ᒪᐃ 2018
#ᐸᕐᓇᕙᒌᓂᕐᒧᑦ (#GEARUP)ᐅᔭᕋᖕᓂᐊᕐᕕᖕᒥ ᐃᓅᓕᒃᓯᓂᕐᒧᑦ!
ᐃᓚᐅᖃᑕᐅᒋ: ᓯᕙᑖᕐᕕᒃ, ᔫᓂ 2 ᔭᓗᓇᐃᕝᒥ

ᔭᓗᓇᐃᕝ, ᐱᕙᒌᔭᖅᓯᒪᕕᑦ  #ᐸᕐᓇᕙᒌᓂᕐᒧᑦ (#GearUp) ?

ᐊᕐᕌᒍᑕᒫᑦ ᐅᔭᕋᓐᓂᐊᕐᕕᒻᒥ ᐃᓅᓕᒃᓯᓂᕐᒧᑦ ᓵᓚᒃᓴᖃᑦᑕᐅᑎᓂᖅ 61-ᖓᓂ ᐊᕐᕌᒍᖓᓃᓕᖅᑐᖅ, ᑎᑭᐅᑎᓛᓕᖅᑐᖅ ᓯᕙᑖᕐᕕᖕᒥ, ᔫᓂ 2! ᓯᓚᒥ ᖃᓄᐃᓕᐅᕈᒪᓐᓂᕈᕕᑦ ᐊᒻᒪ ᖁᕕᐊᓱᖃᑕᐅᓗᑎᑦ, ᑕᒡᕙᐅᕗᖅ: 8-ᖑᔪᑦ ᐅᔭᕋᖕᓂᐊᕐᕕᖕᒥ ᐃᓅᓕᒃᓯᓂᕐᒧᑦ ᑕᐱᕇᑦ 8-ᓂᒃ ᐅᔭᕋᖕᓂᐊᕐᕕᖕᓂ ᐅᑭᐅᖅᑕᖅᑐᓕᒫᒥ ᑕᑯᒃᓴᐅᑎᑦᑎᓛᖅᑐᑦ ᐅᔭᕋᖕᓂᐊᕐᕕᖕᒥ ᐃᓅᓕᒃᓯᓂᕐᒧᑦ ᐱᐅᓯᖏᓐᓂ ᐊᒻᒪ ᑐᐊᕕᕐᓇᖅᑐᒥ ᑲᒪᒋᔭᖃᕐᓂᕐᒧᑦ ᐊᔪᙱᓐᓂᐅᔪᓂᑦ ᓵᓚᖃᕋᓱᐊᖅᑎᓪᓗᒋᑦ ᑕᒪᐃᓐᓂ ᖄᖓᓂ ᐊᒻᒪ ᑕᒪᐃᓐᓂ ᓄᓇᐅᑉ ᐊᑖᓂ ᓵᓚᒃᓴᐅᓯᐊᒃᓴᓂ.

ᓇᓗᓇᐃᔭᑦᑎᐊᖅᓯᒪᔪᑦ

ᖃᓄᐃᓕᐅᕐᓂᖅ: 2018-ᒥ ᐊᕐᕌᒍᑕᒫᑦ ᐅᔭᕋᓐᓂᐊᕐᕕᒻᒥ ᐃᓅᓕᒃᓯᓂᕐᒧᑦ ᓵᓚᒃᓴᖃᑦᑕᐅᑎᓂᖅ ᐊᒻᒪ ᐅᔭᕋᖕᓂᐊᖅᑏᑦ ᓂᕆᖃᑎᒌᓐᓂᖏᑦ (ᐊᑭᖃᙱᑦᑐᖅ ᐃᓄᓕᒫᓄᑦ ᐃᒐᓂᖅ)

ᐅᓪᓗᖅ: ᓯᕙᑖᕐᕕᒃ, ᔫᓂ 2, 2018

ᖃᔅᓯᒧᐊᖅᐸᑦ: 8:00-ᒥ ᐅᓪᓛᒃᑯᑦ 3:00-ᒧ ᐅᓐᓄᓴᒃᑯᑦ ᐅᐊᓕᓂᕐᒥ

ᓇᒥ: ᔭᓗᓇᐃᕝᒥ ᐱᓕᕆᕝᕕᐅᔪᒥ/ᐊᓃᕐᕕᖕᒥ ᓄᓇᓯᐅᑎᖃᕐᕕᖓᓂ (41 ᑳᒻ ᑕᓯᖅ ᐊᑐᕆᐊᖅ)

ᑖᓐᓇ ᐃᓚᒌᖑᔪᓄᑦ ᑐᕌᖓᑦᑎᐊᖅᑐᖅ ᖁᙱᐊᖅᑎᓂ ᐱᕕᖃᖅᑎᑦᑎᔪᖅ ᑕᐅᑐᓐᓂᕐᒥᑦ ᑕᐱᕇᖑᔪᓂ ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ, ᐊᓯᖏᓐᓂᓪᓗ ᑕᐅᑐᒃᑎᑦᑎᑎᓪᓗᒋᑦ ᐅᔭᕋᖕᓂᐊᕐᕕᖕᓄᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔾᔪᓯᖏᓐᓂ ᐊᔾᔨᒌᙱᑐᓂ ᐊᔪᙱᓐᓂᑭᓴᐅᑎᓂᕐᒧᑦ ᓵᓚᖃᕋᓱᐊᕐᓂᐅᔪᓂ. ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ ᐅᔭᕋᖕᓂᐊᕐᕕᖕᓄᑦ ᑲᑐᔾᔨᖃᑎᒌᑦ ᑐᙵᓴᐃᓛᕐᒥᔪᑦ ᐊᕐᕌᒍᑕᒫᑦ ᐅᔭᕋᖕᓂᐊᖅᑎᑦ ᓂᕆᖃᑎᒌᓐᓂᖏᓐᓂ, ᐊᑭᖃᙱᑦᑐᒥ ᐃᒐᓗᑎ ᐊᒻᒪ ᐃᒥᒐᒃᓴᖅᑕᖃᕐᓗᓂ ᑭᒃᑯᓕᒫᓄᑦ.  ᑕᒪᑐᒪᓂ ᐊᕐᕌᒍᒥ, ᑕᐱᕇᖑᔪᑦ:

ᓄᓇᐅᑉ ᖄᖓᓂ ᑕᐱᕇᑦ
  • ᐃᑳᑎ ᑕᐃᒪᓐ ᐅᔭᕋᓐᓂᐊᕐᕕᒃ (ᓄᓇᑦᓯᐊᖅ) - Dominion Diamond Corporation (ᑐᒥᓐᔨᐊᓐ ᑕᐃᒪᓐ ᑯᐊᐳᕇᓴᓐ)
  • ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ (ᓄᓇᑦᓯᐊᖅ) - De Beers Canada Inc. (ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ)
  • ᐹᕙᓐᓛᓐ ᐅᔭᕋᓐᓂᐊᕐᕕᒃ (ᓄᓇᕗᑦ) − Baffinland Iron Mines Corporation (ᐹᕙᓐᓛᓐ ᓴᕕᒃᓴᕐᓯᐅᕐᑎᑦ ᑯᐊᐸᕇᓴᖓ)
  • ᐊᐳᖅᑎᓐᓈᖅᑐᒥᑦ ᒎᓗᒧᑦ ᐅᔭᕋᓐᓂᐊᕐᕕᒃ (ᓄᓇᕗᑦ) - Agnico Eagle Mines Ltd. (ᐋᒡᓃᑯ ᐄᒍ ᐅᔭᕋᓐᓂᐊᕐᕕᒃ ᑎᒥᖓᑦ)
  • ᕖᒃᑐ ᑕᐃᒪᓐ ᐅᔭᕋᓐᓂᐊᕐᕕᒃ (ᐋᓐᑎᐅᕆᐅ) - De Beers Canada Inc. (ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ)
ᓄᓇᐅᑉ ᐊᑖᓂ ᑕᐱᕇᑦ
  • ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ (ᓄᓇᑦᓯᐊᖅ) - Rio Tinto Ltd. (ᕇᐅ ᑎᓐᑐ ᑎᒥᖓᑦ)
  • ᐊᕝᕚᖅᑑᖅ ᒎᓗᒥᐅᕐᕕᒃ ᐅᔭᕋᓐᓂᐊᕐᕕᒃ (ᓄᓇᕗᑦ) - TMAC Resources Inc. (TMAC ᓱᓇᒃᑯᑖᖏᑦ ᑎᒥᖁᑎᖓ)
  • ᐃᖃᓗᒑᕐᔪᒃ ᒎᓗᒥᐅᕐᕕᒃ ᐱᓕᕆᐊᖅ (ᓄᓇᕗᑦ) - Agnico Eagle Mines Ltd. (ᐋᒡᓃᑯ ᐄᒍ ᐅᔭᕋᓐᓂᐊᕐᕕᒃ ᑎᒥᖓᑦ)
ᖃᓄᐃᒻᒪ ᐅᔭᕋᖕᓂᐊᕐᕕᖕᒥ ᐃᓅᓕᒃᓯᓂᕐᒧᑦ ᓵᓚᖃᕋᓱᐊᕐᓃᑦ ᐱᒻᒪᕆᐅᕙᑦ?

