖅᑐᑦ ᐅᓗᕆᐊᓇᙱᑦᑐᒥ ᖃᓄᐃᓕᐅᕈᓯᕐᓂᒃ ᐃᖅᑲᓇᐃᔭᕐᕕᖏᓐᓄᑦ ᑐᕌᖓᔪᓂᒃ.

ᐃᕝᕕᓪᓘᓐᓃᑦ, ᑲᒪᔨᑎᓪᓘᓐᓃᑦ, ᐅᕝᕙᓘᓐᓃᑦ ᐃᖅᑲᓇᐃᔭᖅᑎᒋᔭᐃᑦ ᑲᒪᔨᐅᔭᕆᐊᖃᖃᑦᑕᖅᑐᖅ ᑐᓴᒃᑲᓐᓂᕆᐊᖃᖅᐸᑦ ᐅᕝᕙᓘᓐᓃᑦ ᐃᑲᔫᑎᑖᒃᑲᓐᓂᕆᐊᖃᖅᐸᑦ ᐱᓕᕆᐊᒃᓴᓄᑦ ᐃᖅᑲᓇᐃᔭᖅᑎᑦᑎᔨᓄᑦ, ᑲᒪᔨᐅᔪᓄᑦ ᐊᒻᒪ ᐃᖅᑲᓇᐃᔭᖅᑐᓄᑦ ᐅᑯᓂᖓ ᑕᑯᒋᐊᕈᓐᓇᖅᑐᓯ ᐃᑲᔫᑎᒃᓴᓂᒃ:
ᐊᐱᖅᑯᑎᒃᓴᖃᕈᔅᓯ ᑲᒪᔨᐅᔪᑦ ᐱᔭᒃᓴᖏᓐᓂᒃ ᐅᕝᕙᓘᓐᓃᑦ ᑲᒪᔨᐅᑲᐃᓐᓇᖅᑑ ᐃᖅᑲᓇᐃᔭᕐᕕᖕᓂᒃ ᐱᕐᕈᓗᐊᕿᑦᑕᐃᓕᓂᕐᒧᑦ ᐸᕐᓇᐅᑎᓂᒃ, ᐅᕙᑦᑎᓐᓄ ᐅᓪᓗᒥ ᖃᐅᔨᒋᐊᕈᓐᓇᖅᑐᓯ ᐅᖄᓚᓗᓯ ᐅᕗᖓ 1 (800) 661-0792.

ᐅᔭᕋᒃᓯᐅᕐᕕᖕᒥᑦ ᑲᒪᔨᐅᔪᑦ

ᐅᔭᕋᒃᓯᐅᕐᕕᓕᕆᓂᖅ ᐃᒻᒥᒃᑰᖓᔪᓂᒃ ᐱᖁᔭᖃᐅᕐᑐᖅ ᓇᓗᓇᐃᔭᖅᑕᐅᓯᒪᓪᓗᑎᒃ ᐅᕙᓂ ᐅᔭᕋᖕᓂᐊᕐᕕᖕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑦ ᐅᑯᓄᖓ  ᓄᓇᑦᓯᐊᖅ ᐊᒻᒪ ᓄᓇᕗᑦ (ᐊᕕᒃᓯᒪᓂᖓ 1 - ᖃᐅᔨᓴᖅᑕᐅᓂᖏ ᐃᖅᑲᓇᐃᔭᖅᑏᑦ, ᐃᓚᖓ 1.157-1.161, ᒪᒃᐱᒐᓂᒃ 38-40; ᐊᕕᒃᓯᒪᓂᖓ 5 - ᑲᒪᒋᔭᖃᕐᓂᖅ, ᐃᓚᖓ 5.02, ᒪᒃᐱᒐᖅ 50-51; ᐊᒻᒪ, ᐊᕕᒃᓯᒪᓂᖓ 6 - ᐊᔪᕈᓐᓃᕐᓴᕐᓂᖅ, ᑲᒪᔨᐅᓂᕐᒧᑦ ᐸᐃᑉᕌᖅᑖᕈᑎ, ᐱᓕᕆᓂᖅ 