 |
 |
 |
ᐊᖓᔪᖅᑳᖅ ᐊᒻᒪᓗ ᑎᑎᕋᕐᕕᖕᒥ ᐊᖓᔪᖅᑳᖓ (CEO) ᑕᕝᕙᐅᕈᑏᕐᓂᕐᒧᑦ ᑐᓴᒐᒃᓴᖓ
ᖁᔭᓐᓇᒦᒃ ᐅᕙᑦᑎᓐᓂ ᓇᖕᒥᓂᖃᖃᑕᐅᔪᑦ, ᑕᐃᕝ ᒍᕋᓐᑎᒥᑦ
ᐊᕐᕌᒍᑦ 8 ᖄᖏᖅᑐᓂᒃ, ᖁᕕᐊᓱᒃᓯᒪᕗᖓ ᐊᒻᒪᓗ ᐱᒃᑯᓕᓯᒪᓪᓗᖓᓗ ᐊᖓᔪᖅᑳᖑᔪᓐᓇᕋᒪ ᐊᒻᒪᓗ ᑎᑎᕋᕐᕕᖕᒥ ᐊᖓᔪᖅᑳᕆᔭᐅᔪᓐᓇᕋᒪ (CEO) ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC)−ᒃᑯᓐᓄᑦ. ᑖᓐᓇ ᐱᙳᐊᕆᑐᐃᓐᓇᖃᑦᑕᖅᓯᒪᙱᑕᕋ. ᐊᖓᔪᖅᑳᖑᑎᓪᓗᖓ ᐊᒻᒪᓗ ᑎᑎᕋᕐᕕᖕᒥ ᐊᖓᔪᖅᑳᕆᔭᐅᑎᓪᓗᖓ, ᐊᕐᕌᒍᓄᓪᓗ 9−ᓄᑦ ᐃᖅᑲᓇᐃᔭᖅᑎᐅᑎᓪᓗᖓ ᓇᐅᑦᑎᖅᓱᖅᑎᓄᑦ, ᖁᕕᐊᓵᑎᖃᖅᓯᒪᕗᒍᑦ ᐃᖅᑲᓇᐃᖅᓯᖃᑎᒌᖕᓂᕐᒥ. ᑖᒃᑯᐊ ᐊᔪᕐᓇᕋᔭᓚᐅᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC)−ᒃᑯᑦ ᐃᖅᑲᓇᐃᔭᖅᑎᖁᑎᖏᑦ, ᐊᐅᓚᑦᑎᓂᕐᒧᑦ ᑲᑎᒪᔨᑦ ᐊᒻᒪᓗ ᓇᖕᒥᓂᖃᖃᑕᐅᔪᓕᒫᑦ ᐊᒃᓱᕈᓚᐅᖏᒃᑯᑎᒃ.
ᑲᑎᙵᓪᓗᑕ ᓯᕗᒻᒧᒃᓯᒪᔪᒍᑦ ᖃᕋᓴᐅᔭᑎᒍᑦ−ᓇᖕᒥᓂᖃᕐᓂᕐᒧᑦ ᐋᖅᑭᒃᓯᔾᔪᑎᓂᒃ, ᐃᖅᑲᓇᐃᔭᖅᑎᖁᑎᓕᑦᑎᓄ ᐊᔪᕐᓇᕈᓐᓃᖅᑎᑦᑎᓯᒪᓪᓗᓂ ᑐᑭᓯᒋᐊᕈᑎᒃᓴᓂᒃ ᐱᔭᕆᐊᒃᓴᖅ ᓇᐅᑦᑎᖅᓱᖅᑎᑦᑎᓐᓂᒃ. ᑲᔪᓯᔪᒐᑦ ᑖᔅᓱᒪᖓ ᐊᖅᑯᑎᒥᒃ ᐃᖏᕐᕋᓂᕐᒥᒃ ᐊᒻᒪᓗ ᐊᕐᕌᒍᓄᑦ ᖃᐃᔪᓄᑦ ᑕᐃᒪᐃᓐᓂᐊᖅᖢᑕ ᓇᖕᒥᓂᖃᖃᑕᐅᔪᖁᑎᑦᑎᓐᓄ ᐊᑐᐃᓐᓇᐅᑎᑦᑎᔪᒪᓪᓗᑕ ᑐᕌᒐᖃᖅᑐᒍᑦ ᐱᐅᓂᖅᐹᒥᒃ ᐱᔨᑦᑎᕋᕈᓐᓇᖁᓪᓗᑕ. ᑎᑎᖅᑭᕆᓂᕐᒧᑦ ᐊᑭᖏᑦ ᐊᑦᑎᒃᓯᒋᐊᖅᓯᒪᔭᕗᑦ 18%−ᒥ ᐊᕐᕌᒍᓄᑦ 7−ᓄᑦ ᖄᖏᖅᑐᓄᑦ, ᐃᖅᑲᓇᐃᔭᖅᑎᖁᑎᓕᕗᑦ ᐃᑲᔪᖅᖢᑎᒍᑦ ᐊᑭᒋᔭᐅᔪᑦ ᓱᕐᕋᓗᐊᖁᓇᒋᑦ. ᐊᑭᓕᖅᑕᐅᔪᒪᔾᔪᑎᑦ ᐊᑭᖏᓐᓂᒃ ᖁᕝᕙᖅᐸᓪᓕᐊᔪᓂᒃ ᐱᓕᕆᒐᓗᐊᖅᑎᓪᓗᑕ, ᐊᑭᓕᖅᑕᐅᔪᒪᔾᔪᑎ ᐊᑕᐅᓯᐅᑉ ᐊᑭᖏᑦ ᒥᒃᖠᕙᓪᓕᐊᔪᑦ ᖃᓄᐃᑦᑕᐃᓕᓂᕐᒧᑦ ᐱᓕᕆᐊᖑᔪᓄᑦ ᐃᑲᔪᖅᑕᐅᓪᓗᑕ ᐊᒻᒪᓗ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐊᑐᐊᒐᑎᒍᑦ. ᐃᖅᑲᓇᐃᔭᖅᑏᓂᒃ ᓈᒻᒪᒃᑐᓂᒃ ᐊᑐᐃᓐᓇᐅᑎᑦᑏᓐᓇᖅᑐᒍᑦ ᐅᑭᐅᖅᑕᖅᑐᓄᑦ ᓴᓇᔩᓄᑦ ᐋᓐᓂᖅᓯᒪᔪᓄᑦ ᐱᔪᓐᓃᖅᐸᓪᓕᐊᑎᓪᓗᒋᑦ. ᑖᒃᑯᐊ ᐊᔪᕐᓇᕋᔭᓚᐅᖅᑐᑦ ᓇᖕᒥᓂᖃᖃᑕᐅᔪᖁᑎᕗᑦ ᐱᓕᕆᖃᑕᐅᓚᐅᖏᒃᑯᑎᒃ.
ᓴᕆᒪᒍᓱᒃᐳᖓ ᓴᓇᔪᓐᓇᓚᐅᕋᒪ ᒪᕐᕉᖕᓂ ᐊᑐᓂ ᐊᒻᒪᓗ ᐊᔾᔨᒌᖏᑦᑐᓂᒃ ᐃᖅᑲᓇᐃᔮᓂᒃ, ᑕᒪᕐᒥᓗ ᐃᓄᓕᕆᕙᒃᖢᑎᒃ. ᒫᓐᓇᐅᔪᖅ 150−ᓂᒃ ᐃᖅᑲᓇᐃᔭᖅᑎᖃᖅᑐᒍᑦ 3−ᓂᒡᓗ ᐊᒡᓚᒡᕕᖃᖅᖢᑕ: ᔭᓗᓇᐃ, ᐃᖃᓗᐃᑦ ᐊᒻᒪᓗ ᐃᓅᕕᒃ. ᑖᒃᑯᐊ ᐅᓄᖅᑐᑦ ᐃᖅᑲᓇᐃᔭᖅᑏᑦ ᐱᕕᒃᓴᖃᓚᐅᖏᒃᑲᓗᐊᖅᑎᓪᓗᒋᑦ ᐃᓕᔅᓯᓐᓂ ᓇᖕᒥᓂᖃᖃᑕᐅᔪᓯᒍ ᐱᓕᕆᖃᑎᒌᖕᓂᕐᒥ, ᐊᒃᓱᕈᖅᖢᑎᒃ ᐃᖅᑲᓇᐃᔭᐃᓐᓇᖅᑐᑦ ᑕᑯᒃᓴᐅᖏᑦᑐᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᑦᑎᐊᖅᑎᑦᑎᓂᕐᒥ ᑲᑐᔾᔨᖃᑎᒌᖁᑎᑦᑎᓐᓂ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC)−ᒃᑯᓐᓂ ᑕᑯᔪᒍᑦ ᑲᑎᙵᔪᓂᒃ ᐱᔪᒪᓂᖃᖅᑐᓂᒃ, ᐃᓕᓐᓂᐊᑦᑎᐊᖅᓯᒪᔪᓂᒃ ᐊᒻᒪᓗ ᐊᑐᓂ ᐱᓕᕆᔪᒪᓂᖃᑦᑎᐊᖅᑐᓂᒃ ᐱᔪᒪᓂᖃᑦᑎᐊᖅᖢᑎᒃ ᐊᑭᓕᖅᑕᐅᔪᒪᔾᔪᑎᓄᑦ ᑐᒃᓯᕋᖅᑐᓄᑦ ᐊᒻᒪᓗ ᓇᖕᒥᓂᖃᖃᑕᐅᔪᖁᑎᑦᑎᓐᓄ.
