ᓄᕕᐱᕆ 2018
ᖃᐅᔨᓇᓱᓐᓂᕐᒥ ᐊᑦᑕᓇᔾᔭᐃᖅᓯᒪᓂᕐᒥ!
ᕌᓂᐅᑉ ᐋᑐᖓᓂ

ᐃᓚᒋᖃᓯᐅᑎᓗᓂᐅᒃ ᐊᔪᙱᓐᓂᐅᔪᓄᑦ ᓄᓇᑦᓯᐊᕐᒥ ᐊᔪᕈᓐᓃᖅᓴᕆᑦ! ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᑐᔾᔨᖃᑎᖃᒃᑲᓐᓂᕐᓂᐊᖅᑐᑦ ᓄᓇᓕᖕᒥᐅᑕᒥ ᔭᓗᓇᐃᕝᒥ ᐃᖅᑲᓇᐃᔭᖅᑎᖁᑎᓕᖕᒧᑦ ᕌᓂᐅᑉ ᐱᖁᑎᓂ ᐊᑐᖅᑐᐊᕐᕕᖓᓂ ᐊᒻᒪ ᓴᓇᕕᐊᓗᖕᓄᑦ ᐱᖁᑎᖃᕐᕕᐅᔪᖅ (ᖃᐅᔨᒪᔭᐅᖕᒥᔪᖅ ᐃᒫ Ron's Auto [ᕌᓂᐅᑉ ᐋᑐᖓ]) ᐊᑐᐃᓐᓴᐅᑎᑦᑎᓂᕐᒥ ᖁᑦᑎᖕᓂᓕᖕᓄᑦ 8-ᒥ ᐃᓕᓐᓂᐊᖅᑏᑦ ᐱᓚᒻᒪᒃᓴᕐᓂᒃᑯᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᕿᒥᕐᕈᖃᑕᐅᖁᓪᓗᒋᑦ ᐱᓕᕆᕝᕕᐅᓪᓚᑦᑖᖅᑐᒥ ᐃᖅᑲᓇᐃᔭᕐᕕᖕᒥ .

ᐃᑲᔪᖅᑎᖃᕐᓗᑎ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᓇᔾᔭᐃᖅᓯᒪᔪᓕᕆᔨᖏᓐᓂ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐱᓕᒻᒪᒃᓴᐃᓂᕐᒧᑦ ᐊᐅᓚᑦᑎᔨᐅᔪᖅ ᕌᓂᐅᑉ ᐋᑐᖓᓂ, ᐃᓕᓐᓂᐊᖅᑏᑦ ᐱᕕᖃᖅᑎᑕᐅᓂᐊᖅᑐᑦ ᐅᓪᓗᖃᖅᑎᑕᐅᓗᑎ ᐱᓕᒻᒪᒃᓴᕐᓗᑎ ᐊᑦᑕᓇᔾᔭᐃᖅᓯᒪᔪᓕᕆᔨᐅᓗᑎ ᐊᒻᒪᓗ ᐃᓕᓐᓂᐊᕐᓗᑎ ᖃᓄᖅ ᐃᓕᓴᖅᓯᓂᕐᒥ ᐊᒻᒪᓗ ᑲᒪᒋᔭᖃᕐᓂᕐᒥ ᐃᖅᑲᓇᐃᔭᕐᕕᖕᒥ ᐅᓗᕆᐊᓇᖅᑐᓂ.

