Qiqaiyaqluaqvia 2017
UYAGAHIUQVIKNI ANAKTUINIKKUT AKITTAQQTUT UKIUNGA 60NGUQTUQ
ILAUQATIGIIKLUTA: SAALUTI, IMMAKTIRVIA 10 YALUNAIMI

Yalunaimiut, upalungaiyagiti #HANAIYAGITI ( #GEARUP): una ukiunga Uyagaghiuqtut Anaktuinikkut Akitaqqutaut  60nguqtuq ukiunga, uvalu aulagutiniaqtut Saalutimi, Immaktirvia 10mi! Qiniqhiaguvin hilami hulidjutinik alianaqtunik, qiniguigit: iinik uyagaghiuqtinik iligiiktunik hamanga saivanit uyagaghiuqviknin tamaini Ukiuqtaqtumi tautuktitiniaqtut inmi uyagaghiuqtut anaktuidjutimingnik ayuitamingnik uvalu qilamiuqnikkut kiudjutitinik ayuittamingnik akitaqatigiilutik haffumunga Tamainun Qulaani uvalu Ataaninunap taktaghanik .

NAUNAIYAITIT


Ublua: Saaluti, Immaktirvia 10mi

Ubluqhiutaa: 9:00 ublaami hamunga 4:00 mun

Humi: Yalunaimi Ulapkiviup/Hilataani aghaluutiqaqvikmi nunap tapaa (41 Kam Lake Apkutaani)

Una ilagiit hulidjutaa tunihiyuq qungiaqtunun qungiagiangini iligiiktunik tamainin Nunatsiap, Nunaunmi, ahianilu tautuktitilutik inmi uyagaghiuqtut anaktuinikkut ayuittatik aalakiit ayuittiaqnikkut uuktuutit akitaqqutautit.  Nunatsiarmi Nunavunmi Uyaraghaqhiutiit ulapkipkainiaqtut inmi ukiumi Uyagaghiuqtit Nigiqatigiiklutik, akiitumik nigipkainiaqtut inungnik tamainun. Uvani ukiumi, iligiit hama:

Qulaanin iligiit
  • Ekati Diamond Minekut - Dominion Diamond Corporationkut
  • Gahcho Kué Diamond Minekut - De Beerkut Canada Inckut.
  • Meadowbank Gold Minekut - Agnico Eagle Minekut Ltd.
  • Victor Diamond Minekut (Ontario) - De Beers Canadakut Inc.
Nunap Ataani
  • Diavik Diamond Minekut - Rio Tintokut Ltd.
  • Ekati Diamond Minekut - Dominion Diamond Corporationkut
  • Hope Bay Gold Minekut - TMAC Resourceskut.
  • Meliadine Gold Projectkut - Agnico Eagle Minekut.
HUUQ UYAGAGHIUQTUT ANAKTUIYIT AKITAQQUTAUTIT AGHUUQNAQQAT?

Ilaliutilugu tiguaqniq quviahuuqatigiiklutik akitaqqutaut, uyagaghiuqvikmin akitaqtut aghuuqnaqtut uyagaghiuqtut attautimuklutik naunaiyaqlugit uvalu aadjiliuqlugit ihuaqniit uvalu qanuginiit inmi uyagaghiuqviknin anaktauinikkut ayuiqhautit. Uyagaghiuqtut anaktuinikkut akitaqqutautit pikaiyut iligiiktut ayuigiamingnik aalanin, ilauqatigiiklutik nakuuyumik atuqtatik uvalu nutaat havakviita hanaqidjutait, uvalu talvanga ikayuutauniaqtuq havaktut aaniqtailiniqmun. Qanugilikaalaktuqqaqat, ayuiqhimayut uyagaghiuqvikmin anaktuiyit iligiit tamaita nakuutqiaq qayangnautikkut uvalu anagiangani.

