ᔮᓐᓄᐊᕆ 2020                                                      
ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ ᑐᓂᔭᐅᓯᒪᔭᕆᐊᓖᑦ ᕕᕝᕗᐊᕆ 28-ᒥ
ᐃᓚᓕᐅᑎᓗᒍ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᓄᑖᙳᖅᑎᑕᐅᓯᒪᓂᖓ

ᑭᖑᕙᖓᑦᑕᐃᓕᒋᑦ: ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ (APR) ᐱᔭᕇᖅᑕᐅᔭᕆᐊᓕᒃ ᕕᕝᕗᐊᕆ 28, 2020-ᒥᑦ ᐊᑭᓖᑎᑕᐅᒃᑲᓐᓂᕈᒪᙱᒃᑯᕕᑦ. ᑐᓂᓯᒋᐊᖃᖅᑐᑎᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.

ᐃᖅᑲᐅᒪᒋᑦ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᓚᖓ ᓴᖅᑭᑦᑕᐅᕐᖓᓚᐅᖅᑐᖅ 2018−ᒥ ᒪᓕᒃᑕᐅᔭᕆᐊᓕᒃ ᐱᔭᕇᖅᓯᓂᕐᒧᑦ ᑐᓂᓂᐊᖅᑕᕐᓂ. ᐅᑯᐊ ᐃᑲᔫᑎᑦᓴᑦ ᖃᓄᖅ ᐅᐸᓗᖓᐃᔭᐃᒍᓐᓇᕐᒪᖔᑦᓯ.
  • ᖃᐅᔨᓴᖅᐸᓪᓗᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔾᔪᑎᓕᓐᓂᑦ ᑭᐅᔾᔪᑎᑦᓴᓂᑦ ᐱᒋᐊᓚᐅᖏᓂᕐᓂ: WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᓐᓂᑦ (ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ) ᐃᓕᖕᓂ ᑐᓂᓯᓂᕐᒧᑦ ᐄ/ᐋᒃᑲ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ.
  • ᒪᓕᓪᓗᒋᑦ ᐊᑐᐊᒐᕗᑦ ᖃᓄᖅ ᐱᓕᕆᒋᐊᖃᕐᒪᖔᑦᓯ: ᑕᒪᕐᒥᑦᑎᐊᑦ ᐊᐱᖅᑯᑏᑦ ᓇᓗᓇᐃᔭᖅᓯᒪᓪᓗᑎ ᑭᓱᒥ ᑕᑯᓇᓱᒋᐊᖃᕐᒪᖔᖅᐱᑦ ᐃᓚᖓ 4-ᒦᑦᑐᖅ ᑕᐃᑲᓂ  ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ. 
  • ᐃᑲᔪᖅᑕ: ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᕗᑦ ᐃᓕᑦᓯᓐᓂᑦ ᐃᑲᔪᕈᓐᓇᖅᑐᑦ ᐊᐱᖅᑯᑎᓕᕆᑎᓪᓗᓯ ᓱᓕ ᓇᓗᕈᔪᒃᑯᑦᓯ. ᐅᖄᓚᒍᓐᓇᖅᑐᓯ ᐅᕙᑦᑎᓐᓄᑦ ᐅᕗᖓ 1-800-661-0792 ᐊᒻᒪ ᐅᖃᖃᑎᖃᕈᒪᓗᓯ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᑦᑎᓐᓂᑦ ᓴᐳᓐᓂᐊᕐᓂᕐᒧᑦ ᐱᔨᑦᑎᕋᕐᑎᑦ.
ᐱᓕᕆᔾᔪᑏᑦ ᖃᓄᖅ ᐋᖅᑭᑦᓯᒪᒋᐊᖃᕐᓂᖏᓐᓂᑦ ᐃᑲᔪᕆᐊᖃᕈᑦᓯ ᐅᑯᓅᓇ WSCC Connect, ᑕᑯᓂᐊᕐᓗᒍ WSCC Connect Help ᒪᑉᐱᒐᖅ ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᐅᖓᓯᑦᑐᒧᑦ ᐊᑭᓖᒋᐊᖃᖕᖏᑦᑐᑦ ᐅᖄᓚᕕᒋᓗᒋᑦ 1-844-238-5008.
ᐃᓕᓐᓂᑦ ᑐᓴᕈᒪᔪᒍᑦ!

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᐃᖅᑯᔨᔪᑦ ᐃᖅᑲᓇᐃᔭᖅᑎᑦᑎᔪᓕᒫᓂᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ ᐃᑲᔪᕐᓗᑎ ᑐᑭᒧᐊᖅᑎᑦᑎᓗᑎ ᐱᕙᓪᓕᐊᑎᑕᐅᓂᖓ ᐊᑦᑕᓇᐃᖅᓯᒪᓂᕐᒧᑦ ᑲᔪᖏᖅᓴᐃᓂᕐᒧᑦ ᐱᓕᕆᐊᖅ. 

ᐊᑦᑕᓇᐃᖅᓯᒪᓂᕐᒧᑦ ᑲᔪᖏᖅᓴᐃᓂᕐᒧᑦ ᐱᓕᕆᐊᖅ ᕿᓂᓂᐊᖅᑐᖅ ᑲᔪᖏᖅᓴᐃᓗᓂ, ᐱᖃᑕᐅᑎᑦᑎᓗᓂ, ᐊᒻᒪ ᐃᑲᔪᕐᓗᓂ ᐃᖅᑲᓇᐃᔭᖅᑎᑦᑎᔪᓂᑦ ᓯᕗᒧᒋᐊᖅᑎᓪᓗᒋᑦ ᐊᑦᑕᓇᐃᖅᓯᒪᓂᕐᒧᑦ ᐱᖅᑯᓯᒥᖏᑦ ᐊᒻᒪ ᐊᑦᑎᓪᓕᒋᐊᕐᓗᒋᑦ ᓴᖅᑭᖃᑦᑕᕐᓂᖏᑦ ᐊᒻᒪ ᐱᒻᒪᕆᐅᓂᖏᑦ ᐃᖅᑲᓇᐃᔭᕐᕕᒻᒥ ᐋᓐᓂᕐᓂᖅ ᐊᒻᒪ ᐋᓐᓂᐊᓐᓇᖅ.
 
ᐱᖃᑕᐅᔪᒪᒍᕕᑦ ᐊᒻᒪ ᑐᓴᕋᔅᓴᖃᖅᑎᑦᑎᓪᓗᑎ, ᖃᐅᔨᒋᐊᕐᕕᒋᒍᒃ ᐅᕐᑳᓚᐅᑎᒃᑯᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑎᑭᓚᐅᖅᑎᓐᓇᒍ ᕕᕝᕗᐊᕆ 21, 2020 ᐊᑎᓕᐅᕐᓗᑎᑦ ᐱᖃᑕᐅᔪᒪᓂᕐᓄᑦ.

 ᑎᐅᕆ-ᓕᓐ ᓯᐊᔅᓴᓐ | 867-920-3871| ᐃᕐᖐᓐᓈᖅᑕᐅᑖ: 
ᓂᒡᓕᓇᖅᑐᒃᑯᑦ ᐅᖁᖅᑐᒃᑯᑦ
ᐃᖅᑲᓇᐃᔭᕐᓂᖅ ᓯᓚ ᓂᒡᓚᓱᕐᔪᐊᖅᑐᒥ ᓯᓚᐅᑉ ᖃᓄᐃᑉᐸᓕᐊᓂᖓᓂ



ᐊᕐᕌᒍᑕᒫᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐊᑐᕐᓂᖃᓲᖑᕗᑦ ᐃᓚᖏᓐᓂ ᓂᒡᓚᓱᓛᑦᑎᐊᒥ ᓯᓚᖓᓂ ᑕᑯᔭᐅᕙᒃᑐᓂ ᑲᓇᑕᒥ. ᑐᑭᓯᐅᒪᓂᖅ ᖃᓄᖅ ᐃᖅᑲᓇᐃᔭᕆᐊᖃᕐᒪᖔᑦ ᓂᒡᓚᒧᕐᔪᐊᖅᑐᒥ ᓯᓚᒥ ᐱᒻᒪᕆᐅᕗᖅ. ᐃᖅᑲᓇᐃᔭᖅᑎᑎᑦ ᓄᑖᖑᒍᑎᒃ ᐅᑭᐅᖅᑕᖅᑐᒧᑦ, ᐅᕝᕙᓘᓐᓃᑦ ᑕᒫᓃᓯᒪᒍᑎᒃ ᐃᓅᓯᓕᒫᖓᓐᓂ, ᐱᒻᒪᕆᐅᕗᖅ ᕿᒥᕐᕈᓇᖕᓂᕐᒧᑦ ᑲᒻᐸᓂᕕᑦ ᐊᑐᐊᒐᖏᓐᓂ ᐊᒻᒪ ᐱᓕᕆᔾᔪᓯᖏᓐᓂ ᐃᖅᑲᓇᐃᔭᕐᓂᕐᒥ ᓂᒡᓚᓱᕐᔪᐊᖅᑐᒥ ᓯᓚᒥ ᐅᑭᐅᑕᒫᑦ.

