ᐋᒡᒌᓯ 2020                                                                  
ᓄᑖᖅ ᐱᓕᕆᔪᓐᓇᐃᓕᔪᓂᑦ ᐊᑭᓕᕐᓱᐃᔾᔪᑎᐅᔪᒪᔪᒧᑦ ᑐᑦᓯᕋᐅᑎ
ᐅᖃᐅᓯᒃᓴᑎᑦ ᑐᓴᖅᑕᐅᔪᒪᔪᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᓂᖅᑐᑦ ᐅᖃᐅᓯᒃᓴᔅᓯᓐᓂᒃ ᑐᒃᓯᕋᖅᑕᐅᔪᒥᒃ ᒪᓕᒐᒃᓴᒥᑦ ᐊᓯᔾᔩᓂᕐᒧᑦ ᑕᒪᑐᒧᖓ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᕐᒥᑦ ᑕᐃᑲᓂ ᓄᓇᑦᓯᐊᕐᒧᑦ ᐊᒻᒪ ᓄᓇᕗᒧᑦ ᐱᔾᔪᑎᓕᖕᓂᒃ ᐱᓕᕆᔪᓐᓇᐃᓕᔪᓂᑦ ᐊᑭᓕᕐᓱᐃᔾᔪᑎᐅᔪᒪᔪᒧᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᖅᑐᖃᓪᓚᕆᓚᐅᖅᑎᓪᓗᒍ ᐅᕝᕙᓘᓐᓃᑦ ᐋᓐᓂᐊᖃᓕᖅᑐᖃᓚᐅᖅᑎᓪᓗᒍ ᐋᖅᑭᒃᑕᐅᔪᓐᓇᙱᑦᑐᒥᒃ. ᑕᒪᒃᑯᐊ ᐊᓯᔾᔨᐅᑏᑦ ᑐᒃᓯᕋᖅᑕᐅᔪᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕘᒥᑦ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᓂᕐᒧᑦ ᐱᓕᕆᔾᔪᓰ ᒪᓕᓕᕐᓗᑎᒃ ᐊᓯᖏᓐᓂᑦ ᐱᓕᕆᔾᔪᓯᕐᓂᒃ ᐊᑐᖅᑕᐅᔪᐃᓐᓇᐅᕙᒃᑐᒥᒃ ᑲᓇᑕᒥᑦ, ᑲᔪᓰᓐᓇᕐᓗᑎᒡᓗ ᐱᔭᐅᓯᒪᔪᒪᕙᒃᑐᓂᒃ ᐱᑎᑦᑎᔪᓐᓇᕐᓗᑎᒃ ᓄᓇᕘᒥᑦ ᐊᒻᒪᓗ ᓄᓇᑦᑎᐊᒥᑦ ᐃᖅᑲᓇᐃᔭᖅᑎᓂᒃ ᐊᒻᒪᓗ ᐃᓚᔮᖏᓐᓄᑦ.

