 |
 |
 |
ᐋᓐᓂᖅᑐᓕᕆᓂᕐᒧᑦ ᒪᓕᒐᕐᓂᒃ ᐋᖅᑭᒋᐊᖅᑕᐅᒍᑎᑦ
ᐱᒋᐊᓕᓛᕐᑐᖅ ᔮᓐᓄᐊᕆ 1, 2021 ᓄᓇᑦᓯᐊᕐᒥ.
ᐱᐅᓯᕚᓪᓕᕐᑎᒐᓱᒃᖢᒍ ᐱᕐᕈᓗᐊᕿᑦᑕᐃᓕᓂᕐᒧᑦ ᒪᓕᒐᖅ ᑲᓇᑕᓕᒫᒧᑦ, ᐋᖅᑭᒋᐊᕈᑎᒃᓴᑦ ᐅᑯᓄᖓ ᐋᓐᓂᖅᑐᓕᕆᓂᕐᒧᑦ ᒪᓕᒐᐃᑦ ᐊᑐᓕᕐᑎᑕᐅᓂᐊᕐᑐᑦ ᐅᕙᓂ ᓄᓇᑦᓯᐊᕐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᖁᔭᓂᒃ ᐱᒋᐊᕐᓗᓂ ᔮᓐᓄᐊᕆ 1, 2021. ᓄᑖᙳᕆᐊᖅᑕᐅᔪᓂᒃ ᒪᓕᒐᕐᓂᒃ ᓄᓇᕗᒧᑦ ᐊᑐᐃᓐᓇᐅᓕᕈᑎᒃ ᑐᓴᖅᑎᑦᑎᒍᑎᐅᓂᐊᕐᑐᑦ.
ᐋᖅᑭᒋᐊᖅᑕᐅᔪᑦ ᑕᑯᔭᐅᔪᓐᓇᕐᑐᑦ ᐅᕙᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᑦ ᒪᒃᐱᒐᖓᓂ ᖃᕋᓴᐅᔭᒃᑯᑦ ᓴᖅᑭᔮᒐᑦᑎᓐᓂ.
ᐅᓇ ᐊᓯᙳᖅᑎᑕᐅᓂᑯ ᐅᕙᓐᓂ ᖃᓄᖅ ᐊᒃᑐᐃᒍᑎᖃᕐᒪᓐ?
- ᐃᖅᑲᓇᐃᔭᖅᑎᑦᑎᔨᐅᔪᑦ ᓄᑖᙳᕆᐊᖅᑎᑦᑎᔭᕆᐊᖃᕐᓂᐊᕐᑐᑦ ᐋᓐᓂᖅᑐᓕᕆᓂᕐᒧᑦ ᐱᖁᑎᖏᓐᓂᒃ. ᐱᕕᖃᖅᑎᑕᐅᔪᑦ ᐊᕐᕌᒍᒥ ᐊᓯᙳᖅᑎᑕᐅᔪᓐᓇᖅᖢᑎᒃ ᑎᑭᓪᓗᒍ ᔮᓐᓄᐊᕆ 1, 2022 ᑕᒪᒃᑯᐊ ᒫᓐᓇ ᐱᖁᑎᒋᔭᖏᑦ ᐊᑐᖅᑕᐅᔪᓐᓇᕐᓂᐊᕐᒪᑕ ᐊᒻᒪᓗ ᓄᑖᙳᕆᐊᖅᑎᑦᑎᓗᑎᒃ ᐋᓐᓂᖅᑐᓕᕆᓂᕐᒧᑦ ᐱᖁᑎᖏᓐᓂᒃ ᓄᑖᓂᒃ ᐱᖁᔭᓂᒃ ᒪᓕᒍᓐᓇᖁᓪᓗᒋᑦ.
- ᒫᓐᓇᓕᓴᑦ ᐋᓐᓂᖅᑐᓕᕆᓂᕐᒧᑦ ᐃᓕᓐᓂᐊᕐᓯᒪᓂᕐᒥ ᓇᓗᓇᐃᒃᑯᑎᒋᔭᐅᔪᑦ ᐊᑐᖅᑎᑕᐅᓂᐊᕐᑐᑦ ᑭᓯᐊᓂ ᐃᓱᓕᕝᕕᖏᑦ ᑎᑭᑉᐸᑕ.
