Imaruqtirvia 2019                                                  English Français
2019-mi Uyaraghiuqvingnit Annautjiyit Akirakturvighait
Tahama akimayut taapkua...

Uyaraghiuqvingnit Annautjiyit 2019-mi qanurininganiit piyauhimaliqtut. 

Ukiuqt tamaat Uyaraghiuqvingnit Annautjiyit Akiraqturvighait katitirivaktuq uyaraghiuqvingnit annautjiyit ikayuqtiinik taimaa ayuiqhaivalliayaamik ayuitaghait ayuiqhaqvigiiklutiklu. Akihaqtuutiyait pinnguaqhutik aajjikkuhiqtuqpagait huyuqarnirumi aanniqtuqaqtunik, qauyihaiplugit ikayuqtigiit ayuitait hanaqiyaamik aturuminaittut huyuqarniqqat. 

6-iuyut uyaraghiuqviit akiraqtuqatauhimayut naallugit 14-nguyunit avighimaniinik attiqtauyumaplutik Tamatkiumayumi Qaangani/Nunap Iluani akimayunik.

2019-mi Akimayut taapkua...

Ikpatimi Hanayi
Craig Archibald, Diavik Qiplariktuq Uyaraqtarvik (Rio Tinto Timinga)
Qaangani Kiuhitit Aanniqtuliqutit
Qikiqtaaluk Havigalik Uyaraqtarvik (Qikiqtaaluk Havigalik Uyaraqtarvit Kuapuriisan)
Nunap Iluani Aaniqtuliqutit
Diavik Qiplariktuq Uyaraqtarvik (Rio Tinto Timinga)
Qaangani Havakviuyuq Ikpati
Gahcho Kué Qiplariktuq Uyaraqtarvik (De Beers Kanata Timinga)
Ikulayunik Qaptiriyi
Qikiqtaaluk Havigalik Uyaraqtarvik (Qikiqtaaluk Havigalik Uyaraqtarvit Kuapuriisan)
Qaangani Aghunaakkut Annautjiyit
Meadowbank Kulu Uyaraqtarvik (Agnico Eagle Uyaraqtarvit Timinga)
Nunap Iluani Aghunaakkut Annautjiyit
Diavik Qiplariktuq Uyaraqtarvik (Rio Tinto Timinga)
Qaangani Titiqanut Uuktugagutit
Gahcho Kué Qiplariktuq Uyaraqtarvik (De Beers Kanata Timinga)
Nunap Iluani Titiqanut Uuktugagutit
Diavik Qiplariktuq Uyaraqtarvik (Rio Tinto Timinga)
Qaangani Puyuq
Gahcho Kué Qiplariktuq Uyaraqtarvik (De Beers Kanata Timinga)
Nunap Iluani Puyuq
Diavik Qiplariktuq Uyaraqtarvik (Rio Tinto Timinga)
Nunap Iluani Ikpatmi/Maniqami Uuktugagutit 
Diavik Qiplariktuq Uyaraqtarvik (Rio Tinto Timinga)
Qaangani Hunaqutaiyaiyit/Ahivaiyit
Gahcho Kué Qiplariktuq Uyaraqtarvik (De Beers Kanata Timinga)
Nunap Iluani Hunaqutaiyaiyut
Diavik Qiplariktuq Uyaraqtarvik (Rio Tinto Timinga)
Tamatkiumayumi Qaangani
Gahcho Kué Qiplariktuq Uyaraqtarvik (De Beers Kanata Timinga)
Tamatkiumayumi Nunap Iluani
Diavik Qiplariktuq Uyaraqtarvik (Rio Tinto Timinga)

Angiyumik quyagitjutigiyumayaqqut tamangnik ikayuqtigiit akiraqtuutiyut. Havaariyaptik ihariagiyauyuq amirnaiyainiqmut uyaraghiuqviit hannaviinit, taapkualu WSCC-kut ilitariyumayaahi havakluaqpakkaffi iniqhinahuaqpakkaffilu amirnaiyainiqmik inungnik avatingnit.

Takuyumayaffi tamaffi inuit talvani Uyaraghiuqvingnit Annautjiyit 2020-mi Imaruqtivia 6-mi, 2020-mi.
Ingilrutikhanut Uqaqtut
KAVAMATKUT UPLUUTAIT TAAMNALU AULAHIMMAAQTUQ AITTUQTAUYUT



Upluutivut talvuuna Aanniqtailiniqmut Aanniaqtailiniqmullu quviahuutait taimaaqhimaliqtut kihimi taapkua Ingilrutikhanut Uqaqtut auyuittut. WSCC-kut aullaqtihimayait taapkua Aanniqtailiniqmut Aanniaqtailiniqmullu Upluutait 2019-mi taimaa aullaqtiqhugit Ingilrutikhanut Uqaqtut 101 taimaa havakviit pulaaqtiqariamik talvanngat Havakvingnit Aanniaqtailiniqmut Aanniqtailiniqmullu (OHS) Ihivriuqhiyiinit parnaiyaiyaamik aulapkaiyaamiklu hanayauhimayunik inmikkut Ingilrutighanut Uqaqtut. Aullaqtirlutik Qiqaiyaluarvingmi, pulaaqhimayugut avatquttugit 30-nguyut havakvingnik nunallaaqnit 6-iuyunik Nunattiami Nunavunmilu taimaaqtiqhuta ippaghaani taimaa Kavamatkut Upluutainik havaqatigiplugit amihuuyut havakviit Inuvingmi, Iqalungni, Yalunaimilu.

