ᒪᐃ 2017
ᐅᔭᕋᖕᓂᐊᕐᕕᖕᒥ ᐱᖏᖕᓇᖅᑐᓕᕆᑲᓴᐅᑎᓂᖅ 60-ᖑᖅᐳᖅ
ᐃᓚᐅᖃᑕᐅᒋᑦ: ᓯᕙᑖᕐᕕᒃ, ᔫᓂ 10 ᔭᓗᓇᐃᒥ

ᔭᓗᓇᐃᕝ, ᐱᕙᒌᔭᕆᑦ  #GEARUP: ᐊᕐᕌᒍᑕᒫᖅᓯᐅᑦ ᐅᔭᕋᖕᓂᐊᕐᕕᖕᒥ ᐱᖏᖕᓇᖅᑐᓕᕆᑲᓴᐅᑎᓂᖅ 60-ᖓᓂᑦ ᐊᕐᕌᒍᖃᓕᖅᐳᖅ, ᐊᑐᕐᓂᐊᓕᖅᖢᓂᓗ ᓯᕙᑖᕐᕕᒃ, ᔫᓂ 10-ᒥ! ᐊᓃᕐᓗᑎᑦ ᐊᓕᐊᓇᐃᑦᑐᓕᕿᔪᒪᒍᕕᑦ, ᐊᓯᐊᓂᑦ ᕿᓂᙱᒋᑦ: 8-ᖑᔪᑦ ᐅᔭᕋᖕᓂᐊᕐᕕᖕᒥ ᐱᖏᖕᓇᖅᑐᓕᕆᔩᑦ 7-ᖑᔪᓂᑦ ᐅᔭᕋᖕᓂᐊᕐᕕᖕᓂᑦ ᐅᑭᐅᖅᑕᖅᑐᒥᑦ ᖁᙱᐊᖅᑎᑦᑎᓛᖅᑐᑦ ᐅᔭᕋᖕᓂᐊᕐᕕᖕᒥ ᐱᖏᖕᓇᖅᑐᓕᕆᔾᔪᓯᖏᓐᓂᑦ ᑐᐊᕕᕐᓇᖅᑐᓕᕆᔾᔪᓯᖏᓐᓂᒡᓗ ᐱᒡᒍᓴᐅᑎᓗᑎᒃ ᑕᒪᐃᓐᓄ ᓄᓇᐅᑉ ᖄᖓᓂ ᓄᓇᐅᓪᓗ ᐊᑖᓂ ᓵᓚᒃᓴᐅᓯᐊᖑᓇᓱᐊᖅᑐᒥᑦ .

ᐃᓗᓕᖏᑦ


ᐅᓪᓗᖅ: ᓯᕙᑖᕐᕕᒃ, ᔫᓂ 10

ᓯᕿᓐᖑᔭᖅ: 9:00 ᐅᓪᓛᒃᑯᑦ 4:00 ᐅᓐᓄᒃᓴᒧᑦ ᑭᕙᓪᓕᐅᑉ ᓯᕿᙳᔭᖓ ᒪᓕᒡᓗᒍᑦ

ᓇᒥ: ᔭᓗᓇᐃᕝ ᐱᙳᐊᕐᕕᒡᔪᐊᖓᑦᑕ ᓄᓇᒃᑰᕈᑎᖃᕐᕕᖓᓂᑦ (41 Kam Lake Road)

ᑖᓐᓇ ᐃᓚᒌᓄᑦ−ᑐᙵᓇᖅᑐᖅ ᖁᙱᐊᕈᑕᐅᔪᓐᓇᕐᓂᐊᖅᑐᖅ ᓄᓇᑦᓯᐊᕐᒥᐅᓂᒃ, ᓄᓇᕗᒻᒥᐅᓂᒃ ᐊᓯᖏᓐᓂᒡᓗ ᖁᙱᐊᖅᑎᑦᑎᓗᑎᒃ ᐅᔭᕋᖕᓂᐊᕐᕕᖕᒥᑦ ᐊᑦᑕᕐᓇᖅᑐᒧᐊᖅᑕᐃᓕᔾᔪᓯᖏᓐᓂᑦ ᖃᓄᑯᓘᔭᖅ ᐱᒡᒍᓴᐅᑎᑎᓪᓗᒋᑦ. ᓄᓇᑦᓯᐊᕐᒥ ᓄᓇᕗᒻᒥᓗ ᐅᔭᕋᖕᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᐊᕐᕌᒍᑕᒫᖅᓯᐅᑎᖓᓂ ᐅᔭᕋᖕᓂᐊᖅᑎᓂᑦ ᓂᕆᖃᑎᒌᒃᑎᑦᑎᓂᐊᖅᑐᑦ, ᐊᑭᖃᙱᓪᓗᑎᒃ ᓂᕆᔭᒃᓴᑦ ᓂᐅᖅᑲᒐᒃᓴᓪᓗ ᑭᒃᑯᓕᒫᓄᑦ. ᑕᒪᑐᒪᓂ ᐊᕐᕌᒎᔪᖅ, ᐱᙳᐊᖅᑏᑦ ᒪᑯᐊᖑᓂᐊᖅᑐᑦ:

ᓄᓇᐅᑉ ᖄᖓᓂ ᐅᔭᕋᖕᓂᐊᖅᑏᑦ
  • ᐃᑳᑎ ᑕᐃᒪᓐ ᒪᐃᓐ − ᑕᒥᓂᐊᓐ ᑕᐃᒪᓐ ᑯᐊᐳᕇᓴᓐ
  • ᒑᓲ ᑭᐅ ᑕᐃᒪᓐ ᒪᐃᓐ − ᑎ ᐱᐅᔅ ᑲᓇᑕ ᐃᓐᒃ.
  • ᒥᑐᐹᓐᒃ ᒎᓗ ᒪᐃᓐ − ᐋᒡᓂᑯ ᐄᒍᓪ ᒪᐃᓐᔅ ᓕᒥᑎᑦ.
  • ᕕᒃᑐ ᑕᐃᒪᓐ ᒪᐃᓐ (ᐋᓐᑎᐊᕆᐅ) − ᑎ ᐱᐅᔅ ᑲᓇᑕ ᐃᓐᒃ.
ᓄᓇᐅᑉ ᐊᑖᓂ ᐅᔭᕋᖕᓂᐊᖅᑏᑦ
  • ᑕᐊᐃᐊᕕᒃ ᑕᐃᒪᓐ ᒪᐃᓐ − ᕇᐆ ᑎᓐᑑ ᓗᒥᑎᑦ.
  • ᐃᑳᑎ ᑕᐃᒪᓐ ᒪᐃᓐ − ᑕᒥᓂᐊᓐ ᑕᐃᒪᓐ ᑯᐊᐳᕇᓴᓐ
  • ᕼᐆᑉ ᐸᐄ − ᑏᒫᒃ ᕆᓱᐊᓯᔅ ᐃᓐᒃ.
  • ᒥᓕᐊᑏᓐ ᒎᓗ ᐳᕌᔾᔭᒃ − ᐋᒡᓂᑯ ᐄᒍᓪ ᒪᐃᓐᔅ ᓕᒥᑎᑦ.
ᖃᓄᐃᒻᒪ ᐅᔭᕋᖕᓂᐊᕐᕕᖕᓄ ᐱᖏᖕᓇᖅᑐᓕᕆᑲᓴᐅᑎᓂᖅ ᐱᒻᒪᕆᐅᕙ?

ᑐᙵᓇᖅᑐᒃᑯᑦ ᐱᒡᒍᓴᐅᑎᓂᖅ ᐃᓚᓗᒍᑦ, ᐅᔭᕋᖕᓂᐊᕐᕕᖕᓄ ᐱᖏᖕᓇᖅᑐᓕᕆᑲᓴᐅᑎᓂᖅ ᐱᒻᒪᕆᐅᕗᑦ ᐅᔭᕋᖕᓂᐊᖅᑏᑦ ᑲᑎᑦᑐᓐᓇᕐᒪᑕ ᖃᐅᔨᓴᖃᑦᑕᐅᑎᓗᑎᒃ ᑕᑯᓇᖃᑦᑕᐅᑎᓗᑎᒡᓗ ᖃᓄᖅ ᐃᖏᑦᕋᑦᑎᐊᕐᓂᕆᔭᖏᓐᓂᒃ ᖃᓄᖅ ᐱᐅᑎᒋᓂᖏᓐᓂᒡᓗ ᐅᔭᕋᖕᓂᐊᕐᕕᖕᓂ ᐱᖏᖕᓇᖅᑐᓕᕆᓂᕐᒧᑦ ᐱᒡᒍᓴᐅᑎᖏᑦ. ᐅᔭᕋᖕᓂᐊᕐᕕᖕᓂ ᐱᖏᖕᓇᖅᑐᓕᕆᑲᓴᐅᑎᓂᖅ ᐃᓕᓐᓂᐊᕈᑕᐅᖃᑦᑕᖅᐳᖅ ᐊᓯᖏᓐᓂᒃ, ᐊᑐᕈᓯᑦᑎᐊᕙᐅᓛᕐᓂᑦ ᖃᐅᔨᖃᑦᑕᐅᑎᕙᒃᖢᑎᒃ ᓄᑖᕐᓂᒡᓗ ᐊᑐᒐᒃᓴᓂᑦ ᖃᐅᔨᕙᒃᖢᑎᒃ, ᐊᑯᓂᐅᔪᒧᓪᓗ ᐊᑦᑕᕐᓇᙱᑐᒧᐊᕈᑕᐅᔪᓐᓇᖅᖢᓂᑦ ᓴᓇᔨᓄᑦ. ᑐᐊᕕᕐᓇᖅᑐᖅᑕᖃᓕᕐᓂᕈᓂᑦ, ᐱᔪᓐᓇᕐᓂᖃᑦᑎᐊᖅᑐᖅ ᐅᔭᕋᖕᓂᐊᖅᑎ ᑭᒃᑯᑐᐃᓐᓇᕐᓄᑦ ᐱᕕᑦᑎᐊᕙᐅᓛᖑᕗᖅ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᑦ ᐊᓐᓇᐅᒪᓇᓱᐊᕐᓂᕐᒧᓪᓗ.

60 ᐊᕐᕌᒎᒐᓗᐊᖅᑎᓪᓗᒍᑦ ᐅᑭᐅᖅᑕᖅᑐᒥᑦ, ᑭᓯᐊᓂ...

