Distri Lekòl Rejyon Palm Beach

Madi 28 Novanm 2017

‌ Remèsye yon pwofesè pandan semèn aksyondegras la. Lekòl ap fèmen 20-24 novanm 2017.

Elèv Lekòl Segondè Atlantik Nonmen Finalis Pou Prim Nasyonal Wendy’s High School Heisman Jackson Destine se yon egzanp detèminasyon. Li ap viv nan yon katye defavorize nan Delray Beach, men li vle kontinye edikasyon l apre lekòl segondè. Pwoblèm nan se jwenn fason pou l peye pou kolèj. “Paran m di m yo pa gen lajan pou peye pou kolèj pou mwen. Yo di yo pa konnen kijan mwen pra l jwenn lajan pou peye pou kolèj jan m di m vle a. Se mwen ki ap oblije degaje m,” Destine deklare.   (Li plis)

Mwa Novanm Se Mwa Patisipasyon Paran Nan Edikasyon Pitit yo Mwa Novanm se mwa yo selebre wòl enpòtan patisipasyon paran ak lafanmi jwe nan siksè akademik pitit yo. Inisyativ sa a pran nan tout eta Florid la pou ankouraje paran yo patisipe plis. Rechèch montre ke patisipasyon paran se youn nan faktè ki pi enpòtan nan reyisit akademik timoun. Patisipe! Vin yon volontè! Ale nan reyinyon ak pwofesè! Ankadre pitit ou! (Li plis)

Aplike Pou Pwogram Ochwa ak Akademi Karyè Dat limit pou aplike pou pwogram ochwa ak akademi pou karyè yo se Premye desanm 2017 pou Bak Middle School of the Arts, The Conservatory School, Boynton Beach High School, ak A. W. Dreyfoos Jr. School of the Arts. Pou tout lòt pwogram yo dat limit la se 26 janvye 2018. Pou plis enfòmasyon rele Biwo Kominikasyon an nan  (561) 357-1114 .

Telechaje Nouvo Ap Distri a Telechaje nouvo Ap distri a sou telefòn pòtab ou, ak Ap sa a w ap jwenn enfòmasyon sou kesyon ou genyen osijè aktivite lekòl, transpòtasyon, espò, enfòmasyon sou distri a, meni manje lekòl, elatriye.

Sonje vizite paj entènèt kreyòl distri a. Bay opinyon w sou sa nou ta dwe pibliye ladan l.

Prepare epi distribiye pa Biwo Kominikasyon ak Angajman pou enfòmasyon kontakte  bito.david@palmbeachschools.org|  561-963-3820  Dwa Otè © 2017. Tout Dwa Rezève.