ᖄᒃᑲᓐᓂᐊᒍᑦ ᑐᙵᓇᖅᑐᒃᑯᑦ ᓵᓚᖃᕋᓱᐊᕐᓂᕐᒧᑦ, ᐅᔭᕋᖕᓂᐊᕐᕕᖕᒥ ᐃᓅᓕᒃᑎᑦᑎᓂᕐᒧᑦ ᓵᓚᖃᕋᓱᐊᕐᓃᑦ ᐱᒻᒪᕆᐅᔪᑦ ᐅᔭᕋᖕᓂᐊᕐᕖᑦ ᑲᑎᖃᑎᒌᔪᓐᓇᕐᒪᑕ ᖃᐅᔨᓴᕐᓂᕐᒧᑦ ᐊᒻᒪ ᑕᐅᑐᓐᓂᕐᒧᑦ ᐊᑑᑎᖃᑦᑎᐊᕐᓂᖏᓐᓂ ᐊᒻᒪ ᐱᐅᑎᒋᓂᖏᓐᓂ ᐅᔭᕋᖕᓂᐊᕐᕕᖓᑕ ᐃᓅᓕᒃᑎᑦᑎᓂᕐᒧᑦ ᐱᓕᒻᒪᒃᓴᐅᑎᒃᓴᖏᓐᓂ. ᐅᔭᕋᖕᓂᐊᕐᕕᖕᒥ ᐃᓅᓕᒃᑎᑦᑎᓂᕐᒧᑦ ᓵᓚᖃᕋᓱᐊᕐᓂᐅᔪᑦ ᐱᕕᖃᖅᑎᑦᑎᓲᖅ ᑕᐱᕇᑦ ᐃᓕᓐᓂᐊᖃᑎᒌᓗᑎ, ᐱᐅᓂᖅᐹᓂ ᐱᐅᓯᕐᓂ ᓴᖅᑮᓗᑎ ᐊᒻᒪ ᓄᑖᓂ ᓴᓇᔨᕐᔪᐊᓄᑦ ᓴᓇᕐᕈᑎᓂ, ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᓴᓇᔨᓂ ᐊᑦᑕᕐᓇᖅᑐᒦᑎᑦᑎᖏᓪᓗᑎ. ᐱᕐᕈᓗᒃᑐᖃᖅᐸ, ᐊᔪᙱᑦᑎᐊᖅᑐᖅ ᐅᔭᕋᖕᓂᐊᕐᕕᖕᒥ ᐃᓅᓕᒃᑎᑦᑎᓂᕐᒧᑦ ᑕᐱᕇᖑᔪᑦ ᑭᒃᑯᓕᒫᓄᑦ ᐃᑲᔫᑎᖃᖅᑐᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪ ᐊᓐᓇᐅᒪᑎᑕᐅᓂᕐᒧᑦ.