"ᒪᒃᑯᓗᐊᓚᐅᖅᓯᒪᔾᔮᙱᑦᑐᑎᑦ ᐃᓕᓐᓂᐊᕐᓂᕐᒧᑦ ᐊᑦᑕᓇᔾᔭᐃᖅᓯᒪᓂᕐᒥ. ᒪᒃᑯᒃᑐᑦ ᐃᖅᑲᓇᐃᔭᖅᑏᑦ ᖃᐅᔨᒪᑦᑎᐊᕆᐊᓖᑦ ᐱᔪᓐᓇᐅᑎᖃᕐᓂᖏᓐᓂ ᖃᐅᔨᒪᔭᕆᐊᓖᑦ ᐃᖅᑲᓇᐃᔭᖅᑎᐅᓪᓗᑎ ᐊᑦᑕᓇᔾᔭᐃᖅᓯᒪᓂᕐᒥ ᐃᖅᑲᓇᐃᔭᕐᕕᖕᒥ: ᐱᔪᓐᓇᐅᑎᖃᕐᓂᖅ ᖃᐅᔨᒪᓂᕐᒧᑦ, ᐱᔪᓐᓇᐅᑎᖃᕐᓂᖅ ᐃᓚᐅᓂᕐᒧᑦ, ᐊᒻᒪᓗ ᐋᒃᑳᕈᓐᓇᕐᓂᕐᒥ," ᐅᖃᖅᑐᖅ ᑕᐃᕝ ᒍᕋᓐᑎ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖓᔪᖅᑳᖅ ᐊᒻᒪᓗ ᑎᑎᕋᕐᕕᖕᒥ ᐊᖓᔪᖅᑳᖅ. "ᐊᔪᙱᓐᓂᐅᔪᓄᑦ ᐊᔪᕈᓐᓃᖅᓴᕆᑦᑎ! ᐱᕕᖃᖅᑎᑦᑎᔪᖅ ᐊᑐᐃᓐᓇᐅᑎᑦᑎᓂᕐᒥ ᐃᓕᓐᓂᐊᖅᑎᓂ ᐱᓕᕆᓪᓚᕆᓪᓗᑎ ᖃᐅᔨᓂᐊᕐᒪᑕ ᐊᑦᑕᓇᔾᔭᐃᖅᓯᒪᓂᖅ ᐊᒻᒪᓗ ᐱᕕᖃᕐᓂᐅᔪᑦ ᐊᑐᐃᓐᓇᐅᔪᑦ ᐃᖅᑲᓇᐃᔮᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ, ᑭᓯᐊᓂ ᖃᐅᔨᓂᐊᕐᒥᔪᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᒡᒐᖅᑐᐃᔨᐅᔪᓐᓇᕐᓂᖏᓐᓂ, ᐃᓅᓯᖏᓐᓂ ᓇᒦᒃᑲᓗᐊᖅᐸᑕ."

ᐊᔪᙱᓐᓂᐅᔪᓄᑦ ᐊᔪᕈᓐᓃᖅᓴᕆᑦᑎ! ᑕᐃᑲᓃᓛᖅᑐᖅ ᑎᓯᐱᕆ 3-4 ᑕᒪᑐᒪᓂ ᐊᕐᕌᒍᒥ. ᖃᐅᔨᒋᐊᒃᑲᓐᓂᓂᕐᒧᑦ, ᐅᐸᒡᓗᒍ  Skills Canada NWT  (ᐊᔪᙱᓐᓂᐅᔪᓄᑦ ᑲᓇᑕᒥ ᓄᓇᑦᓯᐊᕐᒥ).
ᐃᓚᐅᖃᑕᐅᒋ. ᓂᐲᑦ ᑐᓴᖅᑕᐅᑎᒋᐊᕈ.
ᓇᖕᒥᓂᖃᖅᑎᐅᖃᑕᐅᔪᑦ ᐃᓚᐅᑎᑦᑎᓂᕐᒧᑦ ᑲᑎᒪᔨᕋᓛᖏᑦ ᑲᑎᒪᔨᑖᕈᒪᔪᑦ

