Qitiqqautiyuq 2018
HAMNA NAOSH UBLUKHAUTAANGUYUQ!
QIQAIYALUARVIA 6-12, 2018-MI



Nuar Amialikan Havaktunut Hivuurnairutinut Aanniqtailidjutingillu (NAOSH) Ublukhaat Qiqaiyaluarvia 6-12, 2018 quviahuutigiyumayavut ilingnillu!

NAOSH Ublukhautaa Aullaqtirnahuaqtaqqut Yalunaimi

Ilauhimagguit hamna Kanatamiut Katimayiit Aanniqtailidjuhingit Havaktittiyunut (CSSE) piyariiqhimaniaqtut uuminngat NAOSH Ublukhautaanit quviahuutiginiaqtut uvani Chateau Nova Itiqtirvingmi uvani Havagiarvik, Qiqaiyaluarvia 7 uvanngat 9:00 Ublaami uvunga 4:45 Unnuktumi aullaqtiqhimalugillu tupauttaqtakhainnit unalu hivuuranairnikhanut katimalutik. Atiliurnaqtuq, qaritauyakkut  cssenorthof60@gmail.com.

Titirarvigilugit haffumani WSCC'p Hivuuranairutinut Kaapituqtunut!

Haffuminngat NAOSH Ublukhautaanut, una WSCC tunihiyut Ingilrutikhait Niplautiinnarialik amihut nunaliinnut tamainnut Nunatsiarmi Nunavunmilu. Atiliurlutit Hivuuranairnikkut Kaapiturnaqtuq , uvagut qailaaqtugut ilingnut kaapikhamik tamuakhaniglu, taimaa uqarvigilaaqtugut hivuuranairnikkut mikhaagut ilingnut havaktillu.

Hivuuranairnigut Kaapituqtut angmaumaniaqtuq tamarmi Nunavunmi Nunatsiarmilu uvani nunaliinnit: Iqaluit, Yalunai, Hai Riva, Inuvik, Panniqtuuq, Kangiqhinirmilu.

Pukukhimalugit hamanngat titiraqhimayumi hivunikhaanit ataanit, katitirlugit havaktiit, huliyakhat piniaqtaqqut!
  • Ayurnaittut Atannguyait Havaktiitalu
  • Munaqhihimayangit Inikhaat
  • Ihuariyamingnit havagviita
  • Ulruttailidjuhingit
  • Havagviannit Hivuuranaqtailinirnut Ihivriurningit
  • Iglunik Haliktit - Quuyaqittut, Napatkaqtut Iukkaqtullu
  • Inmingni Havagiyai Havagutit
  • Aniqhaktutinut Hapuhimanit
  • Havaliffaariamikni
  • Uunaqninut Qanugitnit - Qayuqnarniqmun Ihumalutit
  • Havakvingnit Amirnaqtut Hunaqutiit Naunaitkutait Havauhiit (WHMIS) 2015-mi
  • Havaktut havagviata Ningarnikkut Pinguttailinahuarniq
Katimayut ikitpiaqtut, atiliuqhimalutit ublumi! Atiliurvikhaq umiktut Qiqaiyaluarvia 6, 2018.
 
Naunaiqlugu: Tamaat katimadjutikhaq turaarviginiaqtut Qablunaatut, kihimi Ingilrutikhait Niplautiinnarialik ilitturvikhaq titiqqat angmaumayut Qablunaatut, Uiviititut, Inuktitut, Inuinnaqtullu.

Nunallaami-anginiqhautaat

Titiraqhimaitpa qulaanit nunalingnit? Kappiahukhimaittumik - ilauyungnaqtutit uvani NAOSH Ublukhautaanit! Tiliugainnit qanuq iniliurnaqtumik quviahuutikhainut NAOSH Ublukhautaanit havagvianut, takulugu qaritauyakkut piutivut  qunniarnaqtukkut !
KAVAMILIQNIQ KATIMAYIIT (GC) 101
TAKULUGU DAVE TUCKER, GC IKHIVAUTAAQ

Tukiliurlugu uvaptingnut inikhaat iluani GC.

Hamna Kavamaliqiniq Katimayiralaat Ikhivautaaq, inikhautikhara ilaliutigiyavut munaqhiivlugu aturaarnaqtumik nanminiqutingit haffumani Kavamaliqinirnut Katimayiit tamainnut ahikkungillu, munaqhiivlugit auladjutiginahuaqhugit katimayavut. Una iningit ilaliutauhimayangit tuhagaghaanit uvamnit Ministauyut Munaqhiiyut iluani Nunatsiarmi Nunavunmilu taimaa tuhaqtittivakhutik ilittuqhiivakhugillu upalungaiyautivut, ilaliutinahuaqhugit ilitturnaqtumik nalunaitkuhingit qauyihaqhutik uvani hivuuranairutigut ikayuutikhangillu akihautaanit.

