 |
 |
ᖁᕕᐊᓱᒡᕕᖕᒥ ᕿᑲᕐᓇᐅᓂᖓᓂ ᐃᖅᑲᓇᐃᔭᕐᓂᖅ
 ᐊᒥᓱᓄᑦ, ᑎᓯᐱᕆ ᖁᕕᐊᓱᖕᓂᐅᕗᖅ ᐃᓚᒌᖑᔪᓄᑦ ᐊᒻᒪ ᐱᖃᓐᓇᕆᔭᓄᑦ. ᑭᓯᐊᓂ, ᑕᒪᑐᒪᓂ ᑕᖅᑭᒥ ᓇᒃᓴᕈᓐᕆᕗᖅ ᐅᓄᖅᑐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒃᓱᕈᕈᑕᐅᔪᓂᑦ. ᑖᓛᖑᓪᓗᓂ ᑕᖅᑭᐅᕗᖅ, ᓇᒃᓴᒐᔪᒃᑐᒥ ᓯᓚᒥ ᓂᒡᓚᓱᓛᖑᖃᑕᐅᔪᓂ ᐊᕐᕌᒍᒦ. ᐅᓄᖅᑐᑦ ᐃᖅᑲᓇᐃᔭᖅᑎᑦ ᕿᑲᓚᐃᑲᓲᖑᕗᑦ, ᐊᒻᒪᓗ ᐃᖅᑲᓇᐃᔭᖃᑎᒌᒃᑐᑦ ᕿᒪᒃᑕᐅᔪᑦ ᐊᐅᓚᑦᑎᓂᕐᒥ ᐱᓕᕆᐊᒃᓵᓗᖕᓂ ᐃᓄᑑᓗᑎᒃ ᐱᓕᕆᖃᑦᑕᑐᐃᓐᓇᕆᐊᖃᖅᐳᑦ. ᓂᒡᓚᓱᕐᔪᐊᕐᓂᐅᔪᑦ ᐊᕐᕌᒍᒥ ᐱᒻᒪᕆᐅᑎᑦᑎᕗᖅ ᐃᖅᑲᐃᑎᑦᑎᓂᕐᒧᑦ ᐃᖅᑲᓇᐃᔭᖅᑎᓂᑦ ᖃᓄᖅ ᐱᓕᕆᔭᕆᐊᖃᕐᓂᖏᓐᓂ ᐊᑦᑕᓇᙱᑦᑐᒥ ᐅᑯᓇᓂ ᖃᓄᐃᓐᓂᐅᔪᓄᑦ ᐊᒻᒪᓗ ᑐᑭᓯᐅᒪᑦᑎᐊᕐᓂᖏᓐᓂ ᐊᑦᑕᓇᖅᑐᖃᙱᑦᑐᒥᒃ ᓴᓇᓂᒃᑯᑦ ᐱᐅᓯᖏᓐᓂᑦ ᐱᔭᕆᐊᖃᖅᑐᓂ ᐃᖅᑲᓇᐃᔮᒥᓂᑦ ᐊᑦᑕᓇᙱᑦᑐᒥ ᐱᓕᕆᓂᕐᒧᑦ. ᑐᕌᒐᒃᓴᖓ ᑕᒪᒃᑭᑦᑎᐊᓂ ᐃᖅᑲᓇᐃᔭᖅᑎᓂᑦ ᐊᖏᕐᕋᑦᑎᐊᖃᑦᑕᖁᓪᓗᒋᑦ ᐅᓪᓘᑉ ᐃᓱᐊᓂ.
ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᐃᓯᒋᐊᕈᑎᑦ
ᓂᓪᓕᓇᓗᐊᖅᑐᒥ ᖃᓄᐃᓐᓂᐅᔪᑦ:
ᑎᓯᐱᕆ ᑕᑯᒐᔪᒃᐳᖅ ᓯᓚᒥ ᓂᒡᓚᓱᖕᓂᐅᔪᓂ ᑕᐅᕙᓂᒐᓚᒃ -30°C−ᒥ, ᐊᒻᒪ ᑲᑎᒪᔭᖅᑐᑲᐅᖅᑐᕋᓗᐊᕈᑎᒃ, ᑳᐱᒥᒃ ᐊᐃᒃᓯᓵᕋᓱᐊᕐᓗᑎᒃ, ᐅᕝᕙᓘᓐᓃᑦ ᓯᓚᒥ ᐃᖅᑲᓇᐃᔭᕐᓂᐊᖅᓗᑎᒃ, ᐃᖅᑲᓇᐃᔭᖅᑏᑦ ᐊᓐᓄᕌᖅᓯᒪᑦᑎᐊᕆᐊᖃᖅᐳᑦ ᓯᓚᒧᑦ.