ᐃᓗᓕᓪᓗᐊᑕᖏᑦ ᑐᒃᓯᕋᖅᑕᐅᔪᒥᑦ ᓄᑖᕐᒥᑦ ᐱᓕᕆᔾᔪᓯᕐᓯᑦ:
  1. ᑮᓇᐅᔭᐅᖏᑦᑐᓂᑦ ᐊᓯᐊᔨᓯᒪᓂᕐᒧᑦ ᐊᑭᓕᕐᓱᐃᔾᔪᓯ (NELP):
     ᐊᑕᐅᓯᐊᕐᓗᑎᒃ ᐊᑭᓕᖅᑕᐅᕐᔪᐊᖅᐸᒡᓗᑎᒃ ᑕᒪᒃᑯᓄᖓ ᐋᓐᓂᐊᖅᑐᓕᕆᓂᕐᒧᑦ ᐊᔪᕈᑎᖃᐃᓐᓇᓕᓂᕐᒧᑦ (PMI), ᖃᐅᔨᓴᖅᑕᐅᒃᑲᓐᓂᕈᓐᓇᕐᓗᓂ ᐊᔪᕈᑎᖓ ᐱᒋᐊᓪᓚᒃᐸᑦ. 
  2. ᐊᕐᕌᒍᒐᓴᓄᑦ ᑮᓇᐅᔭᓕᐊᑦᓴᒥᓂᕐᓂᒃ ᐊᓯᐅᔨᓯᒪᓂᕐᒧᑦ ᐃᑲᔫᓯᐊᑦᓴᑦ (ELB): ᐊᑯᓂᐅᔪᒃᑯᑦ ᑮᓇᐅᔾᔭᒃᓵᕆᓚᐅᖅᑕᖏᑦ ᓇᐃᓴᖅᑕᐅᓗᑎᒃ ᒪᓕᒃᑕᐅᓗᓂ ᐊᔾᔨᒌᙱᓐᓂᖏᑦ ᑮᓇᐅᔾᔭᒃᓵᕆᓚᐅᖅᑕᖓᑕ ᐋᓐᓂᖅᑳᖅᑎᓐᓇᒍ ᐊᒻᒪᓗ ᐋᓐᓂᐊᓂᒃᓯᒪᓕᖅᑎᓪᓗᒍ. ᐊᕐᕌᒍᒐᓴᓄᑦ ᑮᓇᐅᔭᓕᐊᑦᓴᒥᓂᕐᓂᒃ ᐊᓯᐅᔨᓯᒪᓂᕐᒧᑦ ᐃᑲᔫᓯᐊᑦᓴᑦ (ELB) ᑲᔪᓰᓐᓇᕋᔭᖅᑐᖅ ᑭᓯᐊᓂ ᑐᒃᓯᕋᖅᑑᑦ ᑮᓇᐅᔾᔭᒃᓵᖏᑦ ᐊᔾᔨᒋᒍᓂᒋᑦ ᐅᕝᕙᓘᓐᓃᑦ ᐊᖏᓂᖅᓴᐅᒃᐸᑕ ᐋᓐᓂᓚᐅᖅᑳᖅᑎᓐᓇᒍ, ᐅᕝᕙᓘᓐᓃᑦ ᑐᒃᓯᕋᖅᑐᖅ ᐊᔪᙱᑎᑕᐅᒍᓂ ᓂᖏᐅᖅᓯᐅᑎᓄᑦ ᐃᑦᑐᖅᓯᐅᑎᓄᑦ (OAS) ᐃᖃᔫᓯᐊᓄᑦ (ᒫᓐᓇ 65 ᐅᑭᐊᖃᕆᐊᓕᒃ). ᐃᖅᑲᓇᐃᔭᖅᑏᑦ ᐊᔪᙱᑎᑕᐅᓇᔭᕐᒥᔪᑦ ᐃᖅᑲᓇᐃᔮᒥᒃ ᐃᓐᓇᐅᕐᒧᑦ ᓄᖅᑲᕐᓂᕐᒧᑦ ᐃᑲᔫᓯᓂᒃ ᐃᑲᔪᖅᑕᐅᖁᓪᓗᒍ ᐊᓯᐅᔨᔭᖏᓐᓂᒃ ᐃᖅᑲᓇᐃᔮᒥᒃ ᐃᓐᓇᐅᕐᒧᑦ ᓄᖅᑲᕐᓂᕐᒧᑦ ᑮᓇᐅᔭᓂᒃ ᐊᕐᕌᒍᒐᓴᓄᑦ ᑮᓇᐅᔭᓕᐊᑦᓴᒥᓂᕐᓂᒃ ᐊᓯᐅᔨᓯᒪᓂᕐᒧᑦ ᐃᑲᔫᓯᐊᑦᓴᑦ (ELB) ᐃᓱᓕᓚᐅᖅᑳᖅᑎᓐᓇᒍ.
  3. ᓇᓗᓇᐃᔭᐃᔩᑦ ᓇᓚᐅᑦᑖᖅᑕᐅᕙᑦᑐᑦ ᐊᑭᓕᕐᓱᖅᑕᐅᔾᔪᓯᐅᒐᔭᖅᑐᓂᑦ:
    ᐊᑕᖏᕐᓗᒋᑦ ᐊᔪᙱᑕᖏᑦ ᐋᖅᑭᒃᑕᐅᓇᓱᐊᕐᓂᕐᒧᑦ ᐊᒻᒪᓗ ᐃᖅᑲᓇᐃᔭᓕᒃᑲᓐᓂᕋᔭᕐᓂᕐᒧᑦ ᐊᑐᕈᓐᓇᖅᑕᖏᑦ ᕿᒥᕐᕈᔭᐅᔪᐃᓐᓇᐅᕌᓂᒃᐸᑕ, ᐃᖅᑲᓇᐃᔭᖅᑎ ᐃᖅᑲᓇᐃᔭᓕᕈᓐᓇᙱᒃᑯᓂ ᐅᕝᕙᓘᓐᓃᑦ ᐅᑎᕈᓐᓇᙱᒃᑯᓂ ᑮᓇᐅᔾᔭᒃᓵᕆᕙᓚᐅᑕᖏᓐᓄᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒥᒃᓴᐅᓴᐃᔪᓐᓇᕋᔭᖅᑐᑦ ᓄᓇᐃᑦ ᐊᕕᒃᑐᖅᓯᒪᔪᑦ ᐅᕝᕙᓘᓐᓃᑦ ᐃᖅᑲᓇᐃᔮᕐᓄᑦ ᖃᓄᐃᓕᖓᓂᖏᓐᓄᑦ ᑮᓇᐅᔾᔭᒃᓴᐅᑕᐅᕙᒃᑐᑦ ᓇᓗᓇᐃᒃᑯᑕᖏᓐᓂᑦ. 
  4. ᒪᒃᑯᒃᑐᑦ, ᓄᑖᑦ ᐊᒻᒪᓗ ᐃᖅᑲᓇᐃᔭᓕᒃᑲᓐᓂᖅᑐᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓕᓴᖅᓯᔪᒪᔪᑦ ᐊᔾᔨᐅᙱᑦᑑᓂᖏᓐᓂᒃ ᖃᓄᐃᓐᓂᐅᕙᒃᑐᑦ ᐃᓄᖕᓄᑦ ᐃᖅᑲᓇᐃᔭᕋᓱᐊᓕᖅᑐᓄᑦ ᐊᒻᒪᓗ ᐃᖅᑲᓇᐃᔭᓕᒃᑲᓐᓂᕋᓱᐊᖅᑐᓄᑦ. ᑐᒃᓯᕋᖅᑕᐅᔪᑦ ᐊᓯᔾᔨᐅᒡᑎᑦ ᐃᒪᐃᑎᑦᑎᔪᓐᓇᕋᔭᖅᑐᑦ ᓯᕗᓂᒃᓴᒥᑦ ᑮᓇᐃᔾᔭᒃᓵᕆᓇᔭᖅᑕᖏᑦ ᐃᖅᑲᓇᐃᔭᖅᑎᐅᑉ, ᐊᒻᒪᓗ ᑮᓇᐅᒃᔭᒃᓵᑐᐊᖏᐅᙱᑦᑐᖅ ᐋᓐᓂᖅᑎᓪᓗᒍ. ᓲᕐᓗ ᐃᓕᓐᓂᐊᖅᑎ ᐋᓐᓂᕐᓂᕐᒧᑦ ᐊᔪᕈᑎᖃᐃᓐᓇᓕᕈᓂ ᐃᖅᑲᓇᐃᔭᖅᑎᓪᓗᒍ ᐊᐅᔭᒃᑯᑦ ᐃᖅᑲᓇᐃᔭᓚᐅᑲᒃᑎᓪᓗᒍ ᐃᓱᒪᒋᔭᐅᓂᐊᖅᑐᑦ ᓯᕗᓂᒃᓴᒥᒃ ᑮᓇᐅᔾᔭᒃᓴᕆᓇᔭᖅᑕᖏᑦ ᐊᑭᓕᖅᓲᑕᐅᓂᐊᖅᑐᓄᑦ ᓇᓪᓕᐅᒃᑯᒫᖏᓐᓄᑦ.
  5. ᐸᖅᑭᐊᓄᑦ ᐃᑲᔫᓯᐊᑦᓴᐃᑦ: ᐃᒪᐃᒃᑲᓗᐊᖅᑎᓪᓗᒍ ᑐᑭᖏᑦ ᐊᐃᑉᐸᖃᕐᓂᕐᒧᑦ ᐊᒻᒪᓗ ᕿᑐᕐᖓᖃᕐᓂᕐᒧᑦ ᐊᓯᔾᔨᔾᔮᙱᒃᑐᑦ, ᑐᒃᓯᕋᖅᑕᐅᔫᑉ ᐊᓯᔾᔨᕐᓂᐊᕐᓂᖏᑦ ᐊᒃᑐᐊᔪᑦ ᑐᓂᔭᐅᖃᑦᑕᕐᓂᖏᓐᓂᒃ ᐃᑲᔫᓯᐊᑦ, ᐊᒻᒪᓗ ᑐᓂᔭᐅᖃᑦᑕᕐᓂᖏᑦ ᐊᕐᕌᒍᒐᓴᓄᑦ ᑮᓇᐅᔭᓕᐊᑦᓴᒥᓂᕐᓂᒃ ᐊᓯᐅᔨᓯᒪᓂᕐᒧᑦ ᐃᑲᔫᓯᐊᑦᓴᑦ (ELB) ᐊᒻᒪᓗ ᑮᓇᐅᔭᐅᖏᑦᑐᓂᑦ ᐊᓯᐊᔨᓯᒪᓂᕐᒧᑦ ᐊᑭᓕᕐᓱᐃᔾᔪᓯ (NELP) ᐊᑭᓕᐅᑏᑦ ᕿᑐᕐᖓᖏᓐᓄᑦ ᐃᖅᑲᓇᐃᔭᖅᑎᐅᑉ.
ᐃᓚᐅᓇᓱᒋᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᐃᖁᔨᔪᑦ ᐱᔪᒥᒍᓱᒃᑐᓂᒃ ᐃᓄᖕᓂᒃ ᐊᒻᒪᓗ ᑎᒥᐅᔪᓂᒃ ᐅᖃᓕᒫᖁᓪᓗᒋᑦ ᐊᑕᐅᓯᕐᒥᒃ ᐅᕝᕙᓘᓐᓃᑦ ᐊᑕᕐᒥᒃ ᑕᐃᑲᓃᑦᑐᑦ ᓄᑖᖅ ᐊᑭᓕᖅᓲᑕᐅᓂᐊᖅᑐᓄᑦ ᐱᓕᕆᐅᓯᕐᓄᑦ ᑐᒃᓯᕋᐅᑎᒧᑦ ᐅᖃᒪᔭᐅᑕᐅᕙᒃᑐᑦ ᑎᑎᖅᑲᑦ ᐊᒻᒪᓗ ᑖᒃᑯᐊ ᐅᖃᒪᔭᐅᑕᐅᕙᒃᑐᑦ ᑎᑎᖅᑲᑦ ᓇᐃᓈᖅᓯᒪᒧᑦ ᑕᐃᒪ ᕿᒥᕐᕈᐊᓂᒃᑯᕕᒋᑦ ᑐᓴᐅᒪᔾᔪᑏᑦ ᑐᒃᓯᕋᖅᑕᑦᑎᓐᓄᑦ ᐊᓯᔾᔨᐅᑕᐅᔪᒪᔪᑦ, ᑐᓴᕈᒪᔪᒍᑦ ᖃᓄᖅ ᐃᓱᒪᒋᖕᒪᖔᖅᐱᖏᑦ. ᒪᕐᕈᐃᓕᖓᔪᒃ ᐃᓚᐅᕝᕕᒋᔪᓐᓇᖅᑕᑎᑦ:
  1. ᑕᑕᑎᕆᓗᑎᑦ ᖃᕆᑕᐅᔭᒃᑯᑦ ᐊᐱᖅᓲᑕᐅᔪᓂᒃ ᓂᕈᐊᕈᓐᓇᖅᑕᕐᓂᒃ ᐊᒻᒪᓗ ᐊᔾᔨᒌᙱᒃᑐᓂᒃ ᑭᐅᔪᓐᓇᐅᑎᓂᒃ ᐊᐱᖅᑯᑎᓄᑦ. ᑕᑕᑎᕆᐊᓕᒃ ᐊᐱᖅᓲᑎ ᐊᑐᐃᓐᓇᐅᔪᖅ ᖃᓪᓗᓈᑐᑦ, ᐅᐃᕖᑐᑦ, ᐊᒻᒪᓗ ᐃᓄᒃᑐᑦ ᐊᒻᒪ ᐊᑯᓂᐅᓂᕆᓇᔭᖅᑕᖓ 15 ᑎᑦᑕᓪᓚᒐᓚᐅᔪᒃᓴᐅᔪᑦ ᐱᐊᓂᒐᓱᒡᓗᒍ. ᑐᖅᑯᕈᓐᓇᖅᑕᐃᑦ ᑲᔪᓯᕙᓪᓕᐊᓃᑦ, ᐊᒻᒪᓗ ᐅᑎᕐᕕᒋᔪᓐᓇᕐᓗᒍ ᐅᐊᑦᑎᐊᕈᒃᑲᓐᓂᖅ ᐊᓯᐅᔨᙱᓪᓗᒍ ᑲᔪᓯᕙᓪᓕᐊᓃᑦ.
  2. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᑎᒪᑎᑦᑎᓛᖅᑐᑦ ᑭᒃᑯᓕᒫᕐᓗᑎᒃ ᖃᕆᑕᐅᔭᒃᑯᑦ ᓯᑎᐱᕆᒥᑦ. ᑕᒪᒃᑯᐊ ᑲᑎᒪᓃᑦ ᐱᕕᖃᖅᑎᑦᑎᓂᐊᖅᑐᑦ ᐃᓕᖕᓂᒃ ᐅᕙᑦᑎᓐᓄᓪᓚᑦᑖᖅ ᐅᖃᖃᑎᖃᕐᓗᑎᑦ ᑕᒪᒃᑯᐊ ᑐᒃᓯᕋᖅᑕᐅᔪᑦ ᒥᒃᓵᓄᑦ. ᐃᓄᒫᖅᑎᑦᑎᓂᕐᒧᑦ ᑲᑎᒪᓃᑦ ᐅᓪᓗᖏᑦ ᐅᑯᐊᖑᔪᑦ: 
    • ᑲᑎᒪᓂᖓ #1 - ᐊᐃᑉᐹ ᓯᑎᐱᕆ 15: ᓄᓇᕘᒥᑦ ᐃᖅᑲᓇᐃᔭᕐᕖᑦ
    • ᑲᑎᒪᓂᖓ #2 - ᐱᖓᔪᐊᑦ ᓯᑎᐱᕆ 16: ᓄᓇᑦᓯᐊᕐᒥᑦ ᐃᖅᑲᓇᐃᔭᕐᕖᑦ
    • ᑲᑎᒪᓂᖓ #3 - ᕿᑎᖅᑰᑦ ᓯᑎᐱᕆ 17: ᓄᓇᑦᓯᐊᕐᒥᑦ ᓄᓇᓖᑦ ᒐᕙᒪᖏᑦᑕ ᓯᕗᓕᖅᑎᖏᑦ
    • ᑲᑎᒪᓂᖓ #4 - ᐅᓪᓗᑐᐃᓐᓇᖅ ᓯᑎᐱᕆ 18: ᓄᓇᕘᒥᑦ ᓄᓇᓖᑦ ᒐᕙᒪᖏᑦᑕ ᓯᕗᓕᖅᑎᖏᑦ
    • ᑲᑎᒪᓂᖓ #5 - ᓇᒡᒐᔾᔭ ᓯᑎᐱᕆ 21: ᓄᓇᕘᒥᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᑦ ᐃᓚᒋᔭᐅᔪᑦ
    • ᑲᑎᒪᓂᖓ #6 - ᓇᒡᒐᔾᔭ ᓯᑎᐱᕆ 21: ᓄᓇᑦᓯᐊᕐᒥᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᑦ ᐃᓚᒋᔭᐅᔪᑦ
    • ᑲᑎᒪᓂᖓ #7 - ᐊᐃᑉᐹ ᓯᑎᐱᕆ 22: ᓄᓇᕘᒥᑦ ᐃᖅᑲᓇᐃᔭᖅᑏᑦ ᐊᒻᒪ ᐃᓄᑐᐃᓐᓇᐃ; ᓄᓇᑦᓯᐊᕐᒥᑦ ᐃᖅᑲᓇᐃᔭᖅᑏᑦ ᐊᒻᒪ ᐃᓄᑐᐃᓐᓇᐃ
ᑐᓴᕋᓱᐊᕐᓃᑦ ᐊᑐᐃᓐᓇᐅᔪᑦ ᐊᑕᖏᕐᓗᒋᑦ ᐃᓄᓕᒫᓂᑦ ᐃᓚᐅᔪᓂᑦ, ᐊᒻᒪᓗ ᑲᔪᓰᓐᓇᕐᓂᐊᖅᑐᖅ ᑕᖅᑭᓕᒫᖅ ᓯᑎᐱᕆᒥᑦ. ᑐᓴᕋᓱᐊᕐᓂᖃᓚᐅᖅᑎᓪᓗᒋᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᓂᕐᒧᑦ ᑲᑎᒪᔨᖏᑦ ᐃᓱᒪᒋᔭᖃᑦᑎᐊᕐᓂᐊᖅᑐᑦ ᐅᖃᐅᓯᐅᔪᓂᑦ ᐃᓱᒪᓕᐅᖅᑳᖅᑎᓐᓇᒋᑦ ᐃᒪᐃᙱᒃᑲᓗᐊᖅᒪᖔᑦ ᐅᕝᕙᓘᓐᓃᑦ ᐃᒪᐃᒃᑲᓗᐊᕐᒪᖔᑦ ᐃᒪᐃᖁᔭᐅᔪᓄᑦ ᒪᓕᒐᒃᓴᓄᑦ ᐋᖅᑭᒋᐊᖅᑕᐅᔪᓂᒃ.