1, ᐃᓚᖓ 7.21-22, ᒪᒃᐱᒐᓂᒃ 60-61), ᐊᒻᒪᓗ ᐅᕙᙵᓐ ᐅᔭᕋᖕᓂᐊᕐᕕᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᑦ ᐅᑯᓄᖓ  ᓄᓇᑦᓯᐊᖅ ᐊᒻᒪ  ᓄᓇᕗᑦ (ᐱᓕᕆᐊᒃᓴᑦ ᐊᒻᒪ ᑲᒪᒋᔭᒃᓴᑦ, ᐃᓚᖓ 16, ᒪᒃᐱᒐᓂᒃ 11-12). ᐅᔭᕋᒃᓯᐅᕐᕕᖕᒥᑦ, ᑲᒪᔨᐅᔪᑦ ᐸᐃᑉᐹᖅᑖᖅᓯᒪᔭᕆᐊᖃᖅᑐᑦ ᑖᓐᓇᓗ ᐱᔭᐅᔪᓐᓇᖅᖢᓂ ᑲᒪᔨᒧᑦ ᐅᑯᓂᖓ ᐱᓕᕆᓂᖅ 1-ᒥ ᐅᕝᕙᓘᓐᓃᑦ ᐱᓕᕆᓂᖅ 2-ᒥ ᖃᐅᔨᓴᖅᑕᐅᒍᑎᓂᒃ. ᑲᒪᔨᐅᔪᑦ ᐊᒻᒪ ᐱᓯᒪᔭᕆᐊᖃᕐᒥᔪᑦ ᐋᓐᓂᖅᑐᓕᕆᓂᕐᒧᑦ ᐸᐃᑉᐹᓂᒃ ᐊᓂᒍᐃᓯᒪᓂᕐᒧᑦ.

ᑕᒪᒃᑯᓂᖓ ᐸᐃᑉᐹᕈᑎᒃᓴᓂᒃ ᐱᐊᓂᒃᓯᓂᐊᕈᒪᓗᓂ, ᐃᖅᑲᓇᐃᔭᖅᑎᐅᔪᑦ ᑕᑯᒋᐊᖃᖅᑐᑦ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᕋᓴᐅᔭᒃᑯᑦ ᓴᖅᑭᔮᒐᖓᓂᒃ ᖃᐅᔨᒃᑲᓐᓂᕐᓂᐊᕋᕕᑦ ᐆᒥᖓ ᐅᔭᕋᒃᓯᐅᕐᕕᖕᒥᑦ ᑲᒪᔨᐅᓂᕐᒧᑦ ᐸᐃᑉᐹᖅᑕᕈᑎᒧᑦ ᐃᓕᓐᓂᐊᒐᒃᓴᒥᑦ. ᑕᒪᕐᒥ ᖃᐅᔨᓴᖅᑕᐅᒍᑎᐅᔪᑦ ᐊᐅᓚᑕᐅᖃᑦᑕᖅᑐᑦ ᖃᕋᓴᐅᔭᒃᑯᑦ, ᐊᒻᒪᓗ ᐊᓂᒍᐃᓚᐅᕐᓗᓂ ᖃᐅᔨᓴᖅᑕᐅᒍᑎᓂᒃ, ᐊᖓᔪᖅᑳᖅ ᐱᕐᕈᓗᐊᕿᑦᑕᐃᓕᓂᕐᒧᑦ ᖃᐅᔨᓴᖅᑎ ᑐᓂᓯᓇᔭᖅᑐᖅ ᐱᓕᕆᓂᖅ 1-ᒧᑦ ᐅᕝᕙᓘᓐᓃᑦ ᐱᓕᕆᓂᖅ 2-ᒧᑦ ᓇᓗᓇᐃᒃᑯᑎᓂᒃ ᐃᖅᑲᓇᐃᔭᖅᑎᑦᑎᔨᒧᑦ.