- ᐋᓐᓂᖅᑐᓕᕆᓂᕐᒥᒃ ᐊᔪᕈᓐᓃᕐᓴᖅᑎᑦᑎᓂᕐᒥᒃ ᐃᓂᖃᖅᑎᑦᑎᔨᐅᔪᑦ ᓄᑖᙳᖅᑎᑦᑎᔭᕆᐊᖃᖅᑐᑦ ᐋᓐᓂᖅᑐᓕᕆᓂᕐᒧᑦ ᐃᓕᓐᓂᐊᕈᑎᓂᒃ ᐊᒻᒪ ᐃᓕᓐᓂᐊᕈᑎᒃᓴᓂᒃ ᔮᓐᓄᐊᕆ 1, 2021 ᑎᑭᓚᐅᙱᓐᓂᖓᓂᒃ. ᐊᔪᕈᓐᓃᕐᓴᖅᑎᑦᑎᓂᕐᒥᒃ ᐃᓂᖃᖅᑎᑦᑎᔨᐅᔪᑦ ᑐᓂᓯᔭᕆᐊᖃᖅᑐᑦ ᐱᓇᓱᒍᑎᖏᓐᓂᒃ ᐅᕗᖓ ᐊᖓᔪᖅᑳᕐᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᕐᑎᒧᑦ ᐅᓇ ᐊᓂᒍᓚᐅᙱᓐᓂᖓᓂ ᑎᓯᐱᕆ 1, 2020.
ᐊᑐᐃᓐᓇᐅᔪᑦ ᑭᓱᓕᕆᔾᔪᑏᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᔾᔪᑎᖃᐅᕐᑐᑦ ᐃᑲᔪᕈᑎᒃᓴᓂᒃ ᐃᖅᑲᓇᐃᔭᖅᑎᑦᑎᔨᐅᔪᑦ ᕿᒥᕐᕈᐊᕈᓐᓇᕈᑎᒃᓴᖏᓐᓂᒃ ᐊᓯᙳᖅᑎᑕᐅᔪᓂᒃ.
- ᐋᖅᑭᒋᐊᖅᑕᐅᔪᖅ ᐅᕙᓂ ᐋᓐᓂᖅᑐᓕᕆᓂᕐᒧᑦ ᐊᑐᐃᓐᓇᐅᔪᑦ ᒪᓕᒐᓕᕆᓂᕐᒧᑦ ᒪᒃᐱᖓᕐᓂᒃ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᕋᓴᐅᔭᒃᑯᑦ ᓴᖅᑭᔮᒐᖓᓂ.
- ᒪᕐᕉᖕᓂ ᒪᓕᒐᒃᓴᓂᒃ ᐱᓕᕆᓂᕐᒧᑦ ᐊᑐᐃᓐᓇᖅᑕᖃᓕᕐᓂᐊᕐᑐᑦ ᑎᓯᐱᕆᒥ ᐃᖅᑲᓇᐃᔭᖅᑎᑦᑎᔨᓄᑦ ᐊᒻᒪ ᐊᔪᕈᓐᓃᖅᓴᖅᑎᑦᑎᓂᕐᒥᒃ ᐱᓕᕆᐊᖃᖅᑐᓄᑦ ᑐᑭᒧᐊᕈᑎᐅᓂᐊᕐᑐᓂᒃ:
- ᒪᑦᑐᑎᖃᕐᕖᑦ ᐋᓐᓂᖅᑐᖃᖅᑎᓪᓗᒍ
- ᐋᓐᓂᖅᑐᓕᕆᓂᕐᒧᑦ ᐊᔪᕈᓐᓃᕐᓴᕐᓂᖅ
ᖃᐅᔨᒋᐊᒃᑲᓐᓂᕈᒪᒍᔅᓯ, ᐅᕝᕙᓘᓐᓃᑦ ᑐᓂᓯᔪᒪᒍᔅᓯ ᓄᑖᙳᕆᐊᕐᓯᒪᔪᓂᒃ ᐋᓐᓂᖅᑐᓕᕆᓂᕐᒧᑦ ᐊᔪᕈᓐᓃᕐᓴᐅᑎᓕᕆᔾᔪᑎᒃᓴᓂᒃ ᐊᖏᖅᑕᐅᔭᕆᐊᓕᖕᓂᒃ, ᑕᐃᒪᓕ ᖃᐅᔨᒋᐊᕈᓐᓇᖅᑐᓯ ᐅᕗᖓ OHSregs@wscc.nu.ca ᐅᖄᓚᓗᓯᓘᓐᓃᑦ ᐅᕗᖓ 1 (800) 661-0792.