ᐃᖅᑲᓇᐃᔭᖅᑎᖁᑎᓕᐅᑉ ᐱᔭᒃᓴᕆᔭᖏᑦ

ᐃᒡᓘᑉ ᐃᓗᐊᓂ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ , ᐃᖅᑲᓇᐃᔭᖅᑎᖁᑎᓖᑦ ᐱᔭᕆᐊᖃᖅᑎᑕᐅᕗᑦ ᐅᕘᓇ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓕᖕᓂᑦ  (  ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ ) ᑐᓂᓯᓂᕐᒥ ᐊᒻᒪ ᐋᖅᑭᐅᒪᑎᑦᑎᓂᕐᒧᑦ ᐃᓂᒃᓴᒥ ᓈᒻᒪᒃᑐᒥ ᐱᓕᕆᐊᒃᓴᓄᑦ ᐱᓕᕆᐊᖑᔪᓄᑦ, ᓈᒻᒪᒃᑐᒥ ᐅᖅᑰᓂᖓᓂ ᓂᒡᓚᓱᖕᓂᖓᓂ ᐃᓗᐊᖅᑎᑦᑎᓂᕐᒧᑦ ᐃᖅᑲᓇᐃᔭᖅᑎᓄᑦ, ᐊᒻᒪ ᐅᖅᑰᓴᐅᑎᓯᐅᒻᒥ ᖃᐅᔨᓴᖅᑐᒥ ᐅᖅᑰᓂᖓᓂ ᓂᒡᓚᓱᖕᓂᖓᓂ. ᓯᓚᒥ ᐃᖅᑲᓇᐃᔭᕈᑎᒃ, ᐃᖅᑲᓇᐃᔭᖅᑎᖁᑎᓕᒃ ᑐᓂᓯᔭᕆᐊᖃᖅᐳᖅ ᐊᑑᑎᖃᑦᑎᐊᖅᑐᒥ ᓴᐳᔾᔨᓯᒪᓂᐅᔪᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᓴᓇᔨᐅᔪᓄᑦ. ᐃᖅᑲᓇᐃᕐᓂᖅ ᐱᓕᕆᐊᖑᒍᓂ ᓯᓚᑖᓂ ᐱᔭᒃᓴᕆᒐᔪᒃᑕᖓᓂ ᐃᖅᑲᓇᐃᔭᖅᑎᒧᑦ, ᐃᖅᑲᓇᐃᔭᖅᑎᖁᑎᓕᑦ ᑐᓂᓯᔭᕆᐊᖃᖅᐳᖅ ᐊᒻᒪᓗ ᐱᔭᕆᐊᖃᖅᑎᑦᑎᓗᓂ ᐃᖅᑲᓇᐃᔭᖅᑎᒥ ᐊᑐᕐᓂᕐᒧᑦ ᓈᒻᒪᒃᑐᓂ ᐊᓐᓄᕌᓂᒃ ᐊᒻᒪᓗ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE) ᓴᐳᔾᔨᓯᒪᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᖅᑎᓂᑦ (ᓂᒡᓕᓇᖅᑐᒃᑯᑦ ᐅᖁᖅᑐᒃᑯᑦ - ᐊᕕᒃᓯᒪᓂᖓ 6, ᐃᓚᖓ 74; ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐊᕕᒃᓯᒪᓂᖓ 7, ᐃᓚᖓ 90).

ᐅᓗᕆᐊᓇᖅᑐᑦ ᓂᒡᓚᓱᕐᔪᐊᕐᓂᐅᔪᓄᑦ ᖃᓄᐃᓐᓂᐅᔪᓄᑦ

ᓂᔅᓚᓱᒃᑐᒥ ᐃᖅᑲᓇᐃᔭᕐᓂᐊᕐᓗᓂ, ᐃᖅᑲᓇᐃᔭᖅᑎᑎᑦ ᐱᕕᒃᓴᖃᖅᑎᓪᓗᒋᑦ ᐊᐅᓚᑦᑎᔪᓐᓇᕐᓂᖏᓐᓂ ᐊᕙᑎᒧᑦ ᐱᓕᕆᕝᕕᒋᓂᐊᖅᑕᖓᓂ. ᐃᖅᑲᓇᐃᔭᖅᑏᑦ ᓈᒻᒪᒃᑐᓂ ᐅᖅᑰᔪᓂ ᐊᓐᓄᕌᖅᓯᒪᔭᕆᐊᖃᖅᐳᑦᒪ ᓈᒻᒪᒃᑐᓂ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᑦ ᐃᒻᒥᖕᓂᒃ ᓴᐳᔾᔨᓯᒪᓂᕐᒧᑦ ᓂᒡᓚᓱᒃᑐᒥ, ᐊᒻᒪ ᐱᕕᒃᓴᖃᖅᐸᒡᓗᑎᒃ ᐅᖅᑰᓴᖕᓂᕐᒧᑦ ᓯᓚᒥ ᐃᖅᑲᓇᐃᔭᕐᕕᒋᔭᖏᑕ ᐃᓗᐊᓂ. 