ᑭᕕᒃᓯᓗᓂ ᐊᑦᑕᕐᓇᙱᑦᑐᒃᑯᑦ 
ᐊᒧᒃᓯᒋᑦᑕᐃᓕᒪᓂᖅ, ᓄᓱᒃᓯᕆᑦᑕᐃᓕᒪᓂᖅ, ᐊᒻᒪᓗ ᓄᑭᑦ ᐊᓕᖕᓂᖏᑦ

ᐊᒧᒃᓯᒋᓂᖅ, ᓄᓱᒃᓯᕆᓃᑦ, ᐊᒻᒪᓗ ᓄᑭᑦ ᐊᓕᖕᓂᖏᑦ ᐊᑐᖅᑕᐅᒐᔪᖕᒪᑕ ᐃᖅᑲᓇᐃᔭᕐᕕᖕᒥᑦ ᐋᓐᓂᕈᑕᐅᓪᓗᑎᒃ. ᑐᓄᓗᓕᕐᓃᑦ ᐊᒃᑐᐃᓂᖃᓪᓚᕆᒍᓐᓇᖅᑐᑦ ᐃᖅᑲᓇᐃᔭᖅᑎᐅᑉ ᐃᓅᓯᖓᓂᑦ ᒫᓐᓇᐅᔪᖅ ᐊᒻᒪᓗ ᓯᕗᓂᒃᓴᖓᓄᓱᖓᖅ ᐃᓛᓐᓂᒃᑯᑦ. ᐃᓕᓐᓂᐊᑦᑎᐊᖅᓯᒪᓂᖅ, ᐸᕐᓇᐃᓂᖅ, ᐊᒻᒪᓗ ᐃᑲᔪᖅᓯᖅᑕᐅᓂᖅ ᐃᖅᑲᓇᐃᔭᕐᕕᖕᒥᑦ ᐃᑲᔪᕐᓂᐊᖅᑐᖅ ᐃᖅᑲᓇᐃᔭᖅᑎ ᐋᓐᓂᖅᑎᑦᑕᐃᓕᒪᓗᒍ.

ᐃᖅᑲᓇᐃᔭᖅᑎᖁᑎᓕᐅᑉ ᐱᔭᒃᓴᕆᔭᖏᑦ

ᐊᑦᑕᕐᓇᖅᑕᐃᓕᒪᓂᖅ ᐃᓕᖕᓂᑦ ᐱᒋᐊᓲᖅ. ᐃᒪᐃᒃᑲᓗᐊᖅᐸᑦ ᐊᖏᔪᖅ, ᐊᖏᓗᐊᙱᑦᑐᖅ, ᐅᕝᕙᓘᓐᓃᑦ ᒥᑭᑦᑐᑦ ᓇᖕᒥᓂᖁᑎᒋᔫᒐᓗᐊᑦ, ᓇᓗᓇᐃᖅᓯᔭᕆᐊᖃᖅᑐᑦ ᖁᐊᓵᕐᓇᕈᓐᓇᕐᑐᓂᒃ ᐃᖅᑲᓇᐃᔭᕐᕕᖕᓂᑦ, ᐊᒻᒪᓗ ᐃᓕᓐᓂᐊᖅᑎᓪᓗᒋᑦ ᐊᒻᒪ ᐃᑲᔪᖅᓯᕐᓗᒋᑦ ᐃᖅᑲᓇᐃᔭᖅᑏᑦ ᖁᐊᖅᓵᓇᖅᑐᑦ ᖃᓄᐃᓐᓃᑦ ᐅᕝᕙᓘᓐᓃᑦ ᐋᓐᓂᕈᑏᑦ ᐊᒃᐸᓯᒃᑎᓐᓇᓱᐊᕐᓗᖏᑦ. ᒪᓕᒐᑦ ᐃᖅᑲᓇᐃᔭᖅᑏᑦ ᐱᓕᕆᐊᒃᓴᖏᓐᓄᑦ ᑭᕕᒃᓯᓇᓱᖕᓂᕐᒧᑦ ᓇᓂᔭᐅᔪᓐᓇᖅᑐᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦᒪᓕᒐᓂᑦ ᑕᐃᑲᓂ ᓄᓇᑦᓯᐊᕐᒥ ᐊᒻᒪᓗ  ᓄᓇᕘᒥᑦ ᓇᓂᔪᓐᓇᖅᑕᑎᑦ ᐅᕙᓂ "ᑕᒪᐃᑎᒍᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒪᓕᒋᐊᓖᑦ − ᑭᕕᒃᓯᓂᖅ ᐊᒻᒪᓗ ᐅᖁᒪᐃᑦᑐᓕᕆᓂᖅ" (ᐊᕕᒃᓯᒪᓂᖓ 6, ᐃᓚᖓ 82). ᐃᒪᓐᓇᐃᑦᑕᕆᐊᖃᖅᑐᑎᑦ:
  • ᓇᓗᓇᐃᖅᓯᓂᕐᒧᑦ ᐊᑦᑕᕆᔭᐅᔪᓂᑦ. ᑭᓱ ᐅᖁᒪᐃᓗᐊᖅᐸᑦ ᑭᕕᒋᐊᒃᓴᖅ ᐃᑲᔪᖅᓯᖅᑕᐃᙱᓪᓗᑎᑦ? ᑭᓱᑐᐃᓐᓇᑦ ᐃᖅᑲᓇᐃᔭᕐᕕᖕᓂᑦ ᐃᓚᓕᐅᑎᔾᔪᑎᑕᖃᐅᖅᑐᖅ ᖁᐊᖅᓵᕐᓇᕈᓐᓇᖅᑐᓄᑦ ᑭᕕᒃᓯᓂᕐᒧᑦ (ᓲᕐᓗ ᐃᓯᕐᕕᒃ, ᒪᔪᕋᐅᑏᑦ, ᓇᑎᖅ ᖃᓄᐃᓕᖓᖕᒪᖔᑦ ᐊᔪᕐᓇᕈᑏᑦ, ᐊᓯᖏᓪᓗ)?
  • ᐊᑐᐃᓐᓇᐅᑎᓪᓗᒋᑦ ᐊᑕᖏᕐᓗᒋᑦ ᓈᒻᒪᒃᑐᑦ ᐱᖁᑏᑦ ᑲᒪᖁᓪᓗᒋᑦ ᐅᖁᒪᐃᒃᑐᓂᒃ ᐅᕝᕙᓘᓐᓃᑦ ᐃᓗᐊᙱᑦᑐᓄᑦ ᑭᕕᒋᐊᓕᖕᓄᑦ. ᐃᒪᐃᑦᑕᕆᐊᖃᖅᑎᑦᑎᒍᕕᑦ ᐃᖅᑲᓇᐃᔭᖅᑎᖕᓂᒃ ᑲᒪᖃᑦᑕᕐᓗᑎᒃ ᐊᖏᔪᓂᒃ ᑭᓱᑐᐃᓐᓇᕐᓂᒃ, ᐊᑐᐃᓐᓇᐅᑎᑦᑎᓯᒪᔭᕆᐊᖃᖅᑐᑎᑦ ᐱᖁᑎᓂᒃ ᐃᑲᔪᖁᓪᓗᒋᑦ ᐱᐊᓂᒐᓱᐊᖅᑎᓪᓗᒋᑦ ᐱᓕᕆᐊᒃᓴᖏᓐᓂᒃ ᐊᑦᑕᕐᓇᙱᑦᑐᒃᑯᑦ.
