ՊՕՂՈՍ ԱՌԱՔԵԱԼԻ ԵՐԿՐՈՐԴ ՆԱՄԱԿԸ  

Քննեցէ՛ք դուք ձեզ, տեսնելու համար թէ նոյն հաւատքին մէջ կը մնա՞ք: Փորձեցէ՛ք դուք ձեզ. Քրիստոսի ներկայութիւնը կը զգա՞ք ձեր ներսիդին, թէ պարզապէս իր անունը կը կրէք: Յուսամ գիտէք թէ մենք այդ փորձը յաջողապէս կատարած ենք: Եւ կը խնդրենք Աստուծմէ որ չարիք չգործէք: Ասիկա ըսելով չենք ուզեր մենք մեզ ընտիր ցոյց տալ. ընդհակառակը, կ՚ուզենք որ դուք բարին գործէք, նոյնիսկ մեզ ամօթով ձգելու չափ: Որովհետեւ Աստուծոյ ճշմարտութեան դէմ ոչինչ կրնանք ընել, այլ կրնանք միայն անոր համար աշխատիլ: Ուրախութեամբ յանձն կ՚առնենք տկարանալ, միայն թէ դուք զօրանաք: Ուստի կ՚աղօթենք որ հետզհետէ կատարեալ ըլլաք: Ասիկա հեռուէն կը գրեմ ձեզի, որպէսզի երբ գամ՝ պէտք չունենամ խստութեամբ վարուելու ձեզի հետ ա՛յն իշխանութեամբ որ Տէրը ինծի տուաւ ուղղելու համար եւ ո՛չ թէ պատժելու:

Կը փակեմ նամակս, եղբայրներ. ո՛ղջ եղէք: Կատարեալ ըլլալու աշխատեցէք. մխիթարուեցէք: Համերաշխ եւ խաղաղութեամբ ապրեցէք իրարու հետ, եւ այն ատեն խաղաղութեան ու սիրոյ Աստուածը ձեզի հետ պիտի ըլլայ:

Սիրոյ համբոյրով ողջունեցէք զիրար: Այստեղի քրիստոնեաները կ՚ողջունեն ձեզ: Տէր Յիսուս Քրիստոսի շնորհքը, Աստուծոյ սէրը եւ Սուրբ Հոգիի հաղորդութիւնը ձեր բոլորին հետ ըլլայ: Ամէն:

Again they came to Jerusalem. As he was walking in the temple, the chief priests, the scribes, and the elders came to him and said, "By what authority are you doing these things? Who gave you this authority to do them? Jesus said to them, "I will ask you one question, answer me, and I will tell you by what authority I do these things. Did the baptism of John come from heaven or was it of human origin? Answer me." They argued with one another, "If we say, 'From heaven,' he will say, 'Why then did you not believe him?' But shall we say, 'Of human origin?" - they were afraid of the crowd, for all regarded John as truly a prophet. So they answered Jesus, "We do not know." And Jesus said to them, "neither will I tell you by what authority I am doing these things."

      

ՅԻՍՈՒՍ ՔՐԻՍՏՈՍԻ ԱՒԵՏԱՐԱՆԸ  

Յիսուս եւ իր աշակերտները դարձեալ Երուսաղէմ եկան: Մինչ Յիսուս տաճարին մէջ կը պտըտէր, իրեն մօտեցան աւագ քահանաներ,Օրէնքի ուսուցիչներն ու երէցները եւ հարցուցին.- Ի՞նչ իշխանութեամբ կը կատարես այս բաները: Ո՞վ քեզի այդ իշխանութիւնը տուաւ: Յիսուս պատասխանեց անոնց.- Լա՛ւ, Ձեզի պիտի ըսեմ թէ ինչ իշխանութեամբ կ՚ընեմ ասոնք, եթէ դուք ալ իմ հարցումիս պատսխանէք: Յովհաննէսի մկրտելու իշխանութիւնը Աստուծմէ՞ էր թէ մարդոցմէ: Պատասխանեցէք տեսնեմ: Անոնք սկսան իրարու միջեւ խորհիլ եւ ըսել.- Եթէ ըսենք. «Աստուծմէ տրուած էր» մեզի պիտի ըսէ թէ ինչու չհաւատացիք իրեն. իսկ «Մարդոցմէ էր» չենք կրնար ըսել՝ Ժողովուրդէն վախնալով, որովհետեւ ամէն մարդ գիտէ թէ Յովհաննէս ճշմարտապէս մարգարէ է: Ուստի պատասխանեցին Յիսուսի.- Չենք գիտեր: Յիսուս ալ իրենց հարցումին պատասխանեց ըսաւ.- Այն ատեն ես ալ ձեզի չեմ ըսեր թէ ինչ իշխանութեամբ կ՚ընեմ այս բաները: