 |
 |
 |
ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ
ᒪᐃ 2-8: ᑲᑎᙵᓗᑕ ᓴᓇᔪᓐᓇᖅᐳᒍᑦ ᐊᑦᑕᓇᙱᑦᑐᓂ ᐃᖅᑲᓇᐃᔭᕐᕕᖕᓂ ᐊᒻᒪᓗ ᓄᓇᓕᖕᓂ
ᐃᑲᔪᖅᓱᐃᓂᕐᒧᑦ ᐊᑦᑕᓇᔾᔭᐃᖅᓯᒪᓂᕐᒥ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱᓇᓱᐊᕈᓯᕐᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐸᕐᓇᐃᕗᑦ ᐱᓇᓱᐊᕈᓯᓕᒫᒥ ᑕᐅᑐᒃᑕᑐᐊᖃᑲᐃᓐᓇᖅᑐᒥ ᒪᒃᑯᒃᑐᓂ ᐃᖅᑲᓇᐃᔭᖅᑎᓂ ᐊᒻᒪᓗ ᒥᒃᖠᒋᐊᖅᓯᓂᕐᒥ ᐅᓗᕆᐊᓇᕐᓂᐅᔪᑦ ᑕᖃᒪᔪᕐᒥ ᐃᖅᑲᓇᐃᔭᕐᕕᖕᒥ. ᐃᓚᐅᖃᑕᐅᒋᑦ ᖃᕋᓴᐅᔭᑎᒍᑦ ᑲᑎᒪᓂᐅᔪᓂ, ᖃᐅᔨᒋᐊᕈᒃ ᖃᕋᓴᐅᔭᑎᒍᑦ ᐃᑲᔪᕈᑎᒃᓴᐃᑦ, ᐊᒻᒪᓗ ᒪᓕᒡᓗᒍ ᐃᓅᖃᑎᒌᓄᑦ ᓯᐊᒻᒪᖅᑎᑦᑎᓂᐅᔪᒃᑯᑦ ᒪᕐᐱᖅᑐᒐᐅᔪᓂ ᖃᐅᑕᒫᒥ ᓄᑖᙳᕆᐊᖅᑎᑕᐅᓂᐅᔪᓂ.
ᖃᓄᖅ ᖁᕕᐊᓱᒍᑎᖃᕈᓐᓇᖅᐱᑦ ᐃᖅᑲᓇᐃᔭᕐᕕᖕᓂᑦ?
- ᑲᒪᒋᔭᖃᕐᓗᑎᑦ ᖃᐅᑕᒫᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᓂᐅᔪᒥ ᐃᖅᑲᓇᐃᔭᖅᑎᓄᑦ
- ᓂᕈᐊᒃᓯᓗᑎᒃ ᐅᖃᐅᓯᐅᓂᐊᖅᑐᓂ ᐱᒻᒪᕆᐅᔪᓄᑦ ᐃᖅᑲᓇᐃᔭᕐᕕᖕᓄᑦ, ᐊᒻᒪᓗ ᑐᓂᓗᒋᑦ ᐃᖅᑲᓇᐃᔭᖅᑎᐅᔪᑦ ᐱᕕᒃᓴᖃᕐᓂᐅᔪᒥ ᑐᕌᖅᑎᑦᑎᓂᖏᓐᓂ ᐅᖃᓪᓚᖕᓂᐅᔪᒥ.