ᑐᑭᓯᒋᐊᒃᑲᓐᓂᓂᕐᒧᑦ ᖃᓄᐃᓕᐅᕐᓂᐅᓛᖅᑐᒧᑦ, ᐅᕗᖓᕐᓗᑎ  ᐅᔭᕋᓐᓂᐊᕐᕕᒻᒥ ᐃᓅᓕᒃᓯᓂᕐᒧᑦ ᓵᓚᒃᓴᖃᑦᑕᐅᑎᓂᖅ ᒪᑉᐱᖅᑐᒐᖓᓄ. ᐊᑏᑑᖅ ᑕᐃᑲᓂ ᑕᑰᑎᓛᖅᐳᒍ.
ᐃᒡᓗᓂ ᓇᑉᐸᖅᑎᕆᓂᕐᒧᑦ ᐱᒋᐊᕈᑕᐅᓕᕆᕗᖅ
ᓱᒃᑲᐃᑦᑐᒥ ᐊᖁᓪᓗᑎ. ᐅᔾᔨᖅᓴᕐᓗᑎ.

ᐊᐅᔭᒃᑯᑦ ᓇᐃᓈᖃᑦᑕᕐᓂᖏᓐᓄᑦ ᐅᑭᐅᖅᑕᖅᑐᒥ, ᐊᒃᓱᕈᖃᑦᑕᕋᑦᑕ ᐃᒡᓗᓂ ᓇᑉᐸᖅᑎᕆᓇᐅᓕᕋᐃᒻᒪ. ᒫᓐᓇᐅᓕᖅᑐᖅ, ᖃᐅᔨᓯᒪᔪᒃᓴᐅᕗᑎ ᐃᒡᓗᓂ ᓇᑉᐸᖅᑎᕆᓂᕐᒧᑦ ᐱᓕᕆᐊᖑᔪᑦ ᐱᒋᐊᕈᑕᐅᓯᒪᓕᖅᑐᑦ ᓇᒥᕐᒥᐅᑕᐅᒐᓗᐊᕈᕕ. ᐱᓕᕆᐊᕆᔭᐅ ᑐᙵᕕᒋᓗᒍ, ᒪᑯᐊ ᒪᓕᒍᓐᓇᖅᑕᑎ.

