 |
 |
Havakvingnit Amirnaqtut Hunaqutiit Naunaitkutait Havauhiit (WHMIS) 2015-mi
AKIITTUT ILIHAQTAGHAT ILIHAQTITAUNIALIQTUT INUKTITUT!
WSCC-kut aghuuqhutik ayuqnaittumik naunaiqhitiyumayuktut Havakvingnit Aanniaqtailiniq Aanniqtailiniqmullu naunaitkutainik. Tajja huli, quviahuktugut ilittuqhitiyaami taimaa akiittut WHMIS 2015-mi ilihaqtittivaktaat ilihaqtitaunahualiqtuq Inuktitut!
Hapkua naunaitkutat akiittut Inuktituuqtunut, Qaplunaatuuqtunut Uivitituuqtunullu uqaqtinut.
Ikayuqtigiighutik taapkualu Kanatami Havakviat Havakvingnit Aanniaqtailiniq Aanniqtailiniqmullu (CCOHS), taapkua WSCC-kut qaritauyakkut aullaqtittihimayut WHMIS 2015-mik e-course-mik ilihaqtaghanik ukiuq atulihaaqtumi ikayuutighait havakviit Nunattiami tamaat Nunavunmilu taimaa havaktiit WHMIS-nut (Havakvingnit Amirnaqtut Hunaqutiit Naunaitkutait Havauhiit) ilihaqtittivaktaat nutaangutqiyauyaami.
Unipkaaqhimayutut hivulliqnit makpiraaqnit SafetyNet-mi ukiumi atuqtumi, ikayuqhugit havakviit maliguattiarniq aghuurnaqtuq taapkua Aanniaqtuliqiyit Kanatami ihuaqhaqhimayait naunaitkutait WHMIS 2015-mut, taimaa atuqtittivalliaplugit pingahuuyukkut aulavighainut nuutiqpalliaplutik, talvuuna maliguattiaqtauliqtughaq December 1-mi, 2018-mi.
Ilihaqvigilugu taamna akiittuq qaritauyakkut ilihaqtaghaq ilihaqtittiyaghaqqut uplumi - ilihainnarialik Inuktitut, Uiviititut, Qaplunaatullu. Uuktuqlugu WHMIS 2015-mi qaritauyakkut ilihaqtaghaq uqauhikkut ihumangnik talvuuna atatarutikkut:
|
|
NUTAAQ WSCC CONNECT-KUT IKAYUUTAIT
QANUQLU ILITTUQHITIUYUT ILINGNUT
Tatqiqhiutimit qaangiqtumit, ilittuqhitihimayugut malrungnik nutaanik WSCC Connect-kut Alruyaqtuqtukkut Ikayuqtinut: Angiriiqhimayut Akiliqtaghat taapkualu Atugaqnik Atannguyait. Atuyukkuvit WSCC Connect-mik, hunauyut hapkua nutaat ikayuutit qanuqlu nakuruttiqtauniaqqit hapkuninnga nutaami ukiumi?
Angiriiqhimayut Akiliqtaghat
Aullaqtittilutit angiriiqhimayut akiliqtaghat talvani WSCC Connect-mi kinguvaqtittailihuiqlutit akiliqtaghanut!
Atugaqnik Atannguyait
Havakviit ahinut nuutirahuaqqat? Aallannguqtiriyut hivayautit nappainut havakviniluuniit hivayaqtaghainik? Munarilaaqtat atukkat atuqhugu taamna WSCC Connect, ayuqnaittumik. Nutaannguqtiqlugu havaktiit naunaitkutait qaritauyakkut ilitturipkaihimalutalu qanuq ihuatqiyaghaanik hivayariamik ilingnut.
Atuyuittutit taapkuninnga WSCC Connect-nik huli? Huna pittailivaatit? Takulugu taamna
qaritauyakkuurutit
ilitturiyaami qanuq ikayuqtauyaaghamik Alruyaqtuqtukkut Ikayuqtinut.
|
|
|
ILITTUQHITIVALLIAYUT AANNIQTAILINIQMIK: Atutqiktittiyuq angut!