ᖁᐊᖅᓵᕐᓇᖅᑕᐃᓕᒪᓂᕐᒧᑦ ᖁᕕᐊᒋᔭᖃᖅᐲᑦ? ᐃᑲᔪᕐᓂᖃᕈᒪᕖᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᕐᕖᑦ ᐊᑦᑕᕐᓇᙱᒃᑲᓗᐊᕐᒪᖔᑦ, ᐊᒻᒪ ᐃᖅᑲᓇᐃᔭᖅᑐᓪᓗ ᐱᕐᕈᓗᐊᕿᔪᑦ ᐃᖅᑲᓇᐃᔭᕐᖕᒥ ᑲᒪᒋᔭᐅᒐᓗᐊᕐᒪᖔᑦ? ᐊᖏᕈᕕᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓈᒻᒪᒃᑐᒥ ᐱᓕᕆᐊᒃᓴᖃᖅᐳᑦ ᐃᓕᖕᓄᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᓂᖅᑐᑦ ᓄᑖᓂ ᑲᑎᒪᔨᒃᓴᑖᓂ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᑖᒃᑯᓄᖓ ᐱᖃᑕᐅᓯᒪᔪᓄᑦ ᐃᓚᐅᑎᑦᑎᓂᕐᒧᑦ ᑲᑎᒪᔨᕋᓛᓂᒃ (SEC) ᐊᑐᐃᓐᓇᐅᑎᑦᑎᓂᕐᒧᑦ ᑭᐅᔭᕆᐊᓕᖕᓂᒃ ᐱᓕᕆᐊᖃᖃᑦᑕᖅᐳᑦ ᑕᒪᐃᓐᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᔨᑦᑎᕋᐅᑎᖏᓐᓂᒃ, ᐃᓚᖃᖅᖢᑎᒃ ᐊᑐᐊᒐᕐᓂᒃ ᓴᓇᕙᓪᓕᐊᓂᕐᒥᒃ, ᐱᓕᕆᐊᒃᓴᓂᒃ ᐋᕿᒃᓱᐃᓂᕐᒥᒃ ᐊᒻᒪ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᔾᔪᑎᒃᓴᓂᒃ ᐊᒻᒪ ᐱᖁᑎᓂᒃ.

ᐱᓕᕆᔪᒪᓂᖃᕈᕕᑦ ᑖᔅᓱᒥᖓ ᐊᓕᐊᓇᐃᑦᑐᒥᒃ ᐱᕕᒃᓴᒥᒃ, ᐃᖅᑲᓇᐃᔮᖅᑖᕋᓱᐊᕈᑏ ᓇᒃᓯᐅᑎᓗᒍ, ᐃᕐᖐᓐᓈᖅᑕᐅᑎᒃᑯᓪᓗ ᑎᑎᕋᕐᓗᑎ ᖃᓄᐃᒻᒪ ᐃᓚᐅᔪᒪᒐᔭᕐᒪᖔᖅᐱᑦ, ᐅᕗᖓ  sec@wscc.nt.ca.

ᓂᕈᐊᕈᒥᓇᖅᑐᖅ ᑕᑯᑎᑦᑎᓗᓂ ᐱᓕᕆᓂᐊᕐᓂᕐᒧᑦ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ, ᐃᓱᓕᕝᕕᕕᖕᓂᒡᓗ ᐃᒃᐱᒍᓱᑦᑎᐊᖅᐸᒡᓗᓂ, ᐃᕐᖐᓐᓈᖅᑕᐅᑎᒥ ᐊᑐᖃᑦᑕᕈᓐᓇᕐᓗᓂ ᑐᓴᐅᒪᖃᑎᒌᓐᓂᕐᒧᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC). ᐱᖃᑕᐅᓯᒪᔪᓄᑦ ᐃᓚᐅᑎᑦᑎᓂᕐᒧᑦ ᑲᑎᒪᔨᕋᓛᓂᑦ (SEC) ᐃᓚᒋᔭᐅᔪᑦ ᐊᕐᕌᒍᒥ ᑎᓴᒪᐃᕐᖢᑎᒃ ᑲᑎᒪᔾᔪᑎᑖᖃᑦᑕᖅᐳᑦ $275-ᒥᑦ ($1,100 ᐊᕐᕌᒍᒧᑦ) ᒪᓕᒃᖢᓂ ᐃᓚᐅᓂᕆᕙᒃᑕᖏᓐᓂᒃ. ᐃᓚᒋᔭᐅᓐᓇᖅᑐᖅ ᐊᕐᕌᒎᖕᓂ ᒪᕐᕉᖕᓂᒃ.
ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ
ᐱᓕᕆᐊᒃᓴᖅ ᕿᒥᕐᕈᔭᐅᕙᓪᓕᐊᔪᖅ

