ᔪᓚᐃ 2018
ᐊᑭᖃᙱᑦᑐᖅ ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓐᓂᐊᕋᔅᓴᖅ ᐅᑎᖅᑐᖅ
ᓄᑖᑦ ᐅᓪᓗᐃᑦ, ᓄᑖᑦ ᓄᓇᓖᑦ



ᐊᐱᕆᓗᒋ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ, ᓯᕗᒻᒧᒋᐊᕐᓗᒍ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᖅᑯᓯᖓᓐᓂ ᐱᑐᖃᕆᙱᓚᕗᑦ SafetyNet (ᐊᑦᓇᑕᖅᑕᐃᓕᒪᓂᕐᒧᑦ ᐃᓗᓕᖏᑕ) ᖃᓄᐃᓐᓂᕆᔭᖏᓐᓂᑦ − ᐃᓚᒋᖃᓯᐅᑎᕗᖅ ᐅᕙᒍᑦ ᐸᕐᓈᕆᓯᒪᔭᑦᑎᓐᓂᒃ ᓯᕗᓪᓕᐅᔾᔭᐅᓯᒪᔪᑦ. ᐱᓇᓱᐊᖅᑎᓪᓗᑕ ᓱᓕ ᑲᔪᓯᓂᖃᖅᑐᒃᑯᑦ ᓯᕗᒻᒧᒋᐊᕐᓗᒍ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᖅᑯᓯᖓᓐᓂ ᐊᑐᐃᓐᓇᐅᑎᑦᑎᓂᕐᒥᑦ ᐃᑲᔪᕈᑎᔅᓴᓂᑦ ᐃᖅᑲᓇᐃᔭᖅᑎᑎᓐᓄᑦ ᐊᒻᒪᓗ ᐊᑐᐃᓐᓇᐅᑎᑦᑎᓂᕐᒥᑦ ᐃᓕᓐᓂᐊᕋᔅᓴᓕᐅᕐᓂᕐᒥᑦ ᐃᖅᑲᓇᐃᔭᕐᕕᐅᑉ ᐊᑦᑕᓇᖅᑕᐃᓕᒪᓂᕐᒧᑦ, ᐊᒻᒪᓗ ᖃᐅᔨᓂᖃᒻᒪᕆᑦᑐᑕ ᑕᑯᓐᓇᙳᐊᕆᔭᑦᑎᓐᓂ ᐱᑕᖃᕈᓐᓃᑎᑦᑎᓂᕐᒥᑦ ᐃᖅᑲᓇᐃᔭᕐᕕᐅᔪᓂᑦ ᐋᓐᓂᐊᖑᔪᓂᑦ ᐊᒻᒪᓗ ᐋᓐᓂᕈᑕᐅᔪᓂᑦ, ᖁᕕᐊᓱᑉᐳᒍᑦ ᓇᓗᓇᐃᖅᓯᒋᐊᔅᓴᖅ ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓐᓂᐊᕋᔅᓴᓂᑦ ᐃᓕᓯᒃᑲᓂᖅᓯᒪᒐᑦᑕ .

ᐃᓕᓴᕆᔭᐅᔾᔪᑎᓖᑦ ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓐᓂᐊᑎᑦᑎᓂᕐᒥᑦ ᐃᓕᓴᐃᔩᑦ ᐊᐅᓪᓚᑲᑕᒃᑲᓂᕐᓂᐊᓕᕆᕗᑦ ᐅᑭᐅᖅᑕᖅᑐᒥ ᐊᑐᐃᓐᓇᐅᑎᑦᑎᒋᐊᖅᑐᓪᓗᑎᑦ ᐅᑭᐅᖅᑕᖅᑐᒥᐅᓂᑦ ᐊᑐᖅᑕᐅᒐᔪᑦᑐᓂᒃ ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓐᓂᐊᑎᑦᑎᓂᕐᒥᑦ (ᐱᖃᓯᐅᑎᓪᓗᒍ ᐊᓂᖅᓵᖅᑎᑦᑎᓇᓱᓐᓂᕐᒥᑦ ᐊᒻᒪᓗ ᐊᓂᖅᓵᑎᑦᑎᓂᕐᒧᑦ ᓱᓇᒃᑯᑖᑦ ᐊᑐᖅᑕᐅᕙᑦᑐᓂ) − ᐊᑭᖃᙱᑦᑐᖅ ᐃᖅᑲᓇᐃᔭᖅᑎᓄᑦ ᐊᒻᒪᓗ ᐃᖅᑲᓇᐃᔭᖅᑎᑦᑎᔨᐅᔪᓄᑦ.