ILITTURIPKAINAHUAQTUT AANNIQTAILINIQMIK
|
|
 |
|
WSCC's CEO Dave Grundy and CEO James Peggs!
|
|
Aallamik hunaittuq WSCC-kut quviagilluaqpagait kihimi taapkua mikiyut nanminiit ilitturipkaiyuktut aanniqtailiniqmik havakviinit. Taimailihimayuq inuuhuktunnuaq taamna 10-nik ukiulik James Peggs, ilihimayauyuq Yalunaimi Atutqiktittiyutut Angutitut. Ilitturinnaqhiyuq taimaatuangunngittumik kihimi
inulrammiupluni nanminiqarniqmut ihumaagut,
kihimilu taimaa aanniqtailinahuayukkami.
Quviahuktugut tautughimagaptigu Atutqiktittiyuq Angut talvani Mikiyut Nanminiit Upluutainit tatqiqhiutimi atuqtumi - mikiyuuplunilu nanminiq! Atannguyaupluni CEO-tut nanminianit atutqiktittiyunik nanminiinik, James havakpaktuq tunnganaqtumik ikayuutimik nunallaaqminik ihumaqattiaqhuni avatinullu-amirnaittumik.
James puiguqtailivagaatigut taimaa: havakvingnit aanniqtailinahuaraangat, anginia nanminiqpit huunngittuq, ihumagiyauyughaunngittuqlu. Qaffiuyut ihuaqutighat tamangnik nanminiit ilihalaaqtut James-mit:
- Hilami hanaqigaangat, taututtiaqniq itqaumagiyaghat: taututtiarnaqtumik aingittumik atigiqayuktuq, James tautuktauyumagami tamaat havaktillugu - upluummaanmi unnuktumiluuniit ukiumi taarmi.
- Ilittuqhitit aghuurnaqtut: havagaangat nunainnaqmi, ativit naunaitkutainik havakviillu atianik naunaitkutalingnik ihuaqutauyut inungnut ilittuqhitiuyuq havaktitut. (Tigumiaqhunilu nanminiqpit piannautainik ihuaqpiaqtuqlu!)
- Inmikkut aanniqtailiniqmut ingilrutiqaqtughat: James ingilrutiqattiaqtuq ihuaqtunik PPE-niklu, taimaa havainnarianighuni hilainnaqmi ukiuraaluk tamaat. Taimaa nahaugumi auyaqmi atuqpagaat hiqiniqmit uutiqtailipluni, algaangnikluuniit atigimiklu uqquuqutighait ukiumi qaayurnaqtumi, James parnaihimayuktuq ihuilutinut havaktilluni.
- Amirnainniit naatjuhiigut: havaktumik avaliittumik amirnatqiyauyuq huliyuqarnighakpat. Apiripluni iniqnirmik ilauqatighaanik, James amirnaiqpaalliqhimayuq inminik.
Havakvingnit amirnainniit #worthit (nakurutaunnginnaqtuq). Tamangnik nanminiit, qanuq aktigigaluaqluni, amirnainniqmut ilihimattiaqtughat. Ihumayugut taimaa James ilitturipkaiyuktuq taimaa mikiyuugaluit nanminiit ihumagiyaghaillu havakvingnit aanniaqtailiniq aanniqtailiniqlu!
|
|
|
Quuyaqittut, Napatkaqtut Iukkaqtullu
Qanuq aanniqtailiyaami ukiumi
Ukiuq tamaat amihut havaktit aanniliqpaktut quuyaqiplutik, napatkaqhutik iukkaqhutiklu. Atauhiuyuq tallimanit piyuriyuutinit aanniqtuqaqhimayulik taimaatut. Tajja qaayurnaqhiyumi, puiguqtailiquyaffi tamaffi qauhimattiaqluhilu hangutilluhi. Quuyaqiyaami natiinnaqmi nakuunngittuugaluaq, kihimi iukkariami hikumut anitiqhuni aghaluutimit ulurianatqiyauyuq!
