ᑎᓯᐱᕆ 2017                                                              

ᓄᑖᖑᔪᖅ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒧᑦ: ᐃᓚᓕᐅᑎᓗᒍ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᓄᑖᙳᖅᑎᑕᐅᓯᒪᓂᖓ
ᑐᓂᓯᔪᓐᓇᖅᑐᑎᑦ ᐱᒋᐊᕐᓗᒍ ᔮᓐᓄᐊᓕ 2, 2018
ᐃᖅᑲᓇᐃᔭᖅᑎᖁᑎᓖᑦ, ᑎᓯᐱᕆᐅᑉ ᐱᒋᐊᕐᖓᕐᓂᖓᓂ ᑐᑭᓯᒋᐊᕈᑎᓂ ᑎᑭᕝᕕᐅᓚᐅᖅᑐᓯ ᖃᓄᖅ ᑐᓂᓯᒋᐊᖃᕐᒪᖔᖅᐱᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ (APR) ᐊᒻᒪ ᓄᑖᖑᔪᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑐᓴᐅᒪᔾᔪᑎᒥ ᓄᑖᒥ. ᑕᐃᑲᓂ ᑕᖅᑭᐅᓚᐅᖅᑐᒥ ᑎᑎᖃᖅᓯᒪᔪᓂ SafetyNet   , ᓇᓗᓇᐃᖅᓯᓚᐅᖅᑐᒍᑦ ᑖᓐᓇ ᓄᑖᖑᔪᖅ ᖃᓄᖅ ᐃᓕᖕᓄᑦ ᑐᑭᖃᕐᒪᖔᖅ. ᑕᒡᕙᒪᑯᐊ ᐃᑲᔫᑎᒃᓴᒃᑲᓐᓃᑦ ᐊᒻᒪ ᐃᖅᑲᐃᑎᑦᑎᒋᐊᕈᑏᑦ:

ᖃᐅᔨᓴᕐᓗᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐄ/ᐋᒃᑲ ᑭᐅᔾᔪᑎᒋᔭᑎᑦ ᐅᓂᒃᑳᓕᐊᕐᓂ ᐱᒋᐊᓚᐅᙱᓂᕐᓂ.

WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᓐᓂᑦ (ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ) ᐃᓕᖕᓂ ᑐᓂᓯᓂᕐᒧᑦ ᐄ/ᐋᒃᑲ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ.

ᑭᐅᔾᔪᑎᑎᑦ ᖃᐅᔨᒪᕙᒌᕐᓗᒋᑦ ᑎᑎᕋᖅᓯᕙᓪᓕᐊᓚᐅᙱᓂᕐᓂ.

ᑭᐅᔾᔪᑎᑎᑦ ᐊᑐᐃᓐᓇᐅᖅᑎᕙᒌᕈᕕᒋᑦ ᑎᑎᕋᖅᓯᕙᓪᓕᐊᓚᐅᙱᓂᕐᓂ ᐊᑲᐅᓂᖅᓴᒥ ᐊᑐᕐᓂᐊᕋᕕᑦ ᐊᒻᒪ ᑐᓂᓯᓂᐊᕋᕕᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ ᑕᒻᒪᖅᓯᒪᙱᑦᑐᓂ ᓈᓴᐅᑎᓂᑦ ᓇᖕᒥᓂᕆᔭᐅᔪᓂᑦ ᐊᐅᓚᓂᖃᖅᑐᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᓂᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ.

ᐊᕕᒃᑐᖅᓯᒪᑦᑎᐊᖅᑐᖅ ᓇᓗᓇᐃᔭᐅᑎᕗᑦ ᐃᓕᖕᓂ ᐃᑲᔪᕈᓐᓇᖅᑐᖅ.

ᕿᒥᕐᕈᐊᕐᓗᒋᑦ ᑕᒪᕐᒥᑦᑎᐊᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐄ/ᐋᒃᑲ ᐊᐱᖅᑯᑎᐅᔪᑦ ᐊᒻᒪ ᓇᓗᓇᐃᔭᐅᑏᑦ ᐃᓚᖓ 4-ᒦᑦᑐᖅ ᑕᐃᑲᓂ   ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ.  

ᑐᑭᓯᒋᐊᕈᑏᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᖅ ᖃᓄᐃᑦᑑᒐᔭᕐᒪᖔᖅ ᑕᑯᔭᐅᔪᓐᓇᖅᑐᖅ ᐅᕙᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᒧᑦ ᐃᑲᔫᑎᒃᓴᑦ ᐃᑭᐊᖅᑭᕕᖓᓂ.