- ᐱᑎᑦᑎᑦᑕᐃᓕᒪᓂᕐᒧᑦ ᑐᑭᓯᒋᐊᕈᑎᒃᓴᑦ: ᓯᓚᐅᑉ ᓂᒡᓚᓱᖕᓂᖓ ᑕᐅᕙᓂᒐᓚᒃ -30°C−ᒥ ᐅᕕᓂᖕᒥ ᓱᔪᐃᔪᓐᓇᖅᐳᖅ ᖃᔅᓯᐊᕐᔪᑐᐃᓐᓇᕐᓂ ᒥᓂᑦᓂ. ᐃᖅᑲᑎᓪᓗᒋᑦ ᐃᖅᑲᓇᐃᔭᖅᑏᑦ ᖃᓕᕇᓂᑦ ᐊᓐᓄᕌᖃᑦᑕᕐᓂᕐᒧᑦ (ᕿᓚᒻᒥᐅᒐᓗᐊᒥ ᐊᖅᑯᒻᒥ ᐃᑳᕐᓂᐊᖅᑎᓪᓗᒋᑦ), ᐃᒥᖅᐸᒡᓗᑎᒃ ᐆᓇᔪᒃᑐᓂ ᑎᓴᐃᖓᔪᒥ ᐊᒻᒪ ᓂᕿᓂᑦ. ᓯᓚᒥ ᐃᖅᑲᓇᐃᔭᖅᑎᓪᓗᒋᑦ, ᓇᓗᓇᐃᖅᓯᓗᓂ ᐊᑐᐃᓐᓇᖃᕐᓂᖏᓐᓂ ᐅᖅᑰᓂᐅᔪᒥ ᐃᓂᐅᔪᒥ ᕿᑲᓚᐅᑲᖕᓇᐅᔪᒥ, ᐊᒻᒪ ᑭᒡᓕᖃᖅᑎᑦᑎᓗᓂ ᐊᑲᓂᐅᓂᖓᓂ ᐊᓃᕐᓂᐊᕐᓂᖏᓐᓂ. ᑕᑯᒋᐊᕐᓗᒍ ᓂᒡᓕᓇᖅᑐᒃᑯᑦ ᐅᖁᖅᑐᒃᑯᑦ ᖃᓄᐃᓐᓂᐅᔪᓄᑦ ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᒧᑦ ᖃᐅᔨᒋᐊᒃᑲᓐᓂᕐᓂᕐᒧᑦ ᖃᐅᔨᒋᐊᒃᑲᓐᓂᕐᓂᕐᒧᑦ.
ᓱᓐᓂᐅᒪᓂᖅ:
ᖁᕕᐊᓱᒡᕕᒃᓯᐅᒐᔪᖕᓂᐅᔪᒥ, ᐊᒻᒪ ᐊᔭᐅᕆᓂᐅᔪᒥ ᐸᕐᓇᒃᐸᓪᓕᐊᓂᕐᒧᑦ ᖁᕕᐊᓱᒡᕕᖕᒧᑦ, ᐱᑕᖃᑐᐃᓐᓇᕆᐊᖃᕐᒪᑦ ᐃᖅᑲᓇᐃᔭᖅᑎᖕᓂᑦ ᐃᖅᑲᓇᐃᔭᕆᐊᕐᓂᖏᓐᓂ ᑕᖃᖓᓗᑎᒃ, ᐅᕝᕙᓘᓐᓃᑦ ᓱᓕ ᓱᓐᓂᐅᒪᓗᑎᒃ ᐃᒥᐊᓗᖕᒧᑦ ᐅᕝᕙᓘᓐᓃᑦ ᓱᕋᐃᓂᐅᙱᑦᑐᒥ ᓱᐴᖅᑐᒐᕐᓂ ᓱᓐᓂᕈᑕᐅᓲᓄᑦ. ᐃᖅᑲᓇᐃᔭᖅᑏᑦ ᐃᖅᑲᓇᐃᔮᒥᓂᑦ ᐊᑦᑕᓇᙱᓪᓗᓂ ᐱᓕᕆᑦᑎᐊᕆᐊᖃᖅᐳᑦ, ᐊᒻᒪ ᓱᓐᓂᐅᒪᓗᓂ - ᓱᓇᑐᐃᓐᓇᒧᑦ ᐱᔾᔪᑎᖃᕐᓗᓂ - ᐊᒃᑐᐃᔪᓐᓇᖅᐳᖅ ᐊᑦᑕᓇᙱᓪᓗᓂ ᐱᓕᕆᓂᑦᑎᓐᓂ.