ᑖᒃᑯᐊ ᐅᓪᓗᓄ ᒪᕐᕉᓐᓄ ᐃᓕᓐᓂᐊᕐᓃᒃ ᑲᔪᓯᓂᖃᕐᓂᐊᖅᑯᑦ ᐅᑯᓇᓂ ᓄᓇᓕᐅᔪᓂᑦ ᑕᒫᓂ ᐅᑭᐊᔅᓵᒥ. ᓇᕿᓪᓗᒍ ᐅᓪᓗᖏᑦ ᐊᑖᓃᑦᑐᑦ ᐱᒋᐊᖅᐸᓪᓕᐊᓂᐊᖅᑎᓪᓗᑎᑦ ᐃᓚᐅᖃᑕᐅᓂᕐᒧᑦ:
 
ᓇᒦᓐᓂᖓ/ᓄᓇᓕᒃ ᐃᓕᓐᓂᐊᕐᓂᖅ 1 ᐃᓕᓐᓂᐊᕐᓂᖅ 2
ᖃᐅᓱᐃᑦᑐᖅ, ᓄᓇᕗᑦ ᐋᒌᓯ 3-4 ᐋᒌᓯ 5-6
ᐊᐅᓱᐃᑦᑐᖅ, ᓄᓇᕗᑦ ᐋᒌᓯ 8-9 ᐋᒌᓯ 10-11
ᐃᖃᓗᐃᑦ, ᓄᓇᕗᑦ ᐋᒌᓯ 20-21 ᐋᒌᓯ 23-24
ᐃᒃᐱᐊᕐᔪᒃ, ᓄᓇᕗᑦ ᐋᒌᓯ 27-28 ᐋᒌᓯ 29-30
ᔭᓗᓇᐃ, ᓄᓇᑦᓯᐊᖅ ᓯᑎᐱᕆ 4-5 ᓯᑎᐱᕆ 6-7
ᕗᐊᑦ ᐳᕌᕕᑕᓐᔅ, ᓄᓇᑦᓯᐊᖅ ᓯᑎᐱᕆ 4-5 ᓯᑎᐱᕆ 6-7
ᑎᓚᐃᓐ, ᓄᓇᑦᓯᐊᖅ ᓯᑎᐱᕆ 10-11 ᓯᑎᐱᕆ 12-13
ᑭᒻᒥᕈᑦ, ᓄᓇᕗᑦ ᐅᑐᐱᕆ 3-4 ᐅᑐᐱᕆ 6-7
ᐃᖃᓗᐃᑦ, ᓄᓇᕗᑦ ᐅᑐᐱᕆ 15-16 ᐅᑐᐱᕆ 18-19

