ᓄᕕᐱᕆ 2019                                                         
ᐃᖅᑲᓇᐃᔭᖅᑎᖁᑎᓕᖕᓄᑦ ᐊᑭᖏᑦ 2020
ᐊᑭᑎᑦ ᖃᐅᔨᒋᐊᒃᑭᑦ ᑲᑎᙵᓂᐅᔪᓄᑦ ᐊᑭᖏᑦ ᐅᕙᓂ WSCC CONNECT−ᒥ

ᐊᕐᕌᒍᑕᒫᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᓂᕐᒧᑦ ᑲᑎᒪᔩᑦ ᓈᓴᐃᕙᒃᑐᑦ ᐊᑭᓂᑦ ᐅᖃᖃᑎᖃᖅᖢᑎ ᐃᓛᒃᑰᖓᔪᓂ ᓇᓪᓕᐅᒃᑯᒫᓕᕆᔨᓂ ᕿᒥᕐᕈᔭᐅᓂᐅᔪᒥ ᑐᕌᒐᒃᓴᕆᔭᐅᔪᓂ ᑮᓇᐅᔭᖃᖅᑎᑦᑎᔨᐅᔪᓄᑦ ᑭᒡᓕᐅᔪᓄᑦ, ᓂᕆᐅᒋᔭᐅᔪᓂ ᐊᐅᓚᑦᑎᓂᕐᒧᑦ ᑮᓇᐅᔭᖅᑐᕈᑎᓂᑦ ᐊᒻᒪ ᑭᖑᓂᐊᒍᑦ ᐊᑐᖅᑕᐅᓂᖑᓂᑦ ᖃᐅᔨᓴᐃᓂᒃᑯᑦ. ᑕᒪᓐᓇ ᓇᓗᓇᐃᖅᓯᓲᖅ ᐊᑭᖏᓐᓂᒃ ᐱᔭᕆᐊᓕᖕᓂ ᐊᑭᓖᓂᕐᒧᑦ ᑕᒪᒃᑭᓂ ᒫᓐᓇᐅᔪᖅ ᐊᑭᓕᕆᐊᓕᖕᓄᑦ ᐊᒻᒪ ᓯᕗᓂᒃᓴᒥ ᐊᑭᐅᔪᓂᑦ ᐃᓚᒋᔭᐅᔪᓂ ᐃᖅᑲᓇᐃᔭᕐᕕᖕᒥ ᐋᓐᓂᕐᓂᐅᔪᓂᑦ.

ᐋᖅᑭᒃᓱᐃᑎᓪᓗᒋᑦ ᖃᐅᔨᓴᕐᓂᐅᔪᓄᑦ ᐊᑭᖏᓐᓂᒃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᑯᓂᖓ ᐃᓱᒪᖃᓯᐅᑎᓲᑦ:
  • ᑲᔪᓯᓂᖃᑦᑎᐊᖏᓐᓇᖅᑐᑦ ᐊᑭᓕᖅᑕᐅᔪᒪᔾᔪᑎᑦ ᐊᑭᖏᓐᓄᑦ;
  • ᑐᕌᖓᔪᖅ ᓴᓇᔨᕐᔪᐊᓄᑦ ᐃᖅᑲᓇᐃᔭᕐᓂᑰᓂᕐᓄᑦ;
  • ᑭᐅᑦᑎᐊᓲᑦ ᑮᓇᐅᔭᖅᑖᕋᓱᐊᖅᑐᓄᑦ ᐊᑐᖅᑕᐅᕙᒃᑐᓄᑦ; ᐊᒻᒪ
  • ᓈᒻᒪᒃᑐᖅ ᐃᖅᑲᓇᐃᔭᖅᑎᖁᑎᓕᖕᓄᑦ. 
ᑕᒪᑐᒪᓂ ᐊᕐᕌᒍᒥ, ᐊᑐᖅᑕᐅᓪᓗᐊᑕᓲᑦ ᐊᑐᐃᓐᓇᐅᑎᑦᑎᓂᕐᒧᑦ ᖃᐅᔨᓴᕐᓂᕐᒧᑦ ᐊᑭᖓ ᑖᓐᓇᐅᓂᐊᖅᑐᖅ $2.40 ᐊᑐᓂ $100−ᒧᑦ ᖃᐅᔨᓴᖅᑕᐅᑎᓪᓗᒋᑦ ᑮᓇᐅᔭᖅᑖᖏᓐᓄᑦ. ᐊᑐᖅᑕᐅᓪᓗᐊᑕᓲᑦ ᖃᐅᔨᓴᕐᓂᕐᒧᑦ ᐊᑭᖓ ᐊᑭᐅᕗᖅ ᐃᖅᑲᓇᐃᔭᖅᑎᖁᑎᓕᑦ ᐊᑭᓖᓇᔭᕐᓂᖏᓐᓂ ᐊᑕᐅᓯᑐᐊᒥᒃ ᐊᑭᖃᕈᓂ ᑕᒪᒃᑭᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ, ᐊᒻᒪᓗ ᐊᑭᐅᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᖅᐸᒃᑕᖓᓐᓂ ᐱᒋᐊᕈᑕᐅᓪᓗᓂ ᐋᖅᑭᒃᓱᐃᑎᓪᓗᒋᑦ ᐃᓄᑐᐃᓐᓇᕐᓄᑦ ᐊᕕᒃᑐᖅᓯᒪᒃᑲᓐᓂᖅᑐᓂ ᐊᑭᐅᔪᓂᑦ.

ᐊᑐᖅᑕᐅᓪᓗᐊᑕᓲᑦ ᐊᑭᖓ ᐊᖏᒡᓕᕙᓪᓕᐊᕗᖅ 2020−ᒥ ᐱᔾᔪᑎᖃᖅᑐᒥ ᖁᑦᑎᖕᓂᖅᓴᐅᔪᓂ ᐊᑭᓕᖅᑕᐅᔪᒪᔾᔪᑎᑦ ᐊᑭᖏᓐᓂᑦ ᐊᒻᒪ ᓴᓇᔭᕆᐊᖃᕐᓂᐅᔪᒥ ᐸᐸᑦᑎᓂᕐᓄᑦ ᓴᐳᔾᔨᓯᒪᓂᕐᒧᑦ ᐊᑯᓂᐅᔪᒃᑯᑦ ᑮᓇᐅᔭᓕᕆᓂᕐᒧᑦ ᒪᑭᑕᔾᔪᑕᐅᔪᓐᓇᖅᑐᓂᒃ ᐃᖅᑲᓇᐃᔭᖅᑏᑦ ᓴᐳᔾᔨᓯᒪᓂᕐᒧᑦ ᑮᓇᐅᔭᖁᑎᖏᓐᓂᑦ. 

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᓂᕐᒧᑦ ᐊᑭᖏᑦ ᓱᖁᓯᙱᓚᑦ ᓱᓕ. ᑭᓯᐊᓂ, ᐱᒋᐊᕐᓗᓂ 2020−ᒥ ᐊᑭᖏᑦ ᐃᓚᒋᔭᐅᔪᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕝᕕᓕᕆᓂᕐᒧᑦ, ᐊᑦᑕᓇᔾᔭᐃᖅᓯᒪᓂᕐᒧᑦ ᖁᕝᕙᖅᓴᐃᓂᐅᔪᒥ, ᒪᓕᒃᑕᐅᔭᕆᐊᓕᖕᓂᑦ ᐊᒻᒪ ᐊᑐᓕᖅᑎᑕᐅᓂᖓᓂ ᑐᓐᓂᖅᓴᖅᑕᐅᓂᐊᖅᐳᖅ ᓇᓕᒧᑦᑐᒥ ᑕᒪᒃᑭᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ. ᐅᓇ ᓇᓕᒧᑉᐳᑦ ᐋᖅᑭᒃᓯᒪᔪᒥ ᐊᖏᓂᐅᔪᒥ $.35−ᒥ ᐊᑐᓂ $100−ᒧᑦ ᐊᑭᓖᔾᔪᑎᓂᑦ. ᐅᓇ ᐱᓕᕆᔾᔪᓯᐅᔪᖅ ᐊᓯᔾᔨᕐᓂᖓ ᐅᕝᕙᖅᓴᐃᕗᖅ ᓈᒻᒪᒃᑐᒦᑎᑦᑎᓂᕐᒥ ᐊᒻᒪᓗ ᓵᑕᒃᓴᐅᔪᓐᓇᕐᓂᕐᒧᑦ ᐃᓗᐊᓂ ᑲᑐᔾᔭᐅᔪᓄᑦ ᐊᑭᓕᕆᐊᓕᖕᓂᑦ. ᐱᑎᑦᑎᓂᐅᔪᒥ ᐊᓯᔾᔨᕐᓂᐅᔪᒥ ᐅᑯᓇᓂ ᐊᑭᐅᔪᓂ ᐋᖅᑭᒃᑐᐅᓂᖏᑎᒍᑦ, ᐊᑕᐅᓯᐊᖅᑐᒥ ᓄᖅᑲᖅᑎᑦᑎᓚᐅᑲᖕᓂᐅᔪᒥ 20%−ᒥ ᐊᕐᕌᒍᑕᒫᒥ ᐊᑭᖓᑕ ᐊᓯᔾᔨᕐᓂᖓᓄᑦ ᑭᒡᓕᐅᔪᒥ ᐊᑐᓕᖅᑎᑕᐅᓯᒪᕗᖅ.

ᐃᖅᑲᓇᐃᔭᖅᑎᑦᑎᔪᖅ ᐊᑐᐃᓐᓇᖃᕈᓐᓇᖅᐳᑦ ᐃᓄᑐᐊᒡᒍᑎᓄᑦ ᐊᑖᒍᑦ ᐋᖅᑭᔅᓯᒪᔪᓂᑦ ᐱᓕᕆᓂᐅᔪᓕᒫᓄᑦ ᐊᕐᕋᒍᓂᐊᖅᑐᒧᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᒃᑯᑦ ᐱᔨᑦᑎᖅᑕᓄᑦ WSCC Connect . ᑕᑯᔪᓐᓇᖅᑕᐃᑦ ᒫᓐᓇᐅᔪᖅ ᐅᐊᑦᑎᐊᕈᓪᓗ ᐊᑭᖏᓐᓂᒃ ᐃᒪᐃᓕᖓᓗᑎ Class & Subclass (ᐊᕕᒃᓯᒪᔪ ᐊᕕᒃᓯᒪᒃᑲᓐᓂᖅᑐᓂ) ᐊᒻᒪᓗ Specific Industry (ᓴᓇᔨᕐᔪᐊᓄᑦ ᑐᕌᖓᓪᓚᕆᒃᑐᓂ).

