ᔫᓂ 2018
2018 ᐅᔭᕋᓐᓂᐊᕕᒻᒥᑦ ᑐᐊᕕᕐᓇᖅᑐᓕᕆᔩᑦ
ᐅᐱᓐᓇᖅᑐᓯ!

ᐊᓯᒃᑲᓐᓂᖓ ᐅᔭᕋᓐᓂᐊᕕᒻᒥᑦ ᑐᐊᕕᕐᓇᖅᑐᓕᕆᔩᑦ ᐊᑭᑦᑐᕋᐅᑎᓂᖓ ᐱᔭᕇᖅᑐᖅ, ᐊᒻᒪ ᖁᔭᓕᓇᖅᑐᒥᑦᒪ ᐊᕐᕌᒎᓚᐅᖅᑐᖅ ᐱᐅᓂᖅᓴᐅᔪᓐᓇᓚᐅᖏᑦᑐᖅ. ᖁᔭᓐᓇᒦᒃ ᑭᒃᑯᓕᒫᓄᑦ ᐃᓚᐅᖃᑕᐅᔪᓄᑦ ᑖᓐᓇ ᐊᕐᕌᒍᑕᒫᑦ ᖃᓄᐃᓘᕐᓂᐅᕙᑦᑐᖅ ᐃᖅᑲᐅᒪᔭᔅᓴᐅᑲᓐᓂᓂᐊᖅᑐᓂ.

ᐊᑐᓂ ᑎᓴᒪᐅᔪᖅᑐᑦ ᑕᐱᕆᑦ ᐱᓕᕆᓂᖃᑦᑎᐊᓚᐅᖅᑐᑦ ᑕᒪᑐᒪᓂ ᐊᕐᕌᒍᒥ, ᑕᑯᔅᓴᐅᑎᑦᑎᓪᓗᑎ ᐅᐱᓐᓇᖅᑐᓂᑦ ᐅᔭᕋᓐᓂᐊᕕᒻᒥᑦ ᑐᐊᕕᕐᓇᖅᑐᓕᕆᔩᑦ ᐊᔪᖏᓐᓄᑦ ᐊᒻᒪ ᖃᓄᐃᓘᕈᓯᖏᓐᓄᑦ. ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ ᐱᔭᐃᓐᓇᕆᓚᐅᖅᑕᖏᑦ ᐊᕐᕕᓂᓖᑦ ᐱᒃᑲᐅᓛᓄᑦ ᐱᔾᔪᓯᐊᓄᑦ, ᐱᖃᓯᐅᑎᓪᓗᑎ ᐱᒃᑲᐅᓛᖑᔾᔪᓯᐊᖅ ᐊᑕᖏᖅᑐᒍ ᓄᓇᐅᑉ ᐃᑭᖓᓂ, ᒑᓱ ᑰ ᑕᐃᒪᓐ ᐅᔭᕋᓐᓂᐊᕐᕕᒃ ᑎᓴᒪᓂᑦ ᓴᒃᓴᐅᓯᐊᓚᐅᖅᑐᑦ, ᐱᖃᓯᐅᑎᓪᓗᓂ ᐱᒃᑲᐅᓛᖑᔾᔪᓯᐊᖅ ᐊᑕᖏᖅᑐᒍ ᓄᓇᐅᑉ ᖄᖓᓂ .







ᐅᐱᒋᔭᕗᑦ, ᑕᐱᕆᑦ − ᐅᔭᕋᓐᓂᐊᕕᒻᒥᑦ ᑐᐊᕕᕐᓇᖅᑐᓕᕆᔩᑦ ᐊᑭᑦᑐᕋᐅᑎᓂᕐᒥᑦ ᐱᖃᓐᓇᕇᑦᑐᑎᑦ ᓵᓚᒋᖃᑦᑕᐅᑎᓇᓱᐊᖅᑐᑎᑦ ᖃᐅᔨᓴᖅᑐᑎᑦ ᐊᑐᑦᑎᐊᕈᓐᓇᕐᓂᖓᓄᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓕᕆᓂᐅᔪᓂᑦ, ᑭᓯᐊᓂᓕ ᖃᓄᐃᓕᔪᖃᖅᑐᒥᓂᐅᑎᓪᓗᒍ, ᖃᐅᔨᒪᔪᒍᑦ ᐅᔭᕋᓐᓂᐊᖅᑏᑦ ᐅᕙᑦᑎᓐᓂᑦ ᐃᑲᔪᕐᓂᐊᖅᑐᑦ.

ᐃᓄᑐᐊᒡᒍᑎᓄᑦ ᖃᓄᐃᓘᖅᑕᐅᔪᓄᑦ ᐅᑯᐊ ᐱᔾᔪᓯᐊᓚᐅᖅᑐᑦ ᑕᐱᕇᑦ:

ᓵᓕᓐᓂᑦ ᐱᓕᕆᔨ
ᐳᕌᑦ ᑕᐅᕕ, ᐊᕝᕚᖅᑑᖅ ᒎᓗᒥᐅᕐᕕᒃ ᐅᔭᕋᓐᓂᐊᕐᕕᒃ, ᓄᓇᕗᑦ (TMAC  ᓱᓇᒃᑯᑖᖏᑦ ᑎᒥᖁᑎᖓ)
ᓄᓇᐅᑉ ᖄᖓᓂ ᑐᐊᕕᕐᓇᖅᑐᓕᕆᔾᔪᑎ
ᐹᕕᓐᓛᓐ ᐅᔭᕋᓐᓂᐊᕐᕕᒃ, ᓄᓇᕗᑦ ( ᐹᕕᓐᓛᓐ ᑯᐊᐳᕇᓴᓐ)
ᓄᓇᐅᑉ ᐃᑭᖓᓂ ᑐᐊᕕᕐᓇᖅᑐᓕᕆᔾᔪᑎ
ᐃᖃᓗᒑᕐᔪᒃ ᒎᓗᒥᐅᕐᕕᒃ ᐱᓕᕆᐊᖅ, ᓄᓇᕗᑦ ( ᐋᒡᓃᑯ ᐄᒍ ᐅᔭᕋᓐᓂᐊᕐᕕᒃ ᑎᒥᖓᑦ)
ᓄᓇᐅᑉ ᖄᖓᓂ ᐱᓕᕆᔭᐅᕙᑦᑐᑦ
ᐹᕕᓐᓛᓐ ᐅᔭᕋᓐᓂᐊᕐᕕᒃ, ᓄᓇᕗᑦ ( ᐹᕕᓐᓛᓐ ᑯᐊᐳᕇᓴᓐ)
ᖃᑦᑎᕆᓂᖅ
ᐃᑳᑎ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (Dominion Diamond Corporation , ᑐᒥᓐᔨᐊᓐ ᑕᐃᒪᓐ ᑯᐊᐳᕇᓴᓐ)
ᓄᓇᐅᑉ ᖄᖓᓂ ᐊᑦᑐᓈᒧᑦ ᐃᓅᓕᒃᓯᒍᑏᑦ
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (De Beers Canada Inc. , ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ)
ᓄᓇᐅᑉ ᐃᑭᖓᓂ ᐊᑦᑐᓈᒧᑦ ᐃᓅᓕᒃᓯᒍᑏᑦ
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (Rio Tinto Ltd. , ᕇᐅ ᑎᓐᑐ ᑎᒥᖓᑦ)
ᓄᓇᐅᑉ ᖄᖓᓂ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᖅ
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (De Beers Canada Inc. , ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ)
ᓄᓇᐅᑉ ᐃᑭᖓᓂ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᖅ
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (Rio Tinto Ltd. , ᕇᐅ ᑎᓐᑐ ᑎᒥᖓᑦ)
ᓄᓇᐅᑉ ᖄᖓᓂ ᐳᔪᒧᑦ
ᐹᕕᓐᓛᓐ ᐅᔭᕋᓐᓂᐊᕐᕕᒃ, ᓄᓇᕗᑦ ( ᐹᕕᓐᓛᓐ ᑯᐊᐳᕇᓴᓐ)
ᓄᓇᐅᑉ ᐃᑭᖓᓂ ᐳᔪᒧᑦ
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (Rio Tinto Ltd. , ᕇᐅ ᑎᓐᑐ ᑎᒥᖓᑦ)
ᓄᓇᐅᑉ ᐃᑭᖓᓂ ᓵᓕᓐᓂᑦ/ᐱᓕᕆᕝᕕᖕᒥ ᖃᐅᔨᓴᖅᑕᐅᓂᖅ
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (Rio Tinto Ltd. , ᕇᐅ ᑎᓐᑐ ᑎᒥᖓᑦ)
ᓄᓇᐅᑉ ᖄᖓᓂ ᐊᕝᕕᐊᕈᑕᐅᔪᑦ/ᒪᑐᓯᒪᔪᑦ
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (De Beers Canada Inc. , ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ)
ᓄᓇᐅᑉ ᐃᑭᖓᓂ ᐊᕝᕕᐊᕈᑕᐅᔪᑦ
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (Rio Tinto Ltd. , ᕇᐅ ᑎᓐᑐ ᑎᒥᖓᑦ)
ᐊᑕᖐᔪᒥᑦ ᓄᓇᐅᑉ ᖄᖓᓂ
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (De Beers Canada Inc., ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ)
ᐊᑕᖐᔪᖅ ᓄᓇᐅᑉ ᐃᑭᖓᓂ
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (Rio Tinto Ltd., ᕇᐅ ᑎᓐᑐ ᑎᒥᖓᑦ)







