ᐃᖅᑲᐃᑎᑦᑎᔾᔪᑦ: ᑭᖑᕙᕆᐊᖅᑕᐅᓂᐅᔪᖅ ᐃᖅᑲᓇᐃᔭᖅᑎᖁᑎᓕᖕᓄᑦ ᑮᓇᐅᔭᓕᐊᓄᑦ ᐊᑭᓖᔾᔪᑎᓄᑦ ᖃᔨᐃᓴᕐᓂᕐᒧᑦ ᐊᑭᓕᐅᑎᑦ ᐱᔭᐅᔭᕆᐊᖃᖅᐳᑦ ᐋᒡᒌᓯ 1, 2020−ᒥ. ᓇᖕᒥᓂᕆᔭᐃᑦ ᐱᒃᑲᓐᓂᕆᐊᖃᕈᓂ ᐃᑲᔪᖅᓯᖅᑕᐅᒃᑲᓐᓂᕐᓂᐅᔪᒥ, ᐊᕕᒍᓐᓇᖅᐸᐃᑦ ᐅᓇ ᐊᑭᓕᐅᑎᐅᔪᖅ ᒪᕐᕉᖕᓄᑦ ᓇᓕᒧᑦᑐᓂ ᐊᑭᓕᖅᑕᐅᓂᐅᔪᓄᑦ ᐋᒡᒌᓯ 1, 2020−ᒥ ᐊᒻᒪ ᐅᑐᐱᕆ 1, 2020−ᒥ. 

ᑮᓇᐅᔭᓕᐊᓄᑦ ᐊᑭᓖᔾᔪᑎᓄᑦ ᐋᖅᑭᒋᐊᖅᑕᐅᓂᑯᑦ ᐊᒻᒪ ᐊᑭᓕᐅᑎᐅᔪᑦ ᐱᓕᕆᐊᖑᔪᓐᓇᖅᐳᑦ ᐅᕘᓇ WSCC Connect . ᖃᕋᓴᐅᔭᒃᑯᑦ ᑐᑭᒧᐊᕈᑎᓂᒃ ᑕᑯᔪᓐᓇᖅᑐᓯ ᐅᕘᓇ WSCC Connect ᐃᑲᔪᕐᕕᒃᑯᑦ . ᐅᖃᖃᑎᖃᕐᓂᕐᒧᑦ ᑭᒡᒐᖅᑐᐃᔨᐅᔪᒧᑦ ᐃᖅᑲᓇᐃᔭᖅᑐᖁᑎᓕᖕᓄᑦ ᐱᔨᑦᑎᕋᕐᓂᕐᒧᑦ, ᖃᕋᓴᐅᔭᑎᒍᑦ ᑎᑎᕋᕐᓗᑎᑦ employer@wscc.nt.ca ᓄᓇᑦᓯᐊᕐᒧᑦ, employernu@wscc.nu.ca ᓄᓇᕗᒻᒧᑦ, ᐅᕝᕙᓘᓐᓃᑦ ᐅᖄᓚᓗᑎᑦ 1 (800) 661-0792−ᒧᑦ.

ᓄᓇᕗᒻᒥ ᐊᒻᒪᓗ ᓄᓇᑦᓯᐊᕐᒥ ᓇᖕᒥᓂᖃᖅᑐᑦ ᐊᒃᓱᕈᖅᖢᑎᒃ ᐱᓕᕆᕗᑦ ᒪᑐᐃᖅᓯᒃᑲᓐᓂᕐᓂᕐᒥ ᓄᓇᓕᑦᑎᓐᓄᑦ. ᐃᑲᔪᖅᓱᕈᒪᓪᓗᒋᑦ ᐃᖅᑲᓇᐃᔭᖅᑎᑦᑎᔩᑦ ᐆᒥᖓ ᐱᓕᕆᓂᐅᔪᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᕙᓪᓕᐊᑎᑦᑎᓯᒪᕗᑦ ᑲᑎᙵᔪᓂ ᓂᕕᙵᑕᕐᓂᑦ ᐱᓕᕆᑦᑎᐊᓲᓄᑦ ᓇᓕᐊᑐᐃᓐᓇᓄᑦ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ. ᐃᖅᑲᐃᑎᓪᓗᒋᑦ ᓴᓇᔨᑎᑦ, ᓂᐅᕕᕆᐊᖅᐸᒃᑐᑦ, ᐊᒻᒪ ᐱᓕᕆᔾᔪᔾᔭᐅᕙᒃᑐᑦ ᐱᒻᒪᕆᐅᓂᖓᓂ ᒪᓕᖕᓂᖏᓐᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᐅᓯᖏᓐᓂᑦ ᓄᕙᒡᔪᐊᕐᓇᖅ-19−ᖃᖅᑎᓪᓗᒍ. 