WSCC Connect ᐊᑐᐃᓐᓇᐅᕗᖅ ᐅᕙᓂ wscc.nt.ca ᐅᕝᕙᓘᓐᓃᑦ wscc.nu.ca. ᓇᕿᓪᓗᒍ WSCC Connect ᓇᓗᓇᐃᒃᑯᑕᖓᓂ ᖁᓛᓃᑦᑐᒥ ᒪᑉᐱᒐᕐᒥ ᒪᓕᓪᓗᒍᓗ ᕿᒥᕐᕈᐊᓂᕐᒧᑦ ᖃᐅᔨᓴᖅᑕᐅᓂᑯᓂᑦ ᐊᑭᓂᑦ.
ᐃᓱᓕᒡᕕᒃᓴᐅᑖ: ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ
ᐱᔭᐅᔭᕆᐊᓖᑦ ᑎᓯᐱᕆ 31, 2019−ᒥ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᕚᓪᓕᕈᑏᑦ ᐃᑲᔪᖅᓱᐃᕙᒃᑐᓂ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓂᑦ ᐱᔪᓐᓃᕋᓱᒃᑎᓪᓗᒍ ᐊᒻᒪᓗ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᓂᐅᔪᒧᑦ. ᑭᓯᐊᓂ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑭᓖᕙᖕᓂᖓ ᑐᓂᔭᐅᑲᐅᑕᒋᕙᙱᓚᖅ ᓇᖕᒥᓂᖃᖅᑎᐅᔪᓄᑦ, ᐱᓕᕆᖃᑎᒋᔭᖏᓐᓂ, ᑎᑎᕋᖅᓯᒪᒍᕕᑦ ᑐᑭᒧᐊᖅᑎᑦᑎᔨᐅᓪᓗᑎᑦ, ᐅᕝᕙᓘᓐᓃᑦ ᓇᖕᒥᓂᖅ−ᐃᖅᑲᓇᐃᔭᖅᑎᑦᑎᒍᕕᑦ ᐃᓄᖕᓂ. ᓇᓪᓕᐅᒃᑯᒫᖃᕈᒪᒍᕕᑦ, ᓂᕈᐊᕈᓐᓇᖅᐳᑎᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒧᑦ, ᐊᔾᔨᒌᑦᑐᓂ ᐃᑲᔫᑎᓂ ᐊᑐᐃᓐᓇᐅᑎᑦᑎᓲᑦ ᐊᓯᖏᑎᑐᑦ ᓴᓇᔨᐅᔪᓂ.

ᐃᒪᓐᓇᐃᑦᑕᕆᐊᖃᖅᑐᑎᑦ ᓄᑖᙳᕆᐊᖅᑎᑦᑎᕙᒡᓗᑎᑦ ᓇᓪᓕᐅᒃᑯᒫᖕᓂᑦ ᐊᕐᕌᒍᑕᒫᒥ. ᖃᐅᔨᒪᒋᐊᑦᑎᐊᕐᓗᑎ ᓇᓪᓕᐅᒃᑯᒫᖃᕐᓂᕐᒧᑦ ᓄᖅᑲᖓᑲᐃᓐᓇᔾᔪᑎᖃᙱᑦᑐᖅ, ᐊᑏ 2020-ᒧᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ ᑕᑕᑎᕆᐊᓖᑦ ᐱᔭᕇᖅᓯᒪᔭᕆᐊᖃᖅᐳᑦ ᐊᒻᒪ ᑐᓂᓯᒪᓂᐊᖅᐸᑎᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄ ᖄᖏᓚᐅᖅᑎᓐᓇᒍ ᑎᓯᐱᕆ 31, 2019−ᒥ.

ᖃᓄᖅ ᑐᒃᓯᕋᕆᐊᖃᕐᓂᕐᒥ:

ᑐᒃᓯᕋᕐᓂᖅ ᓇᓪᓕᐅᒃᑯᒫᖃᕐᓂᕐᒧᑦ ᐊᔪᕐᓇᙱᓚᖅ ᐊᒻᒪ ᓴᖑᑎᑕᒃᓴᐅᕗᖅ. ᓇᓪᓕᐅᒃᑯᒫᖅᑖᕈᓐᓇᖅᑐᑎᑦ ᒥᑭᓛᖓᓂ ᑕᖅᑭᑐᐊᕐᒧᑦ ᐊᒻᒪ ᐊᖏᓛᖓᓂ ᐊᕐᕌᒍᓕᒫᒧᑦ. ᑕᑕᑎᕐᓗᒍ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫ ᒥᑦ ᑕᑕᑎᕆᐊᓕᖕᒥ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖕᒥᑦ, ᐊᒻᒪ ᓇᒃᓯᐅᑎᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖓᓄᑦ ᐱᔪᓐᓇᕐᓂᖃᕐᕕᖕᓂ ᑎᓯᐱᕆ 31, 2019−ᒥ. 