ᐃᓕᑦᑎᒃᑲᓐᓂᕈᒪᒍᕕᑦ, ᐅᕝᕙᓘᓐᓃᑦ ᐃᓚᐅᔪᒪᒍᕕᑦ ᑕᑕᑎᕆᐊᓕᖕᓂᒃ ᐊᐱᖅᓱᑎᑦᑎᓐᓂᑦ, ᑕᑯᔭᖅᑐᕐᓗᒍ ᖃᕆᑕᐅᔭᒃᑯᑦ ᐃᑭᐊᖅᑭᕕᒃ ᐅᓪᓗᒥ.
 ᐅᖃᖃᑎᒋᑦᑎᐊᒻᒪᕆᒍᓐᓇᖅᑕᑦᑎᒍᑦᑕᐅᖅ PensionFeedback@wscc.nu.ca ᓄᓇᕘᒥᑦ, ᐊᒻᒪᓗ PensionFeedback@wscc.nt.ca ᓄᓇᑦᓯᐊᕐᒥ. ᐅᖄᓚᕝᕕᒋᔪᓐᓇᕐᒥᔭᑦᑎᒍᑦ ᐅᕗᖓ 1 (800) 661 0792.
ᑐᒃᓯᕋᐅᑎ ᐱᓕᕆᔪᒪᓇᔭᕐᑐᓂᒃ ᖃᐅᔨᒐᓱᖕᓂᕐᒥᒃ
ᑭᒡᒐᖅᑐᐃᔨ - ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᐅᓚᑦᑎᓂᕐᒧᑦ ᑲᑎᒪᔩᑦ
 (ᐃᖅᑲᓇᐃᔭᓚᐅᑲᖕᓂᕐᒧᑦ ᐃᓂᐅᔪᖅ)

