 |
 |
 |
 |
|
ATULIQTITNI PIYURIYAUYUNUT AKIGHANUT NAUNAITKUTAT
NUTAQ TAPKUNUNGA WSCC CONNECT
Attaqtuhivaliqtavut qaritauyakkut kivgaqtutit! Havaktitiyut tatya pilaliqtut piyuriyauyunut akighanut naunaitkutat talvani WSCC Connect qanga quyagitnaq piyaqaligangat.
Hunaukmat Piyuriyauyunut Akighanut Naunaitkutat ihumaliurutinga? Tamna tuhaqhit pinguqtauluaqtuq havaktitiyunut takukhautitai kiinauyaliqutit tuhagakhat tapkununga kitutliqak Havaktut Qayagitjuttikhainnik uvalu Ikayukhiakuttikhianit Katimayiit-naamagiya utiqviuniq. Tamna nainaqtai tapkuat havautinut, ihuaqhautit, havaguiqhautitlu akitunit atuni inungnut utiqviunit, piqaqtittugitlu katitlugit havaktitiyuq akitunit.
Piyuriyauyunut Akighanut NaunaitkutatHungmat takuyakhariyat Piyuriyauyunut Akighanut Naunaitkutat? Havakvingnik ihivriuqhipkaivaktut aanniqtailiniqmut naunaitkutanik, ihivriuriamilu ingilratjuhiinik ilittuqhitiyauhimayunik aanniutinik, irininaqtunullu ikayurahuaqniq havaktinik havagiatqigiamik. Hivuani, Piyuriyauyunut Akighanut Naunaitkutat titiraqaqvikkut tuyuqtauvaghimayut havaktinut qakugunnguraangat ukiuq atuqtillugu. Nuktiqhugu una kivgaqtut qaritauyakkut, havaktitiyut pitalaliqtai amihuniqhat nutanguqhimayut tuhagakhat quyagitnaq piplugu piyumagangamik, amihuirtaqhugit piyumagumik atuqhugu ikayurut naunaiyainiq hivuranaitnit titiqat hutqiknilu humiliqak ukiuqni. Piqaqit taphuminga WSCC Connect aturutanik huli? Atiliuqlutin taphuminga ublumi!
|
|
UKIUQ NUNNGUTAANIT AKILIQHIYANUT NAUNAITKUTAT UMIGUTAA IIDJIRURVIA 28
ILIQAHIUTILUGIT OHS-NUT NUTAANNGUQTIQTAT
Qaangiutihimaittumik: ilvit Ukiuq Nunngutaanit Akiliqhiyanut Naunaitkutat (APR) iniqhimayukhaq Iidjirurvia 28, 2019 nnguqtinnagu akiliffaarnaittumik. Tunihiyughauyutit APR-nik naunaiqhitigaluaruvit piittumik (0) akiliqhiyanik. Akiliqhiyariaqaqtut kinguvaqtittigumik 15%-mik ukium aippaanganiqnitat akiliqtuqtait qauyihautigiplugit.
Itqaumalugu, tamna Havaqmun Aaniaqtailiniq Hivuganaitniqlu (OHS) ilagiya atuliqnia aipangani tamna piyalik iniqtiqnianut tuniyatit. Ataani ilangi ikayuutighat titiraqhimayut havauhirnut.
Qauyihaqlugit OHS-kut kiutjutait pilihaaqtinnatit:
WSCC Connect-mik
atuyuktut uqaqatigiyaghaat inuk munaqtiuyuq OHS-nik nanminiinik (havakvingnulluuniit titiraliqtuiyut) kiuhiyaami Angiqhimayunik/Imannaqmiklu apiqhuutinik OHS apiqhuutainik.
Atuqlugu taamna tukliriiktut havauhighat: kiuhiyaami apiqhuutinik ilittuqhitilingnik qiniqtagharnik Ilanga 4-mi talvani
Maliktakhaq Iniqtiriami Ukiumi Akiliuhiamut Naunaiyainiq
.
Ikayurumayugut:
OHS-nut ikayuqtigiit ikkuaqtiuniaqqut apiqhuutinut naluqharuvit huli. Hivayaqluta talvani 1-800-661-0792 uqaqatigiyaami OHS-nit havaktinik Pittailitjutinut Ikayuutainit.
|
|
|
HUNA NUTAANGUYUQ
2019 HAVAKTUT QAYAGITJUTTIKHAINNIK UVALU IKAYUKHIAKUTTIKHIANIT KATIMAYIIT TATQIQHIUTA -
PIYAULAQ TATYA!
Ukiunganit, una WSCC tatqiqhiutiliuqpaktut ihumagivluniuk tautukpakhutik halitiirnaqhigaangat humiglu atuliqtakhainit hamna WSCC ublunganit hulidjuhiit tamarmik Nunatsiaq Nunavunmilu. Tukiutigiinnarialik aadjiliugainit tatqiqhiunmik havagvikpit, qaritauyakkut.
AKIITTUQ AANIQTULIRINIQMUN ILIHARNIQ: UKIUQ NUTAAQ, NUTAAQ UBLUT
Ukiuq nutaaq, nutaaq ublut, nutaaq nunaliuyut: aliahuktugut tuhaqhityutigini tapkuat ilavaliqni Aaniqtuliriniqmun iliharniq pivigiyai atugakhaliuqhimayut!
