Distri Lekòl Rejyon Palm Beach

Madi 13 Fevriye 2018

Dezyèm Akademi Sitwayen Ayisyen an te yon Gwo Siksè Dezyèm Akademi Sitwayen Ayisyen an te yon gwo siksè. Madi 6 fevriye 2018, yon trantèn lidè kominotè, soti plizyè kote nan Palm Beach, Broward ak Dade, te vin tande enfòmasyon ki gen rapò ak sistèm edikasyon nan rejyon Palm Beach la pou kapab pi byen defann koze edikasyon timoun ayisyen nan kominote a. Klike la pou yon ti videyo tou kout. Klike la a pou yon albòm foto.

Google Teste Teknoloji Reyalite Ogmante nan Lekòl Mwayen Woodlands Jeyan nan domèn teknolojik la Google te vizite lekòl mwayen Woodlands nan yon efò pou kolekte opinyon sou nouvo teknoloji Reyalite Ogmante (AR) ke y ap devlope aktyèlman an sou non Google Expeditions . Anpil elèv te genyen opòtinite pou di sa yo panse osijè pwogram sa a. Elèv nan pwogram medikal la te genyen chans wè yon ren nan twa dimansyon, sa ki te fè yo kapab obsève ògàn sa a sou tout ang li. Elèv matematik yo te fè eksperyans vityèl nan analiz pwobablite. Google pwojte lanse pwogram sa a avan ane lekòl la fini. Gade videyo a an anglè sou lyen sa a.

Elèv nan Lekòl Mwayen Jupiter Resevwa Elèv ki Soti Peyi Chin Trant kat elèv soti Beijing pase yon jou nan lekòl segondè Jupiter pou vizite, pèfòme epi amize yo pandan y ap aprann osijè pwogram ak opòtinite akademik ki disponib nan lekòl la. Objektif pwogram echanj kiltirèl sa a se pou kreye kolaborasyon ant elèv yo pou yo pataje pèsepsyon yo ak konesans yo yon fason pou ede yo devlope konpetans yo nan ekonomi global la.   Se yon echanj ki ap benefisye toude gwoup elèv yo ki ap rive aprann youn nan men lòt pandan y ap fè echanj kilti ak konesans. Gade videyo a an anglè sou lyen sa a.

Telechaje Nouvo Ap Distri a Telechaje nouvo Ap distri a sou telefòn pòtab ou, ak Ap sa a w ap jwenn enfòmasyon sou kesyon ou genyen osijè aktivite lekòl, transpòtasyon, espò, enfòmasyon sou distri a, meni manje lekòl, elatriye.

Sonje vizite paj entènèt kreyòl distri a. Bay opinyon w sou sa nou ta dwe pibliye ladan l.

Prepare epi distribiye pa Biwo Kominikasyon ak Angajman pou enfòmasyon kontakte  bito.david@palmbeachschools.org|  561-963-3820  Dwa Otè © 2017. Tout Dwa Rezève.