ᓄᕕᐱᕆ 2017

ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ

ᓄᑖᖑᔪᖅ: WSCC CONNECT ᓄᑖᙳᖅᑎᕆᕗᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐄᐳᓗᒥ

ᐊᓯᔾᔨᕐᓂᐅᔪᑦ ᐱᔭᕆᐊᑭᑦᑑᓚᐅᖅᓯᒪᙱᓚᑦ, ᓄᑦᑎᖅᑎᕆᕙᓪᓕᐊᑎᓪᓗᑕ ᐅᓄᕐᓂᖅᓴᓂ ᐱᔨᑦᑎᕋᐅᑎᓂ ᖃᕆᓴᐅᔭᕐᒧᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᑭᓯᒋᐊᕈᑎᓕᒫᓂᑦ ᐃᒡᕕᑦ ᐱᓯᒪᔭᕆᐊᖃᖅᑕᖏᓐᓂᒃ ᐱᓯᒪᑦᑎᖁᔨᔪᑦ ᓄᑖᒥ ᐱᓕᕆᔾᔪᓯᖃᕐᓂᐊᓕᖅᑎᓪᓗᑎ. ᑕᒡᕘᓇ WSCC Connect , ᓴᖅᑮᔪᔪᒍᑦ ᖃᕆᓴᐅᔭᒃᑯᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ (APR) ᐃᖅᑲᓇᐃᔭᖅᑎᖁᑎᓕᖕᓄᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐊᕐᕌᓂᐅᓚᐅᖅᑐᒥ, ᐅᓂᒃᑳᓕᐅᕈᓐᓇᖁᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ ᐊᑭᓕᓪᓚᑦᑖᓚᐅᖅᑕᒥᓂᒃ ᐃᖅᑲᓇᐃᔭᖅᑎᖁᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᒫᓐᓇᐅᔪᖅ ᐅᓪᓗᖅᓯᐅᑎᓂ ᐊᕐᕌᒍᒥ ᐊᑐᖅᑐᒥ, ᐊᒻᒪ ᓇᓚᐅᑦᑖᖅᓯᒪᔪᒥ ᐊᕐᕌᒎᓛᖅᑐᒧᑦ. ᐅᐱᒋᑦᑎᐊᖅᑕᕗᑦ ᐃᖅᑲᓇᐃᔭᖅᑎᖁᑎᓖᑦ ᑲᔪᓯᓂᖃᑦᑎᐊᖅᑐᒥ ᖃᕆᓴᐅᔭᒃᑯᑦ ᑎᑎᕋᖅᓯᖔᓕᖅᑎᓪᓗᒋᑦ.

ᐃᖅᑲᓇᐃᔭᖅᑎᖁᑎᓖᑦ, ᖃᐅᔨᒪᓂᐊᖅᐳᓯ: ᑎᓯᐱᕆᐅᑉ ᐱᒋᐊᕐᖓᕐᓂᖓᓂ, ᑐᑭᓯᒋᐊᕈᑎᓂ ᑎᑭᕝᕕᐅᓛᖅᑐᑎᑦ ᖃᓄᖅ ᑐᓂᓯᒋᐊᖃᕐᒪᖔᖅᐱᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ (APR). ᐃᓱᓕᒡᕕᒃᓴᐅᑖ ᑐᓂᓯᓂᕐᒧᑦ ᕖᕝᕗᐊᓕ 28, 2018-ᒥ.

ᓄᑖᖑᔪᖅ ᒪᓕᒃᑕᐅᔭᕆᐊᓕᒃ: ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᓂᒃᑳᓕᐅᕐᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᖏᓐᓂ

2018-ᒥ ᑎᑎᕋᕆᐊᖃᓂᕐᒧᑦ ᐃᓚᖃᖃᑕᐅᔪᖅ ᓄᑖᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᓚᒋᓪᓗᓂᐅᒃ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᖏᓐᓄᑦ (APR). ᑕᒪᑐᒪ ᐊᕐᕌᒍᒥ, WSCC Connect ᐊᑐᖅᑐᐊᖅᑎᖏᑦ ᐊᐱᕆᔭᐅᓛᖅᑐᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᒻᐸᓂᖓᓄᑦ ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᑎᔭᖓᓄᑦ.

ᐱᒋᐊᓚᐅᙱᓐᓂᕐᓂ ᑎᑎᕋᖅᓯᓂᕐᒥᑦ, WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᓐᓂᑦ (ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ) ᐃᓕᖕᓂ ᑐᓂᓯᓂᕐᒧᑦ ᐄ/ᐋᒃᑲ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ. ᑕᒪᕐᒥᑦᑎᐊᑦ ᐊᐱᖅᑯᑏᑦ ᓇᓗᓇᐃᔭᖅᓯᒪᓪᓗᑎ ᑭᓱᒥ ᑕᑯᓇᓱᒋᐊᖃᕐᒪᖔᖅᐱᑦ ᐃᓚᖓ 4 - ᒦᑦᑐᖅ ᑕᐃᑲᓂ ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ.

ᐃᓱᓕᒡᕕᒃᓴᐅᑖ ᑐᓂᓯᓂᕐᒧᑦ ᐃᒡᕕᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ ᕖᕝᕗᐊᓕ 28, 2018−ᖑᔪᖅ, ᑭᓯᐊᓂ ᑐᓂᓯᔪᓐᓇᖅᑐᑎᑦ ᐱᒋᐊᕐᓗᒍ ᔮᓐᓄᐊᓕ 2, 2018. ᑐᓂᓯᒋᐊᖃᖅᑐᑎᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.

ᐃᖅᑲᓇᐃᔭᖅᑎᖁᑎᓖᑦ, ᑎᒋᒡᕕᐅᓚᐅᙱᒃᑯᕕᑦ ᓱᓕ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓄᑦ ᐅᑭᓂᒃᑳᓕᐅᕐᓂᕐᒧᑦ ᐸᐃᑉᐹᓂ ᑎᓯᐱᕆᐅᑉ ᕿᑎᐊᓂ, ᖃᐅᔨᒋᐊᕐᕕᐅᔪᓐᓇᖅᑐᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑏᑦ ᓄᓇᑦᓯᐊᕐᒥ ᐅᕙᓂ employer@wscc.nt.ca , ᐅᕝᕙᓘᓐᓃᑦ ᐅᖄᓚᓗᑎ (867) 920-3888 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ 1-800-661-0792; ᐊᒻᒪ ᓄᓇᕗᒻᒥ ᐅᕗᖓ employernu@wscc.nu.ca , ᐅᕝᕙᓘᓐᓃᑦ ᐅᖄᓚᓗᑎ (867) 979-8500 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ 1-877-404-4407.

ᓱᒻᒪ ᓇᖕᒥᓂᕆᔭᐃᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᓕᕆᐊᖑᔪᒥᑦ ᐱᖃᕆᐊᖃᕐᒪᖔᖅ

ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᖅ ᐊᑐᐃᓐᓇᐅᑎᑦᑎᕗᖅ ᐋᖅᑭᒃᓯᒪᔪᒥ ᓇᓗᓇᐃᖅᓯᑦᑎᐊᓂᕐᒥᑦ ᐊᒻᒪ ᐊᐅᓚᑦᑎᓂᕐᒥᑦ ᐃᖅᑲᓇᐃᔭᕐᕕᖕᒥ ᐊᑦᑕᕆᔭᐅᔪᓂ, ᐱᕙᒌᔭᖅᓯᒪᓂᕐᒧᑦ ᑐᐊᕕᕐᓇᖅᑐᖃᓕᕐᓂᕈᓂ, ᐊᑐᐃᓐᓇᐅᑎᑦᑎᓂᕐᒥᑦ ᐊᑦᑕᓇᔾᔭᐃᖅᓯᒪᓂᒃᑯᑦ ᐃᖅᑲᓇᐃᔭᕐᕕᖕᒥ ᐊᑐᐊᒐᕐᓂ ᐊᒻᒪ ᐱᐅᓯᖏᓐᓂᑦ, ᐊᒻᒪ ᐃᓕᓐᓂᐊᖅᑎᑦᑎᓂᕐᒥᑦ ᐃᖅᑲᓇᐃᔭᖅᑎᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᕆᔭᕆᐊᖃᖅᑕᖏᓐᓂ ᐊᒻᒪ ᑲᒪᒋᔭᕆᐊᓕᖏᓐᓂ. ᐃᓕᖕᓂ ᐱᔨᑦᑎᕋᑦᑎᐊᕈᒪᒧᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑐᑭᓯᒋᐊᕈᑎᓂ ᐱᓯᒪᑦᑎᔭᕆᐊᓖᑦ ᒫᓐᓇᐅᔪᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᓂ ᓇᖕᒥᓂᕆᔭᐅᔪᓂ ᐊᒻᒪ ᑲᑐᔾᔨᖃᑎᒌᖑᔪᓂ ᓄᓇᑦᓯᐊᓕᒫᒥ ᐊᒻᒪᓗ ᓄᓇᕘᓕᒫᒥ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑮᕙᓪᓕᐊᔪᑦ ᓱᓕ ᐃᑲᔫᑎᒃᓴᓂᑦ ᐃᖅᑲᓇᐃᔭᖅᑎᖁᑎᓕᖕᓄᑦ. ᐊᑐᐃᓐᓇᐅᑎᑦᑎᓲᖑᔪᒍᑦ ᒪᓕᒐᒃᓴᖏᓐᓂᑦ ᐊᒻᒪ ᐊᑐᖅᑕᐅᔪᓐᓇᖅᑐᓂᒃ ᐃᑲᔪᖅᑐᐃᔾᔪᑎᓂᒃ ᐃᑭᐊᖅᑭᕕᑦᑎᓐᓂ ᐅᕝᕙᓘᓐᓃᑦ ᐱᔨᑦᑎᕋᐅᑎᑎᒍᑦ ᑕᒡᕘᓇ WSCC Connect, ᑐᕌᒐᕆᔭᕗᑦ ᐃᑲᔪᕈᒻᒪᓗᑕ ᐃᖅᑲᓇᐃᔭᖅᑎᖁᑎᓕᖕᓂᒃ ᐊᐅᓚᑦᑎᓂᕐᒧᑦ ᐱᔭᒃᓴᕆᔭᒥᓂᒃ ᐊᑭᓕᖅᑕᐅᔾᔪᑎᓄᑦ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᓕᕆᓂᕐᒥ.

ᑕᒫᓃᑦᑐᒍ ᐃᑲᔪᕈᒪᓪᓗᑕ! ᐃᑲᔪᖅᑕᐅᔭᕆᐊᖃᕈᕕᑦ ᑖᔅᓱᒧᖓ WSCC Connect, ᑕᑯᒋᐊᕐᓗᒍ WSCC Connect ᐃᑲᔪᖅᑕᐅᓂᕐᒧᑦ ᒪᒃᐱᖅᑐᒐᖓ ᐅᕝᕙᓘᓐᓃᑦ ᖃᐅᔨᒋᐊᕐᕕᐅᔪᓐᓇᖅᑐᖅ WSCC Connect ᐃᑲᔪᖅᑕᐅᓂᕐᒧᑦ ᐊᑭᖃᙱᑦᑐᖅ ᐅᕙᓂ 1-844-238-5008.
ᖃᐅᔨᓴᕐᓂᕐᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ!
ᕌᓂᐅᑉ ᐋᑐᖓᓂ
 