ᐊᑦᑕᓇᔾᔭᐃᖅᓯᒪᓂᖅ ᓂᒡᓚᓱᕐᔪᐊᕐᓂᐅᔪᓄᑦ ᖃᓄᐃᓐᓂᐅᔪᓄᑦ:
  • ᐊᐳᑎ ᑲᑎᖅᓱᖅᐸᓪᓕᐊᓂᖓᓂ ᐊᒻᒪ ᓯᑯ ᓴᖅᑭᑎᑦᑎᓲᖑᕗᖅ ᖁᐊᐃᑦᑖᕐᓇᖅᑐᒥ ᖄᖑᔪᓂ ᐊᒻᒪ ᐱᑎᑦᑎᓲᖑᕗᖅ ᖁᐊᐃᓐᓂᕐᓂ ᐊᒻᒪ ᐹᓪᓚᖕᓂᐅᔪᓂ.
  • ᐱᖅᓯᓕᖅᐸᓪᓕᐊᓂᐅᔪᓂ ᓴᖅᑭᑎᑦᑎᔪᓐᓇᖅᐳᖅ ᐊᓄᕌᕐᔪᐊᕐᓂᐅᔪᒥ ᐊᒻᒪ ᑭᒡᓕᖃᖅᑎᑦᑎᓪᓗᓂ ᓴᖅᑭᔮᑦᑎᐊᕐᓇᕐᓂᖓᓂ.
  • ᐱᓕᕆᔾᓗᓂ ᓯᑯᒥᑦ ᐊᒻᒪ ᖁᐊᖑᓂᐅᔪᓂ ᐃᒪᕐᓂ ᐱᔭᕆᐊᖃᖅᑎᑦᑎᕗᖅ ᓯᑯᒥᒃ ᖃᐅᔨᓴᐃᓂᐅᔪᒥ ᖃᐅᔨᒪᓂᕐᒧᑦ ᓯᑯᖓ ᑐᙵᕕᐅᔪᓐᓇᕐᓂᖓᓂ.
  • ᐅᐊᔭᓅᖅᑐᓄᑦ ᓴᓇᕐᕈᑎᑦ ᐊᒻᒪᓗ ᐱᓕᕆᔾᔪᑎᑦ ᐊᓯᐊᒎᖅᑐᒥ ᐸᖅᑭᓂᖃᕆᐊᖃᖅᐳᑦ ᐊᐅᓚᑕᐅᔪᓐᓇᕐᓂᕐᒧᑦ ᒥᒡᓚᓱᒃᑐᒥ ᐊᕙᑎᐅᔪᒥᑦ.
  • ᐃᖅᑲᓇᐃᔭᖅᑏᑦ ᐅᖓᓯᒃᑐᒥ ᐃᓂᐅᔪᓂ ᐅᔾᔨᖅᓱᕐᓂᖃᒃᑲᓐᓂᕆᐊᖃᖅᐳᑦ ᐊᒻᒪ ᐃᒻᒥᓂᒃ ᓱᖏᐅᑎᓯᒪᑦᑎᐊᕐᓗᑎᒃ ᓂᒡᓚᓱᒃᑐᒥ ᓯᓚᒥ ᐊᐅᓚᑦᑎᓂᐅᔪᓂᑦ ᐊᒻᒪ ᑐᐊᕕᕐᓇᖅᑐᓂ ᐆᒪᓇᓱᐊᕐᓂᕐᒧᑦ.
  • ᐅᑭᐅᖅᓯᐅᑎᓂᒃ ᐊᓐᓄᕌᓂᒃ ᑭᒡᓕᖃᖅᑎᑦᑎᔪᓐᓇᖅᐳᑦ ᐊᐅᓚᓂᐅᔪᒥ ᐊᒻᒪ ᐊᑎᒋᐅᑉ ᓇᓴᖏᑦ ᓇᓴᑐᐃᓐᓇᕐᒥᓪᓘᓐᓃᑦ ᐊᒻᒪ ᑮᓇᒧᑦ ᓴᐳᔾᔨᔾᔪᑕᐅᔪᒥ ᑕᑯᒃᓴᐅᑎᑦᑎᑦᑎᐊᓲᖑᙱᓚᖅ ᑕᑯᓂᕐᓄᑦ ᑐᑭᓕᐊᕐᓂᖏᓐᓂ.
  • ᐃᒡᒐᐃᑦ ᐊᒻᒪᓗ ᐃᔨᒃᑯᑦ ᓴᐳᓐᓂᐊᕈᑏᑦ ᐳᔫᖅᑎᑦᑐᓐᓇᖅᐳᑦ ᐊᒻᒪᓗ ᑕᑯᒃᓴᐅᑎᑦᑎᑦᑎᐊᕈᓐᓃᕐᓗᓂ ᑕᐅᑐᑦᑎᐊᕐᓂᕐᒥ.
  • ᓂᒡᓚᓱᖕᓂᖅ ᐊᒃᑐᐃᓲᖑᕗᖅ ᐊᐅᓚᔪᓐᓇᑦᑎᐊᕐᓂᖓᓂ ᐊᒡᒐᖕᓂ ᐊᒻᒪ ᐃᓯᒐᖕᓂᑦ, ᐊᒃᑐᐃᔪᓐᓇᖅᑐᒥ: ᐱᓕᕆᐊᒃᓴᒥ ᐱᓕᕆᑦᑎᐊᕈᓐᓇᕐᓂᖓᓂ, ᐊᐅᓚᑦᑎᓂᖓᓂ, ᐅᕕᓂᐅᑉ ᐱᔪᓐᓇᕐᓂᖓᓂ ᐃᒃᐱᒍᓱᖕᓂᕐᒧᑦ ᓂᒡᓚᓱᖕᓂᕐᓂ ᐊᒻᒪ ᐋᓐᓂᐊᕐᓂᕐᒥ, ᐊᒻᒪ ᐊᑐᕈᓐᓇᕐᓂᕐᒧᑦ ᐊᒡᒐᖕᓂᑦ.
ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᓗᕆᐊᓇᖅᑐᑦ ᓂᒡᓚᓱᕐᔪᐊᕐᓂᐅᔪᓄᑦ ᖃᓄᐃᓐᓂᐅᔪᓄᑦ:
  • ᖁᐊᕐᓂᖃᖅᐸᓪᓕᐊᓕᖅᑐᒥ: ᒥᑭᓛᖓᓂ ᕿᕿᑉᐸᓪᓕᐊᓂᐅᔪᒥ ᐋᓐᓂᕐᓂᐅᔪᒥᑦ. ᐊᒃᑐᐃᓂᖃᒐᔪᒃᑐᖅ ᓯᐅᑎᐅᑉ ᒪᒃᓴᖏᑦ, ᕿᖓᐃᑦ, ᐅᓗᐊᑦ, ᐃᓄᒐᙳᐊᑦ ᐳᑐᒍᐃᓪᓘᓐᓃᑦ ᓂᔅᓚᓱᒃᑐᒧᑦ ᓵᖅᑭᔮᕐᓂᖃᕈᑎᒃ. ᐊᒃᑐᖅᑕᐅᓯᒪᓂᐅᔪᖅ ᐅᕕᓂᒃ ᖃᐅᓪᓗᖅᓯᓂᐊᖅᐳᖅ ᐊᒻᒪ ᐃᒃᐱᖕᓂᐊᙱᑐᐃᓐᓇᕆᐊᖃᖅᐳᖅ.
  • ᖁᐊᕐᓂᖅ: ᐊᔾᔨᐸᓗᐊ ᖁᐊᕐᓂᖃᖅᐸᓪᓕᐊᓕᖅᑐᒥ, ᖁᐊᕐᓂᖅ ᐊᒃᑐᐃᒐᔪᒃᐳᖅ ᓯᐅᑎᐅᑉ ᒪᒃᓴᖏᑦ, ᕿᖓᐃᑦ, ᐅᓗᐊᑦ, ᐃᓄᒐᙳᐊᑦ ᐳᑐᒍᐃᓪᓘᓐᓃᑦ ᓂᔅᓚᓱᒃᑐᒧᑦ ᓵᖅᑭᔮᕐᓂᖃᕈᑎᒃ. ᑕᐃᒪᐃᓲᖑᕗᖅ ᐃᒪᖃᕐᓂᐅᔪᑦ ᑎᒥᐅᑉ ᑕᖏᖏᓐᓂ ᖁᐊᖅᑎᓪᓗᒋᑦ 0°C ᐊᑖᓄᑦ. ᐅᓇ ᐱᑎᑦᑎᑐᐃᓐᓇᕆᐊᖃᖅᐳᖅ ᐃᓅᓯᓕᒫᒥ ᓱᔪᐃᓂᐅᔪᒥ, ᐊᒻᒪ ᐊᐅᒃ ᐃᖏᕐᕋᔪᓐᓃᕈᓐᓇᖅᐳᖅ ᐊᒃᑐᖅᑕᐅᓯᒪᔪᓄᑦ ᐃᓂᐅᔪᓄᑦ ᑐᕌᖅᑎᑦᑎᔪᓐᓇᖅᑐᒥ ᐃᒻᒪᖕᓂᐅᔪᒥ ᐅᕝᕙᓘᓐᓃᑦ ᐸᖅᑭᔮᒧᑦ. ᐱᒻᒪᕆᐅᕗᖅ ᖃᐅᔨᒪᓂᕐᒧᑦ ᓯᕗᓪᓕᕐᒥ ᐋᓐᓂᐊᕐᓂᐅᔪᖅ ᐃᒃᐱᖕᓇᕈᓐᓃᓲᖑᓂᖓᓂ ᖃᒧᐃᓐᓂᐅᔪᖅ ᐱᐅᔪᓐᓃᖅᐸᓪᓕᐊᑎᓪᓗᒍ.
  • ᐃᓪᓗᖕᓂᖅ: ᐅᓇ ᐊᓯᐅᔨᓚᐅᑲᖕᓂᖅ ᑕᐅᑐᖕᓂᕐᓂᑦ ᐱᑎᑕᐅᓪᓗᓂ ᓇᔪᕐᓂᖅ ᖃᐅᒪᓗᐊᖅᑐᒥᑦ ᓯᕿᓐᓂᓗᐊᑐᒥᒃ ᐊᐳᒻᒧᑦ ᐊᒻᒪ ᓯᑯᒧᑦ. ᐋᓐᓂᐊᕈᑕᐅᖃᑦᑕᖅᑐᑦ ᐃᔾᔨᓯᒪᖅᑰᔨᓗᓂ ᐃᔨᒃᑯᑦ, ᐋᓐᓂᐊᕐᓂᖅ ᐃᔨᒃᑯᑦ ᐃᔨᑎᑦ ᐊᐅᓚᑎᓪᓗᒋᑦ, ᐳᕕᓕᕐᓂᖅ ᐳᓪᓕᕐᓂᖅ, ᐊᐅᐸᖅᑐᑦ ᐊᒻᒪ ᖁᕝᕕᐊᖅᓴᕋᐃᑦᑐᓂ ᐃᔨᓂᑦ, ᓂᐊᖁᙳᓂᖅ ᓴᙱᒃᑎᑉᐸᓪᓕᐊᔪᒥ ᖃᐅᒪᔪᕐᒧᑦ ᓴᖅᑭᔮᕐᕕᐅᔪᒥ. ᑕᒪᒃᑭᒐᓚᐃᑦ ᐱᔾᔪᑕᐅᔪᑦ ᐃᓪᓗᖕᓂᕐᓂ ᐊᑲᓂᐅᒐᔪᒃᐳᑦ ᐅᓪᓘᑉ ᐊᑕᐅᓯᕐᒥ ᐅᖓᑖᓅᙱᑦᑐᖅ ᐃᓄᒃ ᑕᖃᐃᖅᓯᕈᓂ ᐃᒡᓘᑉ ᐃᓗᐊᓂ ᖃᐅᒪᔪᕐᓂ ᐃᑯᒪᔪᓂ ᕿᒪᐃᓯᒪᓗᓂ, ᑭᓯᐊᓂ ᐊᑯᓂᐅᔪᒥ ᓴᖅᑭᔮᕐᕕᐅᓂᕐᒥᑦ] ᑐᕌᕈᓐᓇᖅᐳᖅ ᐃᓅᓯᓕᒫᒧᑦ ᑕᐅᑐᒍᓐᓃᕐᓂᕐᒧᑦ.
  • ᑎᒥ ᓂᓪᓕᓗᐊᖅᑐᖅ: ᑎᒥ ᓂᓪᓕᓗᐊᖅᑐᖅ ᐋᖅᑭᓲᖑᕗᖅ ᑎᒦᑦ ᐅᑎᖅᑎᕆᔪᓐᓇᙱᑉᐸᑦ ᐆᓇᕐᓂᕐᒥ ᐊᓯᐅᔨᓂᐅᔪᒥ, ᐊᒻᒪ ᐃᓗᒃᑯᐊᑉ ᐆᓇᕐᓂᖓᓂ ᑲᑕᒃᐸᓪᓕᐊᑎᓪᓗᒍ. ᓄᑭᑦ ᓴᙲᑦᑎᓐᓂᐅᔪᖅ, ᐃᓱᒪᑦᑎᐊᕈᓐᓇᐃᓪᓕᓂᕐᒥ, ᐅᐃᕐᙵᕐᓂᖅ, ᐊᒻᒪ, ᐅᕗᙵᕈᓂ, ᐋᓐᓂᐊᕈᑕᐅᖃᑦᑕᖅᑐᑦ ᐋᓐᓂᐊᕐᓂᕐᒥ ᐊᒻᒪ ᐆᓕᖕᓂᕐᒥ ᐊᓯᐅᕙᓪᓕᐊᓂᐊᖅᐳᑦ. ᖃᓄᐃᓐᓂᐅᔪᖅ ᖃᐅᔨᒪᔪᓐᓃᖅᐸᓪᓕᐊᓂᕐᒥ ᐊᒻᒪ ᐃᔭᕈᕙᖏᑦ ᐊᖏᓂᖅᓴᐅᓕᕐᓗᑎᒃ, ᐅᓗᕆᐊᓇᖅᑎᑦᑎᔪᒻᒪᕆᐅᓗᓂ, ᑖᓐᓇ ᐃᓄᒃ ᑐᑭᓯᐅᒪᙱᑐᐃᓐᓇᕆᐊᖃᕐᒪᑦ ᖃᓄᐃᓐᓂᐅᔪᒥ, ᐊᒻᒪ 27°C−ᒦᓕᖅᑐᒥ ᖃᐅᔨᒪᔪᓐᓃᕈᓐᓇᖅᐳᖅ.
ᑕᐃᒪᐃᑎᑦᑎᑦᑕᐃᓕᒪᔾᔪᑏᑦ ᐊᒻᒪᓗ ᐊᐅᓚᑦᑎᔾᔪᑏᑦ
  1. ᐱᕕᒃᓴᖃᖅᑎᓪᓗᒋᑦ ᓱᖏᐅᔾᔨᓂᖓᓂ ᐊᓯᔾᔨᕐᓂᐅᔪᒧᑦ ᐊᕙᑎᖓᓐᓂ ᐃᖅᑲᓇᐃᔭᖅᑏᑦ ᓅᑉᐸᒃᑯᑎᒃ ᐃᖅᑲᓇᐃᔭᕐᓂᕐᒥ ᐅᖅᑰᓂᐅᔪᒥ ᓂᒡᓚᓱᖕᓂᐅᔪᓄᑦ. ᑭᒃᑯᓕᒫᑦ ᓱᖏᐅᔾᔨᔭᕆᐊᖃᖅᐳᑦ ᐊᓯᔾᔨᕐᓂᐅᔪᒧᑦ ᐊᕙᑎᖓᓐᓄᑦ, ᐊᒻᒪ ᐅᓇ ᐊᑯᓂᐅᓂᖓ ᐊᔾᔨᒋᙱᓚᐅᒃ ᐃᓄᖕᒥ ᐃᓄᖕᒧᑦ ᑭᓯᐊᓂ ᑕᐃᒪᐃᒐᔪᖕᓂᐅᔪᖅ ᐊᑕᐅᓯᕐᒥ ᐱᓇᓱᐊᕈᓯᓪᓗᐊᖑᕗᖅ.