ᐱᕙᒌᔭᒃᓯᒪᔪᒃᑯᑦ ᐅᔭᕋᖕᓂᐊᕐᕕᖕᒥᑦ ᐱᖏᖕᓇᖅᑐᓕᕆᓂᖅ ᐱᑕᖃᐃᓐᓇᖅᐳᖅ ᑕᐃᒪᙵ 1900−ᖏᓐᓂᑦ ᐅᔭᕋᖕᓂᐊᕐᕖᑦ ᐃᖏᕐᕋᓕᕐᒪᑕᑦ. ᐊᑐᕐᓂᑯᒋᔭᐅᔪᑦ ᓄᓇᑦᓯᐊᕐᒥ ᓄᓇᕗᒻᒥᓗ ᐅᔭᕋᖕᓂᐊᕐᕕᖕᓂ ᑐᐊᕕᕐᓇᖅᑐᓕᕆᓂᕐᒧᑦ, ᔭᓗᓇᐃᕝ ᐃᑦᑕᕐᓂᓴᑐᖃᓕᕆᔨᖓ ᕋᐃᐊᓐ ᓯᐅᓪᒃ ᐅᓂᒃᑳᓚᐅᖅᑐᖅ ᓯᕗᓪᓕᕐᒥᑦ ᐅᔭᕋᖕᓂᐊᕐᕕᖕᒥ ᐱᖏᖕᓇᖅᑐᓕᕆᓂᕐᒧᑦ ᐱᓕᒻᒪᒃᓴᕐᕕᒃ ᐅᒃᑯᐃᖅᑕᐅᓚᐅᕐᓂᖓᓂ ᑯᐃᓐ ᓄᓇᖓᓂ W.E. ᒐᐅᕗᐊᑉ 1904-ᒥᑦ, ᑲᓇᑕᒥᓪᓗ ᑕᒥᓂᐊᓐ ᑰᓪ ᑲᒻᐸᓂᒥᑦ 1907−ᒥᓪᓘᓐᓃᑦ 1908-ᒥᓪᓘᓐᓃᑦ − ᓯᑦᓂ, ᓅᕙ ᓯᑰᓴᒥᑦ.

ᐅᑭᐅᖅᑕᖅᑐᒥᑦ, ᐅᔭᕋᖕᓂᐊᕐᕕᖕᓂ ᐱᕐᕈᓗᐊᕿᔪᖃᖃᑦᑕᖅᓯᒪᒐᓗᐊᖅᑎᓪᓗᒍᑦ ᐃᓅᔪᓐᓃᖅᑐᖃᖃᑦᑕᕋᓗᐊᖅᑎᓪᓗᒍᓗ ᐱᒋᐊᓕᓵᖅᑎᓪᓗᒋᑦ, ᐱᒋᐊᓪᓚᕆᓚᐅᙱᑦᑐᑦ ᐅᔭᕋᖕᓂᐊᕐᕕᖕᓂ ᐱᖏᖕᓇᖅᑐᓕᕆᔨᓂᒃ ᑭᓯᐊᓂ ᑭᖑᓪᓕᖓᓂ ᐅᓇᑕᕕᒡᔪᐊᓚᐅᖅᑎᓪᓗᒋᑦ, ᓄᓇᑦᓯᐊᕐᒥ ᐊᑦᑕᕐᓇᖅᑕᐃᓕᑎᑦᑎᓂᕐᒧᑦ ᑲᑎᒪᔩᑦ ᓴᖅᑭᓚᐅᖅᑎᓪᓗᒋᑦ 1947-ᒥᑦ. ᑖᓐᓇᐅᓚᐅᖅᐳᖅ ᐊᑦᑕᕐᓇᖅᑕᐃᓕᑎᑦᑎᓂᕐᒧᑦ ᑲᑎᒪᔩᑦ ᓂᐅᕕᓚᐅᖅᑐᑦ ᐅᔭᕋᖕᓂᕐᕕᖕᓄ ᐱᖏᖕᓇᖅᑐᓕᕆᔾᔪᑎᓂᒃ ᑎᑎᕋᙵᖅᖢᑎᒡᓗ ᓯᕗᓪᓕᖅᐹᖑᔪᒥᑦ ᓄᓇᑦᓯᐊᕐᒥ ᐅᔭᕋᖕᓂᕐᕕᖕᓄ ᐊᑦᑕᕐᓇᖅᑕᐃᓕᑎᑦᑎᓂᕐᒧᑦ ᐱᖁᔭᕐᒥᑦ 1947-48-ᒥᑦ, ᐋᖅᑮᓪᓗᑎᒃ ᐊᐅᓚᑕᐅᔪᓕᒫᓂᒃ ᐅᑭᐅᖅᑕᖅᑐᒥᑦ ᐅᔭᕋᖕᓂᐊᕐᕕᖕᓂᑦ.

