ᐊᒐᓯ 2019                             
ᑎᐊᐱ ᒪᓗᐃ (DEBBIE MOLLOY) ᓂᕈᐊᖅᑕᐅᔪᖅ ᓄᑖᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᖏᔪᖅᑖᓗᓕᕐᓗᓂ ᐊᒻᒪᓗ ᐊᐅᓚᑦᑎᔨᒻᒪᕆᐅᓕᕐᓗᓂ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᓂᕐᒧᑦ ᑲᑎᒪᔩᑦ ᑐᓴᖅᑎᑦᑎᓚᐅᖅᑐᖅ ᑕᒪᑐᒪᓂ ᑕᖅᑭᐅᔪᒥᑦ ᑎᒃᑯᐊᖅᓯᓂᖏᓐᓂᒃ ᑎᐊᐱ ᒪᓗᐃ ᓄᑖᖅ ᐊᖏᔪᖅᑖᓗᓕᖅᑐᖅ ᐊᒻᒪᓗ ᐊᐅᓚᑦᑎᔨᒻᒪᕆᐅᓕᕐᓗᓂ.

"ᑎᐊᐱ ᒪᓗᐃ ᐱᐅᔪᒻᒪᕆᖕᓂᒃ ᐊᔾᔨᒌᖏᑦᑐᓂᒃ ᐱᓕᕆᔪᓐᓇᕐᓂᖃᖅᐳᖅ ᐃᑲᔪᕐᓂᐊᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓯᕗᒻᒧᐊᒃᐸᓪᓕᐊᑎᓪᓗᒋᑦ. ᓴᖅᑭᔮᖅᑎᑦᑎᓯᒪᔪᖅ ᓯᕗᒃᑲᖅᑕᕈᓐᓇᕐᓂᕐᒥᒃ ᐊᒻᒪᓗ ᖃᐅᔨᒪᔭᒃᑲ ᐱᔪᓐᓇᕐᓂᖏᑦ, ᐱᔪᒪᓂᖏᑦ ᐊᒻᒪᓗ ᑕᐅᑐᖅᑰᖅᑕᖏᑦ ᐃᓚᓕᐅᑎᑦᑎᐊᕙᐅᓂᐊᖅᑐᑦ ᑎᒥᖁᑎᑦᑎᓐᓄᑦ" ᐅᖃᓚᐅᖅᑐᖅ ᑕᐃᕝ ᑕᑯ, ᐃᒃᓯᕙᐅᑕᖅ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᓂᕐᒧᑦ ᑲᑎᒪᔩᖏᓐᓂᑦ.

ᒪᓗᐃ ᓇᒃᓴᖅᑐᖅ ᐅᖓᑖᓂᑦ 25 ᐊᕐᕌᒍᐃᑦ ᐱᕙᓪᓕᐊᓯᒪᔪᒥᒃ ᐊᖏᔪᖅᑲᐅᑎᓄᑦ ᓯᕗᓕᖅᑎᐅᓂᕐᒥᒃ ᐱᓕᕆᖃᑦᑕᖅᓯᒪᔭᖏᑦ. ᐊᒥᓱᒻᒪᕆᐅᔪᑦ ᐱᓕᕆᖃᑦᑕᕐᓂᑯᖏᑦ ᑖᒃᑯᓇᓂ ᐋᓐᓂᐊᖃᖅᑕᐅᓕᒪᔪᓕᕆᔨᒃᑯᓐᓂᑦ ᐊᒻᒪᓗ ᐆᒻᒪᖅᑯᑎᖃᕐᕕᖕᓄᑦ, ᓴᙱᔪᒻᒪᕆᖕᒥᒡᓗ ᐱᓕᕆᓯᒪᓪᓗᓯ ᐊᑯᓂᐅᔪᒃᑯᑦ ᐸᕐᓇᐃᓂᕐᓂᒃ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ, ᐊᒻᒪᓗ ᓴᓇᕝᕕᐅᔪᓂᑦ ᐊᑐᑦᑎᐊᕋᓱᖕᓂᕐᓂᒃ. ᒪᓗᐃ ᓄᑖᖑᓛᒥᒃ ᐱᔨᑦᑎᕋᕐᓂᖃᓚᐅᖅᑐᖅ ᐊᖏᔪᖅᑳᒧᑦ ᑐᖓᓕᕆᔭᐅᓪᓗᓂ ᐊᖏᔪᖅᑲᐅᑎᒃᑯᕕᖏᓐᓂᑦ ᑲᓇᖕᓇᖓᓂᑦ ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᑦ, ᑕᐃᑲᓂ ᓴᐃᓐᑦ ᔮᓐᔅ, ᐊᑐᐃᓐᓇᐅᑎᑦᑎᓪᓗᓂ ᐊᖏᔪᖅᑲᐅᑎᐅᓂᖅᓴᓄᑦ ᓯᕗᒃᑲᖅᑕᖅᖢᓂ ᑎᒥᐅᔪᒧᑦ 13,000 ᐃᖅᑲᓇᐃᔭᖅᑎᖃᖅᑐᑦ, 750 ᐃᖢᐊᖅᓴᐃᔩᑦ, 2,200 ᐊᑭᓕᖅᓱᖅᑕᐅᓇᑎᒃ ᐱᓕᕆᔩᑦ, 900 ᐃᓕᓐᓂᐊᖅᑏᑦ ᐊᒻᒪᓗ ᐱᔨᑦᑎᕋᖅᖢᑎᒃ ᐃᓄᒋᐊᖕᓂᓕᕐᓄᑦ 300,000.