- ᐱᑎᑦᑎᑦᑕᐃᓕᒪᓂᕐᒧᑦ ᑐᑭᓯᒋᐊᕈᑎᒃᓴᑦ: ᓱᓐᓂᐅᒪᓂᖅ ᐊᔾᔨᒌᙱᕈᓘᔭᖅᑐᓂᙶᕈᓐᓇᖅᐳᑦ: ᑕᖃᓯᒪᓂᖅ, ᐊᒃᓱᕉᓴᖕᓂᕐᓂᖅ, ᐃᒥᐊᓗᒃ ᐅᕝᕙᓘᓐᓃᑦ ᒪᓕᒐᒥ ᓱᕋᐃᓂᐅᙱᑦᑐᒥ ᓱᐴᖅᑐᒐᕐᓂ ᓱᓐᓂᕈᑕᐅᓲᓂᑦ (ᐃᓚᖃᖅᑐᒥ ᕿᑲᕈᑎᒃᓴᓄᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐊᒻᒪ ᐃᓅᓕᓴᐅᑎᓄᑦ ᓂᐅᕕᖅᑕᐅᕙᒃᑐᓄᑦ ᐅᕝᕙᓘᓐᓃᑦ ᓘᒃᑖᒃᑯᑎᒍᑦ ᐱᔪᓐᓇᐅᑎᑎᒍᑦ ᐄᓅᓕᓴᐅᑎᑦ). ᐅᐸᒍᒃ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᑦᑎᓐᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᕐᓂᑦ ᐊᔾᔨᒌᙱᕈᓘᔭᖅᑐᓄᑦ ᐋᖅᑭᒃᓯᒪᓂᐅᔪᓄᑦ ᓱᓐᓂᐅᒪᓂᕐᒧᑦ, ᐅᕝᕙᓘᓐᓃᑦ ᐅᖃᓕᒫᕐᓗᑎᑦ ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᒥ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐅᓂᒃᑳᕆᓯᒪᑦᑎᐊᖅᑐᓄᑦ ᐅᖃᐅᓯᒃᓴᓄᑦ.
- ᖃᐅᔨᒪᒋᑦ ᓇᓗᓇᐃᒃᑯᑕᐅᔪᓂ ᓱᓐᓂᐅᒪᓂᕐᒥ, ᐊᒻᒪ ᐃᖅᑲᐃᑎᓪᓗᒋᑦ ᐃᖅᑲᓇᐃᔭᖅᑏᑦ ᑲᒪᒋᔭᖃᕐᓂᖏᓐᓂ ᐃᖅᑲᓇᐃᔭᕐᕕᓕᐊᕐᓂᖏᓐᓂ ᕿᑦᑕᐃᖓᑦᑎᐊᕐᓗᑎᒃ ᐊᒻᒪ ᐃᖅᑲᓇᐃᔭᑐᐃᓐᓇᕆᐊᖃᓕᕐᓗᑎᒃ. ᓱᓐᓂᐅᒪᓂᖅ ᐅᓗᕆᐊᓇᖅᑐᒦᑎᑦᑎᓲᖑᕗᖅ ᓇᖕᒥᓂᖅ ᐊᑦᑕᓇᔾᔭᐃᖅᓯᒪᓂᕐᓄᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᓂ ᖃᓂᒋᔭᕐᓄᑦ. ᐃᖅᑲᓇᐃᔭᖅᑏᑦ ᐃᒻᒥᖕᓂᒃ ᐊᐱᕆᑎᓪᓗᒋᑦ "ᐱᓕᕆᔪᓐᓇᑦᑎᐊᖅᐳᖓ ᐃᖅᑲᓇᐃᔭᕐᕕᓐᓂ?"
ᐃᓄᑑᓗᓂ ᐱᓕᕆᖃᑦᑕᕐᓂᖅ:
ᐊᒥᓱᓂ ᐃᖅᑲᓇᐃᔭᖅᑎᓂᑦ ᕿᑲᕐᓂᖃᓚᐅᑲᒃᑎᓪᓗᒋᑦ, ᓴᓇᖃᑎᖏᑦ ᐃᖅᑲᓇᐃᔭᖅᑐᑦ ᖁᕕᐊᓱᒡᕕᖕᒥ ᐃᓄᑑᓗᑎᒃ ᐃᖅᑲᓇᐃᔭᓕᕈᓐᓇᖅᐳᑦ. ᐃᖅᑲᓇᐃᔭᖅᑏᑦ ᐃᑲᔪᖅᓱᐃᓂᖃᑦᑎᐊᕆᐊᖃᖅᐳᑦ ᓇᓗᓇᐃᖅᓯᓂᕐᒥ ᐊᒻᒪ ᐊᐅᓚᑦᑎᓂᕐᒥ ᐊᑦᑕᕆᔭᐅᔪᓂ ᐊᒻᒪ ᐊᖏᒡᓕᒋᐊᖅᑐᒥ ᐅᓗᕆᐊᓇᕈᑎᓂᑦ ᓂᒡᓚᓱᕐᔪᐊᖅᑐᓂ ᓯᓚᒥ ᓇᒃᑕᕈᓐᓇᖅᑕᖏᓐᓂ.