ᓯᑎᐱᕆ 2018-ᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔭᕇᖅᓯᓚᐅᖅᑐᑦ 2017/2018 ᐊᐅᓚᓂᖓ ᑖᔅᓱᒪ ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐱᓕᕆᐊᖑᔪᒥᑦ. ᑖᓐᓇ ᐊᕐᕌᒍᖓᓃᓕᖅᑐᖅ ᖁᓕᓂ ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᔪᓯᑎᑦᑎᓯᒪᔪᑦ ᑖᔅᓱᒥᖓ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᒍᒪᓵᕆᓂᕐᒥ ᐱᓕᕆᐊᖑᔪᒥ ᐃᓕᓴᖅᑭᓯᓂᕐᒧᑦ ᐊᒻᒪᓗ ᑐᓂᓯᓂᕐᒧᑦ ᐃᖅᑲᓇᐃᔭᖅᑎᑦᑎᔨᐅᔪᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᖅᑕᐃᓕᒪᓂᕐᒧᑦ, ᐅᑎᕈᓐᓇᖅᓯᓂᖏᓐᓄᑦ ᐃᖅᑲᓇᐃᔭᕐᕕᒻᒧᑦ/ᐱᓇᓱᐊᖅᑕᐅᔪᓂᑦ ᐊᐅᓚᑦᑎᓂᕐᒧᑦ ᐱᓕᒻᒪᒃᓴᐅᑎᓂᑦ, ᐊᒻᒪᓗ ᒥᑭᓂᖅᓴᐅᔪᒃᑯᑦ ᖃᓄᐃᓐᓂᐅᔪᓂᑦ ᐊᑭᖏᓐᓂᒃ ᐊᑐᕐᓂᕐᒥ.

ᐃᓚᒋᖃᓯᐅᑎᓗᓂᐅᒃ ᐊᖏᖅᓯᒪᓂᕆᔭᑦᑎᓐᓂ ᖃᐅᔨᒪᒋᐊᑦᑎᐊᕐᓗᑎ ᐱᒋᐊᕈᑎᒃᓴᕗᑦ ᑐᕌᖓᑦᑎᐊᕋᓗᐊᕐᒪᖔᑦ ᐊᒻᒪᓗ ᐊᑑᑎᖃᑦᑎᐊᕋᓗᐊᕐᒪᖔᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᒥᕐᕈᓂᖃᕐᓂᐊᖅᑐᑦ ᑖᔅᓱᒥᖓ ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐱᓕᕆᐊᖑᔪᒥᑦ. ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐃᖅᑲᓇᐃᔭᖅᑎᖁᑎᓖᑦ ᑐᓂᓯᒋᐊᑐᙱᑦᑐᑦ ᑕᐃᒪᐃᑦᑐᒥ ᐊᐅᓚᑦᑎᓂᕐᒧᑦ ᐱᓕᕆᔾᔪᓯᐅᔪᓄᑦ ᐊᐱᖅᑯᑎᓂ ᐱᓕᕆᐊᖑᔪᖅ ᓄᖅᑲᖓᓚᐅᑲᒃᑎᓪᓗᒍ ᐊᒻᒪᓗ ᕿᒥᕐᕈᔭᐅᑎᓪᓗᒍ.

