SHARE:  
Join Our Email List
ᔪᓚᐃ 2022
‌
ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ 
ᑭᕕᒃᓯᓂ ᖁᐊᕐᓵᕐᓇᙱᑦᑐᒥᒃ ᐃᖅᑲᓇᐃᔭᖅᕕᒃᒥᓐ
ᑕᐃᒫᖑᖏᑦᑐᖅ ᑭᕕᔅᓯᓂᖅ, ᐊᐅᓚᑦᑎᓂᖅ, ᐅᕝᕙᓘᓐᓃᑦ ᐊᔾᔭᖅᓯᓂᖅ ᑭᓱᑐᐃᓐᓇᕐᒥ ᐃᖅᑲᓇᐃᔭᕐᕕᒻᒥ ᐋᓐᓂᓇᕈᓐᓇᖅᑐᑦ, ᐊᑯᓂᐅᔪᒧᑦ ᐋᓐᓂᖅᓯᒪᓂᐅᔪᑦ ᓄᑭᓄᑦ ᐊᒻᒪ ᓇᒡᒍᐊᓄᑦ ᑕᐃᔭᐅᔪᑦ ᓄᑮᑦ ᓴᐅᓂᕐᒨᖓᔪᑦ ᐋᓐᓂᕐᓂᐅᔪᑦ (MSI). ᐊᑦᑕᓇᕈᑎᐅᔪᓐᓇᖅᑐᑦ ᐋᓐᓂᓂᕐᒧᑦ ᖁᕝᕙᕆᐊᖃᑦᑕᖅᑐᑦ ᐅᑯᓪᓗᓂ, ᓴᖑᑳᓪᓚᑦᑐᓂ, ᐊᕝᔭᓯᓪᓗᓂ ᐅᓯᓕᖅᓱᐃᓂᖅ ᐅᖁᒪᐃᓗᐊᖅᑎᓪᓗᒋᑦ ᐊᒻᒪ ᐊᑲᐅᖏᑦᑐᑦ ᖃᓄᐃᓕᖓᓂᐅᔪᑦ ᐱᑕᖃᖅᑎᓪᓗᒋᑦ. 

ᐃᖅᑲᓇᐃᔭᕐᑎ ᑭᕕᒃᓯᓇᓱᖕᓂᒃᑯᑦ ᓈᒻᒪᙱᓕᐅᕈᑎᖃᑐᐃᓐᓇᕆᐊᓕᒃ, ᑭᓯᐊᓂᓕ ᐃᖅᑲᓇᐃᔮᖃᖅᑐᓂᒃ ᒪᑯᐊ ᐃᒡᓗᓕᐅᕐᓂᕐᒧᓐ ᐃᑲᔪᖅᑎᐅᕙᒃᑐᑦ ᐊᒻᒪ ᐃᖅᑲᓇᐃᔭᖅᑎᒋᔭᐅᔪᑦ, ᐱᓕᕆᕝᕕᖕᓄᑦ ᐊᒻᒪ ᓱᕋᒃᓯᒪᔪᓕᕆᓂᕐᒧᑦ ᐊᐅᓚᑦᑎᔩᑦ, ᓴᓗᒻᒪᕐᓴᐃᔩᑦ ᐊᒻᒪ ᐃᒡᓗᓂ ᑲᒪᔨᐅᕙᒃᑐᑦ, ᓂᐅᕕᕐᕕᖕᓂ ᐱᓕᕆᐊᖃᕐᑐᑦ ᐊᒻᒪ ᐃᓚᖏᑦ ᐋᓐᓂᐊᖅᑐᓕᕆᓂᕐᒥᒃ ᐱᓕᕆᐊᖃᖅᑐᑦ.