ᒪᐃ 3, 2019−ᖑᓕᖅᐸᑦ, ᑭᖑᓪᓕᖅᐹᒥᒃ ᐃᖅᑲᓇᐃᔭᕐᓂᖓᖅᑐᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC)−ᒃᑯᓐᓂᒃ. ᓄᖅᑲᓕᖅᑐᖓ ᐃᒃᐱᒍᓱᒃᑲᒪ ᑲᑐᔾᔨᖃᑎᒌᖑᔪᖅ ᐱᓕᕆᑦᑎᐊᕐᓂᖓᓂ (ᓯᕗᓕᖅᑎ ᐊᓯᔾᔨᕐᓂᖓ ᐱᐅᖏᓐᓇᐅᔭᖅᑐᖅ), ᐅᕙᓐᓄᑦ ᐱᐅᔪᖅ, ᖃᑕᙳᑎᓐᓄᓪᓗ. ᑭᖑᓪᓕᕐᒥ ᖃᓄᐃᓐᓂᐊᕐᒪᖔᕐᒪ ᓇᓗᔪᖓ, ᑭᓯᐊᓂ ᖃᐅᔨᒪᔪᖓ ᑲᑐᔾᔨᖃᑎᒌᖑᔪᖅ ᕿᒪᓕᖅᑕᕋ ᐱᔨᑦᑎᕋᕐᓂᕐᒥ ᐱᓕᕆᑦᑎᐊᕐᓂᖓᓂ ᓇᖕᒥᓂᖃᖃᑕᐅᔪᖁᑎᑦᑎᓐᓄ ᐊᒻᒪᓗ ᐊᑭᓕᖅᑕᐅᔪᒪᔾᔪᑎᓄᑦ ᑐᒃᓯᕋᖅᑐᓄᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ. ᐅᕙᓐᓄᑦ, ᑖᓐᓇᑐᐊᖅ ᐱᒻᒪᕆᐅᔪᖅ.
ᖁᔭᓐᓇᒦᒃ ᓇᖕᒥᓂᖃᖃᑕᐅᔪᖁᑎᑦᑎᓐᓄᑦ ᐃᑲᔪᖅᑐᐃᓂᔅᓯᓐᓄᑦ. ᐃᓱᒫᓘᑕᐅᔪᑦ ᑕᑯᖃᑦᑕᖅᓯᒪᙱᑕᕗᑦ ᐊᑕᐅᑦᑎᒥᒃ ᑭᓯᐊᓂ ᐋᖅᑭᑦᑎᐊᖏᓐᓇᐅᔭᖅᓯᒪᔭᐅᕗᑦ.
ᐊᐅᓚᑦᑎᓂᕐᒧᑦ ᑲᑎᒪᔨᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC)−ᒃᑯᓐᓄᑦ, ᖁᔭᓐᓇᒦᒃ ᐱᕕᒃᓴᖃᖅᑎᑕᐅᒐᒪ ᐊᐅᓚᑦᑎᓂᕐᒥᒃ ᑖᔅᓱᒥᖓ ᑲᑐᔾᔨᖃᑎᒌᖑᔪᒥᒃ. ᖁᕕᐊᓱᒃᐳᖓ ᐃᑲᔪᖅᓱᐃᓐᓇᕋᔅᓯᙵ ᐊᕐᕌᒍᓄᑦ 8−ᓄᑦ ᐊᖓᔪᖅᑳᖑᑎᓪᓗᖓ.