- ᐱᑎᑦᑎᑦᑕᐃᓕᒪᓂᕐᒧᑦ ᑐᑭᓯᒋᐊᕈᑎᒃᓴᑦ: ᐋᖅᑭᒃᓯᓗᓂ ᐋᔩᖃᑎᒌᖕᓂᐅᔪᒥ ᐱᓕᕆᔾᔪᓯᐅᔪᒥᑦ ᐱᔪᓐᓇᖅᑎᑦᑎᔪᒥ ᐃᖅᑲᓇᐃᔭᖅᑎᒥ ᐃᓯᖅᐸᓪᓕᐊᓂᖓᓄᑦ ᐊᒻᒪᓗ ᐊᓂᕙᓪᓕᐊᓂᖓᓄᑦ. ᐊᑦᑕᕐᓇᖅᑑᕐᓂᖓᓂ ᖃᔨᐃᓴᕐᓂᕐᒥ ᐱᓕᕆᐊᖑᔪᓄᑦ ᑎᑎᖅᑕᐅᕙᓪᓕᐊᓂᐅᓪᓚᕆᒃᑐᓂ ᐱᒋᐊᓚᐅᖅᑳᕋᑎᒃ ᐱᓕᕆᐊᒃᓴᒥᓂᑦ ᓇᓗᓇᐃᖅᓯᔪᓐᓇᖅᐳᖅ ᐃᖅᑲᓇᐃᔭᖅᑏᑦ ᐱᓕᕆᐊᒃᓴᒥᓂᑦ ᐱᓕᕆᙱᓐᓂᖏᓐᓂ ᐃᓄᑑᔾᔨᔭᕆᐊᖃᙱᑕᖏᓐᓂᑦ.
- ᐃᓚᖃᖅᑐᑦ ᑎᒥᒧᑦ ᐃᓗᐊᖅᓯᔾᔪᑏᑦ, ᓴᓇᕐᕈᑎᑦ, ᐅᐊᔭᓕᕆᓂᕐᒧᑦ ᐊᑦᑕᓇᐃᖅᓯᒪᓂᖅ, ᐊᑦᑕᓇᕐᑐᒦᑦᑎᑕᐅᑕᐃᓕᓂᖓᑦ, ᐃᑭᑦᑐᓄᑦ ᓴᐳᔾᔨᓯᒪᓂᕐᒧᑦ, ᑐᐊᕕᕐᓇᖅᑐᓂ ᐱᐅᓯᖏᓐᓂᑦ, ᐊᒻᒪᓗ ᑐᑭᓯᓇᑦᑎᐊᖅᑐᒥ ᑐᑭᓕᐊᖑᑦᑎᐊᖅᑐᒥ ᒪᓕᒃᑕᒃᓴᓂ ᐃᖅᑲᓇᐃᔭᕐᓂᕐᒧᑦ.
- ᑲᒪᔩᑦ ᖃᐅᔨᒪᔭᕆᐊᖃᕆᕗᑦ ᖃᖓ ᐃᖅᑲᓇᐃᔭᖅᑎᖏᑦ ᑎᑭᑉᐸᓪᓕᐊᓂᖏᓐᓂ ᐊᒻᒪ ᐊᓂᕙᓪᓕᐊᓂᖓᓂ ᐃᖅᑲᓇᐃᔭᕐᕕᖓᓐᓂ ᐊᑦᑕᓇᙱᑦᑎᐊᖅᑐᒥ ᐊᑐᓂ ᐃᖅᑲᓇᐃᔭᕐᓂᕆᔭᖏᓐᓂ.
ᐸᕝᕕᓵᕆᓂᖅ ᐊᒻᒪ ᐋᓐᓂᖅᓯᕆᓂᖅ:
ᖁᕕᐊᓱᒡᕕᖕᒥ ᐱᔭᒃᓴᖃᕐᓂᖅᐹᖑᖃᑕᐅᕗᖅ ᐊᕐᕌᒍᒥ, ᐱᓗᐊᖅᑐᒧᑦ ᑕᐃᒃᑯᓄᖓ ᐃᖅᑲᓇᐃᔭᖅᑐᓄᑦ ᐱᔨᑦᑎᕋᕐᓂᕐᒧᑦ ᓴᓇᔨᕐᔪᐊᓄᑦ. ᐊᒃᓱᕈᕐᓂᐅᔪᒥ ᐸᕐᓇᒃᐸᓪᓕᐊᓂᐅᔪᒥ ᖁᕕᐊᓱᒡᕕᖕᒧᑦ, ᐊᑯᓂᐅᓂᖅᓴᒥ ᐅᑕᖅᑭᔭᕆᐊᖃᕐᓂᐅᔪᓄᑦ, ᐊᒻᒪ ᐊᒥᓱᓂ ᖁᕕᐊᓱᒡᕕᖕᒥ ᐹᑎᖃᕐᓂᐅᔪᓄᑦ ᐊᒻᒪ ᖃᓄᐃᓐᓂᐅᔪᓄᑦ ᑐᕌᖅᑎᑦᑎᔪᓐᓇᖅᐳᑦ ᐊᖏᒡᓕᒋᐊᖅᑐᒥ ᐅᓄᕆᐊᓇᕐᓂᐅᔪᒥ ᐸᕝᕕᓵᕆᓂᕐᓂ ᐊᒻᒪ ᐋᓐᓂᖅᓯᕆᓂᐅᔪᓂ.
