|
|
QAYANGNAITJUTIGHANUT AKILIQTUIYAGHANUT TUGHIRAUTIT
MALIGUATTIANNGITTUNUT TAAPKUNINNGA HAVAKVINGNIT AANNIAQTAILINIQMUT QAYANGNAITJUTIGHANULLU MALIKTAGHAT
Tuhaqvigiplugit taapkua WSCC-kunnut ilauyut 2016-mi, WSCC-kut ihiviuqhihimayut titiratqighugulu tughirautauyut akiliqtaghanut kitunutkiaq havakvingnit aanniaqtailiniqmik qayangnaitjutighanullu ihuinaarutinut. Taimaa huli, WSCC-kut apiqhiyut ilauyunik tuhaqvigiyumaplugit naunaitkutanik ihuinaarutinik, naatjuhiit akiliqtaghannguqtut, havauhiiniklu tamaat.
Inungnut katimanit atuqtauniat tahapkunani ublut inainilu:
Hay River |
April 4, 7:00-9:00pm |
Ptarmigan Inn - Alexandra Falls Room |
Cambridge Bay
|
April 9, 7:00-9:00pm |
Arctic Island Lodge |
Yellowknife |
April 16, 6:30-8:30pm |
WSCC Offices - Centre Square Tower, 5th Floor |
Inuvik |
April 19, 7:00-9:00pm |
Mackenzie Hotel - Permafrost Room |
Iqaluit |
April 24, 7:00-9:00pm |
WSCC Offices - Qamutiq Building, 2nd Floor |
Naunaiqpaallirumavit tughirautauyunut akiliqtuqtaghanik, apiqhuutiqaqqilluuniit? Hivayaqlugu Apiqhuiyikkut,
Shirley Walsh
talvani (867) 920-3895.
Kiutjutit tamangnik ilitturinnaittut ahinut. Tuhaqhitilugit uqauhiqnik tikitinnagu May 31, 2018.
|
UPLUQ INNGUMMAUTIGIPLUGIT: APRIL 28-MI
ITQAUMAGIPLUGIT INUIT HUIQHIMALIQTUT
Ukiuq tamaat, haniani 1,000-nguyut Kanatamiutat havaktit huiliqpaktut havakvingnit huliyuqaraangat, aanniarutinit, aanniqtuqaraangallu.
April 28 Kanatami tamaat Upluutauniaqtuq Inngummautigiplugit. Upluuyuq itqaumavighaqqut inungnut huiqhimayut aanniqhimayullu havakvingmingnit. Upluuyuqlu nutaannguqtiqvighaq taimaaqtailiptingnik ihuaqhainahuaqtunik aanniaqtailiniqmik aanniqtailiniqmiklu havakvingnit huiqtuqaqtailiplutik.
Taapkua Ukiuqtaqtumi Aviktuqhimayut Tunngaviat Havaktinut (NTFL) katimapkainahuat itqaumagilugit nanngarilugillu huiqhimaliqtut havaktit. Katimapkainahuat talvani Maligaliuqvianit talvani
Yellowknife-mi
talvanilu
Iqalungni
Saturday-mi, April 28-mi, qitiruhiqturnaqhikpat. Inuit tamaita qaitquyauyut.
Taamna Upluq Inngummautigiplugit Saturday-nguyuq ukiumi atuqtumi, ilauquyaffi ilitarilugit Upluq Inngummautigiplugit havakvingnit Friday-mi, April 27-mi, inuit ilaupkaqtitautinnagit Saturday-mi, April 28-mi. Takupkaqtittiluhi taapkuninnga
Day of Mourning poster
(Upluq Inngummautigiplugit piksautainik takuyaghamik), aannuraaqhimalutit qirnariktumik itqaumagiplugit, puiguqtaililuhilu: havakvingnit qayagigumik annautilaaqtut.
|
|
QUUYAQITTUT, NAPATKAQTUT IUKKAQTULLU
Upinngaghami Hiqinnaaqtumi quayaqnautivaktuq apqutinik pihukvingniklu
Ukiuqtaqtumiutaupluta, hugihuiqpaktavut inuuhiqariami hikulingmi aputilingmilu, naunaittuqlu taimaa quayaqinnaqtuq, napatkarnaqtuq, iukkarnaqtuqlu naahurinnaittumik. Aputit hikulu ukiumi apqutinit pihukvingnilu quayaqnaqhivaktut aanniutigiyauliqpaghuni; kihimi, uqquuhivalliagaangat upinngaghami amirnaqhilaaqtuqlu pihugiami. Uqquuhivalliayumi upluummaat niklaraangamilu unnuktumi taimaa mahaktaqpaktut hiku aputilu qiqitqikpaghunilu, amirnaqhiutivaktuq pihugiami.