ᒥᓂᔅᑕᐅᔪᑦ ᑲᒪᒋᔭᖃᖅᑐᑦ ᐅᑯᓂᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ ᓄᓇᑦᓯᐊᕐᒧᑦ ᐊᒻᒪ ᓄᓇᕗᒧᑦ, ᐅᑯᐊ ᓂᕐᓱᓇᕐᑐᖅ ᓯᐄᓐ ᑖᒻᓴᓐ ᐊᒻᒪ ᓂᕐᓱᓇᕐᑐᖅ ᔪᐊᔾ ᕼᐃᒃᔅ, ᐱᔪᒪᖕᒪᑕ ᐱᔪᓐᓇᐅᑎᓕᖕᓂᒃ ᓂᕈᐊᒐᒃᓴᐅᓇᔭᖅᑐᓂᒃ ᐊᐅᓚᑦᑎᓂᕐᒧᑦ ᑲᑎᒪᔩᑦ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᒃ , ᐃᖅᑲᓇᐃᔭᖅᑎᑦᑎᔨᓂᒃ, ᓴᓇᔨᓂᒃ ᐊᒻᒪᓗ ᑭᒃᑯᓕᒫᓅᒐᔪᓂᒃ ᑭᒡᒐᖅᑐᐃᔨᓂᒃ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᓄᐃᖏᑦᑎᐊᕐᓂᓕᕆᓂᕐᒥᒃ ᐊᒻᒪᓗ ᐊᑦᑕᕐᓇᕐᑕᐃᓕᒪᓂᕐᒥᒃ ᐱᓕᕆᐊᒃᓴᖃᑐᖅ ᓇᓪᓕᐅᑯᒫᖃᕐᑎᑦᑎᓪᓗᓂᓗ ᐱᔮᕆᖏᑦᑐᓄᑦ ᐃᖅᑲᓇᐃᔭᕐᕕᐅᔪᓂᒃ ᐊᒻᒪᓗ ᐸᕿᔭᐅᓂᖏᓐᓂᒃ ᐊᓐᓂᕐᓯᒪᔪᑦ ᐃᖅᑲᓇᐃᔭᕐᑏᑦ ᓄᓇᑦᓯᐊᕐᒥ ᓄᓇᕘᒥᓗ. ᐊᐅᓚᑦᑎᓂᕐᒧᑦ ᑲᑎᒪᔩᑦ ᐱᔨᑦᑎᕋᕐᓂᐊᖅᑐᑦ ᑲᒪᔨᐅᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ; ᖃᐅᔨᒪᖃᑎᒌᒡᓗᑎᒃ ᑕᐅᑐᖅᑰᖅᑕᖏᓐᓂᒃ ᐊᒻᒪᓗ ᐱᓕᕆᐊᒃᓴᖃᕐᓗᑎᒃ ᐱᑕᖃᕈᓐᓃᖅᑎᑦᑎᓂᕐᒥᒃ ᐃᖅᑲᓇᐃᔭᕐᕕᖕᓂᑦ ᐋᓐᓂᐊᕐᓂᐅᕙᒃᑐᓂᒃ ᐊᒻᒪᓗ ᐋᓐᓂᕐᓂᐅᕙᒃᑐᓂᒃ ᑲᒪᒋᔭᖃᕐᒥᓗᑎᒃ ᓇᖕᒥᓂᖃᖅᑏᑦ ᐊᐅᓚᑦᑎᓂᖏᓐᓂᒃ, ᓱᓕᔪᕆᔭᐅᔭᕆᐊᖃᕐᓂᖏᓐᓂᒃ ᐊᒻᒪ ᐊᑯᓂᐅᔪᒃᑯᑦ ᑲᔪᓯᑦᑎᐊᖏᓐᓇᕐᓂᖏᑦ ᐃᖅᑲᓇᐃᔭᖅᑏᑦ ᓴᐳᔾᔭᐅᓯᒪᓂᖏᓐᓄᑦ ᑮᓇᔭᖁᑕᐅᔪᓂᒃ.

ᐊᐅᓚᑦᑎᓂᕐᒧᑦ ᑲᑎᒪᔩᑦ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᑯᐊᖑᔪᑦ ᐃᒃᓯᕙᐅᑕᐅᖃᑦᑕᖅᑐᒥ ᐃᓛᓐᓂᒃᑯᑦ, ᒪᕐᕉᖕᓂᒃ ᐃᓛᓐᓂᒃᑯᑦ ᐃᒃᓯᕙᐅᑕᕆᔭᐅᕙᒃᑐᓂᒃ ᐊᒻᒪᓗ ᑎᓴᒪᑲᓐᓂᕐᓂᒃ ᑲᑎᒪᔨᐅᖃᑕᐅᕙᒃᑐᓂᒃ ᐃᓛᓐᓂᒃᑯᑦ. ᑲᑎᒪᔨᓄᑦ ᐃᒃᓯᕙᐅᑕᐅᔪᑦ ᐊᒻᒪᓗ ᐊᑭᐊᒃᑯᐃᑦ ᑲᑎᒪᔨᐅᖃᑦᑕᖅᑐᑦ ᑕᒪᐃᓐᓂᒃ ᐊᔾᔨᒌᒥᒃ ᑭᒡᒐᖅᑐᐃᕙᒃᐳᑦ ᐃᖅᑲᓇᐃᔭᖅᑎᑦᑎᔨᓂᒃ, ᐃᖅᑲᓇᐃᔭᖅᑎᓂᒃ ᐊᒻᒪᓗ ᑭᒃᑯᓕᒫᓅᖓᔪᓂᒃ. ᐊᖏᔪᖅᑳᖅ ᐊᒻᒪᓗ ᐊᐅᓚᑦᑎᔨᒻᒪᕆᒃ ᐃᒃᓯᕚᖃᑕᐅᓲᑦ ᑖᒃᑯᓇᓂ ᐊᐅᓚᑦᑎᓂᕐᒧᑦ ᑲᑎᒪᔨᓂᑦ ᐃᓚᒋᔭᐅᓪᓗᑎᒃ ᓂᕈᐊᕈᓐᓇᙱᑦᑑᓪᓗᑎᒃ.

ᐱᔪᒥᒋᔭᐅᔪᑦ ᐆᒃᑐᕈᒪᔪᑦ ᖃᐅᔨᒪᓂᖃᓪᓚᕆᒋᐊᓕᒃ ᑎᒥᐅᔪᑦ ᐊᐅᓚᑦᑎᔾᔪᓯᖏᓐᓂᒃ, ᑮᓇᐅᔭᓕᕆᓂᕐᒧᑦ ᐃᕐᓂᐅᖅᑎᑦᑎᓂᕐᒧᑦ ᐊᐅᓚᑦᑎᔾᔪᑎᓂᒃ, ᐊᒻᒪᓗ ᐅᔾᔨᕈᓱᒡᓗᓂ ᑐᑭᓯᐅᒪᓗᓂᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓄᑦ ᐊᐅᓚᓂᐅᕙᒃᑐᓂᒃ. ᐊᐅᓚᔾᔭᐃᔪᓐᓇᕐᓗᓂ ᒪᓕᒐᑎᒍᑦ, ᐃᖅᑲᓇᐃᔭᖅᑎᖁᑎᓕᒃ ᑭᒡᒐᖅᑐᐃᔨ ᐃᓚᒋᔭᐅᓗᓂ ᐊᔾᔨᒋᖏᑦᑐᓄᑦ ᐃᓕᒋᓄᑦ ᓂᕈᐊᕐᑕᐅᓯᒪᔪᑦ ᑭᒐᕐᑐᐃᓪᓗᑎᒃ ᑎᒍᒥᐊᕐᑎᐅᔪᓂᑦ ᑭᒐᕐᑐᕐᑕᑦᑎᓐᓂᒃ ᐃᑲᔪᕐᑐᐃᓪᓗᓂᓗ ᐋᕿᒃᓱᕐᑕᐅᔭᕆᐊᓕᒃᓂᒃ.

