DECember 2018-MI
NAAHURIYAGHAT QAKUGUNNUAQ: NUTAQ WSCC CONNECT KIVGAQTUT
PIYURIYAUYUNUT AKIGHANUT NAUNAITKUTAT

January 2019-mi, Piyuriyauyunut Akighanut Naunaitkutatit qaritauyakkut piinnarialgit! Qaritauyanit WSCC Connect-mik naqillutit tautugiami naunaitkutatit nutaannguqtiqhimayunik piyuriyauyunut akighatit ilittuqhiyaami ihariagigaangat.

Naunaitkutanit titiraqhimayut akighait ukiumi akiliqtuqvingnit kitunutkiaq havaktit piyuriyauhimayainik, piqaqqat. Havakvingnik ihivriuqhipkaivaktut aanniqtailiniqmut naunaitkutanik, ihivriuriamilu ingilratjuhiinik ilittuqhitiyauhimayunik aanniutinik, irininaqtunullu ikayurahuaqniq havaktinik havagiatqigiamik.

Hivuani, Piyuriyauyunut Akighanut Naunaitkutat titiraqaqvikkut tuyuqtauvaghimayut havaktinut qakugunnguraangat ukiuq atuqtillugu. Hapkua qaritauyanut nuutitiqhugit, havakviit tajja piinnarianiktait nutaatqiyat naunaitkutat hailiyauhimayut, ihariagigaangamigik.

Naalaghimaluhi naunaitkutighanik tatqiqhiutimi atuqtughami!


Quuyaqittut, Napatkaqtut Iukkaqtullu
QUVIAHUKVINGMI IHUINAAQTAILILUTIK TAIMAA!

T ikinmiyuq atuqvighaq ukiumi: hulilukaaqtunik hanguyunik havangnaillaktillugu quviahukvingmi. Pinniqhaqhugu aimaviit havakviilluuniit, niuviqhutik tuyuqhutiklu aittuutighanik, igaplutiklu niqighanik, irinahuliqpaktut.

Irinahuktaililuhi amiriluhilu quayaqnaqtunik, napatkarnaqtunik, iukaqvighaniklu.

Ilihimayugut tamapta, taaqhinariliqpaktuq hamani ukiuqtaqtumi. Qanik hikum qaanganiiliqpaktuq quayarnaqhitipluni apqutinit.

Quviahukta tamapta quviahukvingmi aanniqtailipluta. Kamighimattiaqlutit hilamut, parnaihimaluhilu irinahuktailiyumik, amiriluhi humunngauyaaptingnik tamaat. Uvaptingnit tuhaqhimayutit hivuani: aanniqtailiplutik quviahukvingmi taimaa nakuutqiyauyuq (#worthit)
!


UQAQHIMALUGIT HIVUURANAITTUMIK HAVAAQ
AANNIQTAILINIQ INUIT TAMAITA MUNARIYAGHAAT

Iluanit Kiuttaarniqmut Timiqutigiyangit (IRS) ilittuqhitivaktuq taimaa aanniqtailiniq inuit tamangnik munariyaghaat. Havaaghariyaqqut tamapta tamangnut aanniqtailiniqmik, aimatilluta talvanilu havakviptingnit. Hamani ukiuqtaqtumi, nunallaat mikiplutik, aghuuqnatqiyauyuq taimaa aanniqtailihimaplugit tamangnik inuit.

Tautungniruvit aannirahuqquuqtunik, amirnaqtunik, havakvingnilu amiriyaghanik, ilvit ilittuqhitiyaghatit. WSCC-kut inungnik ilitturinnaittunik qaritauyakkut naunaiqhitiqaqtut, Report Unsafe Work (Uqaqhimalugit Hivuuranaittumik Havaaq), atuinnarialik 24-nik ikaaqninik upluq tamaat, 7-nik uplunik tamaat.

Puiguqtaililuhi taimaa havaktitut, naunaiqhitiyaghatit atuqtatit atannguyanut, ataniqmulluuniit. Atauttikkut, ilvit atannguyallu qauyihalaaqtaffi amirnaqniit ihuaqharahuaqlugu. Naunaiqhitilugit taimaa qaritauyakkut atuqtauyuq ihuaqhivaalliyuitpat; ikayuqniaqhimainnaqtugut.
UKIUQ NUNNGUTAANIT AKILIQHIYANUT NAUNAITKUTAT
OHS-NUT APIQHUUTIT: QANUQ PIYAAMIK

Tajjamut, havakviit naunaitkutaqalirunaqtut tunihiyaamingnik Ukiuq Nunngutaanit Akiliqhiyanut Naunaitkutanik (APR) talvuuna WSCC Connect-kut. Tunihiyaamik naunaitkutanik umikvighaat February 28, 2019-mi, kihimi tunihiinnarialik qilamiuqlutik January 2-mi, 2019-mi. Puiguqtaililutit, tunihiyughauyutit APR-nik naunaiqhitigaluaruvit piittumik (0) akiliqhiyanik. Akiliqhiyariaqaqtut kinguvaqtittigumik 15%-mik ukium aippaanganiqnitat akiliqtuqtait qauyihautigiplugit.