Qanuq iukkaqtaililaaqqat? Qauhimattiarumik amirnaqtunik amirnaiyaiyullu havauhiinik:
- Amihuuyut quuyaqiliqpaktut, napatkaqpaktut iukkaqpaktullu hila aallannguliraangami October-mi April-milu.
- Kighiktumik havauhiqattiariamik ihuaqutauvaktut quuyaqittailiniqmut, napatkaqtailiniqmut iukkaqtailiniqmullu. Halummaqlugit havakvitit havakviillu hiamitihimaillugu.
- Ukiumi hila amirnaqhivaalliutauvaktuq, ingattauyuq hunavaluit hikulu takughauhuiraangata aputimit. Hikuinnaqmi amirnaqhivaalliqpaktuq, talvuuna hiurainnaqmik qaaliqlugu imaalu/uniit calcium-mik quuyarnaqtunut.
- Kinipaumagaangat marluinnauvaktut itikkatit, talvuuna quuyarnaqhivaktuq, napatkarnaqtuq, iukkaqnaqhunilu. Itikkatit halummaqlugit mayuraqtinnatit itiqtiraangavillu havakvingnut.
- Atuqhimanahuaqlugu taamna pingahuuyut aktuqhivilluat (malruk itikkat algaklu, imaaluuniit malrungnik algangnik itigangmiklu) mayuraraangat mayurautimik, tunmiraqmit atqaqtiliraangat (atuqhugu ayapiqviat), itiqtiliraangat atqaqtiliraangallu aghaluutimit, itiqtiliraangallu hilamit.
- Ihuaqtunik kamighimalutit hila ihumagiplugu qanurininganiillu.
Puiguqtaililutit: iiyikkit annautivagaatit quuyarnaqtumit, napatkaqnaqtumit iukkaqtuniklu. Tautuklugu pihukviit tautughimalutit namunngauyaaghaqnik!
|
|
|
HIVULLIQPAAQ UKIUQ TAMAAT tunguyaaqtut naptuyut nahat aittuutighat
AITTUUTIGHAQ AITTUQTAUYUQ TALVUNGA...
Havaaghaptingnit aulahimmaaqtumik atuqtittivallianahuaqpaktugut havakvingnit aanniaqtailiniq aanniqtailiniqmullu (OHS) ilittuqhitivaallirahuaqhugu, WSCC-kut takupkaqtittihimayut hivulliqpaamik ukiuq tamaat Tunguyaaqtut Naptuyut Nahat Aittuutighanik tatqiqhiutimi atuqtumi nunallaaqmiunut Yalunaimi Hay River-milu. Hapkua aittuutit aittuqtauvaktut nunallaaqmiunut ilittuqhitighait taapkuninnga Havakvingnit Aanniaqtailiniq Aanniqtailiniqmullu, aghuuqhaquplugillu nunallaat hanaquplugit inmingnik OHS-nut atuqtitaghainik.
"OHS-nut atuqtitaghat ihuaqutauyuq havakviup Havakvingnit Munaqtaghainut Havauhiinik aanniqtailimaniqmut havakvingnit," uqaqtuq Judy Kainz, Aulapkaiyiryuanguyuq Pittailiniqmut Havakviit Ikayuqtiit. "Ilitarihimayaqqut ayuqhautiuyut aullaqtittiniqmut hapkuninnga, imaalu ikayuinnarumayaqqut nunallaaqmiut nanminiillu imaalu ilitarilugit inittiaqhimaliqtait."
Bert Hausauer, Aanniqtailiniqmut Titiraqtiulluaqtuq, taamnalu Meta Antolin, Havakvingnit Aanniaqtailiniq Aanniqtailiniqmullu Havakti, aittuqhivaktut talvani Nunallaaqni Kavamanit Titiraqtiinut Nunattiami (LGANT) Katimavianit October 4-mi.