ᑲᔪᓯᓂᖃᖅᑎᓪᓗᑕ ᑐᕌᒐᖃᕐᓂᕐᒥᑦ ᖁᑦᑎᓂᖅᓴᒦᓕᖁᓪᓗᒍ ᐊᑦᑕᓇᔾᔭᐃᖅᓯᒪᓂᐅᔪᖅ ᐅᑭᐅᓕᒫᓄᑦ, ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑎᒃᑯᑦ ᐃᓚᐅᖃᑦᑕᖅᑐᑦ ᐊᔪᕆᖅᓯᐅᑎᐅᓪᓗᑎ ᒍᕋᐃᑦ 8-ᒦᑦᑐᓄᑦ ᐃᓕᓐᓂᐊᖅᑐᓄᑦ ᐊᕐᕌᒍᑕᒫᑦ ᑕᐃᑲᓂ ᐊᔪᙱᓐᓂᐅᔪᓄᑦ ᓄᓇᑦᓯᐊᕐᒥ ᐊᔪᕈᓐᓃᖅᓴᕆᑦᑎ! ᒪᒃᑯᒃᑐᓄᑦ ᑲᑎᒪᓂᐅᔪᒥ. ᑕᒪᑐᒪ ᐊᕐᕌᒍᒥ, ᐃᑲᔪᖅᑕᐅᓚᐅᖅᑐᒍᑦ ᔭᓗᓇᐃᕝᒥ ᐃᖅᑲᓇᐃᔭᖅᑎᖁᑎᓕᖕᒧᑦ ᕌᓂᐅᑉ ᐱᖁᑎᓂ ᐊᑐᖅᑐᐊᕐᕕᖓᓂ ᐊᒻᒪ ᓴᓇᕕᐊᓗᖕᓄᑦ ᐱᖁᑎᖃᕐᕕᐅᔪᖅ (ᖃᐅᔨᒪᔭᐅᖕᒥᔪᖅ ᐃᒫ   Ron's Auto [ ᕌᓂᐅᑉ ᐋᑐᖓ ] ) ᐃᓕᓐᓂᐊᖅᑏᑦ ᐱᓚᒻᒪᒃᓴᕐᓂᒃᑯᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᕿᒥᕐᕈᖃᑕᐅᖁᓪᓗᒋᑦ ᐱᓪᓚᑦᑖᖅᑐᒥ ᐊᒻᒪ ᐱᓕᕆᕝᕕᐅᓪᓚᑦᑖᖅᑐᒥ ᐃᖅᑲᓇᐃᔭᕐᕕᖕᒥ.

ᐃᑲᔪᖅᑕᐅᓪᓗᑎ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑦᑕᓇᔾᔭᐃᖅᓯᒪᔪᓕᕆᔨᖓᓄᑦ, ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᖅᑎᑦᑎᔨᒻᒪᕆᖓᓄᑦ, ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪ ᐃᓕᓐᓂᐊᖅᑎᑦᑎᓂᕐᒧᑦ ᐊᐅᓚᑦᑎᔨᐅᔪᖅ ᕌᓂᐅᑉ ᐋᑐᖓᓂ, ᐃᓕᓐᓂᐊᖅᑏᑦ ᐊᑦᑕᓇᔾᔭᐃᖅᓯᒪᔪᓕᕆᔨᐅᙳᐊᖑᑎᑕᐅᓚᐅᖅᑐᑦ ᕿᓂᖁᔭᐅᓪᓗᑎ ᐃᖅᓇᐃᔭᕐᕕᖕᒥᑦ ᐅᓗᕆᐊᓇᕈᓐᓇᑐᐃᓐᓇᕆᐊᓕᖕᓂᒃ ᐊᒻᒪ ᐃᓚᐅᖁᔭᐅᓪᓗᑎ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᑎᓪᓗᒋᑦ.

ᐊᑐᕆᐊᖃᕐᓂᕐᒥᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂ (PPE), ᑭᓱᓂ ᕿᓂᓪᓗᐊᕐᒪᖔᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᕿᒥᕐᕈᐊᖅᑎᓪᓗᒋᑦ ᐊᒻᒪ ᑕᑯᓇᓱᓐᓂᕐᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᕙᓗᒥᐅᑕᓂ, ᐱᔭᕇᖅᓯᓂᕐᒥᑦ ᖃᒥᕐᕈᐊᕐᓂᕐᒥᑦ ᐊᓪᓕᕉᔭᓂ ᑭᕕᓯᔾᔪᑎᒥ (ᐃᓕᓐᓂᐊᖅᑎᑕᐅᓂᕐᒥᒡᓗ ᑮᓯᓯᒪᑎᑦᑎᓂᕐᒥ ᐊᒻᒪ ᐃᓕᔭᐅᓯᒪᕙᒌᖅᑐᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐋᖅᑭᐅᒪᔾᔪᑎᓂ!), ᐃᓕᓐᓂᐊᖅᑏᑦ ᐅᓪᓗᓕᒫᖅ ᐃᖅᑲᓇᐃᔭᖅᑎᐅᙳᐊᓚᐅᖅᑐᑦ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑎᒃᑯᓐᓂ ᐊᑦᑕᓇᔾᔭᐃᖅᓯᒪᔪᓕᕆᔨᐅᓪᓗᑎ.