ᐅᔭᕋᓐᓂᐊᕕᒻᒥᑦ ᑐᐊᕕᕐᓇᖅᑐᓕᕆᔩᑦ ᐊᑭᑦᑐᕋᐅᑎᓂᖏᑦ, ᑕᑯᓛᖅᑯᒍᑦ ᐊᕐᕌᒎᓛᖅᑐᒥᑦ ᐅᔭᕋᓐᓂᐊᕕᒻᒥᑦ ᑐᐊᕕᕐᓇᖅᑐᓕᕆᔩᑦ 62 ᐊᕐᕌᒍᖓᓂ! ᐃᓂᔅᓴᖃᕐᕕᒋᒍᒃ ᐅᓪᓗᖓ: 2019 ᐅᔭᕋᓐᓂᐊᕕᒻᒥᑦ ᑐᐊᕕᕐᓇᖅᑐᓕᕆᔩᑦ ᐊᑭᑦᑐᕋᐅᑎᓂᖓ ᓯᕙᑖᕐᕕᒃ, ᔫᓂ 1, 2019.
ᐊᐅᓚᑦᑎᓂᕐᒧᑦ ᑲᑎᒪᔨᑦ 101
ᑕᑯᒋᐅᕈᒃ ᔮᒃ ᕉ, ᓄᓇᑦᑎᐊᕐᒥ ᓴᓇᕝᕕᖕᓂᒃ ᑭᒡᒐᖅᑐᐃᔨ

ᓇᓗᓇᐃᖅᓯᒋᑦ ᐅᕙᑉᑎᓐᓄᑦ ᐱᓕᕆᐊᒃᓴᕆᔭᕐᓂᒃ ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓂᒃ.