  • ᐃᓕᓐᓂᐊᖅᑎᓪᓗᒋᑦ ᐃᖅᑲᓇᐃᔭᖅᑎᑎᑦ. ᖃᐅᔨᒪᕚᑦ ᐃᖅᑲᓇᐃᔭᕐᕕᖕᓂᑦ ᐊᑐᐊᒐᓂᒃ ᑭᕕᒃᓯᓂᐅᑉ ᒥᒃᓵᓄᑦ? ᖃᐅᔨᒪᕚᑦ ᓇᒥ ᓇᓂᓯᔭᕆᐅᐊᒃᓴᖅ, ᐊᒻᒪᓗ ᖃᓄᖅ ᐊᑦᑕᕐᓇᙱᑦᑐᒥᒃ ᐊᑐᕐᓂᕐᒥᒃ ᑭᕕᒃᓯᓂᕐᒧᑦ ᐃᑲᔪᖅᓲᑎᓂᒃ (ᓲᕐᓗ ᐊᒡᔭᖅᓯᓰᑦ, ᐊᒡᔭᖅᓯᔾᔪᑎ, ᐅᑯᒪᐃᑦᑐᓕᕆᔾᔪᑏᑦ, ᐊᓯᖏᓪᓗ)? ᑐᑭᓯᐅᒪᕚᑦ ᓇᓗᓇᐃᒃᑯᑕᕐᓂᒃ ᐊᒻᒪᓗ ᓇᓗᓇᐃᔭᐅᑎᓂᒃ ᐋᓐᓂᕐᓂᕐᒧᑦ?
  • ᑐᓴᕋᓱᒡᕕᒋᕙᒡᓗᒋᑦ ᐃᖅᑲᓇᐃᔭᖅᑎᑎᑦ. ᑲᔪᖏᖅᓱᕐᓗᒋᑦ ᐃᒻᒥᓂᒃ−ᖃᐅᔨᓴᓐᓇᖃᑦᑕᕐᓗᑎᒃ ᐊᒻᒪᓗ ᐅᖃᖃᑦᑕᖁᓗᒋᑦ ᓇᓗᓇᐃᒃᑯᑕᕐᓂᒃ ᐊᒻᒪᓗ ᓇᓗᓇᐃᔭᐅᑎᓂᒃ ᐋᓐᓂᕐᓂᕐᒧᑦ. ᖃᐅᔨᒋᐊᕐᕕᒋᕙᒡᓗᒋᑦ ᐊᑐᕋᓗᐊᕐᒪᖔᑕ ᐱᖁᑎᓂᒃ ᐊᑑᑎᒃᓴᑦᑎᐊᖏᓐᓄᑦ. 
ᐃᖅᑲᓇᐃᔭᖅᑎᐅᑉ ᐱᔭᒃᓴᖏᑦ

ᐃᖅᑲᓇᐃᔭᖅᑏᑦ ᐱᓕᕆᐊᒃᓴᖃᖅᑐᑦ ᒪᓕᒡᓗᓂᔾᔪᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᕙᒃᑐᑦ ᐃᓄᐃᓴᒃᖠᓯᖁᓪᓗᒋᑦ ᖁᐊᖅᓵᕐᓇᓃᑦ ᐋᓐᓂᕋᔭᕐᓂᕐᒧᑦ. ᐃᖅᑲᓇᐃᔭᖅᑎᑎᑦ ᑐᑭᓯᐅᒪᑦᑎᐊᖅᑎᓪᓗᒋᑦ ᐃᒪᐃᑦᑕᕆᐊᖃᕐᓂᖏᓐᓂᒃ:
  • ᐸᕐᓇᒡᓗᓂᔾᔪᒃ ᐱᓕᕆᐊᒃᓴᑎᒃ ᐱᓕᕆᓯᒋᐊᖅᑳᖅᑎᓐᓇᒋᑦ. ᓇᓗᓇᐃᔭᕐᓄᒋᑦ ᐱᐊᓂᒃᓴᕋᐃᓛᖑᔾᔪᑕᐅᔪᓐᓇᖅᑐᑦ ᐅᓪᓗᕐᒧᑦ ᐱᓕᕆᐊᒃᓴᓄᑦ. ᐊᑐᖅᑕᐅᖔᕈᓐᓇᖅᑐᑦ ᐅᖁᒪᐃᑦᑐᓂᒃ ᑭᕕᒃᓯᓂᕐᒧᑦ ᐱᓕᕆᐊᒃᓴᓄᑦ ᐊᒻᒪᓗ ᐊᓯᖏᓐᓄᑦ ᐊᔪᕐᓇᙱᓐᓂᖅᓴᓄᑦ ᐱᓕᕆᐊᒃᓴᓄᑦ.