- ᐱᑎᑦᑎᑦᑕᐃᓕᒪᓂᕐᒧᑦ ᑐᑭᓯᒋᐊᕈᑎᒃᓴᑦ: ᕿᒥᕐᕈᓗᒍ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐸᕝᕕᓵᕆᓂᖅ ᐊᒻᒪ ᐋᓐᓂᖅᓯᕆᓂᕐᒧᑦ ᐃᖅᑲᓇᐃᔭᖅᑎᓂᑦ, ᐊᒻᒪ ᐃᖅᑲᐃᑎᓪᓗᒋᑦ ᖃᓄᖅ ᐸᕝᕕᓵᕆᓂᖅ ᐊᒻᒪ ᐋᓐᓂᖅᓯᕆᓂᖅ ᑕᐅᑦᑐᖃᕐᓂᖓᓂ. ᓇᓗᓇᐃᖅᓯᒃᑲᓐᓂᕐᓗᑎᑦ ᐃᖅᑲᓇᐃᔭᖅᑎᑎᑦ ᐱᔪᓐᓇᕐᓂᖃᕐᓂᖏᓐᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪ ᐸᕝᕕᓵᕆᓂᖃᙱᑦᑐᒥ ᐊᒻᒪ ᐋᓐᓂᖅᓯᕆᓂᖃᙱᑦᑐᒥ ᐃᖅᑲᓇᐃᔭᕐᕕᖃᕐᓂᖏᓐᓂ, ᐊᒻᒪ ᐱᓕᕆᖃᑎᒋᓗᒋᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᓂᐅᔪᓂ ᒥᒃᖠᒋᐊᖅᑎᑦᑎᓂᕐᒧᑦ ᖃᓄᐃᓐᓂᐅᔪᓂ, ᐃᓚᖃᖅᑐᒥ ᕿᒫᕝᕕᒃᓴᒥ ᐸᕐᓇᒍᑎᒥᒃ ᐱᔭᕆᐊᖃᕈᑎᒃ. ᕿᒥᕐᕈᖃᑎᖃᕐᓗᑎᑦ ᑲᒻᐸᓂᐅᔫᑉ ᐊᑐᐊᒐᖓᓐᓂ ᐅᖃᐅᓯᖃᖅᑐᒥ ᐸᕝᕕᓵᕆᓂᕐᒥ ᐊᒻᒪ ᐋᓐᓂᖅᓯᕆᓂᕐᓂ ᐸᕐᓇᒃᓯᒪᓂᐊᕐᒪᑕ ᑲᒪᒋᔭᖃᕐᓂᕐᒥ ᖃᓄᐃᓕᐅᕐᓂᐅᔪᓄᑦ ᓴᖅᑭᓐᓂᕈᑎᒃ. ᓇᓗᓇᐃᖅᓯᓗᑎᑦ ᐃᖅᑲᓇᐃᔭᖅᑎᑦ ᐅᓂᒃᑳᕆᓂᖃᕐᓂᖏᓐᓂ ᖃᓄᐃᓐᓂᑐᐃᓐᓇᐅᔪᓂ ᓴᖅᑭᑦᑐᓂ.
ᓴᖅᑭᔮᑦᑎᐊᕐᓇᕐᓂᖓ:
ᑖᕐᓂᖅᓴᐅᔪᒥ ᐅᓪᓗᓂᑦ ᑐᑭᖃᖅᐳᖅ ᐃᖅᑲᓇᐃᔭᖅᑏᑦ ᐊᒃᓱᕈᕐᓂᖅᓴᐅᔭᕆᐊᖃᕐᓂᖏᓐᓂ ᓴᖅᑭᔮᑦᑎᐊᕐᓂᖏᓐᓂ. ᓯᐊᕐᓇᖅ, ᑐᖑᑦᑐᕆᒃᑐᖅ ᐊᒻᒪ ᕿᕐᓂᖅᑕᑦ ᐅᑭᐅᒃᑯᑦ ᖁᓕᑦᑕᐅᔭᑦ, ᖃᓐᓂᕐᓂᐅᔪᓂ, ᐊᒻᒪ ᖁᐊᓴᓄᑦ ᐅᕝᕙᓘᓐᓃᑦ ᑕᑯᒃᓴᐅᑦᑎᐊᙱᓐᓂᐅᔪᓂ ᓯᑭᑑᑉ ᐃᒐᓛᖏᓐᓂ ᐊᔪᕐᓇᖅᑎᑦᑎᕗᖅ ᐊᖁᑎᓂᑦ ᑕᑯᑦᑎᐊᕈᓐᓇᕐᓂᕐᒧᑦ.
