10 Me 2017
  Aktivite Pou Mwa Eritaj Ayisyen
 
Plizyè aktivite pwograme pou selebrasyon Mwa Eritaj Ayisyen (MEA) nan Rejyon Palm Beach la pandan tout mwa a nan plizyè bibliyotèk nan rejyon an, nan lekòl yo ak lòt kote nan kominote a. 

                   PREMYE ENVITASYON
AKTIVITE: Inogirasyon Selebrasyon MEA 
DAT: Samdi 13 me, 2017
LÈ: 2:00 - 3:30 PM
LOKAL: Lantana Branch Library
                 4020 Lantana Road
                 Lake Worth Florida, 33462

Patisipe ak nou nan inogirasyon nouvo Koleksyon Liv Ayisyen nan bibliyotèk Lantana. Apre sa, rankontre ekriven Jessica Fièvre k ap pataje eksperyans li kòm otè. Pou fini, Dayana Dolne ap prezante yon cho dans ak lòt aktivite. Evènman kiltirèl sila a ap prezante nan lang Angle ak Kreyòl. (90 min).

Kat elèv nan klas tèminal ki te nan yon seremoni pou elèv ki ap resevwa onè te jwenn yon gwo sipriz lè yo aprann yo te chwazi yo pou resevwa $2,500 dola bousdetid yo chak, yon koutwazi Fondasyon Pierre Garçon. 

Pierre Garçon, ki se yon jwè foutbòl ameriken nan San Francisco 49ers, ki pa t kapab vin patisipe nan prezantasyon an, te voye yon mesaj videyo depi kote l te ye a nan kan antrènman ekip la pou konplimante elèv yo.

(Li plis toujou)
Nan dat Dimanch 7 me 2017 la, Distri Lekòl Rejyon Palm Beach la prezante premye nan seri konferans sou edikasyon elèv ayisyen. Seri prezantason sa yo ki gen pou fèt nan chak rejyon yo se yon mwayen pou distri a pataje enfòmasyon ak paran epi tout manm kominote a sou sa yo bezwen konnen pou pi byen patisipe nan edikasyon pitit yo. Premye konferans sa a te fèt nan Belle Glade nan legliz First Baptist Church ki te gen koutwazi resevwa estaf nan distri a.
Prepare epi distribiye pa Biwo Kominikasyon ak Angajman
Bito David, Editè
Dwa Otè © 2017. Tout Dwa Rezève.