- ᓇᒃᓯᐅᔾᔨᕙᒡᓗᑎᑦ ᖃᐅᑕᒫᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ ᐃᑲᔪᕈᑎᒃᓴᓕᖕᓂ ᑲᑎᙵᓂᐅᔪᑦ ᐅᖃᓕᒫᕈᓐᓇᖅᑕᖏᓐᓂ ᐅᕝᕙᓘᓐᓃᑦ ᕿᓯᕐᕈᔭᐅᓗᓂ. ᖃᐅᔨᒋᐊᕆᑦ ᐃᓚᖏᓐᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔪᕈᑎᒃᓴᖏᓐᓂ ᐊᓯᖕᓄᑦ ᑕᑯᒃᓴᐅᑎᑦᑎᑦᑐᓐᓇᖅᑕᖏᓐᓂ:
- ᐊᑦᑕᓇᔾᔭᐃᖅᓯᒪᓂᕐᒧᑦ ᓵᓚᖃᕋᓱᐊᖅᑎᑦᑎᓗᓂ. ᐋᖅᑭᒃᓱᐃᓗᑎᑦ ᖃᐅᑕᒫᒥ ᖃᐅᔨᓴᕈᑕᐅᔪᒥ ᐅᕝᕙᓘᓐᓃᑦ ᐱᓇᓱᐊᕈᓯᑕᒫᒥ ᐱᙴᒥ ᐃᖅᑲᓇᐃᔭᕐᕕᒃᐱᑦ ᐱᓪᓚᕆᐅᔪᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᑭᓯᒋᐊᕈᑎᒃᓴᓄᑦ: ᑐᐊᕕᕐᓇᖅᑐᓂ ᐸᕐᓇᒍᑎᓂᒃ, ᐊᑦᑕᓇᔾᔭᐃᖅᓯᒪᓂᕐᒧᑦ ᐊᑐᐊᒐᓂᑦ, ᐊᒻᒪᓗ ᓴᓇᔨᕐᔪᐊᓄᑦ ᐅᕝᕙᓘᓐᓃᑦ ᐃᖅᑲᓇᐃᔮᒧᑦ−ᑐᕌᖓᔪᒥ ᐅᖃᐅᓯᒃᓴᓂ ᐱᒻᒪᕆᐅᔪᓄᑦ ᐃᖅᑲᓇᐃᔭᖅᑎᓄᑦ.
ᑕᑯᒃᓴᐅᑎᑦᑎᓗᑎᑦ ᐊᖏᖅᓯᒪᓂᕐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᐅᓯᖃᕐᓗᑎᑦ ᖃᓄᖅ ᖁᕕᐊᓱᒍᑎᖃᕐᓂᕐᓂ ᐃᒪᐃᓪᓗᑎᑦ ᖃᕋᓴᐅᔭᑎᒍᑦ ᑎᑎᕋᕐᓗᑎᑦ ᑲᑎᙵᓂᔅᓯᓐᓄᑦ, ᐅᕝᕙᓘᓐᓃᑦ ᑕᑯᒃᓴᐅᑎᑦᑎᓗᑎᑦ ᐊᔾᔨᙳᐊᒥ ᕙᐃᔅᐳᒃᑯᑦ ᐊᒻᒪᓗ ᑐᕕᑐᕐ ᐊᒻᒪ ᓇᓗᓇᐃᕆᓗᓂ @WSCCNTNU!
|
|
ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ: ᑕᖃᓯᒪᓂᖅ
ᓴᓇᓗᑎᑦ ᓱᔪᐃᓯᒪᓂᖃᓕᕐᓂᕐᒥ ᐊᑐᐊᒐᕐᒥ ᐃᖅᑲᓇᐃᔭᕐᕕᖕᒧᑦ
ᑕᖃᒪᓂᖅ ᑎᓯᔪᒥ ᓴᓇᓯᒪᓂᐅᔪᓐᓇᖅᐳᖅ ᓱᔪᐃᓯᒪᓂᖃᓕᕐᓂᕐᒥ ᓇᓗᓇᐃᖅᓯᓂᕐᒧᑦ. ᑕᖃᖓᓗᓂ ᑲᑎᙵᓂᐅᕗᖅ ᐱᔭᒃᓴᖃᐅᕐᔪᐊᖅᑐᒥ ᐃᓅᓯᐅᔪᒥ, ᑭᓯᐊᓂ ᖃᖓ ᑕᖃᖓᓂᖅ ᑕᖃᓗᐊᕐᓂᐅᓇᔭᖅᐸ? ᓱᔪᐃᓯᒪᓂᖃᓕᕐᓂᕐᒥ ᐊᑐᐊᒐᖃᕐᓗᓂ ᐃᖅᑲᓇᐃᔭᕐᕕᖕᓂ ᐃᑲᔪᕈᓐᓇᖅᐳᖅ ᐸᕐᓇᐃᓂᕐᒧᑦ ᓴᓇᔨᓂᑦ ᐊᒻᒪ ᑲᒪᔨᐅᔪᓄᑦ ᓇᓗᓇᐃᖅᓯᓂᕐᒥ ᑕᖃᒪᓂᕐᒥ ᐃᖅᑲᓇᐃᔭᕐᕕᖕᒥ ᐊᒻᒪᓗ ᐊᐅᓚᑕᐅᓂᖓᓂ ᓈᒻᒪᒃᑐᒥ.
ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ ᐅᖃᖅᓯᒪᕗᖅ ᐊᑐᐊᒐᖃᕆᐊᖃᖅᐳᑎᑦ ᑲᒪᒋᔭᖃᖅᑐᒥ ᖃᓄᐃᑦᑐᑐᐃᓐᓇᕐᓂ ᓱᔪᐃᓯᒪᓂᖃᓕᕐᓂᕐᒥ ᐃᖅᑲᓇᐃᔭᕐᕕᖕᓂᑦ. ᒪᓕᒐᖅ ᐅᖃᖅᓯᒪᕗᖅ ᓱᔪᐃᓯᒪᓂᖃᓕᕐᓂᕐᒥ ᐊᑐᐊᒐᖅ ᐃᓚᖃᕆᐊᖃᖅᐳᖅ:
- ᐱᓕᕆᐊᒃᓴᑦ ᐃᖅᑲᓇᐃᔭᖅᑎᒧᑦ ᐅᓂᒃᑳᕆᐊᖃᕐᓂᖏᓐᓂ ᓱᔪᐃᓯᒪᑎᓪᓗᒋᑦ.
- ᐱᔭᒃᓴᕆᔭᖏᑦ of ᐃᖅᑲᓇᐃᔭᖅᑎᖁᑎᓕᖕᓄᑦ ᓇᓗᓇᐃᖅᓯᓂᕐᒥ ᓱᔪᐃᓯᒪᓂᖃᓕᕐᓂᕐᒥ, ᓴᓇᔨᐅᔪᒧᑦ ᓴᐳᔾᔨᓯᒪᓂᕐᒧᑦ, ᐊᒻᒪᓗ ᐋᖅᑭᒍᑎᒃᓴᐅᔪᓄᑦ ᐱᓕᕆᓂᐅᔪᓂᑦ.
- ᐅᓂᒃᑳᕆᓯᒪᓂᐅᔪᒥ ᖃᓄᖅ ᐊᑐᐊᒐᖅ ᐊᑐᓕᖅᑎᑕᐅᓂᐊᕐᓂᖓᓂ ᐃᖅᑲᓇᐃᔭᕐᕕᖕᓂᑦ.
- ᓇᓗᓇᐃᖅᓯᓯᒪᓂᖓᓂ ᖃᓄᑎᒋ ᐱᒻᒪᕆᐅᓂᖓᓂ ᓇᓗᓇᐃᖅᑕᐅᓂᐊᖅᐳᖅ.
- ᐱᓕᕆᓂᐅᔪᑦ ᐱᑎᑦᑎᑦᑕᐃᓕᒪᓂᕐᒧᑦ ᑕᖃᒪᓂᕐᒥ ᐃᖅᑲᓇᐃᔭᕐᕕᖕᒥᑦ.
- ᐃᓕᓐᓂᐊᖅᑎᑦᑎᓂᖅ ᐱᓕᒻᒪᒃᓴᐃᓂᕐᒥᓪᓗ ᐸᕐᓇᐅᑎᒥᒃ ᓴᓇᔨᓄᑦ.