ᐊᒻᒪᓗ ᑭᖑᓪᓕᖅᐹᒥᒃ ᓴᓇᔨᓄᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC)−ᒃᑯᓐᓄᑦ, ᐃᖅᑲᓇᐃᔭᖅᑎᐅᖃᑎᒋᔭᙵ, ᑭᓯᐊᓂ ᐱᒻᒪᕆᐅᓂᖅᓴᒥᒃ ᐱᖃᓐᓇᕆᔭᙵ. ᑲᒪᑦᑎᐊᕐᓂᐊᖅᐳᓯ ᑕᒪᔅᓯ. ᑕᐃᕝ ᒍᕋᓐᑎ
|
|
ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ
ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᓇᓱᐊᕈᓯᖅ ᐊᒡᒋᓕᕐᒪᑦ! ᖃᐅᔨᒪᔭᐅᓚᐅᖅᓯᒪᔪᕕᓂᖅ ᐆᒥᖓ ᐅᑭᐅᖅᑕᖅᑐᒥᑦ ᐃᖅᑲᓇᐃᔭᕐᕕᒋᔭᐅᔪᓂᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᖏᑦᑐᓕᕆᓂᕐᒥ (NAOSH) ᐱᓇᓱᐊᕈᓯᖓ, 2019-ᒥ ᐊᑐᖅᑕᐅᓂᐊᖅᑐᑦ ᐃᓕᓴᕆᔭᐅᓯᒪᓗᑎᒃ ᒪᐃ 5-11-ᒥ.
ᑕᒪᑐᒪᓂ ᐊᕐᕌᒍᒥ, ᐅᑎᖅᑎᓕᖅᑕᕗᑦ ᐊᑐᖅᑕᐅᓪᓗᐊᑕᓲᑦ, ᐃᑲᔪᖅᑕᐅᖁᓪᓗᓯ ᐸᕐᓇᒃᑎᓪᓗᓯ ᐊᒻᒪᓗ ᐱᔭᐅᑎᑦᑎᑎᓗᓯ ᐃᓕᔅᓯ ᓇᖕᒥᓂᔅᓯᓐᓂᒃ ᓴᓇᕐᕈᑎᒃᑯᕕᔅᓯᓐᓂ ᐅᖃᖃᑎᒌᓐᓂᕐᒧᑦ! ᐃᓕᔅᓯᓐᓂᑦ ᐃᖅᑲᓇᐃᔭᖃᑎᖃᕐᓂᐊᐳᒍᑦ ᐅᕝᕙᓗᓃᑦ ᓴᓇᕝᕕᖁᑎᔅᓯᓐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᑭᒡᒐᖅᑐᐃᔨᒥᒃ ᐸᕐᓇᒃᑎᓪᓗᒍ ᐊᒻᒪᓗ ᐱᔭᐅᑎᑦᑎᑎᓗᒍ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᓴᖅᑕᐅᑎᑦᑎᑎᓗᒍ ᐃᓕᔅᓯ ᐃᖃᓇᐃᔭᖃᑎᒋᔭᑦᓯᓐᓄᑦ. ᐊᑐᕐᓗᑎᒃ ᐅᖃᓪᓚᐅᑕᐅᖁᔭᐅᔪᒥᒃ ᐃᓕᔅᓯ ᓂᕈᐊᖅᑕᖓᓐᓂᑦ, ᐊᔪᕆᖅᓲᑎᕙᓪᓕᐊᓂᖅᐸᑦᑎᒋᑦ ᖃᓄᖅ ᐱᕙᒌᔭᕆᐊᖃᕐᒪᖔᔅᓯᑦ ᐱᓕᕆᔪᔾᑎᒃᓴᖁᑎᔅᓯᓐᓂᒃ ᐅᕝᕙᓗᓂᑦ ᑐᓴᐅᒪᔾᔪᑎᒃᓴᖁᑎᔅᓯᓐᓂᒃ ᐱᓕᕆᐊᖑᒋᐊᓚᐅᖏᓐᓂᖏᓐᓂ ᐊᒻᒪᓗ ᓇᔫᑎᔪᒪᓪᓗᓯ ᖃᓄᑐᐃᓐᓇᖅ ᐊᕆᔪᖃᕐᓂᖅᐸᑦ ᑭᐅᔪᓐᓇᖁᓪᓗᖓ. ᐳᓛᕆᐊᓛᖅᐳᒍᑦ ᐅᓪᓛᒃᑯᑦ ᐅᕝᕙᓗᓂᑦ ᐅᓐᓄᓴᒃᑯᑦ ᑰᐱᑐᕐᓇᖅᑎᓪᓗᒍ ᐊᒻᒪᓗ ᓇᒃᓴᒻᒪᕆᒡᓗᒋᑦ ᑰᐱᑦ ᐊᒻᒪᓗ ᑕᒧᐊᒃᓴᓂᒃ!