ᐊᐅᓚᑦᑎᓂᕐᒧᑦ ᑲᑎᒪᔨᐅᑎᓪᓗᑎᑦ, ᐃᒪᐃᑦᑕᕆᐊᖃᖅᑐᑎᑦ ᓇᔪᕐᓗᒋᑦ ᑲᑎᒪᖃᑕᐅᖃᑦᑕᕐᓗᑎᑦ ᑕᖅᑮᑦ ᐱᖓᓱᑦ ᐱᐊᓂᒃᑳᖓᑕ ᐱᐅᓯᐅᕙᒃᑐᒥᒃ ᐊᒻᒪᓗᑦᑕᐅᖅ ᑲᑎᒫᕈᓯᕐᓂᐅᑐᐃᓐᓇᕆᐊᓖᑦ ᐊᕐᕌᒍ ᐊᑕᐅᓯᐊᕐᓗᒍ ᐅᕝᕙᓘᓐᓃᑦ ᒪᕐᕈᐊᖅᑎᕐᓗᒍ.  ᑕᖅᑮᑦ ᐱᖓᓱᑦ ᐱᐊᓂᒃᑳᖓᑕ ᐱᐅᓯᐅᕙᒃᑐᒥᒃ ᓇᔫᑎᓗᑎᑦ ᓂᑭᑦᑖᓲᖅ ᔭᓗᓇᐃᕝ, ᓄᓇᑦᑎᐊᕐᒥᑦ ᐊᒻᒪᓗ ᐃᖃᓗᐃᑦ, ᓄᓇᕘᒥᑦ.  ᐊᑏ ᐃᓚᐅᑎᒃᑭᑦ ᐅᑯᐊ ᐆᒃᑑᒪᔭᒍᑎᖕᓂᑦ: ᑎᑎᖅᑲᖅ (ᐊᑕᐅᓯᖅ ᐸᐃᑉᐹᖅ) ᓇᓗᓇᐃᔭᐃᓗᓂ ᐱᔪᒥᒍᓱᖕᓂᕐᓂᑦ, ᐃᖅᑲᓇᐃᔮᕆᖃᑦᑕᓚᐅᖅᑕᕕᑦ ᐅᓂᒃᑳᖏᑦ ᐊᒻᒪᓗ ᐊᑎᕐᓂᒃ ᒪᕐᕉᖕᓂᒃ ᐃᓕᖕᓂᒃ ᖃᐅᔨᒪᔫᖕᓂᒃ.

ᐊᔪᙱᓐᓂᖃᖅᑐᑦ ᐱᓇᓱᒍᑎᖏᓐᓂᒃ ᓇᒡᓯᐅᔾᔨᔪᓐᓇᖅᑐᑦ ᐅᓇ ᐊᓂᒍᓚᐅᖅᑎᓐᓇᒍ ᓯᑎᐱᕆ 30, 2020 ᐅᕗᖓ:

The Honourable Shane Thompson
Northwest Territories Minister Responsible
Workers' Safety & Compensation Commission
Legislative Assembly of the Northwest Territories
PO Box 1320
Yellowknife, NT X1A Kim_Hjelmeland@gov.nt.ca
or
The Honourable George Hickes
Nunavut Minister Responsible
Workers' Safety & Compensation Commission
Legislative Assembly of Nunavut Territories
PO Box 2410
Iqaluit, NU X0A 0H0

ᐅᐱᓐᓇᖅᑐᖅ ᓴᐃᓐ ᑖᒻᓴᓐ
ᓄᓇᑦᓯᐊᕐᒧᑦ ᒥᓂᔅᑕ ᑲᒪᒋᔭᖃᕐᑐᖅ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᒪᓕᒐᓕᐅᕐᕕᐊ ᓄᓇᑦᓯᐊᖅ
ᑎᑎᖅᑲᕐᓂᐊᕐᕕᒃ ᓈᓴᐅᑖ 1320
ᔭᓗᓇᐃᕝ, NT  X1A Kim_Hjelmeland@gov.nt.ca
ᐅᕝᕙᓘᓐᓃᑦ
ᐅᐱᓐᓇᕐᒃᑐᕐᒃ ᔪᐊᔾ ᕼᐃᒃᔅ
ᓄᓇᕗᒻᒥ ᒥᓂᔅᑕ ᑲᒪᒋᔭᖃᕐᑐᖅ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᒪᓕᒐᓕᐅᕐᕕᐊ ᓄᓇᕗᒻᒥᑦ
ᑎᑎᖅᑲᕐᓂᐊᕐᕕᒃ ᓈᓴᐅᑖ 2410
ᐃᖃᓗᐃᑦ, ᓄᓇᕗᑦ  X0A 0H0
ghickes@gov.nu.ca



ᓄᕙᒡᔪᐊᕐᓇᖅ-19 (COVID-19) ᓱᓇᒃᑯᑖᓄᑦ ᓄᓇᖑᐊᖅ
ᐱᓕᕆᔾᔪᑏᑦ, ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᓴᐅᒪᔾᔪᑏᑦ ᐃᖅᑲᓇᐃᔭᕐᕕᖕᓄᑦ


ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑮᓯᒪᔪᑦ ᓱᓇᒃᑯᑖᓂᒃ ᐋᖅᑭᒃᓱᖅᓯᒪᔪᓂᒃ ᐃᑲᔪᖅᑕᐅᔪᓐᓇᖁᓪᓗᑎᑦ ᐊᔪᕐᓇᙱᑦᑐᒃᑯᑦ ᐱᓕᕆᔾᔪᑎᓂᒃ ᐱᕙᓪᓕᐊᑎᓯᒪᔭᑦᑎᓐᓂᒃ ᐃᑲᔪᖅᓱᖅᑕᐅᖁᓪᓗᑎᑦ ᐃᖅᑲᓇᐃᔭᕐᓗᑎᑦ ᐊᑦᑕᕐᓇᙱᒃᑯᑦ ᓄᕙᒡᔪᐊᕐᓇᖅ-19 ᐊᑐᖅᑎᓪᓗᑎᒍᑦ.  

ᐱᑕᖃᖅᐸᑦ ᐱᓕᕆᔾᔪᑎᓂᒃ ᐱᔪᒥᒋᔭᕐᓂᒃ, ᓇᓂᔪᓐᓇᖅᑕᐃᑦ ᓄᕙᒡᔪᐊᕐᓇᖅ-19 ᓱᓇᒃᑯᑖᖃᕐᕕᒋᔭᑦᑎᓐᓂᑦ ᖃᕆᑕᐅᔭᒃᑯᑦ..

