Vandredi 22 Oktòb 2021
Pandan Reyinyon Komite Direksyon Distri a 20 Oktòb 2021 an, manm yo apwouve alinanimite Michael J. Burke kòm Sipèentandan Distri Lekòl Rejyon Palm Beach la. Klike la a pou w li plis.

Ekpozisyon Lekòl Yo Ap Kòmanse Madi!

Ekspozisyon Lekòl yo pou ane 2021 an ak kòmanse madi 26 oktòb sou yon platfòm vityèl ki ap pèmèt ou eksplore epi konekte ak chak lekòl nan distri a, ak ladan yo plis pase 300 pwogram chwa ak karyè. Ekspozisyon lekòl yo ap kòmanse a 4 p.m. ak yon sesyon enfòmasyon Kesyon/Repons sou medya sosyal yo ak lidè distri yo ak Depatman Chwa ak Opsyon Karyè.

Peryòd Aplikasyon pou ane lekòl 2022-2023 ap ouvri premye novanm.
Gade Cho Televizyon Nou "Enfòme W" Pou Semèn Sa a!

"Enfòme w" se vèsyon videyo bilten enfòmasyon nou chak semèn.
Nan emisyon sa a n ap pale de Pwogram Edikasyon Espesyal.
Distri A Ranpòte Prim Pou Pratik Bon Anviwonnman
Pwogram Florida Green School Award fèk bay Distri Lekòl Rejyon Palm Beach rekonesans li merite ak prim Green Award nivo lò. Prim sa a konplimante distri yo pou pratik ak inisyativ yo pran tankou: redui konsomasyon enèji, resiklaj, redui kantite fatra, bay kou nan lekòl yo sou pwoteksyon anviwonnman, epi bay edikatè ak estaf trening sou sijè anviwonnman.
Gade Kijan Lekòl Yo Ap Fleri Ak Sipò Referandòm 2018 la
Taks referandòm 2018 la ke sitwayen nan Rejyon Palm Beach te apwouve nan ane 20218 la ap ede lekòl yo ogmante sekirite yo, nan swen sante mantal yo, pi byen peye pwofesè, ak sipòte edikasyon atizay ak pwogram chwa yo.
West Boca Prepare Yon Bèl Sipriz Pou Pwofesè Kuizin Li
 
Se pandan l t ap prepare zonyon pou yon klas kuizin li te resevwa vizit sipriz sa a kote fanfa lekòl la te rantre sou li. Semèn sa a, Michael Angnardo jwenn nominasyon pou aktivite ki rele Remèsye Yon Pwofesè.

Repòtaj Sou Mwa Istwa ak Konsyantizasyon Andikap
Oktòb se Mwa Istwa ak Konsyantizasyon Andikap nan Distri a. Se Mwa Konsyantizasyon Down Syndrome tou. Josiah Manners, yon elèv repòtè nan Lekòl Dreyfoos ap fè nou wè aktivite anyèl Gold Coast Down Syndrome Organization's òganize kote elèv ak estaf distri a te patisipe.
Kominote A Enspire Elèv Pandan Semèn Karyè
Yon delegasyon moun ki ap ede nan kominote a, ansanm ak chen tou, soti nan plizyè ajans gouvènman vizite Lekòl Elemantè West Gate pandan semèn karyè a pou montre elèv plizyè chwa karyè, pale yo de travay nan ajans gouvènman lokal yo epi tabli bon jan relasyon ak yo.
Koulè oranj te gaye tout kote nan Rejyon Palm Beach la mèkredi pou selebre Jou Inite. Akoz Oktòb se Mwa Prevansyon Entimidasyon ak Arasman, anpil elèv ak estaf nan distri a te mete rad oranj pou montre sipò yo pou bon relasyon ant moun, ak rekonèt reyalite espesyal lakay tout moun.
Suiv @PBCSDKreyol sou Facebook, Twitter, ak Instagram pou jwenn mizajou
nouvèl nan lang Kreyòl Ayisyen.