|
|
|
UPLUQ INNGUMMAUTIGIPLUGIT: APRIL 28-MI
ITQAUMAGIPLUGIT INUIT HUIQHIMALIQTUT
Havakvingnit huyuqarniqqat, aanniarutit, aanniutillu ikpigiyauvaktut inuuhuktunit havaktinit, nutaanit havaktinit, ilihimattiaqtunik havaktinit, ilaitalu aanniqhimayut. Tamaptingnit ikpigiyauvaktut.
April 28 Kanatami tamaat Upluutauniaqtuq Inngummautigiplugit. Upluq una ilitariyauyuq puiguqtailiplugit huiqnariqhimayut havakvingnit aanniqhimaplutik aanniarutikkulluuniit. Upluuyuqtauq nutaannguqtiriami havaaghaptingnik munaqhiyaamik havaktinik havakvingnilu aturuminaittut pittailinahuaqlugit. Atauhiugaluaq aanniutit amihuuyuqtauq.
Ukiuqtaqtumi Aviktuqhimaniit Katimayit Havaktinik (NTFL) katimapkainahuat itqaumagilugit havaktiit huiqhimayut. Katimanahuat talvani Maligaliuqvingmi
Yellowknife-mi
talvanilu
Iqalungni
Unaguiqhirniq, April 28-mi, qitiruhiqturnaqhikpat 12-mi. Inuit tamaita qaitquyauyut.
Upluutaupluni Inngummautjutinut Unaguiqhirniq-ngugami ukiumi atuqtumi, ilauquyaffi ilitarilugu Upluq Inngummautjutinut havakvingnit Tallimmiut, April 26-mi, katimatinnagit inuit Sunday, April 28-mi. Nivinngaqluhiuk
Upluq Inngummautjutinut naunaitkutaat
, qiqnarikturmik aannuraaqhimaluhi ilittuqhitiyaami itqaumagiyatit, tughiqlutit pinniqutinnuanik Upluq Inngummautjutit naunaitkutalingnik talvanngat
WSCC-kunnit
, ilihimaluhilu: qauhimattiarniq havakvingnit amirnainniqmik aannautjinnaqtuq.
|
|
Nutaat Aulapkaqtitaghat Taapkualu Amirnaqpiaqtut Havaaghat
Hila uqquuhivalliayumi taimaa NT-mi NU-milu hannavighaat aullaqtiryuqiliqmiyut. Amigaiqpaallirahuat nutaat havaaghat parnaiyailiqlutiklu nutaanik havaaghanik amirnaqtuniklu havaaghanut parnaiyaiyut ilittuqhitiplugulu Aanniqtailiniqmut Titiraqtilluangat.
Tamangnik havakviit naunaiqhitiyughat ataagut taamna Havakvingnit Aanniaqtailiniqmut Aanniqtailiniqmullu Maliktaghat nutaanik havaaghanik amirnaqtuniklu havaaghanik. Hapkununnga ilauyut hapkua hulilukaaqtaghait:
- Hanayut ikluqpaliuqtut
- Alruyait napaaqtuiniq iliuraiyut aulapkaiyullu
- Utkuhighaqhiuqtut hiqupluiyullu uyaqqanik
- Nunallaaqnit aviktuqhimayumilu agyaqtaqtut aghaluutituqtullu
- Apqutiliuqtut, nunamik pualriqhiyut, hitiliuqtut, hauyihiyullu
- Havingnik hanayut hanayariiktullu
- Napaaqtunik qiyuktaqtut
- Hanayut uyarakpalungnik qimirutighanik, quuliriiktaqtullu uyarakpaluktunnuit, ahiniklu uyaraunngittut uyarannguit marlungniklu ahiniklu naptunnangnik hanayagharniklu; imaalu
- Qiyungnik aviktuqviit
Naunaiqhitiyughat Aanniqtailiniqmut Titiraqtilluanganut, qilamiurahuaqlutik, kihimi 30 upluit ikitqiyaanik naunaiqhitittailuhi havaaghat aullaqtitautinnagit. Maliktaghat naunaiqhitiniqmut takuyaulaaqtut talvani Havakvingnit Aanniaqtailiniqmut Aanniqtailiniqmullu Maliktaghat 7(1) taamnalu 7(2) taapkununnga
Nunattiamut Nunavunmullu.