- ᐱᑎᑦᑎᑦᑕᐃᓕᒪᓂᕐᒧᑦ ᑐᑭᓯᒋᐊᕈᑎᒃᓴᑦ: ᐃᖅᑲᐃᑎᓪᓗᒋᑦ ᐃᖅᑲᓇᐃᔭᖅᑎᑎᑦ ᐊᑐᕐᓂᕐᒧᑦ ᓴᖅᑭᔮᑦᑎᐊᕐᓇᕐᓂᖓᓂ ᐊᓐᓄᕌᓂᑦ ᐊᒻᒪ ᖃᐅᒪᔪᓐᓇᖅᑐᓂ ᐃᓚᒋᐊᕈᑕᐅᔪᓂ ᐊᓐᓄᕌᓄᑦ ᐱᖁᑎᓄᓪᓘᓐᓃᑦ ᐅᕝᕙᓘᓐᓃᑦ ᖃᐅᒪᓂᑦ ᐊᖁᑏᑦ ᑕᑯᑦᑎᐊᕈᓐᓇᕐᓂᐊᕐᒪᑕ. ᐃᖅᑲᓇᐃᔭᖅᑏᑦ ᐱᓕᕆᓂᐊᕈᑎᒃ ᑖᕐᓂᐅᔪᒥ, ᐱᔭᒃᓴᕆᕙᐃᑦ ᑐᓂᓯᓂᕐᒥ ᓈᒻᒪᒃᑐᒥ ᖃᐅᒪᖅᑯᑎᓂᑦ ᐊᒻᒪ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᑦ ᓇᓗᓇᐃᖅᓯᓂᕐᒧᑦ ᓴᖅᑭᔮᑦᑎᐊᕈᓐᓇᕐᓂᖏᓐᓂ ᐃᖅᑲᓇᐃᔭᖅᑎᓪᓗᒋᑦ.
ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᑎᑦ ᐅᔾᔨᕈᓱᑦᑎᐊᕐᓂᖏᓐᓂ ᐊᑦᑕᕐᓇᖅᑐᓂᑦ ᐃᖅᑲᓇᐃᔭᕐᕕᖕᓂ ᐃᖅᑲᓇᐃᔭᖅᑎᓪᓗᒋᑦ ᑎᓯᐱᕆᒥ. ᖃᐅᑕᒫᒥ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖃᖅᐸᒡᓗᓯ ᖃᐅᔨᓴᕐᓂᕐᒧᑦ ᑕᒪᒃᑭᓂ ᑐᑭᓯᒋᐊᕈᑎᒃᓴᓄᑦ ᖁᓛᓂ. ᐃᑲᔪᕐᓗᒋᑦ ᐃᖅᑲᓇᐃᔭᖅᑎᑎᑦ ᐋᖅᑭᒋᐊᖅᓯᓂᖏᓐᓂ ᑐᕌᒐᕆᔭᖏᓐᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᖕᒥ ᐃᓚᒋᐊᖅᑐᒥ ᐅᓗᕆᐊᓇᕈᑎᓄᑦ ᐱᑕᖃᖅᐸᒃᑐᓄᑦ ᑕᒪᑐᒪᓂ ᐃᓚᖓᓐᓂ ᐊᕐᕌᒎᔪᒥ.
|
|
ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ
ᓇᖕᒥᓂᖃᖅᑎᐅᒍᕕ, ᑲᑐᔾᔨᖃᑎᒋᔭᐅᒍᕕ, ᑎᑎᕋᖅᓯᒪᒍᕕᑦ ᑐᑭᒧᐊᖅᑎᑦᑎᔨᐅᓪᓗᑎ, ᐅᕝᕙᓘᓐᓃᑦ ᓇᖕᒥᓂ−ᐃᖅᑲᓇᐃᔭᖅᑎᐅᒍᕕᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᑦᑕᐅᑎᒋᙱᑦᑐᑎᑦ ᐃᒡᕕᑦ ᐃᖅᑲᓇᐃᔮᖓᒍᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᓂᐊᓗᓂ, ᓂᐅᕕᕆᐊᖃᖅᐳᑎᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒧᑦ, ᐊᔾᔨᒌᑦᑐᓂ ᐃᑲᔫᑎᓂ ᐊᑐᐃᓐᓇᐅᑎᑦᑎᓲᑦ ᐊᓯᖏᑎᑐᑦ ᓴᓇᔨᐅᔪᓂ ᐃᖅᑲᓇᐃᔭᕐᕕᖕᒥ ᐋᓐᓂᐊᕐᓇᑐᑖᑲᓪᓛᒃᑯᕕᑦ ᐊᒻᒪ ᐋᓐᓂᑳᓪᓚᒃᑯᕕᑦ.