ᑕᒪᕐᒥᒃ ᓂᕕᙵᑕᑦ ᐊᑐᐃᓐᓇᐅᕗᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᓄᑖᖑᔪᒥ ᓄᕙᒡᔪᐊᕐᓇᖅ-19 ᓂᕕᙵᑕᖏᑕ ᒪᒃᐱᒐᖓᓂ.

ᐊᑐᐃᓐᓇᐅᔪᑦ ᓂᕕᙵᑕᑦ

• ᑭᓱᑐᐃᓐᓇᕐᓄᑦ ᓄᕙᒡᔪᐊᕐᓇᖅ-19−ᒧᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᔾᔨᖅᓱᕐᓂᖅ
• ᓇᖕᒥᓂᐅᔪᖅ ᒪᒃᐱᖓᔪᖅ
• ᖁᑦᑎᖕᓂᖅᐹᖅ ᐃᓄᖃᕈᓐᓇᕐᓂᖓ
• ᐃᒪᒃᑯᕕᖕᓂ ᐊᒻᒪᓗ ᑳᕕᑐᕐᕕᖕᓂ ᐊᑦᑕᓇᔾᔭᐃᖅᓯᒪᓂᖅ
• ᐱᓕᕆᐊᖑᖁᔭᐅᔪᓄᑦ ᐊᔪᕆᖅᓱᐃᓂᖅ 

ᓂᕕᙵᑕᑦ ᖃᕋᓴᐅᔭᑎᒍᑦ ᑎᑎᕋᖅᑕᐅᔪᓐᓇᖅᐳᑦ ᐊᖏᕐᕋᒥ ᐅᕝᕙᓘᓐᓃᑦ ᑎᑎᕋᕈᑎᓪᓚᕆᐅᔪᓄᑦ ᑎᑎᕋᕐᕕᖕᓂ. ᑎᑎᕋᕈᑎᖃᙱᒃᑯᕕᑦ, ᑐᒃᓯᕋᕈᓐᓇᖅᐳᑎᑦ ᓂᕕᙵᑕᓂᑦ ᖃᕋᓴᐅᔭᒃᑯᑦ ᑎᑎᕋᕐᕕᒋᓗᑎᒍᑦ ᐅᓪᓗᒥ. ᖃᐅᔨᒪᓂᐊᖅᐳᑎᑦ ᐱᔾᔪᑎᖃᖅᑐᒥ ᓄᕙᒡᔪᐊᕐᓇᖅ-19−ᒧᑦ, ᑭᖑᕙᕆᐊᕐᓂᖃᕐᓂᐊᕐᓂᖓᓂ ᐊᐅᓪᓚᖅᑎᑦᑎᓂᕐᒥ ᐅᑯᓂᖓ ᓱᓇᒃᑯᑖᓂᑦ.