ᐃᓱᓕᒡᕕᒃᓴᐅᑖ ᑐᓂᓯᓂᕐᒧᑦ ᐃᒡᕕᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ ᕖᕝᕗᐊᓕ 28, 2018−ᖑᔪᖅ. ᑐᓂᓯᔪᓐᓇᖅᑐᑎᑦ ᐅᓂᒃᑳᓕᐊᓐᓂ ᐱᒋᐊᕐᓗᒍ ᔮᓐᓄᐊᓕ 2, 2018.

ᑕᒫᓃᑦᑐᒍ ᐃᑲᔪᕈᒪᓪᓗᑕ! ᐃᑲᔪᖅᑕᐅᔭᕆᐊᖃᕈᕕᑦ, ᐃᕐᖐᓐᓈᖅᑕᐅᑎᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᕐᓂᕐᒧᑦ ᓄᓇᑦᓯᐊᕐᒥ ᐅᕝᕙᓘᓐᓃᑦ ᓄᓇᕗᒻᒥ , ᐅᕝᕙᓘᓐᓃᑦ ᐊᑭᖃᙱᑦᑐᒧᑦ ᐅᕙᓂ 1-800-661-0792.
ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ
ᖃᓄᐃᙱᑦᑎᐊᕆᐊᕆᑦᑎ ᕿᑲᓐᓇᐅᓛᖅᑐᒥ!


 
ᕿᑲᓐᓇᐅᕙᓪᓕᐊᓂᐊᓕᖅᑎᓪᓗᒍ, ᑐᐊᕕᕈᓘᔭᑐᐃᓐᓇᕆᐊᖃᖅᑐᑎᑦ. ᐱᔭᒃᓴᖃᕈᓘᔭᓕᕐᓇᖅᑐᖅ ᖁᕕᐊᓲᑎᒃᓴᓂ ᓂᐅᕕᕈᓘᔭᖃᑦᑕᕐᓗᓂ ᐊᒻᒪ ᐸᕐᓇᐸᓪᓕᐊᓂᕐᒧᑦ ᖁᕕᐊᓱᒡᕕᖕᒥ ᓂᕆᖃᑎᖃᕐᓂᕐᒥᑦ ᐱᖃᓐᓇᕆᔭᓐᓂ ᐃᓚᒋᔭᓐᓂᓪᓗ. ᑭᓯᐊᓂ, ᖃᓐᓂᖃᑦᑕᖅᑎᓪᓗᒍ, ᑐᐊᐸ ᓂᓚᖃᖅᑎᓪᓗᒍ, ᑖᕐᓂᖅᓴᐅᖃᑦᑕᓕᖅᑎᓪᓗᒍᓗ, ᐱᒻᒪᕆᐅᓂᖅᓴᐅᕗᖅ ᐅᔾᔨᖅᓱᑦᑎᐊᓂᕐᒥᑦ ᐊᕙᑎᓐᓂ ᖁᐊᐃᔭᕿᑦᑕᐃᓕᒪᓂᕐᒧᑦ, ᐹᓪᓚᒃᑕᐅᓕᒪᓂᕐᒧᑦ ᐅᕝᕙᓘᓐᓃᑦ ᑲᑕᒃᑕᐃᓕᒪᓂᕐᒧᑦ.