ᒐᕙᒪᒃᑯᓪᓕᑦ ᐃᖃᓇᐃᔭᖅᑎᖁᑎᒋᔭᐅᕕᖕᓂ ᐱᓕᕆᖃᑕᐅᓂᕐᒥ ᐱᔪᒪᓂᖃᖅᐲᑦ?
ᐊᑎᓕᐅᕆᑦ ᐅᕙᓂ
!
|
|
|
ᑎᐅᕆᑑᕆᒥᒃ ᐊᔪᙱᓐᓂᐅᔪᓄᑦ ᓵᓚᖃᕋᓴᐅᕐᓂᐅᔪᒥᑦ
 |
|
|
Barb Hemming, WSCC Senior Safety Officer with the medalists of Skills NU Workplace Safety: Gold Medalist Kenia P. from Whale Cove, NU, Silver Medalist Ben H. from Iqaluit, NU, and Bronze Medalist AJ N. from Pangnirtung, NU.
|
ᐊᕐᕌᒍᑕᒫᖅ ᐊᔪᙱᓐᓂᐅᔪᓄᑦ ᓄᓇᑦᓯᐊᕐᒥ ᐊᒻᒪᓗ ᐊᔪᙱᓐᓂᐅᔪᓄᑦ ᓄᓇᕗᒻᒥ ᐱᓕᕆᑎᑦᑎᖃᑦᑕᖅᑐᑦ ᑎᐅᕆᑑᕆᒥᒃ ᐊᔪᙱᓐᓂᐅᔪᓄᑦ ᓵᓚᖃᕋᓴᐅᕐᓂᐅᔪᒥᑦ ᖃᐅᔨᓴᖅᖢᑎᒃ ᐃᓕᓐᓂᐊᖅᑐᑦ ᐱᔪᓐᓇᕐᓂᖏᓐᓂ ᕿᔪᓕᕆᓂᕐᒧᑦ ᐊᒻᒪᓗ ᖃᕋᓴᐅᔭᓕᕆᓂᕐᒧᑦ. ᑖᒃᑯᐊ ᑲᑐᔾᔨᖃᑎᒌᖑᔪᑦ ᑐᕌᒐᖃᖅᑐᑦ ᐃᑲᔪᖅᓱᐃᓂᕐᒥ ᕿᔪᓕᕆᓂᕐᒧᑦ ᐊᒻᒪᓗ ᖃᕋᓴᐅᔭᓕᕆᓂᕐᒧᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ.
ᑎᐅᕆᑑᕆᒥᑦ ᐊᔪᙱᓐᓂᐅᔪᓄᑦ ᓵᓚᖃᕋᓴᐅᕐᓂᐅᔪᒥᑦ ᑐᑭᓕᒃ ᐃᓕᓐᓂᐊᖅᑐᑦ ᓄᓇᑦᓯᐊᒥᑦ (NT) ᐊᒻᒪᓗ ᓄᓇᕗᒻᒥᑦ (NU) ᐱᕕᒃᓴᖃᖅᑎᑕᐅᓂᐊᖅᑐᑦ ᖃᐅᔨᓴᖅᑕᐅᓗᑎᒃ ᐱᔪᓐᓇᕐᓂᖏᑦ ᐊᔾᔨᒌᖏᕈᓘᔭᖅᑐᓂᒃ ᕿᔪᓕᕆᓂᕐᒥ ᐊᒻᒪᓗ ᖃᕋᓴᐅᔭᓕᕆᓂᕐᒥ. ᑖᓐᓇ ᐱᕕᒃᓴᖅ ᐱᕙᓪᓕᐊᔪᓐᓇᕐᓂᕐᒥᑦ ᐊᒻᒪᓗ ᐃᓕᓐᓂᐊᕐᓂᕐᒥᒃ ᐊᑐᐃᓐᓇᐅᑎᑦᑎᔪᖅ ᐊᑦᑕᓇᔾᔭᐃᖅᓯᒪᓂᐅᑉ ᐃᓗᐊᓂ, ᑕᑯᑎᑦᑎᓪᓗᓂ ᐃᖅᑲᓇᐃᔮᕆᔭᐅᔪᓐᓇᖅᑐᒥᒃ ᐃᓕᓐᓂᐊᖅᑎᐅᔪᓄᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᖅᑎᒻᒪᕆᐅᓂᕐᒥᒃ. ᐅᕝᕙ ᑐᓴᒐᒃᓴᒃᑲᓐᓃᑦ ᓵᓚᖃᕋᓴᐅᕐᓂᐅᔪᒥᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᒥᒃᓵᓄᑦ:
- ᐊᔪᙱᓐᓂᐅᔪᓄᑦ ᓄᓇᕗᒻᒥ ᐊᐃᕐᕆᓕ 27 ᐊᒻᒪᓗ 28−ᖑᑎᓪᓗᒍ ᐱᓕᕆᔭᐅᓚᐅᖅᑐᖅ ᐃᖃᓗᐃᑦ, ᓄᓇᕗᒻᒥ (NU). ᓵᓚᖃᕋᓴᐅᕐᓂᐅᔪᖁᑎᕗᑦ ᓄᓇᕗᓕᒫᒥᑦ ᖃᐅᔨᓴᖅᑕᐅᓚᐅᖅᑐᑦ 3−ᓂᒃ ᐊᔾᔨᒌᖏᑦᑐᓂᒃ ᐊᕕᒃᑐᖅᓯᒪᔪᓂᒃ ᓵᓚᖃᕋᓴᐅᕐᓂᐅᔪᒥᑦ ᐃᓚᖃᖅᖢᓂ ᐊᑦᑕᕐᓇᖅᑐᓂᒃ ᖃᐅᔨᓴᕈᑎᓂᒃ, ᐊᑦᑕᕐᓇᖅᑐᓂᒃ ᐊᐅᓚᑦᑎᓂᕐᒥᒃ, ᐊᒻᒪᓗ ᐊᑦᑕᕐᓇᖅᑐᑦ ᑕᑯᓇᒃᑎᑦᑎᓂᕐᒥᒃ. ᓵᓚᖃᕋᓴᐅᕐᓂᐅᔪᖁᑎᕗᑦ ᑕᑯᓇᒃᑕᐅᓚᐅᖅᑐᑦ ᖃᔅᓯᒐᓚᖕᓄᑦ ᓄᓇᓕᖕᓂᙶᖅᑐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖃᓇᐃᔭᖅᑎᒻᒪᕈᖕᓄᑦ ᐃᖃᓗᖕᓃᑦᑐᓂᒃ ᐃᓚᖃᖅᖢᓂᒃ ᑯᕆᔅ ᓚᕼᐆᕐ, ᐊᑦᑕᓇᔾᔭᐃᖅᓯᒪᔪᓕᕆᔨᐅᑉ ᑐᒡᓕᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC)−ᒃᑯᓐᓂᖔᖅᑐᖅ ᐊᒻᒪᓗ ᑎᐅᕆᒃ ᐊᓗᕐᑕᓐ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ (QEC)−ᒃᑯᓐᓂ. ᑐᕌᒐᖓᑕ ᐃᓱᐊ ᐃᓚᐅᔪᓄᑦ ᐱᒻᒪᕆᐅᔪᒥᒃ ᖃᐅᔨᒪᓂᕐᒥᒃ ᐊᖏᕐᕋᐅᔾᔨᓗᑎᒃ ᐊᒻᒪᓗ ᐊᑐᖅᓯᒪᓂᕐᒥᒃ ᓇᓗᓇᐃᖅᓯᓂᕐᒥᒃ ᐊᒻᒪᓗ ᐊᐅᓚᑦᑎᓂᕐᒥᒃ ᐊᑦᑕᕐᓇᖅᑐᓂᒃ ᐃᖅᑲᓇᐃᔭᕐᕕᖏᓐᓂᒃ! ᓱᓕᒃᑲᓐᓂᖅ ᐃᓚᐅᔪᓄᑦ ᓵᓚᖃᕋᓴᐅᕐᓂᐅᔪᒥᑦ ᐱᓕᕆᓂᖏᓐᓂᒃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᑎᑦᑎᓚᐅᖅᑐᖅ ᐆᒃᑐᕐᓂᕐᒥᒃ ᕿᔪᓕᕆᓂᕐᒥᒃ/ᖃᕋᓴᐅᔭᓕᕆᓂᕐᒥᒃ ᐱᙳᐊᖅᑐᒥᒃ ᐃᒡᓗᖁᑕᐅᔪᒥᒃ ᖃᓄᐃᑦᑐᖃᕋᔭᕐᒪᖔ ᑭᓇᒃᑯᓕᒫᑦ ᐱᓕᒻᒪᒃᓴᔪᓐᓇᕐᓗᑎᒃ ᐊᑦᑕᕐᓇᖅᑐᓂᒃ ᓇᓗᓇᐃᖅᓯᓂᕐᒥᒃ ᐊᔪᙱᓐᓂᐅᔪᓄᑦ.