ᐊᐅᔭᒃᑯᑦ ᐅᖅᑰᓂᖓᓂ ᓄᑖᒥᒃ ᖁᐊᖅᓵᕐᓇᕈᓐᓇᖅᑐᑦ ᐃᖅᑲᓇᐃᔭᕐᕕᖕᒥᑦ ᐅᖅᑰᓂᖓᓂ ᐋᓐᓂᐊᕐᓇᒥᒃ (ᐅᖅᑰᓂᖓᓂ ᓄᑮᖅᑎᑦᑐᖅ, ᐅᖅᑰᓂᖓᓂ ᑕᖃᓗᐊᕐᓂᖅ, ᐅᖅᑰᓂᖓᓂ ᐊᒥᕐᓗᓕᕐᓂᖅ, ᓂᐊᖁᒥ ᐳᕕᑦᑐᖅ, ᐊᒻᒪ ᐅᖅᑰᓂᖓᓂ ᕿᓗᔨᔪᖅ) ᐱᑎᑕᐅᓂᐅᔪᓐᓇᖅᐳᑦ ᐱᓕᕆᓂᕐᒥ ᖃᓄᐃᓐᓂᐅᔪᓄᑦ ᐅᖅᑰᓗᐊᖅᑎᓪᓗᒍ ᐊᒻᒪ ᓯᕿᓐᓂᖅᑎᓪᓗᒍ. ᓴᓇᔨᐅᔪᑦ ᑐᑭᓯᐅᒪᔭᕆᐊᖃᖅᐳᑦ ᖃᓄᖅ ᐊᑦᑕᕐᓇᙲᓐᓇᕈᓐᓇᕐᓂᖏᓐᓂ ᐊᒻᒪ ᖃᓄᐃᙱᑦᑎᐊᕐᓗᑎᒃ ᐱᓕᕆᑎᓪᓗᒋᑦ ᐅᖅᑰᓗᐊᖅᑐᓂ ᖃᓄᐃᓐᓂᐅᔪᓄᑦ.

ᒥᒃᖠᒋᐊᖅᑎᑦᑎᓂᕐᒥ ᐅᓗᕆᐊᓇᕐᓂᖓᓂ ᐅᖅᑰᓂᖓᓂ ᐋᓐᓂᐊᕐᓇᒥᒃ

• ᐃᒥᖅᑐᒐᔪᒡᓗᑎᒃ
• ᓇᓴᕐᒥ ᐊᑐᖅᐸᒡᓗᑎᒃ ᐊᒻᒪ ᕿᕐᓂᖏᑦᑐᓂ ᐊᓐᓄᕌᖅᓯᒪᕙᒡᓗᑎᕐ
• ᑕᖃᐃᖅᓯᖅᐸᒡᓗᑎᒃ ᓯᕿᓂᕐᕕᐅᙱᑦᑐᒥ
• ᐅᖃᐅᓯᕆᓗᒋᑦ ᐋᓐᓂᐊᕈᑕᐅᖃᑦᑕᖅᑐᓄᑦ ᐅᖅᑰᓂᖓᓂ ᐋᓐᓂᐊᕐᓇᒥᒃ ᐃᕐᙲᓐᓇᑲᐅᑎᒋ 

ᐃᖅᑲᓇᐃᔭᖅᑎᖁᑎᓕᐅᑉ ᐱᔭᒃᓴᕆᔭᖏᑦ

ᐃᖅᑲᓇᐃᔭᖅᑎᖁᑎᓕᑦ ᑐᓂᓯᔭᕆᐊᖃᖅᐳᑦ ᐱᓕᒻᒪᒃᓴᐃᓂᕐᒥ ᓇᓗᓇᐃᒃᑯᑕᐅᔪᓄᑦ ᐊᒻᒪ ᐋᓐᓂᐊᕈᑕᐅᖃᑦᑕᖅᑐᓄᑦ ᐅᖅᑰᓂᖓᓂ ᓄᑮᖅᑎᑦᑐᒥ, ᐃᒥᑦᑎᐊᕙᖕᒥ ᑐᓂᓯᓗᑎᒃ ᐃᒥᕐᓂᐊᖅᑕᒥᓂᑦ, ᑐᓂᓯᓗᑎ ᓯᕿᓂᕐᕕᐅᔭᙱᑦᑐᒥ ᐅᖅᑯᐊᖑᔪᓂ ᑕᖃᐃᖅᓯᕐᕕᒃᓴᖓᓂ, ᐊᒻᒪᓗ ᐊᒃᓱᕈᕐᓇᓗᐊᖅᑐᐃᑦ ᐱᓕᕆᐊᒃᓴᑦ ᐱᓕᕆᐊᖑᓂᖏᓐᓂ ᓂᒡᓚᓱᒡᔫᒥᓕᖅᐸᑦ ᐅᓪᓗᒥᑦ. ᓇᓗᓇᐃᖅᓯᓗᓂ ᑐᑭᓯᓇᑦᑎᐊᖅᑐᒥ ᐋᔩᖃᑎᖃᕐᓂᕐᒧᑦ ᐸᕐᓇᐅᒻᒥ ᐃᑲᔪᕐᓂᐊᖅᑐᒧᑦ ᓴᓇᔨᒋᔭᕐᓂ ᐱᑎᑦᑕᐃᓕᒪᓂᕐᒧᑦ ᐅᖅᑰᓂᖓᓂ ᐋᓐᓂᐊᕐᓇᒥᒃ.