Qanuq ilagihimayatit GC nit, hungmalli ilauqatauyumaliravit?

Ilagihimayara haffumani GC uvanngat Apitilirvik 2012. Atira atiliuqtaaqhimayara hivunngani kiuvikhaanut Ikhivautaangugaluaq, Mr. Bill Aho. Havaqatigiyaraluara Bill aahiit katimayiinnut uqautiyaannga nakuuyumik hulidjuhingit timiuyunit.

Huna havagvingnut qayagidjutikhainikkut tukiqaqqa ilingnut?

Nanminiqutiqaqtunga uvamnit "aallat" inuuhingit, hivuuranairutingit puqtuhilluaqtuq aturnaqtuq uvamnut. ITautuinnaqhimayara "hivulliqpaaq aturnaqpiaqtuniglu." Hamna ilitturnaqtuq numikhimayauyuq nakuuyumik ilitturvikhaat nakuuyumik; kangiqhihimalugit nakuuqpiaqtumik uuktuutikhaat upalungaiqhimayakhaat munaqhiyangit hivuuranairnikkut. Piyumalluara hivuuranairnikkut hamanngat nanminiqutaanit ihivriurahuaqtangit hivuuranairnikhaitugit piliriakhaq haffumani nanminiriyatka.

Una WSCC arvinilik aippaanit Ukpiruhuutiqaqtut. Ilittuqhimalaaqqiuk atauhimarmik tukiqarlugulu hungmat aturnaqqa uvunga WSCC?

Tamaat ukpiruhuutait aturnaqpiaqtuq ikayuqhutik atauttimut kihimi nalunaiqhihimaniaqtatka Havakhimalutik hivunikhaanit haffumani apiqquutinut. Taimaa ayurnaittiaqhuni, munaqhinahuaraangat ihuaqhiriiqhimayut munariyaunnginnaqtunik ikayuutikhait uuminngatut Havakti'p Ikayuutikhainnit, puiguinnaqhugu uvagut "kivgaqtuqpagaqqut" inungnut kitunuliqaak. Ayurnaqpakhuni ilauhimaittut ilauhimayunut ihumaaluutigivagaat "kangiqhinngittut" uuminngaluuniit "imaatut havangnaqpaktuq." Uvagut munariyakhaqqut turaarvigilugit taimailiurumik ilagihimayaqqut ilitturnaqtuq haffumani ilauhimayunut.

Hunaugami pinnariyatit GC katimayiunirmik, hungmattauq?

Inuit. Nakuuyumik inungnit ilittuqhiiyatka uvani WSCC mi, unalu GC miittut, katimaqatauvluta Katudjiqatigiit haffumani Havaktinut'Ikayuutikhait Katimayit Kanatami (AWCBC) hulidjuhiit. Alianaqtuq unalu aittuuhiarnaqhuni hanianiittaraangat inungunut ilumuuqtumik inuuttiarnaqtumik pinahuaqtangit iluani hilaryuarmi.

Qaritauyakkuurlutik GC Ikhivautaaq Dave Tucker.

GC-kut kivgaqtuivaktut ihumagiyainnik ilauyut. Ihariagiyauyut ikkuaqtuiyaami WSCC-kunnik maligaghaliuqniqmut, havauhiqnut, aulapkainiqmullu qanuqlu ikpigiyauplutik ilauyunit. GC-kut katimayiit kivgaqtuivaktut ilvit ihumagiyarnik.

Hapkunani ihumaalugiyauyunut, ilittuqhitiniaqtaffi tamaffi taapkuninnga Kavamaliqiniqmut Katimayiinik. Tikittiqhugu, ilittuqhivaalliqluhi taapkuninnga Kavamaliqiniqmut Katimayiinik pulaaqlugu qaritauyakkuurutivut.
UQAQHIMALUGIT HIVUURANAITTUMIK HAVAAQ
TAUTUNGNIRUNGNI, NIPLAUTIGILUGU

Ilihimaviuk taamna havagviata pinirluktunut kivgaqtiuyut 1 uvani 10 mi tamainnut uqaqtauhimayut qanurilingayauhimayut hivuuranaqtumik havaktunut uvanngat Havaktut Qayagitjuttikhainnik uvalu Ikayukhiakuttikhianit Katimayiit?