60 NGUQTUUGALUAQ UKIUNGIT UKIUQTAQTUMI, KIHIMI...

Ihuaqhaqtauhimayut uyagaghiuqtut anaktuidjutit atuqtauyut naavyaktuq hivitunia 20nguyuq hannait ukiungi uyagaghiuqtut havakhimaaqpaktut. Uvani Ingilgaaqnitani hapkua Nunatsiap uvalu Nunavunmi Uyagaghiuqtut Anaktuinikkut Hulidjut, Yalunaimiutaq ingilgaqnitaliqiyuq Ryan Silke uqautigiyaa hivuliq uyagaghiuqtut anaktuinikkut ayuiqhavighaat angmaqtauyuq uvani Englandmi haffuma  W.E. Garforth uvani 1904mi, uvalu Kanatami haffuma Dominion Coal Havakviat 1907 uvaluuniin 1908 - uvani Sydneymi, Nova Scotiami.

Ukiuqtaqtumi, kihiani ikitunik uyagaghiuqvikni aaniqtuqaqtut uvalu uniudjutauyut tuquhimayut atulihaani ukiuni, aulagutihimangitut uyagaghiuqviknun anaktuinikkut ilihditjutinik aulagutilihaaqhimayut taimaaqtilugit Nunaqyuami Anguyaktut IImi,humi Nunatsiaqmi Qayangnautikkut Katimayiinguqtut uvani 1947mi.  Hapkua Qayangnautikkut Katimayiit niuviqtait hivuliit uyagaghiuqvikni tamayait uvalu havakhugu hivuliq Nunatiaqmi Uyagaghiuqtunun Qayangnautitigut Maligaquvani 1947min-48mun, ihuaqhaqlugit tamaita auladjutait ukiuqtaqtumi uyagaghiuqviit.

Hamunga 1950mi, Qayangnautikkut Katimayiit nakuuyumik hivuliqmik uyagaghiuqtit anaktuinikkut ilihaqviit uvani Yalunaimi.  Hamunga 1951, ilihaidjutit hapkununga uyagaghiuqtinun anaktuinikkut uvalu hivuliq aanniqtuqarangat ıkayuitikhanik ilihaidjutit aulagutiyut, uvalu angmaumayut tamainun uyagaghiuqtit havaktiinun.  Kihimi, talvanga 1955mi hapkua uyagaghiuqtit aulagutiyut ihuaqhaiblutik iligiiktughanik haffumunga aanniqtuqarangat ıkayuitikhanik akitaqqutautinik. Hapkua  aanniqtuqarangat ıkayuitikhanik akitaqqutautit qanga imatunguqtitauyut uyagaghiuqtunun anaktuinikkut akitaqqutautinik, hivuliqhuutauyuq hivuliqmik uyagaghiuqtit anaktuinikkut akitaqqutautmik uvani 1957mi.

Talvanga Giant Minekut akimadjutaani hivuliqmi uyagaghiuqtut anaktuinikkut akitaqqutaut uvani 1957mi, uyagaghiuqtut tamainin Ukiuqtaqtumi talvungaupkaiyut iligiiktunik uuktugiamingnik talvani ukiuni uyagaghiuqnikkut anaktuinikkut akitaqqutautini. Katimaqatigiluta uvani  60nguyuq ukiunga uvani Saalutimi, Immaktirvia 10mihamanga 9:00ublaami 4:00mun takuyaangni kia agitiniaqaa nunaminun taktaq haffumani 2017mi!

Kangiqhitiagumaguvin qaiyumun hulidjtuinun, pulaaqlugu uvagut Uyagaghiuqtit Anaktuinikkut Akitaqqutautikkut kangiqhidjutainik. Nigiuktugut takulutit talvani!
HAVAKVIGHAQ UKIUQ AULAGUTIYUQ
AGHAALUUTITUQLUTIT KAYUMIITUMIK. KAYAGILUTIT.

Pidjutigiblugu naittuq auyami tatqiqhiutit hamani ukiuqtaqtumi, nutaqiunginayuitugut havangnaqtumi auyaq. Tadjali, ilihimayugut ilvit ilitugiyat hanaliqtut havaktaghanik aulagutiyut humili nunangni. Qanuginiatigut ilvit havaanun, hamma pitquyauyut maliktaghat .

Ilvit AGHALUUTITUQTIUGUVIN:
  • Ilitugihimalugit auyami havaktut naunaitkutait nunangni havaktunin.
  • Upalungaiyaqlutit hivumut aghaluutituqnikkut hivumuuqnikkut, qiniqhimalugit apqutit naunaitkutait.
  • Kayumiiqlutit hanayut hanaviini.
  • Pittiaqlugit hapkua Aghaluutituqnikkut Munaqhiyut Havaktut (TCP) munaqhiyut aghaluutinik uvalu naunaiqhaiyut takuyakkut havaktunun havakvikni.
Ilvit HAVAKTITIGUVIN uvalu havakviit nayugaa ihuigutiniaqqat apqutinik:
  • Aulagutitinagu havagahat, havaklutit uvalu piliuqlutit titiraqhimayumik Aghaluutit Munagidjutighainik Upalungaiyautinik munagidjutighainik havaktivit aghaluutit qayangnautainik.
  • Naunaiyaqlugit uvalu atuqlutit aghaluutit munagidjutighainik uvani havakvikmi: hapuqutinik; avatiqutit; kimadjaktaqtut kuliit; uvalu Aghaluutituqnikkut Munaqhiyut Havaktut (TCP) tikuaqtuqtuhgaq humuugutighainik aghaluutit.
  • Naunaiyaqlugit munaqhiyuq aghaluutinik ayuiqhaqhimayut uvalu taiguqhimablugit kangiqhimablugit Aghaluutituqnikkut Munagidjutighat Upalungaiyaqhimayut.
  • Pihimalugu ilvit Aghaluutinik Munaqhiyuq atimaluni aghut-tautuknaqtumik akugutaqmik uvalu tautuknaqtunik aanugaanik.
  • Tunilugit attautit havaktut Takuyaliqiyup Uniudjutinik Titiraqvighainik titiragiangini qanugilidjutit. Apigiluta ihagaihukuvin havakvikni.
         

Havaktiuguvin AGHALUUTINIK MUNAQHIGUVIN uvaluuniin TAKUYALIQIYIINGUGUVIN:
  • Ilihimalugu qanuginia havaktut havaktaat havakvikmi, qanuq apqutinik ihuigutiniaqqat, uvalu qanuq inungnun aghaluutituqniit ingilganiaqa.
  • Atimalutit takunaqtunik aangugaanik aalanik inmi aanilaitkutinik piyughaukpat.
  • Tunilugu naunaitunik atugahainik  aghaluutituqtunun.  Pitailutit qaniqlugit uvaluuniin uqaqatigilugit aghaluutituqtut; atanguyamungauqulugit aghaluutituqtut qanigighaqata.
  • Tautukhimalugit kayumiktumik aghaluutituqtut uvalu qayangnaqhitiniaqtut qanuginiit. Ilihimalugu havakvikpit qilamiuqnikkut upalungaiyautainik.
  • Pihimalutit titiraqvighamik uvaluuniin makpigaamik naunaitkutighamik ihuinaagutinik, uvalu uniudjutigilugit tamaita qayangnaqtut qanuginiit atanguyamut. Atuqlugit uvagut Takuyaliqiyip Qanugilidjutinut Uniudjutaita Titiraqviit - hivayaqluta.
ITQAUMAYAGHAQ: INUUHIMAAQTA
NUTAAQ HAVAKTITIYUT UNIUDJUTAIT QANUGILIUQTAUYUNIT TITIRQAT

Nutaaq Havaktitiyut Uniudjutait Qanugiliyuqaqat titirqat tadja piinagialaqiyut! Uqagiiqhimayuq kinguliqmi tatiqihiutmi titirqidjutaini haffuma Qayangnaqtunun ikayuutighat, nutaamik havaktaghamik havaktitiyut uniudjutainik havakvikmi qanugilituqaqat. Ikyuutighat, una nutaaq titiraq himautigiyaa pingahut kingungani titirqat: una Qanugilidjut Pidjutauyut Aghut Timimingni Aaniqyuaqtut titiraq;una Qayangnautikkut Qanugilidjut titiraq; uvalu atuqtauyuq Havaktitiyut Uniudjutait Aaniqnikkut titiraq .

Nutaaaq  Havaktitiyut Uniudjutait Qanugilidjutikkut titirgait iliugaqtaaqtut tuyuqlugitlu qagitauyakkut. Uniudjuiguvin haffumingainaq qayangnaqtukkut pidjutaanik, iniqtiqlugu makpiqnia 1ginaq titirqani.

Havaktitiyut tunihiyughat tamaat-iniqtiqhimayuq qanugilidjutikkut uniudjut imaatun  pingahuni havangnaqtuni ublut, uvaluuniin akiliqtitauniaqtut titiraqhimayut uvani  Ayukhaqtitauvaktunut Ihuinaarutinut Maligaini. Ilihimalugu uniudjuqlugit  pidjutiqagumi timimini aaniqpiagumi  uvaluuniin  qayangnaqtumik qanugilidjut, hivayaqtaghatit 24nik-ikaangiqnik Qaugilinikkut Uniudjuivik uvani 1-800-661-0792 qilamik  uvalu  iniqtiqlugu uvalu tuyuqlugit titirqat pingahuni havangnaqtuni ubluni.

Tuyuqlugit titiqqat uvunga:
Piqaguvin utuqanik qagitayaliqiviknik PDFsnik titirqanik tutuquqhimayunik qagitauyaqmi, nutaanguqtidjavatit.

       
ITQAUMALUTIK UNIUDJUTIGILUGIT QAYANGNAQTUT HAVAAT
TAUTUKUVIN, UNIUDJUTIGILUGU.

Auyamungauvalialiqtugut, ilituginiaqtuhi amigaitut havakpaknialiqmiut hilami. Havakviup illuani Munaqhidjutait (IRS) uqaqhimayuq qayangnautit tamangmik inuit munagiyait; uvagut havaagiyavut aaniqtailinikkut tamainun qayangnautiqaqlugitlu. Takuguvin qayangnaqtumik hulidjutinik uvaluuniin qanuginiinik, uvaluuniin havakvikmi qayangnaqtut, uniudjutigilugit.  Takuvit kinamik havaktumik iglup qulaani anuqangitumik?  Uniudjutigilugu. Ilitugiviuk havaktuq qiungiyaiyuq auladjutip alguyaqaqviani havaqatiqangitumik atanguyaitumikluuniin haniani? Uniudjutigilugu.

Kanguhukhimaitumik qayangnaqtumik havaktut quyaginaq paagungni uvaluuniin takuguvin qayangnaqtumik qanuginiqmik nunalaangni.  Ilihimalutit piqaqtugut hiamitilimaitut Uniudjutit Qayangnaqtumik Havaktut qagitauyaliqivik hapkununga  WSCCtkut Uqaqatigiikvighaq. Piyaangani, hamungaulutit  WSCC Connectmun, tikuaqtuutatigut hamungaulutit Occupational Health and Services naunaitkutaanun, naqitlugu una Report Unsafe Work.

Havakuvit, kihimi, puiguguiqlutit havaktiuyutit, hivuliq munagidjutit tautukuvit qayangnaqtumik havakvikmik uniudjutigilugu qanuginiaq atanguyangnun. Attautikkut, ilvit atanguyatlu piyaaqtaghi qayangnautip qanuginia uvalu ihuaqhilimaitpat, aipaa atugahaq uniudjuqlugu hapkunuuna Uniudjuqniq Qayangnaqtumik Havakvik qagitauyaliqivianun.
HAVAKVIIT UMIKHIMAYUT

WSCCtkut Ualunaimi uvalu Inuvikmi havakviit umikhimaniaqtut 5:00 unukpat uvani Aippiutmi, Immaktirvia 20 Nunaqaqaqhimayut Ublua, angmaffaaqlutik uvnai Hitammiutmi, Immaktirvia 22 8:30 ublaami.

Uniudjiniq akhuuqnaqtunik havakvikmi aaniqtut huliyutluuniin, hivayaqlugu 1-800-661-0792.
wscc.nt.ca   /  1.800.661.0792   *   wscc.nu.ca  /  1.877.404.4407