ᐊᖁᑎᐅᒍᕕ:
  • ᐅᔾᔨᖅᓴᕐᓗᑎ ᐊᐅᔭᒃᑯᑦ ᐃᒡᓗᓂ ᓇᑉᐸᖅᑎᕆᓂᕐᒧᑦ ᑐᓴᐅᒪᔾᔪᑎᒃᓴᓂ ᕼᐋᒻᒪᓚᔅᓯᓐᓂ.
  • ᐱᕙᒌᔭᕐᓗᑎ ᐊᑯᓂᐅᓗᐊᕐᓂᐊᖏᓐᓇᕕ ᓄᓇᓯᐅᑏᑦ ᐊᖅᑯᑎᒃᑰᓕᖅᐸᑕ, ᐊᒻᒪ ᐅᔾᔨᖅᓴᕐᓗᑎ ᐊᖅᑯᑎᓂ ᓇᓗᓇᐃᒃᑯᑕᐅᔪᓂ.
  • ᓱᒃᑲᐃᔾᔫᒥᓗᑎ ᐃᒡᓗᓂ ᓇᑉᐸᖅᑎᕆᔪᖃᖅᑎᓪᓗᒍ.
  • ᐃᑉᐱᒋᑦᑎᐊᕐᓗᒋᑦ ᓄᓇᒃᑰᕈᑎᓂᒃ ᐊᐅᓪᓛᖅᑐᓂᒃ ᑲᒪᔨᐅᓂᕐᒧᑦ ᐃᖅᑲᓇᐃᔭᖅᑎᓂ (TCP) ᐊᖅᑯᑎᒃᑰᖅᑐᓂ ᑲᒪᔪᓂ ᐊᒻᒪ ᓇᓗᓇᐃᒃᑯᑕᓕᓐᓂ ᐱᔭᒃᓴᖃᖅᑐᓂ ᓴᓇᕖᑦ ᐃᓂᖏᓐᓂ.
ᐃᖅᑲᓇᐃᔭᖅᑎᓕᖁᑎᐅᒍᕕᑦ ᐊᒻᒪ ᓴᓇᕖᑦ ᐃᓂᖓ ᐊᒃᑐᐃᓂᖃᐃᓐᓇᐅᔭᕐᓂᐊᕈᓂ ᐊᖅᑯᓂ:
  • ᐱᓕᕆᐊᖃᓚᐅᙱᓐᓂᕐᓂ, ᐋᖅᑭᒃᓱᐃᓗᑎ ᐊᒻᒪ ᐊᑐᓕᖅᑎᑦᑎᓗᑎ ᑎᑎᕋᖅᓯᒪᔪᒥ ᓄᓇᒃᑰᕈᑎᓂᒃ ᐊᐅᓪᓚᑦᑎᓂᕐᒧᑦ ᐸᕐᓇᐅᑎᒥ ᓴᐳᔾᔨᓂᕐᒧᑦ ᓴᓇᔨᓂ ᓄᓇᓯᐅᑎᓂ ᐅᓗᕆᐊᓇᖅᑐᓂ.
  • ᓇᓗᓇᐃᕐᓗᒋᑦ ᐊᒻᒪ ᐊᑐᕐᓗᒋᑦ ᓄᓇᒃᑰᕈᑎᓂᒃ ᐊᐅᓪᓛᖅᑐᓂᒃ ᑲᒪᔨᐅᓂᕐᒧᑦ ᐱᓕᕆᔾᔪᓯᐅᔪᓂ ᓴᓇᕕᐅᑉ ᐃᓂᖓᓂ, ᓲᕐᓗ: ᐅᔾᔨᖅᓱᓂᕐᒧᑦ ᓇᓗᓇᐃᒃᑯᑕᕐᓂ; ᓴᐳᔾᔨᔾᔪᑎᓂ; ᐊᐅᒃᑕᔫᓂ; ᖃᐅᒪᓪᓛᔪᓂ; ᐊᒻᒪ ᓄᓇᒃᑰᕈᑎᓂᒃ ᐊᐅᓪᓛᖅᑐᓂᒃ ᑲᒪᔨᐅᓂᕐᒧᑦ ᐃᖅᑲᓇᐃᔭᖅᑎᓂ (TCP) ᓄᓇᒃᑰᕈᑎᓂ ᐊᐅᓚᑦᑎᓂᕐᒧᑦ.
  • ᓄᓇᒃᑰᕈᑎᓂᒃ ᐊᐅᓪᓛᖅᑐᓂᒃ ᑲᒪᔨᐅᓂᕐᒧᑦ ᐃᖅᑲᓇᐃᔭᖅᑏᑦ (TCP) ᐃᓕᓐᓂᐊᖅᑎᑕᐅᓗᑎ ᐊᒻᒪ ᐅᖃᓕᒫᖅᓯᒪᓗᑎ ᐊᒻᒪ ᑐᑭᓯᐅᒪᓗᑎ ᑖᔅᓱᒥᖓ ᐃᖏᕐᕋᓂᐅᔪᓄᑦ ᐊᐅᓚᑦᑎᓂᕐᒧᑦ ᐸᕐᓇᒍᑎᒥ.
  • ᖃᐅᔨᒋᐊᕐᔫᒥᓗᑎ ᓄᓇᒃᑰᕈᑎᓂᒃ ᐊᐅᓪᓛᖅᑐᓂᒃ ᑲᒪᔨᐅᓂᕐᒧᑦ ᐃᖅᑲᓇᐃᔭᖅᑎᖁᑎᑎ (TCP) ᐊᑐᑦᑎᐊᕐᓗᑎ ᑕᑯᒃᓴᐅᑦᑎᐊᖅᑐᓂ ᐅᐊᓯᑰᓂ ᐊᓯᖏᓐᓂᓪᓗ ᑕᑯᒃᓴᐅᑦᑎᐊᖅᑐᓂ ᐊᓐᓄᕌᓂ.
  • ᐊᑐᓂ ᓴᓇᔨᑎᑦ ᑐᓐᓂᕆᓗᒋᑦ ᐊᖁᑎᒥ ᐅᐊᑦᑎᔨᐅᓂᕐᒧᑦ ᖃᓄᐃᓐᓂᐅᔪᒧᑦ ᐅᓂᒃᑳᓕᐅᕐᓂᕐᒧᑦ ᑎᑎᕋᕐᕕᒃᓴᒥᑦ ᖃᓄᐃᓐᓂᐅᔪᓂ ᐅᓂᒃᑳᖃᑦᑕᕐᓂᐊᕐᒪᑕ. ᐊᐱᕆᔭᐅᑕ ᑭᓱᑖᒃᑲᓐᓂᕆᐊᖃᕈᕕᑦ ᓴᓇᕕᖕᓂ ᐃᓂᒋᔭᕐᓄᑦ.
  • ᖃᓄᐃᑦᑐᒥ ᐱᓕᕆᐊᖃᕐᒪᖔᖅᐱᑦ ᖃᐅᔨᒪᓗᑎ ᓴᓇᕕᐅᑉ ᐃᓂᖓᓂ, ᐊᖅᑯᑏᑦ ᖃᓄᖅ ᐊᒃᑐᖅᑕᐅᓂᐊᕐᒪᖔᑦ, ᐊᒻᒪ ᐃᓄᑐᐃᓐᓇᐃᑦ ᐃᖏᕐᕋᔾᔪᑎᒃᑰᕐᓂᖏᑦ ᖃᓄᖅ ᐊᐅᓚᓂᐊᕐᒪᖔᖅ.
  • ᑕᑯᒃᓴᐅᑦᑎᐊᖅᑐᓂ ᐊᓐᓄᕌᓯᒪᓗᑎ ᐊᒻᒪ ᐅᐊᓯᑰᓂ, ᐊᓯᖏᓐᓂᓪᓗ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE) ᑕᐃᒪᐃᒋᐊᖃᕐᓃᑦ ᒪᓕᒡᓗᒍ.
  • ᐊᖁᑏᑦ ᑐᑭᓯᓇᑦᑎᐊᖅᑐᓂ ᐅᖃᐅᑎᖃᑦᑕᕐᓗᒋ. ᑭᐅᓘᑎᑦᑕᐃᓕᒪᓗᑎ ᐅᕝᕙᓘᓐᓃᑦ ᐅᖃᖃᑎᖃᖅᑕᐃᓕᒪᓗᑎ ᐊᖁᑎᓂ; ᐱᓕᕆᕝᕕᖕᒥ ᐊᖓᔪᖅᑳᕐᒧᑦ ᐅᖃᖃᑎᖃᖔᕐᓗᑎ ᐊᖁᑏᑦ ᓲᖑᓴᓕᖅᐸᑕ.
  • ᐅᔾᔨᖅᓴᕐᓗᑎ ᓱᒃᑲᓴᒃᑯᑐᓂ ᐊᖁᑎᓂ ᐊᒻᒪ ᐅᓗᕆᐊᓇᑐᐃᓐᓇᕆᐊᓕᖕᓂ. ᓴᓇᕕᑉᐱᑦ ᐃᓂᖓᓂ ᑐᐊᕕᕐᓇᖅᑐᒧᑦ ᐸᕐᓇᐅᑎᖏᑦ ᖃᐅᔨᒪᑦᑎᐊᕐᓗᒋ.
  • ᑎᑎᖅᑲᖁᑎᓂ ᐱᓯᒪᑦᑎᓗᑎ ᐅᓂᒃᑳᓕᐅᕐᓂᕐᒧᑦ ᖃᓄᐃᓐᓂᐅᔪᓄᑦ, ᐊᒻᒪ ᐅᖃᐅᓯᕆᓗᒋᑦ ᑕᒪᐃᓐᓂ ᐅᓗᕆᐊᓇᖅᑐᓕᒫᑦ ᑲᒪᔨᐅᔪᒧᑦ. ᑖᓐᓇ ᐊᑐᕐᓗᒍ ᐊᖁᑎᒥ ᐅᐊᑦᑎᔨᐅᓂᕐᒧᑦ ᖃᓄᐃᓐᓂᐅᔪᒧᑦ ᐅᓂᒃᑳᓕᐅᕐᓂᕐᒧᑦ ᑎᑎᕋᕐᕕᒃᓴᒥᑦ - ᖃᐅᔨᒋᐊᕐᕕᐅᔪᓐᓇᖅᑐᑦ.
ᓇᖕᒥᓂᖅ ᐃᒡᓗᖃᖅᑎᓄᑦ ᐅᔾᔨᖅᓱᕐᓂᖅ