ᐃᖅᑲᓇᐃᔭᖅᑎᑦᑎᔪᑦ ᐊᑦᑕᓇᐃᖅᓯᒪᓂᕐᒧᑦ ᐸᕐᓇᐅᑎᖃᕆᐊᓖᑦ ᐊᑦᑎᓪᓕᒋᐊᕐᓗᒍ ᐊᑦᑕᓇᕈᑎᐅᔪᓐᓇᖅᑐᑦ ᐊᑦᑐᐊᓂᓖᑦ ᐊᔾᔭᖅᓯᓪᓗᓂ ᐊᐅᓚᑦᑎᓪᓗᓂ ᓱᓇᑐᐃᓐᓇᕐᓂᑦ. ᑐᑭᓕᐅᑎᓗᒍ:

  • ᐃᖅᑲᓇᐃᔭᖅᑏᑦ ᓈᒻᒪᑦᑐᒥ ᓱᓇᒃᑯᑖᖃᖅᑎᓪᓗᒋᑦ, ᐆᑦᑑᑎᒋᓗᒍ, ᐊᑐᖅᑕᐅᓂᖓ ᐊᐅᓚᐅᑎᒨᖅᑐᖅ ᑭᕕᑦᑎᔾᔪᑎ ᐊᐅᓚᑦᑎᓂᕐᒧᑦ ᐅᖁᒪᐃᑦᑐᓂᑦ ᐅᕝᕙᓘᓐᓃᑦ ᐊᑲᐅᖏᑦᑐᓂ ᐅᓯᔭᐅᔪᓂᑦ. 
  • ᐋᖅᑭᒋᐊᕐᕕᖃᖅᑎᓪᓗᒍ ᐊᑦᑎᓪᓕᒋᐊᕐᓗᒍ ᐅᖁᒪᐃᓐᓂᖓ ᐅᕝᕙᓘᓐᓃᑦ ᖁᕝᕙᕆᐊᕐᓗᒍ ᖁᕝᕙᓯᓐᓂᖓ ᐅᓯᔭᐅᔪᖅ ᑭᕕᒡᒐᓇᖏᓂᖅᓴᐅᓂᐊᕐᖓᑦ.
  • ᐃᖅᑲᓇᐃᔭᖅᑎᐅᔪᑦ ᐅᖁᒪᐃᓗᐊᖅᑐᓂᒃ ᑭᕕᒃᓯᑎᑦᑕᐃᓕᓗᒍ, ᑎᒍᒥᐊᖅᑕᐃᓕᓗᓂ ᐅᕝᕙᓘᓐᓃᑦ ᐅᖁᒪᐃᓗᐊᖅᑐᒥᒃ ᐊᓯᐊᓄᙵᐅᑎᑦᑕᐃᓕᓗᒍ, ᐊᖏᓗᐊᖅᑐᒥᓪᓘᓐᓃᑦ ᐅᕝᕙᓘᓐᓃᑦ ᑎᒍᒥᐊᒐᕐᓂᙱᓗᐊᖅᑐᒥᒃ. 
  • ᐃᓕᓐᓂᐊᑎᑦᑎᓂᖃᕐᓗᑎ ᓈᒻᒪᑦᑐᓂ ᐊᑐᖅᑕᐅᔭᕆᐊᓕᓐᓂᑦ ᐊᑦᑕᓇᖏᑦᑐᒥ ᑭᕕᑦᑎᓂᕐᒧᑦ, ᑎᒍᒥᐊᓂᕐᒧᑦ ᐊᒻᒪ ᐊᐅᓪᓛᑎᑦᑎᓂᕐᒧᑦ ᐅᖁᒪᐃᑦᑐᓂ ᐅᓯᔭᐅᔪᓂᑦ.

ᐅᕗᓐᖓᕐᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᒪᑉᐱᒐᖅ ᑐᑭᓯᒋᐊᒃᑲᓐᓂᕈᒪᒍᑯᑦ ᐊᒻᒪ ᑭᓱᓕᕆᔾᔪᑎᓄᑦ ᑭᕕᑦᑎᓂᕐᒧᑦ ᐊᑦᑕᓇᖏᑦᑐᒥᑦ.
ᐱᖃᑕᐅᓯᒪᔪᓄᑦ ᐃᓚᐅᑎᑦᑎᓂᕐᒧᑦ ᑲᑎᒪᔨᕋᓛᓂᒃ (SEC) ᑭᒡᒐᖅᑐᐃᔨᑦ
ᐃᓚᒋᔭᐅᓕᕆᑦ ᑲᑎᒪᔨᕋᓛᓄᑦ!
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᓴᕐᕕᖃᕈᒪᔪᑦ ᐃᓄᓐᓂᑦ ᐱᔪᒪᓂᖃᑦᑎᐊᖅᑐᓂᑦ ᐊᑦᑕᓇᐃᖅᓯᒪᓂᕐᒧᑦ. ᑐᓴᖅᑎᑦᑎᓂᓯ ᐱᔭᐅᔭᕆᐊᖃᖅᑐᑦ ᐃᑲᔪᕐᓗᑎ ᑖᒃᑯᐊ ᐊᑐᐊᒐᕗᑦ, ᐱᓕᕆᐊᕗᑦ, ᐊᒻᒪ ᑭᓱᓕᕆᔾᔪᑎᕗᑦ ᐱᔪᓐᓇᕐᓗᑎ ᐅᑭᐅᑕᖅᑐᒥ ᐃᖅᑲᓇᐃᔭᕐᕕᐅᔪᓂᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᕿᓂᓕᕐᒪᑕ ᓄᑖᓂ ᐃᓚᐅᔪᒃᓴᓂᒃ ᐊᔾᔨᒌᙱᑦᑑᑎᓂᒃ ᑭᒡᒐᖅᑐᔨᐅᓇᔭᖅᖢᑎᒃ, ᐃᓚᖃᕐᖢᓂ ᐃᖅᑲᓇᐃᔭᖅᑎᓂᒃ, ᐃᖅᑲᓇᐃᔭᖅᕕᒃᓂᒃ, ᐊᒻᒪ ᐃᓚᒋᔭᐅᔪᓂᒃ ᑭᒃᑯᑐᐃᓐᓇᓂᒃ, ᓄᓇᑦᓯᐊᕐᒥ ᐊᒻᒪ ᓄᓇᕗᒥᓗ.

ᐱᔪᒪᓂᖃᕈᕕᑦ ᑖᔅᓱᒥᖓ ᐱᕕᔅᓴᑦᑎᐊᕙᒻᒥᑦ, ᖃᐅᔨᒋᐊᕐᕕᖃᕆᑦ! ᐊᐅᓪᓚᑎᓪᓗᒋᑦ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ, ᑎᑎᖅᑲᖅ ᐱᖃᓯᐅᑎᓗᒍ ᐅᖃᖅᑐᓂ ᓱᒻᒪᑦ ᐃᓚᒋᔭᐅᔪᒪᒻᒪᖔᖅᐱᑦ ᐱᖃᑕᐅᓯᒪᔪᓄᑦ ᐃᓚᐅᑎᑦᑎᓂᕐᒧᑦ ᑲᑎᒪᔨᕋᓛᓂᑦ (SEC) ᐅᕗᖓ SEC@wscc.nt.ca.

ᐱᖃᑕᐅᓯᒪᔪᓄᑦ ᐃᓚᐅᑎᑦᑎᓂᕐᒧᑦ ᑲᑎᒪᔨᕋᓛᓂᑦ (SEC) ᐃᓚᒋᔭᐅᔪᑦ ᐊᕐᕌᒍᒥ ᑎᓴᒪᐃᕐᖢᑎᒃ ᑲᑎᒪᔾᔪᑎᑖᖃᑦᑕᖅᐳᑦ $275-ᒥᑦ ($1,100 ᐊᕐᕌᒍᒧᑦ), ᒪᓕᒃᖢᓂ ᐃᓚᐅᓂᕆᕙᒃᑕᖏᓐᓂᒃ. ᐃᓚᒋᔭᐅᓐᓇᖅᑐᖅ ᐊᕐᕌᒎᖕᓂ ᒪᕐᕉᖕᓂᒃ.
ᓯᕿᓂᕐᒧᑦ ᐊᑦᑕᓇᐃᖅᓯᒪᓂᖅ ᐃᖅᑲᓇᐃᔭᖅᑐᓂᒥ ᓯᓚᒥ
ᖃᐅᔨᒪᓗᒋᑦ ᐊᑦᑕᓇᕈᑎᐅᔪᓐᓇᖅᑐᑦ ᐃᖅᑲᓇᐃᔭᓂᕐᒧᑦ ᐅᖅᑰᔪᒥᑦ 
ᐃᖅᑲᓇᐃᔭᖅᑎᖃᕈᕕᑦ ᓯᓚᒦᖃᑦᑕᖅᑐᓂᑦ ᐊᐅᔭᒃᑯᑦ, ᐱᒻᒪᕆᐅᔪᖅ ᐃᖅᑲᓇᐃᔭᖅᑎᓄᑦ ᐅᔾᔨᕈᓱᓪᓗᑎ ᐊᑦᑕᓇᕈᑎᐅᔪᓐᓇᖅᑐᓂᑦ ᐃᖅᑲᓇᐃᔭᓂᕐᒧᑦ ᐅᖅᑯᔪᒥᑦ.

