Piblikasyon Kreyòl Distri Lekòl Rejyon Palm Beach

Mèkredi 4 Avril 2018

Sitasyon Doktè Donald E. Fennoy II  Nouvo Sipèentandan Distri Lekòl Rejyon Palm Beach "Nan sistèm nan genyen kote edikasyon an epi genyen kote moun nan. Tout bagay pa sèlman rezilta tès. Sa ki enpòtan tou se tabli bon jan koneksyon ak devlope konfyans."

Y ap distribiye jiska 600 kas pou monte bisiklèt gratis bay premye 600 moun ki vini nan aktivite “ Kid Safe Day ” la samdi 7 avril nan Palm Beach Outlets soti 11:00 a.m. pou rive 2:00 pm . Se òganizasyon benevòl ki rele “ Safe Kids Palm Beach County ” ki ap fè distribisyon sa a pou kapab kenbe timoun yo ansekirite. Chak timoun ki resevwa yon kas ap resevwa tou yon mayo gratis soti nan Children’s Services Council of Palm Beach County .

Sezon ete a prèske rive sa vle di li gen tan lè pou enskri timoun yo pou kan pandan granvakans. Distri Lekòl Rejyon Palm Beach la ap sipòte kan pandan granvakans ki ofri distraksyon ak sekirite pou timoun yo amize yo.  Pwogram kan pandan granvakans distri a ap fonksyone soti 4 jen pou rive 3 out 2018. Timoun ki nan kan yo ap patisipe nan anpil aktivite rekreyatif, akademik ak pwomnad tou. (Klike la a pou li plis)

Vizit Ouvri pou al Gade Repwodiksyon Bato Christophe Colomb nan Jupiter Apati vandredi 20 avril, repwodiksyon bato Christophe Colomb ki rele La 'Pinta' ak La 'Nina' ap ouvri nan Jupiter pou moun vizite. Bato yo ap akoste nan Harbourside Place,  200 US-1 , nan Jupiter jiska lendi 30 avril. Pwofesè oswa nenpòt gwoup ki vle pwograme yon vizit ak yon manm ekipaj la kapab rele (787) 672-2152 oswa imel ninapintatour@gmail.com . Gwoup k ap vizite yo dwe genyen 15 moun pou pi piti. Frè pou vizite a se $ 5 chak moun. Vizite  www.ninapinta.org  pou plis enfòmasyon.

Yon Nouvo Ap Pèmèt Elèv Rapòte Enkyetid yo Dirèkteman Bay Polis Lokal yo Distri Lekòl Rejyon Palm Beach la ansanm ak Depatman Polis ap mete men ak Biwo Cherif la pou bay paran ak elèv yo yon nouvo zouti pou konekte yo dirèkteman ak lapolis. Ap la, ki rele Pwoteksyon Elèv, pèmèt elèv, paran yo ak staf lekòl yo rapòte menas ak aktivite sispèk dirèkteman bay polis lokal yo. Li pèmèt yo tou rele 911 epi bay moun ki ap pote sekou yo adrès kote telefòn nan rele a. (Klike la a pou w li plis)

Telechaje Nouvo "AP" Distri a Telechaje nouvo " AP" distri a sou telefòn pòtab ou, ak Ap sa a w ap jwenn enfòmasyon sou kesyon ou genyen osijè aktivite lekòl, transpòtasyon, espò, enfòmasyon sou distri a, meni manje lekòl, elatriye.

Sonje vizite paj entènèt kreyòl distri a. Bay opinyon w sou sa nou ta dwe pibliye ladan l.

Prepare epi distribiye pa Biwo Kominikasyon ak Angajman Bito David, Editè pou enfòmasyon kontakte  bito.david@palmbeachschools.org|  561-963-3820  Dwa Otè © 2017. Tout Dwa Rezève.

‌ ‌ ‌