"ᑐᕌᒐᕆᔭᕗᑦ ᐃᓚᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᐊᑦᑕᓇᔾᔭᐃᖅᓯᒪᓂᕐᒥᑦ ᖃᐅᔨᕚᓪᓕᖁᔨᓪᓗᑕ ᐃᓕᓐᓂᐊᖅᑎᓂ ᒪᒃᑯᖕᓂᖏᓐᓂ, ᐱᓗᐊᖅᑐᒥ ᓯᕗᓂᒃᓴᑦᑎᓐᓂ ᒪᒃᑯᒃᑐᑦ ᓴᓇᔨᒃᓴᑦ ᖃᐅᔨᒪᙱᑐᐃᓐᓇᕆᐊᓖᑦ ᐃᖅᑲᓇᐃᔮᖃᕈᓐᓇᕐᓂᖏᓐᓂᒃ ᐊᑦᑕᓇᔾᔭᐃᖅᓯᒪᓂᕐᒧᑦ, " ᐅᖃᖅᑐᖅ ᔫᑎ ᑲᐃᓐᔅ, ᑐᑭᒧᐊᖅᑎᑦᑎᔨ ᐋᓐᓂᖅᑕᐃᓕᒪᓂᕐᒧᑦ ᐊᒻᒪ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᕐᓂᕐᒧᑦ. "ᑐᕌᒐᖃᖅᑎᓪᓗᒋᑦ ᐊᑦᑕᓇᔾᔭᐃᖅᓯᒪᓪᓚᑦᑖᓂᕐᒥᑦ ᐃᖅᑲᓇᐃᔭᕐᕕᖕᒥ, ᕌᓂᐅᑉ ᐋᑐᖓ ᐊᒃᓱᐊᓗᒃ ᑲᑐᔾᔨᖃᑎᒋᔭᐅᔪᒪᓚᐅᖅᑐᖅ. ᐅᓪᓘᑉ ᐃᓱᐊᓂ, ᒪᒃᑯᒃᑐᓕᒫᑦ ᖃᐅᔨᕚᓪᓕᖁᔭᕗᑦ ᐱᓪᓚᑦᑖᖅᑐᒥ ᐃᖅᑲᓇᐃᔮᖑᔪᖅ ᐊᑦᑕᓇᔾᔭᐃᖅᓯᒪᓂᕐᒥᑦ ᖃᓄᐃᑦᑑᒐᔭᕐᒪᖔᖅ, ᐊᒻᒪ ᖃᓄᖅ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᒡᒐᖅᑐᐃᔨᐅᔪᓐᓇᕐᒪᖔᑦ, ᓇᒥᑐᐃᓐᓇᖅ ᐃᖅᑲᓇᐃᔮᖅᑖᕈᑎ."

ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑎᒃᑯᑦ ᖁᔭᓕᔪᑦ ᕌᓂᐅᑉ ᐋᑐᖓᓄᑦ ᑕᑯᒃᓴᐅᑎᑦᑎᓚᐅᕐᒪᑕ ᓯᕗᓂᒃᓴᒥ ᒪᒃᑯᒃᑐᓂ ᓴᓇᔨᒃᓴᓂ ᓱᒻᒪ ᐊᑦᑕᓇᔾᔭᐃᖅᓯᒪᓂᖅ ᐊᑑᑎᖃᑦᑎᐊᖅᐳᖅ (#worthit ) ᓴᓇᔨᓄᑦ. ᐃᓕᓐᓂᐊᖅᑎᓂ ᐱᕕᖃᖅᑎᑦᑎᓂᕐᒥᑦ ᖃᐅᔨᓴᑦᑎᐊᕆᐊᖃᕐᓂᕐᒥᑦ ᐊᑦᑕᓇᔾᔭᐃᖅᓯᒪᓂᖅ ᖃᓄᐃᑦᑑᒻᒪᖔᖅ ᐊᒃᓱᐊᓗᒃ ᑲᔪᓯᓂᖃᑦᑎᐊᖅᑎᑦᑎᓚᐅᖅᑐᖅ!