ᐱᑕᖃᙱᓚᖅ  ᐊᖏᑲᖏᑦ  ᐱᖃᑕᐅᓂᐊᖅᑐᓄᑦ ᑖᔅᓱᒥᖓ ᐃᓚᐅᓂᕐᒥᑦ ᐃᓕᓐᓂᐊᕋᔅᓴᒥ. ᐃᓚᐅᖃᑕᐅᔪᑦ ᓇᒻᒥᓂᖅ ᑲᒪᒋᔭᖃᕆᐊᖃᖅᑯᑦ ᐊᑭᖏᓐᓂᒃ ᐊᐅᓪᓚᕆᐊᖃᕐᓂᐊᕈᑎ ᐊᒻᒪᓗ ᑕᐃᑲᓂ ᐃᓕᓐᓂᐊᕐᓂᐅᔪᒥ. ᐃᖅᑲᐃᑎᑦᑎᒋᐊᕈᑏᑦ:
  • ᖃᑦᑏᓐᓇᐅᓛᑦ ᐱᖃᑕᐅᒍᓐᓇᖅᑯᑦ 12 ᐊᑐᓂ ᐃᓕᓐᓂᐊᕐᓂᐅᔪᓄᑦ. ᑖᓐᓇ ᐃᓕᓐᓂᐊᖅᑎᑦᑎᔨᐅᔪᖅ ᖃᐅᔨᒋᐊᕐᕕᖃᕐᓂᐊᖅᑯᖅ ᐊᑎᓕᐅᖃᑕᐅᔪᓕᒫᓂ ᐱᖃᑕᐅᒍᓐᓃᖅᑐᖃᕐᓂᐊᓂᖅᑲᑦ ᐅᕝᕙᓘᓐᓃᑦ ᐊᓯᐊᒍᖔᕆᐊᖃᖅᑐᖃᖅᑲᑦ.
     
  • ᑖᒃᑯᐊ ᐃᓕᓐᓂᐊᕐᓂᐅᔪᑦ ᑕᑕᑉᐸᑕ, ᒪᓕᑐᐃᓐᓇᕐᓗᒍ ᑕᒪᓐᓇ ᐊᑎᓕᐅᖃᑕᐅᓂᐅᔪᖅ ᐅᑕᖅᑭᖃᑕᐅᓂᐊᕐᓗᑎᑦ. ᖃᐅᔨᒃᑲᐃᓂᐊᖅᑯᒍᑦ ᐃᓕᓐᓂᒃ ᒪᑐᐃᖅᑐᖃᕐᓂᖅᑲᑦ ᐃᓂᒃᓴᒥᑦ.
     
  • ᖃᑦᑎᐅᓂᖏᑦ ᓈᒻᒪᒃᐸᑕ ᐱᖃᑕᐅᒍᒪᔪᑦ ᑕᐃᑲᓂ ᐅᑕᖅᑭᖃᑕᐅᔪᑦ, ᐃᓱᒪᔅᓴᕐᓯᐅᕐᓂᐊᖅᑯᒍᑦ ᐃᓚᓕᐅᔾᔨᑲᓐᓂᓂᕐᒥᑦ ᐃᓕᓐᓂᐊᕋᔅᓴᓂᒃ ᐃᕝᕕ ᓄᓇᓕᖓᓐᓂ ᐅᓪᓗ ᐅᐊᑦᑎᐊᕈᒃᑲᓂᖅᑎᓪᓗᒍ.
ᒫᓐᓇᐅᓂᖅᐹᒧᑦ ᐊᑎᓕᖅᑕᐅᓯᒪᔪᑦ ᓄᓇᓖᑦ, ᖃᐅᔨᒋᐊᕐᕕᒋᓗᒍ ᖃᕋᓴᐅᔭᒃᑯᑦ ᐃᑭᐊᖅᑭᕕᕗᑦ.  ᑕᑯᙱᑯᕕᐅᒃ ᓄᓇᓕᒋᔭᐃᑦ ᑎᑎᕋᖅᑕᐅᓯᒪᔪᓂᑦ  ᖃᐅᔨᒋᐊᕐᕕᒋᑎᒍᑦ ! ᐸᕐᓇᑐᐃᓐᓇᕆᐊᖃᖅᑯᒍᑦ ᐃᓕᓐᓄᑦ ᑐᐊᕕᕐᓇᖅᑐᓕᕆᓂᕐᒥᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕝᕙᓘᓐᓃᑦ ᐊᑎᓕᐅᖃᑕᐅᒍᒪᒍᕕᑦ ᐅᖄᓚᐅᑎᒃᑯᑦ, ᐊᑏ ᐅᖄᓚᕕᒋᑎᒍᑦ ᐅᕗᖓ 1-800-661-0792 ᐊᒻᒪᓗ ᐊᐱᕆᓗᑎᑦ ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓐᓂᐊᕋᔅᓴᒥᒃ.
ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) 2015
ᒪᓕᑦᑕᐅᔭᕆᐊᓖᑦ ᐃᓱᖃᖅᑎᑕᐅᔪᓄᑦ ᐃᖅᑲᐃᑎᑦᑎᒋᐊᕈᑦ: ᑎᓯᐱᕆ 1, 2018