ᑭᓲᕙ ᐅᖅᑰᔪᒧᑦ ᐋᓐᓂᐊᓂᖅ?

ᑕᓪᓕᒪᐅᔪᑦ ᖃᓄᐃᑦᑑᓂᖏᑦ ᐅᖅᑰᔪᒧᑦ ᐋᓐᓂᐊᓂᖅ: 

  1. ᑎᒥᖓ ᐆᓇᖅᓯᓗᐊᕐᓂᖅ – ᐱᒻᒪᕆᐅᓛᖑᔪᖅ ᐅᖅᑰᔪᒧᑦ ᐋᓐᓂᐊᕐᓂᐅᒧᓄᑦ. ᑕᐃᒪᐃᑦᑎᑕᐅᔪᖅ ᑎᒥ ᐆᓇᖅᓯᓗᐊᖅᑎᓪᓗᒍ.
  2. ᐆᓇᓗᐊᕐᓂᖓᓄ ᐳᕕᓕᖅᑐᑦ – ᐳᕕᓕᖅᑎᑦᑎᔪᑦ ᐊᒡᒐᓂᑦ, ᐃᓯᒐᓐᓂᑦ, ᐊᒻᒪ ᓯᖏᕐᓂᖅ.
  3. ᐆᓇᓗᐊᕐᓂᖓᓄᑦ ᕿᓗᔨᓂᐅᔪᑦ – ᐋᓐᓂᓇᖅᑎᑦᑎᔪᑦ ᕿᓗᔨᓂᐅᔪᓂᑦ ᓄᑭᓄᑦ ᐊᑐᖅᑕᐅᒐᔪᑦᑐᓄᑦ (ᓲᕐᓗ, ᑕᓕᖏᑦ, ᓂᐅᖏᑦ, ᐅᕝᕙᓘᓐᓃᑦ ᓈᖓ).
  4. ᐆᓇᓗᐊᕐᓂᖓᓄᑦ ᑕᖃᔪᑦ – ᑎᒥᖓ ᐃᒪᖃᖏᓗᐊᓕᕐᓂᖓᓄᑦ ᐊᒻᒪ ᑕᕆᐅᕐᒥᑦ.
  5. ᐆᓇᓗᐊᕐᓂᖓᓄᑦ ᐅᖓᕕᓂᖏᑦ ᐊᐅᐸᖅᓯᔪᑦ – ᐊᐅᐸᖅᑑᕙᑦᑐᑦ ᖃᑦᑎᓐᓂᖃᖅᑐᑎᑦ ᐅᖏᓚᓐᓇᑐᒻᒪᕆᒃ.

ᑭᓲᕙ ᖃᓄᐃᓐᓂᕆᔭᖏᑦ ᐅᖅᑰᔪᒧᑦ ᐋᓐᓂᐊᓂᖅ?

  • ᖃᐅᔨᒪᒍᓐᓃᑲᓴᖃᑦᑕᖅᑐᑦ ᐅᕝᕙᓘᓐᓃᑦ ᖃᐅᔨᒪᒍᓐᓃᖃᑦᑕᖅᑐᑦ;
  • ᒥᕆᐊᓐᖑᓂᖅ ᐅᕝᕙᓘᓐᓃᑦ ᒥᕆᐊᖃᑦᑕᕐᓂᖅ;
  • ᓂᐊᖁᕐᓕᖓᓂᖅ;
  • ᐃᒥᕈᐃᓐᓇᖅᑐᖅ;
  • ᐊᐅᒃᑲᓂᑲᓂᖓᖃᑦᑕᖅᑐᑦ;
  • ᖁᐃᖏᓂᖅᓴᐅᓕᖅᑐᑦ, ᐊᒻᒪ ᕿᓂᕐᑐᑎᑦ ᖁᔅᓱᖅᑐᐃᑦ ᐃᑎᕈᖏᑦ;
  • ᐊᐅᐸᖅᑐᖅ, ᐆᓇᖅᑐᖅ, ᐸᓂᖅᑐᖅ ᐅᕕᓂᖓ;
  • ᓴᔪᖃᑦᑕᕐᓂᐅᔪᑦ;
  • ᓇᓗᓂᐅᖅᑲᓂᐅᔪᑦ;
  • ᐊᓂᖅᓵᑐᕐᓂᖏᑦᑐᑦ ᐊᒻᒪ ᐆᒪᑎᖏᑦ ᑎᓪᓕᕐᓂᖏᑦ, ᐊᒻᒪ/ᐅᕝᕙᓘᓐᓃᑦ
  • ᓴᙲᑦᑐᑯᓘᓕᕐᓂᖅ.