ᓴᓇᕝᕕᒋᔭᐅᔪᓂᒃ ᑭᒡᒐᖅᑐᐃᔨᐅᔪᖓ ᓄᓇᑦᑎᐊᕐᒥ. ᐃᒪᓐᓇ ᑐᑭᖃᙱᑦᑐᖅ ᑕᐃᑲᓃᑐᐃᓐᓇᕐᓂᒻᓄᑦ ᑭᒡᒐᖅᑐᐃᔭᖅᑐᖅᓯᒪᑉᓗᖓ ᓴᓇᕝᕕᒋᔭᐅᔪᒥᒃ, ᑭᓯᐊᓂᓕ ᓴᓇᕝᕕᒋᔭᐅᔪᑦ ᐃᓱᒫᓘᑎᖃᖅᐸᑕ ᐊᒻᒪᓗ ᑭᐅᔭᐅᕙᓪᓕᐊᙱᑉᐸᑕ, ᐊᑐᖅᑕᐅᔪᓐᓇᖅᑐᖓ ᖃᐅᔨᒋᐊᖅᑎᒋᔭᐅᓗᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓄᑦ. ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓂᒃ ᑲᑎᒪᔨᐅᖃᑕᐅᑎᓪᓗᖓ, ᐃᒃᓯᕙᐅᑕᕆᔭᐅᔪᖓ ᐊᐅᓚᑦᑎᔨᒃᑯᑦ ᓯᕗᓕᖅᑎᐅᓂᕐᒧᓪᓗ ᑲᑎᒪᔨᕋᓛᓄᑦ, ᐊᒻᒪᓗ ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓄᑦ ᐃᒃᓯᕙᐅᑕᐅᑉ ᑐᖏᓕᕆᑉᓗᓂᖓ. ᐱᓕᕆᐊᒃᓴᕆᔭᕋ ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓂᒃ ᐱᓕᕆᖃᑎᖃᕆᐊᖃᖃᑦᑕᖅᖢᖓ ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓂᒃ ᐱᓕᕆᖃᑎᖃᖃᑦᑕᖁᑉᓗᑕ ᓴᓇᔨᑉᑎᓐᓂᒃ - ᐊᖓᔪᖅᑳᕐᒥᒃ - ᓴᓇᔩᑦ ᒥᐊᓂᕆᔭᐅᑦᑎᐊᖃᑦᑕᖁᑉᓗᒋᑦ ᑮᓇᐅᔭᕆᔭᐅᔪᑦ ᐸᐸᑐᑦᑎᐊᖅᓯᒪᖁᑉᓗᒋᑦ, ᐊᒻᒪᓗ ᑐᕌᒐᕆᔭᖅᐳᑦ ᐱᓕᕆᐊᒃᓴᕆᔭᖅᐳᓪᓗ ᒪᓕᑦᑎᐊᖁᑉᓗᒋᑦ ᐱᔭᐅᔭᕆᐊᓕᒃᑯᑦ ᓄᓇᕗᒥᐅᓄᑦ ᐊᒻᒪᓗ ᓄᓇᑦᑎᐊᕐᒥᐅᓄᑦ.

ᖃᓄᖅ ᐊᑯᓂᐅᑎᒋᔪᖅ ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓂᒃ ᐃᓚᐅᖃᑕᐅᓕᖅᐱᑦ, ᐊᒻᒪᓗ ᓱᖕᒪᑦ ᐃᓚᐅᖃᑕᐅᔪᒪᓕᓚᐅᖅᐱᑦ?

ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓂᒃ ᑲᑎᒪᔨᐅᖃᑕᐅᓕᖅᑐᖓ ᐱᖓᓱᑦ ᐅᑭᐅᑦ ᐅᖓᑎᐊᕐᔪᐊᓂᒃ, ᐃᓚᐅᖃᑕᐅᔪᒪᓕᓚᐅᖅᑐᖓ ᐃᒃᐱᒍᓱᒃᑲᒪ ᐱᓕᕆᐊᒃᓴᖃᕋᑉᑕ ᐱᔨᑦᓯᕋᕆᐊᖃᕐᓂᕐᒧᑦ ᓄᓇᒥ ᓄᓇᒋᔭᑉᑎᓐᓂᒃ. ᓂᕈᐊᖅᖠᕌᖓᖕᑕ ᓄᓇᒥ ᖃᐅᔨᒪᔭᑉᑎᓐᓂᒃ ᐱᓕᕆᕝᕕᒋᓯᒪᔭᑉᑎᓐᓂᒃ ᐅᕝᕙᓘᓐᓃᑦ ᐱᔫᒥᒋᔭᑉᑎᓐᓂᒃ, ᐃᑲᔫᑕᐅᕙᒃᑐᖅ ᐃᓚᐅᖃᑕᐅᓂᕗᑦ ᐱᔾᔪᑎᖃᑦᑎᐊᕈᓐᓇᕐᓂᖓᓄᑦ.

ᖃᓄᖅ ᐱᓕᕆᕝᕕᖕᒥ ᐊᑦᑕᓇᖅᑐᖃᖅᑕᐅᓕᒪᑎᑦᑎᓂᖅ ᑐᑭᖃᖅᐸ ᐃᓕᖕᓄᑦ?