ᐅᓗᕆᐊᓇᖅᑐᒦᓐᓂᖅᓴᐅᕗᑎᑦ ᖁᐊᐃᔭᕿᓐᓂᕐᒧᑦ, ᐹᓪᓚᖕᓂᕐᒧᑦ, ᐊᒻᒪ ᑲᑕᖕᓂᕐᒧᑦ ᐅᑭᐅᒃᑯᑦ, ᑭᓯᐊᓂ ᑕᒫᓃᑉᐳᒍᑦ ᐃᓕᖕᓂ ᐃᖅᑲᐃᑎᑦᑎᒋᐊᖅᑐᑕ ᑖᒃᑯᐊ ᑕᐃᒪᐃᔾᔪᑕᐅᑦᑕᐃᓕᔪᓐᓇᕐᓂᖏᓐᓂ. ᐃᖅᑲᐅᒪᓂᐊᖅᐳᑎᑦ ᐃᒪᐃᓕᐅᕐᓗᑎ:
  • ᑲᒫᓗᖕᓂ ᖁᐊᐃᓐᓇᖏᑦᑐᓂ ᓈᒻᒪᒋᑦᑎᐊᖅᑕᓐᓂ ᐊᑐᕐᓗᑎ;
  • ᐸᕐᓇᕙᒌᔭᖅᓯᒪᓗᑎ ᑐᐊᕕᓗᐊᙱᓪᓗᑎ; ᐊᒻᒪ
  • ᐊᕙᑎᒥᐅᑕᑎᑦ ᐅᔾᔨᕆᑦᑎᐊᖃᑦᑕᕐᓗᒋᑦ.
ᖁᐊᐃᔭᕿᓐᓃᑦ, ᐹᓪᓚᖕᓃᑦ ᐊᒻᒪ ᑲᑕᖕᓃᑦ ᑕᐃᒪᐃᑦᑕᐃᓕᔾᔪᑕᐅᔪᓐᓇᖅᑐᑦ. ᖃᓄᐃᙱᑦᑎᐊᕆᐊᕆᑦᑎ ᐊᒻᒪ ᐊᑦᑕᓇᔾᔭᐃᖅᓯᒪᓗᓯ ᕿᑲᓐᓇᐅᓛᖅᑐᒥ; ᐊᑦᑕᓇᔾᔭᐃᖅᓯᒪᓂᖅ ᐃᒪᐃᑦᑑᖏᓐᓇᐅᔭᖅᑐᖅ ᐊᑑᑎᖃᑦᑎᐊᖅᐳᖅ (#worthit ).
ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ ᑐᓂᔭᐅᓯᒪᔭᕆᐊᖃᕐᓂᖏᑦ
ᐅᓪᓗᖅᓯᐅᑎᓯ ᑎᑎᖅᓯᐅᒃ: ᑎᓯᐱᕆ 31, 2017

ᓇᖕᒥᓂᖃᖅᑎᐅᒍᕕ, ᑲᑐᔾᔨᖃᑎᒋᔭᐅᒍᕕ, ᑎᑎᕋᖅᓯᒪᒍᕕᑦ ᑐᑭᒧᐊᖅᑎᑦᑎᔨᐅᓪᓗᑎ, ᐅᕝᕙᓘᓐᓃᑦ ᓇᖕᒥᓂ−ᐃᖅᑲᓇᐃᔭᖅᑎᐅᒍᕕᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᑦᑕᐅᑎᒋᙱᑦᑐᑎᑦ ᐃᒡᕕᑦ ᐃᖅᑲᓇᐃᔮᖓᒍᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᓂᐊᓗᓂ, ᐊᑎᓕᐅᕆᐊᖃᖅᑐᑎ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒧᑦ, ᐊᔾᔨᒌᑦᑐᓂ ᐃᑲᔫᑎᓂ ᐊᑐᐃᓐᓇᐅᑎᑦᑎᓲᑦ ᐊᓯᖏᑎᑐᑦ ᓴᓇᔨᐅᔪᓂ ᐃᖅᑲᓇᐃᔭᕐᕕᖕᒥ ᐋᓐᓂᐊᕐᓇᑐᑖᑲᓪᓛᒃᑯᕕᑦ ᐊᒻᒪ ᐋᓐᓂᑳᓪᓚᒃᑯᕕᑦ.

ᓇᓪᓕᐅᒃᑯᒫᖅᑖᕈᓐᓇᖅᑐᑎᑦ ᑕᖅᑭᑐᐊᕐᒧᑦ ᐊᒻᒪ ᐊᕐᕌᒍᓕᒫᒧᑦ. ᓇᓪᓕᐅᒃᑯᒫᒃᓴᐃᑦ ᓄᑖᙳᖅᑎᔭᕆᐊᖃᖅᑕᐃ ᐊᕐᕌᒍᑕᒫᑦ, ᓄᑖᙳᖅᑎᕆᓂᕐᒧᑦ ᐊᑭᓕᐅᑏᑦ ᐱᔭᐅᔭᕆᐊᓖᑦ ᑎᓯᐱᕆ 31, 2017-ᒥ.