ᐊᑐᖅᑕᐅᔪᓐᓇᖅᑐᑦ

ᖃᐅᔨᒋᐊᒃᑲᓐᓂᕐᓂᕐᒧᑦ, ᐊᒻᒪᓗ ᐃᓂᖕᒥ ᐃᑲᔪᕐᓂᕐᒧᑦ ᓴᓇᓂᕐᓂ ᐸᕐᓇᐅᑎᖕᓂ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᖃᖅᐳᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᕐᒥ ᐊᒻᒪᓗ ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᖅ ᑐᓂᓯᕙᒃᑐᒥ ᖃᐅᔨᒋᐊᒃᑲᓐᓂᕐᕕᒃᓴᓂᑦ ᐱᓕᕆᓂᕐᒧᑦ ᐅᖅᑰᓂᖓᓂ ᐊᒻᒪᓗ ᓯᕿᓂᖅᑐᒥ. ᐅᖃᖃᑎᒋᓗᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᖅᑎᒥᑦ ᐅᓪᓗᒥ. 

ᐋᖅᑭᒃᓱᐃᓗᑎᑦ ᐃᓂᒋᔭᕐᓂ ᐊᒻᒪ ᑕᓯᓴᒐᔪᒡᓗᑎᑦ

 

 

ᐃᖅᑲᓇᐃᔭᖅᑎᑎᑦ ᑎᑎᕋᕐᕕᖕᒥ ᐃᖅᑲᓇᐃᔭᕈᑎᒃ, ᐃᒃᓯᕚᕐᓗᑎᒃ ᐊᐅᓚᔾᔭᒐᔪᙱᓪᓗᑎᒃ ᐱᔨᑦᑎᕋᕐᓂᕐᒧᑦ ᑭᐳᒥᑦ, ᐅᕝᕙᓘᓐᓃᑦ ᐊᖏᕐᕋᖓᓂ ᐃᖅᑲᓇᐃᔭᕐᓗᑎᒃ, ᐱᒻᒪᕆᐅᕗᖅ ᐋᖅᑭᐅᒪᑎᑦᑎᓂᖏᓐᓂ ᖃᓄᐃᙱᑦᑎᐊᖅᑐᒧᑦ ᑎᒥᒧᑦ ᐊᐃᓗᐊᖅᓯᔾᔪᑎᓂᑦ ᐊᑐᖅᑕᐅᕙᒃᑐᓂ. ᐃᖅᑲᓇᐃᔮᒧᑦ ᐱᓕᕆᕝᕕᑦ ᐋᖅᑭᒃᓱᖅᑕᐅᓯᒪᓪᓗᐊᖅᐳᑦ ᒪᓕᒡᓗᒍ ᐃᖅᑲᓇᐃᔭᖅᑎᐅᑉ ᓇᖕᒥᓂ ᐱᔭᕆᐊᖃᖅᑕᖏᓐᓂ, ᐊᒻᒪ ᑕᓯᓴᕐᓂᖅ ᐃᓚᒋᔭᐅᒐᔪᓪᓗᐊᖅᐳᖅ ᐃᖅᑲᓇᐃᔭᖅᑎᐅᑉ ᐱᓕᕆᓂᖓᓂ ᐊᑐᒐᔪᒃᑕᖏᓐᓂ.