ᖃᓄᐃᓘᕆᐊᖃᖅᑯᖓ ᐅᕙᓐᓄᑦ ᐅᕝᕙᓘᓐᓃᑦ ᐊᓯᓐᓄᑦ ᐊᑦᑕᓇᖅᑐᒦᑦᑐᓄᑦ ᐅᖅᑰᔪᒧᑦ ᐋᓐᓂᐊᓂᐅᔪᓄᑦ?

  • ᐃᒥᖃᑦᑕᕐᓗᑎᑦ ᐃᒥᕐᒥᑦ 15 ᒥᓂᑦᑕᒫᑦ, ᐃᒥᕈᓱᖏᒃᑲᓗᐊᕈᕕᑦ.
  • ᓇᓴᕐᒥ ᐊᑐᖅᐸᒡᓗᑎᒃ ᐊᒻᒪ ᕿᕐᓂᖏᑦᑐᓂ ᐊᓐᓄᕌᖅᓯᒪᕙᒡᓗᑎᕐ.
  • ᖃᐅᔨᒪᓗᒋᐊᕐᓗᒋᑦ ᖃᐅᔨᔪᑎᖏᑦ ᐅᖅᑰᔪᒧᑦ ᐋᓐᓂᐊᓂᕐᒧᑦ ᐊᓯᖏᓐᓂ.
  • ᑕᖃᐃᖅᓯᖅᐸᒡᓗᑎᒃ ᓯᕿᓂᕐᕕᐅᙱᑦᑐᒥ.
  • ᐅᖃᐅᓯᕆᓗᒋᑦ ᐋᓐᓂᐊᕈᑕᐅᖃᑦᑕᖅᑐᓄᑦ ᐅᖅᑰᓂᖓᓂ ᐋᓐᓂᐊᕐᓇᒥᒃ ᐃᕐᙲᓐᓇᑲᐅᑎᒋ.

ᖃᓄᐃᓕᐅᓪᓗᐊᖅᐸᑦ ᐃᖅᑲᓇᐃᔭᖅᑎᑦᑎᔩᑦ ᐃᖅᑲᓇᐃᔭᖅᑎᖏᑦ ᐊᑦᑕᕐᓇᙱᑦᑐᒦᖁᓪᓗᒋᑦ?