|
|
ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ
ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ
ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓕᔅᓯᓐᓂ ᑐᓴᒐᒃᓴᓂ ᐱᓯᒪᖁᔨᖕᒪᑕ ᐃᖅᑲᓇᐃᔭᕐᕕᖕᒥ ᐱᒻᒪᕆᐅᓛᖑᔪᓂᒃ ᐊᑦᑕᓇᖅᑕᐃᓕᓂᕐᒧᑦ ᐃᓱᒫᓘᑎᐅᕙᒃᑐᓂᒃ ᓴᓇᕝᕕᒋᔭᕐᓂᒃ. ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᓇᓗᓇᐃᕐᓯᓯᒪᖃᑦᑕᕐᓂᐊᕐᑐᑦ ᐊᕐᕌᒍ ᖃᖓᙴᕌᖓᑦ ᐊᑦᑕᓇᖅᑕᐃᓕᒪᒍᑎᒃᓴᓂᒃ ᐋᓐᓂᕈᑕᐅᓴᕋᐃᑦᑐᓄᑦ ᐅᕝᕙᓘᓐᓃᑦ ᖃᓄᐃᓕᕈᑎᐅᔭᑦᑐᓄᑦ. ᐅᖃᐅᓯᐅᓂᐊᕐᑐᓄᓪᓕ, ᐃᑲᔫᑎᒃᓴᓂᒃ ᐊᑭᖃᙱᑦᑐᓂᒃ ᓇᓗᓇᐃᔭᐃᖃᑦᑕᕐᓂᐊᖅᑐᑦ ᐅᕙᓃᑦᑐᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᕋᓴᐅᔭᒃᑯᑦ ᓵᖅᑭᔮᒐᖓᓂ ᐊᒻᒪᓗ ᐃᑲᔪᖅᑐᐃᒍᑎᓂᒃ ᐊᑦᑕᓇᖅᑐᒥ ᐊᑐᖅᑕᐃᓕᕙᖕᓂᕐᒥᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ ᓴᓇᕝᕕᐅᕙᒃᑐᓂᒃ.
ᑭᓱ ᐅᖃᐅᓯᐅᓂᐊᕐᑐᓂ ᓯᕗᓪᓕᕐᐹᖑᓂᐊᕐᐸ? ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ!
ᖃᓄᐃᒻᒫ ᐱᒻᒪᕆᐅᕙ ᐅᖃᐅᓯᖃᕐᓗᓂ ᖁᐊᐃᔭᕿᓂᕐᓂᒃ, ᐹᓪᓚᖕᓂᕐᓂᒃ, ᐊᒻᒪ ᑲᑕᖕᓂᕐᒥ?
ᖃᐅᔨᓴᕈᑎᐅᓯᒪᔪᑎᒍᑦ ᓴᖅᑭᑎᑦᑎᓯᒪᔪᖅ ᐃᓄᐃᑦ ᖃᐅᔨᒪᓂᖏᓐᓂᒃ ᒪᑯᐊ ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ ᓴᓇᕝᕕᖕᒥᑦ ᐋᓐᓂᕈᑎᐅᔪᓐᓇᕐᓂᖏᓐᓂᒃ. ᑕᒪᒃᑯᐊ ᑭᒃᑯᓕᒫᓄᑦ ᐅᔾᔨᕆᔭᐅᓯᒪᓕᕋᓗᐊᕐᖢᑎ, ᐋᓐᓂᕈᑎᐅᕙᒃᑐᑦ ᓴᖅᑭᑎᑦᑎᓯᒪᔪᑦ 21.5%-ᒋᔭᐅᓂᖏᓐᓂᒃ ᐃᖅᑲᓇᐃᔮᒧᑦ ᐋᓐᓂᕐᓂᕐᒧᑦ ᑮᓇᐅᔭᖅᑖᕋᓲᑎᐅᕙᒃᑐᓂᒃ. ᐅᓄᖅᑐᓪᓛᓘᔪᑦ ᑕᐃᒪᐃᑎᑕᐅᙱᑦᑐᓐᓇᖅᑐᑦ ᐋᓐᓂᕐᓃᑦ! ᐃᖅᑲᓇᐃᔭᖅᑎᒋᔭᐅᔪᑦ ᖃᐅᑕᒫᓐ ᐱᓕᕆᐊᕆᕙᒃᑕᖏᓐᓂᒃ ᐱᓕᕆᐊᖃᕐᑎᓪᓗᒋᑦ, ᓱᓕ ᐅᓗᕆᐊᓇᖅᑐᒦᑦᑐᑦ ᒪᑯᓄᖓ ᖃᐊᐃᔭᕿᒐᔭᕐᓂᕐᒥᒃ, ᐹᓪᓚᖕᓂᕐᒥᒃ ᐊᒻᒪ ᑲᑕᖕᓂᕐᒥᒃ.