ᕿᒥᕐᕈᔭᐅᓂᖓᑕ ᐱᓕᕆᓂᐅᔪᖅ ᐱᕕᖃᖅᑎᑦᑎᓂᐊᖅᑐᖅ ᓇᖕᒥᓂᖃᖃᑕᐅᔪᓂ ᐅᖃᐅᓯᒃᓴᒥᓂ ᑐᓂᓯᔪᓐᓇᕐᓗᑎ ᑖᔅᓱᒧᖓ ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐱᓕᕆᐊᖑᔪᒥᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖏᖅᓯᒪᕐᔪᐊᖅᑐᑦ ᐱᓕᕆᖃᑎᖃᕈᒪᓪᓗᑎ ᐃᖅᑲᓇᐃᔭᖅᑎᖁᑎᓕᖕᓂ ᓯᕗᒻᒧᒋᐊᖅᑎᑦᑎᓂᕐᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᖅᑯᓯᐅᔪᒥ.

ᐊᐱᖅᑯᑎᒃᓴᖃᕐᓂᕈᕕᑦ, ᐅᖄᓚᕕᐅᑕ ᐅᕙᓂ 1-800-661-0792.
ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ
ᐃᖅᑲᐃᑎᑦᑎᔾᔪᑦ: ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᕙᕆᐊᓕᒃ

ᑎᓯᐱᕆᐅᑉ ᐱᒋᐊᓕᓵᕐᓂᖓᓂ, ᐃᖅᑲᓇᐃᔭᖅᑎᖁᑎᓖᑦ ᓇᒃᓯᐅᔾᔨᕕᐅᓂᐊᖅᑐᑦ ᑐᑭᓯᒋᐊᕈᑎᓂ ᑐᓂᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ ᑕᐃᑰᓇ WSCC Connect. ᐃᓱᓕᒡᕕᒃᓴᐅᑖ ᕖᕝᕗᐊᓕ 28, 2019−ᖑᔪᖅ, ᑭᓯᐊᓂ ᑐᓂᓯᔪᓐᓇᖅᑐᑎᑦ ᐱᒋᐊᕐᓗᒍ ᔮᓐᓄᐊᓕ 2, 2019.

ᖃᐅᔨᒪᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᓚᖓ ᓴᖅᑭᑦᑕᐅᕐᖓᓚᐅᖅᑐᖅ ᐊᕐᕌᓂ ᒪᓕᒃᑕᐅᔭᕆᐊᓕᒃ ᐱᔭᕇᖅᓯᓂᕐᒧᑦ ᑐᓂᓂᐊᖅᑕᕐᓂ. ᐱᒋᐊᓚᐅᙱᓐᓂᕐᓂ ᑎᑎᕋᖅᓯᓂᕐᒥᑦ, WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᓐᓂᑦ (ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ) ᐃᓕᖕᓂ ᑐᓂᓯᓂᕐᒧᑦ ᐄ/ᐋᒃᑲ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ. ᑕᒪᕐᒥᑦᑎᐊᑦ ᐊᐱᖅᑯᑏᑦ ᓇᓗᓇᐃᔭᖅᓯᒪᓪᓗᑎ ᑭᓱᒥ ᑕᑯᓇᓱᒋᐊᖃᕐᒪᖔᖅᐱᑦ ᐃᓚᖓ 4-ᒦᑦᑐᖅ ᑕᐃᑲᓂ ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ.

ᐃᖅᑲᐅᒪᓂᐊᖅᐳᑎᑦ, ᑐᓂᓯᒋᐊᖃᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.