- ᐃᓱᓕᕝᕕᒃᓴᖓᓂ ᐊᑐᐊᒐᕐᒧᑦ ᕿᒥᕐᕈᓇᒃᑕᐅᓂᖓᓂ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᒪᐃᖁᔨᓇᔭᖅᐳᑦ ᓱᔪᐃᓯᒪᓂᖃᓕᕐᓂᕐᒥ ᐊᐅᓚᑕᐅᓂᖓᓂ ᒪᑐᐃᖓᓪᓗᓂ ᐅᖃᓪᓚᖕᓂᐅᕗᖅ ᓴᓇᔨᓂᑦ ᐊᒻᒪ ᐃᖅᑲᓇᐃᔭᖅᑎᖁᑎᓕᖕᓄᑦ. ᑕᖃᒪᓂᖃᖅᖢᓂ ᐃᖅᑲᓇᐃᔭᕐᕕᖕᒥ, ᐱᔭᕆᐊᖃᖅᑎᑦᑎᕗᖅ ᑭᒃᑯᓕᒫᓂ ᓇᐅᑦᑎᖅᓱᖃᑦᑕᐅᑎᓂᕐᒥ ᐊᓯᖏᓐᓂ ᓇᓗᓇᐃᒃᑯᑕᐅᔪᑦ ᐊᒻᒪ ᐋᓐᓂᐊᕈᑕᐅᖃᑦᑕᖅᑐᓄᑦ ᐊᔪᕐᓇᕈᓐᓇᕐᒪᑕ ᐃᓕᓴᖅᓯᓂᕐᒧᑦ.
ᐃᑲᔪᕈᑎᒃᓴᐃᑦ
|
|
ᒪᒃᑯᒃᑐᑦ ᐃᖅᑲᓇᐃᔭᖅᑏᑦ
ᓴᖅᑭᑎᑦᑎᓂᕐᒥ ᐊᑦᑕᓇᔾᔭᐃᖅᓯᒪᓂᕐᒥ ᐊᒻᒪ ᓴᙱᔪᒥ ᑭᖑᓪᓕᕐᓂᒃ ᐃᖅᑲᓇᐃᔭᖅᑎᒃᓴᓂᒃ
ᖃᐅᔨᒪᕕᑦ ᐃᖅᑲᓇᐃᔭᖅᑏᑦ ᐅᑭᐅᓕᖕᓂ 25 ᑐᖔᓂ ᐊᑐᕐᓂᖅᓴᐅᒐᔪᖕᓂᖏᓐᓂ ᐃᖅᑲᓇᐃᔭᕐᕕᖕᒧᑦ ᖃᓄᐃᓐᓂᐅᔪᒥ ᐅᕝᕙᓘᓐᓃᑦ ᐋᓐᓂᕐᓂᐅᔪᒥᑦ? ᐃᓂᒋᔭᒥ ᓱᖏᐅᓴᐃᓂᕐᒧᑦ, ᑐᑭᓯᓇᖅᑐᒥ ᐃᓕᓐᓂᐊᕈᑎᒃᓴᓂ ᐃᑲᔪᕈᑎᒃᓴᓂ, ᐊᒻᒪᓗ ᐱᓪᓚᕆᐅᔪᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᓂᔭᐅᓪᓗᐊᖅᑐᓄᑦ ᓴᓇᔨᓕᒫᓄᑦ, ᑭᓯᐊᓂ ᐱᓗᐊᖅᑐᒥ ᒪᒃᑯᒃᑑᓗᑎᒃ ᓴᓇᔨᐅᓗᑎᒃ ᓄᑖᖑᔪᒥ ᐃᖅᑲᓇᐃᔭᖅᑎᐅᖃᑕᐅᔪᓄᑦ!