1950 ᑎᑭᖦᖢᒍᑦ, ᐊᑦᑕᕐᓇᖅᑕᐃᓕᑎᑦᑎᓂᕐᒧᑦ ᑲᒪᑎᔩᑦ ᐱᔭᕇᖅᓯᑦᑎᐊᓚᐅᖅᑐᑦ ᓯᕗᓪᓕᖅᐹᖓᓂ ᐅᔭᕋᖕᓂᐊᕐᕕᖕᒥ ᐱᖏᖕᓇᖅᑐᓕᕆᕝᕕᖕᒥᑦ ᔭᓗᓇᐃᒥ. 1951 ᑎᑭᖦᖢᒍᑦ, ᐃᓕᓐᓂᐊᖅᑎᑦᑎᖃᑦᑕᓕᓚᐅᖅᑐᑦ ᐅᔭᕋᖕᓂᐊᕐᕕᖕᓂ ᐱᖏᖕᓇᖅᑐᓕᕆᓂᕐᒧᑦ ᐋᓐᓂᖅᑐᓂᒡᓗ ᑲᒪᒋᔭᖃᕈᓐᓇᕐᓂᕐᒧᑦ, ᐅᔭᕋᖕᓂᐊᕐᕕᖕᓂ ᐃᖅᑲᓇᐃᔭᖅᑎᓄᑦ ᐅᒃᑯᐃᖓᓪᓗᓂᑦ. ᑕᐃᒪᐃᒃᑲᓗᐊᖅᑎᓪᓗᒍᑦ, 1955 ᑎᑭᑕᐃᓐᓇᖅᖢᒍᑦ ᐅᔭᕋᖕᓂᖓᕐᕖᑦ ᐋᖅᑭᒃᓯᕙᓕᓚᐅᖅᑐᑦ ᐋᓐᓂᖅᑐᓂᒃ ᑲᒪᒋᔭᖃᕐᓂᑭᓴᐅᑎᓂᕐᒥᑦ. ᑕᒪᒃᑯᐊ ᐋᓐᓂᖅᑐᓂᒃ ᑲᒪᒋᔭᖃᕐᓂᑭᓴᐅᑎᓃᑦ ᐊᓯᔾᔨᓕᓚᐅᖅᑐᑦ ᐅᔭᕋᖕᓂᐊᕐᕕᖕᓂ ᐱᖏᖕᓇᖅᑐᓕᕆᓂᑲᓴᐅᑎᒧᑦ, ᓯᕗᓪᓕᖅᐹᒥᑦ ᐅᔭᕋᖕᓂᐊᕐᕕᖕᓂ ᐱᖏᖕᓇᖅᑐᓕᕆᓂᑲᓴᐅᑎᓪᓗᑎᒃ 1957-ᒥᑦ.

ᑕᐃᒪᙵ ᔭᐃᐊᓐᑦ ᒪᐃᓐᔅ ᓵᓚᖃᓚᐅᕐᒪᑕ ᓯᕗᓪᓕᖅᐹᖓᓂᑦ ᐅᔭᕋᖕᓂᐊᕐᕕᖕᓂ ᐱᖏᖕᓇᖅᑐᓕᕆᑲᓴᐅᑎᓂᕐᒥᑦ 1957-ᒥᑦ, ᐅᔭᕋᖕᓂᐊᕐᕖᑦ ᐅᑭᐅᖅᑕᖅᑐᒥᑦ ᐱᒡᒍᓴᐅᑎᕙᓕᓚᐅᖅᑐᑦ ᐊᕐᕌᒍᑕᒫᖅ. ᐃᓚᐅᖃᑕᐅᒋᑦ 60-ᒋᓕᖅᑕᖓᓄᑦ ᐊᕐᕌᒍᑦ ᓯᕙᑖᕐᕕᐅᓕᕈᓂᑦ, ᔫᓂ 10 ᐱᒋᐊᕐᓗᓂᑦ 9:00 ᐅᓪᓛᒃᑯᑦ 4:00 ᐅᓐᓄᒃᓴᒧᑦ ᖃᐅᔨᓇᓱᐊᕐᓗᒍᑦ ᑭᒃᑯ ᓵᓚᖃᕐᓂᐊᕐᒪᖔᑦ 2017-ᒥᑦ!

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᐃᓕᐅᕈᑕᐅᓂᐊᖅᑑᑉ ᒥᒃᓵᓄᑦ, ᑕᑯᒋᐊᕐᓗᒍᑦ ᐅᔭᕋᖕᓂᐊᖅᑎᓄᑦ ᐱᖏᖕᓇᖅᑐᓕᕆᑲᓴᐅᑎᓂᕐᒧᑦ ᑐᑭᓯᒋᐊᕐᕕᒃᐳᑦ. ᑕᑯᓂᐊᕈᒪᕙᑦᑎᒋᑦ ᑕᐃᑲᓂ!
ᓴᓇᔭᐅᕙᓪᓕᐊᓕᖅᑐᖅ
ᑲᑦᑐᖓᓗᒍᑦ ᐊᖁᑉᐸᒡᓗᒍᑦ ᐅᔾᔨᖅᓱᖅᐸᒡᓗᒍᑦ.

ᕿᓚᒻᒥᐅᓂᖅᓴᐅᓂᖓᓄᑦ ᐊᐅᔭᐅᖃᑦᑕᕐᓂᖓ ᑕᒫᓂ ᐅᑭᐅᖅᑕᖅᑐᒥᑦ, ᐱᕕᖃᓕᑐᐊᕌᖓᑦᑕ ᓴᓇᕙᓪᓕᐊᓕᖃᑦᑕᖅᐳᒍᑦ. ᒫᓐᓇᒧᑦ ᑎᑭᖦᖢᒍᑦ, ᐅᔾᔨᕈᓱᒃᑐᒃᓴᐅᕗᑎᑦ ᓴᓇᔩᑦ ᐱᓕᕆᐊᒃᓴᖃᓕᕐᓂᖏᓂᑦ ᓇᓂᕐᒥᐅᑕᐅᒐᓗᐊᕈᕕᑦ. ᐱᓕᕆᐊᒃᓴᕆᔭᑦ ᒪᓕᒡᓗᒍᑦ, ᒪᑯᐊ ᒪᓕᒋᐊᖃᖅᐳᑦ .