-
ᐊᔪᙱᓐᓂᐅᔪᓄᑦ ᓄᓇᑦᓯᐊᕐᒥ
ᐱᓕᕆᔭᐅᓂᐊᖅᑐᖅ ᒪᐃ 3−ᒥᑦ ᔭᓗᓇᐃ, ᓄᓇᑦᓯᐊᕐᒥ (NT). ᐊᔾᔨᐸᓗᐊ ᐊᔪᙱᓐᓂᐅᔪᓄᑦ ᓄᓇᕗᒻᒥ, ᓵᓚᖃᕋᓴᐅᕐᓂᐅᔪᖁᑎᕗᑦ ᐊᐱᕆᔭᐅᓂᐊᖅᑐᑦ ᐸᕐᓇᖁᔭᐅᓗᑎᒃ ᐊᒻᒪᓗ ᓵᓚᒃᓴᕋᓱᒡᓗᑎᒃ 3−ᓂᒃ ᐃᓗᓕᖃᖅᑐᓂᒃ ᓵᓚᖃᕋᓴᐅᕐᓂᐅᔪᒥᑦ, ᑭᓯᐊᓂ ᑕᕝᕙᓂ, ᓂᕆᕝᕕᒻᒪᕆᖕᒥ ᐃᖅᑲᓇᐃᔭᕐᕕᖕᒥ. ᕕᑭ ᓗᐃᑦ, ᐊᑦᑕᓇᔾᔭᐃᖅᓯᒪᔪᓕᕆᔨᕐᒧ ᐊᖓᔪᖅᑳᖅ, ᑕᑯᓇᒃᑎᐅᔪᒐᓚᖕᓂᒡᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᖅᑎᒻᒪᕇᑦ, ᓵᓚᖃᕋᓴᐅᕐᓂᐅᔪᖁᑎᑦᑎᓐᓂᒃ ᐃᑲᔪᕐᓂᐊᖅᑐᑦ ᓵᓚᖃᕋᓴᐅᕐᓂᐅᔪᒥᑦ, ᖃᐅᔨᓴᕐᓗᑎᒃ ᑕᐃᒪᐃᓕᐅᖅᑎᓪᓗᒋᑦ. ᓂᕆᕝᕕᙳᐊᖅ ᐋᖅᑭᒃᓯᒪᔪᖅ ᐊᑐᐃᓐᓇᐅᓂᐊᕐᒥᔪᖅ ᐊᔪᙱᓐᓂᐅᔪᓄᑦ ᓄᓇᑦᓯᐊᒥᒃ (NWT) ᐃᖅᑲᓇᐃᔮᓄᑦ ᑕᑯᔭᒐᕐᒥ ᐊᒻᒪᓗ ᐆᒃᑐᕐᓂᕐᒥᒃ ᕿᔪᓕᕆᓂᕐᒥᒃ/ᖃᕋᓴᐅᔭᓕᕆᓂᕐᒥᒃ ᐱᓕᕆᐊᖑᔪᒥᒃ, ᓂᐅᕕᕐᕕᒐᓚᖃᕐᕕᖕᒥᓪᓗ ᑕᐃᒪᐃᓕᐅᕐᓂᐊᖅᖢᑎᒃ. ᐃᑲᔪᖅᓱᖅᐸᔅᓯ ᑕᑯᔭᖅᑐᖁᓪᓗᓯ!
ᐱᓕᕆᑦᑎᐊᖁᕙᓯ ᐃᓚᐅᖃᑕᐅᓂᐊᖅᑐᒥᒃ ᓄᓇᑦᓯᐊᓕᒫᒥᑦ (NWT) ᐊᒻᒪᓗ ᓄᓇᕗᓕᒫᒥᑦ (NU)!
ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (WSCC) ᓴᕆᒪᒍᓱᒃᑐᖅ ᐃᑲᔪᖅᓱᐃᓂᕐᒥ ᐃᓕᓐᓂᐊᕐᓂᕐᒥ ᐊᒻᒪᓗ ᐱᕙᓪᓕᐊᑎᑦᑎᓂᕐᒥ ᒪᒃᑯᑐᖁᑎᑦᑎᓐᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓗᐊᓂ, ᐊᒻᒪᓗ ᑕᑯᔪᒪᕗᒍᑦ ᑲᓇᑕᓕᒫᒥᑦ ᑕᐃᒪᐃᓕᐅᖅᑎᓪᓗᒋᑦ!