ᖁᐊᖅᓵᕐᓇᖅᑐᑦ ᐊᑯᓂᓗᐊᖅ ᐃᒃᓯᕚᖃᑦᑕᖅᑎᓪᓗᓯ

• ᓄᑮᑦ ᓄᓱᒃᓯᕆᓴᕋᐃᓐᓂᖅᓴᐅᔪᑦ, ᕿᓗᔨᓴᕋᐃᓐᓂᖅᓴᐃᑦ ᐊᒻᒪᓗ ᐊᒧᒃᓯᕆᓴᕋᐃᓐᓂᖅᓴᐃᑦ.
• ᓇᕿᑕᐅᓯᒪᐃᓐᓇᕐᓂᖃᖅᐳᖅ ᕿᒥᕐᓘᑉ ᐊᑯᓐᓂᕈᑕᖏᓐᓄᑦ.
• ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑲᐅᙱᓕᐅᕈᑕᐅᔪᑦ: ᐆᒻᒪᑎᒥᒃ ᐊᒻᒪᓗ ᐳᕙᖕᓂᒃ ᐊᑑᑎᖃᖅᑎᑦᑎᑦᑎᐊᕈᓐᓃᕐᓗᓂ, ᓂᕆᔾᔪᑎᓂᒃ ᐊᑲᐅᙱᓕᐅᕈᑕᐅᔪᓂ, ᐊᒻᒪ ᒥᒃᖠᒋᐊᖅᑐᒥ ᑎᒥᖓ ᖁᐃᒃᑎᔭᓐᓂᖓᓂ. 

ᐃᖅᑲᓇᐃᔭᖅᑎᖁᑎᓕᐅᑉ ᐱᔭᒃᓴᕆᔭᖏᑦ

ᐋᓐᓂᕐᓂᐅᔪᒥᑦ ᐱᑎᑦᑎᑦᑕᐃᓕᒪᓂᕐᒧᑦ ᐅᕝᕙᓘᓐᓃᑦ ᐋᓐᓂᐊᕐᓇᒥᒃ ᐱᔾᔪᑎᖃᖅᑐᒥ ᐊᑯᓂᓗᐊᕌᓗᒃ ᐃᒃᓯᕚᖅᐸᖕᓂᖓᓂ ᐃᖅᑲᓇᐃᔭᕐᕕᖕᒥ, ᐃᖅᑲᓇᐃᔭᖅᑎᖁᑎᓕᑦ ᑐᓂᓯᔭᕆᐊᖃᖅᐳᑦ ᐃᖅᑲᓇᐃᔮᒧᑦ ᖃᓄᐃᓕᐅᕐᓂᐅᔪᓂ, ᓴᓇᕐᕈᑎᑦ, ᐱᓕᕆᔾᔪᑎᑦ, ᐊᒻᒪ ᐱᓕᒻᒪᒃᓴᐃᓂᕐᓂ ᐱᔭᕆᐊᓕᖕᓂ ᐋᓐᓂᕐᓂᖃᖅᑕᐃᓕᒪᓂᕐᒧᑦ. ᖃᓄᐃᓕᐅᕈᑕᐅᓲᑦ ᐃᑲᔪᕐᓂᕐᒧᑦ ᐃᖅᑲᓇᐃᔭᖅᑎᑎᑦ ᐊᑦᑕᓇᔾᔭᐃᖅᓯᒪᓂᕐᒧᑦ:

• ᐱᓕᒻᒪᖅᓴᐃᓗᒋᑦ ᐃᖅᑲᓇᐃᔭᖅᑎᑎᑦ ᐃᓕᓴᖅᓯᓂᕐᒧᑦ ᓇᓗᓇᐃᒃᑯᑕᐅᔪᓂ ᐋᓐᓂᕐᓂᐅᔪᒥᑦ. ᑕᐃᒪᐃᑦᑐᓐᓇᖅᐳᑦ ᐊᑯᓂᐅᔪᒥ, ᑕᐃᒫᒃ ᐱᒻᒪᕆᐅᕗᖅ ᐃᖅᑲᓇᐃᔭᖅᑏᑦ ᐃᒻᒥᖕᓂ ᖃᐅᔨᓴᕈᓐᓇᕐᓗᑎᒃ ᐱᓕᕆᕙᖕᓂᖏᓐᓂ ᐋᖅᑭᒃᓯᒪᓂᖏᓐᓂ ᐊᒻᒪ ᑎᒥᒥᒍᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ.
• ᑐᓂᓯᕙᒡᓗᑎᑦ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᓂᑦ ᐊᔭᐅᕆᔪᒥᒃ ᓴᓇᔨᐅᔪᓂ ᐊᓯᔾᔩᒐᔪᖕᓂᖏᓐᓂ ᐋᖅᑭᒃᓯᒪᓂᖏᓐᓂ.
• ᐃᓱᒪᒋᔭᖃᕐᓗᓂ ᐋᖅᑭᒋᐊᓲᒥᒃ ᐅᕝᕙᓘᓐᓃᑦ ᓴᖑᓴᕋᐃᑦᑐᒥ ᐃᖅᑲᓇᐃᔮᒧᑦ ᐱᓕᕆᕝᕕᖓᓂ ᐊᓯᔾᔨᕈᓐᓇᖅᑐᒥ ᑭᐅᔪᓐᓇᕐᓂᕐᒧᑦ ᐃᖅᑲᓇᐃᔭᖅᑎᐅᑉ ᐱᔭᕆᐊᖃᖅᑕᖏᓐᓄᑦ.
• ᓴᖅᑭᑎᑦᑎᓗᑎᑦ ᐱᓕᕆᓂᕐᒧᑦ ᐃᓕᖅᑯᓯᐅᔪᒥ ᕿᑲᓚᐅᑲᖕᓂᐅᔪᓂ ᐊᔭᐅᕆᔭᐅᕙᖕᓂᖏᓐᓂ. ᐃᖅᑲᐃᑎᑦᑎᒐᔪᒡᓗᑎᑦ ᐃᖅᑲᓇᐃᔭᖅᑎᓂᑦ ᕿᑲᓚᐅᖓᓐᓂᐅᔪᒥ ᖃᕋᓴᐅᔭᒥ ᐃᓚᒋᔭᐅᓂᖓᓂ ᖃᓄᐃᙱᑦᑎᐊᖅᑐᒧᑦ ᐊᒻᒪ ᐱᓕᕆᑦᑎᐊᕈᓐᓇᕐᓂᕐᒧᑦ ᐃᖅᑲᓇᐃᔭᕐᓂᐅᔪᒥ ᐅᓪᓗᖓᓂ.
• ᑐᓂᓯᕙᒡᓗᑎᒃ ᑕᑯᒃᓴᐅᔪᒥ ᐃᖅᑲᐃᔾᔪᑎᐅᔪᓂ ᐃᖅᑲᓇᐃᔭᖅᑎᖕᓄᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒻᒪ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᐱᕙᓪᓕᐊᑎᑦᑎᓯᒪᕗᑦ ᓂᕕᙵᑕᓂᑦ ᐃᖅᑲᓇᐃᔭᕐᕕᖏᑕ ᐱᓕᕆᕝᕕᖏᓐᓄᑦ:  ᐃᒃᓯᕚᕐᓂᖅ ᐃᖅᑲᓇᐃᔭᕐᕕᖕᒥᑦ 