  • ᒪᓕᒡᓗᒋᑦ ᐅᑯᐊ ᒪᓕᒃᑕᐅᔪᓐᓇᖅᑐᑦ ᐊᑦᑕᕐᓇᙱᑦᑐᒃᑯᑦ ᑭᕕᒃᓯᓂᕐᒧᑦ:
    1. ᖃᐅᔨᒋᐊᕐᓗᒋᑦ ᑭᓱᑦ ᐊᐅᓚᐅᑎᓖᑦ ᐃᑲᔫᑏᑦ ᐊᒻᒪᓗ ᐱᖁᑏᑦ ᐊᑐᐃᓐᓇᖕᒪᖔᑕ ᐃᑲᔪᖁᓪᓗᒋᑦ ᑭᕕᒃᓯᓂᕐᒧᑦ.
    2. ᐸᕐᓇᐃᓂᖅ ᐊᒻᒪᓗ ᐱᕙᒌᔭᐃᓂᖅ. ᓈᒻᒪᒃᑐᓂᒃ ᑲᒫᓗᒃᓯᒪᑦᑎᐊᕋᓗᐊᕐᒪᖔᑕ, ᑐᑭᓯᐅᒪᑦᑎᐊᕐᓗᓂᔾᔪᒃ ᐅᖁᒪᐃᓐᓂᖓ ᑭᕕᖕᓂᐊᑑᑉ, ᐊᓯᖏᓪᓗ.
    3. ᐊᑐᕐᓗᒋᑦ ᐃᒡᓗᒃᑐᑦ ᐊᒡᒐᖏᑦ ᑭᕕᒃᓯᓂᐊᕈᓂ ᑭᓱᑐᐃᓐᓇᕐᒥᒃ.
    4. ᑭᕕᒋᐊᓕᖕᓂᒃ ᑭᕕᒃᓯᕙᒡᓗᑎᑦ ᑎᒥᖕᓄᑦ ᖃᓂᑎᓪᓗᒍ ᐊᔪᕐᓇᙱᒃᑳᖓᑦ. ᓄᑭᑎᑦ ᐊᒃᓱᕈᖅᑎᓪᓗᒋᑦ ᑭᕕᒃᓯᓇᓱᖕᓂᐊᓕᐊᓕᕌᖓᕕᑦ.
    5. ᐃᒡᓗᐊᓄᑦ ᓴᖑᕙᙱᓪᓗᑎᑦ ᐅᕝᕙᓘᓐᓃᑦ ᐅᕕᖅᐸᙱᓪᓗᑎᑦ ᑭᕕᒃᓯᓕᕌᖓᕕᑦ. ᐊᓪᓗᕐᓗᑎᑦ ᐅᕝᕙᓘᓐᓃᑦ ᓴᓂᒧᑦ ᓵᑉᐸᒡᓗᑎᑦ ᐊᐅᓚᑎᓪᓗᑎᑦ ᑭᕕᒃᓯᓯᒪᑎᓪᓗᑎᑦ.
    6. ᐅᑯᓇᓱᒃᐸᙱᓪᓗᑎᑦ. ᐊᑐᖃᑦᑕᕐᓗᒋᑦ ᓰᕐᑯᑎᑦ ᑎᑭᐅᑎᔪᓐᓇᖁᓪᓗᑎᑦ ᐅᕝᕙᓘᓐᓃᑦ ᐃᓕᓯᓇᓱᓕᕌᖓᕕᑦ ᐊᑦᑎᒃᑐᒧᑦ ᑭᓱᑐᐃᓐᓇᕐᓂᒃ. 
  • ᑕᖃᐃᖅᓯᖃᑦᑕᕐᓗᑎᑦ ᐊᒻᒪᓗ ᓄᖅᑲᖓᓚᐅᑲᒃᐸᒡᓗᑎᑦ ᓴᐃᓯᓴᖁᓪᓗᒋᑦ ᓄᑭᑎᑦ ᐊᒻᒪᓗ ᑕᖃᓗᐊᖁᓇᒃ.