ᑐᓂᓗᒍ ᑕᑕᑎᕆᐊᓕᒃ ᓇᒃᓯᐅᑎᓗᒍ ᐅᕗᖓ:
ᐊᐱᖅᑯᑎᒃᓴᖃᕈᕕᑦ ᒫᓐᓇᐅᔪᒥ ᖃᓄᐃᓕᖓᓂᖓᓂ ᓇᓪᓕᐅᒃᑯᒫᒋᔭᕐᓂ, ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫ  ᒥᑦ , ᖃᐅᔨᒋᐊᕐᕕᒋᑎᒍᑦ ᐅᓪᓗᒥ.
ᐃᖅᑲᐃᑎᑦᑎᔾᔪᑦ: ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᖅ
ᑐᓂᓯᓂᐅᔪᖅ ᒪᑐᐃᖓᕗᖅ ᔮᓐᓄᐊᕆ 1, 2020−ᒥ ᕕᕝᕗᐊᕆ 28, 2020−ᒧᑦ

ᐃᖅᑲᓇᐃᔭᖅᑎᖁᑎᓖᑦ ᓇᒃᓯᐅᔾᔨᕕᐅᓂᐊᖅᑐᑦ ᑐᑭᓯᒋᐊᕈᑎᓂ ᑐᓂᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ ᑕᐃᑰᓇ WSCC Connect ᑎᓯᐱᕆᐅᑉ ᐱᒋᐊᕐᓂᖓᓂ. ᐃᓱᓕᒡᕕᒃᓴᐅᑖ ᕖᕝᕗᐊᓕ 28, 2020−ᖑᔪᖅ, ᑭᓯᐊᓂ ᑐᓂᓯᔪᓐᓇᖅᑐᑎᑦ ᐱᒋᐊᕐᓗᒍ ᔮᓐᓄᐊᓕ 1, 2020. 

ᐃᖅᑲᐃᑎᑦᑎᒃᑲᓐᓂᐅᔪᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᓚᖓ ᓴᖅᑭᑦᑕᐅᕐᖓᓚᐅᖅᑐᖅ 2018−ᒥ ᒪᓕᒃᑕᐅᔭᕆᐊᓕᒃ ᐱᔭᕇᖅᓯᓂᕐᒧᑦ ᑐᓂᓂᐊᖅᑕᕐᓂ. ᐱᒋᐊᓚᐅᙱᓐᓂᕐᓂ ᑎᑎᕋᖅᓯᓂᕐᒥᑦ, WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS)  ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ ᐃᓕᖕᓂ ᑐᓂᓯᓂᕐᒧᑦ ᐄ/ᐋᒃᑲ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ. ᑕᒪᕐᒥᑦᑎᐊᑦ ᐊᐱᖅᑯᑏᑦ ᓇᓗᓇᐃᔭᖅᓯᒪᓪᓗᑎ ᑭᓱᒥ ᑕᑯᓇᓱᒋᐊᖃᕐᒪᖔᖅᐱᑦ ᐃᓚᖓ 4-ᒦᑦᑐᖅ ᑕᐃᑲᓂ  ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ.

ᐃᖅᑲᐅᒪᓂᐊᖅᐳᑎᑦ, ᑐᓂᓯᒋᐊᖃᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.

ᐃᖅᑲᓇᐃᔭᖅᑎᖁᑎᓖᑦ, ᑎᒋᒡᕕᐅᓚᐅᙱᒃᑯᕕᑦ ᓱᓕ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓄᑦ ᐅᑭᓂᒃᑳᓕᐅᕐᓂᕐᒧᑦ ᐸᐃᑉᐹᓂ ᑎᓯᐱᕆᐅᑉ ᕿᑎᐊᓂ, ᖃᐅᔨᒋᐊᕐᕕᐅᔪᓐᓇᖅᑐᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑏᑦ:
ᑕᒫᓃᑦᑐᒍ ᐃᑲᔪᕈᒪᓪᓗᑕ! ᐃᑲᔪᖅᑕᐅᔭᕆᐊᖃᕈᕕᑦ ᑖᔅᓱᒧᖓ WSCC Connect, ᑕᑯᒋᐊᕐᓗᒍ WSCC Connect ᐃᑲᔪᖅᑕᐅᓂᕐᒧᑦ ᒪᒃᐱᖅᑐᒐᖓ ᐅᕝᕙᓘᓐᓃᑦ ᖃᐅᔨᒋᐊᕐᕕᐅᔪᓐᓇᖅᑐᖅ WSCC Connect ᐃᑲᔪᖅᑕᐅᓂᕐᒧᑦ ᐊᑭᖃᙱᑦᑐᖅ ᐅᕙᓂ 1-844-238-5008.
ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ
4 ᐱᓕᕆᐊᒃᓴᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓂᒃᑳᓕᐅᕐᓂᐅᔪᓂ