Tuhaumaniaqutit tapkuat Havaqmun Aaniaqtailiniq Hivuganaitniqlu (OHS) ilagiyat unniqtutit aipangani piyalgit iniqtigiangi tunityutitit. Ataani ilangi ikayuutighat titiraqhimayut havauhirnut.

Qauyihaqlugit OHS-kut kiutjutait pilihaaqtinnatit: WSCC Connect-mik  atuyuktut uqaqatigiyaghaat inuk munaqtiuyuq OHS-nik nanminiinik (havakvingnulluuniit titiraliqtuiyut) kiuhiyaami Angiqhimayunik/Imannaqmiklu apiqhuutinik OHS apiqhuutainik.

Atuqlugu taamna tukliriiktut havauhighat: kiuhiyaami apiqhuutinik ilittuqhitilingnik qiniqtagharnik Ilanga 4-mi talvani 
Maliktakhaq Iniqtiriami Ukiumi Akiliuhiamut Naunaiyainiq .

Ikayurumayugut: OHS-nut ikayuqtigiit ikkuaqtiuniaqqut apiqhuutinut naluqharuvit huli. Hivayaqluta talvani 1-800-661-0792 uqaqatigiyaami OHS-nit havaktinik Pittailitjutinut Ikayuutainit.

Ayuqnaqtunut ikayuqtiilliuruvit  WSCC Connect-mut , takulugu  WSCC Connect Help  makpirautaat hivayaqlugilluuniit akiittut talvani  1-844-238-5008.
INMIKKUT ATULAQNI NAUTIUMATIT
TUNIYAUYUGHAT DECEMBER 31-MI, 2018

Nanminiqaruvit havakvingnik, ikayuqtiuguvit, titiraqhimaguvit aulapkaiyiryuanguvit, inmikkulluuniit havakpakkuvit, atauttikkut qutangnaiyautinut ikayuqtauyuittut WSCC-kunnit havaaghaigut. WSCC-kunnit ikayuqtauyaami, titiraqhimayughauyutit taapkununnga Inmikkut Atulaqni Nautiumatit, aajjikkutaanik ikayuutilgit ahitut havaktitut havakvingnit aanniaqtuqarnighakpat aanniqtuqarnighakpallu.

Ikayuutinut uuktuinnarialik atauhiugaluamut tatqiqhiutimik imaalu taimaa ukiumut atauhiqmut. Piyaqaqtat nutanguqtaunia kamagiyautyuhit atuni ukiuqmun, piplugu kamagiyautyuhit uiguhimaittuq talvunga 2019-mun. Atuqpiagianga tapkuat avikniqangitni kamagiyautyuhit, pipkaqlugu pigiyat 2019 Inmikkut Atulaqni Nautiumatit tuniyaunia tapkununga Havaktit Hivuganaitnit Utiqviuni Kamisan (WSCC) qangiqtitnagu December 31, 2018.

Takuyangi tatatigiangilu tapkuat Inmikkut Atulaqni Nautiumatit tatatiqvikhaq, naqitlugu  hamani. Tuyuqlugit kitumutkiaq havakvingnut talvunga:

Nunatsiami
Qaritauyakkut: employer@wscc.nt.ca
Kayumiktukkut: 867-873-4596
Akiittukkut Kayumiktukkut: 1-866-277-3677

Nunavunmi
Qaritauyakkut: employernu@wscc.nu.ca
Kayumiktukkut: 867-979-8501
Akiittukkut Kayumiktukkut: 1-866-979-8501
MALIGAGHALIUQHIMAYUNUT AALLANNGUUTIT

Kavamaliqiyit Katimayiit (GC) ihivriuqhimayait angiqhugillu kinguani maligaghaliuqhimayut taapkualu GC-kut maliktaghait katimatillugit December 2018-mi:
  • Maligaghaliuqhimayuq 04.05, Kiguhiqiyit Ikayuutait
  • Maligaghaliuqhimayuq 04.10, Havakviit Akighainik Nuutittiyut Ikayuqtiillu
  • Maligaghaliuqhimayuq 10.05, Manighaqtarniqmut Havauhighat
Takulugu taamna WSCC Policy Manual (WSCC-kut Maligaghaliuqhimayunut Makpiraaq) takuyaami tamangnik WSCC-kut maligaghaliuqhimayait taapkualuuniit Governance Council Directives (Kavamaliqiyit Katimayiit Maliktaghait) takuyaami tamangnik kavamaliqiyit maliktaghait.
QUVIAHUKVINGMI HAVAKVIK UMIGHIMAVIGHAAT

WSCC-kut aapisit umikhimaniat haalitirnaqnut pigiaqlugu talvani 5:00 Ublukkut talvani Hitammiut, December 20, angmatqiklunilu talvani 8:30 Ublaakut talvani Pingattiut, January 2, 2019.

Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu  1-800-661-0792.

Naunaiqhitiyaami hivuuranaqtumik havaktunut, atuqlugu qaritauyakkuurutivut WSCC Connect-mi
.

Tamaptingnit hamani WSCC-kunnit, quviahukvingmi amiqhihimavakluhi aliahukluhilu, naahurittiaqtugut havaqatigiyaami 2019-mi.
wscc.nt.ca   /  1.800.661.0792   *   wscc.nu.ca  /  1.877.404.4407