"ᖁᕕᐊᓱᒃᑐᖓ ᐱᓂᐊᓕᕋᒪ ᐱᒻᒪᕆᐅᔪᒥᒃ ᐃᖅᑲᓇᐃᔮᒥᒃ ᓯᕗᒃᑲᖅᑕᕐᓂᐊᖅᑐᖅ ᑕᐃᑲᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᐃᐅᕙᓂ ᓄᓇᑦᑎᐊᒥᑦ ᐊᒻᒪᓗ ᓄᓇᕘᒥᑦ, ᑕᐃᒪᐃᑎᑦᓗᑎᒡᓗ ᑮᓇᐅᔭᑎᒍᑦ ᐊᐅᓚᑦᑎᐊᕐᓗᑎᒃ ᐱᓕᕆᔾᔪᓰᑦ" ᐅᖃᓚᐅᖅᑐᑦ ᒪᓗᐃ.

ᒪᓕᒃᖢᑎᒃ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᐱᖁᔭᖅ, ᒪᓗᐃ ᑎᒃᑯᐊᖅᑕᐅᓚᐅᖅᑐᖅ ᐊᐅᓚᑦᑎᓂᕐᒧᑦ ᑲᑎᒪᔨᓂᑦ, ᑲᓇᑕᓗᒃᑖᒥᑦ ᕿᓂᖅᑐᒻᒪᕆᐅᓚᐅᖅᑎᓪᓗᒋᑦ. ᐱᒋᐊᕐᕕᒃᓴᓪᓚᑦᑖᖓ ᐅᓪᓗᖅ ᐊᕐᕌᒍᓗᓄᑦ ᑕᓪᓕᒪᓄᑦ ᓇᒡᒐᔾᔭᐅ, ᐋᒡᒌᓯ 12, 2019.
ᓄᑖᖅ ᓱᓇᒃᑯᑖᓄᑉ ᖃᓄᐃᓕᖓᓂᖓ: ᓱᖏᐅᓴᔭᐅᓂᖅ ᒪᓕᒃᑕᐅᔪᓐᓇᖅᑐᖅ ᒪᒃᑯᒃᑐᓄᑦ ᐊᒻᒪᓗ ᓄᑖᓄᑦ ᐃᖅᑲᓇᐃᔭᖅᑎᓄᑦ
ᐋᖅᑭᒃᓯᓗᑎᒃ ᓴᙱᔪᒥᒃ ᐊᑦᑕᕐᓇᖅᑕᐃᓕᓂᕐᒧᑦ ᐃᓕᖅᑯᓯᕐᒥᒃ


ᐱᒋᐊᖅᐸᓪᓕᐊᓂᖅ ᓯᕗᓪᓕᖅᐹᒥᒃ ᐃᖅᑲᓇᐃᔮᒥᒃ ᖁᕕᐊᓇᖅᑑᕗᖅ, ᑭᓯᐊᓂ ᓄᑖᖅ ᐃᖅᑲᓇᐃᔭᖅᑏᑦ ᐊᒥᓱᓂᒃ ᐃᓕᑦᑎᔭᕆᐊᖃᖅᐳᑦ. ᐃᖅᑲᓇᐃᔭᖅᑎᑦᑎᔩᑦ ᐱᓕᖃᖅᑐᖅ ᐊᑐᐃᓐᓇᕈᐃᓗᑎᒃ ᐊᑕᖏᖅᓯᒪᑦᑎᐊᖅᑐᒥᒃ ᓱᖏᐅᓴᔾᔪᑎᓂᒃ ᐋᖅᑭᒃᓯᕙᒃᐳᑦ ᑐᙵᕕᓪᓚᕆᖕᒥᒃ ᓴᙱᔪᒥᒃ ᐊᖅᑕᕐᓇᖅᑕᐃᓕᒪᓂᕐᒧᑦ ᐃᓕᖅᑯᓯᕐᒥᒃ. ᐃᑲᔪᖅᓱᕈᒪᓪᓗᒋᑦ ᐃᖅᑲᓇᐃᔭᖅᑎᑦᑎᔩᑦ ᑕᒪᑐᒧᖓ ᐱᒻᒪᕆᐅᔪᒧᑦ ᐱᓕᒻᒪᒃᓴᓂᕐᒧᑦ ᐱᕙᓪᓕᐊᓂᕐᒥᒃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑮᓚᐳᖅᑐᑦ ᒪᒃᑯᒃᑐᑦ ᐊᒻᒪᓗ ᓄᑖᓄᑦ ᐃᖅᑲᓇᐃᔭᖅᑎᓄᑦ ᓱᖏᐅᓴᔾᔪᑎᓂᒃ: ᐊᑐᖅᑕᐅᔪᓐᓇᖅᑐᖅ ᓄᓇᑦᑎᐊᒥᑦ ᐊᒻᒪᓗ ᓄᓇᕘᒥᑦ ᐃᖅᑲᓇᐃᔭᖅᑎᑦᑎᔨᓄᑦ. ᑖᓐᓇ ᒪᓕᒃᑕᐅᔪᓐᓇᖅᑐᖅ ᑐᕌᒐᖃᖅᑐᖅ ᐱᓕᒻᒪᒃᓴᐃᓂᕐᓂᒃ ᐃᖅᑲᓇᐃᔭᖅᑎᓂᒃ ᓄᑖᓪᓚᕆᐅᔪᑦ ᐃᖅᑲᓇᐃᔭᕐᓂᕐᒧᑦ ᑕᐃᑲᓂ ᓄᓇᑦᑎᐊᒥᑦ ᐊᒻᒪᓗ ᓄᓇᕘᒥᑦ.