Malrungnit tatqiqhiutilraanik 2018-mi, quayaqiyut, napatkaqtut, iukkaqtullu amigaiqpaalliqpaktut aanniutigiyauplutik havaktinut Nunattiami Nunavunmilu. Qauhimattiaqluhi ilihimalugit naatjuhiit;
maliklugit hapkua ihuaqutit
aanniqtailiyaami uqquuhivalliayumi:
-
- Aallanik ukiuhiutaunngittunik kamikturuvangniat, qilanaaqtaililutit; aghuurnaqtuq nakuuyunik kamiqariami aput hikulu tammaqhiilugit!
- Qauhimattiaqhimaluhi apqutimit akianunngaqtinnatit. Tahiranilaaqtuqtauq hikum qaanga, quklunngnaqhilaaqtuq, quuyaqinnaqhuni iukkarnaqhunilu.
- Qilanaaqtaililutit! Puiguqtaililutit pihugallittaami upaktarnut utiuguvillu.
- Naittunik apluraqlutit; itikkatit hanimunngaqlugit mighuuqlugit nangippattiariami.
- Aippaa algakpit tigummiyaghaillugu iukkaqniaruvit ayapiqtuqvighat.
- Ilihimaluhi taimaa aput mahaktuq kinipautivaktuq natiqnik. Pihughutit aputilingmit apqutimit iluanut ikluqpangnut amirnautilaaqtuq! Qauhimaluhi quayaqnaqtunik natiqnut naunaitkutanik, aallannguqtaqtullu qaanginut.
Aanniaqtuqarumanngittut hila uqquuhigaangami aliahuktailiplutik hiqinnaaqtumik. Qilamiuqtaililutit qauhimalugillu qanurininganiit hilami. Aliagilugu uqquuhivalliayuq hila aanniqtailihimalutik!
|
|
MALIGAGHALIUQHIMAYUNUT AALLANNGUUTIT
Kavamaliqiyit Katimayiit ihivriuqhimayait angiqhugillu hapkua maligaghaliuqhimayut March 2018-mi katimavianit:
-
- Maligaghaq 03.02, Ilaunginnariaqniq
- Maligaghaq 03.03, Makitpalliayut Havaghimatillugillu Havakviinit
- Maligaghaq 03.07, Kitittiyut Ikayuutighakaffungnik
Takulugu taamna
WSCC Policy Manual
(WSCC-kut Maligaghaliuqhimayunut Makpiraaq) takuyaami tamangnik WSCC-kut maligaghaliuqhimayait taapkualuuniit
Governance Council Directives
(Kavamaliqiyit Katimayiit Maliktaghait) takuyaami tamangnik kavamaliqiyit maliktaghait.
|
|
ILIHIMALUHI: INUVINGMI HAVAKVIAT HIVAYAUTAAT
Atuqtauliqniaqtuq April 1-mi, 2018-mi, hivayautilluangat WSCC-kut Inuvingmi Havakvianit taamnauniaqtuq 867-678-2311.
Ilittuqhitiyaami aanniqtuqaqtumik huyuqaqtumiklu havakvingnit, hivayaqlugu akiittuq hivayautit talvani 1-800-661-0792.
|
|
HAVAKVIIT UMIGHIMAVIIT
IISITAQVINGMI HAVANGNAILLARVIK
WSCC-kut havakviit umingniaqtut 5:00 unnuktumi, Thursday-mi, March 29-mi Iisitarvingmi, angmatqiklutik 8:30-mi uplaami, Tuesday-mi, April 3-mi, 2018-mi.
Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
|
|
|