ᐃᖅᑲᓇᐃᔭᖅᑎᖁᑎᓖᑦ, ᑎᒋᒡᕕᐅᓚᐅᙱᒃᑯᕕᑦ ᓱᓕ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓄᑦ ᐅᑭᓂᒃᑳᓕᐅᕐᓂᕐᒧᑦ ᐸᐃᑉᐹᓂ ᑎᓯᐱᕆᐅᑉ ᕿᑎᐊᓂ, ᖃᐅᔨᒋᐊᕐᕕᐅᔪᓐᓇᖅᑐᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑏᑦ ᐅᕙᓂ:
ᑕᒫᓃᑦᑐᒍ ᐃᑲᔪᕈᒪᓪᓗᑕ! ᐃᑲᔪᖅᑕᐅᔭᕆᐊᖃᕈᕕᑦ ᑖᔅᓱᒧᖓ WSCC Connect, ᑕᑯᒋᐊᕐᓗᒍ  WSCC Connect ᐃᑲᔪᖅᑕᐅᓂᕐᒧᑦ ᒪᒃᐱᖅᑐᒐᖓ  ᐅᕝᕙᓘᓐᓃᑦ ᖃᐅᔨᒋᐊᕐᕕᐅᔪᓐᓇᖅᑐᖅ WSCC Connect ᐃᑲᔪᖅᑕᐅᓂᕐᒧᑦ ᐊᑭᖃᙱᑦᑐᖅ ᐅᕙᓂ 1-844-238-5008 .
2019−ᒥᑦ ᖃᐅᔨᓴᕐᓂᐅᔪᓄᑦ ᐊᑭᖏᑦ
ᐊᑭᑎᑦ ᖃᐅᔨᒋᐊᒃᑭᑦ ᐅᕙᓂ WSCC CONNECT



ᐃᖅᑲᓇᐃᔭᖅᑎᖁᑎᓖᑦ, 2019−ᒥᑦ ᖃᐅᔨᓴᕐᓂᐅᔪᓄᑦ ᐊᑭᖏᑦ ᑎᑭᓯᒪᓕᖅᑐᑦ ᐊᒻᒪ ᐊᑐᐃᓐᓇᐅᓕᖅᑐᑦ ᐅᕙᓂ WSCC Connect. ᑕᑯᒋᐊᕐᓗᒍ WSCC Connect, ᖃᐅᔨᒋᐊᕐᓗᒋᑦ ᐃᓛᒃᑰᖓᔪᑦ ᐊᑭᖏᓐᓂ, ᖃᐅᔨᒋᐊᕐᓗᒋᓗ ᐊᕕᒃᑐᖅᓯᒪᒃᑲᓐᓂᖅᑐᑦ ᐊᑭᖏᑦ ᑕᒪᐃᓐᓄᑦ ᓴᓇᕕᖕᓄᑦ ᐊᕐᕌᒎᓂᐊᖅᑐᒥ. ᑕᑯᔪᓐᓇᖅᑕᐃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒫᓐᓇᐅᔪᖅ ᐅᐊᑦᑎᐊᕈᓪᓗ ᐊᑭᖏᓐᓂᒃ ᐃᒪᐃᓕᖓᓗᑎ Class & Subclass (ᐊᕕᒃᓯᒪᔪ ᐊᕕᒃᓯᒪᒃᑲᓐᓂᖅᑐᓂ) ᐊᒻᒪᓗ Specific Industry (ᓴᓇᔨᕐᔪᐊᓄᑦ ᑐᕌᖓᓪᓚᕆᒃᑐᓂ).