Qanuqlu? Hailihimaliqtaqqut taamna Ingilrutikhanut Uqaqtut ukiuraaluk. OHS-kut Ihivriuqhiyiinik pulaaqtauyumaguvit havakvingnit unipkaaqlugit aanniqtailiniq, qauhitiluta. Qanurittunik unipkaaghaqariamnik takuluhi , taimaalu qaritauyakkut titiraqluta titiraqtauyaamik . Unipkaaqhimaaqluta aanniqtailiniqmut - Nakurutauyuq!

2019-mi AWCBC Ataniqtuqtuiyut Katimavikyuat
Ilagijauniq: Kiunahuarlugit uvunga Ublunganit Kanatamiunit Ilaujuktunut  

Ilagijauniq - Michael Bach - Titirauyaqhimayunik Nipiliuqtuq Alison Mcreesh ©  

Havaktut Qayagitjuttikhainnik uvalu Ikayukhiakuttikhianit Katimayiit (WSCC) quviahuttiaqtut aulapkaiyaamik taapkuninnga 2019-mi Katimayiit Taapkununnga Havaktinut Ikayuutighainit Katimayiit Kanatami (AWCBC) Ataniqtuqtuiyut Katimavikyuanganit, aniguqvianit 100-nik ukiunik aullaqtiqvianit AWCBC-kut.

Katimaviat hamna katitirivaktuq kivgaqtinik havaktit ikayuqviit katimayiinik Kanatamit tamaat unipkaariamik havakvingnit aanniqtailiniqmik, ayuqhautinik tuhaqtittigiighutik ayuiqhaqvigiighutiklu qanuq ihuatqiyakkut ikayuriamik Kanatami havaktiuyut havakviillu.
Pivighanit Naunaitkutit: Maliktaghat Havauhiuyunik

Havaktut Qayagitjuttikhainnik uvalu Ikayukhiakuttikhianit Katimayiit qaritauyakkuurutait naunaitkutagiaktuq havaktinut, havakvingnut inungnullu. Ikayuqtauyaami ihivriuqhugit pivighat hapkua, taiguaqtaghamik paqittiniaqtutit SafetyNet-mi ilittuqhitiyumik pivighanik tatqiqhiutinit tamaat. Tatqiqhiutimi atuqtumi, ihumagilluaqniaqtaqqut Maliktaghat Havauhiuyunik.

Huuq ihivriuqhiyughauyunga taapkuninnga Maliktaghat Havauhiuyunik?

Maligaliuqhimayunit aanniqtailiniqmut ataniqtuiniaruvit aanniqtailiniqmik, maliktaghat ikkuaqtiuyut qanuq iniqtaulaariaghait kitunut unipkaanguyunut. WSCC-kut titiraqtuivaktut Maliktaghanik Havauhiuyunik ikkuaqtuutighait havakviit ilitturittiarnaqtunik qanuq atuqtittivalliayaamik havauhittianik maliguaqtunik pitquyauhimayunik havauhirnik. Maliktaghat Havauhiuyunik iharianaqtut titiqqat hanayaamik ihivriuqhiyaamiklu inmikkut Havakvingnit Aanniaqtailiniqmut Aanniqtailiniqmullu Maligaghaliuqhimayunik kitunutkiaq unipkaaghanut, ilihimattiariamik havaagharnik munaqtagharniklu havakvingnit aanniqtailiniqmit, imaalu havaktiit atannguyaillu, naamahimalutik avatquhimalugilluuniit NWT-mi NU-milu Aanniqtailiniqmut Maligaq, taamnalu Havakvingnit Aanniaqtailiniqmut Aanniqtailiniqmullu Maliktaghaliuqhimayut taapkualu WSCC-kut aanniqtailiniqmut naahuriyait. Tamangnik maliktaghat ilittuqhitivaktuq iharianaqtunik naunaitkutanik, taapkualu:  
  • Aanniqtailiniqmut Maligaq taamnalu Havakvingnit Aanniaqtailiniqmut Aanniqtailiniqmullu Maliktaghaliuqhimayut, ihuaqutauyullu maligaliuqhimayut hapkununnga unipkaanguyunut;
  • Amiriyaghat ilihimayaghat mighaagut unipkaariyanut maliktaghat;
  • Naunaittughat havauhighallu atuqtittivallianiqmut maligaghaliuqhimayunik havauhirniklu ilvit havakvingnit; taapkualu,
  • Ahiit pivighat naunaitkutaillu hivayaqtaghat aallanik apiqhuutighaqaruffi.
Takunnaqtut amihuuyut WSCC-kut Maliktaghait talvani qaritauyakkurutivut makpiraanit. Makpiraq taamna qakugunnguraangat nutaannguqtiqtauvaktut nutaaniklu maliktaghanik havauhiuyunik, ilittuqhitivalliavaktavullu nutaat maliktaghat talvani Facebook-mi
talvanilu Twitter-mi makpiraanunngaqtaugaangamik. Ahiagut apiqhuutighaqaruvit, ayuiqhaqpaallirumaguvilluuniit WSCC-kut pivighainik, apiriyaffi hivayaqluta .

