ᑭᓱᓂᒃ ᓇᓂᓯᔪᓐᓇᕐᒪᖔᖅᐱᑦ:
  • ᐊᑐᓪᓗᐊᑕᖅᑐᑦ - ᐊᑕᖏᖅᖢᒋᑦ ᑐᖑᔪᖅᑐᑦ ᐊᑐᓪᓗᐊᑕᖅᑐᑦ ᐃᖅᑲᓇᐃᔭᕐᕕᖕᓂᑦ. ᐅᑯᐊᖑᔪᑦ ᐃᖅᑲᓇᐃᔭᕐᕕᖕᒥᑦ ᖁᐊᖅᓵᕐᓇᕈᓐᓇᖅᑐᓄᑦ ᖃᐅᔨᓴᕈᑏᑦ ᐊᒻᒪᓗ ᐃᖅᑲᓇᐃᔭᖅᑎᒧᑦ ᖁᐊᖅᓵᕐᓇᑐᐃᓐᓇᕆᐊᓕᖕᓄᑦ ᖃᐅᔨᓴᕈᑎ, ᑕᒪᕐᒥᒃ ᐱᒻᒪᕆᐅᔪᑦ ᐃᓚᒋᔭᐅᓪᓗᑎᒃ ᐃᖅᑲᓇᐃᔭᕐᕕᖕᓂᑦ ᓴᖅᑭᔮᕐᕕᐅᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᐅᑎ.
  • ᐊᑑᑎᓖᑦ ᐃᑲᔪᖅᓲᑏᑦ -  ᑭᓱᑐᐃᓐᓇᐃᑦ ᐆᔭᐅᔭᕐᒦᑦᑐᑦ ᐱᓕᕆᔪᓐᐅᑏᑦ ᐃᑲᔪᕈᓐᓇᖅᑐᑦ ᐃᓕᖕᓂᒃ ᐱᐊᓂᒃᓯᖁᓪᓗᑎᑦ ᐊᑐᓪᓗᐊᑕᖅᑐᓄᑦ ᐱᓕᕆᔪᓐᓇᐅᑎᓄᑦ. ᐃᓗᓕᖃᖅᑐᑦ ᑐᓴᐅᒪᔾᔪᑎᒃᑲᓐᓂᕐᓂᒃ, ᐃᓱᒪᒋᔭᐅᔪᓂᒃ ᖁᐊᖅᓵᕐᓇᖅᑐᓄᑦ ᐊᐅᓚᑦᑎᔾᔪᑎᓂᒃ, ᐊᒻᒪᓗ ᐃᒪᓐᓈᖅᑐᕈᑕᐅᔪᓐᓇᖅᑐᓂᒃ ᑕᑕᑎᕆᐊᓕᖕᓂᒃ ᐊᑐᕈᓐᓇᖅᑕᕐᓂᒃ ᐃᖅᑲᓇᐃᔭᕐᕕᖕᓂᑦ. 
  • ᓱᓇᒃᑯᑖᑦ - ᐊᑕᖏᖅᖢᒋᑦ ᐅᕕᓂᔭᐃᑦ ᓱᓇᒃᑯᑖᑦ ᑕᑯᒋᐊᖅᑕᐅᒃᑲᓐᓂᕈᓐᓇᖅᑐᓄᑦ ᐃᖏᔪᖅᑳᕐᓄᑦ ᐊᒻᒪᓗ ᐃᖅᑲᓇᐃᔭᖅᑎᖕᓄᑦ: ᐊᑭᓐᓇᕐᒥᐅᑕᑦ ᐃᖅᑲᐃᓯᔾᔪᑏᑦ ᑲᒪᐃᓐᓇᖁᓪᓗᒋᑦ ᓄᕙᒡᔪᐊᕐᓇᖅ-19-ᒧᑦ ᐸᕐᓇᐅᑎᖏᓐᓄᑦ, ᑐᓴᐅᒪᔾᔪᑏᑦ ᖃᓄᖅ ᐊᒻᒪᓗ ᖃᖓ ᐊᑐᕈᓐᓇᕐᒪᖔᖅᐱᒋᑦ ᓈᒪᔪᓂᒃ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE), ᐊᓯᖏᓪᓗ. 
  • ᑐᑭᓕᐊᖑᓯᒪᔪᑦ − ᓇᓂᔪᓐᓇᕐᒥᔭᑎᑦ ᑐᑭᓕᐊᖑᓯᒪᔪᑦ ᑕᒪᒃᑯᓄᖓ ᐊᑦᑕᕐᓇᖅᑕᐃᓕᒪᓂᕐᒧᑦ ᐅᖃᐅᓯᖅᑲᑦ ᐊᑐᖅᑕᐅᒐᔪᒃᑐᑦ ᓇᓗᓇᐃᔭᐃᑎᓪᓗᑕ ᓄᕙᒡᔪᐊᕐᓇᖅ-19 ᐊᑦᑕᕐᓇᖅᑕᐃᓕᒪᓂᕐᒧᑦ ᐸᕐᓇᐅᑎᓂᑦ.  
ᐃᖅᑲᐅᒪᒋᑦ ᐃᖅᑲᓇᐃᔭᖅᑎᑎᑦ ᐃᓚᐅᔭᕆᐊᓖᑦ ᓴᖅᑭᔮᕐᕕᐅᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓕᐅᖅᑎᓪᓗᑎᑦ ᐃᖅᑲᓇᔭᐃᕐᕕᔅᓯᓐᓂ, ᐊᑏ ᑕᑯᑎᓪᓗᒋᑦ ᑭᓱᑦ ᓱᓇᒃᑯᑖᑦ ᐊᑐᐃᓐᓇᐅᖕᒪᖔᑕ. ᐱᒻᒪᕆᐅᔪᑦ ᐃᖅᑲᓇᐃᔭᖅᑎᑎᑦ ᐃᓚᐅᓗᑎᒃ ᐊᒻᒪᓗ ᐅᔾᔨᕈᓱᒡᓗᑎᒃ.

ᐊᐱᖅᑯᑎᒃᓴᖃᕈᕕᑦ ᓴᖅᑭᔮᕐᕕᐅᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓕᐅᕐᓂᐅᑉ ᒥᒃᓵᓄᑦ, ᐅᖃᖃᑎᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓪᓗᒥ. ᓄᓇᕘᒥᑦ, ᐅᖃᖃᑎᒋᓗᒋᑦ ᖃᕆᑕᐅᔭᒃᑯᑦ Covid-19@wscc.nu.ca, ᐊᒻᒪᓗ ᓄᓇᑦᓯᐊᕐᒥ, ᐅᖃᖃᑎᒋᓗᒋᑦ ᖃᕆᑕᐅᔭᒃᑯᑦ Covid-19@wscc.nt.ca, ᐅᕝᕙᓘᓐᓃᑦ ᐅᖄᓚᓗᑎᑦ 1 (800) 661-0792 ᐅᖃᓪᓚᖃᑎᖃᕈᒪᒍᕕᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᓴᖅᑎᒥᒃ.


ᐃᖅᑲᓇᐃᔭᕐᓂᖅ ᖃᓂᒋᔭᖏᓐᓂᑦ ᐅᖁᒪᐃᑦᑐᓕᕆᔾᔪᑏᑦ
ᐃᓕᓐᓂᐊᕐᓂᖅ, ᐸᕐᓇᐃᓂᖅ, ᐊᒻᒪᓗ ᐊᑦᑕᕐᓇᙱᑦᑐᑦ ᐃᖅᑲᓇᐃᔭᕐᕕᖕᒥᑦ ᐱᓕᕆᐅᓯᐅᕙᒃᑐᑦ


 
ᐊᖁᓐᓂᐊᖅᑎᓪᓗᓯ ᐅᖁᒪᐃᑦᑐᕆᓕᔾᔪᑎᓂᒃ ᐱᖁᑎᓂᒃ ᐃᓕᓐᓂᐊᖅᓯᒪᔭᕆᐊᖃᖅᑐᖅ ᐊᒻᒪᓗ ᐊᔾᔨᐅᙱᑦᑐᓂᒃ ᓚᐃᓴᓐᓯᖃᕆᐊᓕᒃ. ᑭᓯᐊᓂᓕ, ᐱᒻᒪᕆᐅᖃᑎᒋᔭᖓ ᑕᐃᒃᑯᐊ ᐃᖅᑲᓇᐃᔭᖅᑐᑦ ᖃᓂᒋᔭᖏᓐᓂᑦ ᐅᖁᒪᐃᑦᑐᓕᕆᔾᔪᑏᑦ ᐃᓕᓐᓂᐊᖅᓯᒪᔭᕆᐊᓖᑦ ᐊᑦᑕᕐᓇᙱᒃᑐᓕᕆᓂᕐᒥᒃᑕᐅᖅ.