ᐃᖅᑲᓇᐃᔭᖅᑎᑦᑎᔨᐅᔪᑦ, ᐅᕝᕙᐅᑯᐊ ᐊᕐᕌᒍ ᕿᑎᐊᓂ ᐊᑐᕐᓂᐊᖅᑕᕗᑦ: ᐃᖅᑲᓇᐃᔭᖅᑎᓕᓯᒫᑎ−ᓄᑖᑦ, ᒪᒃᑯᒃᑐᑦ, ᓄᓇᓕᒥᐅᑕᐅᙱᑦᑐᑦ, ᐅᕝᕙᓘᓐᓃᑦ ᐅᑎᖅᐸᓪᓕᐊᔪᑦ − ᐃᓕᓐᓂᐊᖅᑎᑕᐅᓯᒪᓕᖅᑲᑦ ᒪᓐᓇᐅᔪᒥ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS 2015)?

ᐱᑕᖃᙱᑉᐸᑦ, ᐃᖅᑲᐅᒪᒋᐊᕆᑦ ᐊᑎᓕᐅᖃᑕᐅᒍᓐᓇᕋᕕᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑭᖃᙱᑦᑐᖅ ᖃᕋᓴᐅᔭᒃᑯᑦ ᐃᓕᓐᓂᐊᕋᔅᓴᖅ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015 ᖃᕋᓴᐅᔭᒃᑯᑦ. ᖃᐅᔨᒪᒋᐊᑦᑎᐊᕐᓂᐊᕐᓗᒍ ᑖᓐᓇ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015 ᐅᐸᒐᔅᓴᐅᑦᑎᐊᕋᓗᐊᕐᒪᖔᖅ ᐃᖅᑲᓇᐃᔭᖅᑎᑎᓐᓄᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᑦᒥ, ᑖᒃᑯᐊ ᖃᕋᓴᐅᔭᒃᑯᑦ ᐃᓕᓐᓂᐊᕋᔅᓴᐃᑦ ᐊᑐᐃᓐᓇᐅᕗᑦ ᐃᓄᒃᑎᑐᑦ, ᐅᐃᕖᑎᑐᑦ, ᐊᒻᒪᓗ ᖃᓪᓗᓈᑎᑐᑦ .

WSCC ᐃᖅᑲᐅᒪᒋᐊᕆᑦ, ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᓯᒪᒻᒪᕆᑉᐳᑦ ᓴᖅᑭᑎᑦᑎᓂᕐᒥᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015 ᑲᓇᑕᓕᒫᒥ, ᑕᒪᓐᓇᓗ ᑐᑭᖃᖅᑐᓂ ᑕᐃᑲᓂ ᐅᓪᓗᖓᓂ ᑎᓯᐱᕆ 1, 2018, ᑕᒪᕐᒥᓕᒫᖅ ᓱᓇᒃᑯᑖᖃᖅᑎᑦᑎᔩᑦ, ᐃᖅᑲᓇᐃᔭᖅᑎᑦᑎᔨᐅᔪᑦ, ᐊᒻᒪᓗ ᐃᖅᑲᓇᐃᔭᖅᑏᑦ ᐱᔭᕆᐊᖃᖅᑯᑦ ᒪᓕᑦᑎᐊᕐᓗᑎᑦ ᐊᒻᒪᓗ ᐃᓕᓐᓂᐊᑎᐊᕐᓗᑎ.
 