ᕿᓚᒻᒥᐅᔪᒥ ᖃᓄᐃᓐᓂᐅᔫᑉ ᐊᒻᒪ ᐋᓐᓂᕐᓂᐅᔪᒥᑦ ᐅᓂᒃᑳᕆᓂᕐᒥ ᒪᓕᒐᑎᒍᑦ ᐱᓕᕆᐊᒃᓴᕆᕙᐃᑦ ᐅᕘᓇ ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ ᒪᓕᒐᓕᐊᖑᔪᓄᑦ. ᐱᓪᓚᕆᐅᕗᖅ ᓇᖕᒥᓂᖃᕐᓃᑦ ᓱᑭᓯᓇᑦᑎᐊᖅᑐᒥ ᐱᓕᕆᓂᖃᕐᓂᖓᓂ ᐅᓂᒃᑳᕆᓂᕐᒧᑦ ᐊᒻᒪᓗ ᖃᐅᔨᓴᐃᓂᕐᒥ ᖃᓄᐃᓐᓂᐅᔪᓂᑦ ᐊᒻᒪᓗ ᐋᓐᓂᕐᓂᐅᔪᓂᑦ. ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᖃᓄᐃᓐᓂᐅᔪᒥ ᐅᕝᕙᓘᓐᓃᑦ ᐋᓐᓂᕐᓂᖅᑐᖃᖅᐸᑦ, ᐃᖅᑲᓇᐃᔭᖅᑎᖁᑎᓖᑦ ᑐᓂᓯᔭᕆᐊᖃᖅᐳᑦ ᑕᒪᒃᑭᐅᒪᔪᒥ ᐱᔭᕇᖅᓯᒪᔪᒥ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ ᐃᓗᐊᓂ ᐱᖁᔭᑎᒍᑦ ᐊᑯᓂᐅᓂᕆᔭᕆᐊᖃᖅᑕᖓᓂ ᑎᑎᕋᖅᓯᒪᔪᒥ ᐊᑖᓂ.

ᖃᓄᐃᓐᓂᐅᔪᖅ ᐊᒻᒪᓗ ᐋᓐᓂᕐᓂᐅᔪᒥᑦ: ᖃᓄᐃᑦᑐᒃᑰᕐᓂᐅᔪᖅ ᐅᖃᐅᓯᖃᖅᐳᖅᖃᓄᐃᑦᑐᒃᑰᕐᓂᐅᔪᒥ ᓴᖅᑭᑦᑎᓂᐅᔪᖅ ᐊᓯᐅᔨᓂᐅᔪᒥ, ᓲᕐᓗ ᐃᓅᔪᓐᓃᖅᑐᖃᕈᓐᓇᖅᖢᓂ, ᐋᓐᓂᖅᑐᖃᕈᓐᓇᖅᖢᓂ, ᒪᑦᑐᑎᖅᑐᖅᑕᐅᔭᕆᐊᖃᕈᓐᓇᖅᖢᓂ ᐋᓐᓂᕐᓂᕐᒥ, ᐊᒻᒪᓗ/ᐅᕝᕙᓘᓐᓃᑦ ᓱᕈᐃᔪᓐᓇᖅᑐᖅ ᐱᖁᑎᓂᒃ ᐃᓂᒋᔭᐅᔪᒥᒡᓗ, ᐋᓐᓂᕐᓂᐅᔪᖅ ᐅᖃᐅᓯᖃᖅᐳᖅ ᑎᒥᒃᑯᑦ ᓱᔪᐃᓂᓪᓚᕆᐅᔪᒥ ᐱᑎᑕᐅᔪᒥ ᖃᓄᐃᓐᓂᐅᔪᒥ ᐃᖅᑲᓇᐃᔭᕐᕕᖕᒥ.

ᐊᑦᑕᕆᔭᐅᔪᒥ ᐅᓂᒃᑳᕆᓂᖅ ᐊᒻᒪᓗ ᖃᓄᐃᓐᓂᐅᔫᑉ ᐅᓂᒃᑳᕆᓂᕐᒥᑦ: ᐊᑦᑕᕆᔭᐅᔪᒥ ᐅᓂᒃᑳᕆᓂᖅ ᓄᖅᑲᖅᑎᑦᑎᔪᓐᓇᕐᓂᕐᒧᑦ ᐅᓂᒃᑳᕆᓂᐅᕗᖅ, ᓇᓗᓇᐃᖅᓯᔪᒥ ᐅᓗᕆᐊᓇᕈᑕᐅᔪᒥ ᐃᖅᑲᓇᐃᔭᕐᕕᖕᒥ ᐱᑎᑦᑎᑐᐃᓐᓇᕆᐊᖃᖅᑐᒥ ᖃᓄᐃᓐᓂᐅᔪᒥ ᐅᕝᕙᓘᓐᓃᑦ ᐋᓐᓂᕐᓂᐅᔪᒥᑦ. ᐊᑦᑕᕆᔭᐅᔪᒥ ᐅᓂᒃᑳᕆᓂᖅ ᐱᒻᒪᕆᐅᓪᓗᓂ ᐃᓚᒋᔭᐅᕗᖅ ᐃᓗᐊᒍᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᕆᔭᕐᓄᑦ. ᓇᓗᓇᐃᖅᓯᓂᐅᔪᒥ ᖃᓄᖅ ᓴᓇᓂᕐᒧᑦ ᐊᒻᒪᓗ ᐊᑐᓕᖅᑎᑦᑎᓂᕐᒥ ᐊᑦᑕᕆᔭᐅᔪᒥ ᐅᓂᒃᑳᕆᓂᕐᒥ ᐱᓕᕆᔾᔪᓯᐅᔪᒥ ᐊᑐᐃᓐᓇᐅᕗᖅ  ᓯᑎᐱᕆ 2019 ᐊᑲᐅᙱᓕᐅᕈᑕᐅᔪᖅ SafetyNet−ᒥ.  ᖃᓄᐃᓐᓂᐅᔫᑉ ᐅᓂᒃᑳᕆᓂᖅ ᐅᓂᒃᑳᖑᕗᖅ ᖃᓄᐃᓐᓂᐅᔪᒥ ᐱᓕᕆᐊᓂᒃᓯᒪᔪᒥ, ᐊᒻᒪᓗ ᖃᐅᔨᓴᐃᓂᐅᔪᒥ ᐱᓕᕆᓂᐅᔪᒥ ᓇᓗᓇᐃᖅᓯᓂᐊᖅᐳᖅ ᐊᑦᑕᕆᔭᐅᔪᓂ ᖃᓄᐃᓐᓂᐅᔪᒥ ᐅᕝᕙᓘᓐᓃᑦ ᐋᓐᓂᕐᓂᐅᔪᒥᑦ ᐱᓕᕆᐊᓂᒃᓯᒪᑎᓪᓗᒍ. ᖃᓄᐃᓐᓂᐅᔪᑦ ᐊᒻᒪᓗ ᐋᓐᓂᕐᓂᐅᔪᓂᑦ ᐅᓂᒃᑲᐅᓯᐅᔭᕆᐊᖃᖅᐳᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ.