ᐊᔪᕈᓐᓃᕐᓴᖅᑎᓪᓗᒋᑦ ᐃᖅᑲᓇᐃᔭᖅᑎᑎᑦ
ᐋᖅᑭᒃᓱᐃᓗᑎ ᐃᓕᖅᑯᓯᒃᓴᒥ ᖃᓄᐃᑎᑦᑎᑦᑕᐃᓕᕙᖕᓂᕐᒥᒃ. ᐃᖅᑲᓇᐃᔭᖅᑎᑎ ᖃᐅᔨᒪᑎᑉᐸᒡᓗᒋᑦ ᐃᓚᒋᔭᐅᓂᖏᓐᓂᒃ ᓴᓇᕝᕕᖕᒥᑦ ᐋᓐᓂᖅᑐᖃᖅᑎᑦᑎᑦᑕᐃᓕᓂᕐᒥᒃ ᐃᒪᓐᓇ ᖃᓄᐃᓕᐅᕈᑎᖃᖅᐸᒡᓗᑎᒃ ᐱᕐᕈᓗᐊᕿᑎᑦᑎᑦᑕᐃᓕᓂᕐᒥᒃ ᐃᓱᒫᓗᑎᒋᔭᐅᔪᓂᒃ. ᖃᐅᔨᒪᑎᓪᓗᒋᑦ 5 ᒥᓂᑦᔅ ᑭᖑᕙᕋᓗᐊᕈᑎᒃ ᖃᓄᐃᙱᓐᓂᕐᓴᐅᓂᖓᓂᒃ ᑐᐊᕕᓗᐊᕐᓂᕐᒥᒡᓕ ᖁᐊᐃᑦᑖᕐᓇᖅᑐᑰᕐᓇᖅᑐᒃᑯ ᐋᓐᓂᑐᐃᓐᓇᕆᐊᖃᕐᓇᖅᑐᒥᓐ.
ᒪᑯᐊ ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ ᐃᓱᒪᒋᔭᐅᖃᑦᑕᕆᐊᖃᕐᑐᑦ ᐊᑦᑕᓇᖅᑐᓕᕆᓂᕐᒧᑦ ᑲᑎᒪᕌᖓᔅᓯ. ᐃᖅᑲᓇᐃᔭᖅᑎᐅᔪᑦ ᐅᑯᓂᖓ ᐃᖅᑲᐃᑎᑉᐸᒡᓗᒋᑦ:
- ᓱᒃᑲᐃᒡᓕᒋᐊᕐᓗᑎᑦ.
- ᐅᔾᔨᖅᓱᕐᓗᑎᑦ.
- ᓴᓗᒪᑎᑦᑎᓗᑎᒃ ᓴᓇᕝᕕᒋᖃᑦᑕᖅᑕᖏᓐᓂᒃ.
- ᐊᑐᕐᓗᑎᑦ ᓈᒻᒪᒃᑐᓂ ᑲᒪᒋᔭᕆᐊᖃᖅᑕᓂᑦ.
- ᐊᑐᕐᓗᒋᑦ 3−ᖑᓕᖅᑲᔪᑦ ᐊᒃᑐᐅᓃᑦ ᐊᖅᑲᖅᑎᑦᑎᓪᓗᑎᑦ ᒪᔪᕋᐅᑎᑎᒍᑦ.
- ᖁᑦᑎᒃᑐᒥ ᐱᓕᕆᐊᖃᓕᕌᖓᑕ ᐊᑐᕆᐊᖃᖅᑐᑦ ᓈᒻᒪᒃᑐᓂᒃ ᑲᑕᔾᔭᐃᒃᑯᑎᓂᒃ.
- ᐊᖅᑯᑎᒋᔭᐅᖃᑦᑕᖅᑐᑦ ᓂᓚᖃᖅᑎᑦᑕᐃᓕᓗᒋᑦ, ᐊᒻᒪᓗ ᖁᐊᐃᑦᑖᕐᓇᖅᑐᑦ ᐅᖃᐅᓯᕆᓗᒋᑦ ᖃᐅᔨᔭᐅᔭᕌᖓᑕ.
ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ ᐅᖃᐅᓯᐅᖃᑦᑕᕆᐊᖃᖅᑐᑦ ᖃᖓᑐᐃᓐᓇᒃᑯᑦ. ᑕᑯᒋᐊᕐᓗᒍ ᖃᕋᓴᐅᔭᒃᑯᑦ ᓴᖅᑭᔮᒐᕗᑦ ᖃᐅᔨᒃᑲᓐᓂᕐᓂᐊᕋᕕᑦ ᖃᓄᖅ ᐱᕐᕈᓗᐊᕿᑦᑕᐃᓕᓂᕐᒥᒃ ᒪᑯᓇᙵᑦ ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓂᕐᓂᒃ.
|
|
ᐱᓕᕆᔾᔪᑏᑦ, ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᓴᐅᒪᔾᔪᑏᑦ ᐃᖅᑲᓇᐃᔭᕐᕕᖕᓄᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐋᖅᑭᒃᓯᓚᐅᕐᒪᑕ ᐅᖃᓕᒫᒐᒃᓴᓂᒃ ᐃᖅᑲᓇᐃᔭᖅᑎᓂᒃ ᐃᑲᔪᕈᑎᒃᓴᓂᒃ ᓄᕙᒡᔪᐊᕐᓇᖅ-19-ᒥ ᐊᐅᑦᑐᖅᑕᐅᑦᑕᐃᓕᓂᕐᒥᒃ ᓴᓇᕝᕕᒋᔭᖏᓐᓂᒃ. ᐱᑕᖃᖅᐸᑦ ᐱᓕᕆᔾᔪᑎᓂᒃ ᐱᔪᒥᒋᔭᕐᓂᒃ, ᓇᓂᔪᓐᓇᖅᑕᐃᑦ ᓄᕙᒡᔪᐊᕐᓇᖅ-19 ᓱᓇᒃᑯᑖᖃᕐᕕᒋᔭᑦᑎᓐᓂᑦ ᖃᕆᑕᐅᔭᒃᑯᑦ..
ᐃᖅᑲᐅᒪᒋᑦ ᐃᖅᑲᓇᐃᔭᖅᑎᑎᑦ ᐃᓚᐅᔭᕆᐊᓖᑦ ᓴᖅᑭᔮᕐᕕᐅᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓕᐅᖅᑎᓪᓗᑎᑦ ᐃᖅᑲᓇᔭᐃᕐᕕᔅᓯᓐᓂ, ᐊᑏ ᑕᑯᑎᓪᓗᒋᑦ ᑭᓱᑦ ᓱᓇᒃᑯᑖᑦ ᐊᑐᐃᓐᓇᐅᖕᒪᖔᑕ. ᐱᒻᒪᕆᐅᔪᑦ ᐃᖅᑲᓇᐃᔭᖅᑎᑎᑦ ᐃᓚᐅᓗᑎᒃ ᐊᒻᒪᓗ ᐅᔾᔨᕈᓱᒡᓗᑎᒃ.
ᐊᐱᖅᑯᑎᒃᓴᖃᕈᕕᑦ ᓴᖅᑭᔮᕐᕕᐅᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓕᐅᕐᓂᐅᑉ ᒥᒃᓵᓄᑦ, ᐅᖃᖃᑎᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓪᓗᒥ. ᓄᓇᕘᒥᑦ, ᐅᖃᖃᑎᒋᓗᒋᑦ ᖃᕆᑕᐅᔭᒃᑯᑦ Covid-19@wscc.nu.ca, ᐊᒻᒪᓗ ᓄᓇᑦᓯᐊᕐᒥ, ᐅᖃᖃᑎᒋᓗᒋᑦ ᖃᕆᑕᐅᔭᒃᑯᑦ Covid-19@wscc.nt.ca, ᐅᕝᕙᓘᓐᓃᑦ ᐅᖄᓚᓗᑎᑦ 1 (800) 661-0792 ᐅᖃᓪᓚᖃᑎᖃᕈᒪᒍᕕᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᓴᖅᑎᒥᒃ.
|
|
ᐋᖅᑭᒃᓯᓗᓯ ᐊᑭᓕᑲᐅᑎᒋᔪᓐᓇᕈᑎᒃᓴᓂᒃ ᐅᕘᓇ WSCC Connect
ᐱᒋᐊᕐᓗᓂ ᔮᓐᓄᐊᕆ 1, 2021, ᐊᑭᓕᑲᐅᑎᒋᒍᑎᒃᓴᓂᒃ ᐊᐅᒃᑕᔫᒃᓂ ᐊᑐᕐᓗᓂ ᐊᑐᕈᓐᓇᕐᓯᑎᑕᐅᓂᐊᕐᑐᖅ ᐅᕙᓂ WSCC Connect. ᓱᓕ ᐋᖅᑭᒋᐊᓚᐅᙱᒃᑯᕕᐅᒃ ᐱᓕᕆᐊᖑᑲᐅᑎᒋᔪᓐᓇᕐᑐᒥ ᐊᑭᓕᕈᑎᒃᓴᓂᒃ ᐅᕝᕙᓘᓐᓃᑦ ᓄᑖᙳᕆᐊᕐᓯᒪᙱᒃᑯᕕᐅᒃ ᐊᐅᒃᑕᔫᕆᔭᐃᑦ, ᐊᒻᒪ ᑕᐃᒪᐃᓕᕈᓐᓇᖅᑎᑦᑐᒪᓗᒍ, ᓄᑖᙳᕆᐊᖅᑎᑦᑎᓕᕈᓐᓇᕐᓂᐊᖅᑐᑎᑦ ᐊᑭᓕᒃᓴᖃᐅᑎᒋᔭᕐᓂᒃ ᐅᓇ ᑎᑭᓚᐅᕐᑎᓪᓗᒍ ᑎᓯᐱᕆ 1, 2020. ᒪᓕᒐᕐᑎᒎᓕᖓᔪᖅ ᑭᖑᕙᕐᓂᕐᒧᑦ ᐊᑭᓖᒃᑲᓐᓂᕈᑎᒃᓴᖅ ᐃᒪᓐᓇ 2%-ᒥ ᐃᓚᒋᐊᖅᑕᐅᒃᑲᓐᓂᕈᓐᓇᕐᒪᑕ ᐊᒻᒪ ᑖᓐᓇ ᐊᑐᓕᓚᐅᕐᖢᓂ ᐅᑐᐱᕆ 1, 2020-ᒥᑦ.
ᖃᐅᔨᒋᐊᕈᒪᒍᕕᑦ ᐃᖅᑲᓇᐃᔭᖅᑎᑦᑎᔨᒧᑦ ᐊᑭᓕᕈᑎᒃᓴᓄᑦ ᐃᓱᓕᕝᕕᐅᔪᓂᒃ ᐊᒻᒪᓗ ᖃᓄᖅ ᐊᑭᓕᕐᓱᐃᔪᓐᓇᕐᓂᕐᓂᒃ, ᐅᓇ ᑕᑯᒋᐊᕐᓗᒍ WSCC Connect.
ᐅᖃᖃᑎᖃᕈᒪᒍᕕᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᑭᒡᒐᖅᑐᐃᔨᒥ ᐊᑭᓕᒃᓴᖃᐅᑎᕕᑦ ᒥᒃᓵᓄᑦ ᐅᕗᖓ ᐅᖄᓚᓗᑎ 1 (800) 661-0792.
|
|
ᐃᖅᑲᐃᑎᑦᑎᔾᔪᑦ: ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᖅ
ᑐᓂᓯᓂᐅᔪᖅ ᒪᑐᐃᖓᕗᖅ ᔮᓐᓄᐊᕆ 1, 2021−ᒥ ᕕᕝᕗᐊᕆ 28, 2021−ᒧᑦ
ᐃᖅᑲᓇᐃᔭᖅᑎᖁᑎᓖᑦ ᓇᒃᓯᐅᔾᔨᕕᐅᓂᐊᖅᑐᑦ ᑐᑭᓯᒋᐊᕈᑎᓂ ᑐᓂᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ ᑕᐃᑰᓇ WSCC Connect ᑎᓯᐱᕆᐅᑉ ᐱᒋᐊᕐᓂᖓᓂ. ᐃᓱᓕᒡᕕᒃᓴᐅᑖ ᕕᕝᕗᐊᕆ 28, 2021−ᖑᔪᖅ, ᑭᓯᐊᓂ ᑐᓂᓯᔪᓐᓇᖅᑐᑎᑦ ᐱᒋᐊᕐᓗᒍ ᔮᓐᓄᐊᕆ 1, 2021.