ᑖᓐᓇ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ ᐃᓕᓐᓂᐊᑎᑦᑎᓂᖅ ᐱᖃᓯᐅᔾᔨᕗᖅ ᑐᑭᓯᒋᖃᕈᑎᔅᓴᓂᑦ ᓄᑖᓂ ᓇᓗᐃᒃᑯᑕᐅᔪᓂᑦ ᐊᔾᔨᒌᙱᑦᑐᓄᑦ ᐊᑦᑕᓇᖅᑐᓄᑦ, ᖃᓄᖅ ᑲᒪᒋᔭᕆᐊᖃᕐᓂᖏᓐᓂᒃ ᐊᒻᒪᓗ ᑐᖅᑯᖅᑕᐅᔭᕆᐊᖃᕐᓂᖏᑦ ᓱᓇᒃᑯᑖᑦ, ᑐᐊᕕᕐᓇᖅᑐᓕᕆᓂᕐᒧᑦ ᖃᓄᐃᓕᖓᓂᖏᑦ, ᐊᒻᒪᓗ ᓇᒦᓐᓂᖏᓐᓂᑦ ᐊᑦᑕᕐᓇᕐᓂᕆᔭᖏᑦ. ᐃᖅᑲᓇᐃᔭᖅᑎᐅᔪᑦ ᐃᓕᓐᓂᐊᖅᑎᑕᐅᔭᕆᐊᖃᖅᑯᑦ ᓇᓗᓇᐃᖅᓯᒍᓐᓇᓂᕐᒥᑦ ᑖᒃᑯᓂᖓ ᐊᑦᑕᕐᓇᖅᑐᓂᑦ ᐊᒻᒪᓗ ᖃᓄᖅ ᑲᒪᒋᔭᕆᐊᖃᕐᒪᖔᑕ ᐊᑦᑕᓇᙱᑐᒃᑯᑦ.

ᖃᐅᔨᒋᐊᕐᕕᒋᒍᒪᒍᕕᐅᒃ ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑭᖃᙱᑦᑐᖅ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015 ᖃᕋᓴᐅᔭᒃᑯᑦ ᐃᓕᓐᓂᐊᕋᔅᓴᖅ, ᖃᐅᔨᒋᐊᕐᕕᒍᓗᒍ ᒪᑉᐱᖅᑐᒐᖓ ᐱᖃᑕᐅᒍᒪᓂᕐᒧᑦ ᐊᒻᒪᓗ ᓂᕈᐊᕐᓗᒋ ᖃᑦᑎᓂᒃ ᐃᓂᒃᓴᓂᑦ ᐱᔭᕆᐊᖃᕐᒪᖔᖅᐱᑦ ᐃᕝᕕᑦ ᐅᖃᐅᓯᖓᓂ ᓂᕈᐊᕆᔭᕐᓂᑦ:


ᖃᐅᔨᒪᒋᑦ: ᓇᕿᒃᑯᕕᐅᒃ "Register" (ᐊᑎᓕᐅᖃᑕᐅᓂᖅ) ᑕᑯᓂᐊᖅᑯᑎᑦ ᖃᑦᑎᓚᑦᑖᓂᒃ ᐊᑭᓖᒋᐊᖃᕐᓂᐊᕐᒪᖔᖅᐱᑦ ᓄᓇᑦᓯᐊᕐᒥᐅᑕᐅᙱᒃᑯᕕᑦ ᐅᕝᕙᓘᓐᓃᑦ ᓄᓇᕗᒻᒥᐅᑕᐅᙱᒃᑯᕕᑦ. ᑕᐃᑲᓂ "check-out" (ᐊᓂᕙᓪᓕᐊᑎᓪᓗᑎᑦ)ᐋᖅᑭᒃᓯᒪᓂᕆᔭᖓ, ᓇᓗᓇᐃᑐᐊᕈᕕᑦ ᓄᓇᑦᓯᐊᕐᒥᐅᑕᐅᓂᕐᓂᑦ ᐅᕝᕙᓘᓪᓃᑦ ᓄᓇᕗᒻᒥᐅᑕᐅᓂᕐᓂᑦ, ᖃᑦᑎᕌᕐᓂᖓ ᑕᑯᓂᐊᖅᑕᐃᑦ ᐊᑭᐊ ᐅᕗᖓᑎᓪᓗᒍ $0.

ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015, ᖃᐅᔨᒋᐊᕐᕕᒋᓗᒍ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ ᒪᑉᐱᖅᑐᒐᖓ ᐊᒻᒪᓗ ᑕᑯᒋᐊᕐᓗᒋᑦ ᐃᑲᔪᕈᑎᔅᓴᐃᑦ ᓇᓗᓇᐃᖅᑕᐅᓯᒪᔪᑦ ᐊᑖᓂ, ᐊᑐᐃᓐᓇᐅᔪᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᐅᐃᕖᑎᑐᑦ, ᐊᒻᒪᓗ ᖃᓪᓗᓈᑎᑐᑦ:
        
ᐊᐅᔭᒃᑯᑦ ᐊᒥᐊᖅᑐᖃᑦᑕᓂᕐᒥᑦ ᐊᑦᑕᓇᖅᑕᐃᓕᒪᓂᕐᒧᑦ ᐃᖅᑲᐃᑎᑦᑎᒋᐊᕈᑏᑦ
ᓇᓗᓇᐃᔭᖅᓯᒪᔪᑦ

ᔪᓚᐃ ᓄᙳᒋᓕᖅᑕᕋᓗᐊᖓ, ᑭᓯᐊᓂᓗ ᐅᖅᑰᓇᕐᓂᖓ ᐅᑭᐅᖅᑕᖅᑐᒥ ᐅᖅᑰᓯᕙᓪᓕᐊᓕᑐᐃᓐᓇᖅᑐᖅ ᐊᐅᔭᕐᒧᑦ. ᖃᖓᓕᒫᒃᑯᑦ, ᐃᑲᔪᖅᓱᐃᕗᒍᑦ ᖃᓄᐃᙱᑦᑎᐊᖅᑐᒥ ᐊᑦᑕᓇᙱᑦᑐᒥ ᐊᐅᔭᖃᖁᓪᓗᑎᑦ ᖁᕕᐊᓇᖅᑐᒥᒃ, ᑕᐃᒪ ᐊᐅᓪᓚᓚᐅᙱᓂᕐᓂᑦ ᐃᒫᒍᑦ, ᐊᑐᕐᓗᒍ ᐊᑐᕈᒥᓇᑦᑎᐊᖅᑐᖅ ᓇᓗᓇᐃᔭᖅᓯᒪᔪᑦ ᐊᑦᑕᓇᙱᑦᑐᒥᒃ ᐅᒥᐊᖅᑐᕈᓐᓇᖁᓪᓗᑎᑦ:

  1. ᑭᓇᑐᐃᓐᓇᖅ ᖃᐅᔨᒪᕙ ᐃᓕᔅᓯᓐᓂ ᐅᕝᕙᓘᓐᓃᑦ ᐃᕝᕕ ᓄᓇᓕᖓᓐᓂ ᓇᒧᙵᐅᓂᐊᕐᒪᖔᖅᐱᑦ? ᖃᐅᔨᒪᕙ ᖃᖓᒃᑯᑦ ᐅᑎᕐᓂᐊᕐᒪᖔᖅᐱᑦ?
     