ᐃᑲᔪᕈᑎᒃᓴᐃᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᐅᔪᓂ ᒪᓕᒋᐊᓕᖕᓂ ᐃᑲᔪᕈᑎᒃᓴᓂ ᐊᒻᒪ ᐱᓕᕆᔾᔪᑎᖃᐅᕐᑐᑦ ᐃᑲᔪᕈᑎᒃᓴᓂᒃ ᐃᖅᑲᓇᐃᔭᖅᑎᑦᑎᔨᐅᔪᑦ ᐱᒋᐊᖅᑎᑦᑎᓂᖏᓐᓂ ᒪᒃᑯᒃᑐᓂ ᐃᖅᑲᓇᐃᔭᖅᑎᓂᑦ ᐱᒋᐊᑦᑎᐊᕐᓂᖓᓐᓂ ᐱᓕᕆᑦᑎᐊᖅᑐᒥ. ᒪᒃᑯᒃᑐᒧᑦ ᐃᖅᑲᓇᐃᔭᖅᑎᒧᑦ ᐱᓕᕆᐊᖑᔪᖅ ᐃᑲᔪᕈᑎᒃᓴᖃᖅᐳᖅ ᑎᑎᕋᖅᓯᒪᔪᓂ ᒪᒃᑯᒃᑐᓄᑦ ᖁᙱᐊᖅᑎᐅᔪᓄᑦ ᑐᑭᓯᓇᑦᑎᐊᖅᑐᓂ ᐅᓂᒃᑳᕆᓯᒪᓂᐅᔪᓂ ᐅᖃᐅᓯᖃᖅᑐᒥ ᐱᒋᐊᕈᑎᖏᓐᓂ ᐊᑦᑕᓇᔾᔭᐃᖅᓯᒪᓂᕐᒧᑦ. ᑕᒪᒃᑭᓕᒫᑦ ᐅᑯᓇᓂ ᐃᑲᔪᕈᑎᒃᓴᓂ ᐊᑐᐃᓐᓇᐅᕗᑦ ᐊᑭᖃᙱᖦᖢᑎᒃ ᖃᕋᓴᐅᔭᑎᒍᑦ, ᐊᒻᒪᓗ ᐃᓚᓕᐅᔾᔭᐅᔪᓐᓇᖅᐳᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᕆᔭᕐᓄᑦ:
ᐃᖅᑲᓇᐃᔭᖅᑎᖁᑎᓕᑦ ᑲᒪᒋᔭᖃᖅᐳᑦ ᐱᓕᒻᒪᒃᓴᐃᓂᖏᓐᓂ ᐊᒻᒪ ᐸᕐᓇᐃᓂᕐᒧᑦ ᐃᖅᑲᓇᐃᔮᖏᓐᓂᒃ ᐱᓕᕆᓗᑎᒃ ᐊᑦᑕᓇᙱᑦᑐᒥ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᕙᓃᑉᐳᑦ ᐃᑲᔪᖅᓱᐃᓂᕐᒥ ᑲᑐᔾᔨᖃᑎᒌᖑᔪᓂ ᐃᑲᔪᕈᑎᒃᓴᓂ ᑲᒪᒋᔭᖃᖅᑐᓂ ᐱᓪᓚᕆᐅᔪᓂ ᐊᑦᑕᓇᔾᔭᐃᖅᓯᒪᓂᕐᒧᑦ, ᐃᓚᓕᐅᔾᔭᐅᔪᓐᓇᖅᑐᒥ ᐃᖅᑲᓇᐃᔮᖕᓄᑦ−ᑐᕌᖓᔪᒥ ᐊᑦᑕᓇᖅᑐᒦᑎᑦᑎᑦᑕᐃᓕᒪᓂᕐᒧᑦ ᐱᓕᒻᒪᒃᓴᐃᓂᐅᔪᒥ. ᑐᓂᓗᒋᑦ ᒪᒃᑯᒃᑐᑦ ᐃᖅᑲᓇᐃᔭᖅᑎᑎᑦ ᐱᓕᕆᔾᔪᑕᐅᔪᓂ ᐊᒻᒪ ᑐᑭᓯᒋᐊᕈᑎᒃᓴᓂ ᐱᔭᕆᐊᖃᖅᑕᖏᓐᓂᑦ ᐊᑦᑕᓇᖏᑦᑐᒥᑦ ᐃᖅᑲᓇᐃᔭᕐᓂᐊᕐᒪᑕ ᓯᕗᓪᓕᖅᐹᒥ ᐅᓪᓗᖓᓂ. ᐊᔭᐅᕆᕙᒡᓗᑎᑦ ᒪᒃᑯᒃᑐᓂ ᐃᖅᑲᓇᐃᔭᖅᑎᓂ ᐊᐱᕆᖃᑦᑕᕐᓂᖏᓐᓂ ᑭᓱᑐᐃᓐᓇᒥᒃ ᑐᑭᓯᙱᒃᑳᖓᒥᒃ. ᐊᑦᑕᕐᓇᖅᑕᐃᓕᒪᓂᖅ ᑭᓇᒃᑯᓕᒫᑦ ᐱᓕᕆᐊᒃᓴᕆᕙᖓᑦ, ᓯᕗᓪᓕᖅᐹᒥ ᐅᓪᓗᒋᒐᓗᐊᕈᓂᐅᒃ ᐃᖅᑲᓇᐃᔮᒥᓂᒃ.