ᓇᖕᒥᓂᖅ ᐃᒡᓗᖃᑏᑦ: ᖃᐅᔨᒪᕖᑦ ᐃᖅᑲᓇᐃᔭᖅᑎᑦᑎᒍᕕ ᐊᖏᕐᕋᓐᓂ ᖃᓂᒋᔮᓂᓘᓐᓃᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᓕᒐᖏᑦ ᓇᓗᓇᐃᖅᓯᑐᐃᓐᓇᕆᐊᓖᑦ ᐃᖅᑲᓇᐃᔭᖅᑎᖁᑎᓕᐅᓗᑎ? ᐃᓱᒪᒍᕕᑦ ᐱᔨᑦᑎᕋᕈᒪᓂᕐᒧᑦ ᐸᐃᕆᔨᓂ, ᓴᓗᒻᒪᖅᓴᐃᔨᓂ, ᐋᖅᑭᒃᓱᐃᔨᓂ, ᐅᕝᕙᓘᓐᓃᑦ ᑳᓐᑐᕌᒃᑎᐅᔪᓂᑦ ᐅᓪᓗᓕᒫᖅ ᐃᖅᑲᓇᐃᔭᕐᓂᐊᖅᑐᓂ ᐅᕝᕙᓘᓐᓃᑦ ᐅᓪᓘᑉ ᐃᓚᐃᓐᓇᖓᓂ, ᐊᑭᓕᖅᑕᐅᒍᑎ ᐅᕝᕙᓘᓐᓃᑦ ᐊᑭᓕᖅᑕᐅᙱᒃᑯᑎ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓕᖕᓂ ᐃᑲᔪᕈᓐᓇᖅᑐᑦ ᐊᑭᓕᕆᐊᖃᕐᒪᖔᖅᐱᑦ ᖃᐅᔨᓴᕐᓂᐅᔪᓂᑦ ᑖᔅᓱᒪ ᐊᑖᒍ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖓᑎᒍ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᔭᒃᓴᖃᕐᒪᖔᖅᐱᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖓᑎᒍ.