Inulrammiit Havaktit Aanniqtailiniqmut Naunaiqhitit
Ayuitaminik Kanata - Inulrammiit Qunngialiurniqmut Akihaqtuutit


Upinngaghami hulilukaarnaqtuq talvani Ayuitaminik Kanata ikayuqtigiit akihaqtuutiyunit nunaptingnit tamaat parnaiyaiplutik akihaqtuutiyaamik talvani Kanatami Ayuitaminik Kanata akihaqtuutiyunit. Ukiuq avatquttut 650-nguyut nakuuniqhat ayuitqiyallu inulrammiit, tamangnit ilihaqvinngaaqtut angayughiit ilihaqvianit ilihaqpaalliqvingnillu, katihimayut Halifax, NS-mi Qiqaiyaluarvia 28-mi 29-milu, 2019-mi takupkaqtittiyaamik ayuitainik talvani 44-nit aallatqiingnit hanayiit havaaghainit alruyaqtuliqiyillu akihaqtuutainut, taapkualu Ayuitaminik 92 - Havakvingnit Aanniqtailiniq. Tamangnik pingahuuyut Ukiuqtaqtumiut akihaqtuutiyut nakuuyumik akihaqtuqatauyut taapkua Yukon-miut havigalikpaluktumik tukliutiplutik akimahimayut NT-lu NU-lu tamangnik inmikkut naammanaarutiplutik aghuuqhutik. Ava Fort Simpson, NT-mit taamnalu Kenia Tikiraqyuaq, NU-mit quviattaghutik kivgaqtuqpagaat tukliit qatanngutivut talvuuna Aanniqtailiniqmut Ayuittut NT-mi NU-milu tamaat taimaalu quviattautiryuaqhimayaatigut.

Talvuunalu iniqhimayainut Ayuitaminit, WSCC-kut quviahuktut unniutjiyaamik taimaa pingahut ilihaqtut Sir John Franklin angayughiit ilihaqvianit Yalunaimi, NT-mi akimahimayut hivulliuplutik talvani Kanatami Havakviat Havakvingnit Aanniaqtailiniqmut Aanniqtailiniqmullu (CCOHS) Nunaptingni Inulrammiit Qunngialiuqtut Akiraqtuutainit qunngialugainut Havakvingnit Qukluutit (Workplace Spook), inulrammiit qauhimaquplugit pilaarutainik havakvingnit. Angiyumik quviahuutigiqyuaqtaqqut hapkua havaqatigiighat hivunighami, ilihimattiaqtunik aghuurnaqniinik qauhimattiariamik pilaarutingnik havaktitut! Takulugu qunngialiugait hamani .


















MALIGAGHALIUQHIMAYUNUT AALLANNGUUTIT
Tamna Kavamaliqutit Katimayiit naunaiyaqtai angiqtailu tahapkuat maligait tapkuatlu GC-kut tiliugutai talvani Juni 2019 katimaniatni:
  • Maligaq 04.02, Aanniaqtunik Ikayuqti Akighaitalu
  • Maligaq 04.04, Ikayuutauyut Aallatqiiklu Havautit
  • Maligaq 04.07, Aanniaqtuliqiyinit Ihivriuqhiviit
  • Maligaq 06.03, Kitittiniit Ikayuutauraaqtughanik
Takulugu taamna WSCC Policy Manual (WSCC-kut Maligaghaliuqhimayunut Makpiraaq) takuyaami tamangnik WSCC-kut maligaghaliuqhimayait taapkualuuniit Governance Council Directives   (Kavamaliqiyit Katimayiit Maliktaghait) takuyaami tamangnik kavamaliqiyit maliktaghait.

HAVAKVIIT UMIGHIMAVIIT

WSCC-kut havakviit umighimaniat Kaanatam Upluutaanit Hivulliunmi, Taaqhivalirvia 1-mi. Havakviat angmatqigahuaq Aippiunmi, Taaqhivalirvia 2-mi 8:30-mi uplaami. Nunavunmi havakvikput ahiagullu umighimanahuaq Nunavut Upluutaanit Aippiunmi, Taaqhivalirvia 9-mi. Havakviit angmatqigahuat Pingattiunmi, Taaqhivalirvia 10-mi. 


Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.

Naunaiqhitiyaami hivuuranaqtumik havaktunut, aturlugu Uqaqhimalugit Hivuuranaqtumik Havaktunut ikayuutit uvani WSCC Connect.
wscc.nt.ca   /  1.800.661.0792   *   wscc.nu.ca  /  1.877.404.4407