|
|
ᐊᕐᕌᒎᑉ ᐃᓚᖓᓐᓂ ᐃᖅᑲᓇᐃᔭᕐᓂᕐᒧᑦ ᐃᖅᑲᐃᔾᔪᑎ
ᐊᐅᔭᖅ ᑎᑭᑉᐸᓪᓕᐊᓕᕐᒪᑦ. ᓯᓚᒥ ᐅᖅᑯᓂᖅᓴᐅᓕᖅᐸᓪᓕᐊᑎᓪᓗᒍ ᑎᑭᓲᖑᕗᖅ ᐊᕐᕌᒎᑉ ᐃᓚᐃᓐᓇᖓᓂ ᐃᖅᑲᓇᐃᔭᕐᓂᕐᒥ, ᐱᖃᕆᐊᖃᖅᑎᑦᑎᓇᔭᖅᑐᒥ ᖄᒃᑲᓐᓂᐊᒍᑦ ᐊᓪᓚᕝᕕᓕᕆᓂᕐᒥ ᑭᓱᑐᐃᓐᓇᓂ ᐊᒻᒪ ᐱᓕᒻᒪᒃᓴᐃᓂᕐᒥ ᐃᖅᑲᓇᐃᔭᖅᑎᖕᓂᑦ.
ᐊᑦᑕᕐᓇᕐᔪᐊᖅᑐᓂ ᐱᓕᕆᓂᕐᓂ ᑐᓴᐅᒪᑎᑦᑎᔾᔪᑎ
ᐱᓕᕆᕝᕖᑦ ᐱᓕᕆᒍᓂ ᐊᑦᑕᕐᓇᕐᔪᐊᖅᑐᓂ ᐱᓕᕆᓂᕐᓂ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ ᐅᖃᖅᓯᒪᕗᖅ ᐃᖅᑲᓇᐃᔭᖅᑎᖁᑎᓕᑦ ᑐᓴᐅᒪᑎᑦᑎᔭᕆᐊᖃᖅᐳᑦ ᐊᖓᔪᖅᑳᖅ ᐊᑦᑕᓇᔾᔭᐃᖅᓯᒪᓕᕆᔨᒧᑦ ᓄᓇᕗᒻᒥ ᐊᒻᒪᓗ ᓄᓇᑦᓯᐊᕐᒥ ᕿᓚᒻᒥᐅᓛᖑᔪᒥ ᐱᔪᓐᓇᕐᓂᖓᓂ. ᐱᓕᕆᕝᕕᒋᔭᐃᑦ ᐱᓕᕆᒍᓂ ᐊᑦᑕᓇᕐᔪᐊᖅᑐᓂ ᐱᓕᕆᓂᐅᔪᓂ ᐊᐅᔭᐅᔪᒥ, ᖃᐅᔨᒋᐊᕐᕕᒋᑎᒍᑦ ᐅᓪᓗᒥ. ᐊᑦᑕᕐᓇᕐᔪᐊᖅᑐᖅ ᐱᓕᕆᓂᕐᓂ ᐃᓚᖃᖅᐳᖅ:
- ᐱᒋᐊᕐᓂᕐᒥ ᓄᑖᖑᔪᒥ ᐊᐅᓚᑕᐅᓂᐅᔪᒥ ᓇᑉᐸᖅᑎᕆᓂᕐᒥ, ᐱᖁᑎᓕᐅᕐᓂᕐᒥ, ᐅᕝᕙᓘᓐᓃᑦ ᐱᓕᕆᓂᖃᖅᑐᓂ 20−ᓂ ᐅᖓᑖᓄᓪᓘᓐᓃᑦ ᓴᓇᔨᐅᔪᓂ ᐃᖅᑲᓇᐃᔭᕐᓂᐊᖅᑐᓄᑦ ᑕᖅᑭᓄᑦ 6−ᓄᑦ ᐅᖓᑖᓄᓪᓘᓐᓃᑦ;