  2. ᕿᓚᒻᒥᐅᑎᑉᐸᒡᓗᒍ ᓯᓚᒦᓐᓂᖓᓂ ᓂᒡᓚᓱᕐᔪᐊᓗᐊᖅᑎᓪᓗᒍ, ᐱᓕᕆᐊᒃᓴᓂ ᐱᓇᓱᐊᕐᓂᖅᓴᐅᓗᑎᑦ ᐃᒡᓘᑉ ᐃᓗᐊᓂ ᐊᔪᕐᓇᙱᓐᓂᖓᓂ. ᐊᑐᕐᓗᑎᑦ ᐃᖅᑲᓇᐃᔭᕐᕕᖕᒥ ᐅᖅᑰᓴᕐᓂᕐᒧᑦ ᒪᓕᒃᑕᒃᓴᒥ ᐃᖅᑲᓇᐃᔭᖅᑎᓄᑦ ᐃᖅᑲᓇᐃᔭᕆᐊᓕᖕᓄᑦ ᓯᓚᒥ. ᓇᓗᓇᐃᕆᓗᑎᑦ ᐅᖅᑰᓴᕆᐊᖅᐸᖕᓂᖏᓐᓂ ᐅᖅᑯᐊᕐᒥᑦ ᐅᕝᕙᓘᓐᓃᑦ ᓄᓇᓯᐅᒻᒥ.
  3. ᐃᓕᓐᓂᐊᖅᑎᑦᑎᓗᑎᑦ ᐊᒻᒪᓗ ᐱᓕᒻᒪᒃᓴᕐᓗᒋᑦ ᐃᖅᑲᓇᐃᔭᖅᑎᑎᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᓂᕐᒧᑦ ᖃᓄᐃᓕᐅᕈᑎᓂᑦ ᓂᒡᓕᓇᖅᑐᒥ ᓯᓚᐅᑉ ᖃᓄᐃᑉᐸᓕᐊᓂᖓᓂ. ᓇᓗᓇᐃᖅᓯᓗᑎᑦ ᖃᐅᔨᒪᓂᖏᓐᓂ ᐊᑦᑕᕐᓇᖅᑐᓂᑦ, ᐅᓗᕆᐊᓇᖅᑐᓂᑦ, ᐊᒻᒪ ᐊᐅᓚᑕᐅᓂᐅᔪᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᓂᒡᓚᓱᕐᔪᐊᖅᑐᒥ ᖃᓄᐃᓐᓂᐅᔪᓄᑦ.
  4. ᓇᓗᓇᐃᖅᓯᓗᓂ ᐃᖅᑲᓇᐃᔭᖅᑏᑦ ᓈᒻᒪᒃᑐᓂ ᐊᓐᓄᕌᖃᕐᓂᖏᓐᓂ ᐱᓕᕆᓂᐊᕐᓗᑎᒃ ᓂᒡᓚᓱᒃᑐᒥ, ᐊᒻᒪ ᖃᐅᔨᒋᐊᕐᓗᒍ ᓇᓗᓇᐃᖅᓯᒪᓂᖓᓂ ᐊᑐᒐᒃᓴᐅᓂᖓᓂ ᖃᓄᐃᓐᓂᐅᔪᓄᑦ. ᐃᒪᐃᖁᔨᕙᒡᓗᓂ ᐊᑐᓂ ᐃᖅᑲᓇᐃᔭᖅᑎᐅᔪᖅ ᖃᓕᕇᒃᑐᓂ ᐊᓐᓄᕌᖅᓯᒪᓂᖏᓐᓂ ᐊᑐᙱᖔᕐᓗᑎᒃ ᐊᑕᐅᓯᕐᒥ ᐊᖏᔪᒥ ᔭᐃᑲᖕᒥ. ᖃᓕᕇᖕᓂᐅᔪᑦ ᑐᓂᓯᓲᖑᕗᖅ ᒪᓴᔾᔭᐃᒃᑯᑎᖃᕐᓂᖓᓂ ᓂᒡᓚᓱᖕᓂᐅᔪᒧᑦ.
  5. ᐃᓄᑑᓗᑎᑦ ᐃᖅᑲᓇᐃᔭᕋᓱᒃᐸᙱᓪᓗᑎᑦ ᒥᒡᓚᓱᒃᑐᒥ ᖃᓄᐃᓐᓂᐅᔪᒥ ᐊᔪᕐᓇᙱᑐᐊᕌᖓᑦ.
  6. ᐃᖅᑲᓇᐃᔭᖅᑏᑦ ᓯᓚᒥ ᐃᖅᑲᓇᐃᔭᕆᐊᖃᕈᑎᒃ, ᐱᓗᐊᖅᑐᒥ ᐅᖓᓯᒃᑐᒥᐅᒍᓂ, ᐊᐱᕆᓗᒍ ᐃᖅᑲᓇᐃᔭᖅᑏᑦ ᐋᖅᑭᒃᓯᓗᓂ ᑐᑭᓯᓇᑦᑎᐊᖅᑐᒥ ᐸᕐᓇᒍᑎᒥᒃ ᐃᖅᑲᓇᐃᔭᖅᑎ ᓇᒦᓐᓂᐊᕐᓂᖓᓂ ᐊᒻᒪ ᐊᑯᓂᐅᓂᖓᓂ ᐅᑎᕐᕕᒃᓴᕆᓂᐊᖅᑕᖓᓄᑦ ᑎᑎᕋᕐᕕᖕᒧᑦ, ᐊᒻᒪᓗᑦᑕᐅᖅ ᐋᔩᖃᑎᒌᖕᓂᐅᔪᒥ ᐸᕐᓇᒍᑎᒥᒃ ᐊᖓᔪᖅᑳᖓᓄᑦ ᓇᓗᓇᐃᖅᓯᓂᕐᒥ ᐃᖅᑲᓇᐃᔭᖅᑎᖓ ᐅᑎᑦᑎᐊᕐᓂᖓᓂ ᐊᑦᑕᓇᙱᑦᑐᒥ.
  7. ᐱᒻᒪᕆᐅᕗᖅ ᖃᐅᔨᒪᓂᕐᒧᑦ ᑎᒥᐅᑉ ᐱᔪᓐᓇᕐᓂᖓᓂ ᑲᒪᒋᔭᖃᕐᓂᕐᒥ ᓂᒡᓚᓱᒃᑐᒥ ᐃᖅᑲᓇᐃᔭᕐᓂᕐᒧᑦ ᖃᓄᐃᓐᓂᐅᔪᓄᑦ ᐊᒃᑐᖅᑕᐅᕙᖕᓂᖓᓂ ᐃᒥᐊᓗᖕᒧᑦ, ᐃᓚᖏᓐᓂ ᓘᒃᑖᒃᑯᑎᒍᑦ ᐱᔪᓐᓇᐅᑎᑎᒍᑦ ᐃᓅᓕᓴᐅᑎᓂᑦ, ᐊᒻᒪ ᑳᕖᓐᒧᑦ.ᐊᔭᐅᕆᕙᒡᓗᑎᑦ ᐃᖅᑲᓇᐃᔭᖅᑎᓂᑦ ᐃᓱᒪᒋᔭᖃᕐᓂᖏᓐᓂ ᐃᓇᖏᖅᓯᓂᖏᓐᓂ ᑳᕖᓐᓕᖕᓂ ᓂᐅᖅᑲᒐᒃᓴᓂ ᖁᑦᑎᒃᑐᒥ ᑎᒥᒧᑦ ᖁᐃᒃᑎᓐᓇᖅᑐᓂ ᐆᓇᔪᒃᑐᓂ ᓂᐅᖅᑲᒐᒃᓴᓂ ᓲᕐᓗ ᐆᓇᖅᑐᒥ ᑯᑯᖕᒥ ᐅᕝᕙᓘᓐᓃᑦ ᑳᕖᓐᖃᙱᑦᑐᒥ ᑏᒥ ᑳᐱᒥᓪᓘᓐᓃᑦ, ᐊᒻᒪ ᓇᓗᓇᐃᖅᓯᓗᓂ ᑎᑭᑉᐸᙱᓐᓂᖏᓐᓂ ᐃᖅᑲᓇᐃᔭᕐᕕᖕᒧᑦ  ᐋᖓᔮᕐᓗᓂ 
  8. ᐊᔭᐅᕆᓗᒋᑦ ᐃᖅᑲᓇᐃᔭᖅᑎᑎᑦ ᖃᐅᔨᒪᓂᖏᓐᓂ ᓴᓂᐊᒍᑦ ᖃᓄᐃᓕᐅᕈᑕᐅᔪᑦ ᐊᒃᑐᐃᓂᖓᓂ ᓇᓕᐊᑐᐃᓐᓇᓂ ᐃᓅᓕᓴᐅᑎᓄᑦ ᐊᑐᑐᐃᓐᓇᕆᐊᖃᖅᑕᒥᓂᑦ, ᐅᕝᕙᓘᓐᓃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᓐᓂᐅᔪᓄᑦ ᐊᒃᑐᐃᔪᓐᓇᕐᒪᖔᑦ ᓇᖕᒥᓂᖅ ᐱᔪᓐᓇᕐᓂᖏᓐᓂ ᐊᐅᓚᑦᑎᓂᖓᓂ ᓂᒡᓚᓱᖕᓂᐅᔪᒥ (ᓲᕐᓗ, ᑎᒥᖓ ᓱᑲᖃᓗᐊᓕᓲᖅ, ᐊᐅᑉ ᓴᖑᔭᕐᓂᖓ ᖁᑦᑎᓗᐊᕐᓗᓂ, ᐅᕝᕙᓘᓐᓃᑦ ᐆᒪᑎᕐᓗᖕᓂᖅ ᐊᒃᑐᐃᔪᓐᓇᕐᓂᖓᓂ ᑎᒥᐅᑉ ᐱᔪᓐᓇᕐᓂᖓᓂ ᓱᖏᐅᔾᔨᔭᕆᐊᖃᕐᓂᕐᒥ ᐊᓯᔾᔨᕐᓂᐅᔪᒧᑦ ᐊᕙᑎᖓᓐᓄᑦ ᐃᖅᑲᓇᐃᔭᕐᓂᕐᒥ ᓂᒡᓚᓱᒃᑐᒥ ᓯᓚᐅᔪᓂ).
ᓄᓇᖃᕐᓂᖅ ᐊᒻᒪ ᐃᖅᑲᓇᐃᔭᕐᓂᖅ ᓂᒡᓚᓱᒃᑐᒥ ᖃᓄᐃᓐᓂᐅᔪᓂ ᐃᓚᒋᔭᕗᑦ ᖃᐅᑕᒫᒥ ᐃᓅᓯᑦᑎᓐᓂ ᐅᑭᐅᖅᑕᖅᑐᒥ. ᐱᒻᒪᕆᐅᕗᖅ ᐃᕝᕕᑦ ᐊᒻᒪ ᐃᖅᑲᓇᐃᔭᖅᑎᑎᑦ ᕿᒥᕐᕈᓂᖏᓐᓂ ᐊᒻᒪ ᑐᑭᓯᐅᒪᓂᖏᓐᓂ ᐆᒥᖓ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᑭᓯᒋᐊᕈᑎᒃᓴᓂᑦ. ᐅᐸᒍᒃ ᖃᕋᓴᐅᔭᑎᒍᑦ ᒪᒃᐱᖅᑐᒐᑦᑎᓐᓂ ᑕᑯᓂᕐᒧᑦ   ᓂᓪᓕᓇᓗᐊᖅᑐᒥ ᖃᓄᐃᓐᓂᐅᔪᑦ ᓴᓇᕐᕈᑎᒃᑯᕕᖕᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᓐᓂᖅ ᐊᒻᒪᓗ ᓂᒡᓕᓇᖅᑐᒃᑯᑦ ᐅᖁᖅᑐᒃᑯᑦ ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᒥ , ᑕᒪᒃᑭᑦ ᐱᒻᒪᕆᐅᔪᓂ ᑐᑭᓯᒋᐊᕈᑎᒃᓴᖃᖅᐳᑦ ᐃᖅᑲᓇᐃᔭᕐᓂᕐᒧᑦ ᓂᒡᓚᓱᒃᑐᒥ ᖃᓄᐃᓐᓂᐅᔪᓄᑦ. ᖃᐅᔨᒋᐊᕈᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐱᖅᑯᑎᒃᓴᖃᕈᕕᑦ, ᐅᕝᕙᓘᓐᓃᑦ ᐱᔪᒪᒍᕕᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᕐᒥᑦ ᑕᐃᑲᙵᓪᓚᕆᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᖅᑎᐅᔪᓂ.
ᐊᕐᕌᒎᑉ ᐃᓚᖓᓐᓂ ᐊᒃᑐᐃᓲᒥᒃ ᓈᒻᒪᒍᓐᓃᕈᑕᐅᔪᑦ (SAD)