ᑖᓐᓇ ᒪᓕᒃᑕᐅᔪᓐᓇᖅᑐᖅ ᐊᕕᒃᑐᖅᓯᒪᓂᖃᖅᐳᖅ ᓴᖅᑭᔮᖅᑐᓂᒃ ᕿᓚᒥ ᓇᓂᔭᐅᔪᓐᓇᖅᑐᓂᒃ, ᐊᒻᒪᓗᑦᑕᐅᖅ ᐱᑕᖃᕆᓪᓗᓂ ᐅᖃᓕᒫᒃᑲᓐᓂᖅᑐᖃᕈᒪᓐᓂᖅᐸᑦ ᐊᒻᒪᓗ ᕿᒥᕐᕈᒃᑲᓐᓂᖅᑐᖃᕈᒪᓐᓂᖅᐸᑦ. ᓴᖅᑭᔮᖅᑎᑦᑎᖕᒥᔪᖅ ᓇᓗᐃᓯᒪᔪᒥᒃ ᐊᕕᒃᑐᖅᓯᒪᔪᖅᑕᓕᒃ ᑖᒃᑯᓇᓂ ᓄᓇᑦᑎᐊᒥᑦ ᐊᒻᒪᓗ ᓄᓇᕘᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ (OHS) ᐱᖁᔭᓂᑦ ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᒃ ᐊᒃᑐᐊᓪᓚᕆᒃᑐᖅ ᐱᓕᒻᒪᒃᓴᓂᕐᒧᑦ, ᐃᓕᓐᓂᐊᕐᓂᕐᒧᑦ, ᐊᒻᒪᓗ ᓱᖏᐅᓴᓂᕐᒧᑦ. ᑖᓐᓇ ᒪᓕᒃᑕᐅᔪᓐᓇᖅᑐᖅ ᐊᑐᕈᓐᓇᖅᑕᐃᑦ ᐱᒋᐊᕈᑎᒋᒍ ᐋᖅᑭᒃᓱᐃᕙᓪᓕᐊᑎᓪᓗᑎᑦ ᓄᑖᓄᑦ ᐃᖅᑲᓇᐃᔭᖅᑎᓄᑦ ᓱᖏᐅᓴᔾᔪᑎᓂᒃ ᐃᓕᓐᓂᐊᕈᑎᓂᒃ, ᐅᕝᕙᓘᓐᓃᑦ ᖃᐅᔨᒪᔾᔪᑕᐅᓗᓂ ᒫᓐᓇ ᐊᑐᖅᐸᒃᑕᓯ ᓱᖏᐅᓴᔾᔪᑎ ᑎᑭᐅᒪᒐᓗᐊᕐᒪᖔᑦ ᐱᓯᒪᔭᐅᕙᕆᐊᖃᖅᑐᓄᑦ ᑕᐃᑲᓂ ᓄᓇᑦᑎᐊᒥᑦ ᐊᒻᒪᓗ ᓄᓇᕘᒥᑦ ᒪᓕᒐᖏᓐᓄᑦ.