ᐃᖅᑲᓇᐃᔭᖅᑎᖁᑎᓕᐅᑉ ᐱᔭᒃᓴᕆᔭᖏᑦ

ᐊᑦᑕᕐᓇᖅᑕᐃᓕᒪᓂᖅ ᐊᑐᖅᑕᐅᖓᔪᒃᑎᓪᓗᒍ ᐃᓚᒋᔭᐅᓗᓂ ᐃᖅᑲᓇᐃᔭᕐᓂᕐᓂᑦ ᑭᖑᓂᑦᑎᐊᖓᒍᑦ ᑲᑎᒪᓃᑦ. ᕿᒥᕐᕈᒐᔪᒡᓗᒋᑦ ᐊᒻᒪᓗ ᓄᑖᙳᕆᐊᖅᑎᒐᔪᒡᓗᒋᑦ ᐊᑦᑕᕐᓇᙱᑦᑐᒃᑯᑦ ᐃᖅᑲᓇᐃᔭᕐᓂᕐᒧᑦ ᐊᑐᖅᑕᐅᕙᒃᑐᑦ ᐃᖅᑲᓇᐃᔭᕐᓂᐊᖅᑎᓪᓗᒋᑦ ᐅᖁᒪᐃᑦᑐᓕᕆᔾᔪᑏᑦ ᐱᖁᑏᑦ ᖃᓂᒋᔭᖏᓐᓂᑦ ᐃᑲᔪᖅᑕᐅᓗᑎᑦ ᐃᖅᑲᓇᐃᔭᖅᑎᖕᓂᑦ. ᐊᑦᑕᕐᓇᖅᑕᐃᓕᒪᔾᔪᑏᑦ ᐅᖃᐅᓯᐅᔪᓐᓇᑦᑎᐊᕐᓗᑎᒃ. ᐊᑦᑕᕐᓇᖅᑕᐃᓕᒪᔾᔪᑎᓪᓚᕇᑦ ᐱᓕᕆᐊᑦ ᓴᓇᔭᐅᕙᒃᑐᑦ ᐃᖅᑲᓇᐃᔭᖅᑎᖕᓂᒃ ᐃᓚᖃᕐᓗᑎᑦ ᐱᒋᐊᕈᑕᐅᕙᒡᓗᑎᒃ ᑲᔪᓯᕙᓪᓕᐊᓂᕐᓂᒃ. 

ᓇᓗᓇᐃᖅᓯᒪᓪᓚᕆᒃᑐᓄᑦ ᒪᓕᒐᕐᓄᑦ ᑕᒪᒃᑯᓄᖓ ᐊᔾᔨᒌᙱᑦᑐᓄᑦ ᐱᖁᑎᓄᑦ ᐊᒻᒪᓗ ᖃᓄᐃᓕᖓᓂᕐᓄᑦ ᐃᖅᑲᓇᐃᔭᖅᑎᓪᓗᒋᑦ ᖃᓂᒋᔭᖏᓐᓂᑦ ᐱᖁᑎᕐᔪᐊᑦ, ᑕᑯᓗᒍ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑕᐃᑲᓂ ᓄᓇᑦᓯᐊᕐᒥ ᐊᒻᒪᓗ ᓄᓇᕘᒥᑦ.

ᐃᖅᑲᓇᐃᔭᕐᕕᐅᑎᓪᓗᑎᑦ, ᐃᒪᐃᑦᑕᕆᐊᖃᖅᑐᑎᑦ:
  • ᑎᑎᕋᖅᓯᒪᓗᑎᒃ ᐊᑦᑕᕐᓇᙱᑦᑐᒃᑯᑦ ᐃᖅᑲᓇᐃᔭᕐᓂᕐᒧᑦ ᐊᑐᖅᑕᐅᕙᒃᑐᑦ ᐊᒻᒪᓗ ᐃᓂᖃᕐᓗᑎᒃ ᑕᑯᔭᐅᓴᕋᐃᑦᑐᓐᓇᕐᓗᑎᒃ ᐃᖅᑲᓇᐃᔭᖅᑎᓄᑦ. ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᕙᒃᑐᑦ ᓇᓗᓇᐃᔭᐃᓯᒪᓪᓗᐊᖅᑐᑦ ᑭᓱᓕᒫᓂᒃ ᐃᖅᑲᓇᐃᔭᖅᑎᐅᑉ ᖃᐅᔨᒪᔭᕆᐊᖃᖅᑕᖏᓐᓂᒃ.
  • ᐃᖅᑲᓇᐃᔭᖅᑎᑎᑦ ᐃᓕᓐᓂᐊᖅᓯᒪᓪᓚᕆᒡᓗᑎᒃ ᑕᒪᑐᒧᖓ ᐊᑦᑕᕐᓇᙱᑦᑐᑦ ᐃᖅᑲᓇᐃᔭᕐᕕᖕᒥᑦ ᐱᓕᕆᐅᓯᐅᕙᒃᑐᑦ: ᑐᑭᓯᐅᒪᕚᑦ ᑖᓪᓕᖅᑕᐅᓯᒪᕝᕕᐅᔪᓂᒃ ᐊᐅᓚᐅᑎᓕᖕᓄᑦ ᐃᖅᑲᓇᐃᔭᕐᕕᖕᓂᑦ? ᖃᐅᔨᒪᔭᐃᓐᓇᕆᕙᖐᑦ ᐊᒡᒐᖕᓄᑦ ᐆᒃᑐᕋᕈᑕᐅᕙᒃᑐᑦ ᐱᑕᖃᕆᐊᓖᑦ ᐃᖅᑲᓇᐃᔮᖏᓐᓄᑦ ᐱᓕᕆᐊᒃᓴᕆᕙᒃᑕᕐᓄᑦ? ᖃᐅᔨᒪᕙᖐᑦ ᐊᑐᕈᓐᓇᕐᒪᖔᖅᐱᒋᑦ ᓈᒪᔪᓂᒃ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE) ᐱᑕᖃᕆᐊᓖᑦ ᐊᑐᕋᔭᖅᑕᖏᑦ?
  • ᐊᑕᖏᕐᓗᒋᑦ ᐃᖁᑏᑦ ᐊᑦᑕᕐᓇᙱᓪᓗᑎᒃ ᐊᔪᙱᓪᓗᑎᒃ, ᐃᓚᐅᓪᓗᑎᒃ ᐊᑕᖏᖅᖢᒋᑦ ᖁᖁᐊᕈᑏᑦ ᓇᓗᓇᐃᔭᐃᔪᑦ ᐱᖁᑏᑦ ᐱᓇᐃᓗᑕᖃᓕᕌᖓᑕ.
  • ᐊᑕᖏᕐᓗᒋᑦ ᐃᖅᑲᓇᐃᔭᖅᑎᓗᒃᑖᑎᑦ ᖃᓄᐃᙱᑦᑎᐊᕐᓗᑎᒃ ᐃᖅᑲᓇᐃᔭᕈᓐᓇᕐᓗᑎᒃ. ᑕᖃᓗᐊᖅᓯᒪᕚᑦ? ᓯᓚ ᐊᓯᔾᔨᖅᐸᓪᓕᐊᓕᖅᑎᓪᓗᒍ ᐋᓐᓂᐊᕈᑎᖃᓕᓲᖑᔭᕚᑦ ᑎᒥᖓᑕ ᐱᐅᒋᙱᑕᖏᓐᓄᑦ? ᐱᔾᔪᑎᖃᖅᐹ ᖃᓄᐃᓗᐊᒧᑦ ᐃᖅᑲᓇᐃᔭᖅᑎ ᖃᓄᐃᔾᔪᑎᖃᑐᐃᓐᓇᕆᐊᖃᖅᐸ ᐃᖅᑲᓇᐃᔭᕐᕈᓐᓇᙱᓪᓗᓂ.
ᐃᖅᑲᓇᐃᔭᖅᑎᐅᑉ ᐱᔭᒃᓴᖏᑦ

ᖃᐅᔨᒃᑲᕐᓗᒋᑦ ᐃᖅᑲᓇᐃᔭᖅᑏᑦ ᐱᓪᓗᐊᑕᕐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐅᖃᐅᔾᔪᐃᔾᔪᑎᓂᒃ ᐃᖅᑲᓇᐃᔭᕐᓂᐊᖅᑎᓪᓗᒋᑦ ᐅᖁᒪᐃᑦᑐᓕᕆᔾᔪᑎᓂᒃ ᐱᖁᑎᓂᑦ. ᕿᒥᕐᕈᓗᒋᑦ ᐊᑕᖏᕐᓗᒋᑦ ᐃᓂᓄᑦ ᓇᓄᓇᐃᖅᓯᒪᓪᓚᕆᒃᑐᓄᑦ ᑐᓴᐅᒪᔾᔪᑎᓂᒃ ᐃᓚᐅᔪᓂᒃ ᑕᐃᑲᓂ ᐊᑦᑕᕐᓇᙱᑦᑐᒃᑯᑦ ᐃᖅᑲᓇᐃᔭᕐᓂᕐᒧᑦ ᐊᑐᖅᑕᐅᕙᒃᑐᖁᑎᖕᓂᑦ.  