ᐊᖁᑎᐅᒍᕕᑦ:
  • ᐅᔾᔨᖅᓱᖅᐸᒡᓗᒍᑦ ᐊᐅᔭᐅᔪᖅ ᓴᓇᔩᑦ ᓇᓗᓇᐃᒃᑯᑕᖏᓐᓂᑦ ᓄᓇᓕᖕᓂᑦ.
  • ᐸᕐᓇᐅᑎᓕᐅᖅᐸᒌᖅᐸᒡᓗᒍᑦ ᐱᖃᓯᐅᑎᓗᒍ ᐊᖅᑯᑏᑦ ᓱᒃᑲᐃᑐᐃᓐᓇᕆᐊᖃᕐᓂᖏᑦ, ᐊᖅᑯᓪᓗᖕᓂᕋᐃᔪᓂᒡᓗ ᐅᔾᔨᖅᓱᖅᐸᒡᓗᒍᑦ.
  • ᑲᑦᑐᖅᐸᒡᓗᒍᑦ ᓴᓇᕝᕕᐅᔪᓂᒃ.
  • ᒪᓕᑦᑎᐊᖅᐸᒡᓗᒋᑦ ᐊᖅᑯᒻᒥᑦ ᒥᐊᓂᖅᓯᔩᑦ (TCP) ᐊᖅᑯᒻᒦᑎᓪᓗᒋᑦ ᓴᓇᕝᕕᐅᔪᓂᒃ.
ᓴᓇᔨᐅᒍᕕᑦ ᓴᓇᕝᕖᓪᓗ ᐊᒃᑑᑎᓯᒪᓂᐊᕈᓂᑦ ᐊᖅᑯᑎᓂᒃ:
         

ᐊᖅᑯᒻᒥᑦ ᒥᐊᓂᖅᓯᔨᐅᒍᕕᑦ:
  • ᖃᐅᔨᒪᓗᒍ ᖃᓄᐃᓕᐅᕈᑕᐅᔪᑦ ᓴᓇᕝᕕᐅᔪᒥᒃ, ᖃᓄᖅ ᐊᖅᑯᑏᑦ ᐊᒃᑑᑎᔭᐅᓂᐊᕐᒪᖔᑦ, ᖃᓄᕐᓗ ᐃᖏᕐᕋᑦᑎᐊᖅᑎᒋᓂᐊᕐᒪᖔᑦ ᓄᓇᓯᐅᑏᑦ.
  • ᑕᑯᒃᓴᐅᑦᑎᐊᕐᓇᖅᑐᓂᒃ ᐊᓐᓄᕌᖅᓯᒪᓗᒍᑦ ᐊᐃᖏᑦᑐᖅᓯᒪᓗᒍᓗ, ᐊᓯᖏᓐᓂᒡᓗ ᐃᒻᒥᒃ ᐸᐸᑦᑎᔾᔪᑎᓂᒃ (PPE) ᐊᑐᕆᐊᖃᕌᖓᑦ.
  • ᑐᑭᓯᓇᑦᑎᐊᖅᐸᒡᓗᒍᑦ ᐊᖁᑎᓄᑦ. ᐅᖃᐱᓗᖃᑎᖃᖅᑕᐃᓕᓗᒍᑦ ᐅᖃᓪᓚᖃᑎᖃᓗᐊᖅᑕᐃᓕᓗᒍᓘᓐᓃᑦ ᐊᖁᑎᓂᒃ; ᓴᓇᕝᕕᖕᒥ ᐊᖓᔪᖅᑳᒧᐊᖁᕙᒡᓗᒋᑦ ᐊᖁᑏᑦ ᐱᓗᐊᓕᕌᖓᑕ.
  • ᐅᔾᔨᖅᓱᖅᐸᒡᓗᒋᑦ ᓱᒃᑲᓴᓗᐊᖅᑐᑦ ᐊᑦᑕᕐᓇᑐᐃᓐᓇᕆᐊᓖᓪᓗ. ᓴᓇᕝᕕᖕᓂ ᑐᐊᕕᕐᓇᖅᑐᓕᕆᓂᕐᒧᑦ ᐸᕐᓇᐅᑏᑦ ᖃᐅᔨᒪᓗᒍᑦ.
  • ᑎᑎᕋᕐᕕᒃᓴᖃᐃᓐᓇᕐᓗᒍᑦ ᑎᑎᕋᖃᑦᑕᕈᒪᓗᒍᑦ ᖃᓄᐃᔾᔪᑕᐅᔪᓂᒃ, ᐅᓂᒃᑲᐅᓯᕆᔭᐃᓐᓇᕆᓗᒋᓗ ᐊᑦᑕᕐᓇᖅᑐᑦ ᐊᖓᔪᖅᑳᖕᓄᑦ. ᐊᑐᕐᓗᒍᑦ ᖃᓄᐃᔾᔪᑕᐅᔪᓄᑦ ᐅᓂᒃᑳᓕᐅᕈᑎᕗᑦ - ᑐᑭᓯᒋᐊᒃᑲᓐᓂᕐᕕᒋᑎᒍᑦ.
ᐃᖅᑲᐃᑎᑦᑎᔾᔪᑎ: ᒫᓐᓇᐅᓕᖅᑐᖅ
ᐃᖅᑲᓇᐃᔭᖅᑎᐅᑉ ᐅᓂᒃᑲᐅᓯᖓ ᐃᓕᙵᒃᑐᖃᕐᓂᖓᓄᑦ