ᐊᕐᕌᒍᑕᒫᑦ, ᐊᐅᓚᑦᑎᓂᕐᒧᑦ ᑲᑎᒪᔨᑦ ᐱᓕᕆᖃᑎᖃᓲᑦ ᐃᒻᒥᒃᑰᖅᑐᒥ ᑮᓇᐅᔭᓕᕆᔨᒥ ᐋᖅᑭᒃᓱᐃᓂᕐᒥᑦ ᖃᐅᔨᓴᕐᓂᕐᒧᑦ ᐊᑭᐅᓂᐊᖅᑐᓂ ᐊᒻᒪ ᐃᒻᒥᒃᑰᖓᔪᓂ ᐊᑭᐅᓂᐊᖅᑐᓂ ᐊᑐᓂ ᐊᕕᒃᑐᖅᓯᒪᒃᑲᓐᓂᖅᑐᓄᑦ. ᑕᒪᑐᒪᓂ ᐊᕐᕌᒍᒥ, ᐊᑐᖅᑕᐅᓪᓗᐊᑕᓲᑦ ᐊᑐᐃᓐᓇᐅᑎᑦᑎᓂᕐᒧᑦ ᖃᐅᔨᓴᕐᓂᕐᒧᑦ ᐊᑭᖓ ᑖᓐᓇᐅᓂᐊᖅᑐᖅ $2.10 ᐊᑐᓂ $100−ᒧᑦ ᖃᐅᔨᓴᖅᑕᐅᑎᓪᓗᒋᑦ ᑮᓇᐅᔭᖅᑖᖏᓐᓄᑦ. ᐊᑐᖅᑕᐅᓪᓗᐊᑕᓲᑦ ᖃᐅᔨᓴᕐᓂᕐᒧᑦ ᐊᑭᖓ ᐊᑭᐅᕗᖅ ᐃᖅᑲᓇᐃᔭᖅᑎᖁᑎᓕᑦ ᐊᑭᓖᓇᔭᕐᓂᖏᓐᓂ ᐊᑕᐅᓯᑐᐊᒥᒃ ᐊᑭᖃᕈᓂ ᑕᒪᒃᑭᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ, ᐊᒻᒪᓗ ᐊᑭᐅᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᖅᐸᒃᑕᖓᓐᓂ ᐱᒋᐊᕈᑕᐅᓪᓗᓂ ᐋᖅᑭᒃᓱᐃᑎᓪᓗᒋᑦ ᐃᓄᑐᐃᓐᓇᕐᓄᑦ ᐊᕕᒃᑐᖅᓯᒪᒃᑲᓐᓂᖅᑐᓂ ᐊᑭᐅᔪᓂᑦ.

ᐊᐱᖅᑯᑎᖃᕐᓂᕈᕕᑦ 2019−ᒥᑦ ᖃᐅᔨᓴᕐᓂᐅᔪᓄᑦ ᐊᑭᖏᓐᓄᑦ, ᖃᐅᔨᒋᐊᕐᕕᐅᔪᓐᓇᖅᑐᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᕐᓂᕐᒧᑦ ᑭᒡᒐᖅᑐᐃᔨᐅᔪᖅ, ᐅᕙᑦᑎᓐᓄᓘᓐᓃᑦ ᐅᕙᓂ  employer@wscc.nt.ca / 1-800-661-0792 ᓄᓇᑦᓯᐊᕐᒥ, ᐊᒻᒪ  employernu@wscc.nu.ca / 1-877-404-4407 ᓄᓇᕗᒻᒥ.
ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ ᑐᓂᔭᐅᓯᒪᔭᕆᐊᖃᕐᓂᖏᑦ
ᑎᓯᐱᕆ 31, 2018

ᓇᖕᒥᓂᖃᖅᑎᐅᒍᕕ, ᑲᑐᔾᔨᖃᑎᒋᔭᐅᒍᕕ, ᑎᑎᕋᖅᓯᒪᒍᕕᑦ ᑐᑭᒧᐊᖅᑎᑦᑎᔨᐅᓪᓗᑎ, ᐅᕝᕙᓘᓐᓃᑦ ᓇᖕᒥᓂ−ᐃᖅᑲᓇᐃᔭᖅᑎᐅᒍᕕᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᑦᑕᐅᑎᒋᙱᑦᑐᑎᑦ ᐃᒡᕕᑦ ᐃᖅᑲᓇᐃᔮᖓᒍᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᓂᐊᓗᓂ, ᐊᑎᓕᐅᕆᐊᖃᖅᑐᑎ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒧᑦ, ᐊᔾᔨᒌᑦᑐᓂ ᐃᑲᔫᑎᓂ ᐊᑐᐃᓐᓇᐅᑎᑦᑎᓲᑦ ᐊᓯᖏᑎᑐᑦ ᓴᓇᔨᐅᔪᓂ ᐃᖅᑲᓇᐃᔭᕐᕕᖕᒥ ᐋᓐᓂᐊᕐᓇᑐᑖᑲᓪᓛᒃᑯᕕᑦ ᐊᒻᒪ ᐋᓐᓂᑳᓪᓚᒃᑯᕕᑦ.