ᐊᕐᕌᒎᑉ ᐃᓚᖓᓐᓂ ᓂᑲᓪᓗᖓᓂᖅ, ᐊᓯᐊᒍᑦ ᖃᐅᔨᒪᔭᐅᔪᒥ ᐊᕐᕌᒎᑉ ᐃᓚᖓᓐᓂ ᐊᒃᑐᐃᓲᒥᒃ ᓈᒻᒪᒍᓐᓃᕈᑕᐅᔪᑦ ᖃᐅᔨᒪᔭᐅᕐᔪᐊᖅᖢᓂ ᑲᒪᓇᕐᓂᐅᕗᖅ ᐅᑭᐅᖅᑕᖅᑐᒥ. ᐱᔾᔪᑎᓪᓚᕆᖏᑦ ᖃᐅᔨᒪᔭᐅᙱᒃᑲᓗᐊᖅᖢᓂ, ᐅᒃᐱᕆᔭᐅᒐᔪᒃᐳᖅ ᓯᕿᓂᖃᙱᓐᓂᖅᓴᐅᔪᒥ ᐊᒻᒪ ᖃᓄᐃᓕᐅᕐᓂᐅᔪᒥ ᐅᑭᐊᒃᓵᒥ ᐊᒻᒪ ᐅᑭᐅᒃᑯᑦ ᑐᕌᖅᑎᑦᑎᓲᖑᓂᖓᓂ ᐃᒃᐱᒍᓱᖕᓂᐅᔪᒥ ᓂᑲᓪᓗᖓᓂᕐᒧᑦ, ᑕᖃᓯᒪᓂᕐᒧᑦ, ᐊᒻᒪ ᖁᐃᒃᑎᑉᐹᓪᓕᕐᓂᐅᔪᒥ. ᖁᕕᐊᓇᖅᑐᒥ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔭᕐᕕᖃᕐᓂᖅ ᐱᒻᒪᕆᐅᕗᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔭᖅᑎᖕᓄᑦ, ᑭᓯᐊᓂ ᐱᓕᕆᓂᑦᑎᐊᕙᐅᒋᕗᖅ.

