Qiqaiyaluarvia 2018
#UPALUNGAIQHIMALUTIT (#GEARUP) UYARAQTARVIUP HIVUURANAIRUTAA!
ILAUQATAULUTIT: HAVAILAQ, IMARUQTIRVIA 2 YALUNAIMI

Yalunai, hannaiqhimalutit uvani  #UpalungairnirMUT #GearUp)?

Ukiunganit Uyaraqtarvik Hivuuranairutaata Akihautinahuaqtut ilagiyaat 61 ukiunganit, qaglivluni uvani Havailaq, Imaruqtirvia 2 mi! Aniirumaguvit aliahuutilutik quvianaqtumiglu, ahinut qiniqhimaittumik: arvinilik pingahut uyaraqtarvik hivuuranairutaata ilaqatigiiktut hamanngat arvinilik pingahut uyaraqtarviit tamaani Qulvahiktumik takugakhalik uyaraqtarviata hivuuranairutaata qauyiharniit qilanaaqtukkut kiuvikhat akihautinahuaqhutik haffumani Tamainnut Qulaanngat unalu Tamainnut Nunaup Iluanit Taktakhanit.

HAMNA TILIUGAIT

Hulidjuhiq: 2018 mi Ukiungani Uyaraqtarvik Hivuuranairutaata Akihautikhat unalu Uyaraqti'p Niriyukhanut (Akiittuq kitunuliqaak Niriyukhat)

Ublua: Havailaq, Imaruqtirvia 2, 2018 mi

Humunngaqtumik upluqhiunmi:  8:00 Ublaami uvunga 3:00 Ubluumaanmi MST

Nani: Yalunai Ulapqivianit Katimaviani/Hilataani ulapqiviani uvani (41 Kam Lake Road mi)

Una ilagiiktut-tunnganaqtuq hulidjuhiq qunniaqtut qunnialaaqtut akihaqatigiiktunut hamanngat tamainnit Nunatsiarmi, Nunavunmi qulaanngallut qunniapkainahuaqtut uyaraqtarvik hivuuranairutaata ayuinningit uvani aallatqiit ayuinningit-uuktuutigiyangit akiharnaqtunit. Una NWT unalu Nunavut Katudjiqatigiit Uyaraqtarvingnut qunniapkainahuaqtangit ukiungani Uyaraqti'p Nirilukaarlutik, akiittumik BBQ mik mamaqtuniglu tamainnut.  Uvani ukiungani, ilauqatauyut hapkuanguyut:

Akinahuaqatigiiktut
  • Ekati Qiplariktuq Uyaraqtarvik (NT) - Dominion Diamond Kuapuriisan
  • Gahcho KuĂ© Qiplariktuq Uyaraqtarvik (NT) - De Beers Kanata Timinga
  • Qikiqtaaluk Havigalik Uyaraqtarvik (NU) - Qikiqtaaluk Havigalik Uyaraqtarvit Kuapuriisan
  • Meadowbank Kulu Uyaraqtarvik (NU) - Agnico Eagle Uyaraqtarvit Timinga
  • Victor Qiplariktuq Uyaraqtarvik (ON) - De Beers Kanata Timinga
Nunap iluani akinahuaqatigiiktut
  • Diavik Qiplariktuq Uyaraqtarvik (NT) - Rio Tinto Timinga
  • Kapihiliktuk Kulu Uyaraqtarvik (NU) - TMAC Resources Timiqutingit
  • Meliadine Kulu Uyaraqtarvik (NU) - Agnico Eagle Uyaraqtarvit Timinga
HUUQTAUQ UYARAQTARVIK HIVUURANAIRUTAATA AKINAHUAQTUT ATURNAQQA?

Ilagiyangit munarinahuaqtangit tunngahungnaqtut akiharnaqtumik, uyaraqtarvik hivuuranairutaata akihautikhaat ihumagiyaulluaqtangit tahapkuat uyaraqtarviit atauttimuuqatigiiktut ihivriuqhutik tautuktuuyaqhutik nalaumattiarningit nakuudjuhingillu uyaraqtarviit hivuuranairutaata ilihautikhaanit piliriakhat. Uyaraqtarvit hivuuranairutaata akihautiyut taimaa akinahuaqatigiiktut ilittupkaivakhutik aahiit, avvautigivlugillu nakuuqpiaqtumik uuktuutikhait unalu nutaamik havaatigut ingilrutikhaanit, qakugunnguqtumilu ikayuqatigiikhutik qanuq havaktiita hivuuranaittumik pinahuaqhutik. Hivuuranaqtumik pigumik, ayuinningit uyaraqtarvik hivuuranairutaata havaqatigiiktut taimainnut inungnut hivuuranairutigiyukhat aannirnaittumik.

Naunaittiarumaguvit hulidjuhianut, pulaanginnarialik uvunga  Uyaraqtarvik Hivuuranairutaata Akinahuaqtut makpiraut. Takuyumaaqaqhi taikani.
UYARAQHIURNIQ HILALIQUTAA ANGMALIHAAQTUQ
AQULLUTIT KAYUMIITTUMIK. QAYAGILUTIT.

Naitpallaarami auyami tatqiqhiutit hamani Qulvahiktumik, huliyakhainnaqpaktavut iqiahukhimaittumik quyaginnaq havangnahuaraangapta. Talvanngat, ilittuttiaqhimayugut havaktut havaariyakhat aullapkailihaaqhimayut humiliqaak nunagiyarnit. Inikhautingnit, hamna ilainnaa maliktakhalik malikhimayakhat.