ᐱᓕᕆᕝᕕᖕᒥ ᐊᑦᑕᓇᖅᑐᖃᖅᑕᐃᓕᒪᑎᑦᑎᓂᖅ ᑐᑭᖃᖅᑐᖅ ᐃᓗᐃᑦᑐᒃᑯᑦ ᑕᑯᒋᐊᕆᐊᖃᕐᓂᑉᑎᓐᓄᑦ ᐊᑦᑕᓇᖅᑐᒦᑎᑦᑎᑦᑕᐃᓕᒪᔭᕆᐊᖃᕐᓂᕐᒥᒃ; ᐅᔾᔨᖅᑐᑦᑎᐊᕆᐊᖃᖅᑐᒍᑦ ᐊᑦᑕᓇᖅᑐᒦᖁᓇᑕ ᓱᓇᓕᕆᑎᓪᓗᑕ, ᓴᓇᕝᕕᑉᑎᓐᓂᒃ ᐊᒻᒪᓗ ᐊᖏᕐᕋᑉᑎᓐᓂᒃ. ᐃᓄᓗᒃᑖᑦ ᐃᓱᒪᑎᑦᑐᓐᓇᕈᑉᑎᒍᑦ ᐊᑦᑕᓇᖅᑐᒦᑦᑕᐃᓕᒪᔪᓐᓇᕐᓂᕐᒥᒃ ᐱᓕᕆᑦᑎᐊᕐᓂᖃᕋᔭᖅᑐᒍᑦ ᐊᖏᕐᕋᖃᑦᑕᕐᓗᑕᓗ ᐊᑦᑕᓇᖅᑐᒃᑰᖅᓯᒪᙱᓪᓗᑕ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ 7-ᓂᒃ ᐱᒻᒪᕆᐅᑎᑦᑎᖕᒪᑕ. ᓇᓗᓇᐃᖅᓯᔪᓐᓇᖅᐱᑦ ᐊᑕᐅᓯᕐᒥᒃ ᐊᒻᒪᓗ ᑐᑭᓯᑎᑦᑎᒋᐊᕐᓗᑎᑦ ᓱᖕᒪᑦ ᐱᒻᒪᕆᐅᖕᒪᖔᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᔨᒃᑯᑦ ᑲᑎᒪᔨᖏᑦ?

ᐱᒻᒪᕆᐅᓂᖅᐹᖑᔪᖅ ᐅᕙᒻᓄᑦ ᒪᑐᐃᖓᑦᑎᐊᕆᐊᖃᕐᓂᖅ. ᑕᒪᓐᓇ ᐱᑕᖃᙱᑉᐸᑦ, ᐱᓕᕆᕝᕕᒋᔭᖅᐳᑦ ᐊᖏᔫᖕᒪᑦ ᐊᒻᒪᓗ ᑕᐅᑐᒃᑕᐅᔪᓐᓇᖅᑐᖅ ᐅᐸᒃᑕᐅᑲᐅᑎᒋᔪᓐᓇᙱᑦᑐᑎᑐᑦ ᐊᒻᒪᓗ ᑲᑕᒃᑎᕆᔪᓐᓇᖅᑐᑎᑐᑦ, ᐊᒻᒪᓗ ᑕᐃᒪᓐᓇ ᑕᐅᑐᒃᑕᐅᒍᑉᑕ ᐱᓕᕆᐊᒃᓴᑉᑎᓐᓂᒃ ᑲᔪᓯᑎᑦᑎᑦᑎᐊᕋᔭᙱᑦᑐᒍᑦ. ᐱᓕᕆᐊᒃᓴᕆᔭᒃᑯᑦ ᐱᐅᓯᕚᓪᓕᖅᑎᑕᐅᔪᓐᓇᙱᑦᑐᓂᒃ ᐱᑕᖃᙱᑦᑐᖅ ᐊᒻᒪᓗ ᐃᓄᖕᓂᒃ ᑭᓯᐊᓂ ᑐᓴᕈᓐᓇᖃᑦᑕᕐᓂᐊᖅᑐᒍᑦ ᐃᓄᐃᑦ ᓂᑉᓕᕈᓐᓇᖃᑦᑕᖅᐸᑕ - ᑭᓯᐊᓂ ᖃᐅᔨᒪᔭᕆᐊᓖᑦ ᓂᑉᓕᖅᐸᑕ ᑭᐅᔭᐅᔪᓐᓇᕐᓂᐊᕐᓂᖏᓐᓄᑦ.

ᓱᓇ ᖁᕕᐊᒋᓂᖅᐹᕆᕕᐅᒃ ᐊᐅᓚᑦᑎᔨᒃᑯᓐᓄᑦ ᑲᑎᒪᔨᐅᖃᑕᐅᑎᓪᓗᑎᑦ, ᐊᒻᒪᓗ ᓱᖕᒪᑦ?

ᖁᕕᐊᒋᓂᖅᐹᕆᔭᕋ ᓴᓇᖃᑎᒃᑲ ᓴᓇᖃᑎᒋᔪᓐᓇᕋᑉᑭᑦ ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓂᒃ ᑲᒪᔪᓐᓇᖁᑉᓗᑕ ᐃᓱᒫᓘᑕᐅᔪᓂᒃ ᓇᖕᒥᓂᖃᖅᑎᐅᔪᓄᑦ ᓴᖅᑭᑎᑕᐅᓯᒪᔪᓂᒃ ᐱᔨᑦᓯᕋᖅᑕᑉᑎᓐᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓄᑦ. ᐱᖁᔨᕗᖔᕈᑎᒥᒃ ᓴᖅᑭᑦᑎᔪᓐᓇᕐᓂᖅ ᐃᓱᒫᓘᑕᐅᔪᒃᑯᑦ ᐃᖢᐊᖅᓯᒍᑕᐅᓐᓇᖅᑐᖅ.


ᑲᑎᒪᔩᑦ ᐊᐅᓚᑦᑎᔨᖏᑦ ᐱᔭᕆᐊᓕᖏᓐᓂᑦ ᐱᔪᒪᔭᖏᓐᓂᓪᓗ ᑭᒡᒐᖅᑐᐃᓲᑦ ᑎᒍᒥᐊᖅᑎᖁᑎᑦᑎᓐᓂᑦ. ᐱᒻᒪᕆᐅᔪᑦ ᑐᑭᒧᐊᑦᑎᑕᐅᓪᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᒪᐃᓐᓂ ᐃᓱᒪᒃᓴᖅᓯᐅᖃᑦᑕᕐᓂᖏᑎᒍᑦ ᐊᑐᐊᒐᑦᑎᓐᓂᑦ, ᐃᓕᖅᑯᓯᑦᑎᓐᓂᑦ, ᐊᒻᒪᓗ ᐊᐅᓚᓂᑦᑎᓐᓂᑦ ᐊᒻᒪᓗ ᖃᓄᖅ ᐊᑦᑐᐃᓂᖃᓲᖑᒻᒪᖔᕐᒥᒃ ᑎᒍᒥᐊᖅᑎᖁᑎᑦᑎᓐᓂᑦ. ᐊᐅᓚᑦᑎᔩᑦ ᑲᑎᒪᔨᖏᑦ ᑭᒡᒐᖅᑐᐃᓲᑦ ᐱᔭᕆᐊᓕᔅᓯᖕᓂᑦ ᐱᔪᒪᔭᔅᓯᓂᓪ.

ᑎᑎᖅᑲᓕᐅᕐᓂᐊᑕᑦᑎᓐᓂᑦ, ᖃᐅᔨᒃᑲᓛᖅᐸᑦᑎᒋᑦ ᐊᑐᓂᑦ ᑭᒃᑰᒻᒪᖔᕐᒥᒃ ᐊᐅᓚᑦᑎᓂᕐᒧᑦ ᑲᑎᒪᔨᖁᑎᕗᑦ. ᓴᖅᑭᑎᑦᑎᓚᐅᖅᑳᖅᑎᓐᓇᑕᓕ, ᐃᓕᓐᓂᐊᒃᑲᓐᓂᕆᑦ ᐊᐅᓚᑦᑎᔩᑦ ᑲᑎᔨᖏᑕ ᒥᒃᓵᓄᑦ ᑕᑯᓂᐊᕐᓗᒍ ᐃᑭᐊᖅᑭᕕᕗᑦ.

