Distri Lekòl Rejyon Palm Beach

Madi 24 Oktòb 2017

Distri a ap Kolabore ak “ Palm Beach County Cares” pou Pote Èd Bay Porto Rico ak U.S. Virgin Islands Distri Lekòl Rejyon Palm Beach ap rejwenn yon gwoup òganizasyon kominotè, otorite ki eli yo, ak lidè biznis yo ki ap kolabore pou pote sipò bay viktim siklòn nan Porto Rico ak nan U.S. Virgin Islands. “Palm Beach County Cares” , konsa yo rele gwoup la, ap distribiye yon lis ofisyèl gouvènè Porto Rico a bay pou mande moun ki ap kontribiye pou bay sèlman lajan oswa atik yo mansyone yo. Se United Way nan Palm Beach County ki ap jere kontribisyon yo. (Li plis)

Piblik la Envite pou Vin Revize Materyèl pou Ansèyman ki Rekòmande pou Distri a Adopte pou Syans K-12 Depatman Materyèl pou Ansèyman ap bay piblik la opòtinite pou vin gade tout pwogram komite adopsyon an chwazi pouk kou Syans K-12 pou ane 2018-2019 la. Ou kapab gen aksè a materyèl sa yo sou entènèt oswa jwenn yon kopi nan Sant Sipò Distri a ki nan 1400 N. Florida Mango Road, nan West Palm Beach. Pou w jwenn aksè dijital voye yon rekèt pa imel bay tina.sparks@palmbeachschools.org .  Klike la a  pou jwenn yon lis kou ak pwogram yo konsidere yo.  (Li plis)

Reyinyon Enfòmasyon pou Paran Elèv ki nan Pwogram Edikasyon Espesyal yo (ESE) Nou envite paran elèv lekòl mwayen ak segondè ki nan Pwogram Edikasyon Espesyal yo nan Reyinyon Enfòmasyon ki ap fèt samdi 11 novanm soti 8:30 pou 11:30 nan maten nan biwo santral distri a ki nan nimewo 3300 Forest Hill Boulevard, West Palm Beach. Reyinyon sa a gratis pou paran elèv lekòl mwayen ak segondè ki nan pwogram ESE. N ap genyen opòtinite jwenn enfòmasyon ki enpòtan nan men prezantatè envite yo sou tranzisyon apre lekòl. Reyinyon sa a se pou tout fanmi nan Rejyon Palm Beach la ki genyen yon timoun andikape ki nan lekòl mwayen oswa segondè. Li pa janm twò bonè pou kòmanse planifye.  Pou enskri pou patisipe tanpri rele 561-434-8393 oswa vizite paj entènèt www.palmbeachschools.org/ese .

Sonje vizite paj entènèt kreyòl distri a. Bay opinyon w sou sa nou ta dwe pibliye ladan l.

Prepare epi distribiye pa Biwo Kominikasyon ak Angajman pou enfòmasyon kontakte  bito.david@palmbeachschools.org|  561-963-3820  Dwa Otè © 2017. Tout Dwa Rezève.