ᓇᓪᓕᐅᒃᑯᒫᖅᑖᕈᓐᓇᖅᑐᑎᑦ ᑕᖅᑭᑐᐊᕐᒧᑦ ᐊᒻᒪ ᐊᕐᕌᒍᓕᒫᒧᑦ. ᓇᓪᓕᐅᒃᑯᒫᒃᓴᐃᑦ ᓄᑖᙳᖅᑎᔭᕆᐊᖃᖅᑕᐃ ᐊᕐᕌᒍᑕᒫᑦ, ᓇᓪᓕᐅᒃᑯᒫᖃᕐᓂᕆᔭᐃ ᑲᔪᓯᔾᔮᙱᒻᒪ 2019-ᒧᑦ. ᖃᐅᔨᒪᒋᐊᑦᑎᐊᕐᓗᑎ ᓇᓪᓕᐅᒃᑯᒫᖃᕐᓂᕐᒧᑦ ᓄᖅᑲᖓᑲᐃᓐᓇᔾᔪᑎᖃᙱᑦᑐᖅ, ᐊᑏ 2019-ᒧᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ ᑐᓂᓯᒪᓂᐊᖅᐸᐃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄ ᖄᖏᓚᐅᖅᑎᓐᓇᒍ ᑎᓯᐱᕆ 31, 2018.

ᕿᒥᕐᕈᐊᓂᕐᒧᑦ ᐊᒻᒪ ᑕᑕᑎᕆᓂᕐᒧᑦ ᑖᔅᓱᒥᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ, ᓇᕿᑦᑎᓗᑎ ᒪᐅᓇ. ᑐᓂᔭᐅᔪᓐᓇᖅᑐᖅ ᑕᓕᐊᓐᓄᑐᐃᓐᓴᖅ ᐊᒡᓚᒡᕕᖕᒧᑦ ᐅᕙᓂ:

ᓄᓇᑦᓯᐊᖅ
ᐃᕐᖐᓐᓈᖅᑕᐅᑖ: employer@wscc.nt.ca
ᓱᒃᑲᔪᒃᑯᑦ: 867-873-4596
ᐊᑭᖃᙱᑦᑐᖅ ᓱᒃᑲᔪᒃᑯᑦ: 1-866-277-3677

ᓄᓇᕗᑦ
ᐃᕐᖐᓐᓈᖅᑕᐅᑖ: employernu@wscc.nu.ca
ᓱᒃᑲᔪᒃᑯᑦ: 867-979-8501
ᐊᑭᖃᙱᑦᑐᖅ ᓱᒃᑲᔪᒃᑯᑦ: 1-866-979-8501
ᐊᒡᓚᒡᕕᑦ ᒪᑐᓯᒪᓂᖏᑦ
ᕿᖓᓐᓇᒥ ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒡᓚᒡᕕᖏᑦ ᒪᑐᓯᒪᓂᐊᖅᑐᑦ ᖁᕕᐊᓱᒡᕕᐅᓂᖓᓂ ᐱᒋᐊᕐᓗᒍ 5:00-ᒥ ᐅᓐᓄᓴᒃᑯᑦ ᓯᑕᒻᒥᖅ, ᑎᓯᐱᕆ 20-ᒥ, ᐊᒻᒪᓗ ᒪᑐᐃᒃᑲᓐᓂᓛᖅᑐᑦ 8:30-ᒥ ᐅᓪᓛᒃᑯᑦ ᐱᖓᑦᓯᖅ, ᔮᓐᓄᐊᕆ 2, 2019-ᒥ.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect .
wscc.nt.ca   /  1.800.661.0792   *   wscc.nu.ca  /  1.877.404.4407