Havagviata nanguttihimayut pinirlukhimayut ITTUT aanniarnaqtumik hivuuranarnikkut akiharnaqtuq. Tamaat havaktit piyunnautilik havagiami hivuuranaittumik avatikhait, tukiqaqtumik pinirlukhimayut nanguttihimayullu naammanngitpiaqtut. Qanurilingayunit havagvingni hivuuranairnigut, uqaqhimayakhatit hivuuranaqtumik havaktut tautukhimayatit.

Ataaniittut ablurvingit uqariangani havagvingnut pinirlungnikkut:
  1. Hapummivikhangit nakuuqpiaqtut uuktuutikhaat. Havagvingmi pinirluktinnani, havaqatigilugu havaqatigiyatit ayurnaittumik ihuaqhinahuarlugu akiharnaqtut humiliqaak havaktit ihumaaluutigivagaat. Havaktit ilihautigiyangit atulirnaqtut tuhagakhainnit havakhimavlutik hivituyumik avataita nakuuqpiaqtut ingattaqhittailinahuarlugit havagviat pinirlungnikkut.
         Ilvit qanurilingannirumi tautukhimagungniluuniit havagvingmi pinirlukhimayuq:
     
  2. Titirarlugit tukiqattiarnaqtut titiqqat humik tautukhimayatit, humiliqaak tautuhimayat. Una ihumagiyaulluaqtangit aturnaqtumik hamna pinirlukhimayut taimailiqattaffaarumik. Hivumuuqhimalugit ilitturniit: ubluqhiutaanut, ublunganit, atiita inup ilauhimayut tautukhimayunillu, uuminngalu kiuhimayut unalu/upautihimayut.
     
  3. Niplautigilugu humik tautukhimayatit atannguyatit, havagviangni OHS kivgaqtiuyuq. Aturnaqpiaqtuq naunaiqhimayakhatit taamna inuk pinirlukhimayaugumi atannguyatit, uuminngaluuniit uqaqhimagumi atannguyatit, aallanik inungnit havagvingni uqariiqhimayakhatit. Uqaqhimaittumik qanurilinganingit inungnut quyaginnaq; kampanivit atuagaq tiliuqhimayakhaat kinaliqaak uqariiqhimayakhat qilaminnuaq.
     
  4. Malikhimalugit kampanivi'p atuagaq unalu hulidjuhikhait havagvingnut pinirlukhimayut. Tamaat havagviit atuagakhaqarialik turaaqhimanahuarlugit havagviat pinirlukhimayut. Nalunaiqhimalugit hamna Havaktunut Aanniarnaittunut Hivuuranairningillu Maliguarutit kiugiaqaqtut pinirlungnit atuagaq tamainnut havaktittityunut, kihimi kiugiaqaqtut uuminngat ningarnikkut atuagakhaq havagvingnut humili ningarnikkut naahurihimayauyukhaq (Ilainnaa 35(2)).
     
  5. Nalunaiqhiilugit qanurilinganingit uvani WSCC Katilviuniq. Aturnaqtuq haffumani WSCC ilihimayukhat tamainnut qanurilinganingit uvani havagvianmi aanniarutilingni aanniqhimayut, ilaliutigiyangit havagviannut pinirluktut.
Nanihilaaqtutit tiliurnaqtumik tukiliutaanit uvaptingnut Hivuuranairutaanut Titiqqat Nanguttinahuaqtut iluani Havagvingmi.
 

 
WSCC Katilviuniq uvanngat Hivuuranaqtuq Havaaq ingilrutaa ilauyuminaqtuq ilingnut ahinut uqaqhimaittumik tamainnut akihautaanit havagviani hivuuranairutinut. Hamanngat havagviat pinirlugumik ningaqtunigluuniit havaktunut nalaumattiaqtumik uuminngat PPE, una ingilrutik Tamatkiumayuq Munaqhiyauyut (IRS). Tautungniruvit hivuuranaqtumik havaktunut, niplautigilugu.

Pinirlungniq ningarahuarniq iluani havagvingmi taimaittakhaunngittut, taimaa ilitariyauvakhutik pivallaaraangata havaktut ayuqhaliraangamik. Hivunigiyaqqut aanniarnaittumik aannirnaittumiglu havagvingnit, ikayulluaqhimayaqqut pitquhiriyangit hivuuranaittumik inuuttiarnaqtumik tamainnut havaktunut.
HAVAKVIIT UMIGHIMAVIIT

WSCC havagviata umikhimayut uvanngat 5:00 Unnuktumi uvani Tallimmiut, Qiqaiyaluarvia 18 uvani Victoria Ubluata Havangnaittumi, angmaffaaqhuni Aippiut, Qiqaiyaluarvia 22 uvani 8:30 qaangiqtumi Ublaami.

Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.
wscc.nt.ca   /  1.800.661.0792   *   wscc.nu.ca  /  1.877.404.4407