ᓄᑖᖑᔪᖅ ᐃᖅᑲᓇᐃᔭᖅᑎᐅᑉ ᐅᓂᒃᑳᕈᑎᖓ ᖃᓄᐃᑦᑐᖃᖅᑎᓪᓗᒍᑦ ᑕᑕᑎᒐᖅ ᓴᖅᑭᔮᓕᖅᑐᖅ! ᐅᖃᐅᓯᐅᓚᐅᖅᑎᓪᓗᒍ ᑕᖅᑭᕆᓚᐅᖅᑕᑎᓐᓂᒃ ᐅᖃᓕᒫᒐᓕᐊᕆᓚᐅᖅᑕᑦᑕ ᐊᑦᑕᓇᖅᑕᐃᓕᒪᓂᕐᒧᑦ ᐋᖅᑭᒃᓯᒪᔪᑦ, ᒫᓐᓇᒫᖑᓂᖅᓴᐅᔪᖅ ᓴᖅᑭᑎᑦᑎᓂᐊᕋᑦᑕ ᓄᑖᖑᓂᖅᓴᒥᒃ ᐃᖅᑲᓇᐃᔭᖅᑎᓄᑦ ᐅᓂᒃᑲᐅᓯᐅᒍᓐᓇᖅᑐᓂᑦ ᐃᖅᑲᓇᐃᔭᕐᕕᐅᑉ ᐃᓗᐊᓂ ᖃᓄᐃᓐᓂᐅᓯᒪᔪᓂᒃ. ᐃᓕᖕᓄ ᐊᑲᐅᓈᖁᓪᓗᒍᑦ, ᑖᓐᓇ ᓄᑖᖅ ᑕᑕᑎᒐᒃᓴᖅ ᐃᓇᖐᕗᖅ ᐱᖓᓱᓂᒃ ᑕᑕᑎᒐᒃᓴᐅᓂᑯᓂᑦ: ᐱᕐᕈᓗᐊᕿᔪᑦ ᑎᒥᒥᒍᑦ ᐋᓐᓂᖅᑐᓄᑦ; ᐅᓗᕆᐊᓇᖅᑐᖃᓚᐅᖅᑎᓪᓗᒍᑦ; ᒫᓐᓇᐅᔪᕐᓗ ᐃᖅᑲᓇᐃᔭᕐᕖᑦ ᐅᓂᒃᑳᕈᑎᖓ ᐋᓐᓂᖅᑐᖃᖅᑎᓪᓗᒍᑦ .

ᑖᓐᓇ ᓄᑖᖅ  ᐃᖅᑲᓇᐃᔭᖅᑎᑦᑎᔪᓄᑦ ᐅᓂᒃᑳᓕᐅᕐᕕᒃ ᖃᓄᐃᓕᔪᖃᖅᑐᒥᓂᐅᓂᖓᓄᑦ   ᓈᕆᒋᐊᓕᒃ ᐸᐃᑉᐹᖅ ᓈᕆᒐᒃᓴᐅᒐᓗᐊᕐᒪᖔᖅ ᑐᓐᓂᖁᑕᐅᒍᓐᓇᕐᓗᓂᓗ ᖃᕋᓴᐅᔭᒃᑯᑦ. ᐅᓂᒃᑳᓕᐅᑐᐃᓐᓇᕐᓂᐊᕈᕕᑦ ᐊᑦᑕᓇᖅᑐᑦ ᖃᓄᐃᒍᓐᓇᕐᓂᖏᓐᓂ, ᐱᔭᕆᐊᖃᖅᑯᑎᑦ ᐱᔭᕆᕐᓗᒍ ᑖᓐᓇ ᒪᑉᐱᒐᖅ 1 ᓈᕆᒋᐊᓕᓐᓂᑦᑑᖅ.