  2. ᖃᐅᔨᒪᕖᑦ ᖃᖓ ᐊᐅᓪᓚᓂᐊᕐᒪᖔᖅᐱᑦ? ᖃᓄᑎᖏ ᑕᒪᓐᓇ ᓄᓇ ᖃᐅᔨᒪᑎᒋᕕᐅᒃ? ᓄᓇᓂᑦ ᓇᓗᓇᐃᖅᑕᐅᓯᒪᔪᓂᑦ ᐊᒻᒪᓗ ᐊᑦᑕᓇᖅᑐᓂᒃ ᐱᑕᖃᖅᑳ ᐃᕝᕕ ᖃᐅᔨᒪᓂᖓᒍᑦ?
     
  3. ᖃᐅᔨᒋᐊᓚᐅᖅᑭᐅᒃ ᓯᓚᐅᑉ ᖃᓄᐃᓐᓂᕆᓂᐊᖅᑕᖓ − ᐱᖃᓯᐅᑎᓪᓗᒋ ᐅᖅᑰᓇᕐᓂᖓ, ᐊᓄᕆᓂᖓ, ᐊᒻᒪᓗ ᐃᒪᐅᑉ ᐃᖏᓕᐅᓐᓂᖏᑕ ᑕᑭᓂᖏᑦ?
     
  4. ᐸᕐᓇᑎᐊᖅᑮᑦ ᐊᒻᒪᓗ ᐊᓐᓄᕌᖅᓯᒪᑦᑎᐊᖅᑮᑦ ᒪᓕᑦᑐᒍ ᓯᓚᐅᑉ ᖃᓄᐃᓐᓂᕆᓂᐊᖅᑕᖓ?
     
  5. ᖃᓄᑎᒋ ᐊᐅᓪᓚᖅᓯᒪᓂᐊᖅᑭᑦ? ᐱᔭᕆᐊᓕᓐᓂᑦ ᓇᔅᓴᑦᑎᐊᕋᓗᐊᖅᑏᑦ ᓈᒻᒪᒃᑲᔭᖅᑐᓂᑦ ᐊᐅᓪᓚᖅᓯᒪᓂᕆᓂᐊᖅᑕᓐᓄᑦ? ᑐᐊᕕᕐᓇᖅᑐᓕᕆᔾᔪᑎᓂᑦ ᐊᑐᕆᐊᖃᕐᓂᕈᕕᑦ, ᓇᔅᓴᑦᑎᐊᕋᓗᐊᖅᑮᑦ?
     
  6. ᖃᑎᑦ ᐃᓄᐃᑦ ᐃᓕᓐᓄ ᐃᓚᐅᖃᑕᐅᓂᐅᓴᕙ? ᖃᐅᔨᒪᕙ ᐳᐃᔾᔪᕋᕐᓂᕐᒥᒃ?
     
  7. ᓈᒻᒪᒃᑐᓂᒃ ᐳᑦᑕᖅᑯᑎᖃᖅᑮᑦ (PFD/ᔭᐃᑲ ᐳᑦᑕᖅᑯᑎᓖᑦ) ᑭᒃᑯᓕᒫᓄᑦ ᐃᓚᐅᓂᐊᖅᑐᓄᑦ? ᓈᒻᒪᓴᑦᑎᐊᕋᓗᐊᖅᑳᑦ ᐳᑦᑕᖅᑯᑎᓂᒃ?
     
  8. ᐅᒥᐊᕐᒦᑦᑐᓕᒫᑦ ᐊᑐᕐᓂᐊᖅᑲᑦ ᐳᑦᑕᖅᑯᑎᓂᒃ ᖃᖓᓕᒫᒃᑯᑦ? ᑐᐊᕕᕐᓇᖅᑐᖃᖅᑎᓪᓗᒍ, ᐱᕕᔅᓴᖃᙱᑐᐃᓐᓇᕆᐊᖃᖅᑯᑎᑦ ᐊᑎᓯᒋᐊᖓ.
     