ᐅᑯᐊ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐅᖃᐅᓯᖃᒻᑐᒻ ᓴᖅᑭᑕᐅᓚᐅᕐᓯᒪᔪᖅ 2018-ᒥᑦ ᐱᓕᕆᐊᖑᔭᕆᐊᖃᖅᑐᖅ ᑐᓂᓂᐊᖅᑕᐃ ᐱᐊᓂᒐᓱᖕᓂᕐᓄᑦ. ᐱᒋᐊᓚᐅᙱᓐᓂᕐᓂ ᑎᑎᕋᖅᓯᓂᕐᒥᑦ, WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ ᐃᓕᖕᓂ ᑐᓂᓯᓂᕐᒧᑦ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ. ᐊᐱᖅᑯᑎᒃᓴᑦ ᓄᑖᙳᕋᐊᖅᑕᐅᖕᒪᑕ ᒪᑯᓇᙵᑦ ᐄ/ᐋᑲ ᑭᐅᔾᔪᑎᓂᒃ ᒪᐅᖓ ᓇᓗᓇᐃᒃᑯᑎᓕᕆᓂᒃᑯ. ᐅᓇ ᐱᕕᒃᓴᑦᑎᐊᕙᐅᔪᖅ ᐅᓇ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑭᒡᒐᖅᑐᐃᔨᒋᔭᐅᔪᖅ ᐊᑎᓕᐃᕐᓯᒪᓗᓂ SafetyNet-ᒧᑦ ᐊᒻᒪᓗ ᐊᑐᕐᑐᓂᒃ ᐊᒻᒪ ᑭᖑᕙᓯᙱᑦᑐᓂᒃ ᑐᓴᒐᒃᓴᖅᑖᕐᕙᒡᓗᓂ.
ᐃᖅᑲᐅᒪᓂᐊᖅᐳᑎᑦ, ᑐᓂᓯᒋᐊᖃᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.
ᐃᖅᑲᓇᐃᔭᖅᑎᖁᑎᓖᑦ, ᑎᒋᒡᕕᐅᓚᐅᙱᒃᑯᕕᑦ ᓱᓕ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓄᑦ ᐅᑭᓂᒃᑳᓕᐅᕐᓂᕐᒧᑦ ᐸᐃᑉᐹᓂ ᑎᓯᐱᕆᐅᑉ ᕿᑎᐊᓂ, ᖃᐅᔨᒋᐊᕐᕕᐅᔪᓐᓇᖅᑐᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑏᑦ:
ᑕᒫᓃᑦᑐᒍ ᐃᑲᔪᕈᒪᓪᓗᑕ! ᐃᑲᔪᖅᑕᐅᔭᕆᐊᖃᕈᕕᑦ ᑖᔅᓱᒧᖓ WSCC Connect, ᑕᑯᒋᐊᕐᓗᒍ WSCC Connect ᐃᑲᔪᖅᑕᐅᓂᕐᒧᑦ ᒪᒃᐱᖅᑐᒐᖓ ᐅᕝᕙᓘᓐᓃᑦ ᖃᐅᔨᒋᐊᕐᕕᐅᔪᓐᓇᖅᑐᖅ WSCC Connect ᐃᑲᔪᖅᑕᐅᓂᕐᒧᑦ ᐊᑭᖃᙱᑦᑐᖅ ᐅᕙᓂ 1-844-238-5008.
|
|
ᐃᓱᓕᒡᕕᒃᓴᐅᑖ: ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ
ᐱᔭᐅᔭᕆᐊᓖᑦ ᑎᓯᐱᕆ 31, 2020−ᒥ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᕚᓪᓕᕈᑏᑦ ᐃᑲᔪᖅᓱᐃᕙᒃᑐᓂ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓂᑦ ᐱᔪᓐᓃᕋᓱᒃᑎᓪᓗᒍ ᐊᒻᒪᓗ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᓂᐅᔪᒧᑦ. ᑭᓯᐊᓂ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑭᓖᕙᖕᓂᖓ ᑐᓂᔭᐅᑲᐅᑕᒋᕙᙱᓚᖅ ᓇᖕᒥᓂᖃᖅᑎᐅᔪᓄᑦ, ᐱᓕᕆᖃᑎᒋᔭᖏᓐᓂ, ᑎᑎᕋᖅᓯᒪᒍᕕᑦ ᑐᑭᒧᐊᖅᑎᑦᑎᔨᐅᓪᓗᑎᑦ, ᐅᕝᕙᓘᓐᓃᑦ ᓇᖕᒥᓂᖅ−ᐃᖅᑲᓇᐃᔭᖅᑎᑦᑎᒍᕕᑦ ᐃᓄᖕᓂ. ᓇᓪᓕᐅᒃᑯᒫᖃᕈᒪᒍᕕᑦ, ᓂᕈᐊᕈᓐᓇᖅᐳᑎᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒧᑦ, ᐊᔾᔨᒌᑦᑐᓂ ᐃᑲᔫᑎᓂ ᐊᑐᐃᓐᓇᐅᑎᑦᑎᓲᑦ ᐊᓯᖏᑎᑐᑦ ᓴᓇᔨᐅᔪᓂ.