ᐊᖏᕋᒥᑦ ᓇᒻᒥᓂᖃᖅᑎᐅᕖᑦ?
ᐃᖅᑲᐃᑎᑦᑎᔾᔪᑎᐅᔪᖅ ᐅᕙᓐᖓᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅ

ᓇᖕᒥᓂᖃᖅᑎᐅᔪᑦ: ᖃᐅᔨᒪᕖᑦ ᐃᖅᑲᓇᐃᔭᖅᑎᑖᕈᕕᑦ ᐃᖅᑲᓇᐃᔭᖅᑐᓂᑦ ᐃᒡᓗᕕᑦ ᐃᓗᐊᓂ ᓯᓚᑖᓂᓪᓘᓐᓃᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᒪᓕᒐᖓᒍᑦ ᐃᓱᒪᒋᔭᐅᔪᓐᓇᕋᕕᑦ ᐃᖅᑲᓇᐃᔭᕐᕕᒋᔭᐅᖕᒪᒑᑦ?

ᐃᓱᒪᒍᕕᑦ ᐱᔨᑦᑎᕋᖃᑦᑕᕐᓂᕐᒥᒃ ᐸᐃᕆᔨᐅᓂᕐᒧᑦ, ᓴᓗᒻᒪᖅᓴᐃᔨᐅᓂᕐᒥᒃ, ᓱᕋᒃᓯᒪᔪᓂᑦ ᓴᓇᔨᐅᓂᖅ, ᐅᕝᕙᓘᓐᓃᑦ ᐊᖏᖃᑎᒌᒍᑎᒃᑯᑦ ᐃᖅᑲᓇᐃᔭᕐᓂᒃᑯᑦ ᐅᓪᓗᓕᒫᕐᒧᑦ ᐅᕝᕙᓘᓐᓃᑦ ᐅᓪᓘᑉᐃᓚᐃᓐᓇᖓᒍᑦ, ᐊᑭᓕᖅᓱᖅᑕᐅᓗᓂ ᐅᕝᕙᓘᓐᓂᑦ ᐊᑭᓕᖅᓱᖅᑕᐅᙱᒃᑲᓗᐊᕐᓗᓂ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐃᑲᔪᕈᓐᓇᖅᑐᑦ ᓇᓗᓇᐃᖅᓯᓂᕐᒥᑦ ᐊᑭᓖᔭᕆᐊᖃᕈᕕᑦ ᖃᐅᔨᓴᕈᑕᐅᔪᓂᒃ ᓇᓗᓇᐃᔭᐃᓂᕐᒥᑦ ᒪᓕᒡᓗᑎᑦ ᐃᖅᑲᓇᐃᔭᖅᑎᑦ ᑐᓂᔭᐅᔪᓐᓇᕐᓂᖏᓐᓄᑦ ᐱᖁᔭᖅ ᐊᒻᒪ ᐱᓯᒪᒐᓗᐊᕐᒪᖔᖅᐱᑦ ᐃᖅᑲᓇᐃᔭᕐᕕᒋᔭᒥ ᖃᓄᐃᙱᑦᑎᐊᕋᓱᖕᓂᖅ ᐊᑦᑕᕐᓇᕐᑕᐃᓕᒪᓂᕐᓗ (OHS) ᑲᒪᒋᔭᒃᓴᓂᒃ ᒪᓕᒡᓗᒍ ᐊᑦᑕᕐᓇᕐᑕᐃᓕᒪᓂᕐᒧᑦ ᐱᖁᔭᖅ.