Ilitariyauhimayut Aanniqtailinahuarnikkut ilihautiyut ilihaiyit taimaa aullaqhimaniarmiyut tamainnut qulvahiktumut ikayurahuarlugit ukiuqtaqtumiunut ukuninngat Malikhimayakhaat Aanniqtailinahuarnikkut Ilihautikhat (uuminngallu Aniqhaaqtittinahuarniq [CPR] unalu Uummanmut Alruyaqtuliqinirnut Ayuiqhaiyut [AED]) - akiqanngittunik havaktunut havaktittiyinullu.
Tahpkuat malruk-ubluk pivigiyai atuqtauniat tahapkunani nunaliuyuni; naqitlugu tapkuat ublut ataani pigiaqninut atiliuqni pityuhiit:
- Iqaluit, February 7-8
- Hanirayak, February 18-19
- Hanirayak, February 20-21
- Dettah, February 21-22
- Dettah, February 23-24
- Colville Tahiq, February 28 - March 1
- Colville Tahiq, March 2-3
- Kangiqhugaapik, March 4-5
- Kangiqhugaapik, March 6-7
- Igloolik, March 9-10
- Igloolik, March 11-12
Akiqanngittuq ilauqatauyumayunut iliharumayunut. Ilauqatauyumayut munariyakhaat akikhaanit aullarumayunut uvunga tahamanngat ilihautikhanut. Ilitturvikhaat:
- Kiugiaqaqtaqqut naittumik qaffiuningit 12 nit atiliuqhimayut iliharumayunut. Ilihaiyi tuhaqtittiniaqtangit tamaita atiliuqhimayunut ilihautikhanut umiktauniarumi kinguvaqhimagumigluuniit.
- Ilihaqtakhat inugiakhimakpat, malikhimalugit atiliurvikhaq iliharutikhait ilauyumayunut utaqqiyaamingnit. Nalunaiqhimaniaqtugut ilingnut angmaumaqarniqqat.
- Ilauqatauyumayunut utaqqihimayut, ilaaqhimaniaqtaqqut ilihautikhainit nunaffingni qakugunnguqtumi.
Titirariiqhimayumik nunaliit, pulaaqhimalutit uvaptingni
qaritauyakkut makpiraunmi
. Takunngitkungni nunaffingni titiraqhimayut,
tahaqtittilutit uvaptingnut
! Upalungaiqhimaniaqtaqqut nakhaqhimalugit Aanniqtailinikhainnut ilingnut. Naunaittiarumaguvit, atiliurumaguvilluuniit hivayautikkut, hivayainnarialik uvaptingnut uvani 1-800-661-0792 apirilugillu haffuminngat Aanniqtailinikhainnut Iliharutikhaq.
|
|
|
Quuyaqittut, Napatkaqtut Iukkaqtullu
Ilihimayugut, ilihimayugut - utiqtakaphutuyaqtugut tuhapluta. Talvani hivuragigaluaqhugu utiqtakaphukniq uvaptingnik pivalaqhugu, pipkaqniagavut nappait uqaqtitpalluqlugit. Hamani, kititaunitigut uqaqhugit, hungmat piyukhauyutin tautuknit tapkuat quuyaqittut, napatkaqtut iukkaqtullu uumani ukiuqmi:
2017-mi, 22.9% tapkuat Havaktut Qayagitjuttikhainnik uvalu Ikayukhiakuttikhianit Katimayiit utiqviunit pihimayut tapkunanga quuyaqittut, napatkaqtut iukkaqtullu. Tapkuat 1 tapkunani 5.
Tamna tukilik pitaqtavut atuqpakniqhat tamna 1.79 quuyaqittut, napatkaqtut iukkaqtullu utiqviunit qau tamaat.
Atuqnini tapkuat kingulliit 5 ukiuni, tapkuat atuqpakniqhat quuyaqittut, napatkaqtut iukkaqtullu utiqviunit akitunit $7,699.
2017-mi, akiliqtavutmikhaani $4,100,000 tikittugu 717 quuyaqittut, napatkaqtut iukkaqtullu aaniqnit. (!!!)
Taima, qanuriliuqniaqa?
Atuqlugit naamaktut kamiit! Ihumagilugu pigiyat Inuup Aaniqtailidjut Hanalrutingit - inmingnut hapummini hanalrutit.
Itqaumalugit tapkuat Iluanit Kiuttaarniqmut Timiqutigiyangit (IRS): takugukni hivuranarahuquqtuq, ihuaqhilugu uvaluniit tuhaqhityutigilugu.
Itqaumalugu, quuyaqittut, napatkaqtut iukkaqtullu qalurilitnit atuinayuittut hilami. Pipkaqlugit atuqpiaqni pihimania havakvit halumapkaqlugu! Nakuuyumik iglu halumapkaqnia aaniqtailitigilaqtat. Pivaliqvikhaugaluaq tamainia havaqmin. Pivikhaugaluaq tammainialu tunihiniqmun utiqviuyukhat tapkununga Havaktut Qayagitjuttikhainnik uvalu Ikayukhiakuttikhianit Katimayiit.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
| |
|
|
|