Ilvit AQUTIUGUVIT:
  • Tautuinnaqhimalugit auyami havaktunut naunaiqhimalugillu nunaptingnit ilitaridjutiit.
  • Upalungaiqhimalutit ilitturvikhait hanguliraangamik kinguvaqtunut, tautukhimalugu apqutit naunaitkutaat.
  • Kayuminnuarmik pivaglutit havaktunut kigliitat.
  • Pittiaqhimalutit uuminnga Hanguvaktunut Munaqhiiyangit Havaktunut (TCP) iniliuqtunut hanguyunut munariyangit kayumiirutigut maliktakhat uvani havagviit nayugaanit.
Ilvit HAVAKTITTIUGUVIT havaktumi havagviat ihuilutauniaqqat apqutiit ininganit:
  • Havaat aulapkailihaarumi, pivallianikhait pilimmakhangillu titiraqhimayut Hanguyunut Munaqhiiyut Upalungaiyaut hapumminahuarlugit havaktit hamanngat hanguyunit hivuurarnarningit.
  • Nalunaiqhimalugit aturlugillu hanguyunut munaqhiiyangit ukpiruhuutait uvani havagvia nayugaanit, uuminngatut: nalunaiqhiiyangit naunaitkutaa; akihautaat; naunaiviit; qulliit qamiqattaqtut; unalu Hanguvaktunut Munaqhiiyangit Havaktit (TCP) uvunga qilamik hanguyunit.
  • Pidjarikhinahuarlugit Hanguvaktunut Munaqhiiyangit Havaktit (TCP) ilittuqhimayut taiguaqhimayangillu kangiqhihimayangit hamna Hanguyunit Munaqhiiyangit Upalungaiyaut.
  • Pidjarikhinahuarlugit ilvit Hanguvaktunut Munaqhiiyangit Havaktit (TCP) atuqhimayukhat taututtiarnaqtut atigingit aallattauq taututtiarnaqtumik aannuraangit.
  • Tunihimalugit havaktivit Naunaiyaqti'p Hulidjuhinut Titiqqaitigut Titirarvikhaa nipiliuriami hulinnirumik. Apiriluta piyumagungni havagvit nayugaanut.
  • Ilihimayakhatit aallatqiit havaktut ilittuqhimayut uvani havagviit nayugaanit, qanuq apqutit ihuilutigigumik, qanuq kitunuliqaak hanguyunit ikaariami.
  • Atuqhimavaglutit takunnaqpiaqtumik aannuraanit iluvruarniglu, aahiillu nanminiriyatit hivuuranaitkutikhat ingilrutingnit (PPE) pigiaqaraangat.
  • Tutqittiarnaqtumik ilitturvikhaanit aquttunut. Nanguttihimaittumik nipliqhimaittumigluuniit aquttunut; aquttut nanguttinahuarumik uqautivaglugit havagviata atannguyaata nanguttinahuarumik.
  • Tautuinnarlugit kayummalirumik aquttut hivuuranaqhilirumigluuniit. Ilihimayakhatit havagviit nayugaa'p qilanaarnaqtumuk upalungaiyautaanit.
  • Pihimainnarlugit titiqqivikhaq makpiraarmik titirariangani qanurilingannirumik, uqautilugillu tamaita hivuurnaqtumik qanurilingagumik atannguyarnut. Parnautigilugit Nalunaiqti'p Qanurilingagumik Titiqqangit Makpiraarmi - turaarvigilugu haffumani.
AIMAVINGNIT NANMINIQUTAAT QAUYIMAYAKHAT

Aimavingnit nanminiqutaat: ilihimayatit ilvit havaktikhiuruvit havaktunut iluani hanianilu aimavitit, WSCC maligautaanit ihumalaaqtatit ilvit havaktittiuguvit? Ihumaliruvit piyumayatit ikayuutikhainit nutaqqiqiyiinit, halummaqtit, ihuaqhaiyit, uuminngaluuniit akiliriiqhimayut havaktukhamik havaktukhat ubluraalungmi ilainnaani ublukhaita, piqarumik piqanngitkumik akiliriiqhimayut, una WSCC ikayuqhimalaaqtaatit pigiaqaruvit akiliqhimayakhatit ihivriurnikhainnut malikhimalugit Havaktunut' Ikayuuhikhait Maligaq unalu qanurlu munaqtiqaruvit uuminngat havaktunut aanniqtailidjutikhanut hivuuranairnikkut (OHS) munariyakhaat maliglugit Hivuuranairnikkut Maligaq.

Hivayarlutit Havaktiitiyut Ikayuutikhat naunaittiariangani hamna WSCC ihumagigumiuk ilvit havaktittiyutit ihivriurnikhainnut, unalu Hapummiivik Ikayuutikhat apirilugit uumani OHS munariyakhaat. Hivayarluta akiittukkut uvani 1-800-661-0792.
HAVAKVIIT UMIGHIMAVIIT

WSCC'p Yalunai unalu Inuvik havagviit umikhimayut uvanngat 5:00 UNNUKTUMI uvani Pingattiut, Imaruqtirvia 20 haffumani Nunaryuami Nunaqaqqaaqhimayunut Ublukhaat uvani Imaruqtirvia 21, angmaffaarniarivut, Tallimmiut, Imaruqtirvia 22 mi 8:30 qaangiqtumi UBLAAMI.

Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.
wscc.nt.ca   /  1.800.661.0792   *   wscc.nu.ca  /  1.877.404.4407