ᐱᑕᖃᕆᐊᖃᓪᓚᕆᒋᐊᓖᑦ ᖃᓄᐃᓕᖓᓂᖓᓄᑦ ᒪᑯᐊᖑᕗ:
  • ᐲᖅᑕᐅᔪᓐᓇᖅᑐᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᓱᖏᐅᓴᓂᕐᒧᑦ ᖃᐅᔨᒪᔾᔪᑕᐅᔪᓐᓇᖅᑐᖅ ᐱᔾᔪᑕᐅᓗᓂ ᑎᑎᖅᑲᖁᑎᒋᔭᐅᔪᓐᓇᖅᑐᖅ ᐱᓕᒻᒪᒃᓴᓂᖏᓐᓄᑦ ᐊᑐᓂ ᐃᖅᑲᓇᐃᔭᖅᑏᑦ (ᐊᑐᐃᓐᓇᐅᖕᒥᓗᓂ ᖃᕆᑕᐅᔭᒃᑯᑦ PDF-ᖑᓗᓂ);
  • ᑎᑎᖅᑲᑦ ᑐᑭᖏᓐᓄᑦ ᐊᒻᒪᓗ ᓇᐃᒡᓕᑎᖅᓯᒪᔪᓄᑦ ᐱᑕᖃᕆᐊᖃᓪᓚᕆᒋᐊᓖᑦ ᐊᑦᑕᕐᓇᖅᑕᐃᒪᓂᕐᒧᑦ ᐃᖅᑲᓇᐃᔭᕐᕕᖕᒧᑦ ᑐᑭᖁᑎᖏᓐᓂᑦ;
  • ᓇᓗᓇᐃᔭᐃᓯᒪᔪᑦ ᐃᖅᑲᓇᐃᔭᖅᑎᑦᑎᔨᓂᑦ, ᐊᖏᔪᖅᑳᓂᑦ, ᐊᒻᒪᓗ ᐃᖅᑲᓇᐃᔭᖅᑏᑦ ᐱᓕᕆᐊᒃᓴᖏᓐᓂᒃ;
  • 4-ᒪᓕᒃᑕᐅᔪᓐᓇᖅᑐᑦ ᐊᑐᖅᑕᐅᔪᓐᓇᖅᑐᑦ ᓱᖏᐅᓴᓂᕐᒧᑦ; ᐊᒻᒪᓗ,
  • ᐊᑐᖅᑕᐅᔪᓐᓇᖅᑐᑦ ᖄᒃᑲᓐᓂᐊᖑᑦ ᐃᓕᓐᓂᐊᒃᑲᓐᓂᕈᒪᒃᐊᑕ ᐊᒻᒪᓗ ᐱᓕᒻᒪᒃᓴᒪᒃᐊᑕ ᐊᒻᒪᓗ ᐱᓕᒻᒪᒃᓴᒃᑲᓐᓂᕈᒪᒃᐊᑕ.
ᖃᑎᑕᐅᔭᕐᓄᐊᕈᓐᓇᖅᑕᑎᑦ ᑎᑎᖅᑲᖁᑎᖏᑦ ᐃᑭᐊᖅᑭᕕᑦᑎᓐᓂᑦ ᐃᑭᐊᖅᑭᕕᒃ , ᐅᕝᕙᓘᓐᓃᑦ ᐅᖃᖃᑎᒋᔪᓐᓇᖅᑕᑦᑎᒍᑦ ᐅᕘᓇ ᐅᖃᖃᑎᒋᓗᑎᒍᑦ ᐱᔪᒪᒍᕕᑦ ᐅᓄᖅᑐᓕᐅᖅᓯᒪᔪᓂᑦ. ᓇᓂᔪᓯᔪᓐᓇᕐᒥᔪᑎᑦ ᑎᑎᕋᖅᓯᒪᔪᓂᒃ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ ᐃᓕᓐᓂᐊᖅᑎᑦᑎᔨᓂᒃ ᐊᒻᒪᓗ ᐃᓕᓐᓂᐊᖅᓂᒃ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐃᑭᐊᖅᑭᕕᑦᑎᓐᓂᑦ, ᐅᖃᓪᓚᐅᑎᖃᖅᓯᒪᔪᑦ ᓇᓗᓇᐃᔭᑦᑎᐊᖅᓯᒪᔪᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐅᖃᐅᓯᐅᔪᓂᒃ ᐊᒥᓱᒐᓚᖕᓂᑦ ᓴᓇᕝᕕᐅᔪᓂᑦ..
ᑎᓴᒪᑦ ᐱᑕᖃᕆᐊᖃᓪᓚᕆᒋᐊᓖᑦ ᐃᓗᓕᖏᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᒐᒃᓴᓂᑦ
ᒥᑭᑦᑐᓄᑦ, ᕿᑎᐊᓃᑦᑐᓄᑦ, ᐊᒻᒪ ᐊᖏᔪᓄᑦ ᓇᖕᒥᓂᖃᖅᕕᐅᔪᓄᑦ


ᐊᖏᓂᖓ ᒥᑭᓐᓂᖓ ᖃᓄᐃᓕᖓᒐᓗᐊᖅᐸᑦ ᓇᖕᒥᓂᖅᐱᑦ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᓕᓐᓂᐊᖓᒃᓴᖅ ᐱᑕᖃᕆᐊᖃᓪᓚᕆᒋᐊᓖᑦ ᐃᓚᒋᔭᐅᔪᑦ ᐃᖏᕐᕋᓂᕐᓄᑦ ᐊᒻᒪᓗ ᐱᐅᓛᑦ ᐊᑦᑕᕐᓇᖅᑕᐃᓕᒪᑦᑎᐊᖁᓪᓗᒋᑦ ᐃᖅᑲᓇᐃᔭᖅᑏᑦ.

ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᐃᑦ ᒪᓕᒐᖅᑎᒍᑦ ᐃᒪᐃᑦᑕᕆᐊᖃᖅᑎᖅᑎᕗᑦ ᐃᖅᑲᓇᐃᔭᖅᑎᑦᑎᔩᑦ 20 ᐅᖓᑖᓂᑦ ᐃᖅᑲᓇᐃᔭᖅᑎᓖᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᒐᒃᓴᖁᑎᖃᕐᓗᑎᒃ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓕᕆᔾᔪᑎᖃᖅᐳᑦ ᐃᑲᔪᖅᓱᐃᔪᓂᒃ ᓇᖕᒥᓂᕐᓂᒃ ᐋᖅᑭᒃᓯᕙᓪᓕᐊᑎᓪᓗᑎᑦ ᐊᒻᒪᓗ ᑲᒪᒋᖃᑦᑕᖅᓗᒍ ᓴᙱᓗᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᐊᕈᑎᒃᓴᖅ. ᑕᕝᕙ ᑎᓴᒪᑦ ᐱᑕᖃᕆᐊᖃᓪᓚᕆᒋᐊᓖᑦ ᐃᓚᒋᔭᑦ ᑖᒃᑯᓄᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᒐᒃᓴᓂᑦ ᐊᒻᒪᓗ ᓱᓇᒃᑯᑖᓂᒃ ᐃᑲᔪᖅᓱᐃᔪᓂᒃ ᓇᖕᒥᓂᖁᑎᖕᓂᒃ ᓴᖅᑭᓈᓱᐊᖅᑎᓪᓗᑎᒃ ᐅᕝᕙᓘᓐᓃᑦ ᑲᒪᒋᖃᑦᑕᕐᓂᐊᖅᑎᓪᓗᒋᑦ: 
  1. ᐱᓕᕆᔾᔪᓰᑦ ᓇᓗᓇᐃᔭᐃᔪᑦ ᐊᒻᒪᓗ ᖃᒪᔪᓐᓇᖅᑐᑦ ᖁᐊᖅᓵᕐᓇᕈᑎᓂᒃ 
    • ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᓕᒋᐊᖃᖅᑐᖅ ᐱᓕᕆᔾᔪᓯᖏᑦ  ᖁᐊᖅᓵᕐᓇᖅᑐᒥᒃ ᖃᐅᔨᓴᕐᓂᖅ ᓇᓗᓇᐃᔭᐃᔪᖅ ᖃᓄᖅ ᑖᓐᓇ ᐱᕙᓪᓕᐊᖕᒪᖔᑦ ᐱᓕᕆᔾᔪᓯᖅ. 
  2. ᐊᑯᓚᐃᓕᕇᖕᓂᑦ ᐊᒻᒪᓗ ᑲᔪᓰᓐᓇᖅᑐᓂᒃ ᐱᓕᒻᒪᒃᓴᓂᖅ
  3. ᐱᓕᕆᔾᔪᓰᑦ ᐅᓂᒃᑳᓕᐅᕐᓂᕐᒧᑦ
    • ᐃᒪᐃᑦᑐᖃᕋᓗᐊᕐᓂᖅᐸᑦ ᐊᔭᐃᑲᓴᒡᑎᒃ, ᐊᒃᓱᐊᓘᙱᑦᑐᒥᒃ ᖃᓄᐃᑦᑐᖃᕐᓗᓂ, ᐅᕝᕙᓘᓐᓃᑦ ᐱᕐᔪᕐᒥᒃ ᐋᓐᓂᖅᑐᖃᕐᓗᓂ, ᐅᓂᒃᑳᓕᐅᕐᓂᑦ ᐃᓚᒋᔭᐅᑐᐃᓐᓇᙱᒻᒪᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖅ, ᑭᓯᐊᓂ ᒪᓕᒐᖅᑎᒍᑦ ᑕᐃᒪᐃᑦᑕᕆᐊᖃᖅᑎᑕᐅᔪᑎᑦ ᐃᖅᑲᓇᐃᔭᖅᑎᑦᑎᔨᐅᑎᓪᓗᑎᑦ. ᑐᓴᐅᒪᒃᑲᓐᓂᕈᑏᑦ ᓇᓂᔭᐅᔪᓐᓇᖅᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ   ᐅᓂᒃᑳᓕᐅᕐᓂᕐᒧᑦ ᐱᔭᐅᓯᒪᔭᕆᐊᓖᑦ ᐃᑭᐊᖅᑭᕕᖕᒥᑦ, ᓇᓂᓯᔪᓐᓇᕐᒥᒋᓪᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ   ᐃᖅᑲᓇᐃᔭᖅᑎᑦᑎᔩᑦ ᐅᓂᒃᑳᖏᑦ ᖃᓄᐃᑦᑐᖃᖅᑎᓪᓗᒍ ᑕᑕᑎᕆᐊᓕᒃ. ᑐᓂᓯᔪᒪᓐᓂᕈᕕᑦ ᐅᖃᐅᓯᕆᓗᒍ ᐊᑦᑕᓇᖅᑐᒥ ᐃᖅᑲᓇᐃᔭᕐᒥᑦ, ᐊᑐᕈᓐᓇᖅᑐᑎᑦ   WSCC Connect. 
  4. ᐃᓚᐅᖃᑕᐅᓂᖅ ᐃᓗᐊᒍᑦ ᑲᒪᒋᔭᖃᕐᓂᐅᔪᒥᑦ ᐱᓕᕆᔾᔪᓯᐅᔪᒥᑦ (IRS)
    • ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐃᓕᒪᓂᖅ ᐊᑕᖏᓗᒃᑖᖅᖢᑎᒃ ᐱᓕᕆᐊᒃᓴᕆᕙᔾᔪᒃ. ᐃᖅᑲᓇᐃᔭᖅᑎᑦᑎᔨᐅᑎᓪᓗᑎᑦ ᐅᕝᕙᓘᓐᓃᑦ ᐊᖏᔪᖅᑳᖑᑎᓪᓗᑎᑦ, ᐃᓕᕆᐊᒃᓴᖃᖅᐳᑎᑦ ᓴᙱᔪᒥᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕈᑎᒥᒃ, ᑭᓯᐊᓂ ᐊᑦᑕᕐᓇᖅᑕᐃᓕᒪᓂᖅ ᐱᒋᐊᓲᖑᙱᒻᒪᑦ ᐊᒻᒪᓗ ᓄᖅᑲᓲᖑᙱᖢᓂ ᐃᓕᖕᓂᑦ. ᐃᖅᑲᐅᒪᓂᐊᖅᐳᑎᑦ ᐃᖅᑲᓇᐃᔭᖅᑎᑎᑦ ᐱᓕᕆᓪᓚᕆᒡᓗᑎᒃ ᑲᔪᓰᓐᓇᖅᑐᒥᒃ ᖃᐅᔨᓴᐃᓐᓇᕐᓗᑎᒃ ᐊᒻᒪᓗ ᐅᓪᓗᒥᒨᖓᓕᖅᑎᑉᐸᒡᓗᒋᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒃᑕᐅᔭᕆᐊᓖᑦ. ᑲᔪᖏᖅᓴᐃᒋᑦ ᖁᕝᕙᓯᓕᕇᓂᒃ ᐃᖅᑲᓇᐃᔭᖅᑎᓂᒃ ᐃᓚᐅᑎᑦᑎᓗᑎᒃ ᑕᐃᒃᑯᓇᓂ  ᐃᓗᐊᒍᑦ ᑲᒪᒋᔭᖃᕐᓂᐅᔪᒥᑦ ᐱᓕᕆᔾᔪᓯᐅᔪᒥᑦ (IRS) , ᓇᓗᓇᐃᔭᖁᓪᓗᒋᑦ ᐱᐅᓯᒋᐊᕈᓐᓇᖅᑐᑦ, ᐊᒻᒪᓗ ᐃᒪᓐᓈᖅᑑᑎᑦ ᐋᖅᑭᒋᐊᕈᑎᐅᔪᓐᓇᖅᑐᑦ. ᐊᑦᑕᕐᓇᖅᑕᐃᓕᒪᓂᖅ ᑭᓇᒃᑯᓕᒫᑦ ᐱᓕᕆᐊᒃᓴᕆᕙᖓᑦ..
ᐊᑕᖏᖅᓯᒪᔪᒥᒃ ᓴᖅᑮᓂᕐᒥᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᖁᑎᒃᓴᒥᒃ ᐃᖅᑲᓇᐃᔭᕐᕕᖕᓄᑦ, ᖃᐅᔨᒋᐊᕈᒃ ᐱᖁᑎᕗᑦ  ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᒐᒃᓴᓄᑦ ᐱᓕᕆᔾᔪᑏᑦ ᐊᒻᒪᓗ ᓴᓇᓗᓯ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕈᑎᓂᒃ ᐃᑭᐊᖅᑭᕕᑦᑎᓐᓂᑦ. ᑕᐃᒪᐃᑎᑦᑎᑦᑕᐃᓕᒪᔨᓄᑦ ᐃᓚᒋᔭᐅᔪᖅ ᐱᓕᕆᖃᑎᖃᕈᒪᐃᓐᓇᐅᔭᖅᑐ ᓇᖕᒥᓂᖁᑎᖕᓂᒃ ᐋᖅᑭᒃᓱᐃᑎᓪᓗᓯ ᓴᙱᔪᒥᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᒐᒃᓴᒥᒃ ᓇᓂᑐᐃᓐᓇᖅ ᐃᖅᑲᓇᐃᔭᕐᕕᖕᓂᑦ. ᐅᖃᓪᓚᖃᑎᒋᑎᒍᑦ ᐅᓪᓗᒥ .

* ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᓂᓯᔪᒪᔪᑦ ᐊᑦᑕᕐᓇᖅᑕᐃᓕᒪᓂᕐᒥᒃ ᐹᔅᓯ ᒪᔪᕋᐅᑎᖏᓐᓄᑦ. ᑐᒃᓯᕋᕈᓐᓇᖅᑐᑎᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᑕᐃᑲᙵᑦ ᑎᑎᖅᑲᖁᑎᑦᑎᓐᓂᑦ ᓇᓂᔭᐅᔪᓐᓇᖅᑐᑦ ᐃᑭᐊᖅᑭᕕᑦᑎᓐᓂᑦ, ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᖅᑎ ᖃᐃᖁᓗᒍ ᐃᖅᑲᓇᐃᔭᕐᕕᖕᓄᑦ ᐊᒻᒪᓗ ᐃᓕᓐᓂᐊᖅᑎᑦᑎᓗᓂ ᐊᑦᑕᕐᓇᖅᑕᐃᓕᒪᓂᐅᑉ ᒥᒃᓵᓄᑦ ᐃᖅᑲᓇᐃᔭᖅᑎᖁᑎᖕᓄᑦ. ᑐᒃᓯᕋᕆᑦ ᐊᑕᐅᓯᕐᒥᒃ ᐅᓪᓗᒥ !
ᐊᑕᕐᓇᖅᑕᐃᓕᒪᓂᕐᒧᑦ ᖃᐅᔨᓴᕐᓂᕐᓄᑦ ᐱᑕᖃᕆᐊᖃᓪᓚᕆᒋᐊᓖᑦ