ᐋᓐᓂᕐᓂᐅᔪᑦ ᐱᔾᔪᑎᖃᖅᑐᒥ ᐊᑭᓂᐅᓗᐊᖅᑐᒥ ᐃᒃᓯᕚᕐᓂᐅᔪᒥ ᐱᑎᑕᐅᑦᑕᐃᓕᒪᔪᓐᓇᖅᐳᑦ. ᐃᖅᑲᓇᐃᔭᖅᑎᖁᑎᓖᑦ ᐊᒻᒪ ᐃᖅᑲᓇᐃᔭᖅᑏᑦ ᐱᓕᕆᖃᑎᒌᒍᓐᓇᖅᐳᑦ ᐱᑎᑦᑎᑦᑕᐃᓕᒪᓂᕐᒧᑦ ᐋᓐᓂᕐᓂᐅᔪᓂᑦ ᖃᓄᐃᙱᑦᑎᐊᖅᑐᒃᑯᑦ ᑎᒥᒧᑦ ᐃᓗᐊᖅᓯᔾᔪᑎᓄᑦ ᐊᑐᖅᑕᐅᕙᒃᑐᓂ.

ᐊᐅᓚᑦᑎᓂᕐᒧᑦ ᑲᑎᒪᔨᑦ ᖃᐅᔨᓴᓚᐅᖅᑐᑦ ᐊᒻᒪ ᓈᒻᒪᒋᓪᓗᒋᑦ ᐅᑯᐊ ᐊᑐᐊᒐᐃᑦ ᐊᒻᒪ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᒫᔾᔨ 2020 ᑲᑎᒪᑎᓪᓗᒋᑦ, ᐊᒻᒪᓗ ᔫᓂ 2020−ᒥ ᑲᑎᒪᑎᓪᓗᒋᑦ:

• 02.01, ᐃᖅᑲᓇᐃᔭᕐᕖᑦ ᖃᐅᔨᓴᖅᑕᐅᓂᖏᑦ
• 02.11, ᓯᕗᓂᐊᒍᑦ ᐊᒻᒪᓗ ᑐᕌᖓᖃᓯᐅᑎᔪᑦ ᐃᖅᑲᓇᐃᔭᖅᑎᖁᑎᓖᑦ
• 02.12, ᐃᖅᑲᓇᐃᔭᕐᕖᑦ ᓈᒻᒪᒋᔭᐅᓃᑦ
• 04.02, ᐃᓅᓕᓴᖅᑕᐅᓂᕐᒧᑦ ᐊᒻᒪᓗ ᑐᕌᖓᖃᓯᐅᑎᔪᑦ ᐊᑭᖏᑦ
• B.10, ᐱᓕᕆᕝᕕᖕᒥ ᐅᓗᕆᐊᓇᖅᑐᒥᑦ ᐊᐅᓚᑕᐅᓂᖓᓄᑦ
• B-004, ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᖅᑎᑦᑎᔨᓄᑦ ᐊᑭᓖᔾᔪᑎᐅᔪᓄᑦ
• 08.01, ᕿᒥᕐᕈᓂᕐᒥᑦ ᐃᓱᒪᓕᐅᕈᑕᐅᔪᓂᒃ
• B.6, ᑮᓇᐅᔭᓂ ᐊᑐᖅᑐᒃᓴᓂ ᐊᒻᒪᓗ ᑮᓇᐅᔭᑦ ᐊᑐᖅᑕᐅᕙᓪᓕᐊᔪᑦ ᐊᐅᓚᑦᑎᔾᔪᑏᑦ  

ᑕᑯᒋᐊᕐᓗᒍ ᑖᓐᓇ WSCC Policy Manual (ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ) ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ Governance Council Directives (ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ) ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦ ᑐᑭᒧᐊᕈᑎᓂ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖓ ᒪᑐᓯᒪᓛᖅᐳᖅ ᓯᕕᒃ ᕿᑲᕐᓇᒥ ᓇᒡᒐᔾᔭᐅᒥ, ᐋᒡᒌᓯ 3−ᒥ, ᐊᒻᒪᓗ ᒪᑐᐃᒃᑲᓂᕐᓂᐊᖅᑐᓂ ᐊᐃᑉᐹ, ᐋᒡᒌᓯ 4−ᒥ ᐅᓪᓛᒃᑯᑦ 8:30−ᒥ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ  ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.