ᐅᖄᓚᓗᑎ ᐃᖅᑲᓇᐃᔭᖅᑐᖁᑎᓕᖕᓄᑦ ᐱᔨᑦᑎᕋᕐᓂᕐᒧᑦ ᖃᐅᔨᒋᐊᕐᓂᕐᒧᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᖅᑎᓕᖁᑎᐅᖕᒪᖔᖅᐱᑦ ᖃᐅᔨᓴᖅᑕᐅᔪᓐᓇᕐᓂᕐᒧᑦ, ᐊᒻᒪ ᓴᐳᓐᓂᐊᕐᓂᕐᒧᑦ ᐱᔨᑦᑎᕋᕐᑎᑦ ᐊᐱᕆᓗᑎᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔭᒃᓴᕆᔭᐅᔪᓂ. ᐊᑭᖃᙱᑦᑐᒃᑯᑦ ᐅᖄᓚᕕᐅᑕ 1-800-661-0792.
ᐊᒡᓚᒡᕕᑦ ᒪᑐᓯᒪᓂᖏᑦ

ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᒡᓚᒡᕕᖏᑦ ᔭᓗᓇᐃᕝᒥ ᐊᒻᒪ ᐃᓅᕕᖕᒥ ᒪᑐᓯᒪᓛᖅᑐᑦ 5:00 ᐅᓐᓄᓴᒃᑯᑦ ᐱᖓᑦᑎᕐᒥ, ᔫᓂ 20 ᑲᓇᑕᒥ ᓄᓇᖃᖅᑐᑐᖃᐃᑦ ᐅᓪᓗᖓᓂ ᔫᓂ 21-ᒥ, ᐊᒻᒪ ᒪᑐᐃᒃᑲᓐᓂᕐᓗᑎ ᐅᓪᓗᑐᐃᓐᓇᕐᒥ, ᔫᓂ 22 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
wscc.nt.ca   /  1.800.661.0792   *   wscc.nu.ca  /  1.877.404.4407