4−ᓂ ᐱᓕᕆᐊᒃᓴᓄᑦ ᖃᓄᐃᓐᓂᐅᔫᑉ ᐊᒻᒪᓗ ᐋᓐᓂᕐᓂᐅᔪᒥᑦ ᐅᓂᒃᑳᕆᓂᕐᒥ ᐱᓕᕆᓂᐅᔪᖅ

ᖃᓄᐃᓐᓂᖃᑐᐃᖅᐸᑦ ᐱᑎᑦᑎᔪᒥ ᐅᕝᕙᓘᓐᓃᑦ ᐱᑎᑦᑎᔪᓐᓇᕐᓂᖃᕐᓗᓂ ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᓱᔪᐃᓂᐅᔪᒥ ᐱᖁᑎᒋᔭᐅᔪᓄᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥ ᐅᓂᒃᑳᕆᔭᐅᔭᕆᐊᖃᖅᐳᑦ ᑖᒃᑯᓄᖓ ᐊᐅᓚᑦᑎᓂᕐᒧᑦ ᖁᕝᕙᖅᐸᓪᓕᐊᓂᐅᔪᓄᑦ: ᐃᖅᑲᓇᐃᔭᖅᑎᒥ ᑲᒪᔨᐅᔪᒧᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᖅᑎᓄᑦ, ᑲᒪᔨᐅᔪᒥ ᐊᐅᓚᑦᑎᔨᔪᑦ, ᐊᒻᒪᓗ ᐊᐅᓚᑦᑎᔨᒥ ᓇᖕᒥᓂᖃᖅᑎᐅᔪᒧᑦ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᖁᑎᓕᖕᓄᑦ. ᑭᓇᑐᐃᓐᓇᖅ ᑲᒻᐸᓂᖕᓂ ᖁᙱᐊᕈᓂ ᖃᓄᐃᓐᓂᐅᔪᒥ ᐅᕝᕙᓘᓐᓃᑦ ᐋᓐᓂᕐᓂᐅᔪᒥᑦ, ᐃᓚᐅᖃᑕᐅᔭᕆᐊᖃᖅᐳᑦ ᐅᓂᒃᑳᕆᓂᕐᒥ ᐱᓕᕆᓂᐅᔪᒥ. ᑐᑭᓯᓇᑦᑎᐊᖅᑐᒥ ᐊᑐᐊᒐᖃᓪᓗᐊᖅᐳᑎᑦ ᐊᒻᒪ ᐅᓂᒃᑳᕆᓂᕐᒥ ᐱᓕᕆᔾᔪᓯᐅᔪᒥ ᖃᓄᐃᓐᓂᐅᔪᓄᑦ ᐊᒻᒪ ᐋᓐᓂᕐᓂᐅᔪᓄᑦ, ᐃᓚᖃᕆᐊᖃᖅᑐᒥ ᒪᓕᒋᐊᓕᖕᓂᑦ ᐅᓂᒃᑳᕆᓂᕐᒧᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. ᐅᓂᒃᑳᕆᓂᕐᒥ ᐱᓕᕆᔾᔪᓯᐅᔪᖅ ᐃᓚᖃᓪᓗᐊᖅᐳᖅ ᒪᓕᒋᐊᓕᖕᓂ ᖃᓄᖅ ᐃᕝᕕᑦ ᐊᒻᒪ ᐃᖅᑲᓇᐃᔭᖅᑎᑎᑦ ᑎᑎᕋᐃᓂᐊᕐᓂᖏᓐᓂ ᖃᓄᐃᓐᓂᐅᓚᐅᖅᑐᒥ.

