|
|
NUTAAQ UKIUQ NUNNGUTAANIT AKILIQHIUTINUT NAUNAITKUTANUT HAVAUHIQ: ILIQAHIUTILUGIT OHS-NUT NUTAANNGUQTIQTAT TUNILUGIT QILAMIURALUAQLUTIK JANUARY 2-MI, 2018-MI
Havakviit, atulihaaqtumi December-mi naunaitkutanighimayutit tunihiniqmik Ukiuq Nunngutaanut Akiliqhiyanut Naunaitkutanik (APR) taamnalu nutaaq Havakvingnit Aanniaqtailiniq Aanniqtailiniqmullu (OHS) nutaaniklu. Talvani
tatqiqhiutimi nunguhaamit titiraangit SafetyNet-mi
, ilittuqhitihimayugut qanuq hapkua ikayuutauniaqtut ilingnut. Hamma ilangi ilihimayaghat puiguqtailiyaghallu:
Qauyihaqlugit OHS-nut Angiqhimayut/Imannaqmiklu kiutjutit naunaitkutat titiraliqtinnagu.
WSCC Connect-mik
atuyuktut uqaqatigiyaghaat inuk munaqtiuyuq OHS-nik nanminiinik (havakvingnulluuniit titiraliqtuiyut) kiuhiyaami Angiqhimayunik/Imannaqmiklu apiqhuutinik OHS apiqhuutainik.
Ilihimalugit kiutjutitit titiraliqtinnatit.
Kiutjutiqariami titiraliqtinnatit ihuaqutauniaqtuq ilitturiliqtanik imaalu aulahimmaaqtumik naunaiqhititiariamik WSCC-kunnik nalaumayumik titiraliqiyunik nanminiqnik aulayunik OHS-nik ikayuutiqaqtunik Nunattiami Nunavunmilu.
Hapkua havauhiit tukliriiktut Maliktaghat.
Ihivriuqlugit tamangnik OHS-nut Angiqhimayut/Imannaqmiklu apiqhuutit ilittuqhitillu titiraqhimayut Ilanga 4-mi talvani
Guide to Completing Annual Payroll Reporting
(Maliktaghat Titiraliqiyunut Ukiuq Nunngutaanit Akiliqhiyanut Naunaitkutanik).
Naunaitkutat qanurilingayaaghait OHS-nut ikayuutit takuinnarialgit talvani
Safety Program Tools
(Aanniqtailiniqmut Ikayuutit Hanalrutit) qaritauyakkuurutainit.
Umikvighaat tunihiyaami APR-nik February 28-nguyuq, 2018-mi. Tunihiinnarialiuyuhi naunaitkutanik January 2-mi, 2018-mi.
Hamaniittugut ikayurumapluta!
Ikayuqtiilliuruvit, qaritauyakkut titiraqlugit Havakviit Ikayuqtiit talvani
Nunattiami
talvaniluuniit
Nunavunmi
, hivayaqluguluuniit akiittuq talvani 1-800-661-0792.
|
QUUYAQITTUT, NAPATKAQTUT IUKKAQTULLU
AMIRIHIMALUHI QUVIAHUKVINGMI!
Quviahukvik tikinmiyuk, ilingnik ilitturiniaqtutit hanguvaalliqnaqtuq. Hangulukaarnaqhivaktut niuvrutinahuaqhugit aittuutighanik parnaiyaiplutiklu quviahukvingmi nirivighaita ilannariik ilagiillu. Kihimi, qanniqtumi, hikuinnaupluni nuna, taaqtumilu, qauhimattiaqhimanahuaqlugit avatitit quuyaqittaililutit, napatkaqtaililutit, iukkaqtaililutillu.
Quuyaqnaqhivaalliqpaktuq, napatkaqnaqhivaalliqpaktuq iukkaqpaalliqnaqhunilu ukiumi, kihimi puiguqtailivaktaffi taimaa hapkua pittailiinnarialgit. Puiguqtaililugit hapkua:
- Kamighimattiaqlutit naammagiyaqnik;
- Parnaiyaihimalutit qilamiurahuaqtailutillu; imaalu
- Qauhimanahuaqlugit avatitit.
Quuyaqittut, napatkaqtut iukkaqtullu pittailiinnarialgit. Pittiaqlutik amiqhihimaluhilu quviahukvingmi; aanniqtailiniq #nakurutaunginnaqtuq.
|
|
INMIKKUT AKILIQTUQTAGHAT AKILIQTAGHAUYUQ
TITIRAQLUGIT TATQIQHIUTIT: DECEMBER 31-mi, 2017
Nanminiqaruvit havakvingnik, ikayuqtiuguvit, titiraqhimaguvit aulapkaiyiryuanguvit, inmikkulluuniit havakpakkuvit, atauttikkut qutangnaiyautinut ikayuqtauyuittut WSCC-kunnit havaaghaigut. WSCC-kunnit ikayuqtauyaami, titiraqhimayughauyutit taapkununnga Inmikkut Akiliqtuqtaghat, aajjikkutaanik ikayuutilgit ahitut havaktitut havakvingnit aanniaqtuqarnighakpat aanniqtuqarnighakpallu.
Ikayuutinut uuktuinnarialik atauhiugaluamut tatqiqhiutimik imaalu taimaa ukiumut atauhiqmut. Nutaannguqtiqtaghatit hapkua ukiuq tamaat, nutaannguqtiqtauyullu tuniyauyughat December 31-mi, 2017-mi.
Takuyaami titirariamilu taamna Inmikkut Akiliqtuqtaghat
titiraaghaq, naqillugu
hamna
, qaritauyakkut titiraqlugilluuniit Havakviit Ikayuqtiit talvani
Nunattiami
talvaniluuniit
Nunavunmi
naunaittiarumaguffi.
|
|
MALIGAGHALIUQHIMAYUNUT AALLANNGUUTIT
Kavamaliqiyit Katimayiit ihivriuqhimayait angiqhugillu hapkua maligaghaliuqhimayut December-mi 2017-mi katimavianit:
-
- Maligaghaliuqhimayuq 02.03, Inmikkut Akiliqtuqtaghat
- Maligaghaliuqhimayuq 03.09, Ihumaalungniq Ihummaqlungnikmullu Ihuilutit
- Maligaghaliuqhimayuq 05.01, Havaktut Timigighautinut Ikayuqtaulaaghait
- Maligaghaliuqhimayuq 05.02, Havaktut Timigighautinut Ikayuutit
- Maligaghaliuqhimayuq 05.05, Havaktut Timigighautinut Ikayuutit Manighallu
|
|
QUVIAHUKVINGMIK PUIGUQTAILITJUT
HAVAKVIIT UMIGHIMAVIIT
Quviahungnaqtumi, WSCC-kut havakviit umingniaqtut 5:00-munngaqqat nunallaaqmiut upluqhiutaagut Wednesday-mi, December 20-mi, 2017-mi, amatqiklutik 8:30-mi uplaami Tuesday-mi, January 2-mi, 2018-mi.
Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792. Amirnaqtumik havaaghanik naunaiqhitiyaami, atuqlugu taamna
Alruyaqtuqtukkut Ikayuutit atuinnarialik talvuuna
WSCC Connect
.
Tamaptingnit hamani WSCC-kunnit, quviahukvingmi amiqhihimavakluhi aliahukluhilu, naahurittiaqtugut havaqatigiyaami 2018-mi
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
|
|
|