 |
 |
 |
Angajuqaak unalu CEO'p Taimaaqtirutaanut Unipkaanga
quanaqqutit uvunga ilauhimajunut, uvanngat Dave Grundy
8 nit ukiunganit kinguani, nanngarivlugit quviahuutigivlugulu kigvaqtuivlunga Angajuqaangujauvlunga CEO inikhangillu haffumani Havaktut Qayagitjuttikhainnik uvalu Ikayukhiakuttikhianit Katimayiit (WSCC). Hamna quviahuutigilluaqhugu inikhanut. Angajuqaanganut CEO ngutillunga, aahiittauq 9 ukiunganit havaktiuvlunga Havaktut Qayagitjuttikhainnik uvalu Ikayukhiakuttikhianit Katimayiit, quviahuutigilluaqtavut arlingnaqtumik tikihimajavut atauttimut. Ajurnainnginniaqhuni havagluaqhimagamik haffumani Havaktut Qayagitjuttikhainnik uvalu Ikayukhiakuttikhianit Katimayiit ikajuqatigiiktut, Kavamaliqiniq Katimayiikput unalu tamaita ilauhimajunut ikajuqtut.
Katimadjutigivlugit hivumuuqhuta piutigijavut i-nanminiqutikput angmaumaningit, ajurnairiami havaktittijunut nalunairutitigut hamanngat Havaktut Qayagitjuttikhainnik uvalu Ikayukhiakuttikhianit Katimayiit. Taimaa apquhiuqtirijaqqut ublumi taimaattauq ukiukhamit hivumuurutiginiaqtavut ikajuqhimalugit ilauhimajunut ikajuqtut nakuuqpiaqtumik kivgautigikhatigut. Nailihimajaqqut aulattittinirnut akikhangit avatquttumik 18% kinguangani 7 ukiunganit, ikajuqhugit havaktittijunut akikhangit ajurnaittumik aulahimanngittunit. Kihiani akihautigiinnaqhugit akittuqpallialiqhuni nanminiqutitigut akikhangit, akikhavut nanminiqutingnut naiglivallialiqhuni ikajuqtaugapta pittailinahuaqhugit piliriakhat utiffaaqhuta havagvingnut atuagait. Ikajuqhimmaaqtavut nakuujumik ikajuutikhangit uvunga anniqhimajunut qulvahikturmiunut havaktivut mamihattiaqhutik. Ajurnaiqhimavluni ikajuinnaqhimanngitpata havaqatigiikhutik ilauqatauhimajut ikajuqtivut.
Tuhunngaqtumik havakhimagama malrungnik ahianit unalu aallatqiingujut havaahiq, tamarmik havaqatigikhugit inungnit. Ublumimut 150 nit havaktiit havaktut iluani pingahut havagvingnit: Yellowknife, Iqaluit unalu Inuvik. Kihiani amihuujut havaktiit inikhaqaraluanngittut havaqatigiami ilauqatauhimajunut ikajuqtunut, havagluaqhimavakhutik tautuktittihimaittumik taimaa ihuarijaamingnit Havaktut Qayagitjuttikhainnik uvalu Ikayukhiakuttikhianit Katimayiit ihuaqpiaqtumik timiujunut. Tautukhimajara hamani Havaktut Qayagitjuttikhainnik uvalu Ikayukhiakuttikhianit Katimayiinmi ilagijaujut malittiaqhutik, akhuuqpiaqhutik ajuitpiaqhutik iqiittumik inuit ilumuuqtumik nanminiqutitingit unalu ilauhimajut ikajuqtivut.
Qiqaijaluarvia 3, 2019, iniqhimaniaqtunga uvani Havaktut Qayagitjuttikhainnik uvalu Ikayukhiakuttikhianit Katimayiinmi.Havaktut Qayagitjuttikhainnik uvalu Ikayukhiakuttikhianit Katimayiit. Apluiqhimaliqtunga ikpigigapku nakuuvluatqijaujuq timiujunut (aallanut hivuliqtikhanut nakuuvakhunilu), naammagijara, ilatkalu. Huliniarivungan naunaqtuq, kihimi ilihimajunga abluiqhimaliqtunga una timiujuq nakuuqpiaqtumik kivgaquivakhutik ilauhimajunut ikajuqhimajunut nanminiqutilingnillu haffumani Nunatsiaq Nunavunmilu. Uvamnit, naammagijara taimaa.