ᐊᑑᑎᖃᑦᑎᐊᖅᑐᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᒻᒪᓗ ᐋᓐᓂᐊᖃᖅᑕᐃᓕᒪᓂᕐᒧᑦ ᖃᐅᔨᓴᐃᓃᑦ ᐱᒻᒪᕆᐅᓂᖅᐹᖑᖃᑕᐅᔪᖅ ᐱᓕᕆᔾᔪᓯᖅ ᑕᐃᒪᐃᑎᑦᑎᑦᑕᐃᓕᒪᓇᓱᐊᖅᑎᓪᓗᒋᑦ. ᑲᐅᔨᓴᐃᓃᑦ ᐃᑲᔪᖅᓯᖅᐳᑦ ᖃᓄᐃᓪᓕᑎᑦᑎᑦᑕᐃᓕᑎᓪᓗᒍᑦ ᑲᒻᐸᓂᐅᔫᑉ ᐱᖁᑎᖏᓐᓂᒃ, ᓴᐳᔾᔨᓪᓗᑎᒃ ᐃᖅᑲᓇᐃᔭᖅᑏᑦ ᐊᑦᑕᕐᓇᖅᑕᐃᓕᒪᓂᖏᓐᓂᒃ ᐊᒻᒪᓗ ᐋᓐᓂᐊᖃᖅᑕᐃᓕᒪᓂᖏᓐᓂᒃ, ᐊᒻᒪᓗ ᑕᐃᒪᐃᑦᑕᕆᐊᖃᖅᑎᑕᐅᔪᑦ ᒪᓕᒐᖅᑎᒍᑦ. ᐱᐅᔪᓪᓚᕆᐅᔪᑦ, ᐊᐅᓚᑦᑎᓃᑦ ᐃᖅᑲᓇᐃᔭᖅᑎᑦᑎᔨᓄᑦ ᓇᓗᓇᐃᔭᐃᖁᓪᓗᒋᑦ ᐊᒻᒪᓗ ᑎᑎᕋᖅᓯᒪᑎᑦᑎᖁᓪᓗᒋᑦ ᖁᐊᖅᓵᕐᓇᕈᓐᓇᖅᑐᓂᒃ ᐲᔭᐃᖁᓪᓗᒋᑦ ᐅᕝᕙᓘᓐᓃᑦ ᐊᐅᓚᑦᑎᔪᓐᓇᖁᓪᓗᒋᑦ ᐋᓐᓂᖅᑐᖃᓚᐅᖅᑳᖅᑎᓐᓇᒍ ᐅᕝᕙᓘᓐᓃᑦ ᖃᓄᐃᑦᑐᖃᓚᐅᖅᑳᖅᑎᓐᓇᒍ.

ᖃᓄᐃᓗᐊᒧᑦ ᖃᐅᔨᓴᖅ?

ᐊᑑᑎᖃᑦᑎᐊᖅᑐᑦ ᖃᐅᔨᓴᕐᓃᑦ ᐃᑲᔪᖅᓯᖅᑐᑦ ᖃᓄᐃᑦᑐᖃᖅᑎᑦᑎᑦᑕᐃᓕᕆᓂᕐᒥᒃ, ᐋᓐᓂᖅᑎᑦᑎᑦᑕᐃᓕᓂᕐᒥᒃ ᐊᒻᒪᓗ ᐋᓐᓂᐊᓕᖅᑎᑦᑎᑦᑕᐃᓕᒪᓂᕐᓂᒃ ᓇᓗᓇᐃᔭᐃᑎᓪᓗᒋᑦ ᖁᐊᖅᓵᕐᓇᕈᓐᓇᖅᑐᓂᒃ ᐃᖅᑲᓇᐃᔭᕐᕕᖕᓂᑦ ᐲᔭᖅᑕᐅᔭᕆᐊᖃᖅᑎᓪᓗᒋᑦ ᐅᕝᕙᓘᓐᓃᑦ ᐊᐅᓚᑕᐅᔭᕆᐊᖃᖅᑎᓪᓗᒋᑦ. ᐃᑲᔪᖅᓯᓲᖑᕗᑦ ᓇᓗᓇᐃᖅᓯᓪᓗᑎᒃ ᑲᒪᒋᔭᕆᐊᓕᖕᓂᒃ ᓴᖅᑭᑦᑐᓂᒃ, ᐊᒻᒪᓗᑦᑕᐅᖅ ᐅᑯᓚᐃᓕᕇᓂᒃ ᓴᖅᑭᑉᐸᒃᑐᑦ. ᐊᑑᑎᖃᑦᑎᐊᖅᑐᑦ ᖃᐅᔨᓴᐃᓃᑦ ᐃᑲᔪᖅᓯᓲᖑᕗᑦ ᐱᐅᓂᖅᓴᒥᒃ ᑐᑭᓯᐅᒪᔾᔪᑎᓂᒃ ᐱᓕᕆᐊᓄᑦ ᐃᖅᑲᓇᐃᔭᖅᑏᑦ ᐱᓕᕆᔭᖏᓐᓄᑦ. ᐃᑲᔪᖅᐸᒃᑐᑦ ᐅᕙᑦᑎᓐᓂᒃ ᓇᓗᓇᐃᑦᑎᐊᖁᓪᓗᒍ ᐱᒋᐊᕈᑖᓂᒃ ᖁᐊᖅᓵᕐᓇᖁᓐᓇᖅᑑᑉ, ᐃᒪᓐᓈᖅᑑᑎᓂᒃ ᐋᖅᑭᒋᐊᕈᑎᒃᓴᓂᒃ ᐱᓕᕆᐊᒃᓴᑦ, ᐊᒻᒪᓗ ᓴᖅᑮᓗᑎᒃ ᐊᑦᑕᕐᓇᙱᒃᑐᒥᒃ ᐃᖅᑲᓇᐃᔭᕐᓗᓂ ᒪᓕᒃᑕᐅᔪᓐᓇᖅᑐᓂᒃ.