ᐃᖅᑲᐃᑎᓪᓗᒋᑦ ᐃᖅᑲᓇᐃᔭᖅᑎᑎᑦ ᐃᒪᐃᑦᑕᕆᐊᖃᕐᓂᖏᓐᓂᒃ:  
  • ᐳᐃᒍᔾᔭᐃᕐᓗᒋᑦ ᐊᑕᖏᕐᓗᒋᑦ ᐊᒡᒐᖕᓄᑦ ᐆᒃᑐᕋᕈᑕᐅᕙᒃᑐᑦ ᐊᒃᑐᐊᔪᑦ ᐃᖅᑲᓇᐃᔭᕐᕕᖕᓄᑦ. ᐆᒃᑐᕋᕈᑕᐅᕙᒃᑐᑦ ᐱᓪᓗᐊᑕᐅᔪᑦ ᑐᓴᐅᒪᖃᑎᒌᖕᓂᕐᒧᑦ.
  • ᑐᑭᓯᐅᒪᓗᒋᑦ ᐊᒻᒪᓗ ᐃᒃᐱᒋᓗᒋᑦ ᖁᐊᖅᓵᓇᕈᓐᓇᖅᑐᑦ ᐃᓃᑦ ᖃᓂᒋᔭᖏᓐᓂᑦ ᐱᖁᑏᑦ. ᐱᓱᖃᑦᑕᙱᓪᓗᑎᑦ ᐃᓗᐊᓂᑦ ᖁᐊᖅᓵᕐᓇᖅᑐᒃᑯᕕᐅᑉ ᐃᓂᐊᓂᑦ ᐱᖁᑏᑦ ᐊᐅᓚᑕᐅᑎᓪᓗᒋᑦ. ᓇᖏᖃᑦᑕᙱᓪᓗᑎᑦ ᖃᓂᒋᔭᖓᓂᑦ ᑖᓪᓕᖅᑕᐅᓯᒪᕝᕕᐅᕙᒃᑑᑉ ᓇᓕᐊᖕᓄᑐᐃᓐᓇᖅ ᐱᖁᑎᒧᑦ ᐊᐅᓚᑕᐅᑎᓪᓗᒍ. ᐊᔪᕐᓇᙱᒃᑳᖓᑦ, ᐱᓱᖃᑦᑕᕐᓗᑎᑦ ᐱᖁᑎᒥᑦ ᐊᖁᑎᐅᑉ ᒥᒃᓵᒍᑦ, ᒥᑭᓐᓂᖅᓴᒥᒃ ᑖᓪᓕᖅᓯᒪᕝᕕᖃᕐᓂᖓᓄᑦ.
  • ᐊᑐᖅᑕᐃᓐᓇᕆᓗᒋᑦ ᐊᑐᕈᓐᓇᕐᒪᖔᖅᐱᒋᑦ ᓈᒪᔪᓂᒃ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE) ᐊᒻᒪᓗ ᓴᖅᑭᔮᕐᓇᓪᓚᕆᒃᑐᓂᒃ ᐊᓐᓄᕌᖅᓯᒪᔭᕆᐊᖃᖅᑐᑎᑦ ᐱᓕᕆᐊᓴᒧᑦ. ᐊᑕᖏᕐᓗᒋᑦ ᐊᑐᕈᓐᓇᕐᒪᖔᖅᐱᒋᑦ ᓈᒪᔪᓂᒃ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE) ᐱᐅᔫᓗᑎ.
  • ᐃᖅᑲᓇᐃᔭᖃᑦᑕᙱᓪᓗᑎᑦᑦ ᐊᑖᓂᑦ ᓂᕕᖓᔫᑉ ᐅᕝᕙᓘᓐᓃᑦ ᑭᕕᒃᑕᐅᓯᒪᔫᑉ.
  • ᐱᓪᓚᕆᐅᓛᖅ, ᐅᔾᔨᕈᓱᑦᑎᐊᖏᓐᓇᐅᔭᕐᓗᑎᑦ ᐊᒻᒪᓗ ᑲᒪᑦᑎᐊᖏᓐᓇᕐᓗᑎᑦ ᐱᓕᕆᐊᒃᓴᖅ ᐱᐊᓂᓚᐅᙱᓐᓂᖓᓂᑦ.  
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐃᓐᓇᕈᐃᕙᙱᑦᑐᑦ ᐅᖃᐅᔾᔨᒋᐊᕈᑎᓂᒃ ᓇᓗᓇᐃᓪᓚᕆᒃᓯᒪᔪᒧᑦ ᓴᓇᓯᒪᔪᓄᑦ ᐊᒻᒪᓗ ᖃᓄᐃᑦᑑᓂᖏᓐᓄᑦ ᐱᖁᑏᑦ, ᑕᒪᒃᑯᐊ ᑐᓴᐅᒪᔾᔪᑏᑦ ᐊᑐᐃᓐᓇᐅᔪᑦ ᑲᒻᐸᓂᐅᔪᓂᑦ ᓴᓇᕙᒃᑐᓂᒃ ᐅᖁᒪᐃᑦᑐᓕᕆᔾᔪᑎᓂᒃ, ᐊᐅᓚᐅᑎᓕᖕᓂᒃ, ᐊᒻᒪᓗ ᐱᖁᑎᓂᒃ. ᑭᓯᐊᓂᓕ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔪᕈᓐᓇᖅᑐᑦ ᑐᓂᓯᓗᑎᒃ ᐅᖃᐅᔾᔨᒋᐊᕈᑎᓂᒃ ᓴᙱᔪᒥᒃ ᐊᑦᑕᕐᓇᖅᑕᐃᓕᒪᔾᔪᑎᖃᕐᓗᓯ. ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᓴᖅᑎ ᐃᑲᔪᖅᓱᐃᔪᓐᓇᖅᑐᑦ ᐃᓕᖕᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᐊᑦ ᑎᑭᐅᒪᒐᓗᐊᕐᒪᖔᑦ ᐊᑐᕆᐊᖃᖅᑕᕐᓄᑦ ᑕᐃᑲᓂ ᓄᓇᑦᑎᐊᒥᑦ ᐊᒻᒪᓗ ᓄᓇᕘᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᒥᑦ. ᐅᖃᖃᑎᖃᕈᒪᒍᕕᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᓴᖅᑎᒥᒃ, ᐅᖃᖃᑎᒋᑦᑎᒍᑦ ᐅᓪᓗᒥ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖓᑦ ᒪᑐᓯᒪᓂᐊᖅᑐᑦ ᓄᖅᑲᖓᓐᓇᒥ ᓇᒡᒐᔾᔭ, ᓯᑎᐱᕆ 7, ᐊᒻᒪᓗ ᐅᒃᑯᐃᒃᑲᓐᓂᕐᓗᑎᒃ ᐊᐃᑉᐹ, ᓯᑎᐱᕆ 8, 8:30 ᐅᓪᓛᒃᑯᑦ. 

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca   /  1.800.661.0792   *   wscc.nu.ca  /  1.877.404.4407