Tunilugit naunaitkutatit uplumi!
Qaitquyauyutit: Hannavighaq Ukiumi Aullaqtiqvighaat Ilittuqhitigiikvighaallu taapkualu kivgaqtiit WSCC-kut talvani Chateau Nova Hiniktarvianit April 16-mi 2019-mi 2:30-mut upluummaat 5:30-mut.
|
|
Ilittuqhitiyut Aanniqtailiniqmut Aanniaqtailiniqmullu Upluutait!
Ilihimaviuk NAOSH Upluutait? Nuat Amialikanut Havaktunut Hivuuranaittigut Aanniarnairutigut (NAOSH) Upluutait nutaamik atiqaliqtuq taimaa Aanniqtailiniqmut Aanniaqtailiniqmullu Upluutait!
Hunauyuq Aanniqtailiniqmut Aanniaqtailiniqmullu Upluutit? Upluutauyut iluittumik Santiqhiilutik ihumagiplugit havakviit, havaktit, ikayuqtit, inuillu, ihumagilluaqpaghugit aghuurnaqniit aanniqtailiniq aanniaqtailiniqlu havakvingnit, aimavingnit, nunallaaqmilu. Taimaililiqpaktut hivulliqpaarmi 1 week tamatkiumanianik May-mi ukiuq tamaat. Ukiumi atuqtumi, uqauhiriyaat taamna Inuit, Piyumannarniit, Pittailiniqlu.
Aanniqtailiniq piyumainnaqtavut WSCC-kunnit, havaqatigiyumaplutiklu iiffi aanniqtailiniq pittailiniqlu irininaqhinahuaqlugit havakvingnit. Hakugigharumayaqqut ikayuqlugillu mikiyut angiyaaqtullu nanminiit katitpallialugit aanniqtailiniq havaaghainut upluq tamaat talvuuna Ingilrutighanut Uqaqtut (Toolbox Talks)! Hapkua kayumiktut katimaviit unipkaarivagait aanniqtailiniq, ilittuqhitivaalliutitqiktuq aanniqtailiniqmut pitquhirnik havakvingnit.
Hulilukaaqtaghanik parnaihimayugut Yellowknife-mi, Iqalungni, Inuvingmilu tuhaqtittiniaqqaqqut qakugunnuaq, kihimi pulaarumayaqquttauq tamaat Aviktuqhimayuq! Pulaaqugungni WSCC-kut nanminiqnut nunallaaqnulluuniit, naunaiqhitiluta April 1-nguqtinnagu talvani
[email protected]
; takuyaqturumayaffi unipkaaqatigiluhi amirnainniqmik!
|
|
MALIGAGHALIUQHIMAYUNUT AALLANNGUUTIT
Kavamaliqiyikkut Katimayiit ihivriuqhimayait angiqhugillu hapkua maligaghaliuqhimayut GC-kullu maliktaghallu March 2019-mi katimatillugit:
- Maligaghaliuqhimayuq 02.05, Naunaiqhitiyut Akiliqtuiniqmik
- Maligaghaliuqhimayuq 02.06, Atugaghaqnik Titiraqtuiyut
- GC Maliktaghat, B-012, Kavamaliqiyikkut Katimayiit maliktaghanut Ilihaqtaghat
Takulugu taamna
WSCC Policy Manual
(WSCC-kut Maligaghaliuqhimayunut Makpiraaq) takuyaami tamangnik WSCC-kut maligaghaliuqhimayait taapkualuuniit
Governance Council Directives
(Kavamaliqiyit Katimayiit Maliktaghait) takuyaami tamangnik kavamaliqiyit maliktaghait.
|
|
WSCC-kut havakviit umighimanahuat Iisitarvingmi Tallimmiut, April 19-mi Havagviarvik-milu April 22. Havakviat amatqigahuaq Aippiut-mi, April 23-mi 8:30-mi uplaami.
Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.
Naunaiqhitiyaami hivuuranaqtumik havaktunut, aturlugu Uqaqhimalugit Hivuuranaqtumik Havaktunut ikayuutit uvani
WSCC Connect.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
|
|
|