Quanaqqutit tamainnut ilauhimajunut ikajuqhimajut ikajurluaraffi. Akihautaanik tautukhimanngitkaluaqhugu atauttimut tautuktavut kihiani havainnarnaqhuni.
Uvunga Kavamaliqiniq Katimayiit haffumani Havaktut Qayagitjuttikhainnik uvalu Ikayukhiakuttikhianit Katimayiinmi, quanaqqutit inikhamik hivuliqtigigaluaqtara hamna timinganit. Qujajunga ikajurangma Angajuqqaangugaluaqhunga 8 ukiunganit.
Una kinguani tamainnut havaktiit haffumani Havaktut Qayagitjuttikhainnik uvalu Ikayukhiakuttikhianit Katimayiinmi, havaqatigiiktugut, kihimi ilannarijarma. Qajagihimavagluhi tamaffi. DG
|
|
Aanniqtailiniqmut Aanniaqtailiniqmullu Upluutait
Aanniqtailiniqmut Aanniaqtailiniqmullu Upluutait tikitjuqiliqtuq! Qaujimagaluaqtuq Nuat Amialikanut Havaktunut Hivuuranaittigut Aanniarnairutigut (NAOSH) Upluutait, una 2019 hulidjuhia ilitarijauvluni hulidjuhikhait Qiqaijaluarvia 5-11.
Una ukiunga, ajurnaittumik utiffaarmijaqqut, ikajuqtut upalungaijariiqhimavikhangit turaarvikhaitigut Ingilrutikhanut Uqaqtut! Havaqatiginiaqtagit timiqutivillu qajangnaiqutigut kivgaqtuinirnut upalungaiqhimagiangani qajangnaiqutigut niplautaat havaqativit. Ihumaliurnigut atuqhugu pukukhimajatit, munariniaqtavut havaqativit uplunaiqhimalugit hulivikhait nalunaitkuhiq hivuani, havagvingmiiluta kiugiangani apiqhuut apiqhuutaujut. Pulaaqhimaniaqtugut uplaami upluummaanmiluuniit kaapiturnaqhikpat kaapikhamigluuniit muqpaujarnigluunit nakharniaqtugut!
Tukihittiariangani ublukhautitigut, humunngaqtumigluuniit, nayugaanit, ihivgiurlugut hamna
Atiliurvik makpirak
.
|
|
Nunallaami Ajuinningit akihautiniq
 |
|
|
Barb Hemming, WSCC Senior Safety Officer with the medalists of Skills NU Workplace Safety: Gold Medalist Kenia P. from Whale Cove, NU, Silver Medalist Ben H. from Iqaluit, NU, and Bronze Medalist AJ N. from Pangnirtung, NU.
|
Aippaaguraangat Ajuinningit Nunatsiaq unani Ajuinningit Nunavut katimapkainahuaqtut Nunallaami Ajuinningit Akihautiniq ihivriurlugit ilihaqtunut ajuinningit havaatigut qaujiharnikhaitigut. Tahapkuat timiujut hivunikhautiqaqhutik ikajuqhugit havaatigut ingniqutititigut qaujiharnirnut inuuhuktunut havaktut.
Una Nunallaami Ajuinningit Akihautinit tukiqaqhuni ilihaqtut tamainnut Nunatsiaqmit Nunavunmilu inikhautiqarlutik uuktuutigilugillu ajuinningit aallatqiitigut havaatigut qaujiharniutigullu. Una inikhautikhangit ilihautiginiaqtangit havakhutiglu ajuiqhailugit aaniqtailiniutigut, hivunigilugulu havauhikhaitigut ilihaqtut qajaginiutigut ajuittunut. Hamna naittuugaluaq akiharnarnigut iluani Havagvingmi Aanniqtailinirnut:
- Ajuinningit Nunavut hulivlutik Qitiqqautijuq 27, 28 milu uvani Iqaluit, NU. Akihaqtiutigut tamainnut Nunavut uuktuutigijaulut pingahunit aallatqiinut ilikhait akihautijut ilagivluniuk hivuuranarnianut ihivriurnikhanut, hivuuranarnirnut munaqtiuniq, unalu aanniqtailirnut takugakharniq. Tahapkuat akihaqtittijut munarijauvlutik qaffiunirnut nunaqatigiikgunut aanniqtailinirnut ajuittunut iluani Iqaluit ilagijauvluni una Chris Lahure, Nukaqhiuyuq Hivuuranaittigut Piliriyi ukunanngat Havaktut Qayagitjuttikhainnik uvalu Ikayukhiakuttikhianit Katimayiit (WSCC) unalu Derek Allerton uvanngat Qulliq Alruyaqtuqtunik Kuapuriisingat (QEC). Una kinguangani hivunikhaa ilauqataujut ilittuqhimajakhaat aturnaqtumik qaujimajakhait nalunaiqhugit amirinahuarlugillu hivuraanarnirnut havagvingnut! Ilagijangit ilauqatauhimajunut havaqatigijangit akihautinirnut, una Havaktut Qayagitjuttikhainnik uvalu Ikayukhiakuttikhianit Katimayiit katimapkaihimayut Uukturlugu-Havaatigut/Qaujiharniq hulinnguaqhutik igluqpaqarvingmi havakhutik humi tamainnut uuktuutigivlutik hivuuranarnirnut nalunaiqhiijut ujuinningit!