ᕿᒥᕐᕈᐊᓂᕐᒧᑦ ᐊᒻᒪ ᑕᑕᑎᕆᓂᕐᒧᑦ ᑖᔅᓱᒥᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ, ᓇᕿᑦᑎᓗᑎ   ᒪᐅᓇ, ᐅᕝᕙᓘᓐᓃᑦ ᐃᕐᖐᓐᓈᖅᑕᐅᑎᒃᑯᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᕐᓂᕐᒧᑦ ᓄᓇᑦᓯᐊᕐᒥ ᐅᕝᕙᓘᓐᓃᑦ ᓄᓇᕗᒻᒥ ᑐᑭᓯᒋᐊᕈᑎᒃᓴᒃᑲᓐᓂᕐᓄᑦ.
ᐊᑐᐊᒐᐃᑦ ᐊᓯᔾᔨᕐᓂᖏᑦ

ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᐊᓚᐅᕐᒪᑕ ᐊᒻᒪ ᐊᖏᓚᐅᖅᖢᑎ ᑕᒪᒃᑯᓂᖓ ᐊᑐᐊᒐᕐᓂᒃ ᓯᑎᐱᕆ 2017-ᒥ ᑲᑎᒪᑎᓪᓗᒋᑦ:
    • ᐊᑐᐊᒐᖅ 02.03, ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ
    • ᐊᑐᐊᒐᖅ 03.09, ᐃᓱᒪᓕᕆᓂᕐᒧᑦ ᐊᒻᒪ ᐃᓱᒪᒥᐅᑕᖃᕐᓂᕐᒧᑦ ᐊᑲᐃᓪᓕᐅᕈᑏᑦ
    • ᐊᑐᐊᒐᖅ 05.01, ᐱᓕᒻᒪᒃᓴᓂᕐᒧᑦ ᒪᒥᓴᕐᓂᕐᒧᑦ ᐊᔪᙱᑎᑕᐅᓂᕐᒥᑦ
    • ᐊᑐᐊᒐᖅ 05.02, ᐱᓕᒻᒪᒃᓴᓂᕐᒧᑦ ᒪᒥᓴᕐᓂᕐᒧᑦ ᐱᓕᕆᐊᒃᓴᑦ
    • ᐊᑐᐊᒐᖅ 05.05, ᐱᓕᒻᒪᒃᓴᓂᕐᒧᑦ ᒪᒥᓴᕐᓂᕐᒧᑦ ᐃᑲᔫᓯᐊᒃᓴᑦ ᐊᒻᒪ ᑮᓇᐅᔭᑦ
ᑕᑯᒋᐊᕐᓗᒍ ᑖᓐᓇ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦᐅᖃᓕᒫᒐᖅ ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.
ᕿᑲᓐᓇᐅᓛᖅᑐᒥ ᐃᖅᑲᐃᑎᑦᑎᒋᐊᕈᑎ
ᐊᒡᓚᒡᕕᑦ ᒪᑐᓯᒪᓂᖏᑦ

ᕿᑲᓐᓇᐅᓛᖅᑐᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᒡᓚᒡᕕᖏᑦ ᒪᑐᓛᖅᑐᑦ 5:00 ᐅᓐᓄᓴᒃᑯᑦ, ᐱᖓᔪᐊ, ᑎᓯᐱᕆ 20-ᒥ, 2017, ᕿᑲᓐᓇᐅᓛᖅᑐᒧᑦ, ᐊᒻᒪ ᒪᑐᐃᒃᑲᓐᓂᕐᓗᑎ 8:30 ᐅᓪᓛᒃᑯᑦ, ᐊᐃᑉᐱᐅᓕᖅᑲ, ᔮᓐᓄᐊᓕ 2, 2018.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ. ᐅᓂᒃᑳᓕᐊᕐᓂᕐᒥᑦ ᐊᑦᑕᓇᔾᔭᐃᖅᓯᒪᙱᑐᓂ ᓴᓇᔪᓂ, ᐊᑐᕐᓗᒍ ᐅᓂᒃᑳᓕᐊᕐᓂᖅ ᐊᑦᑕᓇᔾᔭᐃᖅᓯᒪᙱᑐᓂ ᓴᓇᔪᓂ ᖃᕆᓴᐅᔭᒃᑯᑦ-ᐱᔨᑦᑎᕋᐅᑎ ᐅᕙᓂ ᐊᑐᐃᓐᓇᐅᔪᖅ WSCC Connect.

ᐅᕙᑦᑎᓐᓂᓕᒫᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ, ᐊᑦᑕᓇᙱᑦᑐᒥ ᖁᕕᐊᓇᑦᑎᐊᖅᑐᒥ ᕿᑲᖁᔨᕗᒍᑦ, ᐱᓕᕆᖃᑎᒌᓛᕐᒥᒐᑦᑕ 2018 - ᒥ.


wscc.nt.ca   /  1.800.661.0792   *   wscc.nu.ca  /  1.877.404.4407