- ᐳᐊᕐᕆᔭᕐᓂᖅ ᐸᒃᑲᒡᓂᕐᒥ, ᑐᐊᑦᑐᒥ ᖃᐅᖅᑎᕐᓂᕐᒥ, ᐅᕝᕙᓘᓐᓃᑦ ᐸᒃᑲᒡᓂᕆᓂᕐᒥ ᑐᐊᑦᑐᑯᑖᖕᒥ ᓱᓪᓗᒥᒃ ᐊᖏᓂᖅᓴᐅᔪᒥ 5−ᓂ ᐃᓯᒐᓪᓗᐊᓂ, ᐅᕝᕙᓘᓐᓃᑦ ᓴᓇᔨᐅᔪᒥ ᐃᓯᕆᐊᖃᕐᓂᐊᖅᑕᖓᓂ;
- ᐳᐊᕐᕆᔭᐃᓂᖅ ᓱᓪᓗᓕᐊᖕᒥ ᐱᓕᕆᔨᐅᔪᖅ ᐱᔭᕆᐊᓕᒃ ᐅᕝᕙᓘᓐᓃᑦ ᐃᓯᕈᓐᓇᖅᑎᑕᐅᓗᓂ.
ᐱᔪᓐᓇᕐᓂᖓᓂ ᑎᑎᖅᑲᒥ ᑐᒃᓯᕋᕐᓂᖅ
ᖃᐅᔨᒪᕕᑦ ᐅᕘᓇ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ(ᑦ), ᐸᓯᔭᒃᓴᐅᔪᓐᓇᕐᓂᕐᓂ ᐊᑭᓕᖅᑕᐅᓯᒪᙱᑦᑐᓄᑦ ᖃᐅᔨᓴᕐᓂᐅᔪᓂᑦ ᑳᓐᑐᕌᒃᑎᐅᔪᓄᑦ ᐃᖅᑲᓇᐃᔭᖅᑎᑕᖕᓂᑦ? ᒪᓕᒐᖅ(ᑦ) ᐅᖃᖅᓯᒪᕗᖅ ᑕᒪᔅᓯ ᑲᑎᙵᓪᓗᓯ ᐊᒻᒪ ᐃᒻᒥᒃᑰᖅᑐᒥ ᐱᓯᔭᒃᓴᐅᔪᓐᓇᖅᐳᓯ ᐊᑭᓖᔭᕆᐊᖃᕐᓂᕐᒧᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᖃᐅᔨᓴᐃᓂᐅᔪᓂ ᐱᔾᔪᑎᖃᖅᑐᒥ ᑳᓐᑐᕌᖏᓐᓂ. ᐅᕘᓇ WSCC Connect, ᐱᔪᓐᓇᖅᐳᑎᑦ ᑎᑎᖅᑲᒥᐊᑭᓕᒃᓴᖃᙱᓐᓂᕋᐃᕈᑎᒥ ᐱᓕᕆᒋᐊᓚᐅᙱᓐᓂᕐᓂ ᐱᓕᕆᐊᒃᓴᒥ, ᐊᒻᒪᓗ ᑭᖑᓪᓕᖅᐹᒥᑦ ᐊᔪᙱᑎᑕᐅᓂᕐᒧᑦ ᑎᑎᖅᑲᒥᑦ ᐱᓕᕆᐊᖑᔪᖅ ᐱᐊᓂᒃᑯᓂ ᐃᓕᖕᓂ ᓴᐳᔾᔨᓯᒪᓂᕐᒧᑦ ᐊᑭᓕᒃᓴᙳᑐᐃᓐᓇᕆᐊᓕᖕᓂᑦ ᐊᑭᓕᕆᐊᖃᕐᓂᕐᒧᑦ ᑳᓐᑐᕌᒃᑎᐅᔪᑦ ᖃᐅᔨᓴᕐᓂᐅᔪᓂᑦ.