ᓇᓪᓕᐅᒃᑯᒫᖅᑖᕈᓐᓇᖅᑐᑎᑦ ᑕᖅᑭᑐᐊᕐᒧᑦ ᐊᒻᒪ ᐊᑕᐅᓯᕐᒧᑦ ᐊᕐᕌᒍᓕᒫᒧᑦ ᖃᖓᑐᐃᓐᓇᑦᑎᐊᖅ ᐊᕐᕌᒍᒥ. ᓇᓪᓕᐅᒃᑯᒫᒃᓴᐃᑦ ᓄᑖᙳᖅᑎᔭᕆᐊᖃᖅᑕᐃ ᐊᕐᕌᒍᑕᒫᑦ. ᖃᐅᔨᒪᒋᐊᑦᑎᐊᕐᓗᑎ ᓇᓪᓕᐅᒃᑯᒫᖃᕐᓂᕐᒧᑦ ᓄᖅᑲᖓᑲᐃᓐᓇᔾᔪᑎᖃᙱᑦᑐᖅ, ᐊᑏ 2020-ᒧᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ ᑐᓂᓯᒪᓂᐊᖅᐸᐃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄ ᖄᖏᓚᐅᖅᑎᓐᓇᒍ ᑎᓯᐱᕆ 31, 2019.
ᕿᒥᕐᕈᐊᓂᕐᒧᑦ ᐊᒻᒪ ᑕᑕᑎᕆᓂᕐᒧᑦ ᑖᔅᓱᒥᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ, ᓇᕿᑦᑎᓗᑎ
ᒪᐅᓇ
. ᐊᐅᓪᓚᖅᑎᒋᐊᓖᑦ ᓇᓪᓕᐊᓐᓄᑐᐃᓐᓇᖅ ᐊᓪᓚᕕᒻᒧᑦ ᐅᕗᖓ:
ᓄᓇᕗᑦ
ᐃᕐᖐᓐᓈᖅᑕᐅᑖ: employernu@wscc.nu.ca
ᓱᒃᑲᔪᒃᑯᑦ: 867-979-8501
ᐊᑭᖃᙱᑦᑐᖅ ᓱᒃᑲᔪᒃᑯᑦ: 1-866-979-85011
|
|
ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᖅ
ᑐᓂᓯᕙᓪᓕᐊᓗᑎᑦ ᐱᒋᐊᕐᓗᒍ ᔮᓐᓄᐊᓕ 1, 2020−ᒥ
ᒫᓐᓇᒃᑯᑦ, ᐃᖅᑲᓇᐃᔭᕐᕖᑦ ᐱᓯᒪᔪᑦᓴᐅᓕᖅᑐᑦ ᑐᑭᓯᒋᐊᕈᑎᓂᑦ ᖃᓄᖅ ᑐᓂᓯᔪᓐᓇᕐᒪᖔᑕ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ ᐊᖅᑯᑎᒋᓪᓗᒍ WSCC Connect. ᐅᓪᓗᕐᓯᐅᑎᒍᑦ ᑐᓂᓯᔪᓐᓇᕐᕕᐅᔫᑉ ᐅᓂᒃᑳᓂᑦ ᕕᕝᕗᐊᕆ 28, 2020, ᑭᓯᐊᓂᑦᑕᐅᖅ ᑐᓂᓯᔪᓐᓇᓯᐊᖅᑐᓯ ᓯᕗᓂᑐᖃᖓᒍᑦ ᐃᒻᒪᖄ ᔮᓐᓄᐊᕆ 1, 2020 ᐊᑐᐃᓐᓇᐅᑉᐸᑕ. ᐃᖅᑲᐅᒪᓂᐊᖅᐳᑎᑦ, ᑐᓂᓯᒋᐊᖃᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.
ᐃᑲᔪᕈᑎᒃᓴᑦᑎᐊᕙᑦ:
- ᖃᐅᔨᓴᖅᐸᓪᓗᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔾᔪᑎᓕᓐᓂᑦ ᑭᐅᔾᔪᑎᑦᓴᓂᑦ ᐱᒋᐊᓚᐅᖏᓂᕐᓂ: WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᓐᓂᑦ (ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ) ᐃᓕᖕᓂ ᑐᓂᓯᓂᕐᒧᑦ ᐄ/ᐋᒃᑲ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ.