|
|
ᓄᑖᖑᔪᖅ: ᐸᕝᕕᓵᕆᓂᕐᒧᑦ ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᖅ
ᓴᓇᔩᑦ ᐱᔪᓐᓇᐅᑎᖃᖅᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᐅᑉ ᐊᕙᑎᖓᓂ, ᐸᕝᕕᓵᕆᓂᖅᑕᖃᙱᑦᑐᒥᑦ. ᐃᖅᑲᓇᐃᔭᖅᑎᖁᑎᓖᑦ ᐱᓕᕆᐊᖃᕆᐊᖃᖅᑐᑦ ᓈᒻᒪᒃᑐᓂᑦ ᑕᐃᒪᐃᑎᑦᑎᑦᑕᐃᓕᒪᓂᕐᒧᑦ ᐊᒻᒪᓗ ᓄᖅᑲᖅᑎᑦᑎᓂᕐᒧᑦ ᐸᒡᕕᓵᕆᓂᕐᒥᑦ ᑐᕌᖓᖃᓯᐅᑎᔪᒥᒃ ᓴᓇᔨᐅᑉ ᐃᖅᑲᓇᐃᔮᖓᓄᑦ.
ᓄᑖᖑᓛᖅ ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᖅ ᐃᑲᔪᓲᖅ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᓕᕆᓂᐅᔪᒧᑦ ᐋᖅᑭᒃᓱᐃᓂᕐᒧᑦ ᐊᒻᒪᓗ ᐊᑐᓕᖅᑎᑦᑎᓂᕐᒥᑦ ᐸᕝᕕᓵᕆᓂᕐᒧᑦ ᐊᑐᐊᒐᕐᒥᑦ, ᖃᓄᖅ ᑲᒪᒋᔭᖃᕆᐊᖃᕐᒪᖔᑦ ᐸᕝᕕᓵᕆᓂᕐᒧᑦ ᐅᓐᓂᕐᓘᑎᓂᒃ (ᐃᓚᖃᖅᖢᓂ ᖃᐅᔨᓴᕐᓂᕐᒥᒡᓗ ᑲᔪᓯᑎᑦᑎᓂᕐᒥᑦ), ᐊᒻᒪᓗ ᓯᕗᒻᒧᐊᒃᐸᓪᓕᐊᓂᕐᒥᑦ ᐸᕝᕕᓵᕆᓂᖅᑕᖃᓚᐅᖅᑎᓪᓗᒍ ᐃᖅᑲᓇᐃᔭᕐᕕᖕᒥᑦ.
ᒪᓕᒋᐊᖃᖅᑐᖅ ᐃᓚᖃᕐᒥᔪᖅ ᐆᒃᑑᑎᒥᒃ ᐊᑐᐊᒐᕐᒥᒃ, ᐊᑐᖅᑕᐅᔭᕆᐊᖃᖅᑐᓂᒃ, ᐱᓕᕆᓂᕐᒥ ᓄᖅᑲᖅᑎᑦᑎᓂᕐᒥ ᐊᒻᒪᓗ ᐸᕝᕕᓵᕆᓂᖅ ᑕᐃᒪᐃᙱᑎᑦᑎᓂᕐᒥ, ᐃᖅᑲᓇᐃᔭᖅᑎᖁᑎᓕᖕᓄᑦ ᐸᕝᕕᓵᕆᓂᖅ ᐅᓐᓂᕐᓗᒃᓴᕐᒥᕐᒧᑦ ᑕᑕᑎᕆᐊᓕᖕᒥ, ᐊᒻᒪᓗ ᖃᐅᔨᓴᖅᑕᐅᓂᕐᒧᑦ ᑕᑕᑎᕆᐊᓕᖕᒥ.
ᐅᖃᓕᒫᕈᒃ ᐅᓪᓗᒥ.
|
|
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC)-ᒃᑯᑦ ᐊᒡᓚᒡᕕᖏᑦ ᒪᑐᓯᒪᓂᐊᖅᑐᑦ ᕕᒃᑑᕆᔭᐅᑉ ᐅᓪᓗᖓᓂ ᓇᒡᒐᔾᔭ ᒪᐃ 20−ᒥᑦ. ᐊᓪᓚᕕᒃ ᒪᑐᐃᒃᑲᓐᓂᓛᖅᑐᖅ ᐊᐃᑉᐹ, ᐊᐃᕐᕆᓕ 21-ᒥᑦ 8:30 ᐅᓪᓛᒃᑯᑦ.
ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ
WSCC Connect
.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
| |
|
|
|