2018−ᒥᑦ ᖃᐅᔨᓴᕐᓂᐅᔪᓄᑦ ᐊᑭᖏᑦ ᒫᓃᑦᑐᑦ
ᐊᑭᑎᑦ ᖃᐅᔨᒋᐊᒃᑭᑦ ᐅᕙᓂ WSCC CONNECT



ᐃᖅᑲᓇᐃᔭᖅᑎᖁᑎᓖᑦ, 2018−ᒥᑦ ᖃᐅᔨᓴᕐᓂᐅᔪᓄᑦ ᐊᑭᖏᑦ ᑎᑭᓯᒪᓕᖅᑐᑦ ᐊᒻᒪ ᐊᑐᐃᓐᓇᐅᓕᖅᑐᑦ ᐅᕙᓂ WSCC Connect . ᑕᑯᒋᐊᕐᓗᒍ WSCC Connect, ᖃᐅᔨᒋᐊᕐᓗᒋᑦ ᐃᓛᒃᑰᖓᔪᑦ ᐊᑭᖏᓐᓂ, ᖃᐅᔨᒋᐊᕐᓗᒋᓗ ᐊᕕᒃᑐᖅᓯᒪᒃᑲᓐᓂᖅᑐᑦ ᐊᑭᖏᑦ ᑕᒪᐃᓐᓄᑦ ᓴᓇᕕᖕᓄᑦ ᐊᕐᕌᒎᓂᐊᖅᑐᒥ. ᑕᑯᔪᓐᓇᖅᑕᐃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒫᓐᓇᐅᔪᖅ ᐅᐊᑦᑎᐊᕈᓪᓗ ᐊᑭᖏᓐᓂᒃ ᐃᒪᐃᓕᖓᓗᑎ ᐊᕕᒃᓯᒪᔪ ᐊᕕᒃᓯᒪᒃᑲᓐᓂᖅᑐᓂ ᐊᒻᒪᓗ ᓴᓇᔨᕐᔪᐊᓄᑦ ᑐᕌᖓᓪᓚᕆᒃᑐᓂ .

ᐊᕐᕌᒍᑕᒫᑦ, ᐊᐅᓚᑦᑎᓂᕐᒧᑦ ᑲᑎᒪᔨᑦ ᐱᓕᕆᖃᑎᖃᓲᑦ ᐃᒻᒥᒃᑰᖅᑐᒥ ᑮᓇᐅᔭᓕᕆᔨᒥ ᐋᖅᑭᒃᓱᐃᓂᕐᒥᑦ ᖃᐅᔨᓴᕐᓂᕐᒧᑦ ᐊᑭᐅᓂᐊᖅᑐᓂ ᐊᒻᒪ ᐃᒻᒥᒃᑰᖓᔪᓂ ᐊᑭᐅᓂᐊᖅᑐᓂ ᐊᑐᓂ ᐊᕕᒃᑐᖅᓯᒪᒃᑲᓐᓂᖅᑐᓄᑦ. ᐊᐱᖅᑯᑎᖃᕐᓂᕈᕕᑦ 2018−ᒥᑦ ᖃᐅᔨᓴᕐᓂᐅᔪᓄᑦ ᐊᑭᖏᓐᓄᑦ, ᖃᐅᔨᒋᐊᕐᕕᐅᔪᓐᓇᖅᑐᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᕐᓂᕐᒧᑦ ᑭᒡᒐᖅᑐᐃᔨᐅᔪᖅ, ᐅᕙᑦᑎᓐᓄᓘᓐᓃᑦ ᐅᕙᓂ employer@wscc.nt.ca /1-800-661-0792 ᓄᓇᑦᓯᐊᕐᒥ, ᐊᒻᒪ employernu@wscc.nu.ca  /1-877-404-4407 ᓄᓇᕗᒻᒥ.
ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ ᑐᓂᔭᐅᓯᒪᔭᕆᐊᖃᕐᓂᖏᑦ
ᐅᓪᓗᖅᓯᐅᑎᓯ ᑎᑎᖅᓯᐅᒃ: ᑎᓯᐱᕆ 31, 2017