- ᒪᓕᓪᓗᒋᑦ ᐊᑐᐊᒐᕗᑦ ᖃᓄᖅ ᐱᓕᕆᒋᐊᖃᕐᒪᖔᑦᓯ: ᑕᒪᕐᒥᑦᑎᐊᑦ ᐊᐱᖅᑯᑏᑦ ᓇᓗᓇᐃᔭᖅᓯᒪᓪᓗᑎ ᑭᓱᒥ ᑕᑯᓇᓱᒋᐊᖃᕐᒪᖔᖅᐱᑦ ᐃᓚᖓ 4-ᒦᑦᑐᖅ ᑕᐃᑲᓂ ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ.
- ᐃᑲᔪᖅᑕ: ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᕗᑦ ᐃᓕᑦᓯᓐᓂᑦ ᐃᑲᔪᕈᓐᓇᖅᑐᑦ ᐊᐱᖅᑯᑎᓕᕆᑎᓪᓗᓯ ᓱᓕ ᓇᓗᕈᔪᒃᑯᑦᓯ. ᐅᖄᓚᒍᓐᓇᖅᑐᓯ ᐅᕙᑦᑎᓐᓄᑦ ᐅᕗᖓ 1-800-661-0792 ᐊᒻᒪ ᐅᖃᖃᑎᖃᕈᒪᓗᓯ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᑦᑎᓐᓂᑦ ᓴᐳᓐᓂᐊᕐᓂᕐᒧᑦ ᐱᔨᑦᑎᕋᕐᑎᑦ.
ᐱᓕᕆᔾᔪᑏᑦ ᖃᓄᖅ ᐋᖅᑭᑦᓯᒪᒋᐊᖃᕐᓂᖏᓐᓂᑦ ᐃᑲᔪᕆᐊᖃᕈᑦᓯ ᐅᑯᓅᓇ WSCC Connect, ᑕᑯᓂᐊᕐᓗᒍ
WSCC Connect Help ᒪᑉᐱᒐᖅ
ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᐅᖓᓯᑦᑐᒧᑦ ᐊᑭᓖᒋᐊᖃᖕᖏᑦᑐᑦ ᐅᖄᓚᕕᒋᓗᒋᑦ 1-844
-
238
-
5008.
|
|
ᐊᐅᓚᑦᑎᓂᕐᒧᑦ ᑲᑎᒪᔨᑦ ᖃᐅᔨᓴᓚᐅᖅᑐᑦ ᐊᒻᒪ ᓈᒻᒪᒋᓪᓗᒋᑦ ᐅᑯᐊ ᐊᑐᐊᒐᐃᑦ ᐊᒻᒪ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᑎᓯᐱᕆᒥ 2019 ᑲᑎᒪᑎᓪᓗᒋᑦ:
- ᐊᑐᐊᒐᖅ 00.08, ᐃᓱᒪᓕᐅᕆᓂᖅ
- ᐊᑐᐊᒐᖅ 07.04, ᓇᖕᒥᓂᖅ ᑐᑭᓯᒋᐊᕈᑎᒃᓴᑦ ᖃᐅᔨᔭᐅᔾᔭᐃᒃᑯᑎᖏᓐᓂᒃ ᓴᐳᔾᔨᓯᒪᓂᕐᒧᑦ
- ᐊᑐᐊᒐᖅ 10.01, ᐊᑭᓕᒃᓴᑐᖃᑦ ᐱᕕᖃᖅᑎᑕᐅᓂᖏᑦ
ᑕᑯᒋᐊᕐᓗᒍ ᑖᓐᓇ
WSCC Policy Manual
(ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ) ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ
Governance Council Directives
(ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ) ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦ ᑐᑭᒧᐊᕈᑎᓂ.
|
|
|
ᐊᒡᓚᒡᕕᑦ ᒪᑐᓯᒪᓂᖏᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓂᐊᖅᐳᑦ ᕿᑲᕐᓂᐅᔪᒥ ᐱᒋᐊᕐᓗᓂ 5:00 ᐅᓐᓄᒃᑯᑦ ᐅᓪᓗᑐᐃᓐᓇᖅ ᑎᓯᐱᕆ 20, 2019−ᒥ ᑕᐃᑲᖑᓗᒃᑖᖅ ᔮᓐᓄᐊᕆ 1, 2020−ᒧᑦ. ᑎᑎᕋᕐᕖᑦ ᒪᑐᐃᒃᑲᓐᓂᓛᖅᐳᑦ ᕿᑎᖅᑑᑦ ᔭᓄᐊᕆ 2−ᒥ 8:30 ᐅᓪᓛᒃᑯᑦ.
ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ
WSCC Connect
.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
| |
|
|
|