ᐅᖄᓚᕕᒋᒍᒃ ᐃᖅᑲᓇᐃᔭᕐᕕᒋᔭᑦᑕ ᐱᔨᑦᑎᕋᖅᑕᐅᕝᕕᖓ ᑐᑭᓯᒋᐊᕐᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑎᓂᑦ ᐃᓱᒪᒋᔭᐅᖕᒪᖔᖅᐱᑦ ᐃᖅᑲᓇᐃᔭᕐᕕᒋᔭᕐᓂ ᖃᐅᔨᓴᕈᑕᐅᓂᕐᒧᑦ ᐱᔾᔪᑎᓂᒃ, ᐊᒻᒪ ᓄᖅᑲᖅᑎᑦᑎᔪᓐᓇᕐᓂᕐᒧᑦ ᐱᔨᑦᑎᕋᖅᑎᒃᑯᑦ ᐊᐱᖅᑯᑎᖃᕈᕕᑦ OHS ᑲᒪᒋᔭᒃᓴᖏᓐᓂᒃ. ᐅᖄᓚᕕᒋᑎᒍᑦ ᐊᑭᖃᙱᑦᑐᒧᑦ ᐅᕗᖓ 1-800-661-0792.
ᐊᑐᐊᒐᐃᑦ ᐊᓯᔾᔨᕐᓂᖏᑦ

ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᓚᐅᖅᑐᑦ ᐊᒻᒪ ᐊᖏᖅᓯᓪᓗᑎ ᐅᑯᓂᖓ ᐊᑐᐊᒐᕐᓂᑦ ᐊᒻᒪ ᐊᐅᓚᑦᑎᓂᕐᒧᑦ ᑲᑎᒪᔩᑦ ᑐᑭᒧᐊᕈᑎᖏᑦ ᔫᓂ 2018 ᑲᑎᒪᓂᖃᖅᑎᓪᓗᒋᑦ:
  • ᐊᑐᐊᒐᖅ 01.01, ᐱᓕᕆᕕᐅᓂᖓ ᓇᓗᓇᐃᖅᑕᐅᓂᖓ
  • ᐊᑐᐊᒐᖅ 01.02, ᐱᓕᕆᕕᐅᓂᖓ ᓇᓗᓇᐃᖅᑕᐅᑲᓐᓂᕐᓂᖓ
  • ᐊᑐᐊᒐᖅ 03.11, ᐃᑲᔫᓯᐊᑦ ᐊᒻᒪ ᐱᔨᑦᑎᕈᑏᑦ ᐋᓐᓂᖅᓯᒪᒻᒪᕆᑦᑐᓄᑦ ᐃᖅᑲᓇᐃᔭᖅᑎᓄᑦ
  • ᐊᐅᓚᑦᑎᓂᕐᒧᑦ ᑲᑎᒪᔩᑦ ᑐᑭᒧᐊᕈᑦ B-005, ᐊᐅᓚᑦᑎᓂᕐᒧᑦ ᑲᑎᒪᔩᑦ ᑲᑎᒪᔨᖏᓐᓄᑦ ᐊᐅᓪᓚᓂᕐᒧᑦ
ᑕᑯᒋᐊᕐᓗᒍ ᑖᓐᓇ  WSCC Policy Manual (ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ) ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ  Governance Council Directives  (ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ) ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.
ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖏᑦ (ᓄᓇᑦᓯᐊᖅ ᐊᒻᒪᓗ ᓄᓇᕗᑦ) ᒪᑐᓯᒪᔪᑦ ᓇᒡᒐᔾᔭᐅᒥ, ᔪᓚᐃᑦ 2 ᑲᓇᑕᐅᑉ ᐅᓪᓗᖓ ᖁᕕᐊᒋᔭᐅᓂᖓᓄᑦ, ᐊᒻᒪ ᒪᑐᐃᒃᑲᓂᕐᓗᓂ ᐊᐃᑉᐱᖅ, ᔪᓚᐃ 3 ᓯᕿᓐᖑᔭᖓ 8:30 ᐅᓪᓛᒃᑯᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖓ ᐃᖃᓗᓐᓂ ᒪᑐᓯᒪᔪᖅ ᓇᒡᒐᔾᔭᐅᒥ, ᔪᓚᐃᑦ 9 ᓄᓇᕗᑦ ᐅᓪᓗᖓ ᖁᕕᐊᒋᔭᐅᓂᖓᓄᑦ, ᐊᒻᒪ ᒪᑐᐃᒃᑲᓂᕐᓗᓂ ᐊᐃᑉᐱᖅ, ᔪᓚᐃ 10 ᓯᕿᓐᖑᔭᖓ 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
wscc.nt.ca   /  1.800.661.0792   *   wscc.nu.ca  /  1.877.404.4407