ᓇᖕᒥᓂᖃᖅᑎᐅᒍᕕ, ᑲᑐᔾᔨᖃᑎᒋᔭᐅᒍᕕ, ᑎᑎᕋᖅᓯᒪᒍᕕᑦ ᑐᑭᒧᐊᖅᑎᑦᑎᔨᐅᓪᓗᑎ, ᐅᕝᕙᓘᓐᓃᑦ ᓇᖕᒥᓂ−ᐃᖅᑲᓇᐃᔭᖅᑎᐅᒍᕕᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᑦᑕᐅᑎᒋᙱᑦᑐᑎᑦ ᐃᒡᕕᑦ ᐃᖅᑲᓇᐃᔮᖓᒍᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᓂᐊᓗᓂ, ᐊᑎᓕᐅᕆᐊᖃᖅᑐᑎ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒧᑦ, ᐊᔾᔨᒌᑦᑐᓂ ᐃᑲᔫᑎᓂ ᐊᑐᐃᓐᓇᐅᑎᑦᑎᓲᑦ ᐊᓯᖏᑎᑐᑦ ᓴᓇᔨᐅᔪᓂ ᐃᖅᑲᓇᐃᔭᕐᕕᖕᒥ ᐋᓐᓂᐊᕐᓇᑐᑖᑲᓪᓛᒃᑯᕕᑦ ᐊᒻᒪ ᐋᓐᓂᑳᓪᓚᒃᑯᕕᑦ.

ᓇᓪᓕᐅᒃᑯᒫᖅᑖᕈᓐᓇᖅᑐᑎᑦ ᑕᖅᑭᑐᐊᕐᒧᑦ ᐊᒻᒪ ᐊᕐᕌᒍᓕᒫᒧᑦ. ᓇᓪᓕᐅᒃᑯᒫᒃᓴᐃᑦ ᓄᑖᙳᖅᑎᔭᕆᐊᖃᖅᑕᐃ ᐊᕐᕌᒍᑕᒫᑦ, ᓄᑖᙳᖅᑎᕆᓂᕐᒧᑦ ᐊᑭᓕᐅᑏᑦ ᐱᔭᐅᔭᕆᐊᓖᑦ ᑎᓯᐱᕆ 31, 2017-ᒥ.

ᕿᒥᕐᕈᐊᓂᕐᒧᑦ ᐊᒻᒪ ᑕᑕᑎᕆᓂᕐᒧᑦ ᑖᔅᓱᒥᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ, ᓇᕿᑦᑎᓗᑎ   ᒪᐅᓇ, ᐅᕝᕙᓘᓐᓃᑦ ᐃᕐᖐᓐᓈᖅᑕᐅᑎᒃᑯᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᕐᓂᕐᒧᑦ ᓄᓇᑦᓯᐊᕐᒥ ᐅᕝᕙᓘᓐᓃᑦ ᓄᓇᕗᒻᒥ ᑐᑭᓯᒋᐊᕈᑎᒃᓴᒃᑲᓐᓂᕐᓄᑦ.
ᕿᖓᓐᓇᒥ ᐊᒡᓚᒡᕕᑦ ᒪᑐᓯᒪᓂᖏᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᒡᓚᒡᕕᖏᑦ ᒪᑐᓛᖅᑐᑦ 5:00 ᐅᓐᓄᓴᒃᑯᑦ, ᐱᖓᔪᐊ, ᑎᓯᐱᕆ 20-ᒥ, ᕿᑲᓐᓇᐅᓛᖅᑐᒧᑦ, ᐊᒻᒪ ᒪᑐᐃᒃᑲᓐᓂᕐᓗᑎ 8:30 ᐅᓪᓛᒃᑯᑦ, ᐊᐃᑉᐱᐅᓕᖅᑲ, ᔮᓐᓄᐊᓕ 2, 2018

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
wscc.nt.ca   /  1.800.661.0792   *   wscc.nu.ca  /  1.877.404.4407