ᐃᖅᑲᓇᐃᔭᕐᕕᒋᔭᖅ ᑐᓐᓂᖁᑎᖃᕆᐊᖃᖅᑯᑦ ᓈᕆᒋᐊᓕᒻᒥᒃ ᓈᕆᔭᐅᓯᒪᔪᒥᒃ ᖃᓄᐃᑦᑐᖃᖅᑐᒥᓂᐅᑉᐸᑦ ᐅᓪᓗᖅ ᐱᖓᓱᑦ ᐃᖅᑲᓇᐃᔭᕐᓇᐃᑦ ᐊᓂᒍᓚᐅᖅᑎᓐᓇᒋᑦ, ᐅᕝᕙᓘᓐᓃᑦ ᐱᕙᓪᓕᐊᓂᖃᕐᓂᐊᖅᑲᑕ ᖃᓄᐃᒍᑎᔅᓴᑲᓐᓂᕐᓂ ᓇᓗᓇᐃᖅᑕᐅᓯᒪᔪᓂᒃ  ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔩᑦ ᐱᖁᔭᖓᓂᑦ. ᐊᑎ, ᖃᐅᔨᒪᒋᐊᕆᑦ ᐅᓂᒃᑳᓕᐅᕐᓂᐊᕈᕕᑦ  ᐱᕐᕈᓗᐊᕿᔪᒧᑦ ᑎᒥᒃᑯᑦ ᐋᓐᓂᖅᑐᖃᕐᓂᕐᒧᑦ  ᐅᕝᕙᓘᓐᓃᑦ  ᐊᑦᑕᓇᕐᑐᑦ ᖃᓄᐃᒍᓐᓇᕐᓂᖏᑦ, ᐅᖄᓚᔭᕆᐊᖃᖅᑯᑎᑦ ᐊᑐᐃᓐᓇᐅᖏᓐᓇᖅᑐᒧᑦ ᐃᑲᕐᕋᑦ 24 ᖃᓄᐃᑦᑐᖃᖅᑐᒥᓂᕐᓄᑦ ᐅᖄᓚᕕᖓᓄᑦ ᐅᕗᖓ 1-800-661-0792  ᐱᔭᕆᐊᖃᓕᑐᐊᖅᑲᑦ   ᐊᒻᒪᓗ  ᑖᓐᓇ ᐸᐃᑉᐹᖅ ᓈᕆᒋᐊᓕᒃ ᑐᓐᓂᖅᑯᑎᒋᓗᒍ ᐅᓪᓗ ᐱᖓᓱᑦ ᐃᖅᑲᓇᐃᔭᕐᓇᐃᑦ ᐊᓂᒍᓚᐅᙱᓐᓂᖏᓐᓂ.

ᑕᑕᑎᕆᐊᓖᑦ ᑐᓐᓂᖅᑯᑎᒋᓗᒋᑦ ᐅᕗᖓ:
ᐱᑕᖃᑐᐊᕈᕕᑦ ᑐᕌᕈᑎᔅᓴᓂᒃ ᐅᕝᕙᓘᓐᓃᑦ ᐸᐃᑉᐹᓂ PDF ᐃᕝᕕᑦ ᖃᕋᓴᐅᔭᖓᓂᑦ ᑐᖅᑯᖅᓯᒪᔭᓐᓂ, ᐊᑎ ᐅᓪᓗᒥᒨᖓᔪᒥᒃ ᐃᓕᓯᖔᕐᓂᐊᖅᑯᑎᑦ ᐃᕝᕕᑦ ᖃᕋᓴᐅᔭᖓᑕ ᑐᖅᑯᕐᕕᖓᓄᑦ.

       
ᐳᐃᒍᖅᑕᐃᓕᓗᒍᑦ ᐅᓂᒃᑲᐅᓯᖃᕆᐊᖃᕐᓂᖅ ᐅᓗᕆᐊᓇᖅᑐᓂᒃ ᓴᓇᕝᕕᖕᓂᑦ
ᑕᐅᑐᒃᑯᕕᐅᒃ, ᐅᓂᒃᑲᐅᓯᕆᓗᒍ.

ᐊᐅᔭᙳᖅᐸᓪᓕᐊᓕᑕᐃᓐᓇᕐᒪᑦ, ᐅᔾᔨᕈᓱᖕᓂᐊᖅᑐᑎᑦ ᓴᓇᔪᖃᖅᐸᓪᓕᐊᓕᑐᐃᓐᓇᕐᓂᖓᓂᑦ. ᐃᖅᑲᓇᐃᔭᕐᕕᖕᒥ ᑲᒪᒋᔭᒃᓴᓕᕆᔾᔪᑎ (IRS) ᐅᕙᑦᑎᓐᓂᒃ ᐅᖃᐅᔾᔨᕗᖅ ᐊᑦᑕᕐᓇᖅᑐᒧᐊᖅᑕᐃᓕᒪᓂᖅ ᑭᒃᑯᑐᐃᓐᓇᐅᑉ ᑲᒪᒋᔭᒃᓴᕆᖕᒪᒍ; ᐱᓕᕆᐊᒃᓴᕆᕙᕗᑦ ᐊᓯᑦᑎᓐᓂᒃ ᐊᑦᑕᕐᓇᖅᑐᒧᐊᖅᑕᐃᓕᑎᑦᑎᓂᖅ. ᐊᑦᑕᕐᓇᖅᑐᓂᒃ ᖃᓄᐃᓕᐅᕈᑕᐅᔪᓂᑦ ᐃᓂᒋᔭᐅᔪᓂᒡᓘᓐᓃᑦ ᑕᑯᒍᕕᑦ, ᓴᓇᕝᕕᖕᒥᓘᓐᓃᑦ ᐅᓗᕆᐊᓇᖅᑐᒥᒃ, ᐅᓂᒃᑲᐅᓯᕆᓗᒍᑦ. ᐃᒡᓘᑉ ᖃᖓᓂ ᓴᓇᔪᒥᒃ ᑕᑯᕕᑦ ᐊᒃᑐᖏᐅᖅᑎᖅᓯᒪᙱᑦᑐᒥᑦ? ᐅᓂᒃᑲᐅᓯᕆᓗᒍᑦ. ᐃᓄᑐᐊᕐᒥᑦ ᓴᓇᔪᒥᒃ ᑕᑯᕕᑦ ᐊᒡᕖᖅᑎᕆᔪᒥᒃ ᓇᐹᖅᑐᓂᑦ ᓇᑉᐸᖅᑯᑎᓂᒃ ᐃᑲᔪᖅᑎᖃᙱᖦᖢᓂᑦ ᐊᖓᔪᖅᑳᑲᙱᖦᖢᓂᓘᓐᓃᑦ ᖃᓂᒋᔭᖓᓂ? ᐅᓂᒃᑲᐅᓯᕆᓗᒍᑦ.