- Ajuinningit Nunatsiaq hulijakhalik Qiqaijaluarvia 3 Yellowknife, NT. Aadjikkutaa uvanngat Ajuinningit Nunavut, akihaqtittiji apirijauniaqtuq upalungaiqhimalugit iniqhimalugillu iluani pingahut ilaliutigijainnit akihautinirnut, kihimi uvani, uvani ajuitpiaqtunut iggavingmi havagvingmi. Vicki Lloyd, Angajuqqaangujuq Qajagitjutinirnut Piliriji, uvvaniluuniit ilagijaujut kamagijaujut qajagidjutitigut ajuininngit, munariniaqtangit akihaqtit akiharnahuaqtunut, qimilrurlugit havaangit taimaaraaluk. Iggavinnuami iliurainahuaqtangit angmaumaniaqtut uvani Ajuinningit Nunatsiaq Havaarijauniq Iikspuu unalu Uukturlugu-Havaatigut/Qaujiharniq hulidjuhiq, Ulapqivingmiinniaqtut. Qaitqujaujutit!
Takhidjavut tamainnut ilauqtauhimajut Nunatsiaq unalu Nunavut!
Una Havaktut Qayagitjuttikhainnik uvalu Ikayukhiakuttikhianit Katimayiit harimahuktut ikajuqhimagamik ilihautikhanut unalu pivallianikhainut inulrammiinut haffumani Havagvingnut Aanniqtailiniqmut Aanniaqtailiniqmullu, tautugumajaffi Kanatami Katimarjuarumik!
|
|
|
NUTAQ: Nanguttailinirnut Naunaitkutak Havagijaujukhak
Havaktut pijunnautiqaqtut inuuttiarnaqtumik hivuurananngittumik avatikhat, nangutauhimaittumik. Havaktittiyut kiugiaqaqhutik maligautinik ajurnanngittumik ablurvigijakhaat nanguttittailivikhangit katilviuhimajuq havaktup havaanganit.
Kinguanit pivikhavut Naunaitkutak Havigaujukhak munariyaat havaktittijut ukunani pivallianikhainut pilimmakhailutiglu nanguttittailiniqnut atuagaq, munarinahuarlugit nanguttinirnut unngirlukhimajut (ilagijangit aulapkainahuarlugit ihivriurnikhainut), hivumuurahuaqhutik nanguttihimajuq iluani havagvingmi.
Una naunaitkutak ilagijangit aadjikkutaanit atuagaq, atuqtakhaq, hulinahuarutikhat nanguttailinahuarnigut, havaktittijuq ihuaqtumik nanguttinahuarniq unnirluutitigut titiraqtakhaq, qimilrurvikhaanut titiqqangit.
Taiguarlugu ublumi.
|
|
Havaktut Qayagitjuttikhainnik uvalu Ikayukhiakuttikhianit Katimayiit havagviita umikhimajuq Victoria Uplukhaa uvani Havagiarvik Qiqaijaluarvia 20 mi. Havakviat amatqigahuaq Aippiut-mi, Qiqaijaluarvia 21-mi 8:30-mi uplaami.
Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.
Naunaiqhitiyaami hivuuranaqtumik havaktunut, aturlugu Uqaqhimalugit Hivuuranaqtumik Havaktunut ikayuutit uvani
WSCC Connect
.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
| |
|
|
|