ᖃᓄᐃᓐᓂᐅᔪᒥ ᐋᓐᓂᕐᓂᐅᔪᒥᑦ, ᐊᒻᒪᓗ ᑭᖑᓂᐊᒍᑦ ᐃᖅᑲᓇᐃᔭᖅᑏᑦ ᐱᓚᐅᖅᑎᓪᓗᒋᑦ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐅᕝᕙᓘᓐᓃᑦ ᐃᓅᓕᓴᖅᑕᐅᓂᕐᒧᑦ ᐱᔭᕆᐊᖃᕐᓂᐅᔪᒥ, ᒪᓕᒡᓗᒍ ᑖᒃᑯᐊ ᑎᓴᒪᐃᑦ ᐱᓕᕆᐊᒃᓴᐅᔪᑦ ᖃᓄᐃᓐᓂᐅᔪᒧᑦ ᐊᒻᒪᓗ ᐋᓐᓂᕐᓂᐅᔪᒥᑦ ᐅᓂᒃᑳᓕᐅᓂᕐᓄᑦ:
  1. ᐱᔭᕇᕐᓗᒋᑦ ᐊᒻᒪᓗ ᑐᓂᕐᕈᑎᒋᓗᒍ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒧᑦ ᑕᑕᑎᕆᐊᓕᖕᒥ. 
  2. ᐃᖅᑲᓇᐃᔭᖅᑏᑦ ᐱᔭᕇᖅᓯᓗᓂ ᐊᒻᒪ ᑐᓂᓯᓗᓂ  ᓴᓇᔨᐅᔫᑉ ᐋᓐᓂᕐᓂᖓᓄᑦ ᐅᓂᒃᑳᓕᐊᒥ ᑕᑕᑎᕈᑎᒥᒃ ᖃᓄᐃᓐᓂᐅᔪᓄᑦ ᐃᓅᓕᓴᖅᑕᐅᔭᕆᐊᖃᕐᓂᕈᓂ, ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᑐᓂᓯᔨᐅᔪᖅ ᐱᔭᕇᖅᓯᓂᐊᖅᐳᖅ ᖄᒃᑲᓐᓂᐊᒍᑦ ᑕᑕᑎᕆᐊᓕᖕᓂ ᐱᔾᔪᑎᖃᖅᑐᒥ ᐋᓐᓂᕐᓂᐅᔪᒥᑦ.
  3. ᑕᒻᒪᖅᓯᒪᙱᑦᑎᐊᖅᑐᒥ ᐃᖅᑲᐅᒪᓂᖃᕐᓗᑎᑦ ᐋᓐᓂᕐᓂᐅᔪᒥᑦ ᐊᒻᒪ ᖃᓄᐃᓐᓂᐅᔪᒧᑦ ᖃᐅᔨᓴᕐᓂᖃᕐᓗᑎᑦ ᐃᓱᒪᓕᐅᕆᓂᕐᒧᑦ ᐱᔾᔪᑎᓪᓚᕆᖓᓂ ᐊᒻᒪ ᐋᖅᑭᒍᑎᒃᓴᐅᔪᓄᑦ ᐱᓕᕆᓂᐅᔪᓂᑦ ᐱᓕᕆᐊᕆᓂᐊᖅᑕᕐᓂᑦ. 
  4. ᑐᓂᓯᓗᑎᑦ ᓴᓇᔨᖕᓄᑦ ᐊᔾᔨᖓᓂ ᐱᔭᕇᖅᓯᒪᔪᒥ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᒥᑦ ᖃᓄᐃᓐᓂᐅᔫᑉ ᑕᑕᑎᕆᐊᓕᖕᒥ ᓇᖕᒥᓂᖅ ᐱᓯᒪᓂᐊᖅᑕᖏᓐᓄᑦ.
ᐊᑯᓂᐅᓂᕆᔭᖓ ᐅᓂᒃᑳᓕᐅᕐᓂᕐᒧᑦ