ᐃᖅᑲᓇᐃᔭᖅᑎᖁᑎᓕᐅᑉ ᐱᔭᒃᓴᖏᑦ ᐱᔾᔪᑎᓕᖕᒥ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᔪᒥ ᐃᖅᑲᓇᐃᔭᕐᕕᖕᒥ

ᐅᕘᓇ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓕᖕᓂ (OHS Regulations) ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ, ᐃᖅᑲᓇᐃᔭᖅᑎᖁᑎᓕᑦ ᐃᒪᐃᑦᑕᕆᐊᖃᖅᐳᖅ:
  • ᓇᓗᓇᐃᖅᓯᓗᓂ ᐊᕙᑎᐅᔪᒥ ᓇᓗᓇᐃᖅᓯᔪᒥ ᖃᓄᐃᖏᑦᑎᐊᕐᓗᑎᒃ ᐊᒻᒪᓗ ᐊᑦᑕᓇᔾᔭᐃᖅᓯᒪᓗᑎᒃ ᐃᖅᑲᓇᐃᔭᖅᑎᖏᓐᓂ. (ᐊᕕᒃᓯᒪᓂᖓ 3, ᐃᓚᖓ 12).
  • ᓇᓗᓇᐃᖅᓯᓗᓂ ᐊᖓᔪᖅᑳᖑᔪᑦ ᑐᑭᓯᐅᒪᓂᖏᓐᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᓯᒪᔪᓂ ᐊᑐᐃᓐᓇᐅᔪᓄᑦ ᓴᓇᔨᐅᔪᓄᑦ, ᐊᒻᒪ ᑭᐅᓂᖏᓐᓂ ᐱᓕᕆᓂᐅᔪᓄᑦ ᐱᔭᕆᐊᓕᖕᓄᑦ ᓴᐳᔾᔨᓯᒪᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᓴᓇᔨᐅᔪᓂᑦ (ᐊᕕᒃᓯᒪᓂᖓ 3, ᐃᓚᖓ 16).
  • ᓇᓗᓇᐃᖅᓯᓗᓂ ᓴᓇᔨᓕᒫᑦ ᐱᓕᒻᒪᒃᓴᖅᑕᐅᓗᑎᒃ ᐱᓕᕆᓂᐅᔪᓂ ᓴᐳᔾᔨᓯᒪᓂᐊᖅᑐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (ᐊᕕᒃᓯᒪᓂᖓ 3, ᐃᓚᖓ 18).
ᑕᓪᓕᒪᓂ ᐱᓕᕆᓂᐅᔪᓂ ᐊᔭᐅᕆᓂᕐᒧᑦ ᐃᓱᒪᒧᑦ ᖃᓄᐃᙱᑦᑎᐊᕐᓂᕐᒧᑦ ᐃᖅᑲᓇᐃᔭᕐᕕᖕᓂᑦ

ᐃᓱᒪᒧᑦ ᖃᓄᐃᙱᑦᑎᐊᕐᓂᖅ ᐅᖃᐅᓯᐅᔪᒪᙱᑐᐃᓐᓇᕆᐊᖃᕋᓗᐊᖅᑎᓪᓗᒍ, ᐃᓄᑐᐃᓐᓇᐃᑦ ᓂᕈᐊᕈᓐᓇᖅᐳᑦ ᐋᒃᑲᓘᓐᓃᑦ ᓯᕗᒻᒧᐊᕆᓂᖏᓐᓂ, ᐊᒥᓱᓂ ᐱᓕᕆᓂᖃᕈᓐᓇᖅᐳᖅ ᐊᑐᕈᓐᓇᖅᑕᕐᓂ ᐃᖅᑲᓇᐃᔭᖅᑎᖁᑎᓕᐅᓗᑎᑦ ᐃᑲᔪᕐᓂᕐᒧᑦ ᐋᖅᑭᒃᓱᐃᓂᕐᒥ ᐃᖅᑲᓇᐃᔭᕐᕕᖕᒥ ᐃᒃᐱᖕᓇᖅᑐᒥ ᐊᑦᑕᓇᙱᓐᓂᖓᓂ ᐃᖅᑲᓇᐃᔭᖅᑎᓄᑦ ᐅᖃᐅᓯᖃᕐᓂᕐᒧᑦ ᐱᓕᕆᓂᐅᔪᓂ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᔪᒥ:
  1. ᐊᑕᐅᓯᕐᒥ ᐅᓪᓛᖑᔪᒥ ᓴᓇᕐᕈᑎᒃᑯᕕᖕᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᓐᓂᕐᓂ ᑭᐅᓂᖓᓂ ᐊᑲᐅᙱᓕᐅᕈᑕᐅᔪᓂᑦ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᔪᒥᑦ. ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᐱᐅᔪᒻᒪᕆᐊᓗᖕᓂ ᐊᑭᖃᙱᑦᑐᓂ ᐃᑲᔪᕈᑎᒃᓴᖃᖅᐳᑦ ᐃᓱᒪᒧᑦ ᖃᓄᐃᙱᑦᑎᐊᕐᓂᕐᒧᑦ ᐃᖅᑲᓇᐃᔭᕐᕕᖕᒥ, ᐊᒻᒪᓗ ᖃᓄᖅ ᑭᐅᓂᕐᒧᑦ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᔪᒥ. ᐅᖃᐅᓯᖃᕐᓗᑎᑦ ᐃᖅᑲᓇᐃᔭᖅᑎᓄᑦ ᐃᓗᐊᙱᑐᐃᓐᓇᕆᐊᖃᕐᓂᖏᓐᓂ ᐅᓂᒃᑳᕆᓂᕐᒧᑦ ᐃᖅᑲᓇᐃᔭᕐᕕᖕᒥ, ᐱᓕᕆᓂᑕᖃᕐᓂᖓᓂ ᕿᓂᕐᓂᕐᒧᑦ ᐃᑲᔪᖅᓱᐃᓂᕐᓄᑦ. ᓇᓗᓇᐃᖅᓯᓗᓂ ᑕᑯᒃᓴᐅᑦᑎᐊᖅᑐᒥ ᐊᒻᒪ ᐊᑐᐃᓐᓇᐅᔪᓄᑦ ᐅᖃᐅᓯᒃᓴᓂ ᐃᑲᔪᖅᓱᐃᓂᐅᔪᓄᑦ ᐅᕘᓇ ᑲᒻᐸᓂᐅᔪᒃᑯᑦ ᐱᕚᓪᓕᕈᑕᐅᔪᓄᑦ ᐱᓕᕆᐊᖑᔪᒥ, ᐅᕝᕙᓘᓐᓃᑦ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ.
  2. ᑲᒪᒋᔭᖃᕐᓗᑎᑦ ᐅᓪᓛᒃᑯᑦ ᓴᓇᕐᕈᑎᒃᑯᕕᖕᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᖃᑎᒋᓐᓂᐅᔪᒥ  ᐃᖅᑲᓇᐃᔭᕐᕕᖕᒥ ᐱᑦᑎᐊᙱᓐᓂᐅᔪᒧᑦ ᐊᒻᒪᓗ ᐸᕝᕕᓵᕆᓂᖅ. ᓇᓗᓇᐃᖅᓯᓗᑎᑦ ᐃᖅᑲᓇᐃᔭᖅᑎᑎᑦ ᑐᑭᓯᑦᑎᐊᕐᓂᖏᓐᓂ ᐱᑦᑎᐊᙱᓐᓂᐅᔪᒥ ᐊᒻᒪ ᐸᒡᕕᓵᕆᓂᖅ ᖃᓄᖅ ᑕᐅᑦᑐᖃᕐᓂᖓᓂ, ᐊᒻᒪ ᐃᑲᔪᖅᓱᐃᓂᕐᓂ ᐸᕝᕕᓵᕆᓂᖃᙱᑦᑐᒥ ᐃᖅᑲᓇᐃᔭᕐᓂᕐᒧᑦ ᐊᕙᑎᐅᔪᒥ.
  3. ᓂᕕᙵᑕᓂ ᐅᖃᐅᔾᔨᔪᓂ ᐃᖅᑲᓇᐃᔭᖅᑎᓂᑦ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᔪᒥ ᑎᑎᕋᕐᕕᖕᒥᒪ ᐊᔭᐅᕆᓗᑎᑦ ᐃᖅᑲᓇᐃᔭᖅᑎᓂᑦ ᐱᓂᖏᓐᓂ ᐊᑐᒐᒃᓴᖏᓐᓂ ᓄᖅᑲᖓᓚᐅᑲᖕᓂᐅᔪᓂ ᐅᓪᓗᒃᑯᑦ ᐃᓱᒪᒧᑦ ᐊᒻᒪ ᑎᒥᒧᑦ ᖃᓄᐃᙱᑦᑎᐊᖁᓪᓗᒋᑦ, ᐃᑲᔪᖅᓱᐃᓗᑎᑦ ᐱᒋᐊᕈᑕᐅᔪᓂ ᓲᕐᓗ  ᐊᐅᐸᔮᖅᑐᖅ ᐅᕕᓂᕈᖅ ᐅᓪᓗᖓᓂ, ᐊᒻᒪ ᐃᑲᔪᖅᓱᐃᓗᑎᑦ ᐊᓯᖏᓐᓂ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᔪᓂ ᐱᒋᐊᕈᑕᐅᔪᓂ ᓄᓇᓕᖕᓂ ᑕᑯᒃᓴᐅᑎᑦᑎᔪᓂ ᑲᑐᔾᔨᖃᑎᒌᖑᔪᑦ ᑐᑭᓯᐅᒪᓂᖓᓐᓂ ᐊᒻᒪ ᓇᒡᓕᒍᓱᖕᓂᖓᓂ ᐃᓄᖕᓄᑦ ᐊᐅᓚᑦᑎᔪᓂ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᔪᒥ ᐊᑲᐅᙱᓕᐅᕈᑕᐅᔪᓂᑦ.
  4. ᖃᐅᔨᒋᐊᒐᔪᒡᓗᑎᑦ ᐃᖅᑲᓇᐃᔭᖅᑎᖕᓂᑦ ᓇᓗᓇᐃᖅᓯᓂᕐᒧᑦ ᐱᓕᕆᐊᒃᓴᖏᑦ ᓈᒻᒪᖕᓂᖏᓐᓂ ᐊᒻᒪ ᐊᒃᓱᕉᓴᓗᐊᙱᓐᓂᖓᓐᓄᑦ.
  5. ᑐᓂᓯᓗᑎᑦ ᐃᓱᒪᒧᑦ ᖃᓄᐃᙱᑦᑎᐊᕐᓂᕐᒧᑦ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐱᓕᒻᒪᒃᓴᕐᓂᐅᔪᒥ ᐊᖓᔪᖅᑳᖑᔪᓄᑦ ᐊᒻᒪ ᐃᖅᑲᓇᐃᔭᖅᑎᖕᓄᑦ, ᐊᒻᒪ ᑐᑭᓯᐅᒪᓂᕐᒧᑦ ᓇᓗᓇᐃᒃᑯᑕᐅᔪᓂ ᐊᒻᒪ ᐋᓐᓂᐊᕈᑕᐅᖃᑦᑕᖅᑐᓄᑦ ᑭᓇᑐᐃᓐᓇᒧᑦ ᐋᓐᓂᐊᕈᑎᖃᖅᑐᒥ.
ᐃᓱᒪᒧᑦ ᖃᓄᐃᙱᑦᑎᐊᕐᓂᖅ ᐊᑲᐅᙱᓕᐅᕈᑕᐅᕗᖅ ᖃᖓᓕᒫᑦᑎᐊᖅ ᐊᕐᕌᒍᒥ, ᑭᓯᐊᓂ ᐅᑭᐅᖑᕐᔪᐊᖅᑎᓪᓗᒍ ᐅᑭᐅᖅᑕᖅᑐᒥ, ᐱᒻᒪᕆᐅᓂᖅᓴᐅᓲᖑᕗᖅ ᑲᒪᒋᔭᖃᑦᑎᐊᕐᓂᕐᒥ ᒪᑐᐃᖓᔪᒥ ᐅᖃᓪᓚᖃᑎᖃᕐᓂᐅᔪᒥ ᐊᒻᒪ ᐃᑲᔪᖅᓱᐃᓂᕐᒥ.
ᐊᑐᖅᑕᐅᔪᓐᓇᖅᑐᑦ ᑕᑯᒃᓴᐅᑎᑕᐅᓂᖓ: ᓂᕿᓕᐅᕐᓂᕐᒧᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ
ᐊᓯᖕᓄᑦ ᑐᓂᐅᖅᑲᕐᓗᒋᑦ. ᕿᒥᕐᕈᓗᒋᑦ. ᐊᑏᓗᒃᑲᓐᓂᖅ.



ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑮᓯᒪᔪᑦ ᓴᓇᕐᕈᑎᒃᑯᕕᖕᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᓐᓂᖅ ᑐᖄᖅᑎᑕᐅᓪᓗᓂ ᒪᒃᑯᒃᑐᓄᒃ ᐃᖅᑲᓇᐃᔭᖅᑎᐅᔪᓄᑦ ᐃᓚᒋᔭᐅᓪᓗᓂ ᓇᖕᒥᓂᖁᑎᕗᑦ ᐊᐱᕆᒋᑦ. ᐃᕝᕕᑦ ᓈᒻᒫᓂᒃᐳᑎᑦ ᑐᕌᒐᐅᑎᑕᐅᔪᖅ. ᑕᒪᒃᑯᐊ ᐃᓕᓐᓂᐊᕈᑏᑦ ᓴᓇᕝᕕᖕᒧᓪᓚᕆᒃ ᓇᓗᓇᐃᖅᓯᓯᒪᔪᑦ, ᑭᓯᐊᓂᓕ ᐃᓗᓕᓖᑦ ᐅᖃᐅᓯᒃᓴᓂᒃ ᐊᑐᖅᑐᓂ ᐊᒥᓱᓄᑦ ᖃᓄᐃᓐᓂᐅᕙᒃᑐᓄᑦ. ᐃᓕᓐᓂᐊᖅᑎᑦᑎᔨᒥᒃ ᐊᒻᒪᓗ ᐃᓕᓐᓂᐊᖅᑎᓄᑦ ᑐᕌᖓᔪᖃᖅᐳᖅ ᑎᑎᕋᖅᑕᐅᓯᒪᔪᑦ ᐊᑐᓂ ᐅᖃᐅᓯᐅᔪᓄᑦ.
  • ᐃᓕᓐᓂᐊᖅᑎᑦᑎᔩᑦ ᒪᓕᒃᑕᐅᔪᓐᓇᖅᑐᑦ ᐃᓗᓕᖃᖅᑐᑦ ᐅᖃᐅᓯᐅᔪᑦ−ᑖᒃᑯᓄᖓᓪᓚᕆᒃ ᒪᓕᒃᑕᐅᔪᓐᓇᖅᑐᓂᒃ ᑕᒪᒃᑯᓄᖓ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᕐᓂᕐᓂᒃ ᑕᐃᑲᓂ ᐃᖅᑲᓇᐃᔭᕐᕕᖕᒥᑦ, ᐊᒻᒪᓗᑦᑕᐅᖅ ᐅᖃᐅᓯᒃᓴᖃᕈᓐᓇᕐᓂᕐᒧᑦ ᑐᕌᖅᑎᑦᑎᓂᕐᒧᑦ ᐅᖃᖃᑎᒌᖕᓂᐅᔪᒥ.
  • ᐃᓕᓐᓂᐊᖅᑎᓄᑦ ᐋᖅᑭᒃᑕᐅᓯᒪᔪᑦ ᐊᑐᐃᓐᓇᐅᑎᑦᑎᔪᖅ ᓇᐃᑦᑐᓂᒃ ᐅᓂᒃᑳᖅᓯᒪᔪᓂᒃ ᐊᑦᑕᕐᓇᖅᑐᓂᒃ, ᐊᒃᑐᐊᔪᓂᒃ ᐊᔾᔨᙳᐊᓂᒃ, ᐊᒻᒪᓗ ᑎᑎᕋᐅᔭᖅᓯᒪᔪᓂᒃ, ᐊᒻᒪ ᑎᑎᕋᖅᓯᒪᓂᒃ ᖁᐊᖅᓵᕐᓇᖅᑐᓂᒃ ᐊᒃᑐᐊᔪᓂᒃ ᐅᖃᐅᓯᐅᔪᓄᑦ. 
ᓂᕿᓕᐅᕐᓂᕐᒧᑦ ᓴᓇᕐᕈᑎᒃᑯᕕᖕᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᓐᓂᑦ

 
ᐃᖅᑲᓇᐃᔭᕐᓂᖅ ᐱᓕᕆᕕᒡᔪᐊᓕᖕᒥ ᓂᕿᓕᐅᕐᕕᖓᓂ ᓱᒃᑲᔫᕗᖅ, ᐊᒃᓱᕈᕐᔪᐊᕐᓇᖅᖢᓂ, ᐊᒻᒪ ᑎᒥᒧᑦ ᐊᒃᓱᕈᕐᓇᖅᖢᓂ. ᑕᐃᒪᐃᒐᔪᒃᑐᖅ, ᓯᕗᓪᓕᖅᐸᐅᓪᓗᓂ ᐃᖅᑲᓇᐃᔮᕆᔭᐅᒐᔪᒃᐳᖅ ᐊᒥᓱᓄᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑏᓄᑦ! ᐱᓕᕆᓂᖅ ᐊᒻᒪ ᐊᕙᑎᖓ ᐊᑦᑕᓇᔾᔭᐃᖅᓯᒪᓂᕐᒥ ᐱᒻᒪᕆᐅᔪᒥ ᐅᖃᓪᓚᖕᓂᖃᕆᐊᖃᕐᓂᖓᓂ. ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔾᔪᔾᔨᕙᒃᑕᕐᓄᑦ ᐅᖃᓪᓚᐅᓯᖃᕐᓂᐅᒐᔪᒃᑎᓪᓗᒍ, ᓇᓕᒧᑦᑐᒥ ᐱᒻᒪᕆᐅᒋᕗᖅ ᐃᖅᑲᓇᐃᔭᖅᑎᕕᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᑐᐃᖓᑦᑎᐊᖅᑐᒥ ᐅᖃᓪᓚᐅᓯᐅᕙᖕᓂᖓᓂ ᖃᐅᑕᒫᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓂᕿᓕᐅᕐᓂᕐᒧᑦ ᓴᓇᕐᕈᑎᒃᑯᕕᖕᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᓐᓂᑦ ᖃᔅᓯᒐᓚᖕᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᐅᓯᒃᓴᓂ ᐱᑕᖃᒐᔪᒃᑐᓂ ᓇᓕᐊᑐᐃᓐᓇᓂ ᓂᕿᓕᐅᕐᕕᓂᑦ: ᐃᖅᑲᓇᐃᔭᕐᓂᕐᒥ ᐆᓇᖅᑐᓂ ᖄᖑᔪᓂ ᐱᒻᒪᕆᐅᓂᖓᓄᑦ ᐃᒡᓗᒥᒃ ᐸᖅᑭᑦᑎᐊᕐᓂᕐᒥ, ᐱᓕᒻᒪᒃᓴᐃᔭᕆᐊᖃᖅᐳᑎᑦ ᐃᖅᑲᓇᐃᔭᖅᑎᖕᓂᑦ ᓯᕗᓂᐊᓂ ᐃᖅᑲᓇᐃᔭᓕᓚᐅᖅᑳᕋᑎᒃ ᐊᑦᑕᕐᓇᖅᑐᓂᑦ. ᐅᑯᐊ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᑦ ᐱᓕᕆᓂᑦᑎᐊᕙᐅᕗᑦ ᓇᓕᐊᑐᐃᓐᓇᓄᑦ ᐃᖅᑲᓇᐃᔭᕐᕕᒋᔭᐅᓂᐊᖅᑐᓄᑦ.