  • ᐃᓕᓐᓂᐊᑎᓪᓗᒋᑦ ᐃᖅᑲᓇᐃᔭᖅᑏᑦ ᖃᓄᐃᓐᓂᕆᔭᖏᓐᓂ ᐅᖅᑰᔪᒧᑦ ᐋᓐᓂᐊᓂᕐᒧᑦ ᐊᒻᒪ ᖃᓄᖅ ᐃᓕᓴᕆᔭᔅᓴᐅᒻᒪᖔᑕ ᖃᐅᔨᔾᔪᑎᖏᑦ ᐊᒻᒪ ᖃᓄᐃᓐᓂᕆᔭᖏᑦ ᑎᒥᖓ ᐆᓇᖅᓯᓗᐊᕐᓂᖓᓄᑦ ᐊᒻᒪ ᐆᓇᖅᑐᒧᑦ ᑕᖃᖅᑲᓂᖅ.
  • ᐱᑕᖃᖅᑎᑦᑎᕕᒋᓗᒋᑦ ᐃᖅᑲᓇᐃᔭᖅᑏᑦ ᓂᓪᓕᓇᖅᑐᓂᑦ, ᐃᒥᑦᑎᐊᕙᓐᓂᑦ ᐃᒥᕋᔅᓴᖃᕐᓗᑎ.
  • ᐱᑕᖃᖅᑎᑦᑎᕕᒋᓗᒋᑦ ᑕᕐᕋᓕᓂᖃᖅᑐᒥᑦ ᐃᖅᑲᓇᐃᔭᖅᑏᑦ ᓂᓪᓕᐅᒥᑎᓪᓗᒋᑦ.
  • ᑐᓂᓯᓗᒋᑦ ᐃᖅᑲᓇᐃᔭᖅᑏᑦ ᐃᑯᔅᓴᖃᖅᑎᓪᓗᒋᑦ ᐃᓕᑦᑐᕐᓗᑎ ᐅᖅᑰᒧᒥᑦ, ᐱᓗᐊᖅᑐᒥᑦ ᓄᑖᑦ ᐃᖅᑲᓇᐃᔭᖅᑏᑦ.
  • ᐊᑐᖅᑕᐅᓂᐊᖅᑐᓕᐅᕐᓂᑦ ᓯᓚᒥ ᐃᖅᑲᓇᐃᔭᓂᕐᒧᑦ ᐅᕝᕙᓘᓐᓃᑦ ᐊᔅᓱᕈᖅᑐᑎ ᐃᖅᑲᓇᐃᔭᓂᕐᒧᑦ ᐃᖅᑲᓇᐃᔭᕐᓂᐊᖅᑐᑎᑦ ᓂᓪᓕᓇᕐᓂᖅᓴᐅᑎᓪᓗᒍ ᐅᓪᓗᖓᓂ.
  • ᐊᑐᐃᓐᓇᕈᐃᓗᑎᑦ ᐆᓇᖅᑐᓄᑦ ᑕᖃᓂᕐᒧᑦ ᐸᕐᓇᐅᒻᒥᑦ ᐆᓇᖅᑐᒧᑦ ᐋᓐᓂᐊᑎᑦᑎᑦᑕᐃᓕᓗᓂ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒋᑦ ᒪᓕᒐᐃᑦ ᐊᑐᖅᑕᐅᕙᑦᑐᑦ ᐆᓇᖅᑐᓄᑦ ᖃᓄᐃᓐᓂᖏᓐᓄᑦ.
ᓇᖕᒥᓂᖅ ᐃᒡᓗᖃᖅᑎᓄᑦ ᐅᔾᔨᖅᓱᕐᓂᖅ
ᐊᑖᓂ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᕐᓂᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᑦ 
ᐊᖏᕋᕆᔭᐅᔪᑦ ᓴᓇᒋᐊᖅᑕᐅᓂᖏᑦ ᐊᒻᒪ ᓯᓚᒥ ᐱᓕᕆᐊᑦ ᐱᒋᐊᕐᓂᖃᖅᓯᒪᓕᖅᑐᑦ ᑕᒪᑐᒪᓂ ᐊᐅᔭᒥ. ᓴᓇᔪᓂᑦ ᐃᖅᑲᓇᐃᔭᖅᑎᖃᕈᕕᑦ, ᑳᓐᑐᕌᖅᑎᓂᑦ ᐅᕝᕙᓘᓐᓃᑦ ᐊᓯᖏᓐᓂ ᐃᖅᑲᓇᐃᔭᐃᓐᓇᖅᑐᑦ ᐅᕝᕙᓘᓐᓃᑦ ᐃᖅᑲᓇᐃᔭᑲᐃᓐᓇᖃᑦᑕᖅᑐᑦ ᐃᕝᕕᑦ ᐊᖏᕋᖓᓂ, ᖃᐅᔨᒋᐊᕐᕕᒋᓗᒋᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒻᒪ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᕐᓂᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᑦ ᖃᐅᔨᓗᒍ ᐱᖃᑕᐅᒻᒪᖔᖅᐱᑦ ᐊᑖᓂ ᐃᖅᑲᓇᐃᔭᖅᑎᑦᑎᔨᓄᑦ ᖃᓄᐃᑦᑑᓂᖓᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᑕᑯᓂᐊᕐᕕᒋᓗᒋᑦ ᓇᒻᒥᓂᖅ ᐊᖏᕋᖃᖅᑐᒧᑦ ᑲᒪᒋᔭᕆᐊᓕᖏᑦ ᐅᖃᓕᒫᒐᕋᓛᑦ, ᐊᒻᒪ ᐅᕙᑦᑎᓐᓄᑦ ᐅᖃᓚᓗᑎᑦ ᐅᕙᓂ 1-800-661-0792 ᐊᐱᖅᑯᑎᓴᖃᕈᕕᑦ.
ᐊᑐᐊᒐᐃᑦ ᐊᓯᔾᔨᕐᓂᖏᑦ
ᐊᐅᓚᑦᑎᓂᕐᒧᑦ ᑲᑎᒪᔨᑦ. ᑐᑭᒧᐊᕈᑎᖏᑦ ᕿᒥᕐᕈᐊᖅᑕᐅᓚᐅᕐᒪᑕ ᐊᖏᖅᑕᐅᓪᓗᑎᒡᓗ ᐅᑯᐊ ᐊᑐᐊᒐᐃᑦ ᐊᒻᒪᓗ ᐊᐅᓚᑦᑎᓂᕐᒧᑦ ᑲᑎᒪᔩᑦ (GC) ᑐᑭᒧᐊᕈᑎᖏᑦ ᔫᓂ 2022-ᒥ ᑲᑎᒪᑎᓪᓗᒋᑦ:

  • ᐊᐅᓚᑦᑎᓂᕐᒧᑦ ᑲᑎᒪᔩᑦ ᑐᑭᒧᐊᕈᑎᖓ B-006, ᐊᐅᓚᑦᑎᓂᕐᒧᑦ ᑲᑎᒪᔩᑦ ᑲᑎᒪᔨᓄᑦ ᒪᓕᑦᑕᐅᔭᕆᐊᓖᑦ
  • ᐊᑐᐊᒐᖅ 00.01, ᐊᑐᐊᒐᖅ ᐱᕙᓪᓕᐊᑎᑕᐅᓂᖓ (ᐊᑎᕆᓚᐅᖅᑕᖓ: ᐊᑐᐊᒐᖅ 00.01, ᐊᑐᐊᒐᖅ ᓴᖅᑭᖅᑎᑕᐅᓂᖓ ᐊᒻᒪ ᐋᖅᑭᒋᐊᖅᑕᐅᓂᖓ) 
  • ᐊᑐᐊᒐᖅ 00.07, ᐱᓕᕆᑎᑦᑎᔪᒧᑦ ᐃᓚᒋᔭᐅᑎᑦᑎᓂᕐᒧᑦ ᐊᑐᐊᒐᖅ ᐱᕙᓪᓕᐊᑎᑕᐅᓂᖓᓄᑦ (ᐊᑎᕆᓚᐅᖅᑕᖓ: ᐊᑐᐊᒐᖅ 00.07, ᐱᓕᕆᑎᑦᑎᔪᒧᑦ ᐃᓚᒋᔭᐅᑎᑦᑎᓂᕐᒧᑦ)
  • ᐊᑐᐊᒐᖅ 00.09, ᐱᓕᕆᖃᑎᒌᓐᓂᐅᔪᑦ

ᑕᑯᒋᐊᕐᓗᒍ ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐊᒻᒪᓗ ᑖᓐᓇ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖓ ᐃᖃᓗᓐᓂ ᒪᑐᓯᒪᔪᖅ ᓇᒡᒐᔾᔭᐅᒥ, ᔪᓚᐃ 11, ᓄᓇᕗᑦ ᐅᓪᓗᖓ ᖁᕕᐊᒋᔭᐅᓂᖓᓄᑦ, ᐊᒻᒪ ᒪᑐᐃᒃᑲᓂᕐᓗᓂ ᐊᐃᑉᐱᖅ, ᔪᓚᐃ 12.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.
ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ, 5022 49th ᐊᖅᑯᑎ, ᑕᓪᓕᒪᖓᓐᓂ ᓇᑎᖓᓂ, ᕿᑎᐊᓂ ᑭᑉᐹᕆᒃᑐᖅ ᐃᒡᓗᐊᓗᒃ, ᑎᑎᖅᑲᕐᓂᐊᕐᕕᖓ 8888, ᔭᓗᓇᐃᕝ, ᓄᓇᑦᓯᐊᖅ X1A 2R3 ᑲᓇᑕ