  9. ᖃᐅᔨᒪᕕᒌᑦ ᓇᒦᒻᒪᖔᑕ ᐳᑦᑕᖅᑯᑎᒃᑲᓐᓃᑦ ᐅᒥᐊᖅ ᐃᓗᐊᓂ ᑐᖅᑯᖅᓯᒪᓂᖏᓐᓂ? ᐊᓯᖏᓐᓂᑦ ᐊᑦᑕᓇᖅᑕᐃᓕᒪᓂᕐᒧᑦ ᓱᓇᒃᑲᑖᖃᖅᑭᑦ, ᓲᕐᓗ ᐃᐴᑎ, ᐅᕕᙱᐊᕈᑦ/ᓂᓪᓕᑎᑦᑎᒍᑎ, ᐊᑦᑐᓈᖅ, ᐊᒻᒪᓗ ᖃᓪᓗᑎ? ᖃᐅᔨᒪᕕᒌᑦ ᖃᓄᖅ ᐊᑐᕆᐊᖏᑕ ᑖᒃᑯᐊ ᓱᓇᒃᑯᑖᑦ ᐊᑦᑕᓇᖅᑕᐃᓕᒪᓂᕐᒧᑦ ᐱᓯᒪᔭᑎᑦ?
     
  10. ᖃᐅᔨᒪᕖᑦ ᖃᓄᖅ ᐅᒥᐊᖅ ᐊᐅᓪᓚᒋᐊᖓ? ᖃᐅᔨᓴᖅᑕᐃᓐᓇᕆᓯᒪᕕᐅᒃ ᑖᒃᑯᐊ ᐊᐅᓚᓂᖃᑦᑎᐊᖅᑐᐃᓐᓇᐅᒐᓗᐊᕐᒪᖔᑕ?
     
  11. ᐅᖅᓱᐊᓗᖃᒃᑲᓂᖅᑮᑦ, ᐆᒻᒪᖅᑯᑎᒥᓪᓗ, ᐊᒻᒪᓗ ᐊᐅᓚᑎᒃᑲᓂᕐᓂᑦ ᐃᕝᕕ ᐅᒥᐊᖓᓄᑦ?
     
  12. ᑐᓴᐅᒪᖃᑕᐅᑦᑕᐅᑎᓕᕆᔪᑎᖃᖅᑮᑦ (ᖃᖓᑦᑕᖅᑎᑕᐅᓯᒪᔪᒃᑯᑦ ᐅᖄᓚᐅᑎ ᐅᕝᕙᓘᓐᓃᑦ ᐅᒥᐊᕐᒥ ᓈᓚᐅᑎ)? ᐱᐅᓂᖅᐸᐅᕗᖅ ᑖᓐᓇ ᖃᖓᑦᑕᖅᑎᑕᐅᓯᒪᔪᒃᑯᑦ ᐅᖄᓚᐅᑎᕋᓛᖅ ᐱᓯᒪᐃᓐᓇᕈᕕᐅᒃ ᖃᖓᓕᒫᖅ. ᑐᐊᕕᕐᓇᖅᑐᖃᖅᑎᓪᓗᒍ, ᓇᓂᒍᓐᓇᐃᓕᑐᐃᓐᓇᕆᐊᖃᕋᕕᐅᒃ.
ᐊᒡᓚᒡᕕᑦ ᒪᑐᓯᒪᓂᖏᑦ

ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖓ ᒪᑐᓯᒪᓛᖅᑯᖅ ᓯᕕᒃ ᕿᑲᕐᓇᒥ ᓇᒡᒐᔾᔭᐅᒥ, ᐋᒌᓯ 6, ᐊᒻᒪᓗ ᒪᑐᐃᒃᑲᓂᕐᓂᐊᖅᑐᓂ ᓇᒡᒐᔾᔭᐅᓕᖅᑭ, ᐋᒌᓯ 7 ᐅᓪᓛᒃᑯᑦ 8:30.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ  ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ  WSCC Connect .
wscc.nt.ca   /  1.800.661.0792   *   wscc.nu.ca  /  1.877.404.4407