ᐃᓕᓯᓂᐊᕈᕕᑦ ᑐᒃᓯᕋᐅᑕᐅᔪᒥ ᐱᓕᕆᓂᕐᒧᑦ ᑲᒻᐸᓂᒋᔭᖅᐱᑦ ᐱᓕᕆᔪᒪᓂᐊᖅᑕᖓᓂ, ᑐᒃᓯᕋᕈᓐᓇᖅᐳᑎᑦ ᐊᑭᑦᑐᕋᐅᑎᓂᕐᒧᑦ ᐊᓂᒍᐃᔾᔪᑎᒥᒃ ᑎᑎᖅᑲᒥ ᑕᑯᑎᑦᑎᓂᕐᒧᑦ ᐱᓕᕆᐊᕆᔭᐃᑦ ᑎᑎᕋᖅᑕᐅᓯᒪᓂᖓᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ.
ᐊᑦᑕᓇᔾᔭᐃᖅᓯᒪᓂᕐᒧᑦ ᐃᑲᔪᕈᑎᒃᓴᐃᑦ
ᐃᖅᑲᐅᒪᓂᐊᖅᐳᑎᑦ ᖃᖓᑐᐃᓐᓇᖅ ᐱᓕᕆᐊᖑᔪᖅ ᐊᓯᔾᔨᕈᓂ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ ᐊᓯᔾᔨᕈᓂ, ᓴᓇᔨᑎᑦ ᐱᓕᒻᒪᒃᓴᖅᑕᐅᔭᕆᐊᖃᖅᐳᑦ ᐱᓕᕆᓂᖏᓐᓂ ᐱᓕᕆᐊᒥᓂ ᐊᑦᑕᓇᔾᔭᐃᖅᓯᒪᓂᕐᒥ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᔅᓯᒐᓚᖕᓂ ᖃᓄᐃᑦᑑᔪᓂ ᐃᑲᔪᕈᑎᒃᓴᖃᖅᐳᑦ ᐊᑐᕈᓐᓇᖅᑕᕐᓂ ᐃᑲᔪᕐᓂᕐᒧᑦ ᐱᓕᒻᒪᒃᓴᐃᓂᕐᒥ ᓴᓇᔨᖕᓂᑦ:
ᖃᐅᔨᒋᐊᕐᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐱᖅᑯᑎᒃᓴᖃᕈᕕᑦ ᐱᓕᕆᓂᐅᔪᒥ ᐱᓕᕆᐊᕆᔭᕐᓂ ᐊᐅᔭᒃᑯᑦ, ᐅᕝᕙᓘᓐᓃᑦ ᑲᒪᒋᔭᕆᐊᖃᖅᑕᕐᓂᑦ ᐅᕘᓇ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ(ᑦ) ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ. ᑕᒪᒃᑭᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔾᔪᑎᓕᖕᓂ ᒪᓕᒐᐃᑦ ᓇᓂᔭᐅᔪᓐᓇᖅᐳᑦ ᐃᑭᐊᖅᑭᕕᑦᑎᓐᓂ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᕙᓃᑉᐳᑦ ᐃᓕᖕᓂ ᐃᑲᔪᖅᓱᐃᓂᕐᒧᑦ ᓴᖅᑭᑎᑦᑎᓂᕐᒥ ᐊᑦᑕᓇᙱᓐᓂᖅᓴᐅᔪᒥ ᐃᖅᑲᓇᐃᔭᕐᕕᖕᒥ.
|
|
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖓᑦ ᒪᑐᓯᒪᓂᐊᖅᑐᑦ ᑯᐃᓐ ᓇᓪᓕᐅᓐᓂᖅᓯᐃᓂᖓᓂ ᐅᓪᓗᖓᓂ ᓇᒡᒐᔾᔭ, ᒪᐃ 24−ᒥ, ᐊᒻᒪᓗ ᐅᒃᑯᐃᒃᑲᓐᓂᕐᓗᑎᒃ ᐊᐃᑉᐹ, ᒪᐃ 25-ᒥ, 8:30 ᐅᓪᓛᒃᑯᑦ.
ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
|
|
|
|
|