  • ᐃᒻᒥᓂᒃ ᖃᐅᔨᓴᐃᓐᓇᖃᑦᑕᕐᓗᑎᑦ. ᐃᖅᑲᓇᐃᔭᖅᑎᑐᐊᑎᑦ ᖃᐅᔨᒪᓂᐊᖅᑐᑦ ᐋᓐᓂᖅᑐᖃᓕᖅᑎᓪᓗᒍ/ᖃᖓ ᐋᓐᓂᖅᑐᖃᕐᓂᕌᖓᑦ. ᐃᓕᓴᖅᓯᒍᑎᑦ ᓇᓗᓇᐃᒃᑯᑕᕐᓂᒃ ᐅᕝᕙᓘᓐᓃᑦ ᓇᓗᓇᐃᔭᐅᑎᓂᒃ ᐋᓐᓂᕐᓂᕐᒧᑦ, ᓄᖅᑲᓪᓗᐊᖅᑐᑦ ᐱᓕᕆᐊᖏᓐᓂᒃ ᐊᒻᒪᓗ ᖃᐅᔨᒃᑲᐃᓗᑎᒃ ᐊᖏᔪᖅᑳᖏᓐᓂᒃ ᐃᕐᖐᓐᓇᖅ.
ᐃᑲᔪᕈᑎᒃᓴᐃᑦ

ᓴᖅᑭᔮᖅᑎᓪᓗᒋᑦ ᑖᒪᒃᑯᐊ ᐃᖅᑲᐃᓯᒋᐊᕈᑏᑦ ᐃᖅᑲᓇᐃᔭᕐᕕᖕᓂᑦ ᐃᖃᐃᓯᒋᐊᖅᑕᐅᖁᓪᓗᒋᑦ ᐃᖅᑲᓇᐃᔭᖅᑏᑦ ᑕᒪᒃᑯᓂᖓ ᐊᑦᑕᕐᓇᙱᑦᑐᒃᑯᑦ ᑭᕕᒃᓯᓂᕐᒧᑦ ᐊᑐᖅᑕᐅᕙᒃᑐᑦ:
ᐃᖅᑲᓇᐃᔭᕐᕖᒃ, ᐃᖅᑲᐅᒪᔭᕆᐊᓖᑦ ᐊᑕᐅᓯᑐᐊᕐᒥᒃ ᐊᑐᖅᑕᐅᕙᒃᑐᒥᒃ ᑭᕕᒃᓯᔾᔪᓯᖅᑕᖃᙱᒻᒪᑦ. ᐊᑐᓂ ᑭᕕᒋᐊᓖᑦ ᐊᔾᔨᒌᙱᒻᒪᑕ, ᐊᒻᒪᓗ ᐃᓕᓐᓂᐊᕐᓂᖅ ᐊᔾᔨᒌᙱᑦᑐᓄᑦ ᖃᓄᐃᓕᖓᓂᕐᓄᑦ ᑖᔅᓱᒧᖓᓪᓚᕆᒃ ᐃᖅᑲᓇᐃᔭᕐᕕᖕᒧᑦ ᐱᓪᓗᐊᑕᐅᕗᖅ ᐊᑦᑕᕐᓇᖅᑕᐃᓕᒪᖁᓪᓗᒋᑦ ᐃᖅᑲᓇᐃᔭᖅᑎᑎᑦ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᒡᓚᒡᕕᖏᑦ ᒪᑐᓯᒪᓛᖅᑐᑦ ᖁᔭᓕᓐᓇᐅᑉ ᐅᓪᓗᖓᓂ ᓇᒡᒐᔾᔭᐅ, ᐅᑐᐱᕆ 12-ᒥ, ᐊᒻᒪ ᒪᑐᐃᒃᑲᓐᓂᕐᓗᑎ ᐊᐃᑉᐱᐅᓕᖅᑲᑦ, ᐅᑐᐱᕆ 13-ᒥ 8:30 ᐅᓪᓗᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca   /  1.800.661.0792   *   wscc.nu.ca  /  1.877.404.4407