ᖃᓄᐃᓐᓂᐅᔪᖃᓚᐅᖅᑎᓪᓗᒍ ᐅᕝᕙᓘᓐᓃᑦ ᐋᓐᓂᕐᓂᐅᔪᒥᑦ, ᕿᓚᒻᒥᐅᔪᒥ ᐅᓂᒃᑳᕆᓂᖅ ᐱᒻᒪᕆᐅᕗᖅ. ᑭᓯᐊᓂ, ᒪᓕᒐᑎᒍᑦ ᒪᓕᒐᒃᓴᖏᓐᓂᑦ ᑭᐅᔭᐅᔭᕆᐊᖃᖅᐳᖅ ᒪᓕᒃᑐᒥ ᒪᓕᒐᒃᓴᖏᓐᓂᑦ ᐊᑑᑎᖃᖅᑐᒥ ᓴᓇᔨᕐᔪᐊᖁᑎᖕᓄᑦ:
  • ᓄᓇᑦᓯᐊᕐᒥ ᐊᒻᒪᓗ ᓄᓇᕗᑦ ᐅᔭᕋᖕᓂᐊᕐᓂᕐᒧᑦ ᒪᓕᒐᓕᐊᖑᔪᑦ ᐱᔭᕆᐊᖃᖅᑎᑦᑎᕗᑦ:
    • ᐅᓂᒃᑳᖑᔭᕆᐊᓕᖕᓂᑦ ᖃᓄᐃᓐᓂᐅᔪᓂ ᐃᕐᙲᓐᓇᑲᐅᑎᒋᐅᓂᒃᑳᓕᐊᖑᔭᕆᐊᖃᖅᐳᖅ ᐅᖄᓚᐅᑎᒃᑯᑦ ᐃᓚᖃᕐᓗᓂ ᑎᑎᕋᖅᓯᒪᔪᒥ ᐅᓂᒃᑳᓕᐊᖑᔪᒥ ᑐᓂᔭᐅᔪᒥ ᐃᓗᐊᓂ ᐃᑲᕐᕋᑦ 24−ᓄᑦ.
      • ᐋᓐᓂᖅᑐᖃᖅᑎᓪᓗᒍ ᐱᒻᒪᕆᐅᔪᒥ ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᑐᖁᓂᕐᒧᑦ.
    • ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥᑦ ᐅᓂᒃᑳᕆᔭᐅᓗᑎᒃ ᑎᑎᕋᕐᓂᒃᑯᑦ ᐃᓗᐊᓂ ᐃᑲᕐᕋᑦ 72−ᓂᑦ.
      • ᖃᓄᐃᓐᓂᐅᔪᖅ ᐃᓚᖃᖅᑐᒥ ᐊᑦᑕᕆᔭᐅᔪᓂ ᐱᑎᑦᑎᑐᐃᓐᓇᕆᐊᓕᖕᓂ ᐊᖏᔪᒥ ᐋᓐᓂᕐᓂᐅᔪᒥᑦ ᑐᖁᓂᕐᒥᓪᓘᓐᓃᑦ.
  • ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᑦ ᐱᔭᕆᐊᖃᖅᑎᑦᑎᕗᑦ ᐋᓐᓂᕐᓂᐅᔪᓂᑦ ᐅᓂᒃᑳᓕᐊᖑᓂᖏᓐᓂ ᐱᖓᓱᓄᑦ ᐃᖅᑲᓇᐃᔭᕐᓂᕐᒧᑦ ᐅᓪᓗᓂᑦ.
  • ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ ᐱᔭᕆᐊᖃᖅᑎᑦᑎᕗᑦ ᐅᓗᕆᐊᓇᖅᑐᓂ ᖃᓄᐃᓐᓂᐅᔪᓂᑦ ᐅᕝᕙᓘᓐᓃᑦ ᐱᕐᕈᓗᐊᕿᓂᐅᔫᑉ ᐱᑎᑦᑎᔪᒥᒃ ᐱᓪᓚᕆᐅᔪᒥ ᑎᒥᒧᑦ ᐋᓐᓂᕐᓂᐅᔪᒥᑦ ᐅᓂᒃᑳᕆᔭᐅᓗᓂ ᐃᕐᙲᓐᓇᑲᐅᑎᒋ.
    • ᐱᕐᕈᓗᐊᕿᓂᐅᔪᖅ ᑎᒥᒃᑯᑦ ᐋᓐᓂᕐᔪᐊᖅᓯᒪᓗᓂ ᑎᒥᒥᒍᑦ ᐅᖃᐅᓯᖃᖅᐳᖅ ᐋᓐᓂᕐᓂᐅᔪᒥᑦ ᐃᓅᔪᓐᓃᖅᑎᑦᑎᔪᓐᓇᖅᑐᒥ, ᐅᕝᕙᓘᓐᓃᑦ ᐋᓐᓂᖅᑐᖅ ᐋᓐᓂᐊᕐᕕᖕᒦᑦᑕᕆᐊᖃᕐᓗᓂ ᐃᑲᕐᕋᓂᒃ 24-ᓂᒃ ᐅᖓᑖᓂᓘᓐᓃᑦ.
ᑕᒪᒃᑭᐅᒪᔪᓄᑦ ᐊᒻᒪᓗ ᐱᔭᕇᖅᓯᒪᑦᑎᐊᖅᑐᓂ ᖃᓄᐃᓐᓂᐅᔫᑉ ᐊᒻᒪᓗ ᐋᓐᓂᕐᓂᐅᔪᓂᑦ, ᐅᕗᙵᕆᑦ ᒪᒃᐱᖅᑐᒐᖅ 5−ᒥ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖏᓐᓂᑦ ᐋᓐᓂᕐᓂᐅᔪᒥᑦ ᑕᑕᑎᕆᐊᓕᖕᒥᑦ.

ᐅᖃᖃᑎᖃᕈᒪᒍᕕᑦ ᖃᐅᔨᓴᖅᑎᒧᑦ ᐱᔾᔪᑎᓕᖕᒥ ᐅᓂᒃᑳᓕᐅᕐᓂᕐᒧᑦ ᖃᓄᐃᓐᓂᐅᔪᒧᑦ ᐊᒻᒪᓗ ᐋᓐᓂᕐᓂᐅᔪᓂᑦ ᐃᖅᑲᓇᐃᔭᕐᕕᖕᓂᑦ, ᖃᐅᔨᒋᐊᕐᕕᐅᔪᓐᓇᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓪᓗᒥ. ᑕᑯᓐᓂᕈᕕᑦ ᐊᑦᑕᓇᖅᑐᒥ ᐱᓕᕆᓂᐅᔪᒥ ᐊᔭᐅᕆᕗᒍᑦ ᐅᓂᒃᑳᓕᐅᕐᓂᕐᒧᑦ ᐊᑐᕐᓗᑎᑦ WSCC Connect .
ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓂᐊᖅᐳᑦ ᕿᑲᕐᓂᐅᔪᒥ ᐱᒋᐊᕐᓗᓂ 5:00 ᐅᓐᓄᒃᑯᑦ ᐅᓪᓗᑐᐃᓐᓇᖅ ᑎᓯᐱᕆ 20, 2019−ᒥ ᑕᐃᑲᖑᓗᒃᑖᖅ ᔮᓐᓄᐊᕆ 1, 2020−ᒧᑦ. ᑎᑎᕋᕐᕖᑦ ᒪᑐᐃᒃᑲᓐᓂᓛᖅᐳᑦ ᕿᑎᖅᑑᑦ ᔭᓄᐊᕆ 2−ᒥ 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect .
wscc.nt.ca   /  1.800.661.0792   *   wscc.nu.ca  /  1.877.404.4407