PBCSD - Piblikasyon Kreyòl/Creole Newsletter For the Haitian Community

Piblikasyon Kreyòl Distri Lekòl Rejyon Palm Beach

Madi 4 Jen 2019

SE SEZON VAKANS

Pase bon vakans!

Lekòl ap reouvri pou elèv lendi 12 out 2019.

Aktivite Pandan Vakans Ete

Elèv soti kindègatenn rive klas douzyèm ak tout paran yo kapab jwenn santèn aktivite ak resous pou kontinye aprann pandan vakans ete a pou anpeche yo fè bak pandan peryòd pa gen lekòl la. Paj entènèt la genyen aktivite pou tout sijè, lis lekti pou yo fè, enfòmasyon sou kan pandan vakans, aktivite kominotè, kote ki genyen sèvis, ak resous nan kominote a pou fanmi yo. (Klike la a pou w li plis)

Sonje Vaksinasyon Bonè

Ane lekòl sa a fini. Se bon lè pou pye kout pran devan nan kous pou pran vaksen pou rantre pwochen ane lekòl la.

Depatman Edikasyon Eta Florid la ofri vaksinasyon gratis pou elèv soti laj 2 mwa pou rive nan klas 12yèm.

(Klike la a pou li plis)

SITASYON SIPÈENTANDAN AN

"Mwen reyalize edikasyon mwen resevwa chanje trajektwa ak kalite lavi fanmi m. Mwen rekonèt tou ke mwen oblije edike epi sèvi elèv ki pa genyen anpil bon ekzanp nan lavi yo, pou m kapab asire eksperyans akademik yo rive fè yo reyalize rèv kolèj ak avni pwofesyonèl yo. Se pou sa tout desizyon m ap pran antanke yon lidè ap nan pi bon enterè timoun.”

Dr. Donald E. Fennoy II