Aittuqtaunahuariami taapkuninnga 2018-mi Tunguyaaqtut Naptuyut Nahat Aittuutighanik, nunallaaqnit Angayughiq Titiraqtiit (SAO) titiraliqtughat naunaitkutighanik OHS-nut titiraghanik ilittuqhitiulutik nunallaam OHS-nut hulilukaaqhimayainik ukiumi. Nunallaat tamangnik quviahuttiaquvaqqut naahurittiaqhugillu aippaagu tuniyaghatit!
Naunaittiarumaguffi, qaritauyakkut titiraqluhi talvunga
[email protected]
.
|
|
|
APIQHUUTIGHAQAQQIT?
NANILUTA TAHAMANI HULILUKAAQTUNIT!
Taimaa ukiumi atuliqmiyugut: WSCC-kut tajja havakpaktut takupkaqtittivianit! Apiqhuutighaqaruvit talvuuna nutaanik Havakvingnit Aanniaqtailiniq Aanniqtailiniqmullu (OHS) App-nik, taamna WSCC Connect-kut nutaangit Alruyaqtuqtukkut Ikayuqtinut, taamnalu pivut Worth It! aullaqtihimayaqqut, ahinikluuniit apiqhuutighaqaruffi havakvingnit aanniqtailiniqmut, naniluta kitumikiaq aullaqtitaghanit!
-
- 45-nguyuq Ukiuq Tamaat Nunaliqiyit Katimaviat: Aullaqtitauhimayuq Yalunaimi November 14-mit 16-mut, taapkua WSCC-kut huli ilaunahuat takupkaqtittilutik. Naniluta iniptingnit #84-mi!
- Ayuitat Kanatami (Skills Canada) NWT Power Up!: November 20-mi, 21-milu, WSCC-kut ikayuqtigiik huli aulapkainahuat malrungnik uplunik inulrammiit-ihumagiplugit aanniqtailiniqmut ilihaqtaghainik! Hivulliqpaanguyumik, ikayuqtiqarniaqtugut taapkuninnga Ron's Auto ilihaqtunik hangupkailuta havakvingnit ihivriuqhinnguaqlutik aanniqtailiniqmik. Niriugittiaqtaqqut hapkua ikayuqtighaqqut takupkaqtittiyaamilu naahuriyugut aghuurnaqtunut aanniqtailiniqmik havakvingnit!
-
- Nunattiami Nunavunmilu Hanayiit Katimayit (NNCA) Hanayiit Takupkaqtittivighaat Havaaghaniklu Ataniqtuqtuiyut Katimaviat: Aullaqtitauhimayuq Yalunaimi November 21-mit 22-mut, WSCC-kut inighaqarniat Hanayiit Takupkaqtittivianit, taamnalu Judy Kainz, Aulapkaiyiryuanguyuq Pittailiniqmut Havakviit Ikayuqtiit, uqaqtiunahuaqtuq talvani Havaaghanik Ataniqtuqtuiyut Katimavianit.
- Yalunaimi Santa Claus-mut Aghaluutauyaqtut: Taimaittuq huli, WSCC-kut quviahukvighaq aullaqtiqvianit aghaluutauyaqatauniat November 25-mi!
|
|
MALIGAGHALIUQHIMAYUNUT AALLANNGUUTIT
Kavamaliqiyit Katimayiit ihivriuqhimayait angiqhugillu hapkua maligaghaliuqhimayut September-mi 2017-mi katimavianit:
- Maligaghaliuqhimayuq 04.01, Akiliqtuiyut Ikayuutinik
- Maligaghaliuqhimayuq 04.15, Ikayuutit Aanniqhimayunut Havaktinut
- Maligaghaliuqhimayuq 10.04, Pittailiniq Ihivriuqhiyullu Aturlungniutinik Ihuinaarutiniklu
- Maligaghaliuqhimayuq 11.02, Naunaiqhitiyut Aanniqtumik, Aanniarutimik Huiqtumikluuniit
|
|
|
HAVAKVIIT UMIGHIMAVIIT
WSCC-kut havakviit umighimanahuat Puiguqtailivik Upluutaanit Monday-mi, November 13-mi, angmatqikluni Tuesday-mi, November 14-mi 8:30-mi uplaami.
Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.
|
 |
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
| |
|
|
|