ᓇᓂ ᐱᒋᐊᕆᐊᖃᕐᒪᖔᑉᑕ

ᐃᖅᑲᓇᐃᔭᖅᑎᑦᑎᔩᑦ ᐋᖅᑭᒃᓱᐃᔭᕆᐊᓖᑦ ᓇᖕᒥᓂᖅ ᒪᓕᒋᐊᓕᖏᓐᓂᒃ ᒪᓕᒃᑕᐅᔭᕆᐊᓕᒃᓂᒃ ᐱᓕᕆᓂᖃᖅᑎᓪᓗᒋᑦ ᖃᐅᔨᓴᐃᓂᕐᒥᒃ, ᐃᑲᔪᖅᓱᐃᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᖅᑎᓂᒃ ᐋᖅᑭᒃᓯᖁᓪᓗᒋᑦ ᐊᑐᖅᑕᐅᒐᔪᒃᑐᓂᒃ ᑲᑉᐸᓂ ᖃᐅᔨᓴᖅᑕᐅᑎᓪᓗᒍ. ᖃᐅᔨᒪᔾᔪᑕᐅᔪᓐᓇᖅᑐᑦ ᐱᒋᐊᕈᑎᑦᑎᐊᕙᐅᔪᑦ ᖃᐅᔨᓴᕐᓃᑦ ᐊᔾᔨᒌᖏᓐᓇᐅᔭᕐᒪᖔᑕ ᐊᒻᒪᓗ ᐊᑕᖏᖅᓯᒪᒐᓗᐊᕐᒪᖔᑕ. ᖃᐅᔨᒪᔾᔪᑕᐅᔪᓐᓇᖅᑐᑦ ᓇᓗᓇᐃᔭᐃᑦᑎᐊᖅᓯᒪᔭᕆᐊᓖᑦ ᐃᓂᒧᑦ ᐅᕝᕙᓘᓐᓃᑦ ᑭᓱᑦ ᖃᐅᔨᓴᖅᑕᐅᖕᒪᖔᑕ. ᑎᑎᕋᖁᑎ ᐱᒋᐊᕈᑎᒋᔪᓐᓇᖅᑕᐃᑦ ᓇᓂᔭᐅᔪᓐᓇᖅᑐᖅ   ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑭᐊᖅᑭᕕᖓᓂᑦ ᑲᑎᙵᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC) ᐃᓚᒋᔭᐅᔪᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᒡᒐᖅᑐᐃᔨ ᐱᓕᕆᐊᖃᕈᓐᓇᖅᑐᖅ ᖃᐅᔨᓴᐃᓂᕐᒥᒃ. ᐃᖅᑲᓇᐃᔭᖅᑏᑦ ᐊᒻᒪᓗ ᐊᖏᔪᖅᑲᑦ ᐃᓕᕆᔪᓐᓇᕐᒥᔪᑦ ᖃᐅᔨᓴᐃᓂᕐᓂᒃ, ᑭᓯᐊᓂ ᕿᒥᕐᕈᔭᐅᔭᕆᐊᓖᑦ ᐊᐅᓚᑦᑎᔨᓄᑦ ᐊᒻᒪᓗ/ᐅᕝᕙᓘᓐᓃᑦ ᑎᓕᔭᐅᓯᒪᔪᒧᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᖅᑎᒧᑦ.

ᕿᓂᕐᓗᑎᑦ ᐅᑯᓂᖓ

ᖃᐅᔨᓴᐃᓃᑦ ᐊᔾᔨᒌᖏᑦᑐᓂᒃ ᖁᐊᖅᓵᕐᓇᕈᓐᓇᖅᑐᓂᒃ ᐊᑯᓚᐃᓕᕇᓂᒃ ᖃᐅᔨᓴᐃᑎᓪᓗᑎᒃ:
ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓛᖅᑐᑦ ᓯᑎᐱᕆᒥ ᓄᖅᑲᖔᕐᓇᒥᑦ ᓇᒡᒐᔾᔭᐅ, ᓯᑎᐱᕆ 2. ᑎᑎᕋᕐᑯᖓ ᐅᒃᑯᐃᒃᑲᓐᓂᓛᖅᑐᖅ ᐊᐃᑉᐱᖅ, ᓯᑎᐱᕆ 3, 8:30 ᐅᓪᓛᒃᑯᑦ

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.
wscc.nt.ca   /  1.800.661.0792   *   wscc.nu.ca  /  1.877.404.4407