September 2017-mi
NAAHURIYAGHAT QAKUGUNNUAQ!
NUTAAT ILIQAHIUTIHAAT TALVUNGA WSCC CONNECT-MUT
WSCC Connect-kut aklivalliayut huli! Nutaanik Alruyaqtuqtukkut Ikayuqtinut aullaqtittinahuaqtugut qakugunnuaq: Angiriiqhimayut Akiliqtaghat taapkualu Atugaqnik Atannguyait. Naahurilugu October-mi makpiraaghaat, talvani ilittuqhitiniaqtugut tamangnik ikayuutinik hapkunani Alruyaqtuqtukkut Ikayuqtinut.

Atuyuittutit taapkuninnga WSCC Connect-nik huli? Huna pittailivaatit? Takulugu qaritauyakkuurutait ilittuqhilutillu qanuq Alruyaqtuqtukkut Ikayuqtinut alganngnungaqhilaaqtuq.
NUTAQ: Havakvingnit Aanniaqtailiniq Aanniqtailiniqmullu (OHS) APP

Quviahuktugut ilittuqhitiyaami aullaqtittinahuaqtaqqut hivulliqpaaq taamna app atuqtaghaq!

Hanayauhimayuq havaqatigiplugit taapkua Kanatami Havakviat Havakvingnit Aanniaqtailiniq Aanniqtailiniqmullu (CCOHS), taamna OHS app ayuqnaiyaivaktuq naunaiqhiyaamik aanniaqtailiniqmut aanniqtailiniqmullu naunaitkutainik Ukiuqtaqtumiunut havakvingnut havaktinullu.

Parnaiyaqtauhimayuq unipkaaghakkut, taamna app atuqtaghaq naunaiqhitiniaqtaatit naunaitkutanik, uqauhiit ihuaqtunik maligaliuqtanit, iliqahiutihimaplutiklu naunaitkutanik pivighanut. Ilittuqhitigiikluhiuk naunaitkutat ayuqnaittumik havaqatitillu havaktiillu.

Taamna app hailiyauhimayuq akiittuq hivayautinit atuqtaunginnarialik uqauhikkut Qaplunaatut Uiviititullu. Hivayautinut atuinnarianiktittilugu atauhiiqlugu, atuqattaqlugu qaritauyakkuurutaitkaluaqtumik.

Hivayautinunngaqlugu taamna WSCC OHS App - Guide to OHS Legislation (WSCC Havakvingnit Aanniaqtailiniq Aanniqtailiniqmullu App - Maliktaghat taapkununnga Havakvingnit Aanniaqtailiniq Aanniqtailiniqmullu Maligaliugainut) talvanngat App Store niuviqvianit talvaniluuniit Google Play-mit uplumi, ilittuqhitilutalu qanuq ihumayaaghait!


NAUNAIYAQLUGU AKILIQHIUTIGHAT
TITIRAQTUITQIKTUGHAT TAJJA

Havakviit, tajja nakuuyuq ihivriuqhiyaami akiliqhiutighanut naahuriyauyunik ukiumut 2017-mut. Tajja havangnaqmi, taapkua WSCC-kut tuyuqhimayut akiliqhiutainut aallannguutinik tamangnut havakvingnut, naahurilugit titiraqaqvingnit qakugunnuaq.

Naunaiqhitiyut aallannguqtiqhimayunik akiliqhiutingnut naahuriyainik ukiumut ayuqnaitqiyauyuq ihuinaarutinik akiliqtuinnaittuq ihuinaariamik nalauttaaqtainut. Naunaiqhitiyaami aallannguutinik, takulugu taamna   Report or Revise Payroll (Naunaiqhitilugu Aallannguqluguluuniit Akiliqhiutit) Alruyaqtuqtukkut Ikayuutit talvani WSCC Connect-mi maliklugillu pitquyauhimayut.

Apiqhuutighaqaruvit aallannguqtiriyunut akiliqhiutinik, hivayaqlugit taapkua Havakviit Ikayuqtiit Nunattiami talvani 1-800-661-0792 Nunavunmilu talvani 1-877-404-4407.
AMIRNAITTUT HIVULIUTIYAUYUNUT PUIGUQTAILITJUT
UMIKVIGHAAT: OCTOBER 31, 2017-MI

Amirnaittut Hivuliutiyauyunut havakviit, ilihimaluhi taimaa umikvighaat tunihiyaami taapkuninnga Management Practices Questionnaire (Atannguyait Havauhiinut Apiqhuutinik) uplua Tuesday, October 31-mi.

Amirnaittut Hivuliutiyauyunut aullaqtitauhimayuq WSCC-kunnit havakvingnit aanniqtailiniqmut havakvingnut akiliqhiyuktunik haniani $40,000-taalanik ihuaqhautinut WSCC-kunnut. Manighaqtittiyut hapkunuuna aullaqtihimayaigut ikayuutauvaktuq havakvingnut ilitturinnaqhutik aanniaqtailiniq, aanniqtailiniq, havagiatqiktunullu/aanniqhimayut akiliqhiutainut havauhiqattiaqhutik, ikittuuplutiklu aanniqhimayut akiliqhiutait.

Amirnaittut Hivuliutiyauyunut havakviit ataniqtuqtuittianngittut akiliqhiyuktullu akitunnaknik akiliqhiyaghaqariaqniat ihuinaarutainut. Tunihiyuitkumik iniqhimayunik apiqhuutinik ahiagut akiliqtaghaqaqniat.

Naunaittiarumaguffi pivighaniklu ikayuutighatit apiqhuutinut, takugulugu taamna   Safe Advantage Management Practices Questionnaire Guide (Amirnaittut Hivuliutiyauyunut Atannguyait Havauhiinut Apiqhuutinik Maliktaghat) . Una titiraq hanalrutauyuq havakvingnut aulapkaiyaami taapkuninnga Havakvingnit Aanniaqtailiniq Aanniqtailiniqmullu (OHS) taamnalu Havagiatqiktut Havakviinut (RTW) ikayuutainut.

Naunaittiarumavit taapkuninnga Amirnaittut Hivuliutiyauyunut aullaqtitainik, apiqhuutiqaqqilluuniit? Titiraqlugu Elaine Welsh, Amirnaittut Hivuliutiyauyunut Havaktia talvani [email protected] talvaniluuniit 1-800-661-0792.
HAVAKVIIT UMIGHIMAVIIT

WSCC-kut havakviit umighimanahuat Quyaviup Upluutaanit Monday-mi, October 9-mi angmatqikluni Tuesday-mi, October 10-mi 8:30-mi uplaami.

Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.
wscc.nt.ca   /  1.800.661.0792   *   wscc.nu.ca  /  1.877.404.4407