Distri Lekòl Rejyon Palm Beach

Misyon Distri Lekòl Rejyon Palm Beach la Distri Lekòl Rejyon Palm Beach angaje li pou bay  yon edikasyon global ekselan ak ekite pou ekipe chak etidyan pou atenn maksimòm potansyèl li ak konkou yon estaf byen  prepare pou devlope konesans, ladrès ak etik ki nesesè pou fòme sitwayen responsab ak travayè k ap pwodui. AVRIL 17,  2017

REYINYON POU DYALÒG ANT LIDÈ RELIJYE AYISYEN YO AK ADMINISTRATÈ DISTRI A Nan dat jedi 13 avril 2017 la administratè Distri Lekòl Rejyon Palm Beach te rankontre ak lidè relijye kominote ayisyen an pou yon dyalòg osijè edikasyon elèv ayisyen ak nesesite pou mete men ansanm pou ba yo sipò ak ankadreman pou yo reyisi akademikman lekòl epi pi devan pwofesyonèlman nan travay ak nan lavi yo. (Li plis toujou)

REPOZE ANPÈ ! Yon omaj pou yon ansyen edikatè nan distri lekòl Rejyon Palm Beach la, ELCY ANDRE. Youn nan pyonye ki te premye nan anplwaye distri a kòm ayisyen ki te kòmanse angajman pou sipòte nouvo elèv imigran ayisyen yo, fanmi yo ak kominote a anjeneral. Klike la a pou li omaj la.

MWA ERITAJ AYISYEN Mwa Me se Mwa Eritaj Ayisyen. Se mwa selebrasyon istwa ak kilti pèp ap peyi Ayiti. Se mwa omaj pou kontribisyon pèp ak peyi Ayiti pote nan listwa limanite ak batay li mennen pou libète nan lemond. Mwa Eritaj Ayisyen selebre plizyè kote nan peyi Etazini kote genyen yo popilasyon ayisyen ki enpòtan. Klike la a pou ale sou paj enfòmasyon pou aktivite pou selebre mwa eritaj ayisyen an nan Rejyon Palm Beach la.

PHOTO SEMÈN NAN Manm Komisyon Gouvènman Rejyon Palm Beach la, MACK BERNARD, vizite lekòl Intensive Transition South pou pale ak elèv yo osijè reyisit, karyè ak akonplisman pèsonèl pou motive yo travay di pou jwenn siksè nan lavi sou envitasyon direktè a, mesye Reginald Jeudy. Mack Bernard ki se premye komisyonè nwa pou Rejyon Palm Beach la te eksplike elèv yo kijan li fè rive nan pozisyon sa a ak kijan anjeneral yon moun vin komisyonè.

VIZIT SIPRIZ DE PREMYE DAM NAN BAK  Vandredi 7 avril la, de premye dam, Melania Trump pou Etazini, ak Peng Liyuan pou Chin, fè yon vizit sipriz nan lekòl Bak Middle School of the Arts. Elèv yo pataje eksperyans yon nan yon atik yo ekri ak yon videyo ki genyen yon entèvyou ak madan Trump.

GADE CHO KREYÒL DISTRI LEKÒL REJYON PALM BEACH LA “Fowòm Edikasyon Kominotè” Kanal Televisyon Rezo Edikasyon Distri a ap prezante regilyèman emisyon kreyòl sou edikasyon pou kominote ayisyen an ki rele “Fowòm Edikasyon Kominotè”. Gade emisyon an pou jwenn dènye enfòmasyon sou pwogram, aktivite ak opòtinite yo ofri nan lekòl yo ke pitit ou kapab benefisye. Cho a pase chak jou a 6:30 epi 11:30 nan maten, ak 10:30 nan aswè sou kanal T.E.N., Comcast 234 ak ATT Uverse 99. Ou kapab wè dènye pwogram yo sou entènèt sou paj kreyòl distri a www.palmbeachschools.org/creole.

Sonje vizite paj entènèt kreyòl distri a. Bay opinyon w sou sa nou ta dwe pibliye ladan l.

Prepare epi distribiye pa Biwo Kominikasyon ak Angajman Bito David, Editè bito.david@palmbeachschools.org|  561-963-3820  Dwa Otè © 2017. Tout Dwa Rezève.