ᐊᑐᐃᓐᓇᐅᔪᓄᑦ ᓂᕿᓕᐅᕐᓂᕐᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᑦ:
ᑭᒃᑯᑦ ᐊᑐᕋᔭᖅᐸᑦ ᑖᒃᑯᓂᐊ ᐊᑦᑕᓇᔾᔭᐃᖅᓯᒪᓂᕐᒧᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ?
  • ᐃᓕᓐᓂᐊᖅᑎᑦᑎᔩᑦ - ᐃᓕᓐᓂᐊᖅᑎᑦᑎᓲᖑᒍᕕᑦ ᐅᕝᕙᓘᓐᓃᑦ ᐊᔪᕆᖅᓱᐃᕙᒃᑯᕕᑦ ᓂᕿᓕᐅᕆᓂᕐᒧᑦ, ᐅᑯᐊ ᐊᓕᓚᔪᐃᑦ ᓈᒻᒪᑦᑎᐊᖅᐳᑦ ᐃᓕᖕᓄᑦ! ᑐᓂᐅᖅᑲᕐᓗᒍ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐃᓕᓐᓂᐊᖅᑎᓄᑦ ᐅᕝᕙᓘᓐᓃᑦ ᐃᓕᓐᓂᐊᓯᓐᓈᖅᑐᓄᑦ ᐃᖅᑲᓇᐃᔭᖅᑎᐅᔪᓄᑦ ᐱᓱᒍᑎᑎᓪᓗᑎᑦ ᓂᕿᓕᐅᕐᕕᖕᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᓱᖏᐅᓴᐃᓂᕐᒧᑦ.
  • ᐃᖅᑲᓇᐃᔭᕐᕖᑦ - ᑖᒃᑯᐊ ᐸᐃᑉᐹᑦ ᐃᓚᓕᐅᑎᒃᑲᓐᓂᕈᓐᓇᖅᐳᑦ ᐃᖅᑲᓇᐃᔭᕐᕕᖕᓂᑦ−ᑖᔅᓱᒧᖓᓪᓚᕆᒃ ᓱᖏᐅᓴᐃᓂᕐᒧᑦ ᐊᒻᒪᓗ ᐃᓕᓐᓂᐊᕐᓂᕐᒧᑦ ᐱᓕᒻᒪᒃᓴᕐᓂᖏᓐᓄᑦ. ᐃᓕᓐᓂᐊᖅᑏᑦ ᑐᓂᓗᒋᑦ ᐃᓕᓐᓂᐊᖅᑎᓯᐅᑎᓂᒃ ᑖᒃᑯᓄᖓ ᒪᒃᑯᒃᑐᓄᑦ ᐊᒻᒪᓗ ᓄᑖᓄᑦ ᐃᖅᑲᓇᐃᔭᖅᑎᓄᑦ, ᐊᒻᒪ ᐊᑐᕐᓗᒍ ᐃᓕᓐᓂᐊᖅᑎᑦᑎᔨᐅᑉ ᐊᑐᐊᒐᖓ ᒪᓕᒃᑎᑉᐸᓪᓕᐊᓗᒋᑦ ᒪᒃᑯᒃᑐᓂ ᐃᖅᑲᓇᐃᔭᖅᑎᒥ(ᓂᑦ) ᐊᑦᑕᕐᓇᖅᑐᓂᑦ ᓇᓗᓇᐃᖅᓯᓂᐅᔪᒥ ᐊᒻᒪ ᐊᑦᑕᕐᓇᖅᑐᓂᑦ ᐊᐅᓚᑦᑎᓂᐅᔪᒥ. ᐊᑐᕐᓗᒋᑦ ᒪᒃᑯᒃᑐᓄᑦ ᐊᒻᒪᓗ ᓄᑖᓄᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓱᖏᐅᓴᐃᔾᔪᑎᑦ ᖃᐅᔾᔪᑎᒥᑦ ᖃᐅᔨᓴᖅᓯᓂᕐᒧᑦ ᑕᒪᒃᑭᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᓱᖏᐅᓴᐃᔾᔪᑎᑦ  ᐅᖃᐅᓯᐅᓂᐅᔪᑦ ᐊᑐᕐᓂᖃᖅᑐᓂ ᐱᓕᕆᓂᕆᕙᒃᑕᕐᓄᑦ. ᑐᖅᑯᕐᓗᒍ ᐱᓕᕆᐊᖑᔪᓄᑦ ᑎᑎᖅᑕᐅᕙᓪᓕᐊᓂᐅᔪᑦ ᐃᖅᑲᓇᐃᔭᖅᑎᐅᑉ ᑎᑎᖅᑲᖁᑎᖃᕐᕕᓪᓚᕆᖏᓐᓄᑦ ᑕᐃᑲᓃᖏᓐᓇᐳᔭᕐᓂᐊᖅᑐᓄᑦ ᑎᑎᕋᖅᑕᐅᓯᒪᖁᓪᓗᒋᑦ ᐊᑦᑕᕐᓇᖅᑕᐅᓕᒪᓂᕐᒧᑦ ᐱᓕᒻᒪᒃᓴᕐᓂᐅᔪᓂ ᐅᖃᐅᓯᕆᓯᒪᔭᕐᓂ ᓇᓗᓇᐃᖅᑕᐅᓯᒪᔪᓄᑦ ᐅᖃᐅᓯᐅᔪᓄᑦ.
  • ᐃᓕᓐᓂᐊᖅᑏᑦ ᐊᒻᒪᓗ ᒪᒃᑯᒃᑐᑦ ᐃᖅᑲᓇᐃᔭᖅᑏᑦ - ᒪᒃᑯᒃᑐᑦ ᐃᖅᑲᓇᐃᔭᖅᑏᑦ ᑐᑭᓯᐅᒪᔭᕆᐊᖃᖅᐳᑦ ᐊᑦᑕᕆᔭᐅᔪᓂ ᐃᖅᑲᓇᐃᔭᕐᕕᖓᓐᓂᑦ. ᐅᑯᓄᖓ ᓴᓇᕐᕈᑎᒃᑯᕕᖕᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᓐᓂᑦ, ᐊᖏᔪᖅᑳᑦ ᐊᒻᒪᓗ ᐃᓕᓐᓂᐊᖅᑎᑦᑎᔨᓂᑦ ᐃᓕᓴᐃᔪᓐᓇᖅᐳᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᖁᑎᖏᓐᓄᑦ ᖃᓄᖅ ᐅᖃᓪᓚᖃᑎᖃᓯᒋᐊᕈᓐᓇᕐᒪᖔᑕ ᐊᑦᑕᕐᓇᖅᑕᐃᓕᒪᓂᐅᑉ ᒥᒃᓵᓄᑦ. ᐃᓕᓐᓂᐊᖅᑎᓄᑦ ᒪᓕᒃᑕᐅᔪᓐᓇᖅᑐᑦ ᐊᑐᖅᑕᐅᔪᓐᓇᕐᒪᑕ ᐃᓄᑐᐊᖑᓗᑎᒃ ᑖᓐᓇᑐᐊ, ᐃᑲᔪᖅᓱᐃᔪᖅ ᐃᖅᑲᓇᐃᔭᕐᕕᖏᓐᓄᑦ ᓇᓗᓇᐃᖅᓯᒪᓪᓚᕆᒃᑐᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᖅᑐᓕᕆᓂᕐᒧᑦ. ᐅᖃᐅᔾᔨᓗᒋᑦ ᒪᒃᑯᒃᑐᑦ ᐃᖅᑲᓇᐃᔭᖅᑎᖁᑎᑎᑦ ᓇᒥ ᓇᓂᓯᔪᓐᓇᕐᓂᖏᓐᓂ ᐅᑯᓂᖓ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᓕᓚᔪᓂᑦ, ᐊᒻᒪ ᐊᓯᖏᓐᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᐅᓯᒃᓴᓂ ᐊᑑᑎᖃᖅᑐᓂ ᐃᖅᑲᓇᐃᔭᕐᕕᖕᓄᑦ. 
ᑕᑯᔭᖅᑐᕐᓗᒍ ᖃᕆᑕᐅᔭᒃᑯᑦ ᐃᑭᐊᖅᑭᕕᒃᐅᑦ ᑕᑯᖁᓪᓗᓯ ᐊᑕᖏᖅᑐᓂᒃ ᑎᑎᕋᖅᓯᒪᔪᓂᒃ ᐊᑐᐃᓐᓇᐅᔪᓂᒃ ᐊᐱᕆᒋᑦ. ᐃᕝᕕᑦ ᓈᒻᒫᓂᒃᐳᑎᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ .
wscc.nt.ca   /  1.800.661.0792   *   wscc.nu.ca  /  1.877.404.4407