ᓂᕈᐊᕐᓂᕐᓴᐅᒍᕕᑦ ᐊᕐᕌᒍᒧᑦ ᓇᐅᑦᑎᐅᒃᑯᒫᖃᕐᓂᕐᒥᒃ, ᓄᑖᙳᕆᐊᖃᖅᑕᐃᑦ ᓇᐅᑦᑎᐅᒃᑯᒫᕆᔭᐃᑦ ᐊᕐᕌᒍᑕᒫᑦ. ᖃᐅᔨᒪᒋᐊᑦᑎᐊᕐᓗᑎ ᓇᓪᓕᐅᒃᑯᒫᖃᕐᓂᕐᒧᑦ ᓄᖅᑲᖓᑲᐃᓐᓇᔾᔪᑎᖃᙱᑦᑐᖅ, ᐊᑏ 2021-ᒧᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ ᑕᑕᑎᕆᐊᓖᑦ ᐱᔭᕇᖅᓯᒪᔭᕆᐊᖃᖅᐳᑦ ᐊᒻᒪ ᑐᓂᓯᒪᓂᐊᖅᐸᑎᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄ ᖄᖏᓚᐅᖅᑎᓐᓇᒍ ᑎᓯᐱᕆ 31, 2020−ᒥ.
ᖃᓄᖅ ᑐᒃᓯᕋᕆᐊᖃᕐᓂᕐᒥ:
ᑐᒃᓯᕋᕐᓂᖅ ᓇᓪᓕᐅᒃᑯᒫᖃᕐᓂᕐᒧᑦ ᐊᔪᕐᓇᙱᓚᖅ ᐊᒻᒪ ᓴᖑᑎᑕᒃᓴᐅᕗᖅ. ᓇᓪᓕᐅᒃᑯᒫᖅᑖᕈᓐᓇᖅᑐᑎᑦ ᒥᑭᓛᖓᓂ ᑕᖅᑭᑐᐊᕐᒧᑦ ᐊᒻᒪ ᐊᖏᓛᖓᓂ ᐊᕐᕌᒍᓕᒫᒧᑦ. ᑕᑕᑎᕐᓗᒍ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ ᑕᑕᑎᕆᐊᓕᖕᒥ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖕᒥᑦ, ᐊᒻᒪ ᓇᒃᓯᐅᑎᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖓᓄᑦ ᐱᔪᓐᓇᕐᓂᖃᕐᕕᖕᓂ ᑎᓯᐱᕆ 31, 2020−ᒥ.
ᑐᓂᓗᒍ ᑕᑕᑎᕆᐊᓕᒃ ᓇᒃᓯᐅᑎᓗᒍ ᐅᕗᖓ:
ᐊᐱᖅᑯᑎᒃᓴᖃᕈᕕᑦ ᒫᓐᓇᐅᔪᒥ ᖃᓄᐃᓕᖓᓂᖓᓂ ᓇᓪᓕᐅᒃᑯᒫᒋᔭᕐᓂ, ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ, ᖃᐅᔨᒋᐊᕐᕕᒋᑎᒍᑦ ᐅᓪᓗᒥ.
|
|
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᕐᕕᖏᑦ ᒪᑐᓯᒪᓂᐊᕐᑐᑦ ᐱᖓᔅᓯᖅ, ᑎᓯᐱᕆ 23-ᒥᑦ ᐊᒻᒪ ᒪᑐᐃᒃᑲᓐᓂᕐᓗᓂ ᓇᒐᔾᔭᒥ, ᔮᓐᓄᐊᕆ 4-ᒥᑦ 8:30-ᒥ ᐅᓪᓛᒃᑯᑦ.
ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
|
|
|
|
|