ᑲᙳᓱᒃᑕᐃᓕᒋᑦ ᐅᓂᒃᑲᐅᓯᖃᕐᓂᕐᒥᑦ ᐊᑦᑕᕐᓇᖅᑐᓂᒃ ᓴᓇᕝᕕᐅᔪᓂᑦ ᑕᑯᔭᕐᓂᑦ ᑕᐅᑐᖕᓂᕈᕕᒡᓘᓐᓃᑦ ᐅᓗᕆᐊᓇᖅᑐᒃᑰᖅᑐᓂᑦ ᓄᓇᓕᖕᓂᑦ. ᐃᖅᑲᐅᒪᒋᑦ ᖃᐅᔨᔭᐅᓇᖏᑦᑐᒃᑯᑦ ᐅᓂᒃᑳᓕᐅᕈᑎᖃᖅᑐᒍᑦ ᐊᑦᑕᕐᓇᖅᑐᓂᑦ ᖃᕆᑕᐅᔭᒃᑯᑦ ᓇᓪᓕᐅᒃᑯᒫᓕᕆᔩᑦ ᐃᑭᐊᖅᑭᕕᖓᓂ. ᑕᑯᔪᒪᓗᒍᑦ, WSCC Connect -ᒧᐊᕐᓗᒍᑦ, ᐊᑦᑕᕐᓇᖏᑦᑐᒦᓐᓂᖅ ᖁᓛᓄᐊᕐᓗᒍᑦ, ᓇᕿᓪᓗᒍᓗ ᐅᓂᒃᑲᐅᓯᖃᕈᑎ.

ᐃᖅᑲᓇᐃᔭᕐᕕᖕᒦᒃᑯᕕᑦ, ᑕᐃᒪᐃᒃᑲᓗᐊᖅᑎᓪᓗᓂ, ᐳᐃᒍᖅᑕᐃᓕᒋᑦ ᓴᓇᔨᐅᑎᓪᓗᑎᑦ, ᐱᓕᕆᐊᒃᓴᕆᖅᑳᖅᑕᑦ ᐅᓗᕆᐊᓇᖅᑐᒥᑦ ᓴᓇᕝᕕᖕᒥᑦ ᑕᐅᑐᒃᑯᕕᑦ ᐅᓂᒃᑲᐅᓯᕆᔭᕆᐊᖃᕐᓂᕐᓄᑦ ᐊᖓᔪᖅᑳᕐᓄᑦ. ᑲᑐᑎᓗᓯ, ᐃᒡᕕᑦ ᐊᖓᔪᖅᑳᓪᓗ ᕿᒥᕐᕈᔪᓐᓇᖅᑐᓯ ᐅᓗᕆᐊᓇᖅᑑᔪᒥᒃ ᐋᖅᑭᒐᒃᓴᐅᙱᒃᑯᓂᓗ, ᐊᑐᕆᐊᓕᒃ ᐊᑐᓕᕐᓗᒍᑦ ᐅᓂᒃᑲᐅᓯᖃᕐᓂᖅ ᐊᑦᑕᕐᓇᖅᑐᒥᑦ ᐃᑭᐊᖅᑭᕕᑦᑎᒍᑦ.
ᐊᓪᓚᕝᕕᐅᑉ ᒪᑐᕕᒃᓴᖓ

ᓇᓪᓕᐅᒃᑯᒫᓕᕆᔩᑦ ᔭᓗᓇᐃᒥ ᐃᓅᕕᖕᒥᓪᓗ ᐊᒡᓚᒡᕕᖏᑦ ᐅᒃᑯᐊᖅᓯᒪᓂᐊᖅᑐᑦ 5:00 ᐅᓐᓄᒃᓴᒥᑦ ᐊᐃᑉᐹ, ᔫᓂ 20 ᓄᓇᖃᖅᑳᖅᑐᑦ ᐅᓪᓗᖓ ᐱᔾᔪᑎᒋᓗᒍ, ᐅᒃᑯᐃᒃᑲᓐᓂᕐᓗᓂᓗ ᕿᑎᖅᑰᑦ, ᔫᓂ 22 8:30 ᐅᓪᓛᑯᑦ.

ᐅᖄᓚᓗᑎᑦ 1-800-661-0792 ᖃᐅᔨᒃᑲᐃᔪᒪᓗᓂ ᐱᓂᕐᓗᑦᑐᖃᖅᐸᑦ ᐅᕙᓗ ᐋᓐᓂᖅᑐᖃᖅᐸᑦ ᐃᖅᑲᓇᐃᔭᕐᕕᒻᒥᑦ.
wscc.nt.ca   /  1.800.661.0792   *   wscc.nu.ca  /  1.877.404.4407